Mounika Singaluri

సోషల్ మీడియా అందుబాటులోకి వచ్చిన తరువాత ప్రతి జ్ఞాపకం అందరితో పంచుకునే అవకాశం కలుగుతుంది. పదిమందితో పంచుకుంటే ఆనందం మరింత రెట్టింపు అవుతుంది. ఆ ఆనందాన్ని చాలామంది అనుభవిస్తున్నారు లైఫ్ లో జరిగే ప్రతి సెలబ్రేషన్ ని పది మందితోనూ షేర్ చేసుకుంటున్నారు.

అలాగే ఈరోజు ఒక అమ్మడు తన తమ్ముడు తో కలిసి దిగిన తన చిన్నప్పటి ఫోటో ఒకటి సోషల్ మీడియాలో పోస్ట్ చేసి తమ్ముడికి బర్త్డే విషెస్ తెలియజేసింది. ఆ ఫోటోలు చూస్తే నాలుగు ఐదేళ్ల వయసులో తీసుకున్న ఫోటోల్లా కనిపిస్తున్నాయి. అయితే ఆమె అభిమానులకి ఒక పరీక్ష. ఈ ఫోటోలో కనిపిస్తున్న యాక్ట్రెస్ ని మీరు గుర్తుపట్టారా ఎక్కువగా ఆలోచించకండి ఆమె మరెవరో కాదు.

తెలుగు వెండి తెరపై నటిగా బుల్లితెరపై యాంకర్ గా, బుల్లితెర రాములమ్మగా పేరు తెచ్చుకున్న యాంకర్ శ్రీముఖి. జనవరి 9న శ్రీముఖి తమ్ముడు సుశ్రుత్ పుట్టినరోజు కావడంతో తమ్ముడు తో ఉన్న ఫోటోని షేర్ చేస్తూ బర్త్డే విషెస్ చెప్పింది. నా సంతోషం నా ధైర్యం ప్రతి సందర్భంలో నాకు తోడుగా ఉన్న నా స్వీట్ తమ్ముడికి పుట్టినరోజు శుభాకాంక్షలు అంటూ ఫోటోతో పాటు మెసేజ్ ను కూడా సోషల్ మీడియాలో పోస్ట్ చేసింది ఈ భామ.

https://www.instagram.com/p/C13XkBep-Dt/

సుశ్రుత్ కూడా చాలామందికి తెలిసే ఉంటాడు ఎందుకంటే అతను కూడా అప్పుడప్పుడు అక్కతో కలిసి బుల్లితెరపై సందడి చేస్తూ ఉంటాడు సోషల్ మీడియాలో కూడా యాక్టివ్గా ఉంటాడు. అలాగే శ్రీముఖి వాళ్ళ మదర్ లతాశ్రీ కూడా తన కొడుకు పుట్టినరోజు ని విష్ చేస్తూ ఒక వీడియో పోస్ట్ చేశారు ఆమె కూడా సోషల్ మీడియాలో యాక్టివ్ గా ఉంటూ రీల్స్ ఫోటోలతో సందడి చేస్తూ ఉంటారు. అయితే జూనియర్ రాములమ్మ చిన్నప్పటి ఫోటోని ఎంతమంది గుర్తుపట్టారు.

సూపర్ స్టార్ రజినీకాంత్ హీరోగా నటించిన ‘నరసింహ’ చిత్రం ఘన విజయాన్ని సాధించింది. ఈ చిత్రానికి కే ఎస్ రవికుమార్ దర్శకత్వం వహించారు. ఈ సినిమాకి కథని రచయిత చిన్నికృష్ణ అందించారు. ఈ చిత్రం అటు తమిళంలోనూ ఇటు తెలుగులోనూ పెద్ద హిట్ ను సాధించింది.

