సాధారణంగా ప్రేమకి వయసుతో సంబంధం లేదు అని అంటారు. ఇది మాటవరసకి అనే మాట అయినా కూడా ఎక్కువగా పాటించరు. కానీ ఈ మధ్య మాత్రం ఇది తప్పు అని నిరూపించే వాళ్ళు చాలా మంది వస్తున్నారు.
నిజంగానే ప్రేమకి, పెళ్లికి వయసుతో సంబంధం లేదు అని అంటున్నారు. అనడం మాత్రమే కాదు. చేసి చూపిస్తున్నారు కూడా. అలా ఇటీవల ఒక వ్యక్తి వృద్ధుడు అయ్యాక పెళ్లి చేసుకున్నారు. వృద్ధుడు అంటే 60 ఏళ్లు, 70 ఏళ్ళు కాదు.
ఆయనకి 103 ఏళ్లు వచ్చాక పెళ్లి చేసుకున్నారు. ఆయన పేరు హబీద్ నాజర్. భోపాల్ లో ఉండే హబీద్ నాజర్ స్వాతంత్ర సమరయోధుడిగా పోరాడారు. ఆయనని అక్కడ అందరూ మంఝ్లే భాయ్ అని పిలుస్తారు. దాదాపు ఒక సంవత్సరం క్రితం హబీద్ నాజర్, ఫిరోజ్ జహాన్‌ అనే ఒక మహిళని పెళ్లి చేసుకున్నారు. ఫిరోజ్ జహాన్‌ వయసు 49 సంవత్సరాలు.
హబీద్ నాజర్ పెళ్లి అయ్యాక ఫిరోజ్ జహాన్‌ ని తీసుకొని ఆటోలో వెళుతున్న వీడియో ఒకటి సోషల్ మీడియాలో ప్రత్యక్షం అయ్యింది. మధ్యప్రదేశ్ లో ఇంత వయసు వచ్చాక పెళ్లి చేసుకున్న వ్యక్తిగా హబీద్ నాజర్ రికార్డ్ సృష్టించారు. అయితే ఈ పెళ్లికి కారణం ఏంటి అని హబీద్ నాజర్ ని అడిగితే, తను ఒంటరిగా ఉన్నాను అని, అందుకే పెళ్లి చేసుకున్నాను అని చెప్పారు.
ఈ ఒంటరితనం అనే సమస్య చాలా మందిని ఇబ్బంది పెడుతుంది. ఒక వయసు వచ్చాక వారికి కూడా ఒక తోడు ఉంటే బాగుంటుంది అని అనుకుంటారు. హబీద్ నాజర్ కూడా అలాగే అనుకున్నారు. అయితే, హబీద్ నాజర్ కి గతంలో రెండు పెళ్లిళ్లు అయ్యాయి. కానీ ఇప్పుడు అందరికీ దూరంగా ఒంటరిగా గడుపుతున్నారు. దాంతో ఇప్పుడు మరొక పెళ్లి చేసుకున్నారు. హబీద్ నాజర్ ఎంతో ఆనందంగా కనిపిస్తున్నారు అని ఈ వీడియో చూస్తే అర్థం అవుతోంది. ఇలా హబీద్ నాజర్ ప్రేమకి వయసుతో సంబంధం లేదు అని నిరూపించారు.
watch video :
https://www.instagram.com/reel/C2orVYXv7Vm/?utm_source=ig_web_copy_link
ALSO READ : షూటింగ్ సెట్ లోనే హీరోయిన్ కి వార్నింగ్ ఇచ్చిన హీరో భార్య..! అసలు ఏం జరిగిందంటే..?
