Anudeep

వ్యాక్సినేషన్ పూర్తి అయిన తరువాత మనకు ఇచ్చే సర్టిఫికెట్ లను సోషల్ మీడియా లో పోస్ట్ చేయకూడదంటూ ప్రభుత్వం సూచిస్తోంది. ఎందుకంటే.. వ్యాక్సినేషన్ సర్టిఫికెట్ లలో మన పర్సనల్ డీటెయిల్స్ కూడా ఉంటాయి. ఈ డీటెయిల్స్ ను పబ్లిక్ గా సోషల్ మీడియా లో పెట్టడం అంత శ్రేయస్కరం కాదని ప్రభుత్వం సూచిస్తోంది.

వాస్తవానికి, వ్యాక్సినేషన్ పూర్తి అయ్యాక అందరికి చెప్పుకోవడం మంచిదే.. ఎందుకంటే అది మరికొంత మందికి స్ఫూర్తిదాయకం గా నిలుస్తుంది. కానీ.. సర్టిఫికెట్ పోస్ట్ చేయడం వలన మన పర్సనల్ డీటెయిల్స్ పై ఇతరుల దృష్టి పడే అవకాశం ఉంటుంది. అందుకే ఇటువంటి విషయాలలో జాగ్రత్త తప్పనిసరి. హోం వ్యవహారాల మంత్రిత్వ శాఖ (ఎంహెచ్‌ఏ) తన సైబర్-భద్రత మరియు సైబర్‌ సెక్యూరిటీ అవగాహన కు సంబంధించి ట్విట్టర్ లో ఓ పోస్ట్ ను షేర్ చేసింది.. వ్యాక్సినేషన్ సర్టిఫికెట్ ను సోషల్ మీడియా లో పంచుకునే విషయమై జాగ్రత్త పాటించాలని కోరింది.

Beware of sharing #vaccination certificate on social media: pic.twitter.com/Tt9vJZj2YK

— Cyber Dost (@Cyberdost) May 25, 2021

సాధారణం గా పదేళ్ల వయసులోపు పిల్లలకు క్యూరియాసిటీ ఎక్కువ ఉంటుంది. కొంత ఊహ తెలుస్తూ ఉండడం.. ఇంకా విషయాలు తెలుసుకోవాలన్న ఆరాటం వీరిని ఆకతాయి పనులు చేసేలా ప్రోత్సహిస్తూ ఉంటుంది. కొన్నిసార్లు ఇది ప్రాణాలమీదకు కూడా తీసుకొస్తూ ఉంటుంది. అయితే.. ఇలాంటి ఆకతాయి పని చేసిన చైనా లోని ఓ కుర్రాడు తన ప్రాణం మీదకు తెచ్చుకున్నాడు.

న్యూస్ 18 కధనం ప్రకారం, చైనా కు చెందిన జియావో హి (అసలు పేరు కాదు) అనే పదమూడేళ్ల కుర్రాడు మూత్రం ఎక్కడ నుంచి వస్తోందో తెలుసుకోవాలనుకున్నాడు. ఈ క్రమం లో పురుషాంగం లోకి లోహపు తీగను పంపించి ట్రాక్ చేద్దామని అనుకున్నాడట. అందుకోసం ఓ పొడవాటి వైరు ను తెచ్చుకుని తనపైనే ప్రయోగం చేసుకున్నాడు. ఆ వైరుని పురుషాంగం లోపలకి పంపించే ప్రయత్నం చేసాడు.

అయితే.. ఈ ప్రయత్నం లో ఆ వైరు లోపలే ఇరుక్కుపోయింది. దీనితో ఏమి చేయాలో తెలియక కంగారు పడ్డాడు. వైరు బయటకు రాకపోయినా అతను ఆ విషయం ఎవరికీ చెప్పలేదు. అయితే గత నెలలో అతని మూత్రం నుంచి రక్తం వస్తోందని గమనించిన తల్లితండ్రులు అతడిని ఆసుపత్రికి తీసుకెళ్లారు. దక్షిణ చైనా డాంగ్‌గువాన్‌ ప్రాంతంలో సాంగ్‌షాన్ లేక్ సెంట్రల్ హాస్పిటల్‌ లో వైద్యులు ఆ బాలుడికి శస్త్ర చికిత్స చేసి సిస్టోస్కోప్ అనే పరికరం ద్వారా ఆ పొడవాటి వైరుని తొలగించారు. గంట సేపు ఆపరేషన్ చేస్తూనే ఉన్నారట. ఈ వైరు దాదాపు 70 సెంటీమీటర్ల పొడవు ఉందట. ఆ బాలుడు దాదాపు 3 నెలలు గా ఆ వైర్ గురించి ఎవరికీ చెప్పలేదట.

