Mohana Priya

సినిమా ఇండస్ట్రీ అన్న తర్వాత ఒక సంవత్సరం ఎంతో మంది హీరోయిన్లు పరిచయం అవుతూ ఉంటారు. వారిలో కొంత మంది వరుస సినిమాలతో దూసుకుపోతే, కొంత మంది మాత్రం సెలెక్టివ్ గా సినిమాలు చేస్తారు. కొంత మంది మాత్రం ఎప్పుడో ఒక సినిమాలో కనిపిస్తూ ఉంటారు.

కానీ కొంత మంది హీరోయిన్లు మాత్రం ఒక ఇండస్ట్రీలో మొదటి సినిమా చేసి, తర్వాత వేరే ఇండస్ట్రీలో స్టార్ గా ఎదుగుతారు. అలా సౌత్ ఇండస్ట్రీలో మొదటి సినిమా చేసి తర్వాత బాలీవుడ్ లో స్టార్ హీరోయిన్ గా ఎదిగిన హీరోయిన్లు ఎంతో మంది ఉన్నారు. వారిలో కొంత మంది ఎవరో ఇప్పుడు చూద్దాం.

#1 కృతి సనన్

1 నేనొక్కడినే – తెలుగు

సూపర్ స్టార్ మహేష్ బాబు హీరోగా నటించిన 1 నేనొక్కడినే సినిమాతో కృతి సనన్ ఇండస్ట్రీలోకి అడుగు పెట్టారు. తర్వాత ఎన్నో బాలీవుడ్ సినిమాల్లో నటించారు.

#2 దీపికా పదుకొనే

ఐశ్వర్య – కన్నడ

ఉపేంద్ర హీరోగా నటించిన ఐశ్వర్య సినిమాతో దీపికా పదుకొనే నటనా రంగంలోకి అడుగు పెట్టారు.

#3 అసిన్

అమ్మ నాన్న ఒక తమిళ అమ్మాయి – తెలుగు

రవితేజ హీరోగా నటించిన అమ్మా నాన్న ఒక తమిళ అమ్మాయి సినిమా, అసిన్ మొదటి సినిమా.

#4 తాప్సీ పన్ను

ఝుమ్మంది నాదం – తెలుగు

ఝుమ్మంది నాదంతో తెలుగు ఇండస్ట్రీలో అడుగు పెట్టిన తాప్సీ, తర్వాత ఎన్నో తెలుగు, తమిళ సినిమాల్లో నటించారు. తర్వాత బాలీవుడ్ లో కూడా బిజీ అయ్యారు.

#5 ఇలియానా

దేవదాసు – తెలుగు

దేవదాసు సినిమాతో తెలుగు ఇండస్ట్రీలో అడుగు పెట్టిన ఇలియానా, తర్వాత స్టార్ హీరోయిన్ గా ఎదిగారు.

#6 ప్రియాంక చోప్రా

తమిళన్ – తమిళ్

బాలీవుడ్ హీరోయిన్ ప్రియాంక చోప్రా కూడా విజయ్ హీరోగా నటించిన తమిళన్ సినిమాతో నటిగా తన కెరీర్ ప్రారంభించారు.

#7 దిశా పటాని

లోఫర్ – తెలుగు

వరుణ్ తేజ్ హీరోగా నటించిన లోఫర్ సినిమాతో దిశా పటాని ఇండస్ట్రీలోకి అడుగు పెట్టారు.

#8 ఐశ్వర్య రాయ్

ఇరువర్ – తమిళ్

ఐశ్వర్య రాయ్ కూడా ఇరువర్ సినిమాతో నటనా రంగంలోకి అడుగు పెట్టారు.

#9 కృతి కర్బంద

బోణీ – తెలుగు

కృతి కర్బంద మొదటి సినిమా సుమంత్ హీరోగా నటించిన బోణీ. ఆ తర్వాత ఎన్నో తెలుగు, తమిళ, కన్నడ సినిమాల్లో నటించారు.

#10 టబు

కూలి నెంబర్ 1 – తెలుగు

టబు కూడా వెంకటేష్ హీరోగా నటించిన కూలి నెంబర్ 1 సినిమా తో హీరోయిన్ గా కెరీర్ ప్రారంభించారు.

