Mohana Priya

ప్రభాస్, పూజా హెగ్డే కాంబినేషన్‌లో రాబోతున్న సినిమా రాధే శ్యామ్. ఈ సినిమా రాధే శ్యామ్ గురించి అభిమానులు దాదాపు రెండున్నర ఏళ్ల నుంచి ఎదురు చూస్తున్నారు. భారతదేశం అంతటా కూడా ఈ సినిమాపై అంచనాలు భారీగా ఉన్నాయి.

ఈ సినిమాలో విక్రమాదిత్య అనే పాత్రలో ప్రభాస్ నటిస్తున్నారు. ప్రేరణ అనే పాత్రలో పూజా హెగ్డే నటిస్తున్నారు. వీరిద్దరూ కలిసి నటించడం ఇదే మొదటిసారి. రాధే శ్యామ్ సినిమా బృందమంతా సినిమాకి సంబంధించిన ప్రమోషన్స్ పనిలో ఉన్నారు. ఇటీవల ఈ సినిమా రెండవ ట్రైలర్ కూడా విడుదల అయ్యింది.

దీంతో ఈ సినిమాపై ఆసక్తి ఇంకా పెరిగింది. రాధే శ్యామ్ సినిమాలో కేవలం లవ్ స్టోరీ మాత్రమే కాదు ఇంకా చాలా ఉన్నాయి అని ఈ ట్రైలర్ చూస్తే తెలుస్తోంది. అలాగే అంతకుముందు విడుదల చేసిన రాధే శ్యామ్ ట్రైలర్, లేదా సినిమాకి సంబంధించిన వేరే వీడియోల్లో కనిపించని కొంత మంది నటులు కూడా ఇందులో కనిపించారు. ఈ సినిమాకి సెట్టింగ్స్ కూడా ప్రధాన హైలైట్ గా నిలిచాయి. 1970 సమయంలో రోమ్ ఉంటుందో అలా ఈ సినిమాలో చూపించారు. ముందు ఒరిజినల్ లొకేషన్స్ లో షూట్ చేసినా కూడా, తర్వాత కరోనా కారణంగా రామోజీ ఫిలిం సిటీలో ఈ సినిమాకు సంబంధించిన సెట్టింగ్స్ వేశారు. ఈ విషయంపై ఆర్ట్ డైరెక్టర్ రవీందర్ ఇటీవల మాట్లాడారు.

“సినిమా కోసం రైళ్లు, ఇల్లు ఇంకా చాలా సెట్టింగ్స్ వేశారు. హీరోయిన్ ఇల్లు సెట్ వేసిన తర్వాత అందరూ చూసి మెచ్చుకోవడంతో చాలా ధైర్యం వచ్చింది” అని అన్నారు. అయితే క్లైమాక్స్ లో వచ్చే షిప్ సీన్ షూట్ చేయడానికి మాత్రం సెట్టింగ్ ఎలా వేయాలి అనే విషయం పై చాలా చర్చ జరిగిందట. రామోజీ ఫిలిం సిటీలో నాలుగు అంతస్తుల భవనంలో ఈ సెట్ వేశారట. సాధారణంగా ఈ సదుపాయం ఉండడం చాలా అరుదు అని కానీ రామోజీ ఫిలిం సిటీలోనే అంతర్జాతీయ స్థాయి సదుపాయాలు ఉన్నాయి అని, అందుకే సెట్టింగ్ ఇక్కడే వేసి షూట్ చేశాము అని, అందులో ఏ ఒక్కటి కూడా సెట్టింగ్ లాగా అనిపించదు అని రవీందర్ చెప్పారు.

ప్రతి గురువారం, శుక్రవారం మనల్నందరిని అలరిస్తున్న ప్రోగ్రామ్స్ జబర్దస్త్ ఇంకా ఎక్స్ట్రా జబర్దస్త్. ఈ ప్రోగ్రామ్స్ స్టార్ట్ అయినప్పటి నుంచి మెల్లమెల్లగా జనాల్లోకి స్ప్రెడ్ అవుతూ, ఇప్పుడు టాప్ షోస్ గా నిలిచాయి.ఈ రెండు ప్రోగ్రామ్స్ ద్వారా ఎంతో మంది ఆర్టిస్టులు మన ఇండస్ట్రీకి పరిచయం అయ్యారు.

