Mohana Priya Page 429
Author

Mohana Priya

My name is Mohana Priya. I have been working as a sub-editor in Telugu Adda for the last three years and am experienced in writing articles in cinema, sports, flash news, and viral, and offbeat sections. I have also given voice-over to many YouTube channels in the past.

EventsFilmy AddaHuman angle

రక్షా బందన్ స్పెషల్: అన్నా చెల్లెళ్ల అనుబంధానికి అద్దం పట్టే 16 తెలుగు సినిమాలోని పాటలు ఇవే.!

by Mohana Priya
written by Mohana Priya

మన లో ఉన్న ఎన్నో ఆలోచనలను వ్యక్తపరచడానికి ఉన్న రూపాల్లో పాట ఒకటి. ఒక వ్యక్తి మనసులో ఉన్న మాటలతో చెప్పలేని కొన్ని వేల ఆలోచనలు ఒక నాలుగు నిమిషాల లో చెప్పేలా రాస్తారు రచయితలు. అలా మన తెలుగు సినిమాల్లో అన్నా చెల్లెళ్ల మీద లేదా అక్కాతమ్ముళ్ల మీద వచ్చిన పాటలు ఎన్నో ఉన్నాయి. రాఖీ పండుగ సందర్భంగా మన సినిమాల్లో సోదరీ సోదరుల మీద ఉన్న కొన్ని పాటలను ఇప్పుడు గుర్తు చేసుకుందాం.

#1 అన్నయ్య అన్నావంటే – అన్నవరం

#2 అన్నా చెల్లెలి అనుబంధం – గోరింటాకు

#3 అందాల చిన్ని దేవత – శివరామరాజు

#4 అందాల పసిపాప – చిట్టి చెల్లెలు

#5 కన్నీళ్లకే – హిట్లర్

#6 పుట్టింటికి రా చెల్లి – పుట్టింటికి రా చెల్లి

#7 అన్నయ్య సన్నిధి అదే నాకు పెన్నిధి –  బంగారు గాజులు 

#8 మరుమల్లి జాబిల్లి ఒకటయితే మా చెల్లి – లక్ష్మీ నరసింహ

#9 చామంతి పూబంతి – పుట్టింటికి రా చెల్లి

#10 నీ పాదం మీద పుట్టుమచ్చనై – ఒరేయ్ రిక్షా

https://youtu.be/2Vi7m49GLfg

#11 విరిసిన సిరిమల్లి – బంగారు చెల్లెలు

https://www.youtube.com/watch?v=ZkUhM16MFw4

#12 అన్నా నీ అనురాగం – ఆడపడుచు

https://www.youtube.com/watch?v=2wP0K90NbRw

#13 సిరి సిరి మువ్వలు – గణేష్

#14 ఒక కొమ్మకు పూచిన పువ్వులం – జీవన రాగం

#15 సీతాకోక చెల్లి – పుట్టింటికి రా చెల్లి

#16 దేవుడెలా ఉంటాడని – దొరబాబు

 

Health AddaInformationNewsViral

కూరగాయలు శానిటైజ్ చేయడానికి కొత్త టెక్నిక్…కానీ ఇలా చేయడం ప్రమాదమంట?

by Mohana Priya
written by Mohana Priya

శుభ్రం చేయడం, అది కూడా మామూలుగా శుభ్రం చేసే దానికంటే ఎక్కువగా శుభ్రం చేయడం ఇప్పుడు చాలా అవసరం అయిపోయింది. ముఖ్యంగా తినే వాటిమీద అందరూ అధిక శ్రద్ధ తీసుకుంటున్నారు. కూరలను పండ్లను ఉప్పు నీళ్లలో వేసి శుభ్రం చేస్తున్నారు. చాలా చోట్ల ఆహార పదార్ధాలని ఎలా శుభ్రపరచుకోవాలి అనేదాని మీద వివిధ మార్గాలను చెబుతున్నారు. ఇటీవల ఒక వ్యక్తి పండ్లను కూరగాయలను ఇలా కూడా శుభ్రపరుచుకోవచ్చు అని చూపించారు.

మనం అన్నం వండుకోవడానికి లేదా ఇంకేమైనా ఉడకబెట్టాల్సినప్పుడు కుక్కర్ పొయ్యిమీద పెడతాం కదా? అప్పుడు కుక్కర్ కి ఉన్న విజిల్ తీసేసి విజిల్ పెట్టే చోట ఒక పైప్ ని బిగించి, కుక్కర్ లో ఉన్నవి ఉడుకుతున్నప్పుడు వచ్చే ఆవిరి కూరగాయలపై వచ్చేలా పైపును పెడితే ఆ ఆవిరి ద్వారా కూరలు శుభ్రం అవుతాయి అని కుక్కర్ ఆవిరి ద్వారా కూరగాయలు శుభ్రపరిచే విధానాన్ని ఒక వ్యక్తి  వీడియో ద్వారా చూపించారు.

ఈ వీడియో ఐఏఎస్ అధికారిణి సుప్రియ సాహు దృష్టిలో పడింది. సుప్రియ సాహు ఈ వీడియోని తన ట్విట్టర్ లో షేర్ చేశారు.  ఈ వీడియో ప్రస్తుతం సోషల్ మీడియాలో వైరల్ అవుతోంది. ఇంత వైవిధ్యంగా కూరలు శుభ్రం చేసిన అతని తెలివి ని సుప్రియ మెచ్చుకున్నారు. చాలా మంది నెటిజన్లు కూడా అతనిని అభినందిస్తున్నారు.

