Bigg Boss 6 telugu

తెలుగులో మోస్ట్ స‌క్సెస్‌ఫుల్ రియాలిటీ షోస్‌ల‌లో బిగ్‌బాస్ ఒక‌టిగా నిలిచింది. ఐదు సీజ‌న్స్‌తో పాటు బిగ్‌బాస్ నాన్‌స్టాప్ ద్వారా తెలుగు ప్రేక్ష‌కుల‌కు బిగ్‌బాస్ అంతులేని వినోదాన్ని పంచింది. ఇటీవ‌లే బిగ్‌బాస్ ఆర‌వ సీజ‌న్ మొద‌లైంది. మూడో సీజన్ నుంచి బిగ్ బాస్ కు హోస్ట్ గా వ్యవహరిస్తున్న నాగార్జున నే ఆరవ సీజన్ హోస్ట్ గా మారారు.

తొలిరోజు నుంచే కంటెస్టెంట్స్ ఒక‌రిపై మ‌రొక‌రు ఆధిప‌త్యం చెలాయిస్తూ ఆట‌లో దూసుకుపోతున్నారు. కాగా బిగ్‌బాస్ ఫ‌స్ట్ ఎపిసోడ్‌కు ఊహించ‌ని రీతిలో లోయెస్ట్ టీఆర్‌పీ రేటింగ్ వ‌చ్చింది. ఓపెనింగ్ డే ఎపిసోడ్ లో రణబీర్ కపూర్, అలియా భట్ గెస్ట్ లుగా వచ్చి ఫ్యాన్స్ ను సర్ ప్రైజ్ చేశారు. అయినా కేవ‌లం 8.86 టీఆర్‌పీ రేటింగ్ మాత్ర‌మే సాధించింది. ఆరు సీజ‌న్స్‌లో ఫ‌స్ట్ ఎపిసోడ్‌కు వ‌చ్చిన లోయెస్ట్ టీఆర్‌పీ రేటింగ్ ఇదే కావ‌డం గ‌మ‌నార్హం.

నాగార్జున హోస్ట్‌గా వ్య‌వ‌హ‌రించిన నాలుగోసీజ‌న్ ఫస్ట్ ఎపిసోడ్ హ‌య్యెస్ట్‌గా 18.5 టీఆర్‌పీ రేటింగ్స్‌తో టాప్ ప్లేస్‌లో నిల‌వ‌గా బిగ్‌బాస్ సీజ‌న్ 3 ఫ‌స్ట్ ఎపిసోడ్ 17.9 టీఆర్‌ప్ రేటింగ్ ద‌క్కించుకున్న‌ది. ఎన్టీఆర్ హోస్ట్ గా వ్యవహరించిన బిగ్‌బాస్ సీజ‌న్ వ‌న్ ఫ‌స్ట్ ఎపిసోడ్ 16.8 టీఆర్‌పీ రేటింగ్ సాధించింది. అందులో స‌గం మాత్ర‌మే సీజ‌న్ 6 ఫస్ట్ ఎపిసోడ్ కు రావ‌డం షాక్‌కు గురిచేస్తోంది.

ఫస్ట్ ఎపిసోడ్ ప్రసారమైన రోజున ఇండియా- పాకిస్తాన్ మ్యాచ్ ఉండటం వల్ల కూడా రేటింగ్ తగ్గిందని మరి కొందరు కామెంట్లు చేస్తున్నారు. వీక్ డేస్ లో బిగ్ బాస్ షో రాత్రి 10 గంటలకు ప్రసారం కావడం కూడా ఈ షో రేటింగ్ పై ప్రభావం చూపిస్తూ ఉండవచ్చని అభిప్రాయాలూ వ్యక్తం అవుతున్నాయి. రేటింగ్స్ తగ్గిన నేపథ్యంలో బిగ్ బాస్ నిర్వాహకులు ఏం చేస్తారో చూడాల్సి ఉంది.

