జబర్దస్త్ షో ఎంతో మంది కమెడియన్స్ ని ఇండస్ట్రీకి పరిచయం చేసింది. అలా ఇండస్ట్రీకి పరిచయం అయిన కమెడియన్స్ లో ఒకరు నూకరాజు. అయితే నూకరాజు జబర్దస్త్ కంటే ముందు పటాస్, అలాగే జీ తెలుగు లో టెలికాస్ట్ అయిన కామెడీ కిలాడీలు ప్రోగ్రాంలో కనిపించారు. నూకరాజు విజయవాడకు చెందిన వారు. నూకరాజు తల్లి, తండ్రి వ్యవసాయం రంగంలో ఉన్నారు.

నూకరాజు తల్లిదండ్రులకి నలుగురు సంతానం. అందులో నూకరాజు చిన్నవారు.  నూకరాజు కి అంతకుముందు నుండి సినిమాలంటే ఆసక్తి ఉండేది. నూకరాజు అంతకు ముందు విజయవాడ పవర్ ప్లాంట్ లో ఉద్యోగం చేసే వారు. ఉద్యోగం వదిలేసి సినిమా అవకాశాల కోసం హైదరాబాద్ కి వచ్చారు. జీ తెలుగులో అంతకుముందు కామెడీ కిలాడీలు అనే ప్రోగ్రాం కి ఆడిషన్స్ నిర్వహించారు. ఆ ప్రోగ్రామ్ కి 5 ఆడిషన్స్ పెడితే ఆ 5 ఆడిషన్స్ లో కూడా నూకరాజు సెలెక్ట్ అయ్యారు.

దాంతో కామెడీ కిలాడీలు ప్రోగ్రాం ద్వారా మొదటిసారి తెరమీద కనిపించారు నూకరాజు. ఆ తర్వాత అది డైలీ షో అవ్వడంతో, ఉద్యోగం ఇంకా షో మేనేజ్ చేసుకోవడం కష్టం అయిందట. డేట్స్ ఇబ్బంది అయ్యాయట. దాంతో ఉద్యోగం వదిలేసి హైదరాబాద్ కి వచ్చేశారు. అంతకుముందు కూడా నూకరాజు కి సుమ యాంకర్ గా వ్యవహరించిన ఈ జంక్షన్ ప్రోగ్రాం లో అవకాశం వచ్చిందట.

అందరూ అవకాశం కోసం ముందు రమ్మని, తర్వాత వద్దు అనేవాళ్ళు. దాంతో నూకరాజు తనకి అదృష్టం లేదేమో అని తన ఉద్యోగంలో కంటిన్యూ అయ్యారట. తర్వాత జీ తెలుగు కామెడీ కిలాడిలులో సెలెక్ట్ అయ్యి, యాక్టింగ్ కెరీర్ మొదలు పెట్టారు. తనకి నచ్చిన పని చేయడంలో ఎంతో సంతోషం ఉంది అని అంటారు నూకరాజు. కామెడీ కిలాడీలు నూకరాజు తన ఉద్యోగం వదిలేసి వచ్చిన రెండో షెడ్యుల్ కి ఆపేసారట.

దాంతో ఇంట్లో వాళ్లకు ఫోన్ చేసి “కొత్త ఎపిసోడ్స్ రావట్లేదు ఏంటి?” అని అడిగేవారు. అప్పుడు నూకరాజు దర్శకుడికి ఒంట్లో బాలేదు అని అబద్ధం చెప్పారు. అప్పుడు రూమ్ అద్దె కట్టడం కష్టం కావడంతో తన స్నేహితుడిని ఏదైనా పని ఇప్పించమని సహాయం అడిగితే, ఆయన సిమెంట్ పని ఇప్పించారు. నాలుగు అంతస్తుల భవనంలో పై అంతస్తులో ఉన్న బస్తాలన్నిటిని కిందకి మోయడం నూకరాజు పని.

బస్తాలు భుజం మీద పెట్టుకొని మోయడంతో నూకరాజు భుజం వాచిందట. కానీ “నచ్చిన పని కోసం ఇన్ని ఇబ్బందులు పడటం ఏంటి. గట్టిగా ఒక రెండు మూడు నెలలు కూర్చొని చదివితే మళ్ళీ ఉద్యోగం తిరిగి వస్తుంది” అని అనుకున్నారు. తర్వాత మళ్లీ నూకరాజు స్నేహితులలో ఒకరు ఆడిషన్ ఉందని చెప్పడంతో వెళ్లి ఆడిషన్ ఇచ్చి సెలక్ట్ అయ్యారు. ఆ తర్వాత పిట్ట గోడ, అబ్బాయి క్యూట్ అమ్మాయి నాటు ప్రోగ్రామ్స్ లో కనిపించారు. ఆ తర్వాత నుండి పటాస్, జబర్దస్త్ అలాగే వరుస షోస్ తో ప్రేక్షకులను అలరిస్తున్నారు నూకరాజు.