కానీ కొంతమంది మాత్రం ఇది సరైన పద్ధతి కాదు అని, ఎందుకంటే మనం వాడే పైప్ ప్లాస్టిక్ తో తయారు చేయబడిందని, కాబట్టి పైప్ ద్వారా వచ్చే ఆవిరి హానికరమైనది అని, అలా ప్లాస్టిక్ పైప్ ద్వారా వచ్చే ఆవిరి తో శుభ్రం చేసిన ఆహార పదార్థాలు తింటే క్యాన్సర్ వచ్చే అవకాశాలు ఉంటాయి అని, దాని బదులు కొంచెం శ్రమ అయినా పర్లేదు ముందు గోరు వెచ్చని నీటిలో కొంచెం ఉప్పు వేసి కూరగాయలను, పండ్లను కడిగి తర్వాత మళ్లీ మామూలు నీటితో శుభ్రపరిస్తే సరిపోతుంది అని అంటున్నారు.

InformationNewsOff Beat

34 సంవత్సరాల తర్వాత విద్యా విధానంలో భారత ప్రభుత్వం చేసిన 10 మార్పులు ఇవే..తప్పక తెలుసుకోండి.!

by Mohana Priya
written by Mohana Priya

బుధవారం నాడు కేంద్ర క్యాబినెట్ ఉన్నత విద్యా విధానంలో కొన్ని సవరణలు చేసింది. 34 సంవత్సరాల నుండి ఒకే పద్దతి లో నడిచిన విద్యా విధానం ఇప్పుడు మారబోతోంది.  కేంద్ర మానవ వనరుల మంత్రిత్వ శాఖను కేంద్ర విద్యా శాఖ గా మార్చారు. ఈ మార్పులన్నీ మాజీ ఇస్రో చీఫ్ కె.కస్తూరి రంగన్ నేతృత్వంలో జరిగాయి. ఉన్నత విద్యా సంస్థలన్నీ ఒకే నియంత్రణ సంస్థ కింద నడుస్తాయి అని, ఎం. ఫిల్ కోర్సు కూడా రద్దు చేశారు అని కేంద్ర మంత్రులు ప్రకాష్ జవదేకర్, రమేష్ పోఖ్రియాల్ నిషాంక్ ప్రకటించారు.

డిజిటల్ విద్యావిధానాన్ని ఇంకా విస్తరించడానికి నేషనల్ ఎడ్యుకేషనల్ టెక్నాలజీ ఫోరమ్ (ఎన్ఈటీఎఫ్)ను ఏర్పాటు చేస్తున్నారని, తొలి దశ లో ఎనిమిది భాషల్లో  ఈ – కోర్స్ ప్రారంభిస్తామని, అలాగే వర్చువల్ ల్యాబ్స్ కూడా ఏర్పాటు చేస్తామని ఉన్నత విద్యా శాఖ కార్యదర్శి అమిత్ ఖరే చెప్పారు. నూతన విద్యా విధానంలో అమలు చేయనున్న ముఖ్యమైన అంశాలు విషయాలు ఇవే.

#1 ఐదో తరగతి వరకు పాఠాలు మాతృభాషలోనే చెబుతారు. ఆన్సర్లు బట్టి పట్టేసి రాసే విధానాన్ని ఆపేసి కొత్త విధానంలో బోర్డు పరీక్షలను నిర్వహిస్తారు. ప్రోగ్రెస్ కార్డు లో కేవలం సబ్జెక్ట్ లో వచ్చిన మార్కులే కాకుండా ఎక్స్ట్రా కరిక్యులర్ యాక్టివిటీస్ లో వచ్చిన మార్కులను కూడా వేస్తారు.

#2 పదవ తరగతి తర్వాత ఇంటర్ అంటే 10 + 2 నుండి 5+3+3+4 గా మారుస్తారు. మొదటి ఐదు సంవత్సరాల్లో ప్రీ ప్రైమరీ నుండి రెండవ తరగతి, రెండవ దశలో 3 నుండి 5 వ తరగతి, మూడవ దశలో 6 నుండి 8 వ తరగతి, నాలుగవ దశలో 9 వ తరగతి నుండి 12వ తరగతి గా విభజిస్తారు.

representative image

#3 2035 కల్లా 50 శాతం గ్రాస్ ఎన్రోల్మెంట్ రేషియో అందుకునేటట్టు ప్రణాళిక సిద్ధం చేశారు. అంతేకాకుండా 2040 కల్లా ఉన్నత విద్యా సంస్థలన్నీ విభిన్న కోర్సులు అందించే సంస్థలు గా మారుతాయి. ప్రతి విద్యా సంస్థలో మూడు వేలు లేదా అంతకంటే ఎక్కువ మంది విద్యార్థులు ఉండేలా ఏర్పాటు చేయాలని నిర్ణయించుకున్నారు.

#4 అన్ని పాఠశాలల్లోనూ సంస్కృతభాషను ప్రైమరీ లాంగ్వేజ్ గా ఉండాలని ఆదేశించారు. సంస్కృత విద్యాలయాలను కూడా విభిన్న కోర్సులు అందించే విద్యాసంస్థలుగా మారుస్తారు.

#5 విద్యార్థులు తమకు నచ్చిన కోర్సును ఎంపిక చేసుకునే సౌకర్యాన్ని కల్పించారు. అంతే కాకుండా అన్ని కోర్సులను రెండు భాషల్లోనూ అందిస్తారు.

#5 ఉన్నత విద్య అభ్యసించేందుకు మల్టిపుల్ ఎంట్రీ ఎగ్జిట్ పాయింట్లు ఉంటాయి. అంటే ఒకవేళ ఒక విద్యార్థి కోర్సు మధ్యలో వెళ్ళిపోతే మళ్ళీ తిరిగి వస్తే అంతకు ముందు వచ్చిన మార్కులను వాడుకోవచ్చట.

