Megha Varna

కెరియర్ లో ముందుకు వెళ్లాలంటే ఎక్కడో ఒక చోట మొదలు పెట్టాల్సిందే. ఇవాళ ఇండస్ట్రీలో ఎంతో పేరు తెచ్చుకున్న కొంత మంది యాక్టర్స్ కూడా ఏదో ఒక రోల్ తో ఇండస్ట్రీలో అడుగు పెట్టారు. మరి మొదటి సినిమాలో క్రెడిట్ లేని పాత్రలో గానీ సైడ్ రోజులు కానీ కనిపించి తర్వాత మెల్లగా లీడ్ రోల్ ప్లే చేసే స్థాయికి ఎదిగారు. అలా లీడ్ రోల్స్  చేసే ముందు సైడ్ రోల్స్ లో కనిపించిన కొంతమంది నటులు ఎవరో ఇప్పుడు చూద్దాం.

#1 సాయి పల్లవి

సాయి పల్లవి తమిళ్ లో జయం రవి, కంగనా రనౌత్ హీరో హీరోయిన్లుగా నటించిన  ధామ్ ధూమ్ అనే సినిమాలో ఒక పాత్రలో కనిపిస్తారు. అలాగే కస్తూరిమాన్ అనే సినిమాలో కూడా ఒక పాత్రలో కనిపిస్తారు.

#2 కాజల్ అగర్వాల్

కాజల్ క్యూ హో గయా నా అనే సినిమాలో ఐశ్వర్యరాయ్ ఫ్రెండ్ గా నటించారు.

kajal in kyun ho gaya na

#3 త్రిష

త్రిష జోడి సినిమాలో సిమ్రాన్ ఫ్రెండ్ గా నటించారు.

trisha in jodi

#4 సిద్ధార్థ్

బాయ్స్ సినిమాతో హీరోగా తన కెరీర్ మొదలు పెట్టిన సిద్ధార్థ్ అంతకుముందు మణిరత్నం గారి దర్శకత్వంలో వచ్చిన కన్నతిల్ ముతమిట్టల్ సినిమాలో ఒక పాత్రలో కనిపిస్తారు. ఈ సినిమాని తెలుగులో అమృత పేరుతో డబ్ చేశారు. ఇది అన్ క్రెడిటెడ్ రోల్.

siddharth in amrutha

#5 కార్తీ

తమిళ్ హీరో అయినా కూడా కార్తీకి మన తెలుగులో కూడా చాలా మంచి క్రేజ్ ఉంది. అందుకే కార్తీ నటించిన దాదాపు అన్ని సినిమాలు తెలుగులో కూడా విడుదల అవుతాయి. అయితే కార్తీ అంతకుముందు మణిరత్నం గారి దర్శకత్వంలో వచ్చిన యువ సినిమాలో ఒక పాత్రలో కనిపిస్తారు. సిద్ధార్థ్ కి కుడివైపు కార్తీ ఉంటారు. సిద్ధార్థ్ కి ఎడమ వైపు ఉన్న ఆవిడ సారొస్తారా వంటి ఎన్నో పాటలతో ఎంతో పేరు తెచ్చుకున్న సింగర్ సుచిత్ర.

karthi in yuva

#6 అనసూయ

జబర్దస్త్ షో తో పాటు, ఎన్నో సినిమాల్లో కూడా నటిస్తున్న అనసూయ అంతకు ముందు జూనియర్ ఎన్టీఆర్ హీరోగా నటించిన నాగ సినిమా లో ఒక చిన్న రోల్ లో కనిపిస్తారు.

#7 నవీన్ పోలిశెట్టి

నవీన్ పోలిశెట్టి అంతకుముందు లైఫ్ ఈజ్ బ్యూటిఫుల్, 1-నేనొక్కడినే సినిమాల్లో నటించారు. అలాగే డి ఫర్ దోపిడీ సినిమాలో కూడా నలుగురు హీరోల్లో ఒకరిగా నటించారు.

naveen polishetty in d for dopidi

#8 విజయ్ దేవరకొండ

విజయ్ దేవరకొండ అంతకుముందు రవిబాబు దర్శకత్వంలో వచ్చిన నువ్విలా సినిమాలో, అలాగే లైఫ్ ఈజ్ బ్యూటిఫుల్ సినిమాలో నటించారు.

లైఫ్ ఈజ్ బ్యూటిఫుల్ లో ఈషా రెబ్బ అలాగే తేజస్విని కూడా కనిపిస్తారు.

