Sainath Gopi

సినిమా అనగానే.. ముందు మనం అడిగేది ఏంటంటే హీరో హీరోయిన్లు ఎవరు..? అని. నిజమే కదా.. హీరో, హీరోయిన్ల పెయిర్, కెమిస్ట్రీ బాగుంటేనే కదా సినిమా చూడాలనిపించేది. అయితే.. వీరిద్దరి మధ్య ఉండే ఏజ్ గ్యాప్ ని కూడా మనం అంత గా పట్టించుకోము. కానీ ఒక్కోసారి చూస్తే.. చాలా సినిమాల్లో హీరో, హీరోయిన్ల మధ్య చాలా ఏజ్ గ్యాప్ ఉంటుంది. మన టాలీవుడ్ హీరోలు అందరు యంగ్ ఏజ్ లోనే ఎంట్రీ ఇచ్చేసారు. కానీ.. రీసెంట్ గా వచ్చిన హీరోయిన్స్ పక్కన నటిస్తున్నారు.. అసలు ఈ హీరో హీరోయిన్ల మధ్య ఏజ్ గ్యాప్ ఎంత ఉంటుందో.. ఎప్పుడైనా ఆలోచించారా..?

మన టాలీవుడ్ హీరోలు మొదటి సినిమా చేసినపుడు.. ఇటీవల తమతో జతకట్టిన హీరోయిన్ల వయసెంతో ఇప్పుడు చూద్దాం..

#1 రామ్ చరణ్ – కియారా -“వినయ విధేయ రామ”

వినయ విధేయ రామ సినిమా లో రామ్ చరణ్ కు జంటగా కియారా అద్వానీ నటించారు. రామ్ చరణ్ 2007 లో “చిరుత” మూవీ తో ఎంట్రీ ఇచ్చారు. అప్పటికే కియారా వయసు కేవలం 15 సంవత్సరాలు.

#2 నాని – ప్రియాంక అరుళ్ మోహన్ – గ్యాంగ్ లీడర్

నాని, ప్రియాంక లు గ్యాంగ్ లీడర్ సినిమా లో జంట కట్టారు. నాని “అష్ట చెమ్మ” సినిమా తో ఎంట్రీ ఇచ్చే టైం కి ప్రియాంక వయసు 14 సంవత్సరాలు.

#3 అల్లు అర్జున్-పూజ హెగ్డే- అలా వైకుంఠ పురం లో..

అల్లు అర్జున్ గంగోత్రి సినిమా తో ఎంట్రీ ఇచ్చే టైం కి పూజ హెగ్డే వయసు కేవలం 13 సంవత్సరాలు..

#4 మహేష్ బాబు- రష్మిక – సరిలేరు నీకెవ్వరూ

మహేష్ బాబు కు, రష్మిక కు మధ్య ఏజ్ గాప్ చాలానే ఉందండోయ్.. మహేష్ బాబు రాజకుమారుడు సినిమా తో ఎంట్రీ ఇచ్చే టైం కి రష్మిక వయసు కేవలం మూడు సంవత్సరాలే.

#5 రవితేజ – పాయల్ రాజపుత్ – డిస్కో రాజా

రవితేజ 1990 నుంచే చాలా సినిమాల్లో సపోర్టింగ్ రోల్స్ చేసారు. 1999 లో ఫుల్ లెంగ్త్ హీరో గా నీకోసం సినిమా చేసే సమయానికి పాయల్ రాజ్ పుత్ వయసు 7 సంవత్సరాలు..

#6 ప్రభాస్- శ్రద్ధ కపూర్ -సాహో

ప్రభాస్ 2002 లో ఈశ్వర్ మూవీ తో ఎంట్రీ ఇచ్చే టైం కి శ్రద్ధ కపూర్ ఏజ్ 15 సంవత్సరాలు.

#7 ఎన్టీఆర్ – పూజ హెగ్డే – అరవింద సమేత

ఎన్టీఆర్ స్టూడెంట్ నెంబర్ వన్ సినిమా తో ఎంట్రీ ఇచ్చే సమయానికి పూజ వయసు 11 సంవత్సరాలు.

#8 పవన్ కళ్యాణ్ – కీర్తి సురేష్- అజ్ఞాతవాసి

పవన్ కళ్యాణ్ 1996 లో అక్కడ అమ్మాయి ఇక్కడ అబ్బాయి సినిమా తో ఎంట్రీ ఇచ్చే టైం కి కీర్తి సురేష్ వయసు నాలుగేళ్లు.

ఒక్కసారి మనం వెనక్కి తిరిగి చూసుకుంటే మన హీరోలు ఎన్నో మంచి సినిమాలు ఇచ్చారు. అలాగే మళ్లీ వాళ్ళు వెనక్కి తిరిగి చూడాలి అని కూడా అనుకోని కొన్ని సినిమాలు ఇచ్చారు. అలా మన హీరోలు shift+del చేయాలి అనుకునే కొన్ని సినిమాలు ఇవే.