#6 ప్రపంచంలో ఉన్న టాప్ 100 విదేశీ విశ్వవిద్యాలయాల కేంద్రాలు భారతదేశంలోనే నిర్వహించడానికి అనుమతిస్తూ నూతన విద్యా విధానాన్ని అమలు చేస్తారు.

representative image

#7 ఉన్నత విద్యా సంస్థలను, ప్రొఫెషనల్ విద్యాసంస్థలను వివిధ రకాల కోర్సులు అందించే సంస్థలు గా మారుస్తారు. దేశంలో ఉన్న 45000 అఫిలియేటెడ్ కాలేజీలకు ఉన్న అక్రెడిటేషన్ ప్రకారం గ్రేడెడ్ అటానమీలో అకడమిక్, అడ్మినిస్ట్రేటివ్, ఫైనాన్సియల్ అటానమీ లను అందిస్తారు.

#8 అన్ని విద్యా సంస్థల్లోనూ లిటరేచర్, ఆర్ట్స్, స్పోర్ట్స్, సంగీతం, ప్యూర్ అప్లైడ్ సైన్సెస్, డాన్స్, సోషియాలజీ, తత్వ శాస్త్రం, ట్రాన్స్లేషన్, థియేటర్ కూడా ఉండేలాగా చూస్తారు.

#9 అన్ని కాలేజీలకు కలిపి ఒకటే ప్రవేశ పరీక్ష నిర్వహిస్తారు. ప్రభుత్వం నిర్దేశించిన ఫీజు కి మించి ఎక్కువ మొత్తాన్ని తీసుకోవడానికి వీలులేకుండా నిషేధించారు.

#10 ప్రస్తుతం కేంద్ర రాష్ట్ర ప్రభుత్వాలు కలిపి జీడీపీలో 4.43 శాతం విద్యారంగానికి కేటాయిస్తున్నారు. ఇప్పుడు స్థూల జాతీయ ఉత్పత్తిలో 6 శాతం విద్యా రంగానికి కేటాయిస్తారు.

నూతన విద్యా విధానం గురించి సెంటర్ ఫర్ ఎడ్యుకేషనల్ స్టడీస్ (సీఈఎస్) చైర్మన్ నాగటి నారాయణ మాట్లాడుతూ ఇలా విద్యావిధానాన్ని నాలుగు విభాగాలుగా చేయడం వల్ల ఎన్నో గందరళాలు ఎదురవుతాయని, అలాగే సంస్కృతాన్ని అభివృద్ధి చెయ్యాలి అన్న ఉద్దేశంతో ఇంగ్లీష్ ని పక్కన పెట్టడం కూడా సరైన నిర్ణయం కాదు అని,

జిల్లాకి ఒక్క అటానమస్ విద్యాసంస్థ లేదా డిసిప్లీనరీ యూనివర్సిటీ ఉండాలి అనే నిర్ణయం వల్ల ఎన్నో విద్యాసంస్థలు మూత పడే అవకాశం ఉందని, ఎక్స్ట్రా కరిక్యులర్ ఆక్టివిటీస్ కి, అలాగే ఆర్ట్స్ కి సమానత ఇవ్వడం 21వ శతాబ్దపు ఆలోచన అవ్వదు అని అన్నారు.

EventsInformationMythologyNews

వరలక్ష్మి వ్రతం: కలశంలో కొబ్బరికాయను, నీటిని ,బియ్యంను ఏమి చేయాలి ?

by Mohana Priya
written by Mohana Priya

శ్రావణ మాసం లో ఎంతో ముఖ్యమైన రోజు శ్రావణ శుక్రవారం. శ్రావణ శుక్రవారం నాడు మహిళలు వరలక్ష్మీ వ్రతం చేసుకుంటారు. వరలక్ష్మీ వ్రతం చేస్తే అష్టలలక్ష్ములకు పూజ చేసినంత ఫలితం లభిస్తుందట. వరలక్ష్మీ వ్రతాన్ని సాక్షాత్తు పరమశివుడు తెలియజేశారు అని పురాణాలు చెబుతున్నాయి.

ఒక రోజు పార్వతీదేవి పరమశివుని తో ” దేవా! లోకంలో ఉన్న స్త్రీలు సర్వసౌఖ్యాలు, పుత్ర పౌత్రాభివృద్ధితో, సకల సౌభాగ్యాలతో ఉండాలంటే ఏ వ్రతాన్ని ఆచరించాలి? అటువంటి వ్రతాన్ని తెలియజేయండి ” అని అడిగారు. అందుకు శివుడు వరలక్ష్మి వ్రతాన్ని ఆచరిస్తే సర్వసౌఖ్యాలు, పుత్రపౌత్రాభివృద్ధి, సకల సౌభాగ్యాలు కలుగుతాయని తెలియజేశారు.

చారుమతి అనే మహిళ వరలక్ష్మీ వ్రతాన్ని ఆచరించి లక్ష్మీదేవి అనుగ్రహం తో సకల సౌభాగ్యాలను పొందింది అనే కథ వరలక్ష్మి వ్రత విధానం లో చాలా సార్లు వినే ఉంటారు. అలా ఎన్నో సంవత్సరాల నుండి మహిళలు వరలక్ష్మీ వ్రతాన్ని ఎంతో భక్తిశ్రద్ధలతో ఆచరిస్తున్నారు.

శ్రావణ శుక్రవారం నాడు ఉపవాసాన్ని పాటిస్తూ, అమ్మవారి ప్రతిమను తయారు చేసి, అలంకరించి, ఆవు నెయ్యితో దీపాలు వెలిగించి, పూజ చేస్తారు. శుక్రవారం నాడు కలశాన్ని కదిలించరు.

