Filmy Adda

బాహుబలి ప్రభాస్ నటించిన సలార్ మూవీ థియేటర్లలో సంచలనం సృష్టించింది. రికార్డు కలెక్షన్స్ తో దూసుకుపోతుంది. బాహుబలి 2 తర్వాత ప్రభాస్ కి సరైనా హిట్టు దక్కిందని ఆయన ఫ్యాన్స్ ఆనందం వ్యక్తం చేస్తున్నారు. ఇండియా వ్యాప్తంగా సలార్ సినిమా సూపర్ హిట్ అయింది.డిసెంబర్‌ 22న విడుదలైన ఈ పవర్‌ ప్యాక్ట్‌ యాక్షన్‌ ఎంటర్‌టైనర్‌ ఏడు రోజుల్లోనే రూ. 550 కోట్ల కలెక్షన్లు సాధించినట్లు ట్రేడ్‌ నిపుణులు చెబుతున్నారు. రాబోయే సంక్రాంతి సీజన్‌ వరకు పెద్ద సినిమాలేవీ రిలీజులకు నోచుకోవడం లేదు. దీంతో సలార్‌ వసూళ్లు మరింతగా పెరిగే అవకాశం ఉంది.

అయితే ప్రభాస్‌ సినిమా ఓటీటీ రిలీజ్‌కు సంబంధించి సోషల్‌ మీడియాలో కొన్ని రూమర్స్‌ వినిపిస్తున్నాయి. అనుకున్న దాని కంటే ముందుగానే ప్రభాస్‌ సినిమా ఓటిటి లోకి రానున్నట్లు నెట్టింట ప్రచారం జరుగుతోంది. ప్రముఖ ఓటిటి సంస్థ నెట్‌ఫ్లిక్స్‌ సలార్ సినిమా డిజిటల్‌ స్ట్రీమింగ్‌ రైట్స్‌ను సొంతం చేసుకుంది. అయితే జనవరి 12నే ప్రభాస్‌ సినిమా ఓటిటి లోకి వస్తుందని సామాజిక మాధ్యమాల్లో పోస్టులు దర్శనమిస్తున్నాయి. అయితే ఫ్లాప్ అయిన సినిమా నెల రోజుల్లోపు వస్తుందంటే పర్వాలేదు కానీ సూపర్ హిట్ అయ్యి థియేటర్లలో ఆడుతున్న సినిమా నెల తిరగకుండానే ఓటిటి లో వస్తుందంటే నమ్మశక్యంగా లేదు. దీనిని ప్రభాస్ ఫ్యాన్స్ కొట్టి పడేస్తున్నారు. దీనిపైన సలార్ సినిమా టీం ఎలా స్పందిస్తుందో వేచి చూడాలి.

విక్టరీ వెంకటేష్ తన కెరీర్ లో 75వ సినిమా గా రూపొందించిన సైంధవ్ సంక్రాంతి కానుకగా విడుదల కానుంది.ఇప్పటికే ఈ సినిమా ప్రమోషన్స్ మేకర్స్ జోరుగా చేస్తున్నారు. తాజాగా ఈ సినిమా సెన్సార్ కార్యక్రమాలను పూర్తిచేసుకుని U/A సర్టిఫికెట్ ను పొందింది.శైలేష్ కొలను డైరెక్షన్ లో తెరకెక్కిన సైంధవ్ సినిమాపై అంచనాలు అంతకంతకూ పెరుగుతున్నాయి. సంక్రాంతి కానుకగా జనవరి నెల 13వ తేదీన ఈ సినిమా థియేటర్లలో విడుదల కానుంది. ఈ సినిమాతో వెంకటేశ్ మరో సక్సెస్ ను సొంతం చేసుకుంటారని ఫ్యాన్స్ భావిస్తున్నారు.