ఓటీటీల హవా అంతకంతకూ పెరుగుతుండటం రేటింగ్స్ పై కూడా ప్రభావం చూపుతోంది. ప్రముఖ ఛానెళ్లకు సొంతంగా ఓటీటీలు ఉండటం ఆ ఓటీటీలలో ఎప్పుడైనా రియాలిటీ షోలను చూసే అవకాశం ఉండటంతో చాలామంది టీవీలలో బిగ్ బాస్ షోను చూడటానికి ఆసక్తి చూపించలేదని కామెంట్లు వినిపిస్తున్నాయి. ఓటీటీల వల్ల టీవీ ఛానెళ్లకు కూడా భారీగానే నష్టం కలుగుతోందని చెప్పాలి.

బిగ్‌బాస్ సీజన్ 6 మొదటి వారం ఎలాగోలా పూర్తయింది. నామినేషన్స్ పెట్టి, ఓట్లు వేయించుకొని చివరికి ఎలిమినేషన్ లేదంటూ ట్విస్ట్ ఇచ్చాడు నాగార్జున. నిజానికి తొలివారంలో ఎవరి టాలెంట్ ఏంటో.. ఎవరి వ్యక్తిత్వం ఏంటో బయటపడే అవకాశం లేదు కాబట్టి.. మరో వారం హౌస్‌లో ఉండే అవకాశం ఇచ్చారు బిగ్ బాస్.

ఈ సీజన్‌లో మొదటి రోజు నుంచే వాదనలు, గొడవలు ప్రారంభమయ్యాయి. రెండో వారం మొదటి రోజు నామినేషన్స్ నుంచే మొదలయ్యాయి. వాడి వేడి చర్చలు, కౌంటర్లు, సెటైర్లతో రెండో వీక్ నామినేషన్స్ రసవత్తరంగా సాగాయి. ఒక్కో కంటెస్టెంట్ ఒకరిని మాత్రమే నామినేట్ చెయ్యాలని బిగ్ బాస్ చెప్పాడు. ఇందులో భాగంగా తాము నామినేట్ చేసే వారి ఫోటో ఉన్న కుండను బావిలో పడెయ్యాలి అని చెప్పాడు.

రెండో వారం నామినేషన్స్‌లో 8 మంది కంటెస్టెంట్స్‌లు నామినేట్ అయ్యారు. ఈ వారం ఇంటి నుంచి బయటకు వెళ్లేందుకు రేవంత్, గీతూ, ఫైమా, అభినయ, ఆదిరెడ్డి, రాజశేఖర్, మెరీనా-రోహిత్, షానీలు నామినేట్ అయ్యారు.

అయితే ఎక్కువ మంది గలాటా గీతుని నామినేట్ చేశారు. ఆమె ప్రవర్తన సరిగా లేదని చురకలేశారు. దీంతో వాదోపవాదాలు గట్టిగానే నడిచాయి. ఈ డిస్కషన్స్‌లో ఆదిరెడ్డి-ఆరోహిల మధ్య జరిగిన డిస్కషన్ హైలైట్. ర్యాపో లేదని ఆదిరెడ్డిని ఆరోహి నామినేట్ చేయడంతో.. ఆదిరెడ్డి గట్టిగానే తిప్పికొట్టాడు.

అయితే తొలివారంలో నామినేట్ అయ్యి దాదాపు ఎలిమినేషన్ అంచుల వరకూ వెళ్లిన అభినయ శ్రీ ఈ వారం కూడా నామినేషన్‌లో ఉంది. అలాగే తొలివారంలో అత్యధిక శాతం ఓట్లు పొందిన రేవంత్ కూడా నామినేట్ అయ్యాడు.

చివర్లో బాలాధిత్య కెప్టెన్ అయిన కారణంగా ఇద్దరిని నామినేట్ చేసే అవకాశాన్ని కల్పించారు. దీంతో మీరు బయటకు వెళ్లరనే నమ్మకంతో షానీ, రాజశేఖర్‌లను నామినేట్ చేస్తున్నట్లు స్పష్టం చేశాడు.

