Mohana Priya

కొన్ని సినిమాల్లో హీరోయిన్ క్యారెక్టర్స్ చూసినప్పుడు అబ్బా చాలా బాగా రాసారు, హీరోయిన్ కూడా చాలా బాగా పర్ఫామ్ చేసింది అనిపిస్తుంది. ఆ పాత్రలు కొన్నాళ్ళు మనల్ని వెంటాడతాయి. ఉదాహరణకి బొమ్మరిల్లు లో హాసిని, ఫిదా లో భానుమతి పాత్రల లాగ.

అదే మరి కొన్ని సినిమాల్లో హీరోయిన్ క్యారెక్టర్ ఎలా ఉంటుంది అంటే కొంచెం ఓవర్ యాక్టింగ్, కొంచెం విచిత్రంగా, సిల్లీగా ఉంటుంది. అసలు ఆ పాత్రలకు ప్రేక్షకులు అస్సలు కనెక్ట్ అవ్వలేరు. మరి తప్పు ఇది రాసిన రైటర్స్ దా.. లేక చేసిన ఆర్టిస్టుల దా అనే విషయం పక్కన పెడితే ఆ పాత్రల వల్ల కొన్ని సార్లు సినిమా ఫలితమే మారిపోయింది కొన్నిసార్లు. ఇప్పుడు ఆ పాత్రలు ఏంటో చూద్దాం..

#1 జెనీలియా – ఆరంజ్

భాస్కర్ గారి బొమ్మరిల్లులో హాసిని పాత్ర ఎంత బాగుంటుందో…ఈ సినిమా లో అంత చెత్తగా ఉంది. మెయిన్ గా బ్రహ్మానందం గారితో వచ్చే సీన్స్ అయితే అస్సలు బాగోవు.

#2 రష్మిక- పుష్ప

నేషనల్ క్రష్ అయినా రష్మిక పుష్ప తో పాన్ ఇండియా స్టార్ అయిపోయింది. కానీ ఈ మూవీ లో ఆమె సీన్లు పేక్షకుల సహనానికి పరీక్ష పెడతాయి.

#3 మెహ్రీన్ – ఎఫ్ 2

అనిల్ రావి పూడి తెరకెక్కించిన ఈ చిత్రం బ్లాక్ బస్టర్ అయ్యింది గాని.. అందులో మెహ్రీన్ చేసిన హనీ పాత్రను అస్సలు భరించలేం.

#4 పూజ హెగ్డే- మోస్ట్ ఎలిజిబుల్ బాచిలర్

అఖిల్ హీరోగా నటించిన ఈ చిత్రం లో పూజ హెగ్డే పాత్ర చాలా డామినేటింగ్ గా ఉండటం తో పాటు కాస్త అతి ఎక్కువైనట్లు ఉంటుంది.

#5 రష్మిక – సరిలేరు నీకెవ్వరూ

అనిల్ రావిపూడి మహేష్ కాంబినేషన్ లో వచ్చిన ఈ చిత్రం సూపర్ హిట్ అయ్యింది కానీ ఇందులో రష్మిక ఐ ఆమ్ ఇంప్రెస్స్డ్ అంటూ చేసే అల్లరి ప్రేక్షకులను ఇంప్రెస్స్ చెయ్యలేదు.

#6 కేతిక శర్మ- రొమాంటిక్

పూరి తనయుడు ఆకాష్ హీరోగా తెరకెక్కిన రొమాంటిక్ చిత్రం తో కేతిక టాలీవుడ్ లో అడుగు పెట్టింది. ఇందులో కేతిక యాక్షన్ అస్సలు భరించలేకపోయారు జనాలు.

#7 రాశి ఖన్నా – పక్కా కమర్షియల్

గోపీచంద్ , రాసి ఖన్నా జంటగా తెరకెక్కిన ఈ చిత్రం లో రాశిఖన్నా పాత్ర అంత ఇంప్రెసివ్ గా ఉండదు.

#8 కీర్తి సురేష్ – రంగ్ దే

ఈ సినిమాలో ఈ పాత్ర అసలు కీర్తికి సెట్ అవ్వలేదు అలాగే ప్రేక్షకులు కూడా ఈ పాత్రకి కనెక్ట్ అవ్వలేకపోయారు.

