Harika

విజయ్ దేవరకొండ హీరోగా నటించిన ఫ్యామిలీ స్టార్ సినిమా గత వారం విడుదల అయ్యింది. ఎన్నో భారీ అంచనాల మధ్య ఈ సినిమా రిలీజ్ అయ్యింది. ఇందులో మృణాల్ ఠాకూర్ హీరోయిన్ గా నటించారు. గోవర్ధన్ అనే ఒక మధ్య తరగతి మనిషి చుట్టూ ఈ సినిమా నడుస్తుంది. సినిమా పాటలు సినిమా రిలీజ్ అయ్యే ముందు హిట్ అయ్యాయి. దాంతో సినిమా మీద భారీగా అంచనాలు నెలకొన్నాయి. ఈ సినిమా తెలుగుతో పాటు, తమిళ్ లో కూడా విడుదల చేశారు. హిందీలో కూడా ఈ సినిమా విడుదల అవుతుంది అని చెప్పారు. కానీ ఎప్పుడు విడుదల అవుతుంది అనేది ప్రకటించలేదు.

సినిమాలో కొన్ని సీన్స్ మీద బాగా కామెంట్స్ వచ్చాయి. ముఖ్యంగా హీరో తన కుటుంబానికి ప్రాముఖ్యత ఇస్తాడు కానీ, కొన్ని చోట్ల అదే లాజిక్ మిస్ అవుతాడు అన్నట్టు చూపించారు. సినిమా మొదటి నుండి చివరి వరకు హీరోకి తన కుటుంబం అంటే చాలా ఇష్టం అన్నట్టే చూపించారు. హీరో తనకంటే తన కుటుంబానికే ఎక్కువ ప్రాధాన్యత ఇస్తాడు అన్నట్టు సీన్స్ రూపొందించారు. తన కోసం కాదు. తన కుటుంబం కోసం హీరో బతుకుతాడు అన్నట్టు హీరో పాత్ర డిజైన్ చేశారు. కానీ చివరికి వచ్చేటప్పటికి ఇదంతా కూడా మిస్ అయినట్టు అనిపిస్తుంది.

అందుకు కారణం సినిమా చివరిలో హీరో, హీరోయిన్ పెళ్లి అవుతుంది. సినిమా రిలీజ్ అయ్యే ముందు ఇది ఒక డ్రీమ్ లో వచ్చే పాట అని అనుకున్నారు. కానీ సినిమాలో చూసిన తర్వాత చివరిలో హీరోకి పెళ్లి జరుగుతుంటే చుట్టుపక్కల అతని కుటుంబం ఉండదు. హీరో జీవితంలో అది ఒక ముఖ్యమైన విషయం. అలాంటిది అవుతున్నప్పుడు కూడా హీరో చుట్టుపక్కల తన కుటుంబానికి చెందిన వారు ఉండరు. సినిమా మొత్తం చూపించిన మెసేజ్ ని ఒకే ఒక్క క్లైమాక్స్ తో మార్చేశారు. కుటుంబం అంటే అంత ఇష్టం ఉన్న వ్యక్తి కుటుంబం లేకుండానే పెళ్లి చేసుకున్నాడు అన్నట్టు చూపించారు. దాంతో ఈ సీన్ చూసిన వాళ్ళు ఈ సీన్ మీద కామెంట్స్ చేస్తున్నారు.

ALSO READ : GEETHANJALI MALLI VACHINDI REVIEW : “అంజలి” కి ఈ సినిమాతో హిట్ పడినట్టేనా..? స్టోరీ, రివ్యూ & రేటింగ్.!

తెలుగు సంవత్సరాది ఉగాది సందర్భంగా మన లోగిళ్లలోకి సరికొత్త సంతోషాలు రావాలని, కుటుంబమంతా ఆనందోత్సావంతో ఉండాలని కోరుకుంటూ ఈటీవీ సరికొత్త కార్యక్రమాలకు శ్రీకారం చుట్టింది. అందులో భాగంగా ‘ఈ పండగ మనదే’ అనే కార్యక్రమాని మనకు అందించింది. దానికి సంబంధించిన ప్రోమోను విడుదల చేశారు. రౌడీ బాయ్ విజయ్ దేవరకొండ, మృణాల్ ఠాకూర్‌తో చేసిన సందడి అంతా ఇంతా కాదు. ఇదే కార్యక్రమంలో అగ్ర నిర్మాత దిల్ రాజు సైతం పాల్గొన్నారు.