మరో వైపు ఈ సీజన్ లో తొలివారంలో ఎలిమినేషన్స్ లేకపోవడంతో.. రెండో వారంలో డబుల్ ఎలిమినేషన్ ఉండే ఛాన్స్ ఉందని సమాచారం.

ప్రముఖ ఛానల్ స్టార్ మా లో ప్రసారమవుతున్న బిగ్ బాస్ షో సీజన్ 6 గ్రాండ్ లాంచ్ ఎపిసోడ్ ప్రేక్షకులను బాగానే ఆకట్టుకుందనే సంగతి తెలిసిందే. దీంతో బిగ్ బాస్ అభిమానులకు పండుగ వాతావరణం వచ్చేసింది. గత సీజన్లకు భిన్నంగా ఈ సీజన్ లో యంగ్ కంటెస్టెంట్లను ఎక్కువగా ఎంపిక చేశారు.

ఈ టీవీ లో వచ్చే జబర్దస్త్ కార్యక్రమం ద్వారా పాపులర్ అయిన కమెడియన్లను స్టార్ మా భారీ పారితోషికం ఇచ్చి బిగ్ బాస్ తీసుకోవడం మనం చూస్తున్నాం. అయిత్ సీజన్ 6 లో ఏకంగా యిద్దరు కమెడియన్లు బిగ్ బాస్ లో కనిపించి అందర్నీ ఆశ్చర్య పరిచారు. వారే చలాకి చంటి. ఫైమా. వీరిద్దరే కాకుండా టిక్ టాక్ ద్వారా ఫేమస్ అయ్యి తాజాగా జబర్దస్త్ లో కనిపిస్తున్న గీతూ రాయల్ కూడా బిగ్ బాస్ లో ప్రత్యక్షమైంది.

ఇప్పటికే పలువురు జబర్దస్త్ కమెడియన్లు వేర్వేరు కారణాల వల్ల ఆ షో కి దూరంగా ఉంటున్నారు. మరో వైపు స్టార్ మా ఇలా ముగ్గురు కమెడియన్లను బిగ్ బాస్ షో కి తీసుకొచ్చి జబర్దస్త్ కి గట్టి దెబ్బ కొట్టిందని ఇండస్ట్రీ వర్గాల్లో చర్చించుకుంటున్నారు.
బిగ్ బాస్ నిర్వాహకులతో ఉన్న ఒప్పందం ప్రకారం కంటెస్టెంట్లు బిగ్ బాస్ షో నుంచి బయటకు వచ్చిన తర్వాత స్టార్ మా ఛానల్ లోని ప్రోగ్రామ్స్ కు మాత్రమే పరిమితం కావాల్సి ఉంటుంది. ఈ కారణాల వల్ల రాబోయే రోజుల్లో కూడా చలాకీ చంటి, ఫైమా, గీతూ రాయల్ ను జబర్దస్త్ లో చూడటం సులువు కాదు.

మరోవైపు చలాకీ చంటి ఎప్పటి నుంచో జబర్దస్త్ లో ఉంటూ తనని తానూ నిరూపించుకున్నాడు. మరో వైపు ఫైమా ఇప్పుడిప్పుడే నిలదొక్కుకుంటుంది. గీతూ రాయల్ కొత్తగా జబర్దస్త్ లో కనిపిస్తోంది. బిగ్ బాస్ షో తర్వాత స్టార్ మా చలాకి చంటి, ఫైమా ల టాలెంట్ ను ఉపయోగించుకొని రేటింగ్ ను పెంచుకొనే ప్లాన్ లో ఉందని వారి అభిమానులు చర్చించుకుంటున్నారు.

