Anudeep

సినిమా ఇండస్ట్రీ లో టాలెంట్ కు కొదవ ఉండదు. చిన్న వయసు లో ఉన్న చైల్డ్ ఆర్టిస్ట్స్ నుంచి.. అందరు తమ తమ టాలెంట్ ను చూపించుకునే అవకాశం ఉంటుంది.

అయితే, చిన్న వయసులో కూడా అద్భుతం గా నటిస్తూ ఆల్రెడీ ఇండస్ట్రీ లో సెలెబ్రిటీలుగా ఉన్న పేరెంట్స్ కి కొందరు చైల్డ్ ఆర్టిస్ట్ లు గర్వ కారణం గా ఉంటారు. అలాంటి ఆర్టిస్ట్స్ లో “కీర్తన” ఒకరు.

తమిళ స్టార్ నటుడు మాధవన్ సినిమా “అమృత” లో నటించిన కీర్తన అనే ఈ చిన్నారి గుర్తుందా..? ఈ పాప ఎవరో కాదు.. తమిళ స్టార్ హీరో “ప్రతిభన్” కూతురు. ఈమె చిన్న వయసు లోనే “అమృత ” సినిమా లో నటించి టాలెంట్ ను ప్రూవ్ చేసుకుంది. “అమృత” సినిమాకి మణిరత్నం దర్శకత్వం వహించాడు. తాజాగా కీర్తన మళ్ళీ సినీ ఇండస్ట్రీ కి రాబోతోంది. తానూ నటించిన సినిమా దర్శకుడు మణిరత్నం వద్దనే ఆమె అసిస్టెంట్ డైరెక్టర్ గా పనిచేయనుంది.

మణిరత్నం కార్తీ, దుల్కర్ సల్మాన్ లతో సినిమా చేయాలనుకుంటున్న సంగతి తెలిసిందే. ఈ సినిమా కి కీర్తన అసిస్టెంట్ డైరెక్టర్ గా పరిచయం కాబోతోంది. మణిరత్నం గురించి మనకు తెలిసినదే. ఎంతో లక్ ఉంటె తప్ప ఆయన దగ్గర పని చేసే అవకాశం రాదు. ఈ చిన్నది అలాంటి అవకాశాన్ని కొట్టేసింది. ప్రస్తుతం కీర్తన ఈ సినిమాలో నటుల కోసం ఆడిషన్స్ నిర్వహిస్తోంది.శృతి హాసన్, నయనతార లు ఈ సినిమాలో హీరోయిన్లు గా నటిస్తున్నారు. ప్రస్తుతం ప్రీ ప్రొడక్షన్ పనులు చేసుకుంటున్న ఈ సినిమా డిసెంబర్ లో సెట్స్ పైకి వెళ్లే ఛాన్స్ ఉందని తెలుస్తోంది.

సుకుమార్ దర్శకత్వంలో అల్లు అర్జున్, రష్మిక జంటగా వచ్చిన పాన్ ఇండియన్ సినిమా ‘పుష్ప’ ఎంత పెద్ద విజయం సాధించిందో అందరికి తెలిసిందే. అల్లు అర్జున్ సినిమా తెలుగు, మలయాళంలోనే హిట్ అవుతుందనుకుంటే, మొత్తం దేశాన్నే షేక్‌ చేసింది ఈ సినిమా. ఇక రెండో పార్ట్ ‘పుష్ప ది రూల్ ’ను ప్రపంచవ్యాప్తంగా భారీ లెవల్లో రిలీజ్ చేయడానికి ప్లాన్ చేస్తున్నారు మేకర్స్.