ఈ సినిమా కధ విషయానికి వేస్తే….వెంకటేశ్ కూతురు ఒక అరుదైన ఆరోగ్య సమస్యతో బాధ పడుతుందని, ఆ వ్యాధి చికిత్స కోసం 17 కోట్ల రూపాయల విలువైన ఇంజక్షన్ అవసరం అవుతుందని ఆ ఇంజక్షన్ విలన్ కు కూడా అవసరం కావడంతో ఒకటే ఇంజక్షన్ ఉండటంతో ఇద్దరి మధ్య పోరాటం జరుగుతుందని తెలుస్తోంది. వైరల్ అవుతున్న వార్తల గురించి క్లారిటీ రావాల్సి ఉంది. అయితే ఈ సినిమా గోపీచంద్ నటించిన ఒక్కడున్నాడు కి దగ్గర పోలికలు ఉంటాయని ఫిలిం నగర్ లో వినిపిస్తుంది. వెంకటేష్ కెరీర్ లోనే అత్యంత భారీ బడ్జెట్ తో ఈ సినిమాని రూపొందించారు. తాజాగా సినిమా చూసిన సెన్సార్ సభ్యులు ఈ సినిమాకి పాజిటివ్ రిపోర్ట్ ఇచ్చారట. దీంతో మేకర్ సార్ హ్యాపీ ఫీలయ్యారని వినిపిస్తుంది. కచ్చితంగా హిట్ కొడతామని డైరెక్టర్ కూడా ధీమా వ్యక్తం చేస్తున్నారు.

మనం సినిమాల్లో అప్పుడప్పుడు కొన్ని పొరపాట్లని చూస్తూ ఉంటాం. కానీ అలా మనం పొరపాటు అనుకున్న ప్రతి విషయం పొరపాటు కిందకి రాదు.

అందులో కొన్ని డైరెక్టర్ సినిమాటిక్ లిబర్టీ తో మోడిఫై చేసిన సన్నివేశాలు కూడా ఉంటాయి. అందుకు ఒక ఉదాహరణ ఇంద్ర సినిమా లోని ఈ సీన్.

ఇంద్ర సినిమా లో ఫ్లాష్ బ్యాక్ అంటే చిరంజీవి ఇంద్ర సేనా రెడ్డి గా ఉన్నప్పుడు వచ్చే సీన్ లో ఆ రోజు రాఖీ పండుగ జరుపుకుంటారు, అదే రోజు హోలీ పండుగ కూడా జరుపుకుంటారు. సాధారణంగా రాఖీ, హోలీ ఒకే రోజు రావు. కానీ ఈ సినిమా కోసం డైరెక్టర్ తీసుకున్న నిర్ణయం అది. కాబట్టి దీన్ని పొరపాటు అనడం కంటే సినిమాటిక్ లిబర్టీ అనడమే కరెక్ట్. ఇంకొక విషయం ఏంటంటే, ఈ సినిమాలో జరిగిన ఈ పొరపాటును గుర్తించిన ఇంద్ర సినిమా మేకర్స్, సినిమా విడుదలైన కొద్ది రోజులకే “ఇంద్ర సినిమాలో ఒక పొరపాటు ఉంది. అదేంటో కనిపెట్టండి” అని కాంటెస్ట్ కూడా పెట్టారు.

ఇలా ఈ ఒక్క సినిమాలో మాత్రమే కాదు, ఎన్నో సినిమాల్లో సినిమాటిక్ లిబర్టీ తో ఇలా ఎన్నో సన్నివేశాలు మార్చారు. కొన్ని సన్నివేశాలకు ఈ సినిమాటిక్ లిబర్టీ అనేది అవసరం. ఎందుకంటే సినిమా అనేది ఫిక్షనల్. అంటే ఒక వేళ ఇలా జరిగితే ఎలా ఉంటుంది ? అని డైరెక్టర్ కి వచ్చిన ఆలోచనని తెరమీద చూపించడం. ఏ ఫిక్షనాలిటీ తో అయితే ఒక డైరెక్టర్ తన కథను రాసుకుంటారో, అదే ఫిక్షనాలిటీ తో కథ లోని సీన్స్ ని కూడా రాసుకుంటారు.