#9 రవితేజ

రవితేజ సక్సెస్ స్టోరీ గురించి మనందరికీ తెలుసు. కెరియర్ ప్రారంభంలో రవితేజ సీతారామరాజు, క్షేమంగా వెళ్లి లాభంగా రండి తో పాటు ఇంకా కొన్ని సినిమాల్లో సైడ్ రోల్స్ లో నటించారు.

ravi teja in sitaramaraju

#10 విజయ్ సేతుపతి

మన భారతీయ సినిమా ఇండస్ట్రీలో ప్రస్తుతం ఉన్న నటుల్లో బెస్ట్ యాక్టర్స్ లో ఒకరు విజయ్ సేతుపతి. విజయ్ సేతుపతి సీరియల్ లో, అలాగే షార్ట్ ఫిలిమ్స్ లో నటించారు. అంతే కాకుండా నా పేరు శివ తో పాటు, ఇంకా కొన్ని సినిమాల్లో సైడ్ రోల్ లో కూడా నటించారు.

#11 శివ కార్తికేయన్

రెమో, సీమరాజా వంటి సినిమాలతో తెలుగు వారికి కూడా చేరువైన శివ కార్తికేయన్ అంతకుముందు ధనుష్ హీరోగా నటించిన త్రీ సినిమాలో ధనుష్ ఫ్రెండ్ గా నటించారు. శివ కార్తికేయన్ ఇండస్ట్రీలోకి అడుగు పెట్టక ముందు యాంకరింగ్ కూడా చేశారు.

#12 జె డి చక్రవర్తి

హీరోగా పరిచయం అవ్వకముందు జె.డి.చక్రవర్తి శివ సినిమాలో కనిపిస్తారు.

ఒక మనిషికి ఒక విషయంలో మాత్రమే కాకుండా రెండు, మూడు విషయాల్లో ప్రావీణ్యం ఉంటుంది. సినిమా ఇండస్ట్రీలో కూడా అంతే. ఒక వ్యక్తి ఒక సినిమాని నిర్మించి, దానికి దర్శకత్వం వహించగలరు. అలాగే దర్శకత్వంతో పాటు, సంగీత దర్శకత్వం కూడా వహించగలరు. సంగీత దర్శకులు కూడా ఒక పాటని కంపోజ్ చేయగలరు, అలాగే పాడగలరు. అయితే ఇలా మ్యూజిక్ ఇండస్ట్రీకి చెందిన కొంత మంది సింగర్స్, మ్యూజిక్ డైరెక్టర్స్ లో మంచి నటులు కూడా ఉన్నారు. వారిలో కొంత మంది ఎవరో ఇప్పుడు చూద్దాం.

#1 ఎస్పీ బాలసుబ్రహ్మణ్యం

లెజెండరీ శ్రీ ఎస్పీ బాలసుబ్రమణ్యం గారి గాత్రం గురించి ఎంత చెప్పినా తక్కువే. అలాగే ఆయన మంచి నటులు కూడా. బాలు గారు ఎన్నో సినిమాల్లో నటించారు. ప్రేమికుడు, మిధునం సినిమాల్లో ఆయన నటన మనం ఎప్పటికి మరచిపోలేము.

#2 మనో

మనో గారు కూడా కొన్ని సినిమాల్లో నటించారు. అందులో రామ్, రాశీ ఖన్నా హీరో హీరోయిన్లుగా వచ్చిన శివం సినిమాలో రాశీ ఖన్నా తండ్రిగా నటించారు మనో గారు.

#3 ఆండ్రియా

ఆండ్రియా తెలుగులో తడాఖా తో పాటు తమిళ్ లో అయిరత్తిల్ ఒరువన్ (తెలుగులో యుగానికి ఒక్కడు), వడ చెన్నై, మాస్టర్ ఇంకా ఎన్నో సినిమాల్లో నటించారు.

#4 జీవీ ప్రకాష్ కుమార్

డార్లింగ్ సినిమాతో తెలుగు ప్రేక్షకులకు చేరువైన జి.వి.ప్రకాష్ కుమార్ కూడా సంగీత దర్శకత్వం వహించడం, అలాగే ఎన్నో పాటలను పాడడంతో పాటు ఎన్నో సినిమాల్లో హీరోగా నటించారు. తెలుగులో నాగ చైతన్య, తమన్నా హీరో హీరోయిన్లుగా నటించిన 100% లవ్ తమిళ్ రీమేక్ అయిన 100 పర్సెంట్ కాదల్ లో జీవీ ప్రకాష్ కుమార్ హీరోగా నటించగా, అర్జున్ రెడ్డితో ఇండస్ట్రీకి పరిచయమైన షాలిని పాండే హీరోయిన్ గా నటించారు.

#5 తమన్

సంగీత దర్శకుడు తమన్ కూడా బాయ్స్ సినిమాలో ఒక ముఖ్య పాత్రలో నటించారు.

#6 హిమేష్ రేషమ్మియా

బాలీవుడ్ స్టార్ మ్యూజిక్ డైరెక్టర్ అలాగే సింగర్ హిమేష్ రేషమ్మియా కూడా హీరోగా, అలాగే ముఖ్య పాత్రల్లో కూడా నటించారు.