‘పుష్ప ది రూల్’ కోసం అందరు ఆతృతగా ఎదురు చూస్తున్నారు. ఈ మూవీ నుంచి వచ్చే అప్డేట్స్ కోసం ఫాన్స్ ఎంతో కాలం గా ఎదురు చూస్తున్నారు. దీంతో పలు ఫేక్ వార్తలు బయటకు వస్తున్నాయి. అయితే తాజాగా పుష్ప 2 నుంచి ఒక అప్డేట్ వైరల్ గా మారింది. పార్ట్ 1 లో పుష్పరాజ్ ప్రేయసిగా కనిపించి, చివరిలో పెళ్లి చేసుకుంటుంది శ్రీవల్లి. అయితే రెండో పార్ట్ లో శ్రీవల్లి పాత్ర చనిపోనుందని అంటూ ఒక ఫోటో వైరల్ గా మారింది.

దీంతో అందరు ఈ పుకారుని నమ్మేశారు. శ్రీవల్లిగా అలరించిన రష్మిక మందన్న పాత్ర మధ్యలోనే చనిపోతుంది అని తెలిసి ఫ్యాన్స్ హార్ట్ అవుతున్నారు. అయితే వైరల్ గా మారిన ఆ ఫోటో పుష్ప 2 లోది కాదని తెలుస్తోంది. అసలు ఆ ఫోటో లో ఉన్నది రష్మిక నే కాదని సమాచారం. ఇది 2022లో విడుదలైన మరాఠీ చిత్రం ‘నయ్ వరణ్ భట్ లోంచా కోన్ నాయ్ కొంచ’ నుండి వచ్చింది.

ఇది ప్రస్తుతం యూట్యూబ్ లో అందుబాటులో ఉంది. ఇందులో రష్మిక అని అందరూ అనుకుంటున్న నటి పేరు ఇషా దివేకర్. వైరల్ గా మారిన ఈ ఫోటో ని చూసి హీరోయిన్ క్యారెక్టర్‌కి సంబంధించి ఇది కేజీఎఫ్ 2 కథలా ఉండబోతోందని పలువురు వ్యాఖ్యానించడం మొదలుపెట్టారు. కానీ ఇప్పుడు అది కాదని తెలిసింది.

మరో వైపు వరల్డ్ వైడ్ గా ఒకేసారి పుష్ప 2 ను ఆడియెన్స్ ముందుకు తేవాలనే ఇప్పటి నుండే ప్రణాళికలు వేస్తున్నారు. ఇరవైకి పైగా దేశాల్లో ఈ మూవీని ఒకేసారి విడుదల చేయాలనే లక్ష్యంతో పని చేస్తోంది మైత్రీ టీమ్‌ అండ్‌ సుకుమార్‌ టీమ్‌.

సక్సెస్ లో ఉన్నోడికి మన ఇచ్చే విలువ, మర్యాద కొంచెం ఎక్కువే. అదే ఫిల్మ్ ఇండస్ట్రీలో అయితే మరీ ఎక్కువగా  ఉంటుంది. వరుసగా హిట్ కొడుతున్న డైరెక్టర్ ఇంటికెళ్లి మరీ, నాకు కూడా ఓ స్టోరీ రాయి మనం కలిసి చేద్దాం అంటారు హీరోలు.

అదే ఓ ఫ్లాప్ లేదా యావరేజ్ టాక్ వస్తే ఆ డైరెక్టర్ తో కలిసి సినిమా చేయాలి అంటే ఒకటి రెండుసార్లు ఆలోచిస్తారు. కొందరైతే కథ వినడానికి కూడా ఇష్టపడరు.

కానీ జూనియర్ ఎన్టీఆర్ మాత్రం ఎందుకు భిన్నంగా సక్సెస్, ఫెయిల్యూర్ తో సంబంధం లేకుండా కథ నచ్చితే సినిమా చేయడానికి గ్రీన్ సిగ్నల్ ఇస్తున్నాడు.
అందుకు ఉదాహరణలే కింద పేర్కొన్న సినిమాలు..

