Megha Varna

గుమ్మడికాయల దొంగ ఎవరంటే భుజాలు తడుముకున్నట్టుంది ప్రస్తుతం నటి ఖుష్భూ పరిస్థితి .. మీడియాని అనాల్సిన మాటలు అనేసి తీరా ఆ ఆడియో లీక్ అయ్యేసరికి అది తనది కాదంటూ..ఎడిట్ చేసారంటూ..ఎవరో కావాలని లీక్ చేసారంటూ తనకు తోచినట్టుగా ట్వీట్లు చేసి చివరికి మీడియాకి క్షమాపణ చెప్పిందనుకోండి..ఇంతకీ ఆ ఆడియోలో ఏముంది..ఖుష్బూ ఎందుకు అంత కంగారు పడింది..

లాక్ డౌన్ సడలింపుల తర్వాత సినిమా షూటింగ్ లకు  పర్మిషన్ ఇవ్వడంతో తమిళనాడు సినిమా పెద్దలంతా మీటింగ్ పెట్టుకున్నారు. ఆ మీటింగ్ కి ఖుష్బూ కూడా హాజరయింది.కానీ అక్కడకు వెళ్లడానికి ముందు ఒక వ్యక్తితో కాల్ మాట్లాడింది.. ఆ వ్యక్తి ఒక నిర్మాత అనే విషయం కూడా ఖుష్బూ ట్వీట్ వలనే తెలిసింది..ఆ కాల్ లో.. “చాలా జాగ్రత్తగా ఉండడం అవసరం..ముఖ్యమైన వాళ్లని తప్ప ఎవరిని మీటింగ్ కి అనుమతించకూడదు..ముఖ్యంగా మీడియా వాళ్లని ..వాళ్లకి కరోనా వార్తలు తప్ప ఏం లేవు, ఇంక మన ఫొటోలు తీసి వాళ్లకి నచ్చిన రాతలు రాసుకుంటారు..” ఇది ఖుష్బూ మాట్లాడిన మాటలు.

ఈ ఆడియో సోషల్ మీడియాలో లీక్ అయింది..లీక్ చేశారని అనుకుందాం..ఈ ఆడియోపై మీడియవాళ్లు ఎవరూ మండిపడలేదు సరి కదా..కనీసం రెస్పాండ్ కాలేదు.. కానీ ఖుష్భూ మాత్రం.. ఆ ఆడియోలో గొంతు నాది కాదు అని ఒక ట్వీట్ చేసింది..సరే ఆమెది కాదేమో అని అనుకునేలోపే..అది ఎవరో ఎడిట్ చేసి లీక్ చేశారు..అందులో సగం మాత్రమే ఉంది..అంటే తనది అని ఒప్పుకున్నట్టే..మిగతా సగం ఏంటో అని నవ్వుకుని ఊరుకున్నారు తప్ప పెద్దగా పట్టించుకున్నది లేదు..

ఇక చివరికి మీడియా వారిని క్షమాపణలు కోరుతున్నారు..నన్ను ఇన్నేళ్లనుండి చూస్తున్నారు..ఎప్పుడైనా మీపట్ల తప్పుగా ప్రవర్తించానా? ఆ ఆడియో ఏ నిర్మాత రిలిజ్ చేశాడో నాకు తెలుసు, కానీ నేను తన పేరు చెప్పను..నా మౌనమే తనకు శిక్ష అని ముచ్చటగా మూడు ట్వీట్ల ద్వారా ఆ ఆడియో టేపులో ఉన్నది తన గొంతే అని తన నోటితోనే ఒప్పుకుంది..అయినా సెలబ్రిటి స్థానంలో ఉన్నప్పుడు ఒక మాట మాట్లాడేటప్పుడు ముందు వెనుక ఆలోచించుకోవద్దా.. అసలే ఇంటర్నెట్ యుగం మన మైండ్లో అనుకున్న సోషల్ మీడియాలో ప్రత్యక్షమైపోయేంత స్పీడ్ యుగం.. ఇంత జరిగినా మీడియా ఏమన్లేదు..ఇప్పుడు ఎందుకు అంటుంది సమయం వచ్చినప్పుడు తన ప్రతాపం చూపిస్తుంది.

My voice message, an edited version, regarding the press is making rounds. It has gone from our producers group n I am ashamed to say we have such cheap minds among us. My intentions were clear n not meant to disrespect the press. Its a tone you speak within friends. 1/1

— KhushbuSundar ❤️ (@khushsundar) June 9, 2020

నందమూరి నట సింహం బాలకృష్ణ ఇటు సినిమాలలోనూ అటు రాజకీయాలలోని కూడా ముందుకు దూసుకుపోతున్న విషయం తెలిసిందే.అంతేకాకుండా భాస్వతారకం కేన్సర్ ఆసుపత్రిలో కూడా తన సేవలు అందిస్తున్నారు బాలకృష్ణ.ఇప్పటిదాకా ఎన్నో విలక్షణమైన పాత్రలు,వైవిధ్యమైన చిత్రాలు చేస్తూ తనకంటూ ప్రతేకమైన గుర్తింపు తెచ్చుకొని ఎంతోమంది అభిమానులను సంపాదించుకున్న హీరో బాలకృష్ణ వాణిజ్య ప్రకటనలు చేయ్యకపోవడానికి మాత్రం ఒక ప్రత్యేకమైన కారణం ఉంది ..ఆ వివరాలేంటో ఇప్పుడు చూద్దాం ..