సినిమాటిక్ లిబర్టీ వలన సినిమాకి ఎటువంటి సమస్య అవ్వదు. అంతేకాకుండా సినిమాల్లో జరిగే పొరపాట్ల వల్ల కూడా సినిమాకి ఎలాంటి ఇబ్బంది అవ్వదు. ఇంకొక విషయం ఏంటంటే ఈ సినిమా సూపర్ హిట్ అయ్యింది. దాన్నిబట్టి ఆడియన్స్ కూడా ఇలాంటి పొరపాట్లని అంత పెద్దగా పట్టించుకోరు అని, వీటివల్ల నిజంగా సినిమాకి జరిగిన నష్టం ఏమీ లేదు అని వదిలేస్తారు అని, ముఖ్య ప్రాధాన్యత కథకి మాత్రమే ఇస్తారని ప్రత్యేకంగా చెప్పాల్సిన అవసరం లేదు. కానీ ఎప్పుడైనా కొంతకాలం తర్వాత సినిమా చూసినప్పుడు “అరే ఇది పొరపాటు కదా?” అనిపిస్తుంది అంతే.

watch video:

https://youtu.be/tJzrMmsU3jU?t=5595

ఎప్పుడూ లేని విధంగా 2024 లో టాలీవుడ్ లో సినిమాలు మధ్య విపరీతమైన పోటీ నెలకొంది. ఈసారి ఏకంగా 5 తెలుగు సినిమాలు రిలీజ్ అవుతున్నాయి. ఐదిట్లో అందరి దృష్టి మహేష్ బాబు గుంటూరు కారం పైనే ఉంది ఈ సినిమా జనవరి 12 విడుదలవుతుంది.

ఇది కాకుండా వెంకటేష్ 75వ సినిమాలో సైన్ధవ్ రవితేజ నటిస్తున్న ఈగల్ నాగర్జున నా సామిరంగా సినిమాలు కూడా లైన్లో ఉన్నాయి అయితే ఈ పెద్ద సినిమాల పక్కన ఒక చిన్న సినిమా అందరూ దృష్టిని ఆకర్షిస్తుంది. అదే తేజ సజ్జ,ప్రశాంత వర్మల హనుమాన్. ఈ సినిమా కూడా జనవరి 12 తారీఖున విడుదలవుతుంది. గుంటూరు కారంకి పోట పోటీగా ఈ సినిమా వస్తుంది.

అయితే ప్రస్తుతం ఈ సినిమా డైరెక్టర్ ప్రశాంత వర్మ చేసిన కామెంట్లు వైరల్ గా మారాయి. జనవరి 12న గుంటూరు కారం వస్తుండడం వల్ల ఆరోజు తప్పుకుని వేరే రోజు రావాలని తమని బెదిరిస్తున్నారని డైరెక్టర్ చెప్పాడు. ఇప్పటికే నిర్మాతల మండలి మీటింగ్ లో కూడా ఈ విషయాన్ని చెప్పగా హనుమాన్ మేకర్స్ అయితే వెనక్కి తగ్గేది లేదని తేల్చి చెప్పారు. హనుమాన్ మూవీ పాన్ ఇండియా వైడ్ రిలీజ్ అవుతుంది.హిందీలో జనవరి 12న డేట్ ఫిక్స్ చేయడంతో తప్పుకొలేమని చెప్పారు. దీనివల్ల తమపై కావాలనే నెగిటివ్ ప్రచారం చేస్తున్నారని, ఆవేదన వ్యక్తం చేశారు.అయినా సరే తమ కంటెంట్ మీద తమ సినిమా మీద తమకు నమ్మకం ఉందని గుంటూరు కారం చూసిన తర్వాత అయినా మా సినిమాకి వస్తారని దీమా వ్యక్తం చేశారు

ఎవరైనా ఒక పనికి మించి ఎక్కువ పనులు చేస్తే మల్టీ టాలెంటెడ్ అని అంటారు. ఈ మాట ఎక్కువగా సినిమా ఇండస్ట్రీలో వినపడుతూ ఉంటుంది. ఎందుకంటే నటులుగా చేసేవారు డైరెక్టర్లు అవుతూ ఉంటారు, డైరెక్టర్లుగా చేసేవారు నటులవుతూ ఉంటారు. ఒక్కొక్కరిలో ఎన్నో రకాల టాలెంట్ లు ఉంటా ఉంటాయి. అది సమయం వచ్చినప్పుడు బయట పెడుతూ ఉంటారు.

అయితే ఇప్పుడు యంగ్ హీరో విశ్వక్ సేన్ తనలోని మల్టీ టాలెంట్ ను బయటపెడుతున్నారు. వెళ్ళిపోమాకే సినిమాతో హీరోగా ఎంట్రీ ఇచ్చి వరుస పెట్టిన సినిమాలు చేసుకుంటూ తనకంటూ ప్రత్యేకమైన మార్కెట్ ని ఏర్పరుచుకున్నారు. ఫలక్ నామ దాస్ సినిమాతో సొంతంగా డైరెక్టర్ గా తానే హీరోగా సూపర్ హిట్ ను అందుకున్నారు.