#9 అనన్య పాండే – లైగర్

అసలు పూరి సినిమాల్లో హీరోయిన్ లు డిఫరెంట్ గా .. కంప్లీట్ ఆటిట్యూడ్ తో ఉంటారు. అది కొన్ని సార్లు వర్క్ అవుట్ అయినా .. కొన్ని సార్లు తేడా కొట్టేస్తుంది. లైగర్ సినిమాలో అనన్య పాత్ర కూడా అంతే.

#10 రాశి ఖన్నా – వరల్డ్ ఫేమస్ లవర్

విజయ్ దేవరకొండ తో రాశి ఖన్నా చేసిన ఈ చిత్రం ప్లాప్ ఐయ్యింది. ఇందులో రాశి పాత్ర చాలా డల్ గా సాగుతూ ప్రేక్షకులకు బోర్ కొట్టిస్తుంది.

ప్రభాస్ హీరోగా వస్తున్న సినిమా ఆదిపురుష్. ఈ సినిమా టీజర్ ఇటీవల విడుదల అయ్యింది. ఇందులో కృతి సనన్ హీరోయిన్ గా నటిస్తున్నారు. ఈ సినిమాకి ఓం రౌత్ దర్శకత్వం వహించారు. ఈ సినిమా పాన్-ఇండియన్ సినిమాగా రూపొందింది. షూటింగ్ పూర్తి అయ్యి చాలా కాలం అయ్యింది.

ఈ సినిమాలో ప్రభాస్ రాముడిగా నటించారు. ఈ సినిమా టీజర్ పై చాలా కామెంట్స్ వచ్చాయి. దాంతో సినిమా బృందం కొన్ని మార్పులు చేయాలి అని నిర్ణయించుకున్నారు. అందుకే సినిమా విడుదల ఆలస్యం అవుతుంది అని చెప్పారు. ఈ సినిమాలో గ్రాఫిక్స్ విషయంలో చాలా మార్పులు చేస్తున్నారు.

అలా చేయడానికి దాదాపు 100 కోట్లు ఖర్చు చేస్తున్నారు. ఈ సారి సినిమా ఎలాగైనా హిట్ అవ్వాలి అని అనుకుంటున్నారు. అందుకే ప్రేక్షకులకి నచ్చడానికి చాలా శ్రద్ధ వహిస్తున్నారు. కానీ సినిమా ఆలస్యం అవుతోంది అని అంటున్నారు. ఇప్పుడు వస్తున్న వార్తల ప్రకారం సినిమాలో చేసే మార్పులు ఇంకా పెరిగాయి అని అంటున్నారు. ముందు ప్రభాస్ పాత్రకి సంబంధించి ఎటువంటి మార్పులు చేయలేదు అన్నారు.

కానీ ఇప్పుడు ప్రభాస్ పాత్రలో కూడా మార్పులు చేస్తునట్టు సమాచారం. ఈ సినిమాలో ప్రభాస్ ముఖం విషయంలో, అలాగే గెటప్ విషయంలో కూడా జాగ్రత్తలు తీసుకున్నారు అనే వార్తలు వస్తున్నాయి. సినిమాలో హీరో ప్రభాస్. అంటే సినిమా మొత్తం దాదాపు ప్రభాస్ ఉంటారు. ప్రభాస్ ఉన్న సీన్స్ చాలా ఉంటాయి. అందులో కొన్ని పోరాట సన్నివేశాలు కూడా ఉండి ఉంటాయి.

ఇలా చూస్తే ప్రతి సీన్ లో ప్రభాస్ గెటప్, ముఖం ఎడిట్ చేసి, అదంతా మళ్లీ సినిమాగా చేసి, ఈ సినిమాని పోస్ట్ ప్రొడక్షన్ వర్క్ కి పంపించి, సినిమా రిలీజ్ చేయడానికి ఇంకా ఎక్కువ టైం పట్టేలాగా ఉంది. దాంతో వచ్చే సంవత్సరం చివరిలో ఈ సినిమా వచ్చే అవకాశం ఉంది అని అంటున్నారు. ఒకవేళ అప్పటికి కూడా సినిమా పని పూర్తి అవ్వకపోతే వచ్చే సంవత్సరం కూడా సినిమా విడుదల అయ్యే అవకాశం లేదు అని అంటున్నారు.

