Anudeep

కట్టుబాట్లని కాదని కులాంతర, మతాంతర వివాహాలు చేసుకున్నప్పటికి పుట్టిన బిడ్డలకు కులాన్ని,మతాన్ని వర్తింప చేస్తుంది ఈ ప్రభుత్వం మరియు సమాజం..బిడ్డ పుట్టగానే ఇచ్చే బర్త్ సర్టిఫికెట్ దగ్గర నుండి, స్కూల్ అడ్మిషన్, తర్వాత ఇచ్చే ప్రతి సర్టిఫికెట్లో కులం,మతాన్ని మెన్షన్ చేయమంటుంది..లేదంటే చెల్లదంటుంది..మేజర్ గా తండ్రి ఇంటిపేరే బిడ్డలకి వస్తుంది కాబట్టి ఇలాంటి వివాహాల్లో కూడా తండ్రి కులమే పుట్టిన పిల్లలకు వర్తిస్తుంది.అయితే తాము వదిలేసుకున్న కులమతాలు తమ బిడ్డకు వద్దంటూ కోర్టుకి ఎక్కారు హైదరాబాద్ తల్లిదండ్రులు.

హైదరాబాద్‌కు చెందిన డేవిడ్, రూప దంపతులు ప్రేమించి పెళ్ళి చేసుకున్నారు..వారి కులాలు వేరు, మతాలు వేరు..వారి ప్రేమకు గుర్తుగా గత ఏడాది మార్చి 23న బిడ్డ జన్మించాడు. ఇవాన్ రూడే గా పేరు పెట్టుకున్నారు. తమ కుమారుడు ఇవాన్ రూడే బర్త్ సర్టిఫికెట్ కోసం  కొత్తకోట మున్సిపాలిటీలో దరఖాస్తు చేసుకున్నారు  రూప, డేవిడ్. జనన నమోదు దరఖాస్తులోని కుటుంబ ‘మతం’ అనే కాలమ్ నింపితే తప్ప బర్త్ సర్టిఫికెట్ ఇవ్వడం కుదరదని అక్కడి అధికారులు చెప్పారు.

కులాంతర, మతాంతర వివాహం చేసుకున్న తాము మతాన్ని, కులాన్ని విశ్వసించడం లేదు కాబట్టి దరఖాస్తులో ఉన్న ‘కుటుంబ మతం’ అనే కాలమ్ నింపము అని వీళ్లు చెప్పడంతో అధికారులు తిరస్కరించారు. తర్వాత  జిల్లా కలెక్టర్‌ను, ఆపై అధికారులను ఆశ్రయించారు.. అక్కడ కూడా కుదరదు అనే సమాధానమే వచ్చింది .దాంతో తమ హక్కును, మనోభావాలను గౌరవిస్తూ తమ కుమారుడి జననం మొదలు మరణం వరకు ప్రభుత్వం ఇచ్చే ఏ సర్టిఫికెట్‌లోనైనా ‘మతం – కులం లేనివాళ్లు (No Religion – No Caste)’ అని గుర్తింపు ఇవ్వాలని కోరుతూ పిల్ వేశారు.

జస్టిస్ రాఘవేంద్ర సింగ్ చౌహాన్, జస్టిస్ అభిషేక్ రెడ్డితో కూడిన ధర్మాసనం ఈ పిటిషన్‌పై వీడియో కాన్ఫరెన్స్ ద్వారా విచారణ చేపట్టింది. దంపతుల డిమాండ్‌పై కౌంటర్ దాఖలు చేయాలని జనన మరణ ధ్రువీకరణ అధికారులకు, రాష్ట్ర ప్రభుత్వ కార్యదర్శికి, మున్సిపల్ అడ్మినిస్ట్రేషన్ కార్యదర్శికి, కొత్తకోట మున్సిపాలిటీ అధికారులకు నోటీసులు జారీ చేసింది. తదుపరి విచారణకు నాలుగు వారాల గడువు విధించింది .