మా నాన్నగారు అయిన స్వర్గీయ నందమూరి తారక రామారావు గారు నాకు అన్నివిదాలాగాను ఆదర్శం అని బాలకృష్ణ చాలా సందర్భాలలో చెప్పారు.అయితే అంత క్రేజ్ సంపాదించుకున్న నాన్నగారు కూడా ఎప్పుడూ వాణిజ్య ప్రకనటలు చెయ్యలేదు అని బాలకృష్ణ అన్నారు.ప్రజలు ఇచ్చిన పేరు ను వాణిజ్య ప్రకటనల ద్వారా డబ్బు సంపాదించుకోవడానికి నాన్నగారు ఎప్పుడూ ఉపయోగించుకోలేదు అని బాలకృష్ణ అన్నారు.అదే విధంగా నేను కూడా వాణిజ్య ప్రకటనలు చెయ్యలేదు.

వాణిజ్య ప్రకటనలు చేస్తే పెద్ద మొత్తంలో డబ్బులు ఇస్తామని చాలామంది నన్ను అప్రోచ్ అయ్యారు కానీ నేను తిరష్కరించాను అని బాలకృష్ణ అన్నారు.ప్రజలు ఇచ్చిన పేరు ని ఇలా నా స్వార్ధం కోసం ఉపయోగించుకొని డబ్బు సంపాదించడం మంచి పద్ధతి కాదు అని నా అభిప్రాయం .అయినా సమాజానికి ఉపయోగపడే ప్రకటనలు ఉంటె మాత్రం అందులో నటించడానికి మాత్రం వెనుకాడనని బాలకృష్ణ స్పష్టం చేసారు.

పద్నాలుగేళ్ల వయసులో విలక్షణ నటుడి సరసన హీరోయిన్  గా ఫస్ట్ ఛాన్స్ కొట్టేసింది.. తొలిరోజు షూటింగ్ తోనే రిజెక్ట్ చేయబడింది..మరుసటి రోజు షూటింగ్ తన నటనకి పరీక్ష..అప్పుడు ఆ పరీక్షలో పాస్ కాకపోయుంటే అంతటి సూపర్ డూపర్ హిట్ చిత్రంలో కమల్ సరసన ఛాన్స్ మిస్ అయ్యేది..ఆ సినిమానే మరో చరిత్ర.. ఆ నటి సరిత…అప్పుడు సరిత వయసు 14ఏళ్లు. ఆ తర్వాత ఎంతో మంది సూపర్ స్టార్స్ పక్కన హీరోయిన్ గా నటించి స్టార్ హీరోయిన్ గా ఉన్న టైంలోనే డబ్బింగ్ వైపు వచ్చారు.ఎంతో మంది స్టార్ హీరోయిన్లకు డబ్బింగ్ చెప్పారు..కానీ తన పాత్రకి డబ్బింగ్ విషయానికి వచ్చేసరికి ఒక చేదు అనుభవాన్ని ఎదుర్కొన్నారు.

కమల్ హాసన్,రజినికాంత్,చిరంజీవి,రాజ్ కుమార్, మోహన్ లాల్ ఇలా సౌత్ ఇండియా సూపర్ స్టార్స్ అందరి సరసన నటించింది సరిత..బాలచందర్ దర్శకత్వంలో ఎక్కువ సినిమాల్లో నటించిన హీరో కమల్ అయితే..హీరోయిన్ సరితనే..స్టార్ హీరోయిన్ గా ఎదుగుతున్నప్పుడే డబ్బింగ్ వైపు అడుగుపెట్టింది.. తెరమీద కనపడే హీరోయిన్లు తెరవెనుక ఉండడానికి ఎక్కువగా ఇష్టపడరు…కానీ సరిత మాత్రం డబ్బింగ్ ని ఇష్టపడింది అందుకే ప్రేక్షకులకు మాత్రమే కాదు స్టార్ హీరోయిన్స్ కూడా తనే డబ్బింగ్ చెప్పాలని పట్టుబట్టేవాళ్లు..

సుహాసిని,విజయశాంతి,సౌందర్య,నగ్మ, టబు, ఊర్మిళ, నదియా,కుష్బూ ఒకరేమిటి ఎందరో హీరోయిన్లకు తన గాత్రాన్ని దానం చేశారు సరిత.. కోపం, బాద, సంతోషం, ఉత్సాహం ఇలా ఏ భావాన్నైనా తన గొంతులో అలవోకగా పలికించేయగలరు ..సౌందర్య,నగ్మ,విజయశాంతి లాంటి వాళ్లు ప్రత్యేకంగా సినిమాలు యాక్సెప్ట్ చేసేముందు డబ్బింగ్ చెప్పేది సరితే కదా అని కన్ఫామ్ చేసుకునేవారట..సరితా నువ్వెక్కడికయినా వెకేషన్ కి వెళ్లేది ఉంటే ముందుగా చెప్పి వెళ్లు అని విజయశాంతి అనేదంటూ ఇటీవల ఒక ఇంటర్వ్యూలో ఆ జ్ణాపకాన్ని పంచుకున్నారు సరిత..

చేదు జ్ణాపకం..

ఇంతమంది హీరోయిన్లకు గాత్రాన్ని దానం చేసి వాళ్ల హవభావాలకు ప్లస్ అయిన సరితకు మాత్రం తన పాత్రకు డబ్బింగ్ చెప్పుకునే విషయంలో ఒకసారి చేదు జ్ణాపకం ఎదురైందట.. మళయాళంలో ఒక సినిమా చేసేటప్పుడు తన పాత్రకి ఎవరో చెప్పిన డబ్బింగ్ నచ్చకపోవడంతో..తర్వాత సినిమాకు డబ్బింగ్ చెప్పాల్సిందిగా హీరోయిన్ శ్రీవిద్యను కోరారట సరిత..శ్రీవిద్య నాకు కుదరదంటూ రిజెక్ట్ చేసిందట..దాంతో చాలా ఫీలయ్యారట సరిత..