వ్రతం చేసిన తర్వాత మరుసటి రోజు అంటే శనివారం నాడు కలశాన్ని జరిపి నిర్మాల్యాన్ని తొలగించి కొత్త పూలతో అలంకరించి నైవేద్యాన్ని సమర్పిస్తారు. దీపం కొండెక్కిన తర్వాత కలశాన్ని కదిలిస్తారు. కలశాన్ని కదిలించిన తర్వాత కొబ్బరికాయను, కలశం కింద ఉంచిన బియ్యాన్ని ఇప్పుడు చెప్పే విధంగా ఉపయోగించవచ్చు.

చాలామంది కొబ్బరికాయను, కలశం క్రింద ఉంచిన బియ్యాన్ని బ్రాహ్మణులకు దానం ఇస్తారు. కానీ కొంతమంది వరలక్ష్మిగా పూజించిన కొబ్బరి కాయను దానం చేస్తే లక్ష్మి దేవి ఇంట్లో నుండి వెళ్లి పోతుంది అని అనుకుంటారు.

అలాంటప్పుడు ఆ కొబ్బరి కాయతో ఏదైనా తీపి పదార్థం తయారు చేసి నైవేద్యంగా తీసుకోవాలి. ఎట్టి పరిస్థితుల్లోనూ కొబ్బరికాయతో పచ్చడి లాంటివి చేయకూడదట, కేవలం తీపి పదార్థం అంటే కొబ్బరి సున్ని లేదా కొబ్బరి ఉండలు తయారుచేసే ప్రసాదంగా స్వీకరించాలట.

కానీ కొబ్బరికాయ తో తయారుచేసిన ప్రసాదాన్ని ఎంత తొందరగా స్వీకరిస్తే అంత మంచిదట ఎందుకంటే వెంటనే ప్రసాదం తయారు చేయకపోతే కొబ్బరికాయ కుళ్లిపోయే అవకాశాలున్నాయట. కాబట్టి ఎట్టి పరిస్థితుల్లోనూ కొబ్బరికాయ ప్రసాదాన్ని ఎంత తొందరగా వీలైతే అంత తొందరగా స్వీకరించాలి.

 

అలాగే కలశం కింద పెట్టిన బియ్యంతో కూడా పరవాన్నం లాంటి తీపి పదార్థం తయారుచేసి ఇంట్లో ఉన్న సభ్యులందరూ ప్రసాదంగా స్వీకరించాలట. కలశం లో ఉన్న నీళ్లను ఇంట్లో ఉన్న సభ్యులు అందరూ వాళ్ళ మీద చల్లుకొని మిగిలిన నీళ్ళని మామిడి ఆకులతో సహా మొక్క మొదళ్లలో పోయాలట.

కలశం పై పెట్టిన బ్లౌజ్ పీస్ ని బ్లౌజ్ గా కుట్టించుకోవచ్చట, కలశం లో వేసిన నాణాన్ని దేవుడి మందిరంలో గానీ లేదా బీరువాలో భద్రపరుచుకోవాలట. ఇలా నియమనిష్టలతో వరలక్ష్మీ వ్రతాన్ని ఆచరిస్తే లక్ష్మీ కటాక్షం తో పాటు లక్ష్మీనారాయణుల అనుగ్రహం లభించి కుటుంబ సభ్యులు అష్టైశ్వర్యాలను పొందుతారట.

Human angleInformationNews

పుణ్యక్షేత్రాలను దర్శించడానికి వచ్చిన రష్యా యువతి…లాక్ డౌన్ కారణంగా కష్టాల్లో..!

by Mohana Priya
written by Mohana Priya

పుణ్యక్షేత్రాల దర్శనం కోసం వచ్చిన ఒక విదేశీ యువతి లాక్ డౌన్ కారణంగా తన స్వస్థలానికి వెళ్లలేక, తెచ్చుకున్న డబ్బులు కూడా అయిపోవడంతో ఇబ్బందులు పడ్డారు. వివరాల్లోకి వెళితే. ఎస్తర్ రష్యాలో ఒక ఫిజియోథెరపిస్ట్. తనకి ఆధ్యాత్మిక చింతన ఎక్కువ. ఆలయ అలంకరణలో కూడా ఎస్తర్ కి ప్రవేశం ఉంది. ఫిబ్రవరి 6వ తేదీన ఎస్తర్ తన తల్లి ఒలివియా తో కలిసి టూరిస్ట్ వీసా పై ఇండియా కి వచ్చారు.

మహారాష్ట్ర, పశ్చిమ బెంగాల్ లో పలు ప్రదేశాలు సందర్శించిన తర్వాత లాక్ డౌన్ మొదలైంది. దాంతో వాళ్లు ఇండియాలోనే ఉండిపోవాల్సివచ్చింది. ఈ నెల 19వ తేదీన వెంకటేశ్వర స్వామి దర్శనం కోసం తిరుపతి కి వచ్చారు. కానీ కరోనా కారణంగా శ్రీవారి దర్శనం చేసుకునే వీలు లేదు అని చెప్పడంతో ఒకవేళ అధికారులు అనుమతిస్తే దర్శనం చేసుకుందామని అక్కడే ఎదురుచూశారు.