గతంలో తమిళనాడుకు చెందిన స్నేహ అనే లాయర్ కుల మతంలేని మొదటి వ్యక్తిగా గుర్తింపు పొందారు. మొదట్లో ఆమెకి నో కాస్ట్- నో రెలిజియన్ సర్టిఫికెట్ ఇవ్వడానికి అధికారులు నిరాకరిస్తే, కలెక్టర్ ని కలిసి సర్టిఫికెట్ పొందారు. అదే విధంగా హైదరాబాద్‌కు చెందిన డి.వి. రామకృష్ణ రావు, ఎస్. క్లారెన్స్ కృపాళిని దంపతులు కూడా ఇదే డిమాండ్‌పై కోర్టును ఆశ్రయించారు. తమ పిల్లల అడ్మిషన్ సందర్భంగా మతం అనే కాలమ్ నింపితే తప్ప అడ్మిషన్ ఇవ్వమని స్కూల్ యాజమాన్యం చెప్పడంతో.. వాళ్లు న్యాయస్థానాన్ని ఆశ్రయించారు. మతం చెప్పడానికి నిరాకరించిన కారణంగా అడ్మిషన్ ఇవ్వకపోవడం సరికాదని కోర్టు మొట్టికాయలు వేయడంతో స్కూల్ యాజమాన్యం అడ్మిషన్ ఇచ్చింది.

కొన్ని ప్రత్యేక సంధర్బాల్లో మాత్రమే “నో క్యాస్ట్ – నో రెలిజియన్” సర్టిఫికెట్ లభిస్తుంది.ఆ సర్టిఫికెట్ పొందడానికి కూడా పెద్ద యుద్దమే చేయాల్సి వస్తుంది. ముఖ్యంగా ఆన్లైన్ వ్యవహారాల్లో ఈ కాలమ్ ఎక్కువగా ఇబ్బంది పెడుతుంది.

మతాన్ని నమ్మే హక్కు ఎలాగైతే ఉందో.. వాటిని నమ్మకుండా ఉండే హక్కు కూడా రాజ్యాంగమే కల్పించింది. అందువల్ల మా హక్కును గుర్తించాలి. ఈ సమస్యకు శాశ్వత పరిష్కారం చూపేలా చర్యలు తీసుకునేలా కోర్టు ఆదేశించాలి.”అని రూప, డేవిడ్ దంపతులు కోరుతున్నారు.

అందరిలోనూ టాలెంట్ ఉంటుంది. కానీ దానిని ముందు గా గుర్తించి సరైన విధం గా దారి ఏర్పాటు చేసుకున్నవారు జీవితం లో సక్సెస్ అవుతారు. అలా సక్సెస్ ఓ మహిళ స్టోరీ ఇది. మిసెస్ బెక్టార్స్.. ఈ పేరు తెలుగు వారికి పెద్దగా తెలియకపోయినా.. నార్త్ ఇండియన్స్ లో ఈమె పేరు తెలీని వారుండరు. మిసెస్ బెక్టార్స్ పేరిట ఆమె విక్రయించే ఫుడ్స్ దాదాపు ప్రతి గడపను తాకుతాయి. ఆమె వ్యాపారం ప్రారంభించక మునుపు మొదట్లో రకరకాల వంటలు, ఐస్ క్రీమ్ లు చేసి తన సన్నిహితులకు పెట్టేవారు. వాటిని ఎలా ఉన్నాయో చెప్పాలని కోరేవారు. ఆమె ఏ వంటకం తయారు చేసినా, అద్భుతమైన రెస్పాన్స్ వచ్చేది. దీనితో, ఆమె వ్యాపార రంగం లోకి వెళ్లాలని నిశ్చయించుకుంది.

