సెలబ్రిటీలు అన్న తర్వాత వారి జీవితంలో వ్యక్తిగతమైన విషయాలు కూడా అందరికీ తెలిసిపోయి ఉంటాయి. అందులో ముఖ్యంగా సినిమా రంగంలో ఉన్న వారి జీవితం అయితే చాలా మందికి తెలిసి ఉంటుంది. వీళ్ళు ఒకవేళ సోషల్ మీడియాలో ఉంటే, వాళ్లని వాళ్ల వ్యక్తిగత జీవితానికి సంబంధించిన ప్రశ్నలు కూడా వేస్తూ ఉంటారు. కొంత కాలం తర్వాత ఇవన్నీ ఆగిపోతాయి. కానీ రేణు దేశాయ్ విషయంలో మాత్రం ఇలా జరగలేదు. పవన్ కళ్యాణ్, రేణు దేశాయ్ పెళ్లి చేసుకొని, కొన్నాళ్ళకి విడిపోయారు. కానీ పిల్లల విషయం వచ్చేవరకు ఇద్దరు తమ బాధ్యతలు తాము నిర్వర్తిస్తూ ఉంటారు. అకిరా, ఆద్య జీవితాల్లో ఏదైనా ముఖ్యమైన విషయం ఉంటే పవన్ కళ్యాణ్ కూడా పాల్గొంటూ ఉంటారు. పిల్లల బాగోగులు రేణు దేశాయ్ చూసుకుంటూ ఉంటారు.

ఇటీవల పవన్ కళ్యాణ్ ఆంధ్రప్రదేశ్ ఉప ముఖ్యమంత్రిగా ప్రమాణ స్వీకారం చేసినప్పుడు అకిరా, ఆద్య కూడా వెళ్లారు. వారందరి మధ్య ఆరోగ్యకరమైన స్నేహం ఉంది. కానీ ప్రజలు మాత్రం అది అర్థం చేసుకోవట్లేదు. రేణు దేశాయ్ సోషల్ మీడియాలో ఏదైనా పోస్ట్ చేస్తే, పవన్ కళ్యాణ్ గురించి ఏదో ఒక ప్రశ్న అడుగుతూనే ఉంటారు. గతంలో రేణు దేశాయ్ ఈ విషయం మీద చాలా సార్లు వివరించారు. ఇది అయిపోయిన విషయం అని చెప్పారు. అయినా కూడా వినకుండా, “పవన్ కళ్యాణ్ లాంటి మంచి వ్యక్తిని ఎందుకు వదిలేశారు? చాలా తొందరపడ్డారు” అంటూ ఇటీవల రేణు దేశాయ్ చేసిన ఒక పోస్ట్ కి కామెంట్ చేశారు. అందుకు రేణు దేశాయ్ కూడా స్పందించి తాను వదిలేయలేదు అని చెప్పారు.
నిన్న కూడా రేణు దేశాయ్ సోషల్ మీడియాలో వస్తున్న కొన్ని కామెంట్స్ కి ఆద్య బాధపడింది అని ఒక పోస్ట్ చేశారు. అందులో రేణు దేశాయ్ ఎన్ని కామెంట్స్ ఎదుర్కొంటున్నారో తెలుస్తోంది. ఇన్ని సార్లు రేణు దేశాయ్ ఈ విషయం మీద వివరణ ఇచ్చిన తర్వాత కూడా ఆమె మీద ఏదో ఒక రకంగా కామెంట్స్ వస్తూనే ఉన్నాయి. తన పని తాను చేస్తూ, తన కుటుంబ బాధ్యతలు తాను చూసుకుంటూ ఉన్న ఒక మహిళ మీద ఇలాంటి కామెంట్స్ ఎందుకు వస్తున్నాయి? అసలు రేణు దేశాయ్ ఏం చేశారు? “ఇక్కడ రేణు దేశాయ్ చేసింది ఏం లేదు. ఆమె తన పని తాను చేసుకుంటున్నారు అంతే.”