ఒక రోజు జబర్దస్త్ లో అనసూయ యాంకర్ గా మనల్ని అలరిస్తుంటే, మరొక రోజు ఎక్స్ట్రా జబర్దస్త్ లో రష్మీ యాంకర్ గా మనల్ని ఎంటర్టైన్ చేస్తారు. ఎక్సట్రా జబర్దస్త్ షో ద్వారా పరిచయం అయిన సుడిగాలి సుధీర్ తన స్కిట్స్ తో తెలుగు ప్రేక్షకులని ఎంతగానో ఎంటర్టైన్ చేశారు.

కొందరు జబర్దస్త్ ని వదిలివెళ్ళిపోయినప్పటికీ సుడిగాలి సుధీర్ మాత్రం ఇంకా ఇక్కడే ఉంటూ తెలుగు ప్రేక్షకులని ఆకట్టుకునే ప్రయత్నం చేస్తున్నారు. సుధీర్ క్రేజ్ గురించి ప్రత్యేకంగా చెప్పాల్సిన అవసరం లేదు. అందుకే సుదీర్ కేవలం జబర్దస్త్ లో మాత్రమే కాకుండా వేరే ప్రోగ్రామ్స్ లో కూడా కనిపిస్తూ ఉంటారు. తన కామెడీ టైమింగ్, పంచ్ డైలాగ్స్ తో ప్రేక్షకులని అలరిస్తూ ఉంటారు. సుధీర్ గత కొంత కాలం నుండి సినిమాల్లో హీరోగా, ముఖ్య పాత్రల్లో కూడా నటిస్తున్నారు.

అయితే ఇటీవల సుడిగాలి సుధీర్ ఎంగేజ్మెంట్ అయినట్టు శ్రీదేవి డ్రామా కంపెనీలో చూపించారు. ఎపిసోడ్ టెలికాస్ట్ అయిన తర్వాత అది అబద్ధం అని తెలిసిపోయింది. తన పెళ్లిపై సుడిగాలి సుధీర్ స్పందిస్తూ ఈ విధంగా చెప్పారు. సుడిగాలి సుధీర్ మాట్లాడుతూ, “దానికి ఇంకా టైం ఉంది” అని, “ఆ టైం వచ్చినప్పుడు అందరికీ చెప్తాను” అని చెప్పారు. ప్రస్తుతం సుధీర్ జబర్దస్త్ ప్రోగ్రాం లో మాత్రమే కాకుండా, సినిమాల్లో కూడా నటిస్తున్నారు.

అల్లు అర్జున్‌ని పాన్ ఇండియన్ స్టార్ చేసిన సినిమా పుష్ప. ఈ సినిమా విడుదల అయినప్పుడు కొంత మందికి నచ్చింది. కొంత మందికి అంత పెద్దగా నచ్చలేదు. సుకుమార్ సినిమా అంటే ఇంకా ఎక్కువగా ఊహించుకున్నాం అని చెప్పారు. కానీ కొంత మందికి మాత్రం ఈ సినిమా విపరీతంగా నచ్చింది. అల్లు అర్జున్‌ని అలా చూడటం ఇదే మొదటిసారి.

పుష్ప రాజ్‌గా అల్లు అర్జున్ అయితే ఈ సినిమాకి చాలా కష్టపడ్డారు. కాస్ట్యూమ్స్ దగ్గర నుండి తన గెటప్‌కి సంబంధించిన చిన్నచిన్న వివరాల వరకు కూడా చాలా జాగ్రత్తపడ్డారు అల్లు అర్జున్. అలాగే చిత్తూరు యాస కూడా చాలా బాగా మాట్లాడారు. సినిమా థియేటర్లలో విడుదలైన కొద్ది రోజులకి అమెజాన్ ప్రైమ్‌లో విడుదలైంది. అప్పుడు ఈ సినిమాకు చాలా మంచి రెస్పాన్స్ వచ్చింది. కేవలం టాలీవుడ్ ప్రముఖులు మాత్రమే కాకుండా ఇతర భాషల ఇండస్ట్రీలకు చెందిన ప్రముఖులు కూడా అల్లు అర్జున్ నటనని ప్రశంసించారు. అయితే ఈ సినిమా రెండవ భాగం కోసం అందరూ ఎదురు చూస్తున్నారు. అయితే పుష్ప సినిమా నుండి కొన్ని లీడర్‌షిప్ లెసన్స్ (నాయకత్వ పాఠాలు) కూడా నేర్పుకోవచ్చట. అవేంటో ఇప్పుడు చూద్దాం.