కరోనా మహమ్మారి ఎంతగా వ్యాప్తి చెందుతోందో తెలుస్తూనే ఉంది. పలువురికి ఆసుపత్రుల్లో బెడ్స్ కూడా దొరకడం లేదు. ఈ పరిస్థితిలో బెడ్ దొరికే దాకా బయటే నిలబడాల్సిన పరిస్థితి చాలా కోవిడ్ కేర్ సెంటర్ల దగ్గర కనిపిస్తోంది. ఈ క్రమం లో కర్ణాటకలోని దావంగెరె జిల్లాలోని న్యామతి కోవిడ్ కేర్ సెంటర్‌లో ప్రస్తుతం 180 మంది కోవిడ్ పాజిటివ్ రోగులు చికిత్స పొందుతున్నారు. ఈ కేర్ సెంటర్ బయట కూడా పలువురు రోగులు చికిత్స కోసం ఎదురు చూస్తున్నారు.

వీరిలో ఆత్మస్థైర్యం నింపడం కోసం హోన్నాలి ఎమ్మెల్యే రేణుకాచార్య మరియు అతని భార్య సుమా రేణుకాచార్య వారితో కలిసి కోవిడ్ కేర్ సెంటర్ వెలుపల డాన్స్ చేసారు. ఇందుకు సంబంధించిన వీడియో సోషల్ మీడియా లో వైరల్ అవుతోంది. ఈ జంట కొన్ని కన్నడ హిట్స్ ప్లే చేస్తూ రోగులతో కలిసి డాన్స్ చేసారు.

ప్రస్తుతం ఎక్కడ చూసినా ఆనందయ్య ఆయుర్వేద వైద్యం గురించే చర్చ జరుగుతోంది. నెల్లూరు కృష్ణ పట్నం వద్ద గత కొన్ని రోజులుగా ఆనందయ్య అనే వ్యక్తి తన తాతలకాలం నుంచి నేర్చుకున్న మందుని అందరికి ఉచితం గా అందిస్తున్న సంగతి తెలిసిందే. అయితే.. ఆయనలానే మరికొందరు కూడా ఈ వైద్యం తెలిసిన వారు ముందుకు వస్తున్నారు. రాజమండ్రి లో కూడా ఓ వ్యక్తి ఇలానే వైద్యం చేస్తున్నారు.

తాజాగా.. తెలంగాణ లో మంచిర్యాల జిల్లా మందమర్రి మండలానికి చెందిన సింగరేణి రిటైర్డ్ కార్మికుడు బచ్చలి భీమయ్య కూడా ఆయుర్వేదం మందుని ఇస్తున్నారు. ఈయన కూడా ఆనందయ్య లానే ఉచితం గా మందును ఇస్తూ కరోనా రోగులలో భరోసా కల్పిస్తున్నారు. గతం లో కూడా ఇరవై ఏళ్లుగా భీమయ్య ఆదివారం రోజుల్లో చుట్టూ పక్కల వారికి తనకు తెలిసిన ఆయుర్వేద వైద్యం చేసేవారు. ప్రస్తుతం కూడా అందరికి ఉచితం గా మందు ఇస్తుండడం తో.. ఆ నోటా ఈ నోటా పడి భీమయ్య కు సోషల్ మీడియా లో కూడా మద్దతు లభించింది. ఈ క్రమం లో బచ్చలి భీమయ్య ను పోలీసులు అదుపులోకి తీసుకుని అనుమతులు లేకుండా ఇలా మందు పంపిణి చేయకూడదంటూ పంపిణి ని నిలిపివేశారు.. అయితే స్థానికులు మాత్రం మందు పంపిణి కి అనుమతి ఇవ్వాలంటూ కోరుతున్నారు. ప్రభుత్వం అనుమతిస్తే తానూ పంపిణి చేస్తానని ఆనందయ్య చెబుతున్నాడు.