తర్వాత దాస్ కా ధమ్కి సినిమాతో మరోసారి తన లోని డైరెక్షన్ టాలెంట్ పెట్టారు. అయితే ఇప్పుడు నిర్మాతగా అవతారం ఎత్తనున్నారు విశ్వక్ సేన్. 20 మంది కొత్త వాళ్లను తెలుగు పరిచయం చేస్తూ కల్ట్ అనే మూవీని ప్రకటించారు. ఈ మూవీ త్వరలో షూటింగ్ ప్రారంభం కానుంది. సే నో టు డ్ర-గ్స్ అనే కాన్సెప్ట్ తో ఈ సినిమాని తెరకెక్కిస్తున్నారు. ఈ చిత్రానికి ఆయనే రైటర్. తాజుదీన్ ను దర్శకుడిగా పరిచయం చేస్తున్నారు

ఆర్ఆర్ఆర్ తర్వాత మెగా పవర్ స్టార్ రామ్ చరణ్ గ్లోబల్ స్టార్ గా మారిపోయారు. రామ్ చరణ్ ఇమేజ్ అమాంతం పెరిగిపోయింది. ప్రస్తుతం శంకర్ డైరెక్షన్ లో గేమ్ చేంజర్ మూవీలో నటిస్తున్నారు. ఈ మూవీ 2024 లో వినాయక చవితి విడుదల కానుంది.

ఈ మ‌ధ్య కాలంలో రామ్ చ‌రణ్ ముంబై ఎక్కువ‌గా వెళ్తోన్న సంగ‌తి తెలిసిందే. అయితే ఆయ‌న ఏదో బిజినెస్ ప‌నులో వెళ్తున్నారు లేదా వ్య‌క్తిగ‌త ప‌ని మీద వెక్తునారు అనుకున్నారు.కానీ ఇప్పుడు ఏకంగా బాలీవుడ్ లో సినిమానే ప్లాన్ చేస్తున్నాడంటా…?ఇప్పుడు ఈ వార్త టాలీవుడ్ లో షికారు చేస్తుంది.

ఈ నేప‌థ్యంలో చ‌ర‌ణ్ ‘ధూమ్-4’ లో న‌టిస్తున్నాడానే అన్న ప్ర‌చారం కూడా తెర‌పైకి వ‌స్తోంది. వార్ ప్రాంచైజీలో కి తార‌క్ వెళ్లిన‌ట్లే ధూమ్ ప్రాంచైజీలోకి రామ్ చ‌ర‌ణ్ ఎంట‌ర్ అవుతున్నాడా? అన్న సందేహం నెట్టింట అభిమానుల్లో చ‌ర్చ‌కు దారి తీస్తోంది. అదే నిజ‌మైతే చరణ్ అభిమానుల ఆనందానికి అవ‌దులుండ‌వ్. ధూమ్ ఏరేంజ్ సిరీస్ అన్న‌ది ప్ర‌త్యేకంగా చెప్పాల్సిన ప‌నిలేదు. య‌శ్ రాజ్ బ్యాన‌ర్లో అదో స్పెష‌ల్ సిరీస్. ధూమ్ వ‌సూళ్లు ఓ సంచ‌ల‌నం. ఇందులో న‌టించిన ప్ర‌తీ హీరో ఓ రేంజ్ లో ఫేమ‌స్ అయ్యారు.ఈ న్యూస్ గనక నిజమైతే చరణ్ రేంజ్ ఎక్కడికో వెళ్లిపోతుంది అనడంలో సందేహం లేదు.గతంలో జంజీర్ రీమేక్ తో చ‌ర‌ణ్ బాలీవుడ్ లో తెరంగేట్రం చేసిన సంగ‌తి తెలిసిం

సినిమా ఇండస్ట్రీ ప్రతి సంవత్సరం ఎంతో మంది కొత్త వారికి అవకాశాలు కల్పిస్తూ ఉంటుంది. 2023 సంవత్సరంలో చాలా మంది కొత్త దర్శకులు తెలుగు తెరకు పరిచయం అయ్యారు.అయితే వీరిలో చాలా తక్కువ మంది మాత్రమే సక్సెస్ అయ్యారు.