వీరు మాత్రమే కాకుండా ఇంకా ఎంతో మంది హీరోయిన్లు సౌత్ సినిమాలతో కెరీర్ ప్రారంభించి, ఆ తర్వాత బాలీవుడ్ లో బిజీ అయ్యి స్టార్ హీరోయిన్స్ గా ఎదిగారు.

ప్రస్తుతం పుష్ప సినిమా థియేటర్లలో విడుదల అయ్యింది. పుష్ప రాజ్ అనే ఒక వ్యక్తి ఒక రోజు వారి కూలీ నుండి ఒక సిండికేట్ స్థాయికి ఎలా ఎదిగాడు? అలా ఎదిగే క్రమంలో అతను ఎదుర్కొన్న సమస్యలు ఏంటి? అనే అంశం చుట్టూ సినిమా మొత్తం తిరుగుతుంది.

దీనికి రెండవ భాగం కూడా ఉంది అనే విషయం తెలిసిందే. ఆ సినిమాకి పుష్ప – ద రూల్ అనే పేరు పెట్టారు. అయితే, పుష్ప సినిమా టాక్ మాత్రం మిక్స్డ్ గానే వస్తోంది. సినిమాకి ఇంత హైప్ రావడానికి రాక్‌స్టార్ దేవి శ్రీ ప్రసాద్ అందించిన పాటలు. పాటలు అన్ని కొత్తగా ఉండడంతో ఇది కూడా సినిమాపై ఆసక్తి పెరగడానికి ఒక ప్లస్ పాయింట్ అయ్యింది

అందులోనూ ముఖ్యంగా సమంత చేసిన ఊ అంటావా ఊ అంటావా అయితే ముందు నుండి కూడా చర్చల్లో నిలిచింది. ఈ పాటని ఇంద్రావతి చౌహాన్ పాడారు. ఇంద్రావతి కూడా ఈ ఒక్క పాటతో సడన్‌గా రెండు తెలుగు రాష్ట్రాల్లో చాలా ఫేమస్ అయ్యారు. ఇంద్రావతి ప్రముఖ సింగర్ మంగ్లీ చెల్లెలు అనే సంగతి అందరికీ తెలిసిందే. ఈ పాటని కన్నడ భాషలో మంగ్లీ పాడారు.

అయితే, ఇంద్రావతి ఇప్పుడు ఫేమస్ అయినా కూడా అంతకు ముందు చాలా సార్లు స్టేజ్ పెర్ఫార్మెన్స్ ఇచ్చారు. వాటిలో ఒక వీడియో ప్రస్తుతం వైరల్ అవుతోంది. ఈ వీడియోలో ఇంద్రావతి ఒక జానపద పాడుతున్నారు. వీడియో చూస్తే ఇది ఇంద్రావతి చిన్నప్పటి వీడియో అని అర్ధమైపోతుంది. ఇప్పుడైతే పుష్పలో ఇంద్రావతి పాడిన ఊ అంటావా ఊ అంటావా పాటకు చాలా మంచి స్పందన లభించింది.

watch video :

ప్రస్తుతం ఉన్న పరిస్థితుల వల్ల చాలా మందికి థియేటర్లకు వెళ్లి సినిమా చూడటం అనేది ఇబ్బంది అవుతోంది. దాంతో ఓటీటీ వైపు చాలా మంది ఆసక్తి చూపుతున్నారు. అందులో ఉండే కంటెంట్ కూడా అన్ని వయసులకి చెందిన ప్రేక్షకులందరినీ దృష్టిలో పెట్టుకునే తీస్తున్నారు.

ఈ క్రమంలో అమెజాన్ ప్రైమ్, నెట్‌ఫ్లిక్స్, యూట్యూబ్ లాంటివి కూడా ఎక్కువగా ఉపయోగిస్తున్నారు. దాంతో వెబ్‌సిరీస్ లాంటివి కూడా చాలా పాపులర్ అవుతున్నాయి. మన తెలుగులో కూడా ఈ వెబ్ సిరీస్ గత కొంత కాలం నుండి ఎక్కువగా వస్తున్నాయి.