ఇప్పుడు కింద మెన్షన్ చేసిన లిస్ట్ కేవలం ప్రేక్షకుల రిసెప్షన్ ప్రకారం రాసిందే. ప్రతి సినిమాకి కష్టపడినట్టే ఈ సినిమాకి కూడా అందరూ అదే విధంగా కష్టపడి ఉంటారు. కానీ ఒక్కొక్కసారి అవి అంత మంచి ఫలితాలను ఇవ్వవు. కాబట్టి కింద చెప్పిన దర్శకులను కానీ, లేదా సినిమాకి సంబంధించిన వాళ్ళ కెరియర్ మొత్తం గురించి పాయింట్ అవుట్ చేయట్లేదు. ఈ సినిమాలకు సంబంధించిన వాళ్ళు ఎన్నో మంచి సినిమాలు కూడా తీశారు. అందుకే కేవలం వర్కౌట్ అవ్వని కొన్ని సినిమాల గురించి మాత్రమే ఇప్పుడు మాట్లాడుకుందాం.

#1 వెంకటేష్ – షాడో

#2 నాగార్జున – భాయ్

ఆఫీసర్

#3 బాలకృష్ణ – అధినాయకుడు,

ఒక్కమగాడు

పరమవీరచక్ర

#4 ప్రభాస్ – రెబల్

#5 రవితేజ – అమర్ అక్బర్ ఆంటోని

#6 అల్లు అర్జున్ – వరుడు

#7 రామ్ చరణ్ – తుఫాన్

#8 మహేష్ బాబు – బ్రహ్మోత్సవం

#9 చిరంజీవి – బిగ్ బాస్

#10 నాని – ఆహా కళ్యాణం

#11 వరుణ్ తేజ్ – మిస్టర్

#12 జూనియర్ ఎన్టీఆర్ – శక్తి

#13 సిద్దార్థ్ – అనగనగా  ఒక ధీరుడు

#14 పవన్ కళ్యాణ్ – అజ్ఞాతవాసి

#15. చిరంజీవి – ఆచార్య

“ఎవడు కొడితే దిమ్మ తిరిగి మైండ్ బ్లాక్ అయిపోద్దో వాడే పండుగాడు..”  ఈ డైలాగ్ మామూలు ఫేమస్ కాదు.. మహేశ్ కెరీర్లోనే బిగ్గెస్ట్ హిట్ పోకిరి వచ్చి నేటికి పద్నాలుగు ఏళ్లు పూర్తి.. మహేశ్ కెరీర్ చూస్కుంటే పోకిరికి ముందు పోకిరికి తర్వాత అని చెప్పుకునేంత సూపర్ హిట్..మహేశ్ ని సూపర్ స్టార్ ని చేసిన హిట్.. మహేశ్ ఫ్యాన్స్ ని అమాంతం పెంచేసిన హిట్..

ఆగండాగండి ఇక్కడ మాట్లాడుకోవాల్సిన మరోవ్యక్తి పూరీ.. రాముడు మంచి బాలుడు లా ఉండే హీరో క్యారెక్టర్స్ ని పోకిరి, దేశముదురుగా మార్చిన క్రెడిట్ పూరిదే.. నేనెంత వెధవనో నాకే తెలీదు అని వెధవలందరికి ఎక్కడలేని గొప్పతనం అంటకట్టి, వాళ్లు కాలరెగరేసేలా చేసిన క్రెడిట్ కూడా పూరిదే…సర్లేండి  పూరీ టైటిల్స్ పై, డైలాగ్స్ పై వ్యతిరేకత అనేది ఉంది..అది ఇక్కడ మ్యాటర్ కాదు..ఇక్కడ మ్యాటరేంటంటే పోకిరి హీరో మహేశ్, హీరోయిన్ ఇలియానా, పూరీ డైరెక్టర్ ఇవన్ని తెలిసిన విషయాలే..తెలియని కొన్ని ఆసక్తికరమైన విషయాలు ఇప్పుడు చెప్పుకుందాం..

#1. “పండు” ఆ పేరులో ఒక వైబ్రేషన్ ఉంది. ఉత్తమ్ సింగ్ ఇదేంటి ఇంత చెత్తగా ఉంది అనుకుంటున్నరా..నిజానికి పోకిరికి ముందు అనుకున్న టైటిల్ అదే ఉత్తమ్ సింగ్.. పంజాబ్ బ్యాక్ డ్రాప్లో కథ అనుకున్నారు.. కథ అంతా ఇదే కాకపోతే పంజాబ్ ఫ్యామిలిలో పెరిగిన కుర్రాడు, చివరికి అండర్ కవర్ కాప్ అని తేలుతుంది అనేది విషయం..పూరీ ఇదే స్టోరిలైన్ మహేశ్ కి చెప్తే, కథ ఒకె కాని బ్యాక్ డ్రాప్ , టైటిల్ బాగలేవు, ఛేంజ్ చేయమన్నాడట మహేశ్..