ఈ చిత్రంలో రజినీకాంత్ ని ఢీకొట్టే నీలాంబరి క్యారెక్టర్ లో హీరోయిన్ రమ్యకృష్ణ నటించింది. ఇక చిత్రంలో సూపర్ స్టార్ రజినీకాంత్ కి పక్కన హీరోయిన్ గా సౌందర్య నటించింది. రజినీకాంత్ ముసలితనంలో ఉండే క్యారెక్టర్ లో నటించి ఆడియెన్స్ ని ఆశ్చర్యానికి గురి చేసాడు. ఇక నీలాంబరి పాత్రలో రమ్యకృష్ణ జీవించింది. రమ్యకృష్ణ రజిని కాంత్ మధ్య వచ్చే సన్నివేశాలలో ఇద్దరు పోటీ పడి మరి నటించారు. ఇలా సినిమాలోని ప్రతి ఒక్కటి ఆడియెన్స్ ని ఆకట్టుకున్నాయి.

ఇది ఇలా ఉండగా ఈ స్టోరీలో మొదటగా అనుకున్నది రజినీకాంత్ ని కాదంట. రచయిత ఈ సినిమా కథను తసిన తరువాత ఈ మూవీలో హీరోగా నందమూరి బాలకృష్ణ నటిస్తే బాగుంటుంది అనుకున్నారట. చిన్నికృష్ణ అలా అనుకున్న తరువాత దర్శకుడు బి గోపాల్ కి ఈ స్టోరీని చెప్పాడట. అయితే ఆ సమయంలో బి గోపాల్ బాలయ్యతో సమర సింహా రెడ్డి చిత్రాన్ని చేస్తున్నారు.

దాంతో ఈ స్టోరీని అలాగే ఉంచండి. తరువాత చేద్దామని హోల్డ్ లో పెట్టారంట. అప్పుడు డైరెక్టర్ బి గోపాల్ నిర్ణయానికి చిన్నికృష్ణ సరే అని కొద్దిరోజులపాటు ఈ స్టోరీని పక్కకి పెట్టారట. అయితే బి గోపాల్ కి చెప్పక ముందే ఈ స్టోరీ విన్న చిన్నికృష్ణ స్నేహితుడు ఈ స్టోరీని డైరెక్టర్ కే ఎస్ రవికుమార్ వద్దకి తీసుకెళ్లారంట.

ఈ కథని విన్న రవి కుమార్, స్టోరీ కావాలని చెప్పి,తీసుకుని తన స్నేహితుడైన అయిన సూపర్ స్టార్ రజినీ కాంత్ ని హీరోగా పెట్టి, ఈ చిత్రాన్ని తెరకెక్కించాడు. ఈ చిత్రాన్ని రజినీకాంత్ తన నటనతో సూపర్ హిట్ చేశాడు. కానీ ఈ సినిమా బాలయ్య నటించి ఉంటే, రమ్యకృష్ణ చేసిన నీలాంబరి పొగరు బోతు పాత్రకి నందమూరి బాలాకృష్ణ చెప్పే డైలాగ్స్ కి కరెక్ట్ గా సెట్ అయ్యేదని ఈ సంగతి తెలిసినవారు అంటూంటారు. మొత్తానికి బాలకృష్ణ మంచి క్యారెక్టర్ మిస్ చేసుకున్నాడని చెప్పవచ్చు.

ప్రభాస్ హీరోగా నటించిన సలార్ సినిమా ఇటీవల ప్రేక్షకుల ముందుకు వచ్చింది. ఈ సినిమాకి రెండవ భాగం కూడా ఉన్నట్టు సినిమా బృందం ప్రకటించింది. అయితే సినిమాకి కొంత మంది పాజిటివ్ టాక్ ఇస్తే, కొంత మందికి మాత్రం అంతగా నచ్చలేదు.ప్రశాంత్ నీల్ దర్శకత్వంలో తెరకెక్కిన ఈ చిత్రం గత నెల రిలీజ్ అయ్యి, బాక్సాఫీస్ దగ్గర సంచలనం సృష్టించింది. 700 కోట్ల రూపాయలకు పైగా వసూళ్లు సాధించి ప్రభాస్‌ రేంజ్ ను మరోసారి నిరూపించింది.

