Mohana Priya Page 380
Author

Mohana Priya

My name is Mohana Priya. I have been working as a sub-editor in Telugu Adda for the last three years and am experienced in writing articles in cinema, sports, flash news, and viral, and offbeat sections. I have also given voice-over to many YouTube channels in the past.

Bigg Boss 4 TelugugossipsViral

బిగ్ బాస్ హౌస్ లో “మోనాల్” రెమ్యూనరేషన్ ఎంతో తెలుసా.? 14 వారాలకు ఎంత సంపాదించింది అంటే.?

by Mohana Priya
written by Mohana Priya

బిగ్ బాస్ తెలుగు సీజన్ 4 చివరి వారంలోకి అడుగు పెట్టింది. గత వారం ఎలిమినేషన్ లో మోనాల్ గజ్జర్ బిగ్ బాస్ ఇంటి నుండి బయటికి వచ్చారు. ఇప్పుడు అభిజిత్, అరియానా, సోహెల్, అఖిల్, హారిక టాప్ ఫైవ్ ఫైనలిస్ట్స్ గా నిలిచారు. వచ్చే ఆదివారం బిగ్ బాస్ తెలుగు సీజన్ 4 ఫినాలే జరగనుంది. మొదట్లో మోనాల్ తెలుగు రాక కొంచెం ఇబ్బంది పడినా కూడా తర్వాత తెలుగు నేర్చుకున్నారు.

అంతే కాకుండా టాస్క్ విషయంలో కూడా చాలా మంది మోనాల్ వీక్ అని అన్నారు. కానీ తర్వాత టాస్క్ విషయంలో కూడా మోనాల్ మెల్లగా డెవలప్ అయ్యారు. అన్నిటికీ కొంచెం ఎమోషనల్ అయినా కూడా గేమ్ లో మాత్రం పోటీపడి ఆడారు. కింగ్ నాగార్జున కూడా మోనాల్ తెలుగు నేర్చుకోవడం, టాస్క్ లో బాగా ఆడడం చూసి చాలా సార్లు మెచ్చుకున్నారు.

గ్రాండ్ ఫినాలేకి ఇంకా వారం రోజులు ఉన్నప్పుడు, టాప్ సిక్స్త్ కంటెస్టెంట్ గా మోనాల్ బిగ్ బాస్ హౌస్ నుండి బయటకు వచ్చేశారు. అయితే ఫైనల్స్ కి కొంచెం దూరంలో ఎలిమినేట్ అయిన మోనాల్ తీసుకున్న రెమ్యూనరేషన్ విషయంపై ప్రస్తుతం రూమర్స్ వినిపిస్తున్నాయి. సమయం కథనం ప్రకారం మోనాల్ ఒక వారానికి 2 నుండి 2.5 లక్షల రూపాయల వరకు పారితోషకం అందుకున్నారట.

హౌస్ లో ఉన్న 14 వారాలకి కలిపి మోనాల్ దాదాపు 30 లక్షల రూపాయలు అందుకున్నారు అని సమాచారం. ఈ సీజన్ లో అందరి కంటే ఎక్కువగా వారానికి మూడు లక్షలకు పైగా పారితోషకం లాస్య, తర్వాత అవినాష్ అందుకున్నారు అనే వార్తలు కూడా వినిపిస్తున్నాయి.

Filmy Addagossips

50 ఏళ్లకు దెగ్గరబడుతున్నా “నగ్మా” ఎందుకు పెళ్లి చేసుకోలేదో తెలుసా.? ఆ తమిళ్ హీరో, తర్వాత క్రికెటర్.?

by Mohana Priya
written by Mohana Priya

90 టైంలో ఎన్నో సూపర్ హిట్ సినిమాల్లో నటించి స్టార్ హీరోయిన్ గా పేరు పొందారు నగ్మా. 1990 లో సల్మాన్ ఖాన్ హీరోగా వచ్చిన బాఘి సినిమాతో ఇండస్ట్రీలోకి అడుగు పెట్టారు. 1991 లో వచ్చిన పెద్దింటి అల్లుడు సినిమాతో తెలుగు ఇండస్ట్రీకి పరిచయం అయ్యారు నగ్మా. అదే సంవత్సరం నాగార్జునతో కిల్లర్ సినిమాలో నటించారు. తర్వాత 1992 లో మెగాస్టార్ చిరంజీవితో ఘరానా మొగుడు సినిమాలో నటించారు.