నాగ చైతన్య హీరోగా పరిచయమైన సినిమా జోష్. ఈ సినిమాకి వాసు వర్మ దర్శకత్వం వహించగా, దిల్ రాజు గారు నిర్మించారు. ఇదే సినిమాతో హీరోయిన్ గా పరిచయం అయ్యారు కార్తీక. సీనియర్ నటి రాధ గారి పెద్ద కూతురు కార్తీక. యూత్ అలాగే ఎడ్యుకేషన్ సిస్టం మీద రూపొందిన ఈ సినిమా ఆశించిన ఫలితాన్ని ఇవ్వకపోయినా కూడా నాగ చైతన్య, కార్తీకకి పేరు తీసుకొచ్చింది.

ఆ తర్వాత కార్తీక తమిళ్ సినిమా కో లో నటించారు. ఇది కార్తీక తమిళ్ లో మొదటి సినిమా. ఇదే సినిమా తెలుగులో రంగం పేరుతో డబ్ అయ్యి తెలుగులో కూడా సూపర్ హిట్ అయ్యింది. ఆ తర్వాత తన మొదటి మలయాళ సినిమా అయిన మకరమంజు లో నటించారు కార్తిక. 2012 లో జూనియర్ ఎన్టీఆర్ హీరోగా నటించిన దమ్ము సినిమాలో త్రిషతో పాటు మరొక హీరోయిన్ గా నటించారు.

ఆ తర్వాత కమ్మత్ అండ్ కమ్మత్ అనే మలయాళం సినిమాలో, అన్నకోడి అనే తమిళ సినిమాలో నటించారు. తర్వాత 2013లో బృందావన అనే కన్నడ సినిమాలో నటించారు. ఇది జూనియర్ ఎన్టీఆర్ హీరోగా వచ్చిన బృందావనం సినిమాకి రీమేక్. ఆ తర్వాత బ్రదర్ అఫ్ బొమ్మాలి తో పాటు రెండు తమిళ సినిమాల్లో నటించారు. 2017 లో ఆరంభ్ అనే హిందీ సీరియల్ లో కూడా నటించారు.

అయితే కార్తీక చివరిగా నటించిన తెలుగు సినిమా 2014 లో విడుదలైన బ్రదర్ అఫ్ బొమ్మాలి. ఆ తర్వాత మరే తెలుగు సినిమాలోనూ నటించలేదు. కార్తీక లండన్ స్కూల్ ఆఫ్ ఎకనామిక్స్ లో బిజినెస్ లో బ్యాచిలర్స్ డిగ్రీ పొందారు. అంతే కాకుండా యు.ఎస్.లో ఎంబీఏ కూడా చేశారు.

కార్తీక ప్రస్తుతం కేరళలోని యుడిఎస్ గ్రూప్ ఆఫ్ హోటల్స్ కి డైరెక్టర్ గా వ్యవహరిస్తున్నారు. ఈ హోటల్ బిజినెస్ లో కార్తీక తండ్రి రాజశేఖరన్ నాయర్, తల్లి ఉదయ చంద్రిక నాయర్ (రాధ గారి మరొక పేరు) కూడా ఉన్నారు. రాజశేఖరన్ నాయర్ చైర్మన్ ఇంకా మేనేజింగ్ డైరెక్టర్ అవ్వగా, రాధ గారు ఎగ్జిక్యూటివ్ డైరెక్టర్ గా బాధ్యతలు నిర్వహిస్తున్నారు. మరి కార్తీక మళ్లీ సినిమాల్లో నటిస్తారా? లేదా? అనే విషయం మాత్రం ఎవరికీ తెలియదు.

మన ఇండస్ట్రీలో ఎంతో మంది బయట నుంచి వచ్చిన హీరోలు ఉంటారు. అలాగే తమ కుటుంబం ద్వారా సినిమాల్లోకి వచ్చిన నటులు కూడా ఉంటారు. ఎలా వచ్చినా కానీ, ఎంతో కష్టపడి వాళ్ళ నటనతో ఇండస్ట్రీలో ఒక స్థానం సంపాదించుకుంటారు. అలా ఒక ప్రముఖ కుటుంబం నుంచి వచ్చిన వ్యక్తి కళ్యాణ్ చక్రవర్తి. కళ్యాణ్ చక్రవర్తి నందమూరి కుటుంబానికి చెందినవారు.

నందమూరి తారక రామారావు గారి తమ్ముడు అయిన త్రివిక్రమ రావు గారి కొడుకు కళ్యాణ్ చక్రవర్తి. చిన్నతనం నుండి కళ్యాణ్ చక్రవర్తి నటుడు అవ్వాలని అనుకున్నారట. 1986 లో కోడి రామకృష్ణ గారి దర్శకత్వంలో వచ్చిన అత్తగారు స్వాగతం అనే సినిమాతో ఇండస్ట్రీలో అడుగు పెట్టారు కళ్యాణ్ చక్రవర్తి.