దీంతో ప్రభాస్ ఫ్యాన్స్ అందరూ కూడా అసంతృప్తి వ్యక్తం చేస్తున్నారు. మరి ఇంత ఎడిట్ చేసే బదులు ఇంకో కొత్త సినిమా తీయొచ్చు కదా? అనే కామెంట్స్ కూడా వస్తున్నాయి. ఏమైనా సరే ఈసారి అయినా ప్రేక్షకులకు నచ్చి సినిమా హిట్ అయితే చాలు అని అంటున్నారు. కానీ మరోపక్క ప్రభాస్ మాత్రం వరుస సినిమాలతో బిజీగా ఉన్నారు. మరి ఈ సినిమా ఎలాంటి నిర్ణయాలు తీసుకుంటారో తెలియాలి అంటే ఇంకా కొద్ది రోజులు ఆగాల్సిందే.

ప్రతి ఒక్కరికి వేరు వేరు అభిప్రాయాలు ఉంటాయి. కొంత మంది కుటుంబానికి ప్రాముఖ్యతనిస్తారు. కొంత మంది కెరియర్ కి, ఇంకా కొంతమంది డబ్బుకి ఇలా ప్రతి మనిషి కొన్ని విషయాలను ఎక్కువగా పట్టించుకుంటారు కొన్ని విషయాలను వదిలేస్తారు.

కానీ ఈ అభిప్రాయాలు ఉండటానికి ముఖ్య కారణం గతంలో వాళ్ళు ఎదుర్కొన్న సంఘటనలే. అలా మన ఇండస్ట్రీలో చాలామంది హీరోయిన్లు 40 దాటినా కూడా వాళ్ల వ్యక్తిగత కారణాల వల్ల కెరియర్ కి ప్రాముఖ్యతనిచ్చి పెళ్లి చేసుకోకుండా ఉండిపోయారు. వాళ్ళలో కొంతమంది ఎవరంటే.

#1 టబు

ఎన్నో సంవత్సరాల నుండి ప్రేక్షకులను అలరిస్తున్నారు టబు. తెలుగులో మాత్రమే కాకుండా హిందీలో కూడా ఎన్నో హిట్ చిత్రాల్లో నటించారు. కానీ ఇన్ని సంవత్సరాలు అయినా కూడా తన వ్యక్తిగత విషయాలకి సంబంధించిన వివరాలు ఎక్కువగా బయటికి రావు. టబు కూడా ఈ విషయాల గురించి బయట ఎక్కువగా మాట్లాడరు.

#2 సితార

సినిమాల్లోనే కాకుండా ఎన్నో సీరియల్స్ లో కూడా నటించారు సితార.సితార తన పెళ్లి గురించి ఒకసారి మీడియాతో మాట్లాడుతూ తను తన తండ్రికి చాలా క్లోజ్ అని, తల్లిదండ్రులను వదిలి వెళ్ళటం ఇష్టం లేక పెళ్లి చేసుకోలేదు అని. తన తండ్రి చనిపోయిన తర్వాత పెళ్లి ఆలోచన పూర్తిగా పోయింది అని అన్నారు.

#3 వెన్నిరాడై (వెన్నిర ఆడై) నిర్మల

ఎన్నో తమిళ్, మలయాళం సినిమాలతో పాటు తెలుగులో శంకర్ దాదా ఎంబిబిఎస్, రగడ, కలిసుందాం రా, అధిపతి, సీమ సింహం ఇంకా ఎన్నో చిత్రాల్లో అలాగే రెండు కన్నడ చిత్రాలలో కూడా నటించారు నిర్మల. అంతేకాకుండా సీరియల్స్ లో కూడా నటించారు.

#4 నర్గీస్ ఫక్రీ

నర్గీస్ ఫక్రీ 2011లో వచ్చిన రాక్ స్టార్ సినిమాతో బాలీవుడ్ లో అడుగు పెట్టారు. నర్గీస్ ఫక్రీ ఎక్కువగా హిందీ చిత్రాల్లో నటించారు. తెలుగులో సూపర్ హిట్ అయిన జులాయి సినిమా తమిళ్ లో ప్రశాంత్ హీరోగా సాహసం పేరుతో రీమేక్ అయింది. ఈ సినిమాలో ఒక స్పెషల్ సాంగ్ చేశారు నర్గీస్ ఫక్రీ.

#5 సుష్మితా సేన్

పరిచయం అక్కర్లేని వ్యక్తి సుష్మితా సేన్. సుష్మితా సేన్, రొమన్ షాల్ తో గత రెండు సంవత్సరాలుగా ప్రేమలో ఉన్నారు. ఇటీవల వీరి బ్రేకప్ అయినట్టు ప్రకటించారు.

