Mohana Priya

ప్రభాస్ హీరోగా నటించిన సలార్ సినిమా ఇటీవల ప్రేక్షకుల ముందుకు వచ్చింది. ఈ సినిమాకి రెండవ భాగం కూడా ఉన్నట్టు సినిమా బృందం ప్రకటించింది. అయితే సినిమాకి కొంత మంది పాజిటివ్ టాక్ ఇస్తే, కొంత మందికి మాత్రం అంతగా నచ్చలేదు.

యాక్షన్ సినిమాల స్టైల్ ఇంతే. చాలా మందికి ఆ యాక్షన్స్ సినిమాలు నచ్చవు. కొంత మంది థియేటర్ కి వెళ్లి ఏదైనా సరదాగా ఒక సినిమా చూసి రావాలి అనుకుంటారు. మరి కొంత మంది మాత్రం యాక్షన్ సినిమాలు ఎంజాయ్ చేసినా కూడా అది కొంత వరకు మాత్రమే. కానీ సినిమా మొత్తం ఫైట్లతో నిండిపోయి ఉంటే మాత్రం సినిమా ఎంజాయ్ చేయడం కష్టమే.

సలార్ సినిమాలో ఎమోషన్స్ ఉన్నాయి. కానీ అవి కూడా కొంత వరకు మాత్రమే ప్రేక్షకుల వరకు వెళ్లాయి. సలార్ సినిమాకి రెండు ప్లస్ పాయింట్స్. ఒకటి ఎమోషన్స్. ఇంకొకటి యాక్షన్ సీన్స్. సినిమాకి మైనస్ పాయింట్స్ కూడా ఇవే. హీరో వాళ్ళ అమ్మ హీరో చేతిలో ఒక ప్లాస్టిక్ కత్తి పట్టుకుంటే భయపడి కత్తి పడేయమంటుంది. ఆ ఎమోషన్ ప్రేక్షకులకు అస్సలు కనెక్ట్ అవ్వలేదు. కనెక్ట్ అవ్వడం పక్కన పెడితే, అదేదో బోయపాటి సినిమాలో నటులు ఇచ్చినంత రియాక్షన్ ఆవిడ ఇచ్చారు అంటూ కామెంట్స్ చేశారు.

సాధారణంగా బోయపాటి సినిమాల్లో అందరూ కూడా అవసరానికి మించి ఎక్కువ ఎక్స్ప్రెషన్స్ ఇస్తూ ఉంటారు. ఈ సినిమాలో కూడా అలాంటి సీన్స్ చాలానే ఉన్నాయి అంటూ కామెంట్స్ వచ్చాయి. ఈ విషయం పక్కన పెడితే, ఈ సినిమాకి అతి పెద్ద ప్లస్ పాయింట్ యాక్షన్ సీన్స్. ప్రభాస్ గత సినిమాల్లో ఇది చాలా ఎక్కువగా మిస్ అయ్యింది అనే ఒక ఫీలింగ్ చాలా మందికి వచ్చింది. ఇప్పుడు ఈ సినిమాలో యాక్షన్ సీన్స్ భారీగా ఉన్నాయి.

సినిమాకి మైనస్ అయిన విషయం కూడా ఇదే. హీరో పెద్దగా కష్టపడకుండా తనకు ఎదురుకుండా వచ్చిన వాళ్ళందరిని నరుకుతూ వెళ్లిపోవడం అనేది ఒక పాయింట్ వరకు బాగానే ఉన్నా కూడా, మరొక పాయింట్ తర్వాత చిరాకు తెప్పించింది అనే కామెంట్స్ గట్టిగా వచ్చాయి. చేతికి ఎలివేషన్, నీడకి ఎలివేషన్, హీరో నడుస్తే ఎలివేషన్, హీరో నిల్చుంటే ఎలివేషన్, హీరో ఏది చేసినా ఎలివేషన్ అన్నట్టు చేశారు. ఇంకొక ముఖ్యమైన విషయం ఏంటంటే, ఈ సినిమాలో హీరోకి నెగిటివ్ గా ఉన్నవాళ్లు కూడా హీరోని ఎలివేట్ చేస్తూనే చెప్తారు. హీరోకి పాజిటివ్ గా ఉన్న వాళ్ళు అయితే హీరోని ఆకాశానికి ఎత్తుతారు.