1994 లో శంకర్ దర్శకత్వంలో వచ్చిన కాదలన్ సినిమాతో తమిళ్ ఇండస్ట్రీలోకి కూడా అడుగు పెట్టారు నగ్మా. ఈ సినిమా తెలుగులో ప్రేమికుడు పేరుతో డబ్ అయ్యింది. తర్వాత ఎన్నో తెలుగు, తమిళ్, భోజ్ పురి అలాగే కొన్ని మలయాళం, కన్నడ, ఒక బెంగాలీ, పంజాబీ, మరాఠీ సినిమాల్లో కూడా నటించారు నగ్మా.

నగ్మా తెలుగులో చివరిగా 2002 లో విడుదలైన అల్లరి రాముడు సినిమాలో కనిపించారు. అలాగే అదే సంవత్సరం విడుదలైన నిను చూడక నేనుండలేను సినిమాలో గెస్ట్ రోల్ లో కనిపించారు నగ్మా. 2004 లో నగ్మా రాజకీయాల్లోకి  అడుగుపెట్టారు.  అయితే నగ్మా వివాహం చేసుకోలేదు. అందుకు కొన్ని కారణాలు ఉన్నాయి అనే వార్తలు వినిపిస్తున్నాయి.

నగ్మా స్టార్ హీరోయిన్ గా ఉన్నప్పుడు ఒక తమిళ్ హీరోని ప్రేమించారు. ఆ హీరోని పెళ్లి చేసుకోవాలి అని అనుకున్నారు. కానీ తర్వాత ఆ హీరో వేరొకరిని పెళ్లి చేసుకున్నారు. తర్వాత క్రికెటర్ సౌరవ్ గంగూలీ తో నగ్మా రిలేషన్ షిప్ లో ఉన్నట్టు వార్తలు వచ్చాయి. కానీ వ్యక్తిగత కారణాల వల్ల వీరిద్దరూ విడిపోయారు. ఈ విషయాన్ని నగ్మా ఒక సందర్భంలో చెప్పారు. ఒకవేళ తనకి నచ్చిన వ్యక్తి దొరికితే కచ్చితంగా పెళ్లి చేసుకుంటాను అని అన్నారు.

Viral

యూట్యూబ్ సర్వర్ డౌన్ అవ్వడం మీద సోషల్ మీడియా లో ట్రెండ్ అవుతున్న టాప్ మీమ్స్

by Mohana Priya
written by Mohana Priya

చాలా మంది రోజులో చాలా సమయం వరకు గడిపేది యూట్యూబ్ లోనే. అలాంటి యూట్యూబ్ అర్థాంతరంగా ఆగిపోయింది. చాలాసేపటి వరకు యూట్యూబ్ పనిచేయలేదు. చాలా సేపు అంటే ఎంత సేపు అని మీకు ఒక అనుమానం వస్తూ ఉండొచ్చు. ఒక 30 నిమిషాల పాటు యూట్యూబ్ సర్వర్ రాలేదు. 30 నిమిషాలు అంటే చాలా సేపా? అని అనుకోకండి. ఇలాంటి సర్వర్ ప్రాబ్లం ఉన్నప్పుడు 30 నిమిషాలు కూడా మూడు గంటలలాగానే అనిపిస్తుంది.

యూట్యూబ్ రానంత సేపు మనలో చాలామంది పేజ్ రీఫ్రెష్ చేసి ఉంటాం. అసలు చాలామందికి యూట్యూబ్ లో ఏవైనా వీడియోస్ చూస్తూ ఉంటే మధ్యలో అడ్వటైజ్మెంట్స్ వస్తుంటేనే చాలా చిరాకుగా ఉంటుంది. అలాంటిదే అసలు యూట్యూబే పని చేయకపోతే ప్రజలకు ఇంకా ఎంత కోపం వస్తుందో ఒకసారి ఆలోచించండి. ఇంక ఆ కోపం మొత్తం సోషల్ మీడియాలో కనిపించింది.

ఇలాంటి చిరాకులు వస్తే అటు తిట్టడం కూడా కష్టమే. అలా అని కోపం వ్యక్తం చేయకుండా ఉండటం కూడా కష్టమే. అందుకే అన్నిటికీ ఒకటే మాధ్యమం సోషల్ మీడియా, అందులోనూ ఇలాంటి వాటి గురించి మాట్లాడాలి అంటే మాత్రం ట్రోల్స్ ఒకటే దారి. అలా సోషల్ మీడియాలో యూట్యూబ్ ఆగిపోవడం గురించి వస్తున్న ట్రోల్స్ ఇవే.