ఒకే దెబ్బకు రెండు పిట్టలు అనే విధంగా స్టార్ మా అదిరిపోయే ప్లాన్ వేసిందని నెటిజన్ల నుంచి కామెంట్లు వ్యక్తమవుతున్నాయి. రోజురోజుకు కమెడియన్ల సంఖ్య తగ్గుతుండటంతో జబర్దస్త్ పరిస్థితి ప్రస్తుతం దారుణంగా ఉందని కామెంట్లు వినిపిస్తున్నాయి. ఇప్పటికే సుధీర్, హైపర్ ఆది దూరంగా ఉండటంతో జబర్దస్త్, ఎక్స్ట్రా జబర్దస్త్ ను ప్రజలు ఇంతకు ముందులా ఆదరించట్లేదు. దీంతో ఆ షో రేటింగ్స్ తగ్గాయనే సంగతి తెలిసిందే.

బిగ్ బాస్ అభిమానులను కోసం సీజన్ 6 ను ఆదివారం గ్రాండ్ గా లాంచ్ చేశారు స్టార్ మా నిర్వాహకులు. ఏకంగా 21 మంది కంటెస్టెంట్లు హౌస్ లోకి ఎంటర్ అయ్యారు. ఇంత మందిని ఒకేసారి హౌస్ లోకి పంపడం ఏంటని పలువురు నెటిజన్లు చర్చించుకుంటున్నారు.

మొదటి రోజు ఎపిసోడ్ చూసిన తర్వాత.. అంత మందిని ఇంట్లోకి పంపి వారికి కావాల్సిన సౌకర్యాలు బిగ్ బాస్ నిర్వాహకులు కల్పించలేదని ప్రేక్షకులు అసహనానికి గురవుతున్నారు. అయితే గత సీజన్ల లాగే హౌస్ లోకి ఎక్కువ యూట్యూబర్ లు, మోడల్స్, చిన్న సెలెబ్రెటీలను తీసుకు రావడం పై విమర్శలు వెల్లువెత్తుతున్నాయి.

తక్కువ పారితోషికానికి ఒప్పుకుంటారని వీరిని ఇంట్లోకి పంపారంటూ నెటిజన్ల నుంచి కామెంట్ లు వ్యక్తమవుతున్నాయి. పూర్తి స్థాయి లో ఆకట్టుకొనే కంటెస్టెంట్లను ఎంపిక చేయడం మానేశారంటూ బిగ్ బాస్ ప్రేమికులు ఆగ్రహం వ్యక్తం చేస్తున్నారు. ప్రేక్షకులకు తెలియని ముఖాలే హౌస్ లో ఎక్కువగా ఉన్నాయంటూ వారు వాపోతున్నారు.

స్టార్ స్టేటస్ ఉన్న సెలబ్రిటీలకు బిగ్ బాస్ నిర్వాహకులు ఛాన్స్ ఇచ్చి ఉంటే బాగుండేదని మరి కొందరు కామెంట్లు చేస్తున్నారు. షో పై ఆసక్తిని పెంచేందుకు గాను తొలి రోజు నుంచే హౌస్ లో గొడవలకు ఆజ్యం పోశారు నిర్వాహకులు. వీరిలో టైటిల్ రేసులో ఎవరుంటారనే చర్చ ప్రేక్షకుల మధ్య జోరుగా జరుగుతోంది.

మరోవైపు సామాన్యులకు ఛాన్స్ ఇస్తామని ప్రచారం చేసి బిగ్ బాస్ నిర్వాహకులు ఒక విధంగా చీట్ చేశారని నెటిజన్ల నుంచి కామెంట్లు వ్యక్తమవుతున్నాయి. యూట్యూబర్ ఆది రెడ్డిని కామన్ మాన్ కోట లో హౌస్ లోకి పంపడం సబబు కాదంటున్నారు ప్రేక్షకులు. స్టార్ మా యాడ్ ను నమ్మి అనేక మంది ఆడిషన్లు ఇవ్వగా, ప్రజలను చీట్ చేశారని ఆగ్రహం వ్యక్తం చేస్తున్నారు. దీనికి సంబంధించిన యూట్యూబ్ వీడియోను కూడా తాజాగా డిలీట్ చేయడం వెనక ఆంతర్యం ఏంటని ప్రశ్నిస్తున్నారు. గత సీజన్లను మించి బిగ్ బాస్ సీజన్6 సక్సెస్ సాధిస్తుందో లేదో చూడాల్సి ఉంది.