ప్రభాస్ గత సినిమాలు ఆశించిన ఫలితాన్ని పొందకపోవడం వల్ల, ఈ సినిమా వాటికంటే కాస్త బెటర్ గా ఉండడం వల్ల ప్రేక్షకులు ఈ సినిమాని ఆదరించారు. కానీ నెక్స్ట్ పార్ట్ లో మాత్రం ఇంతకంటే గొప్ప స్టోరీ ఉండాలని ఆశిస్తున్నారు కూడా. కాబట్టి ఇప్పుడు వచ్చిన రివ్యూలు, ఫీడ్ బ్యాక్ లు దృష్టిలో పెట్టుకొని, సినిమా బృందం నెక్స్ట్ పార్ట్ లో ఇవన్నీ కూడా మెరుగుపరుచుకుంటుంది ఏమో చూడాల్సిందే.

సీనియర్ ఎన్టీఆర్ కి ఎంత పేరు ఉందో మనకి తెలుసు. నటనతో ప్రత్యేకమైన ఇమేజ్ ని క్రియేట్ చేసుకున్నారు ఎన్టీఆర్. సినిమా పరిశ్రమలో ఎదురులేని నాయకుడిగా పేరు తెచ్చుకున్నారు. పౌరాణిక పాత్రల తో తెలుగు ప్రేక్షకులను మెప్పించారు ఎన్టీఆర్. నిజానికి అన్న గారి గురించి ఎంత చెప్పినా తక్కువే. అయితే ప్రతి ఒక్కరి జీవితంలో కూడా వివాహం అనేది ఎంతో మధురమైనది.

పెళ్ళితో రెండు జీవితాలు మాత్రమే కాదు రెండు కుటుంబాలు కూడా ఒకటి అవుతాయి. అలానే పెళ్లి తర్వాత ప్రతి దానిలో కూడా మార్పు వస్తుంది. అయితే పెళ్ళికి ముందు అందర్నీ ఆహ్వానించడానికి ఆనవాయితీగా మనం లగ్న పత్రికలని పంపుతాము. లగ్న పత్రిక ఇచ్చి వివాహానికి ఆహ్వానిస్తాము.

తాజాగా ఆనాటి పెళ్లి పత్రిక ఒకటి నెట్టింట వైరల్ అవుతోంది. అయితే ఆ శుభలేఖ ఎవరిదో కాదు. మన అన్న గారు ఎన్టీ రామారావు గారిది. ఎన్టీ రామారావు బసవతారకంల వివాహ ఆహ్వాన పత్రిక లో గ్రాంథిక భాష కనపడుతుంది. వీరి వివాహం కొమరవోలు అనే గ్రామంలో జరిగింది. ఈ పత్రికను గుడివాడ శ్రీ బాల సరస్వతి ప్రెస్ లో ముద్రించారు. ఎన్టీ రామారావు గారి వివాహం 22-4-1942 లో జరిగింది. 1985లో బసవతారకం గారు అనారోగ్యంతో మరణించిన సంగతి తెలిసిందే. అప్పుడు భార్య గుర్తుగా ఎన్ఠీఆర్ గారు క్యాన్సర్ ఆస్పత్రిని ఏర్పాటు చేశారు.

సినిమా వాళ్ళని మనం వేరే ప్రపంచం నుండి వచ్చిన వారిలాగా చూస్తూ ఉంటాం. వారు కూడా మనుషులే అన్న విషయాన్ని అప్పుడప్పుడు మర్చిపోతూ ఉంటాం. వాళ్ళు ఏది చేసినా కూడా కరెక్ట్ గా చేయాలి అనుకుంటాం. వాళ్ళు ఏదైనా పొరపాటు చేస్తే అది ప్రపంచం మొత్తానికి తెలుస్తుంది.

కానీ సినిమా వాళ్లు కూడా మనలాంటి మనుషులే. వాళ్లకి ఎమోషన్స్ ఉంటాయి. ప్రతిరోజు సంతోషంగా ఉండలేరు. ఒకసారి కోపంగా ఉంటారు. ఒక్కొక్కసారి బాధగా ఉంటారు. అలా బాధగా ఉన్నా సరే వాళ్ళ వృత్తి మాత్రం నిర్లక్ష్యం చేయకుండా వ్యక్తిగత జీవితాన్ని, వృత్తిపరమైన జీవితాన్ని వేరుగా చూస్తూ, వారి వ్యక్తిగతంగా పరిస్థితి ఎలా ఉన్నా కూడా వారి పని వారు చేసుకుంటారు.