#1

#2

#3 #4 #5 #6 #7 #8 #9 #10 #11 #12 #13 #14 #15 #16 #17 #18

#19

Filmy AddaViral

అప్పుడు జాన్వి.. ఇప్పుడు నిహారిక … చాలా అందంగా ఉంది అంటూ

by Mohana Priya
written by Mohana Priya

గత వారం సోషల్ మీడియాలో ట్రెండింగ్ లో ఉన్న టాపిక్స్ లో నిహారిక కొణిదెల పెళ్లి ఒకటి. డిసెంబర్ 9వ తేదీన నిహారికకి, చైతన్యతో ఉదయ్ పూర్ లో డెస్టినేషన్ వెడ్డింగ్ జరిగింది. చైతన్య తండ్రి ప్రభాకర్ రావు గుంటూరు రేంజ్ ఐజీ. హైదరాబాద్ లోనే పుట్టి పెరిగిన చైతన్య జూబ్లీహిల్స్ లో ఉన్న భారతీయ విద్యా భవన్ లో చదువు పూర్తి చేశారు. బిట్స్ పిలానీలో మాస్టర్స్ డిగ్రీ చేశారు.

హైదరాబాద్ కి చెందిన ఒక మల్టీ నేషనల్ కంపెనీలో బిజినెస్ స్ట్రాటజిస్ట్ ‌గా ఉద్యోగం చేస్తున్నారు చైతన్య. మెగా ఫ్యామిలీ కుటుంబ సభ్యులు అందరూ పెళ్లిలో సందడి చేశారు. పెళ్లి వేడుకలో నిహారిక వేసుకున్న దుస్తులు హైలైట్ గా నిలిచాయి. సంగీత్ కి శాంతను – నిఖిల్ డిజైన్ చేసిన డ్రెస్ ధరించారు. మెహందీ కి నిహారిక వేసుకున్న డ్రెస్ అయిషా రావు డిజైన్ చేశారు.

 

అలాగే పార్టీకి రియా పిళ్ళై రస్తోగి డిజైన్ చేసిన గౌన్ ధరించారు. నిహారిక లుక్స్ అన్నిటిని ప్రముఖ స్టైలిస్ట్ అశ్విన్ మావ్లే డిజైన్ చేశారు. హైదరాబాద్ లో రిసెప్షన్ కి నిహారిక వేసుకున్న గాగ్రా అందరి దృష్టిని ఆకర్షించింది. ఈ గాగ్రా ని ప్రముఖ డిజైనర్ మనీష్ మల్హోత్రా డిజైన్ చేశారు.

 

రుహానియత్ పేరుతో డిజైన్ చేసిన కలెక్షన్ లోని ఈ గాగ్రా ని లాక్ డౌన్ లో వర్చువల్ గా జరిగిన FDCI ఫ్యాషన్ వీక్ 2020 లో షో స్టాపర్ అయిన జాన్వీ కపూర్ ధరించారు. జాన్వీ కపూర్, నిహారిక వేసుకున్న అవుట్ ఫిట్ ఒకేలా ఉన్నా కూడా స్టైలింగ్ మాత్రం డిఫరెంట్ గా చేశారు. రిసెప్షన్ కి చైతన్య వేసుకున్న డ్రెస్ కూడా మనీష్ మల్హోత్రా డిజైన్ చేశారు.

Bigg Boss 4 TeluguViral

బిగ్ బాస్ లో మోనాల్ ఎలిమినేట్ అవ్వడం పై ట్రెండ్ అవుతున్న టాప్ 20 ట్రోల్ల్స్ ఇవే !