థియేటర్లలో విడుదల అయ్యి నెల రోజులు కాకముందే ఈ మూవీ ఓటీటీలోకి వచ్చేసింది. జనవరి 20అర్ధరాత్రి నుండి ప్రముఖ ఓటీటీ నెట్‌ఫ్లిక్స్‌లో సలార్‌ స్ట్రీమింగ్‌ అవుతోంది. ఇది ఇలా ఉంటే సలార్ మూవీకి సంబంధించిన ఒక వీడియో క్లిప్ నెట్టింట్లో హల్చల్ చేస్తోంది. ఈ సినిమా హిందీలో కూడా విడుదలైంది. షారుక్ ఖాన్ డంకి కి పోటీగా విడుదలయ్యి రికార్డ్ సృష్టించింది సలార్. హిందీలో 150 కోట్లకు పైగా నెట్ కలెక్షన్స్ ని సొంతం చేసుకుంది ఈ సినిమా.

అయోధ్య రామ మందిరం ప్రారంభోత్సవ కార్యక్రమం, బాల రాముని ప్రాణ ప్రతిష్ట కార్యక్రమం అంగరంగ వైభవంగా జరిగింది. ఈ కార్యక్రమానికి దేశ విదేశాలనుండి 7000 మంది విశిష్ట అతిధులు హాజరయ్యారు. తెలుగు రాష్ట్రాల నుండి కూడా చాలామంది ప్రముఖులు అయోధ్య ఆలయ ప్రారంభోత్సవానికి హాజరయ్యారు.

మెగాస్టార్ చిరంజీవి కుటుంబ సభ్యులు కూడా ఈ ప్రాణ ప్రతిష్ట కార్యక్రమానికి హాజరయ్యారు. చిరంజీవి భార్య సురేఖ, కుమారుడు రామ్ చరణ్ ప్రత్యేక విమానంలో హైదరాబాద్ నుండి అయోధ్య వెళ్లారు. జనసేన అధ్యక్షుడు పవన్ కళ్యాణ్ కూడా ప్రాణప్రతిష్ట కార్యక్రమంలో పాలుపంచుకున్నారు. అయితే ఈ వేడుకకు హాజరవ్వడం పూర్వజన్మ సుకృతం అని చిరంజీవి చెప్పగా, తనకు తెలియకుండానే కళ్ళంట నీళ్లు వచ్చేసాయని పవన్ కళ్యాణ్ ఆనందాన్ని పంచుకున్నారు. ఇక రామ్ చరణ్ లైఫ్ లో ఒక్కసారి వచ్చే అవకాశం అంటూ ప్రాణప్రతిష్ట గురించి గొప్పగా చెప్పారు. అయితే ఈ వేడుకకు హాజరైన సమయంలో చిరంజీవి కుటుంబ సభ్యులతో పలువురు ఫోటోలు దిగారు. ఇప్పుడు ఆ ఫోటోలు సోషల్ మీడియాలో బాగా వైరల్ అవుతున్నాయి.

తమిళ హీరో ధనుష్ కూడా చిరంజీవి, రామ్ చరణ్ తో కలిసి ఫోటో దిగారు. తాజాగా తెలుగు ఆవిడ, ప్రముఖ క్రీడాకారిణి పి.టి.ఉష కూడా రాంచరణ్, చిరంజీవి,సురేఖలతో కలిసి వేడుకల్లో పాలుపంచుకున్నారు. అనంతరం వారితో కలిసిన దిగిన ఫోటోలను సోషల్ మీడియాలో పోస్ట్ చేశారు. ఇప్పుడు ఈ ఫోటోలో తెలుగు వారందరూ బాగా వైరల్ చేస్తున్నారు. చాలా రోజుల తర్వాత ఒక పబ్లిక్ ఈవెంట్ లో పి. టి ఉషా కూడా కనిపించడంతో ఆమె అభిమానులు కూడా ఆనందం వ్యక్తం చేస్తున్నారు.