#7 భానుమతి

భానుమతి గారు ఎన్నో సినిమాల్లో నటించారు దర్శకత్వం వహించారు, అలాగే ఎన్నో మంచి పాటలను కూడా పాడారు. భానుమతి గారు పాడిన పాటలని ఇప్పటికీ కూడా మనం చాలా చోట్ల వింటూనే ఉంటాం.

#8 సాందీప్

నువ్వు నేను సినిమాలోని నా గుండెలో నీవుండిపోవా, అంజి సినిమాలో మానవా మానవా తో పాటు ఇంకా ఎన్నో పాటలను పాడిన సాందీప్ కూడా ప్రేమ యనమః, ఇంకోసారి తో పాటు, సందీప్ కిషన్ హీరోగా నటించిన టైగర్ సినిమాలో కూడా నటించారు.

#9 శ్రీ రామచంద్ర

ఎన్నో సినిమాల్లో పాటలు పాడి, అలాగే ఇండియన్ ఐడల్ విజేతగా నిలిచిన శ్రీ రామచంద్ర కూడా హీరోగా నటించారు.

#10 రఘు కుంచే

సింగర్ మ్యూజిక్ డైరెక్టర్ అయిన రఘు కుంచే గారు కూడా బాచీ, హోలీ, పలాస సినిమాల్లో నటించారు. అలాగే కొన్ని ప్రోగ్రామ్స్ కి యాంకర్ గా కూడా వ్యవహరించారు.

#11. దేవిశ్రీప్రసాద్ – అత్తారింటికి దారేది (స్పెషల్ గెస్ట్)

#12. బాబా సెహెగల్ – రుద్రమదేవి 

#13. నోయెల్ – ఈగ, కుమారి 21 ఎఫ్, నాన్నకు ప్రేమతో 

#14. స్మిత – మల్లీశ్వరి 

#15. ఘంటసాల మాస్టర్ – శ్రీ వెంకటేశ్వరా మహత్యం 

సినిమాలో మెన్షన్ చేసే ప్రతి పాత్ర కనిపించాల్సిన అవసరం లేదు. చాలా సినిమాల్లో కొన్ని పాత్రల పేర్లు మెన్షన్ చేస్తారు అలాగే వాళ్ళ గొంతులు వినిపిస్తాయి కానీ వాళ్లు మాత్రం కనిపించరు. అలా అలా మన సినిమాల్లో వాళ్ల గురించి ప్రస్తావించినా కానీ తెరపై కనిపించకుండా ఉన్న పాత్రలు ఏవో ఇప్పుడు చూద్దాం.

#1 సువర్ణ – జాతి రత్నాలు

రాహుల్ రామకృష్ణ పాత్ర సువర్ణ తో సినిమా మొత్తం మాట్లాడతాడు. కానీ సువర్ణ ఎవరో మనకి చూపించరు.

#2 బల్లాల దేవ భార్య – బాహుబలి

బాహుబలి సినిమాలో బల్లాల దేవ భార్య, అడవి శేష్ తల్లి ఎవరో మనకి చూపించరు.

#3 సురేఖ వాణి భర్త – బొమ్మరిల్లు

బొమ్మరిల్లు సినిమాలో సురేఖ వాణి పాత్ర ఫోన్ లో తన భర్తతో మాట్లాడుతూ ఉంటారు. కానీ తన భర్త ఎవరో మనకి ఒకసారి కూడా సినిమాలో చూపించరు.

#4 జాను భర్త – జాను

జాను సినిమాలో తన భర్త పాత్ర పేరు చెప్తుంది కానీ ఆయన ఎవరో మనకి చూపించరు.

#5 ఐదు పాత్రలు – గ్యాంగ్ లీడర్

గ్యాంగ్ లీడర్ సినిమా మొత్తం ఒక 5 పాత్రలకు సంబంధించిన ఐదుగురు మహిళలు చుట్టూ తిరుగుతుంది. ఆ పాత్రల గురించి మనకు చెబుతారు. కానీ వాళ్ళు ఎవరో మనకు సరిగ్గా చూపించరు. కొన్ని సందర్భాల్లో వాళ్ళు కనిపిస్తారు. కానీ వాళ్ల మొహాలు క్లియర్ గా కనిపించవు.

#6 స్వర్ణ పుష్పం – రఘువరన్ బీటెక్

రఘువరన్ బీటెక్ సినిమాలో వివేక్ గారు తన భార్య స్వర్ణ పుష్పం తో మాట్లాడుతూ ఉంటారు. ఆవిడ గొంతు మనకు వినిపిస్తుంది కానీ ఆవిడ ఎవరో మనకు చూపించలేదు.