బిగ్ బాస్ హౌస్ లో రక్తి కట్టించేవి నామినేషన్స్, ఎలిమినేషన్స్, వారం అంతా బిగ్ బాస్ చూడని వాళ్ళు కూడా వీకెండ్ కోసం ఎదురు చూస్తూ ఉంటారు. ఆ వారంలో జరిగిన అన్ని ముఖ్యమైన పాయింట్స్ తో నాగ్ ఇంటి సభ్యులకు క్లాస్ తీసుకుంటూ ఉంటాడు.

ఫైనల్ గా ఆడియన్స్ ఓట్లను బట్టి ఒక కంటెస్టెంట్ ను ఎలిమినేట్ చేస్తారు బిగ్ బాస్ నిర్వాహకులు. అలాగే బిగ్ బాస్ సీజన్ 6 లో ఫస్ట్ వీక్ ఎలిమినేషన్ గురించి అందరు ఎదురు చూసారు. తీరా ఎపిసోడ్ వచ్చాక అందర్నీ పిచ్చోళ్ళని చేసారు బిగ్ బాస్ నిర్వాహకులు.

నామినేషన్స్ లో ఉన్న వాళ్లకు ఓట్లు వేయమని అడిగి, అడిగి తీరా ఎపిసోడ్ లో నో ఎలిమినేషన్ అని చెప్పాడు నాగార్జున. దానికి నాగ్ చెప్పిన సంజాయిషీ కూడా కన్విన్సింగ్ గా లేదు. బిగ్ బాస్ షో అంతా కూడా ఆడియెన్స్ చెప్పిన ప్రకారమే నడుస్తుంది.. ఆడియెన్స్ సపోర్ట్ ఉంటేనే బిగ్ బాస్ ఇంట్లో ఉంటారు.. ఆడియెన్స్ వల్లే గెలుస్తారు.. అంటూ ఇలాంటి డైలాగ్‌లు నాగార్జున చేత చెప్పిస్తుంటుంది బిగ్ బాస్ టీం.

కానీ బిగ్ బాస్ టీం చేసేది మాత్రం చేస్తుంది. ఆడియెన్స్ చేత కొన్ని కోట్ల ఓట్లు వేయించుకుంటుంది. కానీ చివరకు నో ఎలిమినేషన్ అని ప్రకటిస్తుంది. తమకు నచ్చినప్పుడు.. నచ్చని కంటెస్టెంట్లను ఎలిమినేట్ చేసేస్తుంటారు. పైగా ఆడియెన్స్ ఓట్ల ద్వారా ఎలిమినేట్ అయ్యారని కలరింగ్ ఇస్తుంటుంది బిగ్ బాస్ టీం.

ఈ సీజన్ ఫస్ట్ నామినేషన్ లేదంటూ ఓట్లు వేసిన జనాలను బిగ్ బాస్ టీమ్ పిచ్చోళ్లను చేసింది. అయితే దానికి నాగార్జున ఎలాంటి కారణాలు చెబుతాడా? అందరూ ఎదురుచూశారు. కానీ నాగ్ చెప్పిన కారణం విన్న తరువాత అందరికి నవ్వొస్తుంది.
ఇంట్లో ఇప్పుడిప్పుడు అందరూ సెట్ అవుతున్నారు.. అందుకే నో ఎలిమినేషన్ అని చిన్న పిల్లల ఆట మాదిరిగా చెప్పేశాడు నాగార్జున. ఇదేమైనా వెకేషనా? ఇప్పుడిప్పుడే సెట్ అవుతున్నారు.. ఇంకా కొన్ని రోజులు ఉండండి అని చెప్పడానికి. అలానే అనుకుంటే.. ఇదే విషయాన్ని ఆడియెన్స్‌కు ముందే చెబితే.. కష్టపడి ఓట్లు వేయరు కదా? అంటున్నారు బిగ్ బాస్ అభిమానులు.