#6 అమీషా పటేల్

హిందీలోనే కాకుండా తెలుగులో కూడా బద్రి, నాని, నరసింహుడు చిత్రాల్లో నటించారు అమీషా పటేల్. అమీషా పటేల్ రిలేషన్ షిప్ గురించి వార్తలు వస్తూ ఉంటాయి. కానీ అమీషా పటేల్ మాత్రం దేనికి ఎక్కువగా స్పందించరు.

#7 నగ్మా

అప్పట్లో దాదాపు అందరు హీరోలతో యాక్ట్ చేసి టాప్ హీరోయిన్ గా పేరు తెచ్చుకున్న నగ్మా ప్రస్తుతం రాజకీయాల్లో బిజీగా ఉన్నారు. నగ్మా కూడా తన పెళ్లి గురించి ఎక్కువగా రియాక్ట్ అవ్వరు.

#8 ఆశ పారేఖ్

1952 లో తన కెరీర్ ని మొదలు పెట్టిన ఆశ పారేఖ్ తర్వాత ఎన్నో సినిమాల్లో నటించి ఎంతో గుర్తింపు తో పాటు, అవార్డులను కూడా గెలుచుకున్నారు.

#9 శోభన

2017 లో శోభన పెళ్లి చేసుకోబోతున్నారనే వార్తలు వినిపించాయి. కానీ 2018 లో ఒక ఇంటర్వ్యూలో తన వ్యక్తిగత విషయాల గురించి ఎక్కువగా మాట్లాడను అని, కానీ తను సింగిల్ గా సంతోషంగా ఉన్నాను అని చెప్పారు.

#10. కౌసల్య

పంచదార చిలక, అల్లుడుగారొచ్చారు సినిమాలతో తెలుగులో మంచి పేరు తెచ్చుకున్న కౌసల్య కూడా ఇప్పటివరకు పెళ్లి చేసుకోలేదు. రారండోయ్ వేడుక చూద్దాం సినిమాలో రకుల్ తల్లిగా నటించి సెకండ్ ఇన్నింగ్స్ కూడా మొదలుపెట్టారు కౌసల్య.

నందమూరి బాలకృష్ణ మరియు బోయపాటి శ్రీను కాంబినేషన్ గురించి ప్రత్యేకించి చెప్పాల్సిన అవసరం లేదు. కొంతకాలం వరుస ఫ్లాప్స్ తో ఇబ్బంది పడుతున్న బాలకృష్ణ నట విశ్వరూపాన్ని ‘ సింహా ‘ మూవీ తో ప్రేక్షకుల ముందుకు తెచ్చిన ఘనత బోయపాటి కే దక్కుతుంది. ఒకరకంగా చెప్పాలి అంటే బాలయ్య లోని మాస్ సింహాన్ని నిద్ర లేపిన డైరెక్టర్ బోయపాటి.

సింహ తర్వాత తన మూవీస్ తిరిగి వరసగా ఫ్లాప్ అవుతున్న సందర్భంలో తిరిగి బోయపాటి కాంబోలో లెజెండ్ అనౌన్స్ చేశాడు బాలయ్య. లెజెండ్ నిజంగానే లెజెండ్రీ సెన్సేషన్ సృష్టించింది. వీళ్ళ ఇద్దరిదీ తిరుగులేని కాంబినేషన్ అనడానికి నిదర్శనంగా లెజెండ్ నిలబడింది.

తర్వాత కొంతకాలానికి తిరిగి వీళ్ళ కాంబినేషన్లో సెట్ అయిన మూవీ ‘అఖండ’. హ్యాట్రిక్ కొట్టడం కన్ఫామ్ అనుకున్న మూవీ కాస్త తిరుగులేని హిట్ గా నిలిచింది. బాలయ్య కెరియర్ లోనే బిగ్గెస్ట్ బ్లాక్ బస్టర్ గా నిలిచిన ఈ మూవీ 100 కోట్ల మార్కెట్ టచ్ చేసింది. కుర్ర హీరోలు సైతం బాక్స్ ఆఫీస్ దగ్గర చతికెల పడుతున్న ఈ టైంలో బాలకృష్ణ అఖండ బాక్సాఫీస్ ను బంతాట ఆడింది. అక్కడితో ఆగకుండా ఓటీటీ స్ట్రీమింగ్‌ లో కూడా తన సత్తా చూపింది. చివరకు గోవాలో జరిగిన 53వ ఇంటర్నేషనల్ ఫిలిం ఫెస్టివల్‌ లో ‘అఖండ’ స్క్రీనింగ్ అయ్యింది.