అంతే కాదండోయ్ సూపర్ హిట్ ఫిల్మ్, సూపర్ హిట్ ఓటీటీ సిరీస్ టీమ్స్‌ను ఓకే వేదికపైకి తీసుకొచ్చి అల్లరల్లరి చేయించారు. అందులో భాగంగా బలగం సినిమా నుంచి దర్శకుడు వేణు అండ్ టీమ్.. 90’స్ వెబ్ సిరీస్ నుంచి నటుడు శివాజీ అండ్ టీమ్ పాల్గొన్నారు. ఉగాది పచ్చడి షడ్రులతో ఎలా ఇంపుగా అనిపిస్తుందో అలాగే ఈ కొత్త సంవత్సరం ప్రేక్షకులకు అంతా మంచే జరగాలని వారు కోరుకున్నారు.

ఇక ఈ కార్యక్రమంలోకి సుడిగాలి సుధీర్ రావటం విశేషం. తెలుగు టెలివిజన్ సూపర్ స్టార్ కమ్ బ్యాక్ అనేది ఆయన అభిమానుల్లోనే కాదు, బుల్లి తెర ప్రేక్షకుల్లోనూ ఓ నూతనోత్సాహాన్ని నింపింది. ఈ సరదా కార్యక్రమం ‘ఈ పండగ మనదే’ ను అసాంతం ఎంజాయ్ చేయాలంటే ఈటీవీని ట్యూన్ చేయాల్సిందే. ఈ కార్యక్రమం ఉగాది సందర్భంగా ఏప్రిల్ 9న ఉదయం తొమ్మిదిన్నర గంటలకు ప్రసారం కానుంది.

watch video:

“గంగోత్రి” సినిమాతో తెలుగు తెరకు పరిచమయ్యాడు అల్లు అర్జున్. అల్లు అరవింద్ కుమారుడిగా, మెగాస్టార్ చిరంజీవి మేనల్లుడిగా తొలి అడుగు ప్రారంభించినా.. ప్రతీ సినిమాలో తనకుంటూ ఓ స్టైల్ ను ఫాలోఅవుతూ.. స్టైలిష్ స్టార్ గా పేరు తెచ్చుకుని, ఓ ట్రెండ్ సెట్ చేశాడు. పుష్ప సినిమాతో ఐకాన్ స్టార్ గా మారి.. పాన్ ఇండియా స్టార్ గా ఎదిగాడు బన్నీ.

ఇక డాన్స్ అంటే బన్నీకి ప్రాణం. పాటలకు తనదైన స్టెప్పులతో ప్రాణం పోస్తాడు. మెగాస్టార్ “డాడీ” సినిమాలో మెరిసిన అల్లు అర్జున్.. డాన్స్ స్టూడెంట్‌గా కనిపించాడు. పలు చిత్రాల్లో చైల్డ్ ఆర్టిస్ట్ గా నటించిన అల్లు అర్జున్.. 2003 లో డైరెక్టర్ రాఘవేంద్రరావు దర్శకత్వం లో హీరో గా పరిచయం అయ్యాడు. తన మూడో చిత్రం ‘బన్నీ’ తో హ్యాట్రిక్ హిట్ కొట్టాడు. ఈ సినిమా నుంచే అల్లు అర్జున్ ని బన్నీ అని పిలవడం మొదలుపెట్టారు.

కేరళలో మమ్ముట్టి, మోహన్ లాల్ తర్వాత అల్లు అర్జున్ కే ఎక్కువ అభిమానులు ఉన్నారు. అక్కడ బన్నీని మల్లు అర్జున్ అని పిలుస్తుంటారు ఫ్యాన్స్. ఇప్పటివరకు అల్లు అర్జున్ విభిన్న కథలను ఎంచుకుంటూ అభిమానులను అలరించాడు. ఇక త్వరలో పుష్ప 2 తో ప్రేక్షకుల ముందుకి రానున్నాడు. అయితే ఇప్పటివరకు తన కెరీర్ లో అల్లు అర్జున్ చేసిన బెస్ట్ మూవీస్ ఏవో ఇప్పుడు చూద్దాం..