ఎస్తర్ తల్లి ఒలివియా “చాలా మంది రష్యన్లు ఉత్తరప్రదేశ్ లో ఉన్న బృందావన్ కి వస్తారు అని. అక్కడ ఏమైనా సహాయం దొరుకుతుందేమో చూస్తాను” అని బృందావన్ కి వెళ్లారు. కానీ కరోనా కారణంగా ఒలివియా అక్కడే ఉండిపోయారు. డబ్బులు లేని కారణంగా హోటల్ గదిని ఖాళీ చేసే ఇస్కాన్ లో ఆశ్రయం కోసం ప్రయత్నించారు ఎస్తర్. కానీ ఇస్కాన్‌లో ఉండే సదా రాందాస్ ఆంక్షల కారణంగా వసతి ఏర్పాటు చెయ్యలేము అని కానీ భోజన ఏర్పాట్లు చేస్తాము అని చెప్పారు.

అలిపిరి రోడ్డు లో తిరుగుతున్న ఎస్తర్ ని చూసి కపిల తీర్థం దగ్గరలో ఉన్న ఒక రెసిడెన్సీలో ఉండడానికి వసతి కల్పించారు. ఎస్తర్ తన పరిస్థితిని వివరించి తను ఇలా సహాయం తీసుకోవడం ఇదే మొదటిసారి అని, ఉచితంగా తనకి సహాయం వద్దు అని తను ఫిజియోథెరపిస్ట్ కాబట్టి వైద్యం అందిస్తాను అని చెప్పారు. ఇదంతా తెలుసుకున్న తిరుపతి ఎమ్మెల్యే భూమన కరుణాకరరెడ్డి వెంటనే స్పందించి తన పీఏ ఆర్‌.వెంకటేశ్వర్లు ద్వారా నగదు సహాయాన్ని అందించారు.

ప్రభుత్వ విప్ మరియు చంద్రగిరి ఎమ్మెల్యే అయిన చెవిరెడ్డి భాస్కర్‌రెడ్డి మంగళవారం ఎస్తర్ ని కలిసి తన కోటాలో శ్రీవారి దర్శనం కల్పిస్తానని, తన సొంత డబ్బులు మీద ఎస్తర్ ని, తన తల్లితో పాటు రష్యా పంపిస్తానని, అప్పటి వరకు ఇక్కడ ఉండటానికి ఏర్పాటు చేస్తామని హామీ ఇచ్చారు.

 

Health Adda

ఇంట్లో ఉండే ఈ 3 పదార్థాలతో “లివర్” ని వెంటనే శుభ్రం చేసుకోండి…ఒక గ్లాసు తాగితే చాలు.!

by Mohana Priya
written by Mohana Priya

చాలామందికి కాలేయ సంబంధిత సమస్యలు వస్తూనే ఉంటాయి. డయాబెటిస్ కానీ లేదా యూటిఐ ఇన్ఫెక్షన్స్, లేదా కడుపు నొప్పి లాంటి ఇబ్బందులు తరచుగా ఎదుర్కొంటూనే ఉంటారు. అలా సమస్యలు రావడానికి కారణం ఏంటి అంటే కాలేయం సరిగ్గా ఫంక్షన్ అవ్వకపోవడం.

మనం తినే వాటి వల్ల కానీ లేదా ఇంకేదైనా కారణంగా కానీ కాలేయం లో టాక్సిన్స్ (వ్యర్థపదార్థాలు)  పేరుకుపోయే అవకాశాలు ఉంటాయి. కాబట్టి కాలేయం ప్యూరిఫై చేయడానికి ఇప్పుడు చెప్పబోయే సూచనని పాటించండి.

దీనికి మన ఇంట్లో వాడే పదార్థాలు చాలు. ముందుగా కొంచెం కొత్తిమీర తీసుకోండి. కొత్తిమీర లో శరీరంలోని వ్యర్థపదార్థాలను తొలగించే గుణం ఉంటుంది. అందుకే దాదాపు అన్నిట్లో ముఖ్యంగా చారు, రసం లో కొత్తిమీర ను తప్పనిసరిగా వాడతారు.

కొంచెం పసుపు తీసుకోండి. పసుపు గురించి చెప్పాల్సిన అవసరమే లేదు. పసుపులో యాంటీబయోటిక్ గుణాలు మెండుగా ఉంటాయి. అందుకే దెబ్బ తగిలితే వెంటనే గాయానికి పసుపు రాస్తారు. ఎందుకంటే పసుపులో ఉన్న యాంటీబయోటిక్ గుణాలు దెబ్బ తగిలిన చోట ఇన్ఫెక్షన్ అవ్వకుండా కాపాడతాయి. అంతేకాకుండా పసుపు వల్ల శరీరంలో ఉన్న ట్యూమర్, అల్సర్స్, ఇన్ఫెక్షన్స్ కూడా నయం అవుతాయి. అందుకే ఆహార పదార్థాల్లో పసుపుని కచ్చితంగా వాడతారు.

తర్వాత కొన్ని కిస్మిస్ తీసుకోండి. కిస్మిస్ లో యాంటీ ఏజింగ్ గుణాలు ఉంటాయి. అంతేకాకుండా కిస్మిస్ తీసుకుంటే రక్తహీనత తగ్గి శరీరంలో హిమోగ్లోబిన్ లెవెల్ పెరుగుతుంది. కిస్మిస్ లో ఉన్న విటమిన్ సి వల్ల ఇమ్యూనిటీ పెరుగుతుంది.

ఒక గిన్నెలో నీళ్ళు తీసుకుని శుభ్రంగా కడిగిన కొత్తిమీర, పసుపు, కిస్మిస్ వేసి మరగబెట్టండి. తర్వాత ఆ నీటిని జల్లెడతో వేరు చేసి గోరువెచ్చగా అయిన తర్వాత తాగండి. ఇలా తరచుగా తీసుకుంటే శరీరం లోని టాక్సిన్స్  బయటికివెళ్లడం తో పాటు కాలేయ సంబంధిత వ్యాధులు రావట.

