Mohana Priya

ఓటీటీలోకి రోజుకి ఒక కొత్త సినిమా వస్తూ ఉంటుంది. తెలుగులో కూడా ఇలాంటి సినిమాలు తక్కువ ఏమీ రావట్లేదు. గతంలో కంటే ఇప్పుడు ఓటీటీలకి రెస్పాన్స్ ఇంకా పెరిగింది. భాషా బేధం లేకుండా అన్ని సినిమాలని ప్రేక్షకులు ఆదరిస్తున్నారు.

అందుకే మేకర్స్ కూడా అన్ని భాషల్లో సినిమాలు విడుదల చేస్తున్నారు. కాబట్టి కొన్ని సినిమాలు థియేటర్లలో విడుదల అయిన తర్వాత ఓటీటీలోకి వస్తూ ఉంటే, కొన్ని సినిమాలు మాత్రం డైరెక్ట్ ఓటీటీలోనే రిలీజ్ అవుతున్నాయి. అలా ఇటీవల ఒక సినిమా వచ్చింది.

ఆ సినిమా పేరు ది ట్రయల్. ఈ సినిమాలో యుగ్ రామ్, స్పందన పల్లి, వంశీ కోటు ప్రధాన పాత్రలో నటించారు. నవంబర్ 24 వ తేదీన థియేటర్లలో విడుదల అయిన ఈ సినిమా ఇప్పుడు అమెజాన్ ప్రైమ్ వీడియోలో స్ట్రీమింగ్ అవుతోంది. థియేటర్ లో మిస్ అయిన వారు ఓటీటీలో చూసేయండి. సినిమా కథ విషయానికి వస్తే, సబ్ ఇన్స్పెక్టర్ అయిన రూప ఆమె భర్త అజయ్ కలిసి ఒక అపార్ట్మెంట్లో వారి మొదటి మ్యారేజ్ యానివర్సరీ జరుపుకుంటూ ఉంటారు.

అయితే అజయ్ కాలుజారి బిల్డింగ్ మీద నుండి కింద పడి చనిపోతాడు. అజయ్ ని రూప చంపింది అనే ఒక అనుమానం వస్తుంది. తన భర్తది ఆ-త్మ-హ-త్య అని రూప చెప్తుంది. అసలు అజయ్ ఎలా చనిపోయాడు? ఎవరు అయినా చంపేశారా? లేదా తన ప్రాణాన్ని తనే తీసుకున్నాడా? ఇవన్నీ తెలియాలి అంటే మీరు సినిమా చూడాల్సిందే. ఈ సినిమా క్రైమ్ థ్రిల్లర్ జోనర్ లో నడుస్తుంది. ఈ సినిమాకి రామ్ గన్నీ దర్శకత్వం వహించారు.

ఎస్ఎస్ ఫిలిమ్స్, కామన్ మ్యాన్ ప్రొడక్షన్స్ బ్యానర్స్ మీద స్మృతి సాగి, శ్రీనివాస్ కే నాయుడు ఈ సినిమాని నిర్మించారు. థియేటర్లలో విడుదల అయినప్పుడు ఈ సినిమా ప్రేక్షకులను అంత పెద్దగా ఆకట్టుకోలేదు. కానీ ఇప్పుడు మాత్రం అందుబాటులో ఉండడంతో సినిమాని విపరీతంగా చూస్తున్నారు. ఈ సినిమాలో ఉదయ్ పులిమె, సాక్షి ఉత్తాడ, జశ్వంత్ పెరుమాళ్ల, వజీర్ ఇషాన్ కూడా ముఖ్య పాత్రల్లో నటించారు.

తరతరాల నుండి సినిమా ఇండస్ట్రీలో ఉన్న కుటుంబాలు ఎన్నో ఉన్నాయి. అలా కొంత మంది నటులు అయితే, మరి కొంత మంది సినిమా రంగంలోనే మరికొన్ని విభాగాల్లో పని చేస్తున్నారు. అయితే, నటుల కొడుకు నటులు అవడం అనేది మనకి తెలిసిందే.