1. వంశీ పైడిపల్లి

వంశీ పైడిపల్లి తొలి సినిమా మున్నా. ఈ సినిమాకు మిక్స్డ్ టాక్ రావడంతో బాక్సాఫీస్ దగ్గర యావరేజ్ గా ఆడింది. అయితే చాలా గ్యాప్ తర్వాత వంశీ దిల్ రాజు బ్యానర్‌లో “బృందావనం” చేసాడు. వంశీకి యావరేజ్ డెబ్యూ ఉన్నా కూడా తారక్ ఛాన్స్ ఇచ్చి హిట్ కొట్టాడు.

2. మెహర్ రమేష్

మెహర్ రమేష్ కి కంత్రి సినిమాలో తారక్ ఫస్ట్ టైమ్ వర్క్ చేసాడు. ఈ సినిమా యావరేజ్ అయినా మళ్లీ ఛాన్స్ ఇచ్చాడు ఎన్టీఆర్ కానీ డైరెక్టర్ శక్తి సినిమాతో డిజాస్టర్ సినిమా ఇచ్చాడు.

3. పూరీ జగన్నాథ్

పూరీ జగన్నాథ్ కి టెంపర్ ముందు వరకు రోమియో, హర్ట్ ఎటాక్ వంటి వరుస ఫ్లాప్ లే ఉన్నాయి. చాలాకాలం తర్వాత తారక్, పూరీ కలిసి టెంపర్ సినిమా తీశారు. ఇది పెద్ద హిట్ అయింది.

4. సుకుమార్

సుకుమార్ మహేష్ బాబుతో చేసిన 1: నేనొక్కడినే ఒక పాఠంలాంటిది. ఈ సినిమాకి విమర్శకుల నుంచి ప్రశంసలు వచ్చాయి కానీ కమర్షియల్ గా ఫెయిల్ అయింది. ఐతే 1: నేన్నొకడినే తర్వాత తారక్ సుక్కుకి ఛాన్స్ ఇస్తే “నాన్నకు ప్రేమతో” వంటి హిట్ మూవీ వచ్చింది.

5. బాబీ

సర్దార్ గబ్బర్ సింగ్ లాంటి ఫ్లాప్ తర్వాత బాబీ కి సినిమాలే రావు అనుకున్నారు. కానీ కట్ చేస్తే తారక్ బాబీకి ఛాన్స్ ఇచ్చాడు. జై లవ కుశ తారక్ కెరీర్‌లో బిగ్గెస్ట్ హిట్‌గా నిలిచింది.

6. త్రివిక్రమ్

పవన్ కళ్యాణ్ తో త్రివిక్రమ్ చేసిన అజ్ఞాతవాసి గురూజీ కెరీర్ లో డిజాస్టర్ మూవీగా నిలిచింది.
ఆ సమయంలో తారక్ త్రివిక్రమ్ ను నమ్మి “అరవింద సమేత” కి ఓకే చెప్పాడు. దీంతో త్రివిక్రమ్ మళ్లీ విజయాల బాట పట్టాడు.

7. కొరటాల శివ

మొన్న ఆచార్య తో ఫ్లాప్‌లు లేని కొరటాల కి పెద్ద డిజాస్టర్ వచ్చింది. కానీ జనతా గ్యారేజ్ లాంటి హిట్ ఇచ్చిన కొరటాల కి తారక్ మళ్లీ ఎన్టీఆర్ కు అవకాశం ఇచ్చాడు. ఫలితం ఎలా ఉంటుందో వేచి చూడాలి.

అచ్చ తెలుగు అమ్మాయి ఐశ్వర్య రాజేష్, తమిళంలో టాప్ హీరోయిన్ గా కొనసాగుతోంది. నటనా ప్రాధాన్యత ఉన్న సినిమాల్లో నటిస్తూ తనకంటూ ఓ ప్రత్యేక గుర్తింపు తెచ్చుకుంది. తాజాగా ఆమె ‘పుష్ప’ సినిమాలోని శ్రీవల్లి క్యారెక్టర్ గురించి చేసిన వ్యాఖ్యలు తీవ్ర దుమారం రేపాయి. ఆ పాత్రలో రష్మిక కంటే తాను ఇంకా బాగా నటించేదానినని ఐశ్వర్య అన్నట్లు వార్తలు ప్రసారం అయ్యాయి.