Note: Image used is for reference purposes only.

లాటరీ పై చాలామందికి నమ్మకం ఉంటుంది. ఒక్కసారి కూడా లాటరీ రాకపోతే నిరాశ వస్తూనే ఉంటుంది. అయితే.. లీ రోజ్‌ ఫిగా అనే మహిళ ‘లక్కీ స్టాప్‌’ పేరుతొ ఉన్న ఓ షాప్ లో లాటరి కొనుగోలు చేసింది. ఆ షాప్ ను ఓ భారతీయ కుటుంబం నిర్వహిస్తోంది. అయితే.. ఆమె ఎప్పటిలానే లాటరీ టికెట్ కొనుగోలు చేసింది. ఐతే.. ఆ టికెట్ ను స్క్రాచ్ చేసి పరధ్యానం గా చూసింది. ఆమె పూర్తి గా స్క్రాచ్ చేయకుండా.. తనకు తగల్లేదు అనుకుని ఆ టికెట్ ను చెత్తబుట్టలో పడేసింది.

ఆ తరువాత అక్కడనుంచి వెళ్ళిపోయింది. పదిరోజులు ఆ టికెట్ చెత్తబుట్టలోనే ఉంది. అయితే ఆ షాప్ ఓనర్ యజమాని కుమారుడు అభి షా ఆ టికెట్ ను చూసాడు. పూర్తి గా స్క్రాచ్ చేసి చూడగా.. ఆ టికెట్ కు లాటరీ వచ్చిందని తెలుసుకున్నాడు. తనకు లాటరీ సొంతమైందని అభి సంతోషించాడు. అతని తండ్రికి, నయనమ్మలకు కూడా తెలిపాడు. అయితే.. వారు మాత్రం ఆ సొమ్ము తీసుకోవద్దని.. టికెట్ కొన్నవారికే ఇవ్వాలని సూచించారు. దీనితో.. లీ రోజ్‌ ఫిగాకు ఈ విషయం చెప్పారు. ఆమె మొదట షాక్ అయింది. తరువాత ఏడ్చేసింది. ఆ తరువాత టికెట్ తీసుకుని లాటరీ ని పొందింది. ఈ భారతీయ ఫ్యామిలీని పలువురు ప్రశంసిస్తున్నారు. టివి ఛానెల్స్ సైతం వారిని ఇంటర్వ్యూ చేస్తున్నాయి.

ఇటీవల టెక్స్ట్ మెసేజ్ లు పెట్టి ఓ మహిళ ఫీలింగ్స్ ను హర్ట్ చేసినందుకు గాను యుఎఈ కోర్టు ఆ అబ్బాయి ఇరవైవేల డాలర్లు (3.5 లక్షలు) పరిహారం గా చెల్లించాలని ఆదేశించింది. సదరు వ్యక్తి పంపిన సందేశాలను చూపి.. తనకు లక్ష డాలర్లు పరిహారం ఇప్పించాలంటూ కోర్టు లో కేసు వేసింది. ఈ కేసు విచారణ పూర్తి అయ్యాక.. ఆ అమ్మాయికి ఇరవై వేల డాలర్ల పరిహారం ఇవ్వాల్సింది గా కోర్టు ఆదేశించింది.

సదరు అబ్బాయి ఆ మహిళకి చాలా మంది పురుషులతో సంబంధం ఉందంటూ మెస్సేజ్ లు పంపాడు. అంతే కాదు అతనిని వలలో వేసుకోవడానికి ఆమె తన ఫోటోలను పంపేదని కూడా ఆరోపించాడు. దీనితో.. ఆమె హర్ట్ అయి కోర్టులో కేసు వేసింది. ఈ విచారణ సమయం లో అతను ఎవరికీ మెసేజ్ చేసాడు.. ఆ వ్యక్తి తనకు మెసేజ్ చేసాడని.. ఇది తాను అవమానం గా భావిస్తున్నట్లు పేర్కొంది. తనకు జరిగిన నష్టానికి పరిహారం ఇప్పించాలని కోరింది. ఈ కేసు విచారించాక కోర్టు పై విధం గా తీర్పునిచ్చింది.