by Mohana Priya
written by Mohana Priya

బిగ్ బాస్ తెలుగు సీజన్ 4 చివరి వారంలోకి అడుగుపెట్టింది. గత వారం ఎలిమినేషన్ లో మోనాల్ గజ్జర్ బిగ్ బాస్ ఇంటి నుండి బయటికి వచ్చారు. ఇప్పుడు అభిజిత్, అరియానా, సోహెల్, అఖిల్, హారిక టాప్ ఫైవ్ ఫైనలిస్ట్స్ గా నిలిచారు. వచ్చే ఆదివారం బిగ్ బాస్ తెలుగు సీజన్ ఫోర్ ఫినాలే జరగనుంది. గత వారం విషయానికొస్తే, అభిజిత్, సోహెల్, అరియానా, హారిక, మోనాల్ నామినేషన్ లో ఉన్నారు. రెండు టాస్క్ లలో విజేతగా నిలిచి రెండు సార్లు గోల్డెన్ మైక్ పొంది ప్రేక్షకులతో మాట్లాడే అవకాశాన్ని గెలుచుకున్నారు అరియానా. ఒక టాస్క్ లో సోహెల్ విజేతగా నిలిచి గోల్డెన్ మైక్ పొందారు. చివరి టాస్క్ లో మోనాల్ ప్రేక్షకులతో మాట్లాడే అవకాశాన్ని పొందారు.

వారం మధ్యలో జరిగిన ఒక టాస్క్ తర్వాత అరియానా కి, మోనాల్ కి మధ్య ఆర్గ్యుమెంట్ జరిగింది. తర్వాత మోనాల్ బాధ పడ్డారు. తర్వాత సోహెల్ కి, అరియానా కి మధ్య పెద్ద గొడవ జరిగింది. వీకెండ్ ఎపిసోడ్ లో, హోస్ట్ కింగ్ నాగార్జున ఈ విషయంపై ఇద్దరితో మాట్లాడారు. తప్పు ఎక్కడ జరిగింది అనే విషయాన్ని వివరించారు నాగార్జున. తర్వాత అరియానా, సోహెల్ మామూలుగా మాట్లాడుకున్నారు. ఆ రోజు సోహెల్ ని మరొక  ఫైనలిస్ట్ గా ప్రకటించారు. ఆదివారం ఎప్పటిలాగానే సరదాగా సాగింది. చివరికి అరియానా, మోనాల్ మిగలగా మోనాల్ ఎలిమినేట్ అయినట్టు చెప్పారు నాగార్జున. గత వారం బిగ్ బాస్ ఎపిసోడ్స్ పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#1

#2 #3 #4#5  #6 #7 #8 #9 #10 #11 #12 #13 #14 #15 #16 #17 #18 #19 #20

 

 

Filmy Adda

పెంపుడు కుక్కకి అవమానం జరిగిందని షూటింగ్ నుండి హీరోయిన్ వాకౌట్.! అసలప్పుడు ఏమైంది.?

by Mohana Priya
written by Mohana Priya

చాలా మందికి తమ పెంపుడు జంతువులు అంటే చాలా ఇష్టం ఉంటుంది. ఎంత ఇష్టం ఉంటుంది అంటే, వాళ్ళ పెంపుడు జంతువుని వాళ్ళ సొంత మనిషి లాగా చూసుకుంటారు. కొంత మందికి ఇది వినడానికి విచిత్రంగా అనిపించవచ్చు కానీ, ఇది నిజం. జంతువులు మనతో మనం మాట్లాడే భాషలో మాట్లాడలేవు. కానీ మనం చెప్పేది మాత్రం బాగా అర్థం చేసుకుంటాయి.

అందుకే మనం ఇతరులతో ఎలా అయితే కమ్యూనికేట్ చేస్తామో, అలాగే జంతువులతో కూడా కమ్యూనికేట్ చేస్తాం. వాటికి ఏదైనా అవమానం జరిగినా, ఏదైనా తక్కువ అయినా ఒప్పుకోము. ఇలాంటి సంఘటన ఒక నటికి కూడా ఎదురైంది. దాంతో కోపం తెచ్చుకున్న నటి షూటింగ్ వదిలి వెళ్లిపోయారు. వివరాల్లోకి వెళితే. సూపర్ స్టార్ కృష్ణ గారు నటించిన గూడచారి 116 సినిమా అప్పట్లో బ్లాక్ బస్టర్ అయ్యింది.

ఈ సినిమాలో హీరోయిన్ గా నటించారు తమిళ్ స్టార్ హీరోయిన్ జయలలిత గారు. జయలలిత గారికి కుక్కలు అంటే చాలా ఇష్టం. వాటిని ఎంతో ప్రేమగా చూసుకునే జయలలిత గారు, షూటింగ్ సెట్స్ కూడా తీసుకెళ్ళేవారు. అలా గూడచారి 116 సినిమా షూటింగ్ కి కూడా తన పెంపుడు కుక్కని తీసుకెళ్లారు జయలలిత గారు.