#2. ఎలాగూ హీరో అల్లరి చిల్లరిగా తిరిగేవాడు కాబట్టి పోకిరి అని పెడితే ఎలా ఉంటుంది అని పూరి అడగడం మహేశ్ ఒకె చేయడం చకచకా జరిగిపోయాయి..ఇంతకీ పండు ఎవరో తెలుసా.. తన వైఫ్ లావణ్యని పూరి ముద్దుగా పండు అని పిలుచుకుంటున్నారు..ఆ పండు కాస్తా పండుగాడు అయ్యిందన్నమాట..

#3. ఏళ్లకేళ్లు సాగదీయకుండా షూటింగ్స్ త్వరగా కంప్లీట్ చేయడం పూరికి ఉన్న మేజర్ ప్లస్ పాయింట్, అదే తన అభిమానులకి తనలో నచ్చే అంశం కూడా..పోకిరి షూటింగ్ మొత్తాన్ని 70రోజుల్లో కంప్లీట్ చేశారు..అది కూడా సింగిల్ టేక్స్ లోనే ఒకె చేసేవారట పూరి..మహేశ్ కి మొదట్లో ఇదంతా కొత్తగా ఉన్నా, తర్వాత తనకి అలవాటైపోయిందట.

#4. “ఇలియానా” సెలక్ట్ చేయడానికన్నా ముందు హీరోయిన్ సెలక్షన్ గురించి పెద్ద కసరత్తే జరిగింది..అయేషా టకియా నుండి దీపికా పదుకునే వరకు ఎందరినో అనుకుని, కొందరు కొత్త వాళ్లని ఆడిషన్స్ చేసి ఎవరూ నచ్చక, చివరికి ఎవరో ఇచ్చిన సజెషన్ తో ఇలియానకి ఓటేశారు మహేశ్ ,పూరి.. అప్పటికి దేవదాసు సినిమాతో ఇలియానా కుర్రకారు మనసు దోచేసింది..పోకిరిలో తన అందచందాల్తో ఏకంగా వాళ్ల గుండెల్లో తిష్ట వేసుకుని కూర్చునేలా మాయ చేసింది..

#5. గలగల పారుతున్న గోదారిలా పాటలో మహేశ్ , ఇలియాన మధ్య రొమాన్స్ ఇప్పటికి క్రేజే..ఒక సారి విదేశాలకు వెళ్లిన పూరికి అక్కడ వీదుల్లో గిటార్ ప్లే చేస్తున్న అతను పాడిన సాంగ్ వినగానే  ఇది మన తెలుగు పాటే అనుకున్నాడట, కాని నిజానికి తెలుగులో క్రిష్ణగారి గౌరి సినిమాలోకి ఆ పాటని ఇంగ్లీష్ సాంగ్ నే తెలుగులో గలగలపారుతున్న గోదారిలా అని తీశారని తెలిసి.. ఆ పాటని పోకిరిలో పెట్టారు. సినిమా ఎంత హిట్టో ఆ పాట అంత హిట్..

#6. “జగడమే” అని పాట వస్తుంటే ఇప్పటికి కుర్రాళ్ల రోమాలు నిక్కబొడుచుకుంటాయి.. విషయం ఏంటంటే ఆ సినిమా మొత్తానికి కెమెరామాన్ శ్యామ్ కె నాయుడు అయితే, ఈ పాటకి పని చేసింది మాత్రం కెవి గుహన్..  ఆ పాటలో మహేశ్ ఎక్స్ప్రెషన్స్, టేకింగ్, మేకింగ్,సినిమాటోగ్రఫి అన్ని కలగలిసి ఆ పాటకి అంత పేరు తీసుకొచ్చాయి..

#7. చాలా మైన్యూట్ ఛేంజెస్ కూడా ఒక్కోసారి పెద్ద రిజల్ట్స్ ని ఇస్తాయి..సినిమా క్లైమాక్స్ లో మహేశ్ బాబు ప్రకాశ్ రాజ్ ని లాగిపెట్టి గూబ గుయ్ మనిపించే సీన్లో బీప్ సౌండ్ వస్తుంది.. ఈ ఐడియా ఇచ్చింది ఫైట్ మాస్టర్ విజయన్.. ఈ సీన్ సూపర్ గా పండడానికి ఆ చిన్న చేంజే కారణం, ఆడియన్స్ ఇప్పటికి ఎంజాయ్ చేస్తారు..