అలా మన సినీ నటులు చాలా ఈవెంట్స్ కి హాజరు అవుతుంటారు. ప్రతి ఈవెంట్ లో ఆనందంగా నవ్వుతూ మాట్లాడడం వారికి ఒక్కొక్కసారి కష్టం అవుతుంది. వారు ఆ స్థానంలో ఉండడానికి అంతగా ఆదరించిన ప్రేక్షకులని వారి కుటుంబం లాగా వాళ్ళు భావిస్తారు కాబట్టి వారి బాధని కూడా ప్రేక్షకులతో పంచుకోవాలి అని అనుకుంటారు. అలా స్టేజ్ మీద కొంత మంది నటులు ఎమోషనల్ అయ్యారు. వాళ్లు ఎవరో ఇప్పుడు చూద్దాం.

#1 జూనియర్ ఎన్టీఆర్

అరవింద సమేత వీర రాఘవ షూటింగ్ సమయంలో జూనియర్ ఎన్టీఆర్ తండ్రి హరికృష్ణ గారు మరణించారు. ఆ తర్వాత అరవింద సమేత రిలీజ్ కి ముందు చేసిన ఈవెంట్ లో జూనియర్ ఎన్టీఆర్ మాట్లాడుతూ ఎమోషనల్ అయ్యారు.

#2 షారుఖ్ ఖాన్

బాలీవుడ్ స్టార్ హీరో షారుఖ్ ఖాన్ తాను ఇండస్ట్రీలోకి వచ్చి 25 సంవత్సరాలు పూర్తి చేసుకున్న సందర్భంగా ఇచ్చిన ఒక ఇంటర్వ్యూలో మాట్లాడుతూ ఎమోషనల్ అయ్యారు.

#3 రష్మిక మందన్న

హీరోయిన్ రష్మిక మందన్న డియర్ కామ్రేడ్ ఈవెంట్ లో మాట్లాడుతూ, తను సినిమా చేసే సమయంలో ఎలాంటి ఒత్తిడిని ఎదుర్కొన్నారో చెప్పారు. నిజంగా ఒక హీరోయిన్ ఇలా మాట్లాడడం అనేది చాలా అరుదుగా జరుగుతుంది.

#4 అల్లు అర్జున్

అల వైకుంఠపురంలో ఈవెంట్ లో అల్లు అర్జున్ మాట్లాడుతూ, తన తండ్రి తన కోసం ఎంతో చేశారు అని, అల్లు అరవింద్ గారికి థాంక్స్ చెబుతూ ఎమోషనల్ అయ్యారు.

#5 కార్తికేయ గుమ్మకొండ

కార్తికేయ ఒక ఈవెంట్ లో చిరంజీవికి ట్రిబ్యూట్ ఇస్తూ డాన్స్ పెర్ఫార్మెన్స్ చేశారు. అందులో కార్తికేయ మాట్లాడుతూ ఎమోషనల్ అయ్యారు. అది చూస్తున్న చిరంజీవి కూడా ఎమోషనల్ అయ్యారు.

#6 అనుష్క శెట్టి

హీరోయిన్ అనుష్క అసలు బయటికి రావడమే చాలా తక్కువ. అలాంటిది అనుష్క నిశ్శబ్దం సినిమా ప్రమోషన్స్ లో భాగంగా క్యాష్ ప్రోగ్రామ్ కి వెళ్లారు. అక్కడ అనుష్క జర్నీని ఒక వీడియో చేసి చూపించారు. అది చూసిన అనుష్క ఎమోషనల్ అయ్యారు.

#7 సాయి పల్లవి

సాయి పల్లవి కూడా శ్యామ్ సింఘ రాయ్ ఈవెంట్ లో మాట్లాడుతూ, తనని అంతగా ఆదరించినందుకు ప్రేక్షకులకు థాంక్స్ చెప్పారు. ఆ ఈవెంట్ లో సాయి పల్లవి చాలా ఎమోషనల్ గా మాట్లాడారు.

#8 సమంత

యశోద సినిమా ప్రమోషన్స్ లో భాగంగా సమంత ఒక ఇంటర్వ్యూలో మాట్లాడుతూ ఎమోషనల్ అయ్యారు. ఆ తర్వాత శాకుంతలం సినిమా ట్రైలర్ ఈవెంట్ లో కూడా సమంత ఎమోషనల్ అయ్యారు.