ఈ వ్యాఖ్యలపై ఐశ్వర్య తాజాగా వివరణ ఇచ్చిన విషయం తెలిసిందే. తాజా ఇంటర్వ్యూలో “మీరు ఎలాంటి పాత్రలు పోషించడానికి ఇష్టపడతారు? అని  నన్ను అడిగారు. టాలీవుడ్ అంటే తనకు ఎంతో ఇష్టం అని, మంచి పాత్రలు చేసే అవకాశం వస్తే తప్పకుండా నటిస్తానని చెప్పాను. ఎగ్జాంపుల్ గా ‘పుష్ప’ చిత్రంలోని శ్రీవల్లి పాత్ర నాకు బాగా నచ్చిందని, అలాంటి పాత్రలు నాకు బాగా సూటవుతాయన్నాను.

కానీ కొంత మంది నా వ్యాఖ్యలను తప్పుగా అర్థం చేసుకున్నారు. రష్మిక నటనను కించపరిచేలా మాట్లాడినట్లు వార్తలు రాశారు. అందా అవాస్తవం. ఆ సినిమాలో రష్మిక నటన చాలా బాగుంది. అంతేకాదు, నా తోటి నటీనటుల మీద ఎంతో గౌరవం ఉంది. ఇప్పటికై నా వ్యాఖ్యలను తప్పుగా ప్రసారం చేయడం మానుకోవాలి” అంటూ ఐశ్వర్య ఓ ప్రకటన విడుదల చేసింది.

తాజాగా ఐశ్వర్య రాజేష్ వివరణపై రష్మిక మందన్న స్పందించింది. “హాయ్ లవ్. ఇప్పుడే నేను మీ వివరణ చూశాను. మీరు వ్యాఖ్యల వెనుక అర్థం నాగా బాగా అర్థం అయ్యింది. ఇందులో వివరణ ఇచ్చుకోవాల్సిన అవసరం ఏమీ లేదు. మీ వ్యాఖ్యల వెనుక ఎటువంటి చెడు కారణాలు లేవని నేను భావిస్తున్నాను. మీ పట్ల నాకు ప్రేమ, గౌరవం ఉన్నాయి. మీ ‘పర్హానా’ చిత్రానికి ఆల్ ది బెస్ట్” అని రాసుకొచ్చింది.

తమిళ్ లో హీరోయిన్ గా రాణిస్తున్న ఐశ్వర్య రాజేష్.. ‘కౌసల్య కృష్ణమూర్తి’ సినిమాతో టాలీవుడ్ లో ఎంట్రీ ఇచ్చింది. ఆ తర్వాత ‘మిస్ మ్యాచ్’ ‘వరల్డ్ ఫేమస్ లవర్’ ‘టక్ జగదీశ్’ లో ‘రిపబ్లిక్’ ‘డ్రైవర్ జమున’ వంటి సినిమాలలో నటించింది. ఇటీవలే ప్రేక్షకుల ముందుకు వచ్చిన ‘ఫర్హానా’ మూవీ పాజిటివ్ టాక్ తో రన్ అవుతోంది. నెల్సన్ వెంకటేషన్ దర్శకత్వం వహించిన ఈ చిత్రాన్ని డ్రీమ్ వారియర్స్ పిక్చర్స్ పతాకంపై ఎస్ఆర్ ప్రభు, ఎస్ఆర్ ప్రకాష్ ప్రభు నిర్మించారు.

యంగ్ టైగ‌ర్ ఎన్టీఆర్ ఆర్ఆర్ఆర్ సినిమాతో పాన్ ఇండియా స్టార్ గా మారారు. ఈ సినిమా ప్ర‌పంచ వ్యాప్తంగా రికార్డులు క్రియేట్ చేసింది. ఈ సినిమా త‌రువాత ఎన్టీఆర్ కొర‌టాల శివ‌ తో ఒకటి , ప్ర‌శాంత్ నీల్ ల ద‌ర్శ‌క‌త్వంలో మరొక సినిమా చేస్తున్నారు. అయితే కథల ఎంపిక విషయం లో ఎన్టీఆర్ తర్వాతే ఎవరైనా..