ఈ వెబ్‌సిరీస్‌లో నటించే వాళ్ళు కూడా సినిమా యాక్టర్స్ కి సమానంగా పాపులారిటీ పొందుతున్నారు. అలా యూట్యూబ్, వెబ్‌సిరీస్ ద్వారా ఫేమస్ అయ్యి, ఇప్పుడు సినిమా ఇండస్ట్రీలో అడుగు పెట్టిన సెలబ్రిటీలు ఎంతో మంది ఉన్నారు. అలా యూట్యూబ్‌లో ఎన్నో సిరీస్‌లో నటించి, ఫేమస్ అయిన నటుడు రవి శివ తేజ. రవి శివ తేజ తాడేపల్లి గూడెంకి చెందినవారు. ఎన్నో షార్ట్ ఫిల్మ్స్, వెబ్‌సిరీస్‌లో నటించారు. ఇటీవ‌ల వ‌చ్చిన సూర్య సిరీస్‌లో కూడా హీరో ఫ్రెండ్‌గా న‌టించారు రవి శివ తేజ.

రవి శివ తేజది ప్రేమ వివాహం. కొద్ది సంవత్సరాల క్రితం శ్యామనితో వివాహం జరిగింది. రవి శివ తేజ ప్రేమించిన శ్యామని తండ్రి మరెవరో కాదు. ప్రముఖ దర్శకుడు విజయభాస్కర్. నువ్వే కావాలి, నువ్వు నాకు నచ్చావ్, మన్మధుడు, ప్రేమ కావాలి ఇంకా ఎన్నో సినిమాలతో తెలుగు ఇండస్ట్రీలో స్టార్ దర్శకులలో ఒకరిగా పేరు తెచ్చుకున్నారు విజయభాస్కర్.  ఈ విషయం తెలియగానే ముందు చాలా భయపడ్డారు అని, కానీ విజయభాస్కర్ చాలా మంచి వ్యక్తి అని, చాలా బాగా మాట్లాడతారు, తన పిల్లల నిర్ణయాలకు చాలా విలువ ఇస్తారు అని, తనని కూడా సొంత కొడుకులా చూసుకుంటారు అని రవి శివ తేజ ఒక సందర్భంలో చెప్పారు.

ప్రతి ఒక్కరికి వేరు వేరు అభిప్రాయాలు ఉంటాయి. కొంత మంది కుటుంబానికి ప్రాముఖ్యతనిస్తారు. కొంత మంది కెరియర్ కి, ఇంకా కొంతమంది డబ్బుకి ఇలా ప్రతి మనిషి కొన్ని విషయాలను ఎక్కువగా పట్టించుకుంటారు కొన్ని విషయాలను వదిలేస్తారు.

కానీ ఈ అభిప్రాయాలు ఉండటానికి ముఖ్య కారణం గతంలో వాళ్ళు ఎదుర్కొన్న సంఘటనలే. అలా మన ఇండస్ట్రీలో చాలామంది హీరోయిన్లు 40 దాటినా కూడా వాళ్ల వ్యక్తిగత కారణాల వల్ల కెరియర్ కి ప్రాముఖ్యతనిచ్చి పెళ్లి చేసుకోకుండా ఉండిపోయారు. వాళ్ళలో కొంతమంది ఎవరంటే.

#1 టబు

ఎన్నో సంవత్సరాల నుండి ప్రేక్షకులను అలరిస్తున్నారు టబు. తెలుగులో మాత్రమే కాకుండా హిందీలో కూడా ఎన్నో హిట్ చిత్రాల్లో నటించారు. కానీ ఇన్ని సంవత్సరాలు అయినా కూడా తన వ్యక్తిగత విషయాలకి సంబంధించిన వివరాలు ఎక్కువగా బయటికి రావు. టబు కూడా ఈ విషయాల గురించి బయట ఎక్కువగా మాట్లాడరు.