#8. పోకిరి షూటింగ్ అయిపోయింది..ఎడిటింగ్ రూంలో ఎడిటింగ్ జరిగేప్పుడు కేవలం మహేశ్ ,పూరిలిద్దరికి తప్ప ఎవ్వరికి ఆ సినిమా హిట్ అవుతుందనే నమ్మకం లేదట..అంతేకాదు మాపియా, పోలీసులు..ఉమన్ రోల్స్ ఎక్కువ లేవు  ఎవరు చూస్తారు ఈ సినిమా అని ప్రొడ్యూసర్స్ రిజక్ట్ చేయడంతో ప్ మహేశ్, పూరి ఇద్దరే వారి సొంత బ్యానర్లో రిలీజ్ చేసారు..తర్వాత బాక్సాపీస్ బద్దలు కొట్టిన ఈ సినిమా హింది, తమిళ, కన్నడ,బెంగాళీలలో కూడా రీమేకై సూపర్ డూపర్ హిట్ అయింది..

జూనియర్ ఎన్టీఆర్ వెండితెరకు పరిచయం అయి 24 ఏళ్లు.. అప్పుడే  అన్నేళ్లు గడిచిపోయిందా అనుకుంటున్నారా? నిజానికి ఎన్టీఆర్ ఇండస్ట్రీకి పరిచయం అయింది బాలరామాయణం సినిమాలో బాలనటుడిగా..తర్వాత ఆరేళ్లకు స్టూడెంట్ నెంబర్ వన్ లో హీరోగా నటించారు. 1996లో వచ్చిన ఈ చిత్రాన్ని నిర్మాత ఎంఎస్ రెడ్డి ఈ కాలం పిల్లలందరికి రామాయణాన్ని పరిచయం చేయాలని తీశారు. ఈ చిత్ర దర్శకుడు గుణశేఖర్.

రాముడు : ఆ చిత్రంలో నటించిన మన జూనియర్ ఎన్టీఆర్.. ఇప్పుడు పెద్ద స్టార్ అయిన సంగతి తెలిసిందే.ఈ ఇరవై నాలుగేళ్ల కాలంలో ఎన్టీఆర్ 29 సినిమాలు చేశారు. పెళ్లి అయి ఇద్దరు పిల్లల తండ్రయ్యాడు. మరి మిగతా బాలనటులు ఎలా ఉన్నారు..తెలుసుకోవాలనుందా.. మరికెందుకాలస్యం ..

సీత : పెద్దపెద్ద కళ్లతో సీతగా అందరి మనసు దోచుకున్నారు స్మితా మాధవ్. ప్రస్తుతం భరతనాట్యకారిణిగా స్థిరపడ్డారు. ఎన్నో ప్రదర్శనలు ఇచ్చారు..ఇప్పుడు మరికొంతమందికి నృత్యాన్ని నేర్పిస్తున్నారు.

లక్ష్మణుడిగా నారాయణమ్ నిఖిల్ నటించారు.

హనుమంతుడి పాత్రలో అర్జున్ గంగాధర్ నటించారు.

రావణుడు :రావణుడిగా నటించినది బాలనటుడు కాదు..బాల నటి పేరు స్వాతి బాలినేని..ప్రస్తుతం గృహిణిగా స్థిరపడ్డారు.

మండోదరి : రావణాసురి భార్య మండోదరిగా నటించింది శ్వేత . ప్రస్తుతం అమెజాన్ లో వర్క్ చేస్తున్న శ్వేత కి పెళ్లి అయింది ఒక బాబు కూడా ఉన్నాడు ..  గృహిణిగా, ఉద్యోగినిగా తన బాధ్యతలు నిర్వర్తిస్తుంది.

bala ramayanam mandodari

శబరి : శబరిగా నటించింది మనందరికి పరిచయం ఉన్న నటి సునైన. అమ్మోరు చిత్రంలో  బాలనటిగా నటించిన సునైనా తర్వాత ఎన్నో చిత్రాల్లో నటించారు.ఇటీవల ఫ్రస్టేటెడ్ ఉమన్ గా యూట్యూబ్ వీడియోస్ చేస్తూ బాగా ఫేమస్ అయ్యారు.అంతేకాదు ఓ బేబిలో రాజేంద్రప్రసాద్ కూతురుగా నటించింది బాలరామయణంలోని శబరే..

కుంభ కర్ణుడు : కుంభ కర్ణుడుగా నటించింది అమ్జాద్ ఖాన్. ప్రస్తుతం కమెడియన్ గా తెలుగు సినిమాల్లో నటిస్తున్నారు.

మల్లెమాల వారు కండక్ట్ చేసిన యాక్టింగ్ క్లాసెస్ లో,షూటింగ్ స్పాట్లో ఆడుతు పాడుతూ పెరిగిన ఈ చిన్నారులు ఇప్పుడు ఇదిగో ఇలా సెటిల్ అయ్యారు..