Human angleNews

మన చట్టంలో ఒక వీధి కుక్కని చంపితే శిక్ష ఏంటో తెలుసా.?

by Mohana Priya
written by Mohana Priya

విశ్వాసం అంటే గుర్తొచ్చేది కుక్క. ఎప్పుడైనా రోడ్డు మీద వెళ్తున్నప్పుడు కుక్క కనిపిస్తే దానికి ఒక్కసారి తినడానికి ఏమైనా పెట్టండి. అది మిమ్మల్ని జీవితాంతం గుర్తుంచుకుంటుంది. కానీ చాలామంది కుక్కని అదోరకంగా చూస్తారు.

ఉదాహరణకి ఇప్పుడు కుక్క లాగా తోక ఆడిస్తున్నావ్ అని ఏదో తప్పు లాగా అంటారు. నీ బుద్ధి అంతే కుక్క బుద్ధి అంటారు. ఒకవేళ ఎవరైనా తమ పెంపుడు కుక్కలకు కొంచెం విలువ ఇస్తే కుక్కని మనిషి లాగా చూస్తున్నారు అని వెక్కిరిస్తారు. ఒకసారి మీరే ఆలోచించండి మనుషులతో పోలిస్తే కుక్కలు అంత తీసి పడేసేవా?

అంత హీనంగా చూసే అంత పనులు ఏం చేశాయని వాటిని కొట్టడం, దగ్గరకొస్తే తన్నడం, రాళ్లు విసిరి కొట్టడం చేస్తూ ఉంటాం. మనిషికి దెబ్బ తగిలితే నోరు తెరిచి చెప్పి దెబ్బకి ట్రీట్మెంట్ తీసుకోగలుగుతాడు. మూగజీవాలు వాటి బాధలు ఎవరికి చెప్తాయి. ఆకలేస్తే మనిషైతే తనకు ఏం కావాలో అది తీసుకొని తినగలరు. వాటి పరిస్థితి ఏంటి?

మనిషి తనకి ఎవరైనా సహాయం చేస్తే మహా అయితే పది రోజులు గుర్తు పెట్టుకుంటాడు.తర్వాత తన పనిలో పడి మర్చిపోతాడు. అది మనిషి లక్షణం అంతే. మన నుండి తిరిగి ఏమీ ఆశించకుండా మనం వాటికి సహాయం చేశాం లేదా ఆశ్రయం ఇచ్చాం అనే ఒక్క కారణంతో మనల్ని ఇంతగా ప్రేమించే కుక్కలకి మనం తిరిగి చేస్తోంది ఏంటి? కొట్టడం, తన్నడం, విసుక్కోవడం.

ఒకొక్క సారి చూసుకోకుండా వాటిపై నుండి వాహనాలు కూడా వెళ్తూ ఉంటాయి. అంటే మనుషులు చేసే కొన్ని పనుల వల్ల కుక్కల ప్రాణాలు కూడా రిస్క్ లో పడతాయి.

పైన చెప్పినవి అందరి గురించి కాదు. చాలామంది మూగ జీవాలపై ఇష్టంతో తమకి చేతనైనంత సహాయం చేసే వాళ్ళు ఉంటారు. వాళ్లే ఇలా మూగజీవాలను హింసించినప్పుడు చూసి అడ్డుకుంటూ ఉంటారు. మనిషి ఏదైనా చేయడం వల్ల ఒక కుక్క చనిపోతే దానికి పోలీసులు వేసే జరిమానా ఎంతో తెలుసా? 50 రూపాయలు. విశ్వాసం ధర 50 రూపాయలు.

ఒక్కసారి ఆలోచించండి మనిషి ప్రాణం మాత్రమే ప్రాణం కాదు కదా? వాటికి కూడా ప్రాణం ఉంటుంది కదా? మనం వాటిని ఉద్ధరించాల్సిన అవసరం ఏమీ లేదు. కుక్క ఎదురుగా కనిపిస్తే ఒకవేళ అరవకుండా మామూలుగా ఉంటే కొట్టకుండా వదిలేద్దాం. దారిలో అడ్డంగా వస్తే పక్క నుండి వెళ్లడానికి ప్రయత్నిద్దాం. మన దగ్గరికి వస్తే ముట్టుకోకపోయినా పర్లేదు ఈసడించుకోకుండా వదిలేద్దాం.

మనం బయట కుక్కలకు ఆహారం పెట్టక పోయినా పర్లేదు కానీ పాడైపోయిన ఆహారం మాత్రం పెట్టకుండా ఉందాం. అలాగే పెంపుడు కుక్కలకు మనం తిన్న తర్వాత మిగిలిపోయిన ఆహారం కాకుండా వాటికి కూడా కొంచెం ఆహారాన్ని వండుదాం. ఇందాక పైన చెప్పినట్టు అవి మన నుండి కొంచెం మానవత్వం తప్ప ఇంకేమీ ఆశించవు.

బహుశా మనం సహాయం చేశామని అవి నోటితో అందరికీ చెప్పలేకపోవచ్చు కానీ మన సహాయాన్ని ఎప్పటికీ గుర్తుంచుకుంటాయి. మాట్లాడి మర్చి పోవడం కంటే సహాయాన్ని గుర్తు పెట్టుకోవడమే గొప్ప విషయం కదా? మనం మనుషులం. కాబట్టి మనుషుల్లా మానవత్వంతో ఉందాం. అదే మనం మూగజీవాలకు చేయగలిగే అతిపెద్ద సహాయం.

