Anudeep

తొలిప్రేమ, రంగ్‌దే వంటి చిత్రాలతో టాలీవుడ్‌లో హిట్స్ అందుకున్న వెంకీ అట్లూరి ఇటీవల తెరకెక్కించిన చిత్రం ‘సార్’. కోలీవుడ్ స్టార్ హీరో ధనుష్‌ నటించిన ఫస్ట్ స్ట్రెయిట్ తెలుగు ఫిల్మ్ ఇదే కాగా.. ఇందులో ఆయన కాలేజీ లెక్చరర్ పాత్రలో కనిపించారు. చదువు ప్రాముఖ్యతను తెలియజేస్తూ కార్పొరేట్ కాలేజీల దోపిడీని ఎండగట్టే కథతో తెరకెక్కిన ‘సార్’.. ఫిబ్రవరి 17న విడుదలై బాక్సాఫీస్ వద్ద మంచి కలెక్షన్స్ రాబడుతోంది. ఈ సినిమా ఫస్ట్ వీకెండ్‌లో రూ. 16.54 కోట్లు వసూలు చేసింది. ఇప్పటి వరకు తెలుగులో విడుదలైన ధనుష్ చిత్రాల్లో ఇవే మెజారిటీ కలెక్షన్స్ కావడం విశేషం.

అలాగే తమిళం లో ఈ చిత్రం గత మూడో రోజుల్లో 18.5 కోట్లకుపైగానే వసూళ్లను రాబట్టింది. ఇప్పటికే ధనుష్ నటించిన రఘువరన్ బీటెక్ సినిమాతో తెలుగులో ఒక్కసారిగా క్రేజ్ పెరిగిపోయింది. దీంతో ఇప్పుడు నేరుగా తెలుగులో మూవీ చేయడంతో అభిమానులు అదిరిపోయే వెల్కమ్ అందించారు ‘సార్’ మూవీ వీకెండ్‌లో భారీగానే కలెక్ట్ చేసినప్పటికీ.. నాన్ వీక్ డేస్‌లో బాక్సాఫీస్ వద్ద ఏ మేరకు సత్తా చాటుతుందో చూడాలి. సంయుక్త మీనన్ హీరోయిన్‌గా నటించిన ‘సార్’ చిత్రంలో సముద్రఖని, తనికెళ్ల భరణి, సాయి కుమార్, నర్రా శ్రీనివాస్, హైపర్ ఆది తదితరులు ప్రధాన పాత్రలు పోషించారు.

యంగ్ హీరో కిరణ్ అబ్బవరంకి బాక్స్ ఆఫీస్ దగ్గర రీసెంట్ టైంలో పెద్దగా సక్సెస్ లు లేవు. ఎస్ ఆర్ కళ్యాణ మండపం సినిమాతో అద్బుతమైన విజయాన్ని సొంతం చేసుకున్నా కానీ తర్వాత చేసిన సినిమాలు బాక్స్ ఆఫీస్ దగ్గర ఏమాత్రం ఇంపాక్ట్ ని చూపించ లేకపోయాయి. దీంతో తాజాగా వచ్చిన ‘వినరో భాగ్యము విష్ణు కథ’ చిత్రం పైనే అతడు ఆశలు పెట్టుకున్నాడు. ధనుష్ చిత్రం తో పోటీ పడుతూ ఉన్నంత లో ఈ చిత్రం మంచి కలెక్షన్స్ నే సాధిస్తోంది. కిరణ్ అబ్బవరం ఎస్ ఆర్ కళ్యాణ మండపం సినిమా తర్వాత ఈ మూవీ కే సెకెండ్ బెస్ట్ ఓపెనింగ్స్ ని అందుకోవడం ఖాయమని చెప్పాలి.

ఈ సినిమాకు ప్రపంచ వ్యాప్తంగా అన్ని ఏరియాలు కలిపి రూ. 4.00 కోట్లు మేర బిజినెస్ జరిగింది. అలాగే 2 రోజుల్లో ఈ చిత్రానికి ఊహించని విధంగా రూ. 2.81 కోట్లు షేర్‌తో పాటు రూ. 5.15 కోట్లు గ్రాస్ వసూలైంది. మరో రూ. 1.69 కోట్లు రాబడితేనే ఈ సినిమా క్లీన్ హిట్‌ స్టేటస్‌ను చేరుతుంది. ఈ చిత్రాన్ని అల్లు అరవింద్ సమర్పణలో జీఏ2 పిక్చర్స్ బ్యానర్‌పై బన్నీ వాసు నిర్మించారు. దీనికి చైతన్ భరద్వాజ్ సంగీతం ఇచ్చారు. ఇందులో మురళీ శర్మ, శుభలేక సుధాకర్ తదితరులు నటించారు.