బలగం వేణు నుంచి రీసెంట్ గా వచ్చిన హాయ్ నాన్న శౌర్యువ్ వరకు తొలి సినిమాతోనే డైరెక్టర్ గా వారి సత్తా చాటి అదుర్స్ అనిపించారు.

2023 మొదట్లోనే రైటర్ పద్మభూషణ్ సినిమాతో తొలి సినిమాతోనే దర్శకుడిగా సూపర్ సక్సెస్ అందుకున్నాడు షణ్ముఖ్ ప్రశాంత్. సుహాస్ హీరోగా నటించిన రైటర్ పద్మభూషణ్ తక్కువ బడ్జెట్ తో తెరకెక్కినా మంచి విజయాన్ని అందుకుంది. ఇక ఈ సంవత్సరం సంచలన విజయాల్లో ఒకటి దసరా. న్యాచురల్ స్టార్ నాని హీరోగా డిబటెంట్ డైరెక్టర్ శ్రీకాంత్ ఓదెల ఈ సినిమాను డైరెక్ట్ చేశారు. నాని కెరీర్ లోనే బిగ్గెస్ట్ హిట్ గా నిలిచింది దసరా. శ్రీకాంత్ మీద నాని పెట్టుకున్న నమ్మకాన్ని నిలబెట్టుకున్నాడు.

అలగే సుమంత్ ప్రభాస్ అనే కుర్ర దర్శకుడు కూడా తన డైరెక్షన్ లో తీసిన మేమ్ ఫేమస్ తో హిట్ అందుకున్నాడు. డైరెక్టర్ గా తొలి సినిమా అవ్వడమే కాదు హీరోగా కూడా ఈ సినిమాలో లీడ్ రోల్ చేశాడు. ఈ సినిమాతో సుమంత్ ప్రభాస్ కూడా తన సత్తా చాటాడు. ఇక మ్యాడ్ సినిమాతో యూత్ ఫుల్ హిట్ అందుకున్నాడు కళ్యాణ్ శంకర్. యుత్ మెచ్చేలా సినిమా తీసి మొదటి సినిమాతోనే దర్శకుడిగా సూపర్ అనిపించాడు. ఈ నెలలో రిలీజైన హాయ్ నాన్న సినిమాతో మరో సూపర్ హిట్ అందుకున్నాడు నాని. ఆల్రెడీ దసరా తో శ్రీకాంత్ కి తొలి అవకాశం ఇచ్చిన నాని హాయ్ నాన్నతో శౌర్యువ్ సత్తా చాటాడు. ఈ సినిమాతో తెలుగు తెరకు మరో సెన్సిబుల్ డైరెక్టర్ దొరికాడు

ఇటీవల లియో సినిమాతో సూపర్ హిట్ కొట్టిన హీరో విజయ్. విజయ్ తమిళ హీరో అయినా కూడా తెలుగు ప్రేక్షకులకు సుపరిచితులు. ఆయన సినిమాలు అన్నీ కూడా తెలుగులో డబ్బింగ్ చేసి విడుదల చేస్తారు.

విజయ్ ఇప్పటివరకు ఒక్క డైరెక్ట్ తెలుగు సినిమా చేయకపోయినా కూడా తెలుగులో ఆయనకి చాలా మంది అభిమానులు ఉన్నారు. ప్రస్తుతం విజయ్ వెంకట్ ప్రభు దర్శకత్వంలో వస్తున్న ఒక సినిమాలో నటిస్తున్నారు.

నాగ చైతన్య హీరోగా నటించిన కస్టడీ సినిమాకి వెంకట్ ప్రభు దర్శకత్వం వహించారు. ఈ సినిమా తర్వాత ఇప్పుడు విజయ్ సినిమాకి దర్శకత్వం వహిస్తున్నారు. ఈ సినిమాలో ప్రభుదేవా, స్నేహ ఇంకా ఎంతో మంది తెలిసిన నటీనటులు ఉన్నారు. మీనాక్షి చౌదరి సినిమాలో హీరోయిన్ గా నటిస్తున్నారు. ఈ సినిమా పూజా కార్యక్రమాలు ఇటీవల జరిగాయి. అయితే విజయ్ లేటెస్ట్ గెటప్ కి సంబంధించిన ఫోటోలు సోషల్ మీడియాలో ప్రత్యక్షం అయ్యాయి.