#7 సునీల్ వాళ్ళ అన్నయ్య – మన్మధుడు

సోనాలి బింద్రే చేసుకోబోయే అతని తమ్ముడు అయిన సునీల్ పాత్ర మనకు చూపించారు. కానీ అసలు సునీల్ అన్న పాత్ర ఎవరో మనకి చూపించలేదు.

#8 అరుంధతి భర్త – అరుంధతి

అరుంధతి సినిమాలో అనుష్క కి పెళ్లి అయినట్లు చూపిస్తారు కానీ తన భర్త ఎవరో మనకు చూపించలేదు.

#9. నివేదా థామస్ బాయ్ ఫ్రెండ్ – వకీల్ సాబ్

#10. నాగార్జున తల్లి – నువ్వొస్తావనీ

“నువ్వొస్తావనీ” సినిమాలో నాగార్జునకు తల్లి ఉంటుంది. మనీ ఆర్డర్ పంపిస్తూ ఉంటుంది. తన తల్లి కళ్ళనే హీరోయిన్ కి కూడా పెడతారు. కానీ ఆ తల్లి ఎవరు అనేది సినిమాలో ఎక్కడ చూపించలేదు.

కేవలం వీళ్లు మాత్రమే కాకుండా ఇంకా ఎన్నో సినిమాల్లో ఎన్నో పాత్రల గురించి చెప్తారు. కొన్ని సినిమాల్లో అయితే వాళ్ళ గొంతు కూడా వినిపిస్తాయి. కానీ వాళ్ళు ఎవరో మనకి చూపించలేదు.

సినిమాల్లో నటించే నటులు చేసేవి నిజం కాదు. అంతా నటన. మనకు స్క్రీన్ మీద చూసినప్పుడు మనకు కనిపించే విధంగా ఆ సీన్ చిత్రీకరించేటప్పుడు ఆ పరిస్థితి ఉండదు. కేవలం సీన్ ని  సీన్ లాగా మాత్రమే చిత్రీకరిస్తారు. కానీ చాలా మంది వాటిని నిజం అనుకొని సెలబ్రిటీల నిజ జీవితంలో ట్రోల్ చేయడం వంటివి చేస్తూ ఉంటారు. భారతదేశంలో ఉన్న బెస్ట్ హీరోయిన్లలో ఒకరు రాధిక ఆప్టే.

రాధిక ఆప్టే కమర్షియల్ సినిమాల్లో చాలా తక్కువగా నటిస్తారు. రాధిక ఆప్టే నటించిన వాటిలో ఎక్కువగా కథకి ప్రాధాన్యత ఇచ్చే సినిమాలు తన పాత్రకు ప్రాధాన్యత ఉన్న సినిమాలు మాత్రమే ఉంటాయి. రాధిక ఆప్టే తన ఇన్ని సంవత్సరాల సినిమా కెరియర్ లో నటించిన కమర్షియల్ సినిమాలను వేళ్ళ మీద లెక్కపెట్టవచ్చు.

అలా తన నటనతో ఎన్నో అంతర్జాతీయ స్థాయి అవార్డులను అందుకున్నారు రాధిక ఆప్టే. అయితే రాధిక ఆప్టేకి సంబంధించిన ఒక న్యూడ్ వీడియో అంతకు ముందు వైరల్ అయ్యింది. ఆ వీడియో గురించి, 2015 లో వచ్చిన పార్చ్డ్ అనే సినిమాలో తన పాత్ర గురించి రాధిక ఆప్టే మాట్లాడుతూ ఈ విధంగా అన్నారు.

“నేను క్లీన్ షేవెన్ అనే సినిమా షూట్ చేస్తున్నప్పుడు, నా వీడియో ఒకటి లీక్ అయినప్పుడు నన్ను చాలా ట్రోల్ చేశారు. అది నా మీద చాలా ప్రభావం చూపింది. నేను నా ఇంటి నుండి నాలుగు రోజులు బయటికి రాలేకపోయాను. మీడియా వల్ల కాదు. నా డ్రైవర్, వాచ్ మెన్, అలాగే నా స్టైలిస్ట్ డ్రైవర్ ఆ వీడియోలో ఉన్నది నేను అని గుర్తించారు” అని చెప్పారు.

రాధిక ఆప్టే మాట్లాడుతూ  “ఆ ఫోటోలని, వీడియోలని సరిగ్గా గమనిస్తే తెలివిగా ఆలోచించగల ఎవరికైనా అందులో ఉన్నది నేను కాదు అని అర్థమైపోతుంది. కానీ ఆ సమయంలో వాటిని ఇగ్నోర్ చేయడం తప్ప ఏమీ చేయలేము. దాని గురించి ఏం మాట్లాడాలని ప్రయత్నించినా సమయం వృధా చేసినట్టే అవుతుంది.” అని అన్నారు.