బిగ్ బాస్ హౌస్ లో అడుగు పెట్టిన స్పోర్ట్స్ యాంకర్ నేహా చౌదరి చాలా సెటిల్డ్ గా ఆడుతూ గేమ్ పై ఫోకస్ పెట్టింది. మహా న్యూస్‌లో యాంకర్‌గా కెరియర్ స్టార్ట్ చేసింది నేహా చౌదరి. తల్లి కబడ్డీ , కోకో ప్లేయర్ కావడంతో చిన్నప్పటి నుంచి స్పోర్స్ట్ వైపు ఇంట్రస్ట్ చూపించింది నేహా చౌదరి.

ఐపీయల్ తెలుగు వచ్సినప్పటి నుంచి నేహా క్రీడాభిమానులు సుపరిచితురాలు.అంతే కాకుండా నేహా జిమ్నాస్టిక్స్‌లో నేషనల్ ఛాంపియన్.. 26 మెడల్స్ సాధించింది. స్టేట్ లెవల్‌లో స్విమ్మర్.. జిమ్ ట్రైనర్.. యోగా ట్రైనర్.. మోడల్.. గూగుల్‌లో పని చేసిన ఇంజనీర్.. డాన్సర్.. యాంకర్ ఇలా అన్నింటా తనను తాను నిరూపించుకుంది నేహా.

తనని తాను బిగ్ బాస్ స్క్రీన్‌పై చూసుకోవాలనే ఆశతో ఇండస్ట్రీలో అడుగుపెట్టిన నేహా చౌదరి చివరికి బిగ్ బాస్ హౌస్‌లో కనిపించింది.బిగ్ బాస్ హౌస్ లోకి వెళ్లేముందు ఒక ఇంటర్వ్యూ ఇచ్చిన నేహా.. తనకు సంబంధించిన ఆసక్తికర విషయాలను పంచుకుంది.

తనకు ఈ ప్రపంచంలో అమ్మ నాన్న అంటేనే ఎక్కువ ఇష్టం అన్న నేహా వారి పేర్లు టాటూ వేయించుకుంది. వారి తర్వాత తన ఇల్లు అంటే ఇష్టం అని చెప్తూ కాలిపై వేయించుకున్న ఇంటి టాటూని చూపించింది నేహా చౌదరి. తమ బంధువులంతా ఫారెన్ లో సెటిల్ అయితే తానూ మాత్రం స్పోర్ట్స్ పై ఇంటరెస్ట్ తో ఇలా ఇటు వైపు వచ్చానని చెప్పింది నేహా.

ఒక్కోసారి తన ఈఎంఐలు కూడా తన తెల్ల కడుతుందని చెప్పుకొచ్చారు ఈ ఫిట్నెస్ ఫ్రీక్. తానూ సంపాదించిందంతా మోడలింగ్ కోసం ఖర్చు పెడతానని చెప్పారామె. ఇప్పటివరకూ తన దగ్గర.. 40 కేజీల జ్యువెలరీ.. 20 బీరువాల బట్టలు.. 200 జతల చెప్పులు ఉన్నాయని.. ఇదే నా ఆస్తి అని చెప్తుంది నేహా.

పెళ్లి చేసుకోవాలి.. లేదంటే బిగ్ బాస్ హౌస్ కి వెళ్ళాలి అనే కండిషన్ మీద హౌస్లోకి అడుగుపెట్టిన నేహా తనకు ఇప్పటివరకు ఒక్క ప్రపోసల్ కూడా రాలేదని చెప్పారు. తన పెళ్లి నిర్ణయం మాత్రం తన తల్లితండ్రులదే అని చెప్పారు నేహా చౌదరి.

