Anudeep

ఎన్నో సీరియల్స్ లో నటించి మంచి గుర్తింపు తెచ్చుకున్న కేరళ నటి శరణ్య. తెలుగు లోనే కాదు.. మలయాళం లోను, తమిళ్ లోను ఆమె పలు సీరియల్స్ లో నటించింది. మలయాళం సీరియల్ లో తన నటనకు గాను ఆమె అవార్డు కూడా అందుకుంది. ప్రస్తుతం ఈమె చావు బతుకుల మధ్య పోరాటం చేస్తోంది.

నటిగా ఓ వెలుగు వెలుగుతున్న రోజుల్లోనే ఆమెకు బ్రెయిన్ ట్యూమర్ వ్యాధి వచ్చింది. అప్పటి నుంచి ఆమె చికిత్స తీసుకుంటూనే ఉంది. ఇప్పటికీ ఆమె ఆరోగ్యం కుదుటపడలేదు. ఇప్పటికే ఆమెకు 11 సార్లు సర్జరీలు జరిగాయి. ఆమెకు వెన్నెముక నుంచి ఆ వ్యాధి మిగిలిన అవయవాలకు కూడా వ్యాపిస్తోంది వైద్యులు చెబుతున్నారు. ఇప్పుడిప్పుడే కోలుకుంటోందనుకుంటున్న తరుణం లో ఆమె సోదరుడికి, తల్లికి కరోనా పాజిటివ్ రావడం తో ఆమెను చూసుకునేవారు లేక ఇబ్బంది పడుతున్నారు. ఆమె గురించిన విషయాలను మరో నటి సీమా నాయర్ తన యూట్యూబ్ ఛానెల్ ద్వారా పంచుకున్నారు.

విమానం లో టికెట్లు కొనాలంటే చాలా ఖరీదు. అదే ఫ్లైట్ మొత్తం మనం ఒక్కళ్ళమే బుక్ చేసుకోవాలి అంటే ఆస్తులు అమ్ముకోవాల్సిందే. కానీ ఓ వ్యక్తి మాత్రం కేవలము 18 వేలకే ముంబై నుంచి దుబాయ్ కి 360 సీటింగ్ సామర్ధ్యం ఉన్న బోయింగ్ ఫ్లైట్ లో ప్రయాణించాడు. అది ఎలానో తెలుసా..? సాధారణ ఎకానమీ టికెట్ కొనుగోలు చేయడం ద్వారా. కాకపోతే అతనికి లక్ కలిసి వచ్చింది.

మే 19 న ఈ ఘటన జరిగింది. భవేశ్‌ జవేరి దుబాయ్ లో రెండేళ్లు గా ఉంటున్నారు. ప్రస్తుతం కరోనా ఆంక్షల కారణం గా దుబాయ్ పౌరులు, యూఏఈ గోల్డెన్‌ వీసా ఉన్నవారు, దౌత్యవేత్తలకు తప్ప ఎవరికీ దుబాయ్ లోకి అనుమతి లేదు. ఈ క్రమం లో జవేరి ముంబై నుంచి దుబాయ్ కి వెళ్లాలనుకున్నారు. టికెట్ పై తేదీ వేరే ఉన్న కారణం గా వారు ఫ్లైట్ లోకి అనుమతించలేదు. దీనితో ఆ వ్యక్తి దుబాయ్ ఎమిరేట్స్ కు కాల్ చేసాడు. వారు..”ఈరోజు ఫ్లైట్ లో ప్రయాణించేది తానొక్కడే అని.. తనకోసమే ఎదురు చూస్తున్నామని..” చెప్పడం తో జవేరి షాక్ అయ్యాడు. అలా.. జవేరి కి ఫ్లైట్ లో ఒక్కడే ప్రయాణించే ఛాన్స్ దొరికింది.

బుధవారం నుంచి ప్రభుత్వం విధించిన రూల్స్ అమలు లోకి వచ్చిన సంగతి తెలిసిందే. ఈ క్రమం లో ఈ నిబంధనలను సడలించాలని కోరుతూ భారత ప్రభుత్వం పై వాట్సాప్ ఢిల్లీ హై కోర్ట్ లో పిటిషన్ వేసింది. సోషల్ మీడియా ప్లాట్ ఫామ్ లు సమాచారం అందించడానికి తోలి వేదికగా ఉన్నాయని.. ఈ క్రమం లో ఈ నిబంధనలు విధించడమనేది గోప్యతా హక్కుల ఉల్లంఘన కిందకి వస్తుందని తెలియచెప్పాల్సింది గా వాట్సాప్ హై కోర్ట్ ను కోరినట్లు రాయిటర్స్ పేర్కొంది.

కేవలం కొన్ని కేసుల విషయమై సమాచారాన్ని ఛేదించడానికి వాట్సాప్ అవసరం ఉంటుంది. మిగిలిన విషయాలలో వినియోగదారుల భద్రతకు ముప్పు వాటిల్లదు. ఎందుకంటే.. సెండింగ్ లేదా రిసీవ్డ్ మెస్సేజెస్ అన్ని ఎండ్ టు ఎండ్ ఎన్క్రిప్షన్ ను కలిగి ఉంటాయి. వాట్సాప్ కు భారత్ లో 400 మిలియన్ల యూజర్స్ ఉన్నారు. అయితే.. వాట్సాప్ ఢిల్లీ హై కోర్ట్ ను ఆశ్రయించినట్లు రాయిటర్స్ నిర్ధారించలేదు.