#9 శివ రాజ్‌కుమార్

కన్నడ హీరో శివ రాజ్‌కుమార్ హీరోగా నటించిన వేద సినిమా తెలుగులో కూడా విడుదల అయ్యింది. ఈ ప్రమోషనల్ ఈవెంట్ లో భాగంగా తెలుగులో చేసిన ఒక ఈవెంట్ లో తన తమ్ముడు పునీత్ రాజ్‌కుమార్ వీడియో చూసి ఎమోషనల్ అయ్యారు.

#10 మహేష్ బాబు

సూపర్ స్టార్ మహేష్ బాబు సర్కారు వారి పాట షూటింగ్ జరుగుతున్నప్పుడు తన సోదరుడు రమేష్ బాబు గారు మరణించారు. అందుకే సర్కారు వారి పాట ఈవెంట్ లో మహేష్ బాబు ఎమోషనల్ అయ్యారు. అంతే కాకుండా ఇటీవల గుంటూరు కారం ఈవెంట్ లో కూడా ఎమోషనల్ అయ్యారు. గత సంవత్సరం మహేష్ బాబు తల్లి ఇందిరా దేవి గారు మరణించిన కొంతకాలం తర్వాత, తండ్రి కృష్ణ గారు మరణించారు. దాంతో మహేష్ బాబు ప్రేక్షకులను చూసి ఎమోషనల్ అయ్యి తనకి తల్లి తండ్రులు ప్రేక్షకులే అని చెప్పారు.

#11 ఐశ్వర్యా రాయ్

ఐశ్వర్యా రాయ్ సరబ్‌జిత్ అనే సినిమా ఇంటర్వ్యూలో భాగంగా ఆయన గురించి మాట్లాడుతూ ఎమోషనల్ అయ్యారు.

#12 విజయ్ దేవరకొండ

దొరసాని ఈవెంట్ లో విజయ్ దేవరకొండ తన తమ్ముడు ఆనంద్ దేవరకొండ గురించి మాట్లాడుతూ ఎమోషనల్ అయ్యారు.

అలా ఈ నటులు అభిమానుల మధ్యలో మాట్లాడుతూ ఎమోషనల్ అయ్యారు.

సూపర్ మహేష్ బాబు హీరోగా నటించిన గుంటూరు కారం సినిమా సంక్రాంతి కానుకగా విడుదల అయ్యింది. సినిమా రిలీజ్ అయిన తర్వాత ఇప్పుడు సినిమా బృందం ప్రమోషన్స్ లో పాల్గొంటున్నారు. మహేష్ బాబు, శ్రీలీల ఇచ్చిన ఇంటర్వ్యూ ఇవాళ బయటికి వచ్చింది.

తర్వాత కూడా సినిమా బృందం మరికొన్ని ఇంటర్వ్యూలు ఇస్తారు అని తెలుస్తోంది. తల్లి సెంటిమెంట్ నేపథ్యంలో ఈ సినిమా నడుస్తుంది. సినిమాకి సంబంధించిన చాలా విషయాలని మహేష్ బాబు, శ్రీలీల ఈ ఇంటర్వ్యూలో చెప్పారు.

ఇందులో మహేష్ బాబు తాగింది నిజమైన బీడీ కాదు అని, సినిమాలో వాడిన బీడీని లవంగం ఆకులతో తయారు చేశారు అని మహేష్ బాబు చెప్పారు. అయితే, ఇదిలా ఉండగా సినిమాలు అన్న తర్వాత పొరపాట్లు జరగడం చాలా సహజం. ఎన్నో సినిమాల్లో ఎన్నో చిన్న చిన్న పొరపాట్లు జరిగాయి. అయితే ఈ సినిమాకి సంబంధించి ఒక పొరపాటు మీద ఇప్పుడు కామెంట్స్ చేస్తున్నారు. అదేంటంటే, సినిమాలో హీరో అయిన రమణ సినిమా మొత్తం బీడీ తాగుతూనే ఉంటాడు.

అతను బీడీ తరచుగా కాలుస్తూ ఉంటాడు కాబట్టి అది కచ్చితంగా ఆరోగ్యానికి హానికరం. అయితే, హరిదాసుని కొట్టాక హరిదాసుకి మేకు గుచ్చుకుంటుంది. దాంతో చాలా రక్తం పోతుంది. హరిదాసుకి రక్తం ఇవ్వడానికి ఒక మనిషి కావాలి అని అడుగుతున్నప్పుడు, రమణ తన బ్లడ్ తీసుకోమని చెప్తాడు. ఈ సీన్ మీద కామెంట్స్ వస్తున్నాయి.