Happy to meet Supreme Hero Chiranjeevi @KChiruTweets and Ram Charan at the Ayodhya Ram Pratishthan ceremony. pic.twitter.com/VXkHvzWslL

— P.T. USHA (@PTUshaOfficial) January 22, 2024

వరకు టాలీవుడ్ లో 100 కోట్లు కలెక్షన్స్ దాటాలంటే పెద్ద గగనమే అని చెప్పాలి. బాహుబలి సినిమాతో ప్రభాస్ మొదటిసారిగా 100 కోట్లు షేర్ లోకి అడుగు పెట్టారు. బాహుబలి సినిమా ప్రపంచ వ్యాప్తంగా 600 కోట్ల గ్రాస్ కలెక్షన్స్ సాధించగా 300 కోట్ల షేర్ రాబట్టింది.

ఆ తర్వాత మెగా పవర్ స్టార్ రామ్ చరణ్ రంగస్థలం సినిమా 216 కోట్ల గ్రాస్ కలెక్షన్స్ సాధించి 100 కోట్ల షేర్ లోకి అడుగు పెట్టిన తర్వాత మూవీ గా నిలిచింది. నెక్స్ట్ ఈ లిస్టులోకి మహేష్ బాబు వచ్చి చేరారు.భరత్ అనే నేను మూవీతో 225 కోట్లు గ్రాస్ కలెక్షన్స్ సాధించి 100 కోట్లు షేర్ క్లబ్ లోకి చేరారు. ఆ తర్వాత అల్లు అర్జున్ నటించిన అలా వైకుంఠపురం చిత్రం ప్రపంచవ్యాప్తంగా 260 కోట్ల గ్రాస్ కలెక్షన్స్ సాధించి 130 కోట్ల షేర్ రాబట్టింది. ఇక ఆర్ఆర్అర్ తో మొదటి సారి 100 కోట్ల షేర్ లోకి ఎన్టీఆర్ అడుగుపెట్టగా, రాంచరణ్ కి రెండో వంద కోట్ల షేర్ సాధించిన చిత్రంగా నిలిచింది. ఇక సీనియర్ హీరోల్లో మెగాస్టార్ చిరంజీవి వాల్తేరు వీరయ్య తో 225 కోట్ల గ్రాస్ కలెక్షన్స్ సాధించి 100 కోట్లు షేర్ క్లబ్ లోకి అడుగు పెట్టారు.

ఇక తాజాగా ఈ లిస్టులోకి యంగ్ హీరో తేజ సజ్జా వచ్చి చేరారు. ఆయన నటించిన హనుమాన్ చిత్రం ఇప్పటివరకు ప్రపంచవ్యాప్తంగా 207 కోట్లు కలెక్షన్స్ సాధించింది. తాజాగా ఈ చిత్రం కూడా 100 కోట్ల షేర్ క్లబ్ లోకి అడుగుపెట్టింది. ఇక్కడ విశేషమేంటంటే ఈ చిత్రం ఇంకా విజయవంతంగా రన్ అవుతుంది. భవిష్యత్తులో ఈ క్లబ్ లోకి అడుగుపెట్టే ఇతర హీరోలు ఎవరో వేచి చూడాలి.

సంక్రాంతి పండుగ కానుకగా చాలా సినిమాలు విడుదల అయ్యాయి. వీటిలో నాగార్జున హీరోగా నటించిన నా సామిరంగ సినిమా కూడా ఒకటి. కథ విషయానికి వస్తే ఈ సినిమా 1963 లో మొదలవుతుంది. కిష్టయ్య (నాగార్జున), అంజి (అల్లరి నరేష్) స్నేహితులు. వీరిద్దరి చిన్నతనాన్ని ఈ సమయంలో చూపిస్తారు. ఆ తర్వాత సినిమా 1988 కి షిఫ్ట్ అవుతుంది. అప్పుడే భాస్కర్ (రాజ్ తరుణ్) వీరి జీవితాల్లోకి ప్రవేశిస్తాడు. కిష్టయ్య వరలక్ష్మి అలియాస్ వరాలు (అషిక రంగనాథ్) అనే ఒక అమ్మాయిని ప్రేమిస్తాడు. ఆ తర్వాత ఏం జరిగింది? వీరి ప్రేమ కథ ఎంత దూరం వెళ్ళింది? వీరి జీవితాల్లో చోటుచేసుకున్న మార్పులు ఏంటి? కిష్టయ్య ఎలాంటి సంఘటనలు ఎదుర్కొన్నాడు? ఇవన్నీ తెలియాలి అంటే మీరు సినిమా చూడాల్సిందే.