News

ఎంత ప్లాన్ వేశారు ఆ చైనా విద్యార్థులు..తమను తామే కిడ్నప్ చేసుకొని? అసలు కథ బయటపెట్టిన ఆస్ట్రేలియా.!

by Mohana Priya
written by Mohana Priya

చైనీస్ విద్యార్థులను బెదిరించి తమ తల్లిదండ్రుల దగ్గర నుంచి డబ్బులు వసూలు చేయడం ఇటీవల ఆస్ట్రేలియాలో ఎక్కువైంది. ఇంకొక విషయం ఏంటంటే ఇదంతా చాలా ప్లాన్ తో ఎవరికీ అనుమానం రాకుండా చేస్తున్నారు. ఒక టీం లాగా ఏర్పడి ఈ నకిలీ కిడ్నాప్ లకు పాల్పడుతున్నారు.ఆస్ట్రేలియా బయట ఎక్కడో ఒక ప్రాంతంలో ఈ టీం ఒక టెలిఫోన్ బూత్ ని ఏర్పాటు చేసుకుంటారు. అక్కడి నుండి ఎవరో ఒక చైనీస్ విద్యార్థికి తాము ఏదో ప్రభుత్వ శాఖ నుండి మాట్లాడుతున్నట్టు చెప్తారు. ఆ విద్యార్థి చైనాలో ఏదో ఒక నేరం చేస్తూ దొరికిపోయినట్టు లేదా ఇంకేదో సీరియస్ విషయంలో ఆ విద్యార్థి ప్రమేయం ఉంది అన్నట్టు మాట్లాడుతారు.

అరెస్టు చేయకుండా, దేశం నుండి బహిష్కరించకుండా ఉండాలి అంటే డబ్బులు చెల్లించాలని డిమాండ్ చేస్తారు. అంతేకాకుండా ఈ విషయం గురించి ఇంట్లో వాళ్ళతోనూ స్నేహితులతోనూ చెప్పద్దు అని చెప్తారు. కొంతమందికి కిడ్నాప్ అయినట్టు ఇంట్లో చెప్పి డబ్బులు చెల్లించమని సూచిస్తారు .దాంతో చాలామంది విద్యార్థులు చేసేదేమీ లేక, అంత డబ్బులు ఎలా తీసుకురావాలో తెలియక తమని తాము కిడ్నాప్ చేసుకుని వాళ్ళని ఎవరో కిడ్నాప్ చేసినట్టు ఒక నాటకమాడి తమ తల్లిదండ్రుల దగ్గర నుంచి డబ్బులు తీసుకుని వీళ్ళకి చెల్లిస్తారు.

ఇలానే ఇటీవల ఒక విద్యార్థి యొక్క తల్లిదండ్రులకు కిడ్నాప్ అయినట్టు సమాచారం అందితే, వాళ్ళు 10 కోట్ల దాకా డబ్బులు పంపి, సిడ్నీ పోలీసులకు ఫిర్యాదు చేశారు. పోలీసులు ఒక గంట సేపటి పాటు గాలించి ఆ విద్యార్థి ఒక హోటల్లో క్షేమంగా ఉన్నట్లు గుర్తించారు.ఈ విషయంపై న్యూ సౌత్ వేల్స్ పోలీసులు మాట్లాడుతూ ” వాళ్లు సాధారణంగా మాండరిన్ భాషలో మాట్లాడతారు. ఫోన్ బుక్‌ లో చైనీస్ పేర్లతో ఉన్నవారికి ఆటోమెటెడ్ కాల్స్ వెళ్లేలా వాళ్లు ప్లాన్ చేశారు. ఇలాంటి కేసులు దాదాపు ప్రతి వారం వస్తున్నాయి.

నిందితులు విద్యార్థులను మానసికంగా నియంత్రిస్తున్నారు. దాంతో నిందితులు ఎలా చెప్తే విద్యార్థులు అలా చేస్తున్నారు. కొంతమంది విద్యార్థులు అయితే తప్పు చేశామన్న భావనలో పోలీసులకు ఫిర్యాదు కూడా చేయడం లేదు. ఇలాంటి కాల్స్ వస్తే అవి మోసం అని గుర్తించి వెంటనే పోలీసులకు ఫిర్యాదు చేయాలి” అని అన్నారు.

Health AddaInformationNews

“చెట్లు” మనల్ని “కరోనా” నుండి రక్షించగలవా ?

by Mohana Priya
written by Mohana Priya

మనం ప్రకృతిని రక్షిస్తే ప్రకృతి మనల్ని రక్షిస్తుంది అన్నది మనం వినే ఉంటాం. కానీ ప్రకృతి మనల్ని కరోనా నుండి కూడా కాపాడగలదు అన్న విషయం మీకు తెలుసా? ఇది నిజమే. ఇటీవల విడుదలైన ఒక నివేదిక ప్రకారం కోవిడ్ 19 ద్వారా చనిపోయే వాళ్ల సంఖ్య పెరుగుతోంది. దానికి ముఖ్య కారణం వాళ్లు పీల్చే గాలి సరిగా లేకపోవడమే. అంటే వాయు కాలుష్యం.

కాబట్టి మన చుట్టూ మొక్కలు చెట్లు ఉంటే వాయు కాలుష్యాన్ని నియంత్రించగలుగుతాం. ఇజ్రాయెల్ యొక్క పర్యావరణ పరిరక్షణ మంత్రిత్వ శాఖ విడుదల చేసిన తాజా నివేదిక ప్రకారం వాయు కాలుష్యానికి అధిక మరణాలకి కచ్చితంగా సంబంధం ఉందట. వాయు కాలుష్యం వల్ల ఇమ్యూనిటీ తగ్గి వ్యాధులు తొందరగా వచ్చే అవకాశాలు ఉన్నాయట. ముఖ్యంగా వృద్ధులకు, గర్భిణీ స్త్రీలకు, పిల్లలకు అయితే వాయు కాలుష్యం వల్ల ప్రమాదం ఇంకా ఎక్కువగా ఉంటుందట.