ప్రస్తుతం వీళ్ళిద్దరి లెజెండరీ కాంబినేషన్ లో ఇంకో సెన్సేషనల్ మూవీ కు ప్లానింగ్ జరుగుతున్నట్లు ఇండస్ట్రీలో ఓ పుకారు షికారు చేస్తోంది. దానికి తోడు ఈ చిత్రం కోసం ఏకంగా నలుగురు ప్రఖ్యాత నిర్మాతలు పోటీ పడుతున్నారట. మరి కాంపిటీషన్ ఏ లెవెల్ లో ఉందో ఊహించండి. ఇంతకీ ఆ నలుగురు నిర్మాతలు ఎవరా అని అనుకుంటున్నారా.. ‘అఖండ’ నిర్మాత మిర్యాల రవీందర్ రెడ్డి, సూర్యదేవర నాగవంశీ, రామ్ ఆచంట మరియు సుధాకర్ చెరుకూరి ఈ రేస్ లో మందంజలో ఉన్నారు. మరి వీళ్లల్లో ఆ లక్కీ ఛాన్స్ ఎవరిని వరిస్తుందో , బాలయ్య వీళ్ళల్లో ఎవరికి గ్రీన్ సిగ్నల్ ఇస్తాడు తెలియాలంటే వేచి చూడాలి.

కోలీవుడ్ అగ్ర కథానాయకుడు దళపతి విజయ్ హీరోగాగా నటిస్తోన్న భారీ బడ్జెట్ మూవీ ‘వారసుడు’ (వారిసు). వంశీ పైడిపల్లి ద‌ర్శ‌క‌త్వంలో దిల్‌రాజు, శిరీష్‌, ప‌ర‌ల్ వి.పొట్లూరి, ప‌ర‌మ్ వి.పొట్లూరి ఈ చిత్రాన్ని నిర్మిస్తున్నారు. రానున్న సంక్రాంతికి మూవీ తెలుగు, త‌మిళ భాష‌ల్లో భారీ ఎత్తున్న రిలీజ్ కానుంది. ఈ చిత్రం లో విజయ్ సరసన రష్మిక నటిస్తోంది.

ఈ సినిమా నుంచి త‌మిళంలో ఇటీవ‌ల రంజిత‌మే అనే సాంగ్‌ను మేక‌ర్స్ విడుద‌ల చేసిన సంగ‌తి తెలిసిందే. త‌మిళంలో ఇప్ప‌టికే 75 మిలియ‌న్ వ్యూస్‌ను సినిమా సంపాదించుకుంది. కాగా ఇపుడు టాలీవుడ్ ప్రేక్షకుల కోసం తెలుగు వెర్షన్‌ను విడుదల చేశారు మేకర్స్. ఎస్‌ థమన్ కంపోజ్ చేసిన ఈ పాటను అనురాగ్ కులకర్ణి, ఎంఎం మానసి పాడారు. రామజోగయ్య శాస్త్రి ఈ పాట రాశారు. తెలుగు వెర్షన్‌ కూడా రికార్డులు బద్దలు కొట్టడం ఖాయమైనట్టే తాజా సాంగ్‌తో అర్థమవుతుంది.

అయితే తాజాగా విడుదలైన లిరికల్ సాంగ్ లో విజయ్, రష్మిక ఫాస్ట్ బీట్ కి డాన్స్ లతో దుమ్ము రేపారు. అయితే ఈ సాంగ్ కి డాన్స్ చేస్తున్న సమయం లో రష్మిక కుడి కాలి పట్టీ ఊడిపోయింది. అయినా రష్మిక అలానే డాన్స్ చేసింది. అది చూసుకోకుండా మేకర్స్ సాంగ్ రిలీజ్ చేసారని పలువురు నెటిజన్లు కామెంట్లు చేస్తున్నారు. పట్టీ ఊడిపోయింది కదమ్మా.. చూసుకోవాలిగా.. అంటూ ఈ వీడియో కి ఫన్నీ కామెంట్లు పెడుతున్నారు నెటిజన్లు.