అలా ఇండస్ట్రీలోకి వచ్చి తమకంటూ పేరుని సంపాదించుకున్న వాళ్ళు చాలా మంది ఉన్నారు. ఇప్పుడు మరొక జనరేషన్ పిల్లలు కూడా ఇండస్ట్రీలోకి వస్తారు. ఇప్పటికే అల్లు అర్జున్ కూతురు అల్లు అర్హ శకుంతలం సినిమాతో ప్రేక్షకుల ముందుకి వచ్చింది. అయితే నెక్స్ట్ జనరేషన్ పిల్లల్లో కొంత మంది ఇప్పటికే పెద్ద వాళ్ళు కూడా అయిపోయారు.

అలా ఇటీవల ఒక హీరో కొడుకు పిక్చర్ ప్రస్తుతం సోషల్ మీడియాలో వచ్చింది. ఈ అబ్బాయిని చూశారా? ఒకవైపు నుండి ప్రభాస్ లాగా? మరొకవైపు నుండి మహేష్ బాబు లాగా ఉన్నాడు కదా? ఈ అబ్బాయిని మనం చిన్నప్పుడు చాలా సినిమాల్లో చూసాం. ఎవరో గుర్తుపట్టారా? ఈ అబ్బాయి సుధీర్ బాబు కొడుకు. సుధీర్ బాబుకి ఇంత పెద్ద కొడుకు ఉన్నాడా అని ఆశ్చర్యపోతున్నారా? ఇతను సుధీర్ బాబు పెద్ద కొడుకు. ఈ అబ్బాయి పేరు చరిత్ మానస్. ఈ అబ్బాయి భలే భలే మగాడివోయ్ సినిమాలో నాని చిన్నప్పటి పాత్రలో నటించాడు.

ఈ అబ్బాయి సర్కారు వారి పాట సినిమాలో హీరో చిన్నప్పటి పాత్రలో కూడా నటించాడు. ఇటీవల చరిత్ మానస్ తిరుమల తిరుపతి వెంకటేశ్వర స్వామిని దర్శించుకున్నాడు. ఈ ఫోటోలు చూసిన వాళ్ళు అందరూ కూడా హైట్ లో జూనియర్ ప్రభాస్, ఫేస్ ఫీచర్స్ లో జూనియర్ మహేష్ బాబులాగా ఉన్నాడు అని అంటున్నారు. అయితే మరో మూడు సంవత్సరాల తర్వాత చరిత్ మానస్ హీరోగా ఎంట్రీ ఇస్తాడు అని తెలుస్తోంది. ఇటీవల సోషల్ మీడియాలోకి కూడా ఎంట్రీ ఇచ్చిన చరిత్ మానస్ సోషల్ మీడియాలో ఫోటోలు షేర్ చేస్తూ యాక్టివ్ గా ఉంటారు. బయట ఈవెంట్స్ కి చాలా దూరంగా ఉంటారు. ఇలా ఎప్పుడైనా కనిపిస్తూ ఉంటారు.

ఈ వయసులో కూడా వరుస సినిమాలతో యంగ్ హీరోలకి పోటీ చేస్తున్న నటుడు చిరంజీవి. ప్రతి సంవత్సరం ఒక సినిమా విడుదల చేస్తూనే ఉన్నారు. అయితే చిరంజీవి మరొక యంగ్ డైరెక్టర్ తో చెయ్యి కలపబోతున్నారు అనే వార్త వచ్చింది. ఆ డైరెక్టర్ అనిల్ రావిపూడి.

అనిల్ రావిపూడి తన స్టైల్ కామెడీకి పెట్టింది పేరు. ఇప్పటివరకు అనిల్ రావిపూడి చేసిన ప్రతి సినిమాలో కామెడీ ఉంటుంది. అటు కామెంట్స్ చేసేవారు ఉన్నా కూడా, ఇటు ఆ కామెడీని ఎంజాయ్ చేసే వారు కూడా ఉన్నారు. అందుకే అనిల్ రావిపూడి దర్శకత్వం వహించిన సినిమాలకు సక్సెస్ రేట్ ఎక్కువగా ఉంటుంది.