ఒకవేళ కరోనా పాజిటివ్ వచ్చిన వ్యక్తులు వాయు కాలుష్యం ఉన్న ప్రదేశాల్లో సంచరిస్తే బతికే అవకాశాలు చాలా తక్కువట. ఇప్పటికీ భారతదేశంలో 1435453 మందికి పాజిటివ్ వస్తే, అందులో 32771 మంది మరణించారు. ప్రపంచవ్యాప్తంగా 16117308 వైరస్ బారిన పడితే, వారిలో 603285 మంది ఈ వైరస్ వల్ల తమ ప్రాణాలను కోల్పోయారు.

 

కాబట్టి భవిష్యత్తులో మరణాలు నియంత్రించాలి అంటే మన చుట్టూ ఉన్న గాలి స్వచ్ఛంగా ఉండాలి. గాలి స్వచ్ఛంగా ఉండాలి అంటే చుట్టూ చెట్లు ఉండాలి. అందుకే ఇప్పటినుండి అయినా పెరిగిన చెట్లని కొట్టేయకుండా ఉంచాలి అని, కాలుష్యాన్ని తగ్గించాలని, పర్యావరణాన్ని కాపాడుకుంటే ఒక్క కరోనా నే కాకుండా ఇతర వ్యాధులు కూడా రాకుండా ఉంటాయని పర్యావరణ పరిరక్షణ శాఖ వారు చెబుతున్నారు.

Bigg Boss 4 TeluguFilmy AddaNewsViral

టీ.ఆర్.పి కోసం ఆత్మహత్య చేసుకునేంత టార్చర్…కావాలనే గొడవలు.? మాజీ బిగ్ బాస్ కంటెస్టెంట్ సంచలన కామెంట్స్.!

by Mohana Priya
written by Mohana Priya

బిగ్ బాస్ షో కి ప్రతి భాషలోనూ విపరీతంగా క్రేజ్ ఉంది. మనకి తెలియకుండానే ఆ కంటెస్టెంట్ లతో మనం ఎంతగానో కనెక్ట్ అయిపోతాం. మనకి నచ్చిన కంటెస్టెంట్ ని ఎవరైనా తిడితే మన సొంత వాళ్లని తిట్టినట్టు ఫీల్ అయిపోతాం. తిట్టించుకునే వాళ్ళ మీద జాలి తిట్టే వాళ్ళ మీద కోపం చూపిస్తాం. అలా షో లో అందరి చేత తిట్లు పడి అందరు కంటెస్టెంట్స్ వేలెత్తి చూపించిన వాళ్లే చివరికి గెలుస్తారు. ఏదేమైనా చాలా సార్లు ఇదే ఫార్ములా రిపీట్ అయింది.

తమిళ్ బిగ్ బాస్ లో ఒక సంచలనం క్రియేట్ చేసిన కంటెస్టెంట్ ఓవియా హెలెన్. మామూలుగా సోషల్ మీడియాలో ఎక్కువగా ఉండే వాళ్లకి ఈ పేరు ఖచ్చితంగా తెలిసే ఉంటుంది. షో లో జరిగిన వివాదాలు కానీ, సూసైడ్ వ్యవహారం
వల్ల కానీ, కారణం ఏదైనా కానీ ప్రేక్షకులు ఓవియా ని ఎంతగానో ఇష్టపడ్డారు.

ఆ సీజన్ సమయం లో ఎక్కడ చూసినా ఓవియా గురించే మాట్లాడేవాళ్ళు. బిగ్ బాస్ షో సమయంలోనే కాకుండా ఇప్పుడు కూడా ఓవియా మరోసారి సంచలన వ్యాఖ్యలు చేయడంతో ఓవియా చేసిన వ్యాఖ్యలు ప్రస్తుతం అందరూ చర్చించుకునే విషయంగా మారాయి.

తమిళ్ బిగ్ బాస్ కూడా దాదాపు ఇదే సమయంలో మొదలవుతుంది. దానికి ఓవియా ఇప్పుడు బిగ్బాస్ మొదలవ్వాలా లేక బ్యాన్ చెయ్యాలా? అని సోషల్ మీడియాలో తన ఫాలోవర్స్ ని అడిగారు.

టిఆర్పీ కోసం షో యాజమాన్యం కంటెస్టెంట్ లతో గొడవ పడడం లాంటి పనులు చేయిస్తున్నారని, దానివల్ల టార్చర్ గా అనిపిస్తుంది అని, తమ టీఆర్పీ కోసం కంటెస్టెంట్ లతో ఆత్మహత్య చేసుకునే పరిస్థితి వచ్చేంత ఇబ్బంది పెట్టొద్దు అని సోషల్ మీడియా వేదికగా ఓవియా చెప్పారు.

చాలా మంది తను చెప్పిన దానికి మద్దతు ఇస్తే మరికొంతమంది బిగ్ బాస్ షో వల్లే నువ్వు అందరికీ తెలిసావు అన్న విషయం మర్చిపోకు అని విమర్శలు చేస్తున్నారు. తరుణ్ ఇటీవల నటించిన సినిమా ఇది నా లవ్ స్టోరీ సినిమాలో హీరోయిన్ గా నటించారు ఓవియా. కాంచన ఫోర్ లో కూడా ఒక ముఖ్య పాత్ర పోషించారు.

Newer Posts
Older Posts