కథ విన్నాక అది హిట్ అవుతుందా ఫట్ అవుతుందా అని అంచనాకి రావాలంటే తారక్ తర్వాతే ఎవరైనా. ఆ విష‌యంలో ఎన్టీఆర్ చాలా ఆచితూచి క‌థ‌ల‌ను ఎంపిక చేసుకుంటారు. అందుకే తన దగ్గరకు వచ్చే అనేక కథలలో కేవలం హిట్టు అవుతుంది అనుకున్న కథలను మాత్రమే ఎంచుకొని ముందుకు వెళుతున్నాడు.

ఇక ప్రస్తుతం బాక్స్ ఆఫీస్ దగ్గర ప్రస్తుతం రీ రిలీజ్ ల ట్రెండ్ కొనసాగుతూ ఉండగా.. ఎన్టీఆర్ బర్త్డే సందర్భంగా ఎన్టీఆర్ నటించిన బ్లాక్ బస్టర్ మూవీ సింహాద్రి మూవీని రీ రిలీజ్ చేస్తున్నారు. తెలుగు రాష్ట్రాలలో ఈ వీకెండ్ లో భారీ ఎత్తున రిలీజ్ కాబోతుంది. సినిమా అడ్వాన్స్ బుకింగ్స్ ఓపెన్ చేసారు.

ఆంధ్ర , సీడెడ్ లలో మాత్రం బుకింగ్స్ నెక్స్ట్ లెవల్ లో దుమ్ము లేపే రేంజ్ లో ఉండగా మొత్తం ఓవర్సీస్ బుకింగ్స్ కూడా ఎక్స్ లెంట్ గా ఉన్నాయి. ఓవరాల్ గా మొదటి రోజు సింహాద్రి సినిమా ఇప్పుడు 1150 వరకు షోలు ఓవరాల్ గా పడబోతున్నాయి. ఇందులో ఆల్ మోస్ట్ 250 కి పైగా షోలు ఫుల్ అవ్వడం విశేషం. మిగిలిన సెంటర్స్ లో చాలా చోట్ల బుకింగ్స్ కూడా బాగున్నాయి. ఈ వివరాలు చూస్తుంటే బాక్స్ ఆఫీస్ దగ్గర సెన్సేషనల్ ఓపెనింగ్స్ ను అందుకునే అవకాశం ఉంది.

ప్రస్తుతం కొత్త చిత్రాలు విడుదలైన కొన్ని రోజులకి వేగంగా ఓటీటీల ద్వారా ప్రేక్షకుల ముందుకు వస్తున్నాయి. చాలామంది సినిమా హాల్ కి వెళ్లి చూసే కంటే కూడా ఇంటి వద్దనే వీటిని చూడడానికి ఎక్కువ ఇష్టపడుతున్నారు. అయితే మరోపక్క పాత సినిమాల రీ రిలీజ్ అంటే మాత్రం హాల్స్ కిక్కిరిసిపోతున్నాయి. రీ రిలీజ్ లలో రికార్డ్స్ తిరగ రాస్తున్నారు హీరోలు.

విక్టరీ వెంకటేష్ … సీనియర్ స్టార్ హీరోలలో ఒకరు. చాలా గొప్ప నటుడు. అంతే కాదు సంపూర్ణ నటుడు కూడా. ఫ్యామిలీ ఆడియన్స్ లో ఇతనికి ఉన్న క్రేజ్ అంతా ఇంతా కాదు. కామెడీ, ఎమోషనల్ సీన్స్ లో విశ్వరూపం చూపిస్తాడు. స్టార్ హీరోలైన చిరు, నాగ్, బాలయ్య కెరీర్ లో ఎదో ఒక సందర్భం లో గ్యాప్ వచ్చి ఇబ్బంది పడ్డ వాళ్లే.. కానీ వెంకటేష్ కి ఇప్పటివరకు ఆ పరిస్థితి రాలేదు.