తెలుగు సినీ ప్రేక్షకులకు హీరోయిన్ ఆషికా రంగనాథ్ గురించి ప్రత్యేకంగా చెప్పనక్కర్లేదు. ప్రస్తుతం తెలుగు సినిమా ఇండస్ట్రీలో ఎక్కువగా వినిపిస్తున్న పేర్లలో ఈ ముద్దుగుమ్మ పేరు కూడా ఒకటి. కళ్యాణ్ రామ్ సినిమాతో తెలుగు సినిమా ప్రేక్షకులను పలకరించిన ఈ ముద్దుగుమ్మ ఇటీవల విడుదలైన నా సామిరంగ సినిమాలో నాగార్జునతో పాటు నటించిన విషయం తెలిసిందే. ఇందులో ఏకంగా హీరో నాగార్జున నటనను డామినేట్ చేసింది ఈ ముద్దుగుమ్మ. అయితే ఈ సినిమా మంచి సక్సెస్ ను సాధించడంతో ప్రస్తుతం హీరోలు దర్శకులు చూపు ఈ ముద్దుగుమ్మ మీద పడింది.

ఇది ఇలా ఉంటె…ఈ సినిమా బాక్స్ ఆఫీస్ దగ్గర పాజిటివ్ టాక్ తో దూసుకుపోతుంది. పది రోజుల్లో ఎంత కలెక్ట్ చేసింది అంటే… నైజాంలో రూ. 4.78 కోట్లు, ఉత్తరాంధ్రలో రూ. 3.37 కోట్లు, సీడెడ్‌లో రూ. 3.60 కోట్లు, , , వెస్ట్ గోదావరిలో రూ. 1.27 కోట్లు, ఈస్ట్ గోదావరిలో రూ. 2.60 కోట్లు, కృష్ణాలో రూ. 1.22 కోట్లు గుంటూరులో రూ. 1.44 కోట్లు, నెల్లూరులో రూ. 85 లక్షలు..ఇలా మొత్తంగా రూ. 19.13 కోట్లు షేర్, రూ. 31.55 కోట్లు గ్రాస్ వసూలు చేసింది ఈ సినిమా.

సినిమా ఇండస్ట్రీలో సినిమాలు వాయిదా పడటం అనేది మామూలే. ముందుగా ఒక డేట్ ప్రకటిస్తారు కానీ ఆ డేట్ కి ఆ సినిమాలు రావచ్చు రాకపోవచ్చు. సినిమాలు వాయిదా పడడానికి రకరకాల కారణాలు ఉంటాయి. సినిమా షూటింగ్ పూర్తి కాకపోవడం లేదా, ఆ టైం కి వేరే ఏదో జరగడం లాంటివి మనం చూస్తూనే ఉంటాం. తాజాగా ప్రభాస్ సలార్ సినిమా విషయంలో ఇదే జరిగింది.

ఇప్పుడు తెలుగులో రాబోతున్న రెండు పాన్ ఇండియా సినిమాలు వాయిదా పడుతున్నాయి అనే వార్త బాగా వైరల్ అవుతుంది. జూనియర్ ఎన్టీఆర్ నటించిన దేవర మూవీ మామూలుగా అయితే ఏప్రిల్ 5న విడుదలవుతున్నట్లు మేకర్స్ ప్రకటించారు. అయితే ఏప్రిల్ 16వ తారీఖున సార్వత్రిక ఎన్నికలు జరిగే నేపథ్యంలో ఈ సినిమాను వాయిదా వేయాలనుకుంటున్నారట. అదే కాకుండా సినిమా విఎఫ్ఎక్స్ వర్క్ కూడా ఆలస్యం అయ్యే ఛాన్స్ ఉందని అంటున్నారు. దీని మూలంగా ఈ సినిమాని ఆగస్టు 15 కి వాయిదా వెయ్యాలి అని అనుకుంటున్నారు. అయితే ముందుగా ఆగస్టు 15న వస్తున్నట్లు ప్రకటించిన అల్లు అర్జున్ పుష్ప2 సినిమా కూడా డిసెంబర్ కి వాయిదా పడే అవకాశం ఉందని అంటున్నారు. ఈ సినిమా షూటింగ్ డిలే కావడంతో ఆగస్టు 15 కి రావడం కష్టంగా తెలుస్తుంది.