అలా, ఇరవై వేలతో ఆమె వ్యాపారం ప్రారంభించింది. నేడు.. ఆమె సంస్థ టర్న్ ఓవర్ వెయ్యి కోట్ల పైమాటే. ఇటీవలే స్టాక్ మార్కెట్ లోకి ప్రవేశించి అక్కడ కూడా సత్తా చాటింది. స్టాక్ మార్కెట్ లో ఐపిఒ కు వచ్చి సుమారు రెండు వందల రెట్లు సబ్స్క్రయిబ్ అయిన సంస్థ గా మిసెస్ బెక్టార్స్ ఫుడ్స్ కంపెనీ రికార్డు సృష్టించింది. ఇటీవల కాలం లో ఎన్నో అంతర్జాతీయ బ్రాండ్స్ భారత్ లో తమ మార్కెట్ ను విస్తరించుకుంటున్నాయి. ఈ పోటీ ని తట్టుకుంటూ కూడా మిసెస్ బెక్టార్స్ ఫుడ్ కంపెనీ స్థిరం గా నిలబడింది. ఇతర కంపెనీలకు గట్టిపోటీ ఇస్తోంది. ఈ కంపెనీ ని స్థాపించిన అధినేత్రి రజని బెక్టార్ కరాచీ లో జన్మించారు.

దేశ విభజన సమయం లోనే కుటుంబం తో పాటు ఢిల్లీ కి వచ్చేసిన రజని బెక్టర్ పదిహేడేళ్ల వయసులోనే లూథియానా కు చెందిన ధరమ్ వీర్ బెక్టార్ ను పెళ్లి చేసుకున్నారు. అయితే, ఆమె పిల్లలు కూడా స్కూల్ కి వెళ్లిపోవడం తో ఏమి తోచేది కాదు. అలాంటి సమయం లోనే ఆమె ఫుడ్ తో ప్రయోగాలు చేసేవారు. అగ్రికల్చర్ వర్శిటీ నుంచి ఆమె కుకింగ్ కోర్స్ ను కూడా పూర్తి చేసారు. వ్యాపారం చేయాలనీ భావించారు.

మొదట్లో తెలిసిన వాళ్లకు తన వంటలను రుచి చూపించి మెల్లిగా వ్యాపారాన్ని విస్తరించారు. తొలుత, తక్కువ ధరలకే అమ్మేవారు. కొంతమేర నష్టాలను కూడా చవిచూశారు. కానీ సంతృప్తి లభించడం తో వ్యాపార రంగం లో అడుగు ముందుకేశారు. మొదట్లో ఐస్ క్రీం ల ఆర్డర్లను పెద్ద ఎత్తున తీసుకోవడం మొదలు పెట్టారు. ఆమె భర్త కూడా ఈ వ్యాపారాన్ని సీరియస్ గా తీసుకుని ఆమెకు అండగా నిలబడ్డారు. ఐస్క్రీమ్ లతో మొదలైన వ్యాపారాన్ని మెల్లగా బిస్కట్లకు, కుకీస్ కు కూడా విస్తరిస్తూ వచ్చారు.

ఆ తరువాత వెనక్కి తిరిగి చూసుకోలేదు. 1990 ప్రాంతం లో భారత్ లోకి మెక్ డొనాల్డ్స్ ఎంట్రీ ఇచ్చింది. అప్పటికే మిసెస్ బెక్టార్ ఫుడ్స్ తయారు చేసే క్రిమికా ఉత్పత్తులు ఎంతగానో ప్రాచుర్యం పొందాయి. మెక్ డొనాల్డ్స్ సైతం పూర్తి గా బెక్టర్ ఫుడ్స్ యొక్క క్రిమికా ఉత్పత్తులపై ఆధారపడింది. అలా, రజిని బెక్టార్ తన కంపెనీ నుంచి అంతర్జాతీయ సంస్థలతో సైతం డీల్స్ కుదుర్చుకోవడం ప్రారంభించారు.

2006 వ సంవత్సరం వచ్చే నాటికి, కంపెనీ టర్న్ ఓవర్ వంద కోట్లు దాటేసింది. అలా 2020 వచ్చేసరికి అంతకు పదిరెట్లు అంటే.. వేయి కోట్లకు చేరుకుంది. ఇపుడు స్టాక్ మార్కెట్ లో కూడా మిసెస్ బెక్టార్ కంపెనీ ఎన్నో విజయాలను సాధిస్తోంది. ఈ కంపెనీ ప్రతి విజయం లోను రజిని బెక్టార్ ఉన్నారు. ఈ ఘనత వెనక ఏదైనా చేసి తీరాల్సిందేనన్న స్ఫూర్తి ఆమె లో ఉంది.