గతేడాది తెలుగు చిత్ర సీమకి చెందిన చాలా మంది ప్రముఖులు కన్ను మూసిన విషయం తెలిసిందే. ఆ విషాదాల నుంచి బయటపడి కొత్త ఏడాది లో రెండు నెలలు గడవక ముందే మరి కొన్ని విషాదాలు నెలకొన్నాయి. ఈ ఏడాది ఇప్పటికే దర్శకుడు విశ్వనాధ్, సీనియర్ నటి జమున, హీరో నందమూరి తారక రత్న వంటి వారు మరణించారు. ఇక ఇప్పటి వరకు మొత్తంగా 2023లో కన్నుమూసిన సినీ ప్రముఖులు ఎవరో ఇప్పుడు చూద్దాం..

#1 కళా తపస్వి విశ్వనాథ్

కళాతపస్వి కె.విశ్వనాథ్ తెలుగు చిత్ర పరిశ్రమలోనే కాకుండా బాలీవుడ్ ఇండస్ట్రీలో కూడా మర్చిపోలేని సినిమాలను తెరపైకి తీసుకువచ్చారు. స్టార్ హీరోలు కూడా కమర్షియల్ గా ఆలోచించకుండా ఆయనతో సినిమాలు చేయడానికి ఎక్కువగా ఆసక్తిని చూపించేవారు. అటువంటి దిగ్గజ దర్శకుడు ఈ ఏడాది ఫిబ్రవరి 2 న కన్ను మూసారు.

#2 జమున

తెలుగు తెర సత్యభామ గా గుర్తింపు పొందిన సీనియర్ నటి జమున వయోభారం తో ఈ ఏడాది జనవరి 27 న మరణించారు.

#3 నందమూరి తారక రత్న

నందమూరి మూడో తరం నట వారసుడు తారకతర్న గత నెల 27న లోకేశ్ యువగళం పాత్రలో పాల్గొంటూ కుప్పకూలిపోయాడు. ఆ తర్వాత 23 రోజుల పాటు మృత్యువుతో పోరాడి ఫిబ్రవరి 18 న కన్నుమూసారు.

#4 వాణి జయరాం

ప్రముఖ నేపథ్య గాయని వాణీ జయరామ్ అటు దక్షిణాది నాలుగు భాషలతో పాటు హిందీ భాషల్లో తన సుమధుర గానంతో అలరించింది. ఉత్తమ గాయనీగా మూడు జాతీయ అవార్డులు అందుకున్న ఆమె ఫిబ్రవరి 3 న తన స్వగృహం లో మరణించారు.

#5 మయిల్ స్వామి

ప్రముఖ తమిళ హాస్యనటుడు మయిల్ సామి దాదాపు 300 పైగా చిత్రాల్లో వివిధ పాత్రల్లో నటించారు. ఆయన ఫిబ్రవరి 19 న కన్నుమూశారు.

#6 దర్శకుడు సాగర్

రాకాసి లోయ చిత్రంతో డైరెక్టర్‌గా తన సినీ జీవితాన్ని స్టార్ట్ చేసిన సాగర్ .. ఇక ఆ తర్వాత అమ్మదొంగ, స్టూవర్టుపురం దొంగలు, రామసక్కనోడు, ఖైదీ బ్రదర్స్, వంటి సినిమాలను తీశారు. ఆయన ఫిబ్రవరి 2 న మరణించారు.

#7 సునీల్ బాబు

సునీల్ బాబు మలయాళం, తెలుగు, తమిళం మరియు హిందీ చిత్రాలలో ఆర్ట్ డైరెక్టర్‌గా, ప్రొడక్షన్ డిజైనర్‌గా పనిచేశారు . అతను ఆర్ట్ డైరెక్టర్ సాబు సిరిల్ దగ్గర అసిస్టెంట్‌గా తన కెరీర్‌ని ప్రారంభించాడు. ఆయన గుండెపోటు తో జనవరి 6 న మరణించారు. ఈయన ఇటీవల ‘సీతా రామం’ చిత్రానికి ఆర్ట్ డైరెక్టర్ గా పని చేసారు.