విజయ్ చాలా డిఫరెంట్ గా కనిపిస్తున్నారు. ఈ ఫొటోస్ లో విజయ్ అని పోల్చుకోవడానికి కూడా వీలులేని అంత డిఫరెంట్ గా ఉన్నారు. మరి ఇది కొత్త సినిమా గెటప్ అయినా అయ్యుండొచ్చు. కానీ విజయ్ ని ఇలా చూసిన వాళ్ళు మాత్రం “విజయ్ కి ఏమయ్యింది? ఇలా మారిపోయారు ఏంటి?” అంటూ కామెంట్స్ చేస్తున్నారు. విజయ్ ప్రస్తుతం చేస్తున్న సినిమా తర్వాత లియో 2 సినిమా చేస్తారు. మొదటి పార్ట్ లో వివరణ ఇవ్వని విషయాలకు ఈ సినిమాలో వివరణ ఇస్తారు.

ఈ సినిమా డైరెక్టర్ లోకేష్ కనగరాజ్ ఇటీవల ఒక ఇంటర్వ్యూలో మాట్లాడుతూ, ఖైదీ 2 సినిమా అయ్యాక ఈ సినిమా చేస్తాను అని చెప్పారు. ఈ సినిమాలు అన్నీ కూడా ఒకదానికి ఒకటి కనెక్ట్ అయ్యి ఉన్నాయి అన్న విషయం తెలిసిందే. ఖైదీ సినిమాలో నటించిన కొంత మంది నటులు, విక్రమ్ సినిమాలో నటించిన కొంత మంది నటులు లియో సినిమాలో కూడా కనిపించారు. అంతే కాకుండా లియో దాస్ కి సంబంధించిన విషయాలు కూడా లియో పార్ట్ 2 లో చూపిస్తారు.

watch video :

Cute only 😍 pic.twitter.com/DxYPmolNHK

— Tom 😺 (@hodophile1322) December 30, 2023

ప్రముఖ యాంకర్ సుమ కనకాల, నటుడు రాజీవ్ కనకాల తనయుడు రోషన్ కనకాల హీరోగా నటించిన తొలి మూవీ  ‘బబుల్ గమ్’. ఈ సినిమా తాజాగా ప్రేక్షకుల ముందుకు వచ్చింది. ఈ చిత్రంలో హీరోయిన్ గా మానస చౌదరి నటించింది. క్షణం, కృష్ణ అండ్ హిస్ లీలా సినిమాలతో పేరు తెచ్చుకున్న రవికాంత్  ఈ మూవీకి దర్శకత్వం వహించారు.

నిన్న రిలీజ్ అయిన ఈ మూవీ మిక్స్డ్ టాక్ తెచ్చుకుంది. ఏదైనా మూవీ విడుదల అయినపుడు చూసినవారు హీరో లేదా హీరోయిన్ గురించి మాట్లాడుకోవడం సర్వసాధారణం. కానీ ఈ బబుల్ గమ్ చూసిన తరువాత ఎక్కువ మంది చర్చించుకుంటున్నది చికెన్ కొట్టు యాదగిరి గురించి. అది హీరో రోషన్ తండ్రి క్యారెక్టర్. ఆ పాత్ర పోషించిన నటుడు ఎవరో ఇప్పుడు చూద్దాం..
బబుల్ గమ్ మూవీతో యాంకర్ సుమ తనయుడు రోషన్ కనకాల టాలీవుడ్ లో హీరోగా ఎంట్రీ ఇచ్చాడు. ఈ మూవీలో తెలుగు అమ్మాయి మానస చౌదరి హీరోయిన్ గా నటించింది. ఈ మూవీలో హీరో హీరోయిన్ కన్నా ఎక్కువ పాపులర్ అయ్యింది హీరో తండ్రి చికెన్ కొట్టు యాదగిరి. ఈ పాత్రలో నటించిన యాక్టర్ పేరు చైతు జొన్నలగడ్డ.
ఈ పేరు వినగానే గుర్తొచ్చేది డిజే టిల్లు హీరో సిద్దు జొన్నలగడ్డ. ఆయన అన్నయే చైతు జొన్నలగడ్డ.హీరోకి తండ్రిగా చైతు జొన్నలగడ్డ ఆకట్టుకున్నాడు. హైదరాబాదీ యాసలో చికెన్ కొట్టు యాదగిరి అద రగొట్టాడు.  ఈ మూవీలో తండ్రీ కొడుకుల మధ్య వచ్చే సన్నివేశాలు యువతను అలరిస్తాయి. హీరోయిన్ ఇంటికొచ్చినపుడు  ఈ హీరో, హీరో తండ్రి మధ్య జరిగే సంభాషణ ఆకట్టుకుంది.
ఈ మూవీలో తండ్రిగా నటించినా, చైతు జొన్నలగడ్డని స్క్రీన్ పై మొదటిసారి చూసినపుడు హీరో అన్నయ్యలా అనిపిస్తారు. చైతు జొన్నలగడ్డ ఎక్స్ప్రెషన్స్, స్లాంగ్, డైలాగ్ డెలివరీ ఇలా అన్ని హీరో  సిద్దు జొన్నలగడ్డను గుర్తొచ్చేలా చేస్తాయి. ఈ మూవీ చైతు జొన్నలగడ్డ మొదటి చిత్రం, అయినప్పటికీ ఎక్స్పీరియన్స్ ఉన్న యాక్టర్ లా నటించారు.