“అసలు ఆమెకి అందరూ అడిగే ప్రశ్నలకు వివరణ ఇవ్వాల్సిన సమయం కూడా ఉండదు. అయినా కూడా తనని ఒకరు అడిగారు అని వారికి జవాబు చెప్పడం తన బాధ్యత అనే ఉద్దేశంతోనే రేణు దేశాయ్ అందరికీ జవాబు ఇస్తూ ఉంటారు. కానీ రేణు దేశాయ్ మంచితనాన్ని అర్థం చేసుకోకుండా ఇంకా ఆమెని ప్రశ్నలు అడిగి ఎందుకు ఇబ్బంది పెడుతున్నారు” అంటూ సోషల్ మీడియాలో రేణు దేశాయ్ కి మద్దతుగా అందరూ కామెంట్స్ చేస్తున్నారు.

బాబూరావు తెలంగాణలోని ఆదిలాబాద్ జిల్లాలో ఒక చిన్న గ్రామంలో పేద కుటుంబంలో జన్మించారు. పాఠశాల చదువు పూర్తి అయిన తరువాత ఏదైనా సాధించాలని హైదరాబాద్కు వచ్చారు. అయితే నగరానికి వచ్చిన తొలి రోజుల్లో ఎంతో కష్టపడాల్సి వచ్చింది. సికింద్రాబాద్ రైల్వే స్టేషన్ ప్లాట్ఫామ్పై కూడా పడుకున్నాడు. మొదట్లో బట్టల షాప్ లో పనిచేశారు. కొన్ని చిన్న ఉద్యోగాలను చేశాడు. హోటల్ లో పనిచేస్తే కనీసం తినడానికి ఆహారం లభిస్తుందనే ఉద్దేశ్యంతో కేఫ్లో పని చేయాలని నిర్ణయించుకున్నాడు.
అలా కేఫ్లో క్లీనర్గా పనిచేయం ప్రారంభించిన బాబూరావు వెయిటర్గా ప్రమోషన్ పొందాడు. ఆ తరువాత బిస్కెట్లు, టీ తయారు చేశాడు. అలా ఒక్కోమెట్టు ఎక్కుతూ 1978 నాటికి బాబురావు కేఫ్ను నడిపే స్థితి వచ్చాడు. కేఫ్ నడిపే కాంట్రాక్ట్ పై సంతకం చేశారు. మొదట్లో లాభాలు వచ్చినప్పటికీ, బాబూరావు కేఫ్ యాజమాన్యానికి ప్రతి నెలా నిర్ణీత మొత్తం చెల్లించాల్సి వచ్చేది. కష్టపడుతూ 1993 సంవత్సరం నాటికి కేఫ్ను సొంతం చేసుకోవడానికి అవసరం అయిన డబ్బును సంపాదించాడు. అప్పటి నుండి బాబూరావు ఓనర్ గా మారి, కేఫ్ ను సక్సెస్ ఫుల్ గా నడుపుతున్నాడు. మూడు అవుట్లెట్ల యజమానిగా మారిన బాబూ రావు తన మూలాలను మర్చిపోలేదు.
ఈ కేఫ్ ద్వారా పేదవారికి సాయం చేస్తూ ఉంటారు. ప్రతి రోజూ షాపులో మిగిలిన బిస్కెట్లను, బ్రెడ్లను పేద వారికి పంచుతుంటారు. ఆయన తండ్రి కోరిక మేరకు 25 ఏళ్ల నుంచి ఎన్నో సమాజ సేవా కార్యక్రమాలను నిర్వహిస్తున్నారు. నిలోఫర్ హాస్పిటల్ మరియు ఎంఎన్జే క్యాన్సర్ ఆసుపత్రి చుట్టూ ఉన్న పేషంట్లకు, పేదవారికి ఆహారం అందిస్తున్నారు. ప్రస్తుతం రోజుకు ఐదు వందల మందికి అల్పాహారం, మూడు వందల మందికి భోజనం అందిస్తున్నారు.