#8 డబ్బింగ్ ఆర్టిస్ట్ శ్రీనివాస మూర్తి

ఎన్నో ఏళ్లుగా డబ్బింగ్ రంగంలో తన సేవలను అందించిన డబ్బింగ్ ఆర్టిస్ట్ శ్రీనివాస మూర్తి జనవరి 27 న గుండెపోటు తో మరణించారు. తెలుగులో సూర్య, అజిత్, మోహన్ లాల్, రాజశేఖర్, విక్రమ్ వంటి ఎందరో స్టార్ హీరోలకు ఆయన తెలుగులో డబ్బింగ్ చెప్పారు.

#9 జూడో కేకే రత్నమ్

తమిళం, తెలుగు, హిందీ సహా పలు భారతీయ భాషల్లో కొన్ని వందల చిత్రాలకు స్టంట్ మాస్టర్‌గా పనిచేసిన జూడో రత్నం జనవరి 26న కన్నుమూసారు.

టాలీవుడ్ లో లేడీ ఓరియెంటెడ్ చిత్రాలకు కేర్ ఆఫ్ అడ్రస్ అయిన అనుష్కకి .. ‘బాహుబలి’ చిత్రం తో పాన్ ఇండియా ఇమేజ్ వచ్చినా ఆమె దాన్ని ఉపయోగించుకోలేదు. ఆ తర్వాత అనుష్క భాగమతి, నిశ్శబ్దం చిత్రాలు చేసింది. కానీ ఆ చిత్రాలు ఆశించిన ఫలితాలు ఇవ్వలేదు. ప్రస్తుతం ఆమె చేతిలో ఒక సినిమా ఉంది. అనుష్క ప్రస్తుతం నవీన్ పోలీస్ శెట్టి పక్కన హీరోయిన్ గా ఓ ప్రేమకథా చిత్రంలో నటిస్తోంది. యువి క్రియేషన్స్ ఈ సినిమా నిర్మిస్తోంది.

ప్రస్తుతం చిత్రీకరణ దశలో వున్న ఈ మూవీకి `మిస్ శెట్టి.. మిస్టర్ పొలిశెట్టి` అనే టైటిల్ ని పరిశీలిస్తున్నారట. ఓ చెఫ్ పాత్రలో ఈమె కనిపించబోతున్నట్టు ఫస్ట్ లుక్ ను కూడా రిలీజ్ చేశారు. అయితే ఇవి మినహా అనుష్క బయట కనిపించి కూడా సంవత్సరాలు దాటుతోంది. దీంతో ఫాన్స్ అనుష్క కి ఏమైంది అంటూ ఆందోళన చెందుతున్నారు.

అయితే తాజాగా అనుష్క, కుటుంబ సభ్యులతో కలిసి బెంగళూరు లో శివరాత్రి వేడుకలకు హాజరైంది. దీనికి సంబంధించిన ఫోటోలు వైరల్ గా మారాయి. దాదాపు రెండేళ్ల తర్వాత అనుష్క బయట కనిపించడం తో ఆమె ఫాన్స్ ఈ ఫోటోలను వైరల్ చేస్తున్నారు. అయితే అనుష్క ఈ ఫొటోల్లో చాలా బొద్దుగా కనిపిస్తున్నారు. అనుష్క లావు తగ్గేందుకు ఎంత ప్రయత్నిస్తున్నా తగ్గకపోవడం తో ఆమె తదుపరి చిత్రం వాయిదా పడుతూ వస్తోందని సమాచారం.

దర్శకుడు మహేష్ తెరకెక్కిస్తున్న ఈ చిత్రం లో అనుష్క అన్వితా ర‌వ‌ళి శెట్టి అనే పాత్ర‌లో క‌నిపించ‌నుంది. ఇందులో ఆమె చెఫ్‌గా క‌నిపించ‌నుంద‌ని లుక్ పోస్ట‌ర్ చూస్తే అర్థ‌మైంది. సినిమాలో చేయ‌బోయే చెఫ్ పాత్ర కోసం 10 మంది ప్ర‌ముఖ ఇంట‌ర్నేష‌న‌ల్, దేశీయ చెఫ్‌ల‌తో క‌లిసి ప‌ని చేసిందట అనుష్క. రీసెంట్ షెడ్యూల్‌ని లండన్‌లో చిత్రీకరించారు. అనుష్క కెరీర్ లో వస్తున్న 48వ చిత్ర‌మిది. ఈ చిత్రం ఎప్పుడు విడుదల అవుతుందో తెలియాల్సి ఉంది.