“ఒక బీడీ తాగే వ్యక్తి ఆరోగ్యం కచ్చితంగా నిలకడగా ఉండదు. అలాంటి ఒక వ్యక్తి రక్తం ఇంకొక వ్యక్తికి ఎలా ఎక్కిస్తారు? సీన్ రాసేటప్పుడు చూసుకోవాలి కదా?” అంటూ కామెంట్స్ చేస్తున్నారు. సాధారణంగా త్రివిక్రమ్ సినిమాల్లో ఇది కొత్త ఏమీ కాదు. అంతకుముందు చాలా సినిమాల్లో చాలా సీన్స్ లో లాజిక్ మిస్ అయ్యాయి. ఇప్పుడు ఈ సినిమాలో కూడా అలాగే జరిగింది. అయితే మరి కొంత మంది మాత్రం, “ఇలాంటి చిన్న చిన్న విషయాలని పట్టించుకోవాల్సిన అవసరం ఏముంది?” అంటూ కామెంట్స్ కూడా చేస్తున్నారు. ప్రస్తుతం అయితే ఈ సినిమా థియేటర్లలో నడుస్తోంది.

సలార్ సినిమాతో హిట్ కొట్టి, ఇప్పుడు రాజా సాబ్ సినిమాతో ప్రేక్షకుల ముందుకి వస్తున్నారు ప్రభాస్. ఈ సినిమాకి మారుతి దర్శకత్వం వహిస్తున్నారు. ఈ సినిమా మోషన్ పోస్టర్ నిన్న విడుదల చేశారు. భీమవరంలో భారీ కటౌట్ ఏర్పాటు చేసి ఈ పోస్టర్ విడుదల చేశారు.

ఈ సినిమాలో మాళవిక మోహనన్, నిధి అగర్వాల్ హీరోయిన్లుగా నటిస్తున్నారు. సినిమా షూటింగ్ దశలో ఉంది. ఇప్పటికే ప్రభాస్ కి సంబంధించి కొన్ని పిక్స్ లీక్ అయ్యాయి. ప్రభాస్ ఈ సినిమాలో ఒక కామెడీ పాత్రలో కనిపిస్తారు అనే వార్త వచ్చింది. అంతే కాకుండా ఈ సినిమా హారర్ కామెడీ అని అంటున్నారు. ఈ సినిమాలో ప్రభాస్ రెండు పాత్రల్లో కనిపిస్తారు అని కూడా అంటున్నారు.

ఇది ఎంత వరకు నిజం అనేది తెలియాలి అంటే ఇంకా కొద్ది రోజులు ఆగాల్సిందే. అయితే ఇదిలా ఉండగా, సినిమా పోస్టర్ మీద కామెంట్స్ వస్తున్నాయి. ఈ పోస్టర్ లో ప్రభాస్ లుంగీతో కనిపిస్తున్నారు. లుక్ కొత్తగానే ఉంది. అయితే పోస్టర్ మాత్రం ఆర్టిఫిషియల్ ఇంటెలిజెన్స్ ద్వారా జనరేట్ చేసినట్టు ఉంది అంటూ కామెంట్స్ వస్తున్నాయి. పోస్టర్ కలర్ ఫుల్ గా ఉన్నా కూడా సహజంగా అనిపించట్లేదు. ప్రభాస్ ఇప్పుడు కొంచెం మారారు.

ఈ కారణంగా ఇటీవల విడుదల అవుతున్న చాలా పోస్టర్స్ లో ప్రభాస్ ని కొంచెం ఎడిట్ చేసి విడుదల చేస్తున్నారు. ప్రభాస్ బయట ఇంటర్వ్యూలలో కనిపించేటప్పుడు బానే ఉంటున్నారు. అసలు ఎడిటింగ్ అవసరం లేదు. కానీ పిక్చర్స్ మాత్రం చాలా హెవీగా ఎడిట్ చేసి విడుదల చేస్తున్నారు అని చూస్తే అర్ధం అవుతుంది. ఇటీవల విడుదల చేసిన కల్కి పోస్టర్స్ కూడా అలాగే ఉన్నాయి. ఇప్పుడు ఈ పోస్టర్ కూడా అలాగే ఉంది అంటూ కామెంట్స్ వస్తున్నాయి. పోస్టర్ లో కాళ్లు, చేతుల మూమెంట్ కూడా అలాగే ఉంది అంటూ, ఇది ఒరిజినల్ పోస్టర్ కాదు అని అంటున్నారు.