సినిమా షూటింగ్ ఎండింగ్ కి వచ్చే సమయానికి జయలలిత గారి కుక్కకి అవమానం జరిగిందట. దాంతో జయలలిత గారు షూటింగ్ మధ్యలో నుండి వెళ్ళిపోయారు. దాంతో దర్శక నిర్మాతలు కృష్ణ గారికి, జయలలిత గారికి ఉన్న సీన్స్, క్లోజప్ షాట్స్ ముందే తీసుకొని జయలలిత గారు సినిమాకి ఇచ్చిన కాల్ షీట్స్ కంటే ముందే జయలలిత గారితో షూటింగ్ పార్ట్ పూర్తి చేశారు.

 

Human angle

కరోనా సమయంలో జాబ్ పోయింది…ఇప్పుడు సైకిల్ పై టీ అమ్ముతూ ఎంత సంపాదిస్తున్నారో తెలుసా.?

by Mohana Priya
written by Mohana Priya

కరోనా సమయంలో ఎంత మంది ఎన్ని ఇబ్బందులు ఎదుర్కొన్నారో ప్రత్యేకంగా చెప్పాల్సిన అవసరం లేదు. అనారోగ్య సమస్యల తర్వాత ప్రజలు అంతగా ఇబ్బంది పడింది ఆర్థిక సమస్యల కారణంగానే. ప్రపంచం మొత్తం ఆర్థికంగా ఎంతో నష్టపోయింది. ఎన్నో సంస్థలు ఆర్ధికంగా వెనకబడ్డాయి. ఎంతో మంది తమ ఉపాధిని కోల్పోయారు. ఆదాయం కంటే ఎక్కువ ఖర్చు ఉండేది.

ఈ కారణాల వల్ల ఎంతో మంది తమ మానసిక ప్రశాంతతకు దూరమయ్యారు. కరోనా సమయంలో ఉపాధి కోల్పోయిన వారిలో మహేంద్ర వర్మ ఒకరు. జాబ్ కోల్పోవడంతో మహేంద్ర వర్మకి రెండు, మూడు నెలలు ఇంట్లోనే ఉండాల్సి వచ్చింది. డబ్బులు లేక చాలా ఇబ్బందులు ఎదుర్కొన్నారు.

దాంతో టీ అమ్మకాల రూపంలో తన ఉపాధిని ఏర్పరచుకున్నారు మహేంద్ర వర్మ. ఢిల్లీలోని టికరీ బార్డర్ ప్రాంతంలో పాత సైకిల్ వెనుక ఒక ట్రే ఏర్పాటు చేసి, వాటిలో టీ ఫ్లాస్క్ లు పెట్టి ఐదు రూపాయలుకి టీ, పది రూపాయలకి కాఫీ విక్రయిస్తున్నారు. ఇది చలికాలం కావడంతో టీ, కాఫీ తాగే వారి సంఖ్య కూడా పెరిగింది. దాంతో విక్రయాలు కూడా పెరిగాయి.

దీనిపై మహేంద్ర వర్మ మాట్లాడుతూ 10 గంటల పాటు ఉద్యోగం చేస్తే నెలకి 12000 జీతం వచ్చేది అని, అదే ఇప్పుడు సైకిల్ పై టీ అమ్మితే నెలకు 40000 వస్తున్నాయని, ఉద్యోగం పోయినా కూడా టీ అమ్ముతూ డబ్బులు సంపాదిస్తున్నాను అని గర్వంగా చెప్పుకుంటున్నారు మహేంద్ర వర్మ. మనం ఏ పని చేస్తున్నాము అనేది ముఖ్యం కాదు, మనం మన పనిని ఎంత గౌరవిస్తున్నాం అనేది మాత్రమే ముఖ్యం అనే దానికి ఉదాహరణగా నిలిచారు మహేంద్ర వర్మ.