ఈ చిత్రం లో ప్రకాశ్‌ రాజ్‌, ప్రభు, శ్రీకాంత్‌, యోగిబాబు, శరత్‌ కుమార్‌, జయసుధ, ఖుష్బూ సుందర్‌ కీలక రోల్స్ పోషిస్తున్నారు. వారిసు సినిమా పూర్తి చేసిన తర్వాత, దళపతి విజయ్ దర్శకుడు లోకేష్ కనగరాజ్‌తో పని చేయనున్నారు. ఇది గ్యాంగ్‌స్టర్ డ్రామాగా తెరకెక్కనుంది.

 watch video:

తెలుగు సినిమా ఇండస్ట్రీలో ఉన్న హిట్ డైరెక్టర్ హీరో కాంబినేషన్ల లో పవన్ కళ్యాణ్ కరుణాకరన్ కాంబినేషన్ ఒకటి. వాళ్ళ ఇద్దరి కాంబినేషన్ లో వచ్చిన తొలి ప్రేమ చిత్రం అటు పవన్ కళ్యాణ్ కి ఇటు కరుణాకరన్ కి ఇద్దరికీ హిట్ ఇవ్వడమే కాకుండా మన ఇండస్ట్రీలో వచ్చిన ప్రేమకథల్లో బెస్ట్ గా నిలిచిపోయింది.

తొలిప్రేమ సినిమా వచ్చి 22 ఏళ్ళు అయినా కూడా ఇప్పటికీ ఆ సినిమా అంటే అదో రకమైన క్రేజ్ ఉంది. తర్వాత వాళ్ళిద్దరి కాంబినేషన్ లోనే బాలు సినిమా వచ్చింది. భారీ అంచనాల నడుమ విడుదలైన బాలు ప్రేక్షకుల ఆదరణ అందుకుంది. ఫ్లాష్ బ్యాక్ లో ఒక రౌడీగా, తర్వాత గతాన్ని వదిలేసి మరొక చోటికి వచ్చి కొత్త జీవితం మొదలు పెట్టిన వ్యక్తి బాలు గా రెండు షేడ్స్ ఉన్న క్యారెక్టర్లో పవన్ కళ్యాణ్ అద్భుతంగా నటించారు.

ఈ సినిమాకి మణిశర్మ సంగీతం, శ్రీయ, జయసుధ కూడా ప్లస్ పాయింట్స్. బాలు సినిమాలో మెరిసిన ఇంకొక క్యారెక్టర్ ఫ్లాష్ బ్యాక్ లో బాలు ప్రేమించే వ్యక్తి ఇందిరా ప్రియదర్శిని. అమాయకంగా, అన్నిటికీ భయపడుతున్నట్లు ఉంటూనే తన వాళ్ళ కోసం ధైర్యంగా నిలబడే ఇందిరా పాత్రను పోషించారు నేహా ఒబెరాయ్. సినిమాలో ఇందిర క్యారెక్టర్ చనిపోయినప్పుడు మాత్రం చాలామంది బాధపడ్డారు. ఆ పాత్ర మనకు అంతగా కనెక్ట్ అయింది.

బాలు నేహా ఒబెరాయ్ మొదటి సినిమా. బాలీవుడ్ లో ఎంతో పేరుపొందిన నిర్మాత ధరమ్ ఒబెరాయ్ కూతురు నేహ. షూటౌట్ ఎట్ లోఖండ్ వాలా, కాబిల్, షూటౌట్ ఎట్ వదాలా వంటి ఎన్నో విజయవంతమైన సినిమాల కు దర్శకత్వం వహించిన దర్శకుడు, నిర్మాత, స్క్రీన్ రైటర్ సంజయ్ గుప్తా కూడా నేహకి బంధువు అవుతారు.

నేహా ఒబెరాయ్ మళ్లీ ఎప్పుడెప్పుడు  సినిమా చేస్తుందా అని బాలు సినిమా తో తనకి అభిమానులైన చాలామంది ఎదురు చూశారు. నేహా కూడా బాలు తర్వాత జగపతి బాబు తో బ్రహ్మాస్త్రం అనే సినిమాలో నటించింది. బ్రహ్మాస్త్రం చిత్రం అంతగా ప్రజాదరణ పొందలేదు.