సినీ నేపథ్యం ఉన్న కుటుంబం నుంచి వచ్చినా.. సొంత టాలెంట్ తో…తనకంటూ ఒక స్పెషల్ ఇమేజ్ క్రియేట్ చేసుకున్నారు హీరో వెంకటేష్. స్టార్ హీరోయిన్లుగా ఎదిగిన ఎంతోమంది హీరోయిన్లను వెంకీ తన సినిమాలతో ఇండస్ట్రీకి పరిచయం చేశారు. అలాగే కొంతమంది హీరోస్ కి అన్ని జానెర్స్ వర్కౌట్ అవ్వవు. కానీ వెంకటేష్ కి మాత్రం ఇది అతీతం.

ఆయన ఇప్పటి వరకు అన్నీ జానర్స్ ని టచ్ చేసాడు.కామెడీ, సెంటిమెంట్ , మాస్ , లవ్ స్టోరీస్ మరియు ఫ్యామిలీ స్టోరీస్ ఇలా అన్నీ జానర్స్ లో తిరుగులేని బ్లాక్ బస్టర్ హిట్స్ అందుకున్న అతి తక్కువ మంది హీరోలలో ఒకడు విక్టరీ వెంకటేష్. అయితే వెంకటేష్ ఇప్పటి వరకు నేటి తరం టాప్ స్టార్ డైరెక్టర్స్ తో కలిసి పని చెయ్యలేదు. గతం లో త్రివిక్రమ్ శ్రీనివాస్ దర్శకత్వం లో ఒక సినిమా చెయ్యబోతున్నాడు అని అధికారికంగా ఒక ప్రకటన వచ్చింది కానీ దానికి సంబంధించిన అప్డేట్ లేదు.

అయితే వెంకటేష్ తన డ్రీం ప్రాజెక్ట్ ‘స్వామి వివేకానంద’ బయోపిక్ తియ్యాలని అనుకున్నాడు. ఈ ప్రాజెక్ట్ ఎప్పుడు చేసినా భారీ గానే చెయ్యాలని అనుకున్నాడు, అందుకే ఈ ప్రాజెక్ట్ ని రాజమౌళి ని డైరెక్ట్ చేయాల్సిందిగా మగధీర సినిమా విడుదలైన కొత్తల్లో అడిగాడట వెంకటేష్. రాజమౌళి ప్రస్తుతం చేతిలో ఉన్న ప్రాజెక్ట్స్ అన్ని కమిట్ అయిపోయి ఉన్నాయి, ఇవన్నీ పూర్తి అయ్యాక కచ్చితంగా చేద్దాం సార్ అన్నాడట.

కానీ ఆ తర్వాత రాజమౌళి బాహుబలి సిరీస్ తో బిజీ అవ్వడం, ఆ వెంటనే ఆర్ఆర్ఆర్, ఇప్పుడు మహేష్ బాబు తో సినిమా చెయ్యబోతున్నారు. మొత్తానికి రాజ‌మౌళి ఇత‌ర ప్రాజెక్ట్ ల కార‌ణంగా.. వెంకీతో సినిమానే అలానే ఆగిపోయింది. ఇప్ప‌ట్లో వీరి కాంబో ప్రాజెక్ట్ ప‌ట్టాలెక్కే అవ‌కాశాలు కూడా క‌నిపించ‌డం లేదు.

ఇక లేటెస్ట్ గా F3 చిత్రం తో భారీ బ్లాక్ బస్టర్ హిట్ ని వెంకటేష్ , త్వరలోనే శైలేష్ దర్శకత్వం లో ‘సైంథ‌వ్‌’ అనే చిత్రం ద్వారా మన ముందుకి రాబోతున్నాడు.ఈ సినిమాలో వెంకటేష్ తో పాటు తమిళ హీరో ఆర్య కూడా ఒక ముఖ్య పాత్ర పోషించబోతున్నాడు.