#1 మనం ఏదైనా ఒక కల కంటే, ఆ కలని సాధించాలి అంటే కాన్ఫిడెన్స్ అనేది చాలా అవసరం. అది ఎట్టి పరిస్థితుల్లోనూ మనం కోల్పోకూడదు. పుష్పకి కూడా డబ్బులు లేనప్పుడు కాన్ఫిడెన్స్ చాలా ఉంటుంది. ఆ కాన్ఫిడెన్స్‌తోనే పుష్ప తను అనుకున్న స్థాయికి ఎదుగుతాడు.

#2 ఏం లేకపోయినా కూడా మన మీద మనకు నమ్మకం ఉండటం చాలా ముఖ్యం. పుష్ప కూడా తన దగ్గర ఏమీ లేనప్పుడు తనని తాను నమ్ముకున్నాడు. అందుకే అంత ధైర్యంగా మంగళం శ్రీను దగ్గరికి వెళ్లి వార్నింగ్ ఇచ్చి వస్తాడు. అంతే కాకుండా తన చుట్టూ ఉన్న వాళ్ళ కంటే కూడా తన మీద తనకే నమ్మకం ఎక్కువ ఉంది కాబట్టి ఎలాంటి పరిస్థితుల్లో అయినా సరే పుష్ప సమస్యలను పరిష్కరించుకోగలుగుతాడు.

#3 కొంతవరకు ఒక మనిషి ఎదగాలి అంటే యాటిట్యూడ్ కూడా ముఖ్యమే అయ్యుండాలి. పుష్పకి కూడా అది ఉంటుంది. తన వైపు ఎవరైనా వేలెత్తి చూపిస్తే పుష్పకి నచ్చదు. వాళ్లని తప్పు అని నిరూపిస్తాడు. నిజ జీవితంలో కూడా ఒక మనిషికి ఇలాంటి గుణం ఉండాలట. అప్పుడే జీవితంలో ఏదైనా చేయాలి అనే ఒక ఆలోచన ఉంటుంది.

#4 అయిపోయిన దాని గురించి ఎక్కువగా ఆలోచించకుండా, అవ్వబోయే దాని గురించి ఆలోచించాలి. పుష్పని షెకావత్ సార్ అవమనిస్తాడు. కానీ ఆ తర్వాత మనసులో పెట్టుకొని ఎక్కువ బాధ పడడు పుష్ప. తన పని తాను చేసుకుంటూనే షెకావత్ సర్ కి ఎలా బుద్ధి చెప్పాలో ప్లాన్ చేస్తాడు. అలాగే పుష్ప చిన్నప్పటి నుంచి కూడా చాలా అవమానాలు ఎదుర్కొంటాడు. వాటివల్ల పుష్ప బాధపడి అక్కడే ఉండి పోకుండా పెద్ద స్థాయికి ఎదుగుతాడు. అందరూ కూడా అయిపోయిన దాని గురించి ఆలోచిస్తూ ఉండకుండా రాబోయే భవిష్యత్తు గురించి ఆలోచించాలి అనే పాఠం ఇందులో నుండి నేర్చుకోవచ్చు.

#5 ఏదైనా మనకు దక్కకపోతే అంత సులభంగా వదిలేయకూడదు. మనకి దక్కేంత వరకు ప్రయత్నిస్తూనే ఉండాలి. పుష్ప కూడా ఇదే చేస్తాడు. తను ప్రేమించిన శ్రీవల్లి విషయంలో, అలాగే ఎర్ర చందనాన్ని ఎగుమతి చేసేందుకు కూడా చివరి నిమిషం వరకు ప్రయత్నిస్తాడు.

పుష్ప సినిమా నుండి కేవలం ఎంటర్టైన్మెంట్ మాత్రమే కాదు ఈ విషయాలు నేర్చుకోవచ్చు అని ఒక ఇన్‌స్టాగ్రామ్ పేజ్ పోస్ట్ చేసింది.

sourced from : Instagram (Magic Institute of Excellence)

ఏ ఇండస్ట్రీలో అయినా సరే రీమేక్ అనేది ఒక ట్రెండ్ అయిపోయింది. మన సినిమాలని వేరే భాషల్లో రీమేక్ చేస్తున్నారు. వేరే ఇండస్ట్రీ సినిమాలని కూడా తెలుగులోకి రీమేక్ చేస్తున్నారు. అయితే చాలా వరకు సినిమాలు తమ భాషలతో పాటు తెలుగులో కూడా విడుదల అవుతున్నాయి. కొన్ని మాత్రం అవ్వట్లేదు. అలాంటి సినిమాలని రీమేక్ చేస్తున్నారు.