తర్వాత హిందీలో కూడా దస్ కహానియా,ఈ ఎం ఐ,వుడ్ స్టాక్ విల్లా, ఆస్మాన్ చిత్రాల్లో నటించారు నేహ. వుడ్ స్టాక్ విల్లా బాక్సాఫీసు దగ్గర విజయం సాధించకపోయినా కానీ ఈ సినిమాలో తన నటనకు నేహ ఎంతగానో ప్రశంసలు అందుకున్నారు. 14 డిసెంబర్ 2010 లో డైమండ్ వ్యాపారి అయిన విశాల్ షా ని పెళ్లి చేసుకున్నారు నేహ.

నేహ ప్రస్తుతం నోయిడా లో ఉన్న ఇంటర్నేషనల్ ఫిల్మ్ అండ్ టెలివిజన్ క్లబ్ ఆఫ్ ఏషియన్ అకాడమీ ఆఫ్ ఫిల్మ్ అండ్ టెలివిజన్ కి మెంబర్ గా ఉన్నారు. భూమిక, జ్యోతిక లాంటి ఎంతో మంది హీరోయిన్లు మంచి పాత్రలతో ఇండస్ట్రీలోకి మళ్లీ  కం బ్యాక్ ఇచ్చారు. అదేవిధంగా నేహ కూడా తిరిగి ఇండస్ట్రీకి వచ్చి మళ్లీ ప్రేక్షకులందరినీ అలరించాలని ఆశిద్దాం.

సినిమా వాళ్ళ జీవితం ఒక తెరిచిన పుస్తకం లాంటిది. సినిమా ప్రియులకు తమ బంధువుల వార్తలు తెలిసిన తెలియకపోయినా సెలబ్రిటీల గురించి మాత్రం ప్రతి చిన్న విషయం ఖచ్చితంగా తెలిసి ఉంటుంది. వాళ్లతో మనకి పరిచయం లేకపోయినా మన వాళ్లే అంత చనువు వస్తుంది. ఇలా చిన్నచిన్న విషయాలకే జనాల్లో చర్చ జరిగితే.

పెళ్లి లాంటి పెద్ద విషయాలు తెలిసినప్పుడు డిస్కషన్ మామూలుగా జరగదు. ఇది మాత్రం సినిమా ప్రియులే కాకుండా మామూలు ప్రజలు కూడా చర్చించుకునే విషయం. ఇంతగా పాకుతుంది అని సెలబ్రెటీలు జాగ్రత్తపడి ఆడంబరంగా చేసుకోకపోయినా, మీడియా పుణ్యమా అని అక్కడ జరిగే ప్రతి ఒక్క విశేషం అందరికీ తెలుస్తూనే ఉంటుంది.

వాళ్లు వేసుకున్న డ్రస్సుల దగ్గర నుండి, డెకరేషన్ ఎలా ఉంది, ఎంతమంది వచ్చారు, కొన్నిసార్లయితే వాళ్లు తినడానికి మెనూ ఏం పెట్టారు లాంటి విషయాలు కూడా బయటకు వస్తాయి. వీటన్నిటితో పాటు మరొక ముఖ్యమైనది, ఇంకా అసలు ఆసక్తి అనేది మొదలయ్యేది దీంతోనే. అదే వెడ్డింగ్ కార్డు. ఒక రకంగా చెప్పాలంటే వెడ్డింగ్ కార్డు డిజైన్ ని బట్టే పెళ్లి ఎలా ఉండబోతుంది అన్నది కొంతవరకు అంచనా వేయొచ్చు. అంటే కొన్నిసార్లు కార్డు గ్రాండ్ గా ఉంటే పెళ్లి కూడా ఘనంగా జరుగుతుంది, సింపుల్ గా ఉంటే సింపుల్ గా జరుగుతుంది. అలాంటి సెలబ్రిటీల వెడ్డింగ్ కార్డు కొన్ని ఇవే.

రామ్ చరణ్ – ఉపాసన

జూనియర్ ఎన్టీఆర్ – లక్ష్మీ ప్రణతి

అల్లు అర్జున్ – స్నేహ

మంచు మనోజ్ – ప్రణతి

నందమూరి తారక రామారావు – బసవతారకం

నాగచైతన్య – సమంత

చిరంజీవి – సురేఖ

గోపీచంద్ – రేష్మ

అల్లరి నరేష్ – విరూప

ప్రియమణి – ముస్తఫా రాజ్

డైరెక్టర్ క్రిష్ – రమ్య

వరుణ్ – వితిక