Events

బుల్లితెర ప్రేక్షకులకు పరిచయం అక్కర్లేని వ్యక్తి హైపర్ ఆది. తన కామెడీ టైమింగ్‌.. పంచ్‌లతో ఆడియన్స్‌ను నవ్వించడంలో ఆది స్టైలే వేరు. షో ఏదైనా.. స్టేజీ ఎక్కడైనా.. ఆది ఉన్నాడంటే కామెడీ పండాల్సిందే. జబర్దస్త్ ద్వారా ఏందో మంచి గుర్తింపు పొందిన ఈయన ఢీ, శ్రీదేవి డ్రామా కంపెనీ వంటి కార్యక్రమాల ద్వారా మరింత పాపులారిటీ సంపాదించుకున్నారు.

ఇలా అన్ని కార్యక్రమాలలోనూ కమెడియన్ గా తనదైన శైలిలో సందడి చేస్తూ ప్రేక్షకులను ఎంటర్టైన్ చేసిన ఆది మరో సరికొత్త షో ద్వారా ప్రేక్షకుల ముందుకు రాబోతున్నారు. శ్రీదేవి డ్రామా కంపెనీ నిర్వహిస్తున్నటువంటి టీం లిటిల్ హార్ట్స్ అనే సరికొత్త కార్యక్రమం ద్వారా ప్రేక్షకుల ముందుకు రాబోతున్నారు. ఈ కార్యక్రమం చిల్డ్రన్స్ డే సందర్భంగా నవంబర్ 14వ తేదీ సాయంత్రం ప్రసారం కానుంది.

ఈ కార్యక్రమానికి సంబంధించిన ప్రోమో తాజాగా విడుదల చేయడంతో ఈ ప్రోమో సోషల్ మీడియాలో వైరల్ గా మారింది.ఈ కార్యక్రమానికి మాత్రం యాంకర్ గా హైపర్ ఆది వ్యవహరించడం విశేషం. ఇలా సరికొత్త కార్యక్రమానికి హైపర్ ఆది వ్యాఖ్యాతగా వ్యవహరించడంతో ఈ కార్యక్రమం పై మరిన్ని అంచనాలు పెరిగాయి.

శ్రీదేవి డ్రామా కంపెనీ కార్యక్రమానికి ఇప్పటికే సుధీర్.. తర్వాత రష్మీ వ్యాఖ్యాతలుగా వ్యవహరించారు. ఇప్పుడు ఈ లిటిల్ హార్ట్స్ ఈవెంట్ కి ఆది యాంకర్ గా వ్యవహరిస్తున్నాడు. మరి ఈ కార్యక్రమం ద్వారా యాంకర్ గా ఆది ఎలా ప్రేక్షకులను ఆకట్టుకుంటారో తెలియాల్సి ఉంది. ప్రస్తుతం ఈ కార్యక్రమానికి సంబంధించిన ప్రోమో వైరల్ గా మారింది.

సీనియర్ నటుడు రాజా రవీంద్ర గురించి తెలుగు ప్రేక్షకులకు పెద్దగా పరిచయం అక్కర్లేదు. ఏళ్లుగా ఇండస్ట్రీలో కొనసాగుతున్నాడు. తొలి నాళ్లల్లో.. హీరో, క్యారెక్టర్‌ ఆర్టిస్ట్‌, విలన్‌గా చేశాడు. ప్రస్తుతం పలువురు యంగ్‌ హీరోలకు మేనేజర్‌గా పని చేస్తున్నాడు. ఇదే కాక.. కొన్ని చిన్న చిత్రాలకు ఎగ్జిక్యూటివ్ ప్రొడ్యూసర్‌గా పనిచేస్తున్నాడు.

ఈ క్రమంలో త్వరలో విడుదల కాబోతున్న ‘తగ్గేదే లే’ సినిమాకు ఎగ్జిక్యూటివ్ ప్రొడ్యూసర్‌గా వ్యవహరించాడు. నవంబర్ 4న ఈ చిత్రం ప్రేక్షకుల ముందుకు రానుంది. ఈ క్రమంలో ఏర్పాటు చేసిన ప్రీ రిలీజ్ ఈవెంట్‌లో రాజా రవీంద్ర మాట్లాడుతూ యాంకర్ శ్యామలపై సెటైర్లు వేయడం హాట్ టాపిక్ అయ్యింది.

ఈ సందర్భంగా రాజా రవీంద్ర మాట్లాడుతూ.. ‘‘మా నిర్మాతలు ప్రేమ్, అఖిల్, సుబ్బారెడ్డి మంచి సినిమాలు తీయాలనే ఉద్దేశంతో ఇండస్ట్రీకి వచ్చారు. వాళ్లు తలుచుకుంటే ‘బాహుబలి’ లాంటి పది సినిమాలు తీయగలరు కానీ మనకు అలాంటి సినిమాలు వద్దు.. మంచి కంటెంట్ ఉన్న సినిమాలు తీస్తే చాలు అనుకుంటున్నారు. అందుకే ఈ ‘తగ్గేదేలే’ తీశారు. కరోనా సమయంలో కూడా ఎంతో కష్టపడి ఈ సినిమా తీశాం. భద్ర ప్రొడక్షన్ కంపెనీ, నిర్మాతలు మా అందరినీ ఎంతో బాగా చూసుకున్నారు.’’ అని తెలిపాడు.