మ్యూజిక్ డైరెక్టర్ థమన్ పాటలతో ఎంత క్రేజ్ తెచ్చుకున్నాడో ట్రోల్స్‌తో అంతకంటే ఎక్కువే నెగెటివిటీ ఎదర్కుంటున్నాడు. గతకొంత కాలంగా థమన్‌పై వస్తున్న ట్రోల్స్‌ బహుశా ఏ సంగీత దర్శకుడిపైన కూడా రాలేదేమో. అంతలా థమన్‌పై ట్రోలింగ్‌ జరుగుతుంది. కాపీ క్యాట్‌ అని, ఓకే రకమైన నేపథ్య సంగీతం ఇస్తాడని బోలెడన్ని ట్రోల్స్ వస్తునే ఉంటాయి. అయితే ఈ మధ్య థమన్‌ పాటలు ఇండియా వైడ్‌గా క్రేజ్‌ తెచ్చుకోవడంతో కాస్త నెగెటీవిటీ తగ్గింది. ముఖ్యంగా ‘అలవైకుంఠపురం’, ‘క్రాక్‌’, ‘అఖండ’, ‘భీమ్లానాయక్‌’ వంటి పలు సినిమాలకు పాటలతో, నేపథ్య సంగీతంతో ఊపిరి పోయడంతో ఒక్కసారిగా సెన్సేషన్‌ అయ్యాడు

థ‌మ‌న్ స్పీడు, జోష్‌, ట్రాక్ రికార్డు ఎంత గొప్ప‌గా ఉన్నా స‌రే, ఎప్పుడూ ఏదొక రీజ‌న్‌తో సోష‌ల్ మీడియాలో టార్గెట్ అవుతూనే ఉంటాడు. కాపీ ట్యూన్లు అని ఒక‌సారి, హీరోల‌ను ఆకాశానికెత్త‌డం పేరుతో మ‌రోసారి ఇలా రీజ‌న్ ఏదైతే ఏంటి ఏదో ర‌కంగా యాంటీ ఫ్యాన్స్ థ‌మ‌న్ ను టార్గెట్ చేస్తూనే ఉన్నారు. అయితే ఇటీవల థమన్‌ మ్యూజిక్‌ మళ్లీ రోటీన్‌ అయిపోయిందని, ఆల్రెడీ వాడిన ట్యూన్‌లోనే మళ్లీ కొడుతున్నాడని థమన్‌పై తెగ నెగిటీవిటీ స్ప్రెడ్‌ అవుతుంది. దాంతో మహేష్‌-త్రివిక్రమ్‌ సినిమా నుండి థమన్‌ను తొలిగించాలని సోషల్‌ మీడియాలో మహేష్‌ అభిమానులు పోస్ట్‌లు పెట్టారు.

మరో వైపు తనపై ట్రోల్స్ కి థమన్ ఎప్పటికప్పుడు సమాధానం చెప్తూనే ఉన్నాడు. ప్రస్తుతం థమన్‌ చేతిలో మూడు, నాలుగు సినిమాలు ఉన్నాయి. అందులో శంకర్‌-రామ్‌చరణ్‌ కాంబోలో తెరకెక్కుతన్న ‘ఆర్‌సీ15’ కూడా ఒకటి. ఇదే కాకుండా పవన్‌ చేయబోతున్న ‘వినోదయ సిత్తం’ రీమేక్‌, ‘ఓజీ’ సినిమాలకు కూడా థమనే సంగీత దర్శకుడు. అయితే తాజాగా మరోసారి ట్యూన్స్ రిపీట్ చేశాడంటూ నెట్టింట థమన్ పై ట్రోల్స్ స్టార్ట్ చేసారు నెటిజన్లు.