పెళ్లి అయిన తరువాత సొంత కుటుంబం లో వచ్చే అసంతృప్తి కి దారి తీసే పరిస్థితులు ఒక్కోసారి ఇబ్బందికరం గా ఉంటాయి. ఇలాంటి పరిస్థితుల్లోనే అక్రమ సంబంధాలు ఏర్పడడానికి ఆస్కారం ఉంటుంది. తాజాగా, వనపర్తి జిల్లా కు చెందిన ఓ మహిళ తన భర్త, పిల్లలను వదిలేసి ప్రియుడితో కలిసి జీవించాలని కోరుకుంది. ఇంతకీ అసలేమీ జరిగిందో చూద్దాం.

వనపర్తి జిల్లాలో అమరచింత కు చెందిన సుజాత కు ఆల్రెడీ పెళ్లి అయింది. ఆమెకు ఏడేళ్ల కూతురు, పదేళ్ల వయసున్న కొడుకు ఉన్నారు. అయితే వారు నివసిస్తున్న కాలనీ లోనే నివాసం ఉంటున్న రాకేష్ అనే వ్యక్తి తో సుజాత కు పరిచయం అయింది.ఆ పరిచయం కాస్త ప్రేమ గా మారింది. ఈ క్రమం లో వారిద్దరూ కలిసి జీవించాలనుకున్నారు. ఈ మోజులోనే ఉన్న సుజాత కూడా భర్తని, పిల్లలని వదిలేసి.. దాదాపు నెల క్రితమే రాకేష్ తో కాపురం పెట్టుకుంది.

వారిద్దరూ భార్యాభర్తలమని చెప్పుకుంటూ వరంగల్ లో కాపురం ఉంటున్నారు. ఈ క్రమం లో ఇరు కుటుంబాల తల్లి తండ్రులు వారికోసం వెతికారు. చివరకు వరంగల్ లో ఉన్నట్లు తెలుసుకున్నారు. రాకేష్ కుటుంబ సభ్యులు ఈ నెల 21 న వరంగల్ కు వెళ్లి వారిద్దరిని ఒప్పించి అమరచింత కు తీసుకొచ్చారు. సుజాత ను భర్త వద్ద దింపేసి.. వెళ్లిపోయారు. ఆ తరువాత, సుజాత అమరచింత పోలీస్ స్టేషన్ కు వచ్చి.. తాను రాకేష్ తోనే ఉంటానని.. రాకేష్ ను ఎక్కడో తెలియకుండా బంధించారని, ఫోన్ కూడా ఇవ్వలేదు అని స్టేషన్ లో కేసు పెట్టింది. సుజాత ఫిర్యాదు మేరకు పోలీసులు కేసు ఫైల్ చేసారు.

హెచ్‌ఎమ్‌డబ్ల్యుఎస్ & ఎస్‌బి మే 27 ఉదయం 6 గంటల నుండి మే 28 సాయంత్రం 6 గంటల వరకు నీటి సరఫరా ను షట్ డౌన్ చేయాలని భావిస్తోంది. అందువలన రేపు హైదరాబాద్ లో పలు చోట్ల నీటి సరఫరా ఉండకపోవచ్చు.

గంగారాం, దీప్తీశ్రీ నగర్, కెఎస్ఆర్ ఎన్క్లేవ్, అపర్ణ హిల్స్, అధర్ష్ నగర్, శాంతి నగర్, మియాపూర్, మైత్రినగర్, మదీనాగూడ, ఉషోదయా నగర్, వైశాలి నగర్, రామ్ కృష్ణ నగర్, సాయి రామ్ కాలనీ, మియాపూర్ ఎక్స్-రోడ్లు, మాతృశ్రీ నగర్, రాజారాం కాలనీ, అంబేద్కర్ నగర్, జనప్రియ ఫేజ్ -1 మరియు 2, మియాపూర్ విలేజ్, మాధవ్ నగర్, భాను టౌన్ షిప్, నంది కోఆపరేటివ్ సొసైటీ, హుడా మయూర్ ఓ అండ్ ఎం డివిజన్ అండర్ ఓ &ఎం డివిజన్15, అడ్డ గుట్ట, వసంత్ నగర్, నిజాం పెట్ మెయిన్ రోడ్, కేపీహెచ్ బి కాలనీ, రామ్ నరేష్ నగర్ అండర్ ఓ & ఎం డివిజన్ 9, బొల్లారం మున్సిపాలిటీ, ఐలాపూర్ విలేజ్, గాంధీ గూడం, సుల్తాన్ పూర్, పటేల్ గూడా విలేజ్ అండర్ ఓ & ఎం డివిజన్ 32, కిష్టారెడ్డి పేట్ లలో వాటర్ సరఫరా కు అంతరాయం కలగవచ్చు. ఎర్రగడ్డ, సంజీవ రెడ్డి నగర్ ఓ & ఎం డివిజన్ 6 లకు తక్కువ నీరు వచ్చే అవకాశం ఉంది.