రెబల్ స్టార్ ప్రభాస్ నటిస్తున్న మైథిలాజికల్ మూవీ ఆదిపురుష్. బాలీవుడ్ దర్శకుడు ఓం రౌత్ డైరెక్ట్ చేస్తున్న ఈ చిత్రం రామాయణం ఆధారంగా చిత్రీకరించారు. ప్రభాస్ రాముడిగా, కృతి సనన్ సీతగా, సైఫ్ అలీ ఖాన్ రావణాసురిడిగా నటించిన ఈ చిత్రం కోసం అభిమానులు ఎంతగానో ఎదురు చూస్తున్నారు.

ఈ మూవీ గ్రాఫిక్స్ విషయంలో ఎన్నో విమర్శలు ఎదురుకున్న చిత్ర యూనిట్ అవన్నీ సరి చేసుకొని ఇప్పుడు ఆడియన్స్ ముందుకు వచ్చేందుకు సిద్ధమయ్యారు. ఇప్పటికే ఈ సినిమా చిత్రీకరణ పూర్తి చేసుకోగా.. ప్రస్తుతం నిర్మాణానంతర పనులు జరుగుతున్నాయి. టీజర్ విషయం లో విమర్శలు ఎదుర్కొన్న ఈ మూవీ ట్రైలర్ తో ఆ విమర్శలు తిప్పికొట్టింది.

ఈ సినిమాను టి సిరీస్ సంస్థ 500 కోట్ల భారీ బడ్జెట్ తో నిర్మించింది. ఈ ఏడాది జనవరిలోనే ఈ సినిమా రిలీజ్ అవ్వాల్సి ఉండగా కొన్ని కారణాల వల్ల వాయిదా వేశారు. ఇక ఫైనల్ గా జూన్ 16న ప్రేక్షకుల ముందుకి రానుంది. ఇక రిలీజ్ తేదీ దగ్గర పడుతుండటం తో మేకర్స్ ప్రమోషన్స్ ని వేగవంతం చేస్తున్నారు. ఈ చిత్రం నుంచి వరుస అప్డేట్స్ ఇస్తున్నారు.

అయితే తాజాగా రిలీజ్ అయిన ఓ పోస్టర్ పై నెట్టింట ట్రోల్స్ వస్తున్నాయి. ఇంకా నెల రోజుల్లో ఆదిపురుష్ ప్రేక్షకుల ముందుకి రానుంది అంటూ మేకర్స్ పోస్టర్ రిలీజ్ చేసారు. అందులో హనుమంతుడు గాలిలో ఎగురుతుండగా ఆయనపై కూర్చొని రాముడు యుద్ధం చేస్తూ ఉంటాడు. ఈ షాట్ లో పెద్ద పెద్ద బిల్డింగ్స్ కనిపిస్తున్నాయి. రామాయణం కాలంలో బహుళ అంతస్తుల బిల్డింగ్స్ ఎక్కడ నుండి వచ్చాయని నెటిజెన్స్ కామెంట్స్ చేస్తున్నారు.

హాలీవుడ్ పోస్టర్స్ తీసుకొని ఎడిట్ చేశారని అందుకే ఇలా దొరికిపోయారని కొందరు కామెంట్స్ చేస్తున్నారు. ఇక మరోవైపు ఇక ఆదిపురుష్ మూవీలో రాముని గెటప్ కాపీ అంటూ ఓ ఆర్టిస్ట్ ఆరోపణలు చేశారు. నేను క్రియేట్ చేసిన రాముని రూపాలు అనుమతి లేకుండా దర్శకుడు వాడాడని సదరు ఆర్టిస్ట్ విమర్శలు గుప్పించారు. ఇలా ఒక వివాదం తర్వాత మరొకటి ఆదిపురుష్ మూవీ ని చుట్టుముడుతున్నాయి.