ఇటీవల థమన్ తమిళ హీరో విజయ్ చిత్రం వారసుడు కి పని చేసిన విషయం తెలిసిందే. సంక్రాంతికి విడుదలైన ఈ చిత్రం సూపర్ హిట్ గా నిలిచింది. అయితే ఈ చిత్రం లోని ఫ్యామిలీ సాంగ్ సూపర్ హిట్ అయిన విషయం తెలిసిందే. అయితే ఈ సాంగ్ లో కూడా థమన్ తన ఓల్డ్ సాంగ్స్ లోని ట్యూన్స్ ఇచ్చాడంటూ ట్రోల్ చేస్తున్నారు నెటిజన్లు. థమన్ గతం లో ఎన్టీఆర్ నటించిన ‘రామయ్య వస్తావయ్యా’ చిత్రానికి మ్యూజిక్ అందించిన విషయం తెలిసిందే. ఆ చిత్రం లోని ‘ఓ లైలా..’ సాంగ్ ట్యూన్.. వరుస లోని ఫ్యామిలీ సాంగ్ ఒకటే ట్యూన్ అంటూ ఒక వీడియో ఎడిట్ చేసి నెట్టింట వైరల్ చేస్తున్నారు నెటిజన్లు.

watch video:

https://www.instagram.com/reel/CoU5dzXpV_2/?igshid=YmMyMTA2M2Y%3D

సిల్వర్‌ స్క్రీన్ పై తమ అందం, అభినయంతో అలరిస్తోన్న సినిమా తారలు వరుసగా అనారోగ్య సమస్యల బారిన పడుతున్నారు. ఇటీవల స్టార్‌ హీరోయిన్లు సమంత, మమతమోహన్‌దాస్‌, శ్రుతిహాసన్‌ తమకున్న హెల్త్‌ ఇష్యూస్‌ను బయటపెట్టి షాక్ ఇచ్చారు. అలాగే తాజాగా తాను గుండె సంబంధిత సమస్యలతో బాధపడుతున్నట్లు సోషల్‌ మీడియా వేదికగా ప్రకటించి షాక్‌ ఇచ్చింది సీనియర్‌ నటి రేణు దేశాయ్‌. ఇప్పుడీ జాబితాలోకి మరో స్టార్‌ హీరోయిన్‌ చేరింది. ఆమే అందాల తార అనుష్క శెట్టి..

టాలీవుడ్ లో లేడీ ఓరియెంటెడ్ చిత్రాలకు కేర్ ఆఫ్ అడ్రస్ అయిన అనుష్కకి .. ‘బాహుబలి’ చిత్రం తో పాన్ ఇండియా ఇమేజ్ వచ్చినా ఆమె దాన్ని ఉపయోగించుకోలేదు. ఆ తర్వాత అనుష్క భాగమతి, నిశ్శబ్దం చిత్రాలు చేసింది. కానీ ఆ చిత్రాలు ఆశించిన ఫలితాలు ఇవ్వలేదు. ప్రస్తుతం ఆమె చేతిలో ఒక సినిమా ఉంది. అయితే తాజాగా తమిళం లో ఒక యుట్యూబ్ ఛానల్ కి ఇచ్చిన ఇంటర్వ్యూ లో తనకొక అరుదైన సమస్య ఉన్నట్లు అనుష్క స్వయంగా వెల్లడించింది.

ఒకసారి నవ్వడం స్టార్ట్ చేస్తే ఏకధాటిగా 15 నుంచి 20 నిమిషాల పాటు నాన్ స్టాప్ గా అనుష్క నవ్వుతూనే ఉంటుందట. తాను నవ్వడం మొదలు పెడితే షూటింగ్ కు ప్యాకప్ చెప్పాల్సిందేనని ఏకధాటిగా 15 నుంచి 20 నిమిషాల పాటు నాన్ స్టాప్ గా నవ్వుతూనే వుంటానని ఈ గ్యాప్ లో ప్రొడక్షన్ వాళ్లు టిఫిన్స్ స్నాక్స్ లాంటివి కంప్లీట్ చేసుకుని వస్తారని అనుష్క వివరించారట. అయితే దీనిపై అనుష్క అభిమానులు రకరకాలుగా స్పందిస్తున్నారు.

అనుష్క ప్రస్తుతం ప్రస్తుతం నవీన్ పోలీస్ శెట్టి పక్కన హీరోయిన్ గా ఓ ప్రేమకథా చిత్రంలో నటిస్తోంది. యువి క్రియేషన్స్ ఈ సినిమా నిర్మిస్తోంది. ప్రస్తుతం చిత్రీకరణ దశలో వున్న ఈ మూవీకి `మిస్ శెట్టి.. మిస్టర్ పొలిశెట్టి` అనే టైటిల్ ని పరిశీలిస్తున్నారట. ఓ చెఫ్ పాత్రలో ఈమె కనిపించబోతున్నట్టు ఫస్ట్ లుక్ ను కూడా రిలీజ్ చేశారు.