ఇక ఏప్రిల్ 5న దేవర మూవీ రాకపోతే అప్పుడు విజయ్ దేవరకొండ సినిమా ఫ్యామిలీ స్టార్ వచ్చే అవకాశాలు మెండుగా ఉన్నాయి. ఇక టిల్లు స్క్వేర్ మూవీ కూడా ఫిబ్రవరి 9 నుండి వాయిదా పడిన సంగతి తెలిసింది. ఈ సినిమా కూడా మార్చి ఆఖరి వారం లేదా ఏప్రిల్ మొదటి వారంలో రిలీజ్ చేయాలని మేకర్స్ భావిస్తున్నారు. అయితే ఈ విషయాల్లో స్పష్టత రావాలంటే మరి కొద్ది రోజులు వేచి చూడాలి.

తెలుగులో ప్రతి సంవత్సరం కొన్ని డిఫరెంట్ జానర్ సినిమాలు వస్తున్నాయి. ఒక మంచి కాన్సెప్ట్ తో తెరకెక్కిన యూత్ ఫుల్ మెసేజ్ ఓరియెంటెడ్ సినిమాలకు ఎప్పటికీ ఆదరణ లభిస్తూ ఉంటది. ఇప్పుడు అలాంటి ఒక డిఫరెంట్ సినిమా ఒకటి వస్తుంది…అదే బిఫోర్ మ్యారేజ్. పెళ్లికి ముందే ప్రెగ్నెంట్ అయితే వచ్చే సమస్యలను ఈ మూవీలో చూపిస్తున్నట్లు మేకర్స్ తెలియజేశారు.

ఈ చిత్రంలో భరత్, నవీన రెడ్డి ప్రధానపాత్రలు పోషిస్తున్నారు. శ్రీధర్ రెడ్డి ఆటాకుల దర్శకత్వం వహిస్తున్న ఈ చిత్రం ఇప్పటికే షూటింగ్ పూర్తి చేసుకుంది. సృజన ఆర్ట్స్ బ్యానర్ పైన జగదీశ్వర్ రెడ్డి ఈ సినిమాను నిర్మించారు. రిపబ్లిక్ డే సందర్భంగా ఈ సినిమాని విడుదల చేస్తున్నట్లు మేకర్స్ ప్రకటించారు. తాజాగా ఈ సినిమా ఫ్రీ రిలీజ్ ఈవెంట్ హైదరాబాద్ లో నిర్వహించారు. ఈ సందర్భంగా మేకర్స్ మాట్లాడుతూ… ప్రతి సంవత్సరం యూత్ ఫుల్ సినిమాలను ప్రేక్షకులు ఆదరిస్తున్నారని, గత ఏడాది వచ్చిన బేబీ మూవీ ఇందుకు నిదర్శనం అని అన్నారు. అలాగే ఈ సంవత్సరం చిన్న సినిమాగా వచ్చిన హనుమాన్ కూడా భారీ విజయం సొంతం చేసుకుందని, అదే రేంజ్ లో తమ సినిమా బిఫోర్ మ్యారేజ్ కూడా ప్రేక్షకులు ఆదరణ పొందుతుందని అన్నారు.

లైఫ్ లో తాత్కాలిక ఆనందం కోసం క్షణకాలంపాటు చేసిన తప్పు జీవితాన్ని ఎలా మలుపు తిప్పిందని యథార్థ సంఘటనలు ఆధారంగా ఈ సినిమాను తెరకెక్కిస్తున్నామని.. యూత్ అందరికి ఈ సినిమా విపరీతంగా నచ్చుతుందని తెలిపారు. మంగ్లీ పాడిన ఒక పాట సినిమాకి హైలెట్ గా నిలబడుతుందని నిర్మాత జగదీశ్వర్ రెడ్డి తెలియజేశారు.