Off BeatViral

ట్రెండ్ అవుతున్న “బాబా” సీన్…దానిపై వైరల్ అవుతున్న ఈ 11 మీమ్స్ చూస్తే నవ్వాపుకోలేరు.!

by Mohana Priya
written by Mohana Priya

ఏదైనా ఒక విషయాన్ని ట్రెండ్ చేయాలంటే వాడే ఆయుధం సోషల్ మీడియా. మెయిన్ మీడియా అన్ని రకాల వార్తలపై ఫోకస్ చేసినా కూడా అందరూ న్యూస్ ఛానల్స్ చూడకపోవచ్చు. కానీ సోషల్ మీడియా మాత్రం ఏ వార్తనైనా సరే, వెంటనే స్ప్రెడ్ అయ్యేలా చేస్తుంది. ఇంక ఎంటర్టైన్మెంట్ గురించి అయితే చెప్పాల్సిన అవసరమే లేదు. ఏదైనా సినిమా గురించి వార్త వస్తే కొన్ని సెకండ్లలో అది అన్ని సోషల్ మీడియా వెబ్ సైట్స్ లో పాకుతుంది. ఒక గంట తర్వాత చూస్తే ట్రెండింగ్ లో ఉంటుంది. ఇవన్నీ ఒక ఎత్తయితే మీమ్స్ ఇంకొక ఎత్తు. మీమ్ పేజెస్ ఉపయోగించే టెంప్లేట్స్ మనం రెగ్యులర్ గా చూసే సినిమాల్లోవే. కానీ అవి సినిమాలో ఫ్లోలో వెళ్లిపోతాయి కాబట్టి చూసి నవ్వుకొని వదిలేస్తాం అంతే.

 

కానీ మీమ్ పేజెస్ మాత్రం సినిమాల్లో డిఫరెంట్ గా ఉండే సీన్స్ కి సపరేట్ ఫ్యాన్ బేస్ తీసుకొస్తాయి. అప్పుడు మనం యూట్యూబ్ లోకి వెళ్లి ఈ మీమ్ టెంప్లేట్ ఎక్కడ ఉందో అని వెతుకుతాం. కానీ ఒక సారి కామెంట్ సెక్షన్లో చూస్తే మనలాగా వెతికిన వాళ్ళు చాలా మంది టైమ్ స్టాంప్ ఇచ్చిన కామెంట్స్ ఉంటాయి. అలా ఎన్నో సంవత్సరాల క్రితం విడుదలైన ఒక సినిమాలోని టెంప్లేట్ ఇప్పుడు ట్రెండింగ్ లో ఉంది. సూపర్ స్టార్ రజనీకాంత్ గారు హీరోగా నటించిన బాబా సినిమా అందరికీ గుర్తుండే ఉంటుంది. ఇప్పుడు ఈ సినిమాలోని ఒక సీన్ మీమ్స్ రూపంలో ఈ విధంగా ట్రెండింగ్ లో ఉంది.

#1 

#2

#3 #4 #5 #6 #7 #8 #9#10

#11

#12

#13

Off Beat

“టోల్ గేట్” లో ఇచ్చే రసీదు పడేస్తున్నారా.? అయితే ఈ లాభాలు మీరు కోల్పోయినట్టే.!

by Mohana Priya
written by Mohana Priya

హైవేస్ మీద ప్రయాణిస్తున్నప్పుడు టోల్ గేట్ వస్తుంది. అక్కడ ఛార్జెస్ కడతాం. డబ్బులు కట్టిన తర్వాత వాళ్ళు ఒక రిసిప్ట్ ఇస్తారు. కొంత మంది తర్వాత దాన్ని పారేస్తారు. కానీ అది పొరపాటు. ఎందుకంటే ఆ రిసిప్ట్ వల్ల కొన్ని ఉపయోగాలు ఉన్నాయి. అవేంటంటే.

# ఆ హైవే మీద ప్రయాణిస్తున్నప్పుడు ఒకవేళ దారిలో ఏదైనా ఆరోగ్యపరమైన సమస్యలు ఎదురైతే, ఆ రిసిప్ట్ వెనకాల ఉన్న నెంబర్ కి కాల్ చేస్తే 10 నిమిషాల లోపు మీరు ఉన్న చోటికి ఆంబులెన్స్ వస్తుంది.

# ఒకవేళ దారిలో వాహనం టైర్ పంచర్ అవ్వడం, లేదా బండికి ఏమైనా ప్రాబ్లం వచ్చి ఆగిపోవడం లాంటివి జరిగినప్పుడు రిసిప్ట్ వెనకాల ఉన్న నంబర్ కి కాల్ చేస్తే, ఎంత తొందరగా వీలైతే అంత తొందరగా సహాయం అందిస్తారు.