టిక్ టాక్ లో కోట్స్ చెప్తూ.. యు ట్యూబ్ లో బిగ్ బాస్ రివ్యూ లు ఇస్తూ ఫేమస్ అయ్యింది గీతూ రాయల్. ఈ పాపులారిటీ ద్వారా ఈ టీవీ జబర్దస్త్ లో అవకాశం సంపాదించుకుంది. అలాగే ప్రస్తుతం మా టీవీలో ప్రసారం అవుతున్న బిగ్ బాస్ సీజన్ 6 లో కంటెస్టెంట్ గా హౌస్ లో అడుగు పెట్టింది.

బిగ్ బాస్ హౌస్ లో అడుగు పెట్టిన మొదటి రోజు నుంచే గీతూ తన గేమ్ ను స్టార్ట్ చేసింది. నెల్లూరు, చిత్తూరు కలబోసిన స్లాంగ్ లో మాట్లాడుతూ రెచ్చిపోతోంది. హౌస్ మేట్స్ కి చుక్కలు చూపిస్తోంది.ఫస్ట్ డే వాష్ రూమ్ లో జుట్టు గురించి గొడవ చేసిన గీతూ, నెక్ట్స్ డే ఇనయా సుల్తానాను టార్గెట్ చేసింది.

ట్రాష్ టీమ్ నుంచి బాలాదిత్యతో స్వాప్ అయ్యి నేరుగా క్లాస్ టీమ్ కి వచ్చిన గీతూ హౌస్ మేట్స్ తో పనులు చేయించుకుంటూ రెచ్చిపోతుంది. ఇనాయ సుల్తానా తో మరీ ఎక్కువ పనులు చేయించుకుంది. దువ్వెన తీసుకురమ్మని, నిమ్మరసం తెమ్మని పనులు చెప్పింది.

పాటలు పాడు అంటూ యినయా కు ఆర్డర్ వేసింది. కానీ ఇనయా సుల్తానా నువ్వు పాడమంటే పాడటానికి నేను ఇక్కడికి రాలేదు అంటూ గట్టిగా సమాధానం చెప్పింది. ఇంట్లో పనులు చెప్తే చేస్తా కానీ, ఇలాంటివి నేను చేయను అని కౌంటర్ఇచ్చింది. ఇద్దరిదీ టామ్ అండ్ జెర్రీ వార్ లాగా హౌస్ లో చాలాసేపు నడిచింది. దీంతో హౌస్ లో అందరూ గీతూ చేష్టలని ఎంజాయ్ చేయడం మొదలుపెట్టారు.

అయితే, బిగ్ బాస్ చూస్తున్న ప్రేక్షకులు మాత్రం గీతూ కొద్దిగా అతి చేస్తోందని, గేమ్ ఆడటం బాగానే ఉన్నా, మాట్లాడే మాటలు బాలేదని అంటున్నారు. కొద్దిగా నోరు అదుపులో ఉంటే బాగుంటుందని కామెంట్స్ చేస్తున్నారు. అయితే, మరికొంతమంది బిగ్ బాస్ కి కంటెంట్ ఇవ్వాలంటే గీతులాగానే బిహేవ్ చేయాలని చెప్తున్నారు. గీతూ లాంటి అమ్మాయి ఉంటేనే ఎంటర్ టైన్మెంట్ ఉంటుందని, ఓపెన్ అయి గేమ్ బాగా ఆడుతోందని ఎప్రిషియేట్ చేస్తున్నారు. ఇంతకీ గీతూ కంటెంట్ ఇస్తోందా లేదా గొడవలు పడటమే స్ట్రాటజీ ప్లే చేస్తోందా అనేది ఇప్పుడు సోషల్ మీడియాలో వైరల్ గా మారింది.