#2 సితార

సినిమాల్లోనే కాకుండా ఎన్నో సీరియల్స్ లో కూడా నటించారు సితార.సితార తన పెళ్లి గురించి ఒకసారి మీడియాతో మాట్లాడుతూ తను తన తండ్రికి చాలా క్లోజ్ అని, తల్లిదండ్రులను వదిలి వెళ్ళటం ఇష్టం లేక పెళ్లి చేసుకోలేదు అని. తన తండ్రి చనిపోయిన తర్వాత పెళ్లి ఆలోచన పూర్తిగా పోయింది అని అన్నారు.

#3 వెన్నిరాడై (వెన్నిర ఆడై) నిర్మల

ఎన్నో తమిళ్, మలయాళం సినిమాలతో పాటు తెలుగులో శంకర్ దాదా ఎంబిబిఎస్, రగడ, కలిసుందాం రా, అధిపతి, సీమ సింహం ఇంకా ఎన్నో చిత్రాల్లో అలాగే రెండు కన్నడ చిత్రాలలో కూడా నటించారు నిర్మల. అంతేకాకుండా సీరియల్స్ లో కూడా నటించారు.

#4 నర్గీస్ ఫక్రీ

నర్గీస్ ఫక్రీ 2011లో వచ్చిన రాక్ స్టార్ సినిమాతో బాలీవుడ్ లో అడుగు పెట్టారు. నర్గీస్ ఫక్రీ ఎక్కువగా హిందీ చిత్రాల్లో నటించారు. తెలుగులో సూపర్ హిట్ అయిన జులాయి సినిమా తమిళ్ లో ప్రశాంత్ హీరోగా సాహసం పేరుతో రీమేక్ అయింది. ఈ సినిమాలో ఒక స్పెషల్ సాంగ్ చేశారు నర్గీస్ ఫక్రీ.

#5 సుష్మితా సేన్

పరిచయం అక్కర్లేని వ్యక్తి సుష్మితా సేన్. సుష్మితా సేన్, రొమన్ షాల్ తో గత రెండు సంవత్సరాలుగా ప్రేమలో ఉన్నారు. ఇటీవల వీరి బ్రేకప్ అయినట్టు ప్రకటించారు.

#6 అమీషా పటేల్

హిందీలోనే కాకుండా తెలుగులో కూడా బద్రి, నాని, నరసింహుడు చిత్రాల్లో నటించారు అమీషా పటేల్. అమీషా పటేల్ రిలేషన్ షిప్ గురించి వార్తలు వస్తూ ఉంటాయి. కానీ అమీషా పటేల్ మాత్రం దేనికి ఎక్కువగా స్పందించరు.

#7 నగ్మా

అప్పట్లో దాదాపు అందరు హీరోలతో యాక్ట్ చేసి టాప్ హీరోయిన్ గా పేరు తెచ్చుకున్న నగ్మా ప్రస్తుతం రాజకీయాల్లో బిజీగా ఉన్నారు. నగ్మా కూడా తన పెళ్లి గురించి ఎక్కువగా రియాక్ట్ అవ్వరు.

#8 ఆశ పారేఖ్

1952 లో తన కెరీర్ ని మొదలు పెట్టిన ఆశ పారేఖ్ తర్వాత ఎన్నో సినిమాల్లో నటించి ఎంతో గుర్తింపు తో పాటు, అవార్డులను కూడా గెలుచుకున్నారు.

#9 శోభన

2017 లో శోభన పెళ్లి చేసుకోబోతున్నారనే వార్తలు వినిపించాయి. కానీ 2018 లో ఒక ఇంటర్వ్యూలో తన వ్యక్తిగత విషయాల గురించి ఎక్కువగా మాట్లాడను అని, కానీ తను సింగిల్ గా సంతోషంగా ఉన్నాను అని చెప్పారు.

#10. కౌసల్య

పంచదార చిలక, అల్లుడుగారొచ్చారు సినిమాలతో తెలుగులో మంచి పేరు తెచ్చుకున్న కౌసల్య కూడా ఇప్పటివరకు పెళ్లి చేసుకోలేదు. రారండోయ్ వేడుక చూద్దాం సినిమాలో రకుల్ తల్లిగా నటించి సెకండ్ ఇన్నింగ్స్ కూడా మొదలుపెట్టారు కౌసల్య.