#1 ఆర్య

తన రెండో చిత్రం దర్శకుడు సుకుమార్ తో చేసాడు అల్లు అర్జున్. ఈ చిత్రం తో ఇండస్ట్రీ లో నటుడిగా తనదైన ముద్ర వేశాడు. ఈ సినిమాలో అల్లు అర్జున్ నటనకు నంది అవార్డు లభించింది.

#2 దేశముదురు

పూరి జగన్నాథ్ దర్శకత్వం లో దేశముదురు మూవీ చేసాడు బన్నీ. ఈ సిక్స్ ప్యాక్ చేసి అందరిని మెప్పించాడు. ఈ మూవీ తో మాస్ హీరోగా కూడా గుర్తింపు తెచ్చుకున్నాడు.

#3 పరుగు

బొమ్మరిల్లు భాస్కర్ దర్శకత్వం లో పరుగు చిత్రం చేసాడు అల్లు అర్జున్. ఈ చిత్రం లో సెటిల్డ్ యాక్టింగ్ తో అందర్నీ మెప్పించాడు. ఈ చిత్రానికి కూడా నంది అవార్డు గెలుచుకున్నాడు బన్నీ.

#4 ఆర్య 2

సుకుమార్ దర్శకత్వం లో మరోసారి నటించిన బన్నీ.. ఆర్య 2 లో నెగటివ్ షేడ్స్ ఉన్న పాత్రలో నటించి మెప్పించాడు.

#5 వేదం

క్రిష్ దర్శకత్వం లో మల్టీస్టారర్ లో నటించిన అల్లు అర్జున్ ఈ చిత్రానికి ఫిలిం ఫేర్ అవార్డు గెలుచుకున్నారు.

#6 రేసు గుర్రం

సురేందర్ రెడ్డి దర్శకత్వం లో ఈ యాక్షన్ ఎంటర్టైనర్ లో నటించిన అల్లు అర్జున్ ఈ చిత్రం తో మరో మెట్టు పైకి ఎక్కారు.

#7 సన్ ఆఫ్ సత్యమూర్తి

త్రివిక్రమ్ దర్శకత్వం లో అల్లు అర్జున్ మొదటిసారి జులాయి మూవీ లో నటించారు. ఆ తర్వాత వీరి కాంబినేషన్ లో వచ్చిన ఈ చిత్రం కూడా సూపర్ హిట్ అయ్యింది.

#8 రుద్రమదేవి

కాకతీయ వంశపు రాణి రుద్రమదేవి చరిత్ర ఆధారం గా వచ్చిన ఈ చిత్రం లో అల్లు అర్జున్ గోన గన్నారెడ్డి పాత్రలో నటించి విమర్శకుల ప్రశంసలు అందుకున్నారు.

#9 సరైనోడు

బోయపాటి శ్రీను దర్శకత్వం లో వచ్చిన ఈ చిత్రం తో అల్లు అర్జున్ మాస్ హిట్ అందుకున్నారు.

#10 నా పేరు సూర్య నా ఇల్లు ఇండియా

వక్కంతం వంశి దర్శకత్వం లో నా పేరు సూర్య నా ఇల్లు ఇండియా చిత్రాన్ని చేసారు అల్లు అర్జున్. ఈ చిత్రం పరాజయం పొందినా నటుడిగా అల్లు అర్జున్ కి మంచి మార్కులే పడ్డాయి.

#11 దువ్వాడ జగన్నాథం

మాస్ డైరెక్టర్ హరీష్ శంకర్ దర్శకత్వం లో డీజే మూవీ లో రెండు పాత్రల్లో నటించి మెప్పించారు అల్లు అర్జున్.

#12 అల వైకుంఠపురంలో

త్రివిక్రమ్ దర్శకత్వంలో అల వైకుంఠపురంలో తో హ్యాట్రిక్ హిట్ కొట్టాడు అల్లు అర్జున్. సంక్రాంతి బరిలో దిగిన ఈ సినిమా నాన్ బాహుబలి రికార్డులను చెరిపేసి, సరికొత్త రికార్డులను క్రియోట్ చేసింది. అల్లు అర్జున్ కెరీర్ లో బెస్ట్ మూవీగా నిలిచింది.