ఇప్పుడు అనిల్ రావిపూడి, చిరంజీవి కాంబినేషన్ అంటే అందరూ ఆసక్తిగా ఎదురుచూస్తున్నారు. అందుకు కారణం చిరంజీవి కామెడీ టైమింగ్. చాలా పాత సినిమాల్లో చిరంజీవి కామెడీ టైమింగ్ చూసాం. చంటబ్బాయి, అందరివాడు ఇలా చాలా సినిమాల్లో చిరంజీవి తన స్టైల్ కామెడీ టైమింగ్ తో పాత్రకి న్యాయం చేశారు. సినిమా ఫలితం ఎలా ఉన్నా కూడా చిరంజీవి కామెడీ పాత్ర పోషించిన పాత్రలు మాత్రం ఇప్పటికీ ప్రేక్షకులకి గుర్తుండిపోయాయి. దాంతో ఇన్ని సంవత్సరాలు తర్వాత చిరంజీవి మళ్ళీ అలాంటి ఒక కామెడీ పాత్రలో నటిస్తారు అంటే ప్రేక్షకులకి చూడడానికి ఆసక్తికరంగానే అనిపిస్తుంది. ప్రస్తుతం అయితే ఈ వార్త ప్రచారంలో ఉంది. మరి ఇందులో ఎంతవరకు నిజం ఉందో తెలియాలి అంటే దీని మీద అధికారిక ప్రకటన వచ్చే అంతవరకు ఆగాల్సిందే.

ఇండస్ట్రీలో తనకంటూ ఒక గుర్తింపు సంపాదించుకున్న నటుడు విజయ్ దేవరకొండ. విజయ్ దేవరకొండ ప్రస్తుతం ఫ్యామిలీ స్టార్ సినిమా షూటింగ్ పనిలో బిజీగా ఉన్నారు. ఈ సినిమా తర్వాత జెర్సీ డైరెక్టర్ గౌతమ్ తిన్ననూరి దర్శకత్వంలో రాబోతున్న సినిమాలో నటిస్తారు.

అయితే విజయ్ దేవరకొండ, రష్మిక మందన్న కాంబినేషన్ లో వచ్చిన గీత గోవిందం సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. ఈ సినిమా తర్వాత ఇద్దరు కలిసి డియర్ కామ్రేడ్ సినిమా చేశారు. ఆ సినిమా ఆశించిన ఫలితాన్ని పొందలేదు.

కానీ వీళ్ళిద్దరి ఆన్ స్క్రీన్ కెమిస్ట్రీ కి మాత్రం చాలా మంచి మార్కులు పడ్డాయి. వీళ్ళిద్దరి పెయిర్ చాలా బాగుంటుంది అంటూ చాలామంది అంటారు. గత కొంతకాలంగా వీరికి సంబంధించిన ఒక విషయం వార్తల్లో నిలిచింది. కొంతమంది వీరిద్దరూ రిలేషన్ షిప్ లో ఉన్నారు అంటూ వార్తలు పుట్టించారు. మరి అందులో ఎంతవరకు నిజం ఉంది అనేది తెలియదు. అంతేకాకుండా వీళ్ళిద్దరూ సోషల్ మీడియాలో పోస్ట్ చేసే ఫోటోల్లో లొకేషన్స్ ఒకే లాగా ఉండడం చూసి వీరిద్దరూ నిజంగానే రిలేషన్ షిప్ లో ఉన్నారు అని అన్నారు.

అయితే ఇప్పుడు వీరికి సంబంధించిన ఇంకొక వార్త కూడా బయటికి వచ్చింది. అదేంటంటే, వీరిద్దరూ ఫిబ్రవరిలో నిశ్చితార్థం చేసుకుంటారు అనే వార్త ఒకటి వచ్చింది. అందులో ఎంతవరకు నిజం ఉంది అనేది తెలియదు. అయితే ప్రస్తుతం వస్తున్న సమాచారం ప్రకారం, అదంతా పుకారు మాత్రమే అని అంటున్నారు. ఏదేమైనా సరే ఈ విషయంపై వారిద్దరూ స్పందించే వరకు నిజం ఏంటి అనేది మాత్రం తెలియదు. కానీ కెరీర్ పరంగా మాత్రం ఇద్దరు వరుస సినిమాలతో బిజీగా ఉన్నారు.

తెలుగు సినిమా ఇండస్ట్రీలో కామెడీ అంటే ముందుగా గుర్తొచ్చే వ్యక్తి బ్రహ్మానందం గారు. అయితే బ్రహ్మానందం గారు సినిమాల్లో ఎంత ఫేమస్ అయినా కూడా వ్యక్తిగత జీవితం గురించి అంత పెద్దగా తెలియదు. బ్రహ్మానందం కొడుకు గౌతమ్ సినిమాల్లో చేశారు.