ప్రభాస్ లుక్ సినిమాలో ఇలాగే ఉంటుంది. కాకపోతే పోస్టర్ లో చూపించినంత ఎడిటెడ్ గా అయితే ఉండదు. అంతే కాకుండా పోస్టర్ లో మరొక పొరపాటు కూడా జరిగింది. అదేంటంటే, ప్రభాస్ పేరులో ఒక ఎస్ (S) అక్షరం ఎక్కువగా పడింది. చాలా మంది ప్రభాస్ న్యూమరాలజీ ప్రకారం పేరు మార్చుకున్నారు అని అన్నారు. కానీ సినిమా బృందం ఇది కేవలం పొరపాటు మాత్రమే అని చెప్పింది. ఏదేమైనా సరే ఒక పెద్ద హీరో పోస్టర్ విడుదల చేస్తున్నప్పుడు ఇంకా కొంచెం జాగ్రత్త తీసుకొని ఉంటే బాగుండేది ఏమో అంటూ కామెంట్స్ వస్తున్నాయి.

watch video :

హీరోయిన్, గ్లామర్ ఇవి రెండు పర్యాయపదాలు.. గ్లామర్ గా ఉంటేనే హీరోయిన్ గా అవకాశాలు అనేది జగమెరిగిన సత్యం..కానీ ఇటీవల కొంతమంది హీరోయిన్లు అలాంటి స్టీరియో టైపిక్ విషయాల్ని కొట్టిపారేస్తున్నారు..తమకి నచ్చినట్టుగా ఉండడం మాత్రమే కాదు, డీగ్లామర్ పాత్రల్లో నటించడానికి సై అంటున్నరు..అలా హీరోయిన్స్ పోషించిన కొన్ని డీగ్లామర్ రోల్స్..

#1. ఐశ్వర్య రాజేష్

దివంగత నటుడు రాజేశ్ కుమార్తే ఈ ఐశ్వర్య..నటి శ్రీలక్ష్మికి స్వయానా మేనకోడలు..చిన్నప్పుడే తండ్రిని కోల్పోవడంతో కుటుంబబారాన్ని తన భుజాలపై వేస్కుంది.అందుకే తను పోషించే పాత్రల్లో జీవం ఉంటుంది..తన కళ్లల్లో ఏదో సాధించాలన్ని కసి ఉంటుంది.తమిళంలో ఎక్కువగా నటించిన ఐశ్వర్య..ఇటీవల వరల్డ్ ఫేమస్ లవర్ సినిమాలో విజయ్ సరసన నటించి మంచి మార్కులే కొట్టేసింది.. కౌసల్యా క్రిష్ణమూర్తి, వరల్డ్ ఫేమస్ లవర్ రెండింటిలో కూడా ఐశ్వర్య డీగ్లామర్ రోల్స్ లో నటించి మెప్పించింది..

#2. ప్రియమణి

మణిరత్నం దర్శకత్వంలో విక్రమ్, ఐశ్వర్యరాయ్ , పృద్వీ , ప్రధాన పాత్రధారులుగా వచ్చిన విలన్ చిత్రంలో విక్రమ్ కి చెల్లెలుగా నటించింది ప్రియమణి..ఆ చిత్రంలో ప్రియమణి మేకప్ లేకుండానే నటించింది.

#3. సమంత

రంగస్థలం సినిమాలో ప్రతి పాత్రా అందరికి గుర్తుండిపోతుంది..అందులో రామలక్ష్మిగా నటించిన సమంతా తన ఫ్యాన్స్ కి మాత్రమే కాదు సినిమా ప్రేక్షకులందరికి నచ్చేసింది..పెళ్లికి ముందు  పెళ్లి తర్వాత అన్నట్టుగా సాగుతున్న సమంతా సినిమా కెరీర్లో రంగస్థలం రామలక్ష్మి పాత్ర ఒక ప్రత్యేక స్థానం.. అలాగే తాజాగా విడుదలైన ది ఫామిలీ మాన్ సిరీస్ లో కూడా సమంత డీ గ్లామర్ పాత్రలో నటించారు.