#13 పుష్ప

తనని స్టార్ హీరో గా నిలబెట్టిన క్రియేటివ్ డైరెక్టర్ సుకుమార్ తో పుష్ప మూవీ ని చేసారు అల్లు అర్జున్. ఐకాన్ స్టార్ గా మారిన బన్నీ ఈ మూవీ తో భారీ విజయాన్ని అందుకున్నాడు.

మామూలుగానే పాత సినిమా టైటిల్స్ ని కథకి మ్యాచ్ అయితే కొత్త సినిమాలకి పెట్టడం పరిపాటి. అయితే బాలకృష్ణ చాలా సినిమాలకి తన తండ్రి సినిమా టైటిల్స్ పెట్టుకొని హిట్స్ కొట్టాడు. మొత్తంగా తండ్రి ఓల్డ్ క్లాసిక్ టైటిల్స్ తో బాలయ్య చేసిన సినిమాలు ఏమిటో చూద్దాం.

#1 కథానాయకుడు : నందమూరి బాలకృష్ణ సోలో హీరోగా మారిన తర్వాత మొదటిసారి తన తండ్రి ఎన్టీఆర్ నటించిన ఒకప్పటి సూపర్ హిట్ సినిమా కథానాయకుడు. ఈ సినిమా టైటిల్ ని తన సినిమా టైటిల్  గా పెట్టుకున్న ఈ సినిమా అప్పట్లో సూపర్ హిట్.

#2 భలే తమ్ముడు: నందమూరి బాలకృష్ణ హీరోగా నటించిన భలే తమ్ముడు సినిమా సూపర్ హిట్ ఇది కూడా తన తండ్రి సినిమా టైటిల్ కావడం విశేషం. భలే తమ్ముడు సినిమాని పరుచూరి బ్రదర్స్ దర్శకత్వం వహించడం విశేషం.

#3 సీతారామ కళ్యాణం : సీనియర్ ఎన్టీఆర్ నటించిన సీతారామ కళ్యాణం ఎంత పెద్ద క్లాసిక్ హిట్టో అందరికీ తెలిసిందే. అయితే నందమూరి బాలకృష్ణ కూడా సేమ్ టైటిల్ తో ఒక సినిమా తీసి మంచి హిట్ సొంతం చేసుకున్నారు.

#4 నిప్పులాంటిమనిషి : ఈ సినిమా కూడా సీనియర్ ఎన్టీఆర్ కి మంచి హిట్ మూవీ. అదే టైటిల్ ని తన సినిమాకి పెట్టుకొని బాలకృష్ణ కూడా మంచి హిట్ కొట్టడం విశేషం. ఈ సినిమా అమితాబచ్చన్ హిందీ సినిమా జంజీర్ కి రీమేక్ అని అందరికీ తెలిసిందే.

#5 రాము: ప్రమాదంలో భార్యని పోగొట్టుకొని అదే ప్రమాదంలో కొడుకు నోరు కూడా పోగొట్టుకోవడంతో ఒక తండ్రి పడే ఆవేదన సీనియర్ ఎన్టీఆర్ రాము సినిమా. ఆ సినిమాఅప్పట్లో సూపర్ హిట్. అదే సినిమా టైటిల్ తో బాలకృష్ణ కూడా ఒక సినిమా చేశారు ఈ సినిమా కూడా మంచి హిట్ ని అందుకుంది.

#6 రాముడు భీముడు: ఈ సినిమా కూడా సీనియర్ ఎన్టీఆర్ హిట్ మూవీ అయితే ఇదే టైటిల్ తో సినిమా తీసిన బాలకృష్ణ పెద్దగా హిట్ ని సాధించలేకపోయారు.

#7 నర్తనశాల: ఇది ఎన్టీఆర్ సూపర్ డూపర్ క్లాసిక్ హిట్ సినిమా. అయితే ఇదే టైటిల్ తో బాలకృష్ణ ఒక మూవీ ని స్టార్ట్ చేశారు కానీ సౌందర్య అకాల మరణంతో ఈ సినిమా మధ్యలోనే ఆగిపోయింది.