ఇటీవల వచ్చిన దూత సిరీస్ లో కూడా ఒక ముఖ్య పాత్ర పోషించారు. అయితే, బ్రహ్మానందం గారికి కూడా ఒక ప్రేమ కథ ఉంది. బ్రహ్మానందం గారిది ప్రేమ వివాహం అనే విషయం చాలా మందికి తెలియదు.

ఈ విషయాన్ని బ్రహ్మానందం, “నేను-మీ బ్రహ్మానందం” పేరుతో రాసిన ఆటోబయోగ్రఫీ పుస్తకంలో పంచుకున్నారు. బ్రహ్మానందం గారు ఎన్నో కష్టాలు దాటుకొని కాలేజ్ లెక్చరర్ గా జాబ్ సంపాదించుకున్నారు. అత్తిలిలో బ్రహ్మానందం గారు లెక్చరర్ గా పనిచేసేటప్పుడు వాళ్ళ ఇంట్లో వాళ్ళు సంబంధాలు చూడటం మొదలుపెట్టారు. బ్రహ్మానందం గారిది చిన్నప్పటినుండి పేద కుటుంబం అవ్వడంతో వచ్చే అమ్మాయి కట్నం తేవాలి అని చెప్పి బ్రహ్మానందం తల్లిదండ్రులు అనుకున్నారు.

బ్రహ్మానందం గారికి చదువుకి డబ్బుల విషయంలో అనసూయమ్మ గారు అనే ఒక వ్యక్తి సహాయం చేశారు. ఆవిడ బ్రహ్మానందానికి ఒక సంబంధం తీసుకొచ్చారు. ఆవిడ భర్త చెల్లెళ్లలో ఒకరైన లక్ష్మీ అనే అమ్మాయిని బ్రహ్మానందం గారు పెళ్లి చేసుకుంటే బాగుంటుంది అని చెప్పి సలహా ఇచ్చారు. బ్రహ్మానందంకి, లక్ష్మీకి ముందే పరిచయం ఉంది. అంటే పెద్దగా మాట్లాడుకోకపోయినా కూడా ముఖాలు తెలుసు. అనసూయమ్మ గారు బ్రహ్మానందం గారికి సహాయం చేశారు.

అంతే కాకుండా లక్ష్మీ కూడా చాలా మంచి అమ్మాయి అని తెలియడంతో బ్రహ్మానందం గారు ఆవిడని పెళ్లి చేసుకోవాలి అని నిశ్చయించుకున్నారు. ఇదే విషయాన్ని ఇంట్లో చెప్పారు. కానీ బ్రహ్మానందం గారి ఇంట్లో వాళ్ళు ఈ విషయాన్ని ఒప్పుకోలేదు. అందుకు కారణం ఇద్దరి కులాలు వేరు కావడం. బ్రహ్మానందం గారు విశ్వబ్రాహ్మణులు అయితే, లక్ష్మీ గారు కాపులు. అందులోనూ బ్రహ్మానందం గారు కట్నం లేకుండా పెళ్లి చేసుకుంటాను అనడంతో ఇంట్లో వాళ్ళు అసలు ఒప్పుకోలేదు.

అయితే లక్ష్మీ గారితో పెళ్లి జరగాకపోతే తాను జీవితంలో పెళ్లి చేసుకోను అని బ్రహ్మానందం గారు చెప్పడంతో వాళ్ళు ఇంట్లో వాళ్ళు కూడా ఒప్పుకున్నారు. అలా పెద్దల అనుమతితో డిసెంబర్ 14 వ తేదీ, 1977 లో బ్రహ్మానందం గారు, లక్ష్మీ గారు పెళ్లి చేసుకున్నారు. అప్పుడున్న జీతంతో ఇద్దరు బతకడం కష్టం అని, లక్ష్మీ గారి సహకారంతోనే తాను జీవితంలో ఉన్నత స్థాయికి ఎదిగాను అని చెప్పి బ్రహ్మానందం గారు తన పుస్తకంలో పేర్కొన్నారు.