Megha Varna

నెల్లూరు లో డిగ్రీ చదువుతున్న యువతి లైవ్ సూసైడ్ చేసుకున్న సంఘటన ప్రస్తుతం సంచలనంగా మారింది.యువతి తల్లిదండ్రులు కంప్లైంట్ ఇవ్వడంతో పోలీసులు ఈ కేసును దర్యాప్తు చేస్తున్నారు.

నెల్లూరులో డిగ్రీ చదువుతున్న రమ్యను ముగ్గురు యువకులు వేధిస్తున్నారని యువతి తల్లిదండ్రులు కంప్లైంట్ లో పేర్కొన్నారు.ప్రస్తుతం పోలీసులు ఆ కోణంలో కేసును దర్యాప్తు చేస్తున్నారు.రమ్య ఫోన్ ను స్వాధీనం చేసుకున్న పోలీసులు తను ఆత్మహత్య చేసుకునే ముందు శివ అనే వ్యక్తితో చాట్ చేస్తుందనే విషయాన్ని గుర్తించారు.శివ రమ్య మెసేజ్ లకు రిప్లై ఇవ్వకపోవడంతో తన మెసేజ్ లకు రిప్లై ఇవ్వపోతే సూసైడ్ చేసుకుంటానని అని రమ్య మెసేజ్ చేసింది. ఎంతసేపటికీ శివ స్పందించకపోవడంతో రమ్య లైవ్ లో సూసైడ్ చేసుకుంది.

శివతో చాట్ చేస్తున్న టైం లోనే రమ్య భార్గవ్ అనే వ్యక్తితో కూడా చాట్ చేస్తుందని పోలీసులు ధృవీకరించారు.మూడవ వ్యక్తి గురించి ఎటువంటి సమాచారం ఇంకా లభించలేదు.
ఈ కేసును త్వరలోనే పరిష్కరిస్తామని పోలీసులు రమ్య తల్లిదండ్రులకు హామీ ఇచ్చారు.

టెక్నాలజీ పుణ్యమో సోషల్ మీడియా పుణ్యమో తెలియదు కాని దొంగల క్రియేటివిటీ రోజుకొకటీ బయటపడుతుంది.తాజాగా తమిళనాడులోని కడలూరు జిల్లా పన్‌రూటి లోని ముగ్గురు దొంగలు ఏకంగా నకిలీ ఎస్‌బీఐ బ్రాంచ్‌ను ఏర్పాటు చేశారు.ఎస్‌బీఐ జోనల్ మేనేజర్ ఫిర్యాదు మేర పోలీసులు నిందితులను అదుపులోకి తీసుకొని నకిలీ బ్రాంచ్ కు సీల్ వేశారు.

నిందితులను అదుపులోకి తీసుకున్న పోలీసు ఇన్‌స్పెక్టర్‌ అంబేద్కర్‌ మీడియాతో మాట్లాడుతూ ఈ క్రైమ్ లో ప్రధాన సూత్రధారైన కమల్‌బాబు తల్లి ఒక ప్రముఖ బ్యాంక్ లో పని చేస్తూ రెండేళ్ల కిందట ఉద్యోగ విరమణ తీసుకున్నారు.తల్లికి అనుమానం రాకుండా కావల్సిన సమాచారమంతా సేకరించాక ప్రింటింగ్‌ ప్రెస్‌లో పనిచేస్తున్న ఒక వ్యక్తితో రబ్బర్‌ స్టాంప్‌లను తయారు చేసే మరో వ్యక్తితో కలిసి ఈ బ్రాంచ్ ను ఏర్పాటు చేశాడు.

బ్రాంచ్ వాతావరణం చూసి అనుమానం వచ్చిన కస్టమర్ ఫిర్యాదు మేర స్పందించిన వేరే బ్యాంక్ బ్రాంచ్ మేనేజర్ జోనల అధికారులకు సమాచారాన్ని అందించాడు.అది నకిలీ బ్రాంచ్ అని తెలియడంతో బ్యాంక్ అధికారులు ఆ బ్రాంచ్ లో తనిఖీలు జరిపారు.దాదాపు మూడు నెలల నుండి కొనసాగుతున్న ఆ నకిలీ బ్రాంచిలో లావాదేవీలు జరగకపోవడంతో ఊపిరి పీల్చుకొని దగ్గరే ఉన్న పోలీస్ స్టేషన్ లో ఫిర్యాదు చేశారని తమ అదుపులో ఉన్న నిందితులను త్వరలోనే కోర్టు లో ప్రవేశపెడుతామని అంబేద్కర్‌ అన్నారు.

అక్రమ సంబంధాలు కుటుంబాలను నాశనం చేస్తాయి అని తెలిసి కూడా విలాసాల కోసం తమ సంతోషాల కోసం మహిళలు అక్రమ సంబంధాలు పెట్టుకుంటున్నారు.తాజాగా ఇలాంటి ఓ అక్రమ సంబంధం వల్ల అన్యం పుణ్యం ఎరుగని ఓ చిన్నారి మరియు అతని తండ్రి నిర్జీవులు అయ్యారు.

తెలంగాణ భువనగిరి ప్రాంతానికి చెందిన కళ్యాణ్‌ అనూష అనే అమ్మాయిని 2011లో ప్రేమ వివాహం చేసుకున్నాడు.వీరికి 2015 లో ఆద్య అనే అమ్మాయి జన్మించింది.గత రెండు సంవత్సరాలుగా దంపతులిద్దరూ ఇస్మాయిల్‌ ఖాన్‌గూడలో నివాసం ఉంటున్నారు.ఈ సమయంలో అక్కడే నివాసముంటున్న కరుణాకర్‌ అనే అబ్బాయితో అనూషకు పరిచయం ఏర్పడి వివాహేతర సంబంధానికి దారితీసింది.

ఇటీవల కరుణాకర్‌ ప్రవర్తన లో తేడా రావడంతో అనూష రాజశేఖర్‌ అనే మరో వ్యక్తితో చనువుగా ఉంటుంది.తనని అనూష దూరం పెట్టడం తట్టుకోలేకపోయిన కరుణాకర్‌ రాజశేఖర్ అనూష ఇంట్లో ఉన్న సమయంలో అక్కడికి వెళ్ళాడు.అతన్ని వెంటనే బయటకు రమ్మని లేకుంటే అక్కడ ఆడుకుంటున్న ఆద్యను తను తెచ్చిన సర్జికల్‌ కత్తితో చంపేస్తానంటూ బెదిరించాడు.

అతని మాటను అనూష,రాజశేఖర్ పట్టించుకోకపోవడంతో ఆద్యను చంపి అక్కడి నుండి పారిపోయాడు.ఈ దుర్ఘటన జరిగిన వారం రోజుల్లోనే తండ్రి కళ్యాణ్‌ మానసికంగా కుంగిపోయి భువనగిరి రైల్వే ట్రాక్‌పై బలవన్మరణానికి పాల్పడ్డాడు.ఈ ఘటనలో తప్పు ఒకరిది అయితే శిక్ష మరొకరికి పడింది. పాపం అభంశుభం ఎరుగని ఆ పసిపాపని పొట్టనబెట్టుకున్నారు. అయిదేళ్ల కూతురి దూరమయ్యేసరికి మానసికంగా కుంగిపోయి ఆ తండ్రి ఆత్మహత్య చేసుకున్నారు.