ఆ తర్వాత ఇంటి దొంగ, తలంబ్రాలు, మామ కోడళ్ళ సవాల్, మారణహోమం, రౌడీ బాబాయ్, ప్రేమ కిరీటం ఇలా ఎన్నో సినిమాల్లో నటించారు. అంతే కాకుండా మెగాస్టార్ చిరంజీవి హీరోగా నటించిన లంకేశ్వరుడు సినిమాలో కూడా ఒక ముఖ్య పాత్రలో నటించారు కళ్యాణ్ చక్రవర్తి. కళ్యాణ్ చక్రవర్తి చివరిగా 2003 లో విడుదలైన కబీర్ దాస్ సినిమాలో నటించారు. ఆ తర్వాత మళ్లీ సినిమాల్లో నటించలేదు.

అందుకు కారణం ఏంటో ఎవరికీ సరిగ్గా తెలియదు. కానీ కొంత మంది, కళ్యాణ్ చక్రవర్తి కొడుకు పృథ్వి రోడ్ యాక్సిడెంట్ లో చనిపోవడం, ఆ తర్వాత కళ్యాణ్ చక్రవర్తి తమ్ముడు అయిన హరీన్ చక్రవర్తి కూడా ప్రాణాలను కోల్పోవడం, అలాగే త్రివిక్రమ రావు గారికి గాయాలు అవ్వడంతో కళ్యాణ్ చక్రవర్తి మనస్తాపానికి గురయ్యారు అని, ఆ షాక్ నుండి తేరుకోలేకపోయారు అని అన్నారు.

kalyan chakravarthy in kabir das movie

ఆ తర్వాత సినిమాలకు దూరమయ్యారు. త్రివిక్రమ రావు గారిని చూసుకున్నారు కళ్యాణ్ చక్రవర్తి. తర్వాత సినిమా పరిశ్రమ హైదరాబాద్ కి తరలివచ్చినా కూడా తన కుటుంబం మొత్తం హైదరాబాద్ కి వచ్చినా కూడా తన తండ్రితో పాటు కళ్యాణ్ చక్రవర్తి చెన్నైలోనే ఉండిపోయారు. తన తండ్రి చనిపోయిన తర్వాత కూడా కళ్యాణ్ చక్రవర్తి మళ్లీ హైదరాబాద్ కి తిరిగి రాలేదు. చెన్నైలోనే వ్యాపారాలు చూసుకుంటూ ఉండిపోయారు.

బోయపాటి శీను దర్శకత్వం వహించిన మొదటి సినిమా భద్ర. మొదటి సినిమాకే సూపర్ హిట్ అందుకున్నారు బోయపాటి శ్రీను. మాస్ మహారాజా రవితేజ, మీరా జాస్మిన్ హీరో హీరోయిన్లుగా నటించిన ఈ సినిమాని దిల్ రాజు గారు నిర్మించారు. దేవి శ్రీ ప్రసాద్ సంగీతం అందించారు.

ప్రకాష్ రాజ్, అర్జన్ బజ్వా, ఈశ్వరి రావు ముఖ్య పాత్రల్లో నటించారు. ఇందులో ఇంకొక ముఖ్య పాత్ర, హీరో మరదలుగా నటించిన సత్య పాత్ర. ఈ పాత్ర పోషించిన నటి పేరు సనోబర్ హెరేకర్. తను కనిపించేది కొంచెంసేపు అయినా కూడా ప్రేక్షకులకి సత్య పాత్ర గుర్తుండిపోయింది. అయితే ఆ తర్వాత సనోబర్ హెరేకర్ మరి ఎక్కడా కనిపించలేదు.

సినిమా వచ్చి 16 సంవత్సరాలు అయ్యింది. అయినా సరే భద్ర తర్వాత ఇప్పటివరకు ఒక్క తెలుగు సినిమాలో కూడా నటించలేదు సనోబర్ హెరేకర్. సోషల్ మీడియాలో కూడా పెద్దగా యాక్టివ్ గా లేరు. సనోబర్ హెరేకర్ కి ట్విట్టర్ అకౌంట్ ఉంది. అందులో ఉన్న ఇన్ఫర్మేషన్ ప్రకారం సనోబర్ హెరేకర్ ప్రస్తుతం ఒక మ్యూజిక్ లేబుల్ కి బిజినెస్ హెడ్ గా ఉన్నారు.

ఆ మ్యూజిక్ లేబుల్ పేరు క్రెసెండో మ్యూజిక్. ఈ మ్యూజిక్ లేబుల్ ద్వారా కొన్ని హిందీ పాటలను విడుదల చేశారు. ట్విట్టర్ లో కూడా 2016 లో ట్వీట్ చేశారు. సనోబర్ హెరేకర్, అజీజ్ జీ అనే ఒక ఆర్టిస్ట్ ని పెళ్లి చేసుకున్నట్టు వార్తలు వచ్చాయి. సోషల్ మీడియాలో యాక్టివ్ గా లేకపోవడంతో, ఎక్కడ ఇంటర్వ్యూలు కూడా ఇవ్వకపోవడంతో ఇప్పుడు సనోబర్ హెరేకర్ ఎక్కడ ఉన్నారో, ఎలా ఉన్నారో, ఏం చేస్తున్నారో ఎవరికీ తెలీదు.