వీటిలో చాలా వరకు మలయాళం సినిమాలు ఉంటున్నాయి. ఇప్పుడు చాలా మలయాళం సినిమాలు తెలుగులో రీమేక్ అవుతున్నాయి. అలా తెలుగులో రీమేక్ అవుతున్న మలయాళం సినిమాలు ఏవో, అందులో ఎవరు నటిస్తున్నారో ఇప్పుడు చూద్దాం.

#1 లూసిఫర్

మెగాస్టార్ చిరంజీవి హీరోగా నటిస్తున్న గాడ్ ఫాదర్ సినిమా మలయాళంలో సూపర్ హిట్ అయిన లూసిఫర్ సినిమా రీమేక్. తెలుగు రీమేక్ సినిమాకి మోహన్ రాజా దర్శకత్వం వహిస్తున్నారు. ఇందులో నయనతార కూడా ఒక ముఖ్య పాత్రలో నటిస్తున్నారు. ప్రస్తుతం ఈ సినిమా షూటింగ్ దశలో ఉంది.

#2 కప్పేల

ఈ సినిమాని తెలుగులో రీమేక్ చేస్తున్నారు. ఇందులో అనిఖా సురేంద్రన్ హీరోయిన్‌గా నటిస్తున్నారు. సిద్ధు జొన్నలగడ్డ, అలాగే ఖైదీ, మాస్టర్ సినిమాలతో సుపరిచితులైన అర్జున్ దాస్ ఈ సినిమాలో ఒక ముఖ్య పాత్రలో నటిస్తున్నారు.

#3 డ్రైవింగ్ లైసెన్స్

ఈ సినిమాని కూడా తెలుగులో రీమేక్ చేస్తున్నారు అని సమాచారం. ఇందులో వెంకటేష్, రామ్ చరణ్ కలిసి నటిస్తారు అనే వార్త అయితే ప్రచారం అయ్యింది.

#4 హెలెన్

ఈ సినిమా తెలుగులో రీమేక్ చేస్తున్నారు. ఇందులో అనుపమ పరమేశ్వరన్ ముఖ్య పాత్రలో నటిస్తున్నారు.

#5 పాదయోత్తం

సుమంత్ హీరోగా నటిస్తున్న అనగనగా ఒక రౌడీ సినిమా ఈ సినిమా రీమేక్ అని సమాచారం.

#6 బ్రో డాడీ

ఈ సినిమాను కూడా తెలుగులో రీమేక్ చేస్తున్నారు అనే వార్తలు వచ్చాయి. ఇందులో వెంకటేష్, రానా దగ్గుబాటి హీరోలుగా నటిస్తారు అనే వార్త వచ్చింది.

#7 ద గ్రేట్ ఇండియన్ కిచెన్

ఈ సినిమాని తెలుగు, తమిళ భాషల్లో రీమేక్ చేస్తున్నారు. ఇందులో ఐశ్వర్య రాజేష్, రాహుల్ రవీంద్రన్ హీరోహీరోయిన్లుగా నటిస్తున్నారు.

#8 తీవండి

మలయాళంలో టోవినో థామస్ హీరోగా నటించిన ఈ సినిమాని కూడా తెలుగులో రీమేక్ చేస్తున్నారు. కానీ ఈ సినిమాకి సంబంధించిన వివరాలు ఇంకా తెలియాల్సి ఉన్నాయి.

#9 జోసెఫ్

ఈ సినిమాని శేఖర్ పేరుతో తెలుగులో రీమేక్ చేసారు. ఇందులో రాజశేఖర్ హీరోగా నటించారు.

#10 నయట్టు

ఈ సినిమాని కూడా తెలుగులో రీమేక్ చేస్తున్నారు. ఇందులో అంజలి హీరోయిన్‌గా నటిస్తున్నారు. అలాగే ప్రియదర్శి కూడా ఒక ముఖ్య పాత్రలో నటిస్తున్నారు. ఈ సినిమా ఇటీవల లాంచ్ అయ్యింది.