# ఒక్కొక్కసారి మన వాహనాల్లో పెట్రోల్ అయిపోవచ్చు. దగ్గరలో పెట్రోల్ బంక్ లేకపోవచ్చు. ఇలాంటి సందర్భాలు చాలా మంది ఎదుర్కొనే ఉంటారు. వాతావరణం బాలేనప్పుడు లేదా చీకటి పడుతున్నప్పుడు ఇలాంటి సమస్యలు ఎదురైతే కష్టం. అలాంటప్పుడు వాళ్లు ఐదు నుంచి పది లీటర్ల పెట్రోల్ లేదా డీజిల్ తెచ్చిస్తారు. అప్పుడు మనం తీసుకున్న పెట్రోల్ లేదా డీజిల్ కి తగిన డబ్బులు చెల్లించాలి.

ఇవన్నీ టోల్ గేట్ దగ్గర కట్టే ఛార్జెస్ లో వర్తిస్తాయి. ఈ విషయాలు ఎక్కువ మందికి తెలియవు. అందుకే చాలా మంది టోల్ గేట్ దగ్గర ఇచ్చిన రిసిప్ట్ ని తేలికగా తీసుకుంటారు. కానీ పైన చెప్పిన అత్యవసర సమయాల్లో మనం టోల్ గేట్ దగ్గర ఛార్జెస్ కట్టి రిసిప్ట్ తీసుకోవడం, ఆ రిసిప్ట్ ని భద్రపరచుకోవడం అనేది ఎంతగానో ఉపయోగపడుతుంది.

 

Mythology

ఎవరైనా చనిపోతే…ఆ ఇంట్లో సంవత్సరం వరకు పూజలు చేయకూడదా.? గుడికి వెళ్లకూడదా.?

by Mohana Priya
written by Mohana Priya

సాధారణంగా హిందూ సాంప్రదాయం ప్రకారం ఎవరైనా చనిపోతే వాళ్ళింట్లో ఒక ఏడాది వరకు పూజలు చేయరు. కొంతమందైతే దీపం కూడా వెలిగించరు. సంవత్సరీకం అయిపోయిన తర్వాత దేవుడి పటాలను శుభ్రపరిచి పూజలు చేస్తారు. కానీ ఈ పద్ధతి సరైనది కాదు. శాస్త్రంలో ఎక్కడా ఈ విధంగా చెప్పలేదు. దీపం శుభాన్ని సూచిస్తుంది.

దీపం ఎక్కడ వెలుగుతూ ఉంటే అక్కడికి దేవతలు వస్తారు. ప్రతి ఇంట్లోనూ ఎప్పుడూ దీపారాధన జరగడం అనేది ఎంతో ముఖ్యం. మరణించిన ఇంట్లో పదకొండవ రోజు శుద్ధి కార్యక్రమం జరుగుతుంది. ఆ పదకొండు రోజులు మాత్రమే పూజలు చేయకూడదు.

శాస్త్రంలో ఇంతవరకు మాత్రమే చెప్పారు. కానీ ఏడాది పాటు పూజలు చేయకూడదు అని, దీపం వెలిగించకూడదు అని చెప్పలేదు. అసలు శాస్త్రం ప్రకారం సూతకంలో ఉన్నప్పుడు కూడా సంధ్యావందనం చెయ్యాలి అని, అర్ఘ్య ప్రధానం వరకు బాహ్యంగా చేసి, మిగిలినది మానసికంగా చేయవచ్చు అని చెప్పారు.

అంతే కాకుండా సంవత్సరం పాటు గుళ్ళకి వెళ్ళకూడదు అని కూడా చెప్పలేదు. మనం రోజూ చేసేది కొనసాగించవచ్చు. కానీ కొత్త పూజలు ప్రారంభించకూడదు. ఒకవేళ అంతకు ముందు గుడికి వెళ్లే అలవాటు ఉంటే, సూతకం తర్వాత కూడా గుడికి వెళ్ళవచ్చట.

మనం రోజు పూజ చేసే పటాల్లో దేవతలు కూర్చుంటారు. ఒక సంవత్సరం పాటు పూజలు చేయకుండా, దీపారాధన జరగకుండా, దేవుడి పటాలని బట్టలో చుట్టి పక్కన పెట్టడం లాంటివి చేయడం ఇంటికి మంచిది కాదు. అంతే కాకుండా ఇంటికి, ఇంటి సభ్యులకు ఏవైనా దోషాలు ఉన్నా కూడా వాటిని ఆపే శక్తి ఇంట్లో జరిగే దైవారాధనకి ఉంటుంది. అందుకే ఇంట్లో రోజు పూజ, దీపారాధన కచ్చితంగా జరగాలి.

 

Newer Posts
Older Posts