ఇలా నిర్మాతలందరికి ధన్యవాదాలు చెబుతూ.. ఆఖర్లో.. ముఖ్యంగా శ్యామలా ఆంటీకి కూడా థాంక్యూ అంటూ ఆమెపై కౌంటర్స్‌ వేశాడు. రాజా రవీంద్ర మాటలకు షాకైన శ్యామల ఆ వెంటనే తేరుకుని.. ‘నేనే ఆంటీ అంటే మీరు తాతయ్య అయిపోయినట్టే’ అంటూ నవ్వుతూనే రాజారవీంద్రపై రివర్స్‌ కౌంటర్‌ ఇచ్చింది శ్యామల.

యాంకర్‌లని ఆంటీ అనడం ఇటీవల ట్రెండ్‌గా మారింది. కొన్ని రోజుల క్రితం అనసూయ తనని నెటిజన్లు ‘ఆంటీ’ అనడంపై ఏకంగా పోలీస్ స్టేషన్‌కి వెళ్లి ఫిర్యాదు చేసింది. ఆ తర్వాత సీనియర్ యాంకర్‌ సుమని కూడా కమెడియన్లు ఆంటీ అంటూ సరదాగా ఆట పట్టిస్తుంటారు. అలానే జబర్దస్త్‌లో రష్మికి కూడా ఆంటీ కౌంటర్లు పడుతూనే ఉన్నాయి. అయితే.. అనసూయ మినహా.. మిగిలిన వాళ్లెవరూ దాన్ని సీరియస్‌గా తీసుకోవడం లేదు.

source: https://telugu.filmyfocus.com/raja-ravindra-comments-on-anchor-shyamala/

నటుడిగా బ్రహ్మాజీకి ఈ సెకండ్ ఇన్నింగ్స్ అద్భుతంగా ఉన్నట్టుంది. పైగా బ్రహ్మాజీ నటించిన సినిమాలన్నీ కూడా బాగా ఆడుతున్నాయి. ఇప్పుడు బ్రహ్మాజీ మరో సినిమాతో ప్రేక్షకుల ముందుకు రాబోతోన్నాడు. శోభన్, ఫరియా నటించిన లైక్ షేర్ సబ్ స్క్రైబ్ సినిమాలో నటించాడు బ్రహ్మాజీ.

ప్రస్తుతం ఈ మూవీ టీం సుమ క్యాష్ షోకు గెస్టుగా వెళ్లింది. ఈ ఎపిసోడ్‌ ఈ శనివారం టెలీకాస్ట్‌ అవుతుంది. అయితే దీని ప్రోమోను తాజాగా విడుదల చేశారు. అందులో బ్రహ్మాజీ ఒకే డైలాగ్‌తో అదరగొట్టారు. అదే ‘కమ్‌ టు మై రూమ్‌’.

అసలే బ్రహ్మాజీ సోషల్ మీడియాలో ఫుల్ ఫాంలో ఉంటాడు. ట్రెండ్‌ల మీద ఎక్కువగా పట్టు ఉంటుంది. ఏం జరుగుతోందో అని పరిశీలిస్తుంటాడు. ఇక సుమ, బ్రహ్మాజీ ఒకే స్టేజ్ మీద ఉన్నారంటే.. నవ్వులే నవ్వులు. అయితే ఇందులో ఓ సందర్భంలో బ్రహ్మాజీ ఫోటో పక్కన ఫరియా ఫోటోను పెడుతుంది సుమ. ఎంత బాగుందో కదా? అని సుమ అంటే.. కొందరు నవ్వుతారు.

ఎవడ్రానవ్వింది.. కమ్ టు మై రూం అని వార్నింగ్ ఇస్తాడు బ్రహ్మాజీ. ఇది ప్రభాస్ స్టైల్లో చెప్పాడు. ఎందుకంటే ఆదిపురుష్‌ టీజర్ రిలీజ్ అయిన తరువాత ప్రభాస్ వీడియో ఒకటి వైరల్ అయింది. వేర్ ఈజ్ ఓం.. ఓం కం టు మై రూం అంటూ సీరియస్‌గా వార్నింగ్ ఇచ్చినట్టు కనిపిస్తుంది. ఆదిపురుష్‌ టీజర్ బాగా లేకపోవడంతో ప్రభాస్ సీరియస్ అయ్యాడు.. ఓం రౌత్‌కు వార్నింగ్ ఇచ్చాడంటూ అందరూ ప్రచారం చేశారు ఆ వీడియోని.

ఇప్పుడు అదే టోన్‌లో బ్రహ్మాజీ కూడా కౌంటర్ వేశాడు. ఇలా ట్రెండింగ్ అంశాల మీద మంచి గ్రిప్ సాధిస్తుంటాడు బ్రహ్మాజీ. తన సోషల్ మీడియా ఖాతాల్లోనూ ఇలానే కౌంటర్లు వేస్తుంటాడు బ్రహ్మాజీ.