#4. తమన్నా

మిల్కీ బ్యూటి తమన్నా..అభినేత్రి,బాహుబలి రెండు సినిమాల్లో డీ గ్లామర్ రోల్స్ లో నటించింది.అభినేత్రి సినిమాలో  గ్లామర్ డాల్ గా, పల్లెటూరి భార్యగా  ద్విపాత్రాభినయం చేసిన తమన్నా..రెండు పాత్రల్లోనూ ప్రేక్షకులను  మెప్పించింది బాహుబలిలో కూడా రెండు పాటల్లో మినహా సినిమా అంతా తమన్నా డిఫరెంట్ మేకప్ తో తన మిల్కీవైట్ స్కిన్ దాచిపెట్టేసి డీగ్లామర్ రోల్ పోషించింది. ఎందుకంటే ప్రేమంట చిత్రంలో కూడా తమన్నా ద్విపాత్రాభినయం చేసింది..ఒకటి గ్లామర్ డాల్..మరోకటి పల్లెటూరి అమ్మాయి పాత్ర..

#5. అనుష్క

ప్రయోగాలకు పెట్టింది పేరు అనుష్క..ఎలాంటి పాత్రనైనా సునాయసంగా చేయడమే కాదు..పాత్రకోసం తగిన విధంగా తన శరీరాన్ని మార్పులు చేర్పులు చేసుకుంటుంది..పాత్ర డిమాండ్ చేస్తే అందవిహీనంగా కనపడడానికి కూడా వెనకాడదు అనుష్క.బాహుబలి సినిమాలో అమ్మ క్యారెక్టర్లో డీ గ్లామర్ గా చూసిన అనుష్కని మొదట్లో ఎవరూ యాక్సెప్ట్ చేయనప్పటికి,తన నటనతో అందరిని కట్టిపడేసింది దేవసేన..

#6. అమలాపాల్

ప్రేమఖైది చిత్రం ద్వారా పరిచయం అయిన అమలాపాల్ ..తన తొలిచిత్రంలోనే డీ గ్లామర్ రోల్ పోషించింది. ఆ సినిమాలో  జిడ్డు ముఖంలా కనిపించడంకోసం అమలాకి మేకప్ బదులుగా ఆయిల్ వాడారని సమాచారం..

#7. సంజనా

తెలుగులో అడపా దడపా సినిమాలు చేసిన సంజనా డీ గ్లామర్ రోల్ పోషించిన చిత్రం దండుపాళ్యం 2.ఈ సినిమాలో ఎలాంటి మేకప్ లేకుండా నటించింది సంజనా.ఇదే సినిమాలో సంజన న్యూడ్ గా నటించిందనే వార్తలు గుప్పుమన్నాయి..

#8. రాధికా ఆప్టే

లేట్ గా కెరీర్ స్టార్ట్ చేసినా తనకంటూ గుర్తింపు తెచ్చుకున్న నటి రాధికా ఆప్టే.. రక్త చరిత్ర సినిమాలో  రాధికా ఆప్టే సాధారణ గృహిణిగా నటించిన విషయం తెలిసిందే.ఈ సినిమాలో హెవీ మేకప్ లేకుండా కేవలం తన నటనతోనే కట్టిపడేసింది రాధికా.

#9. రితిక

గురు సినిమాలో బాక్సర్ గా పరిచయం అయిన నటి రితిక..ఈ సినిమాలో రాముడుగా  చేపలు అమ్మే అమ్మాయిలాగా, బాక్సర్ లాగా డీగ్లామర్ రోల్లో కనిపించి అందరిని ఆకట్టుకుంది.

#10. అమ్రితా అయ్యర్

నీలి నీలి ఆకాశం పాట ఎంత ఫేమస్ అయ్యిందో అందరికి తెలిసిందే. బుల్లితెర యాంకర్ ప్రదీప్ హీరోగా నటిస్తున్న చిత్రం “30 రోజుల్లో ప్రేమ”. ఆ సినిమాలో నీలి నీలి ఆకాశం సాంగ్ లో పల్లెటూరి అమ్మాయిగా కన్పించింది అమ్రితా.

#11. కీర్తి సురేష్ – saanikaayidham

#12. పాయల్ రాజపుట్ – అనగనగ ఓ అతిధి

#13. హెబా పటేల్ – ఓదెల రైల్వే స్టేషన్

#14. రష్మిక మందాన – పుష్ప

#15.  మిల్లర్ – ప్రియాంక అరుళ్ మోహన్