Also Read: VAISHNAVI CHAITANYA: మరొక బంపర్ ఆఫర్ కొట్టేసిన బేబీ హీరోయిన్.. లక్ అంటే ఆమెదే!

రాజకుమారుడు సినిమాతో ఇండస్ట్రీలోకి అడుగు పెట్టి, ఇప్పుడు సూపర్ స్టార్ గా ఎదిగారు మహేష్ బాబు. మహేష్ బాబు తన కెరీర్ లో ఎన్నో హిట్ సినిమాలు చేశారు. ఎన్నో ఫ్లాప్ సినిమాలు కూడా చేశారు. కొన్ని మరీ ఘోరపరాజయం పాలయ్యాయి.

మహేష్ బాబు రేంజ్ సినిమా కాదు అనే సినిమాలు కూడా వచ్చాయి. ఒక సమయంలో ప్రయోగాలు చేసిన మహేష్ బాబు, గత కొన్ని సంవత్సరాల నుండి కమర్షియల్ సినిమాలు చేస్తూ వస్తున్నారు. కమర్షియల్ సినిమాల్లో కూడా ఏదో ఒక రకమైన మెసేజ్ ఉండేలాగా చూసుకుంటున్నారు.

భరత్ అనే నేను నుండి, ఇటీవల వచ్చిన సర్కారు వారి పాట సినిమా వరకు ప్రతి సినిమాతో ఏదో ఒక మెసేజ్ ఇచ్చారు. దాంతో మహేష్ బాబుని మెసేజ్ బాబు అంటూ కామెంట్స్ కూడా చేశారు. అయితే ఇప్పుడు వీటన్నిటికీ దూరంగా ఒక మంచి కమర్షియల్ సినిమా చేయాలి అనే ఉద్దేశంతో త్రివిక్రమ్ శ్రీనివాస్ దర్శకత్వంలో వస్తున్న గుంటూరు కారం సినిమాలో ఒక డిఫరెంట్ పాత్రలో మహేష్ బాబు నటించబోతున్నారు.

ఈ సినిమాలో వైరా వెంకట రమణారెడ్డి అనే పాత్రలో మహేష్ బాబు కనిపిస్తారు. ఎమోషన్స్ తో పాటు, యాక్షన్ కూడా ఈ సినిమాలో ఉంటుంది అని సమాచారం. అయితే హీరోలు అన్న తర్వాత వారి మీద ట్రోల్స్ రావడం సహజం. మహేష్ బాబు మీద కూడా తక్కువగా రాలేదు. అందులోనూ ముఖ్యంగా మహేష్ బాబు డాన్స్ మీద కామెంట్స్ వచ్చాయి. “మూమెంట్ ఉండదు” అని, “రోబో డాన్స్ వేసినట్టు ఉంటుంది” అని, ఇలా ఎన్నో రకమైన కామెంట్స్ వచ్చాయి.

బ్రహ్మోత్సవం సినిమాలో బాలా త్రిపుర మణి పాటలో మహేష్ బాబు వేసిన స్టెప్స్ కి అయితే థియేటర్లలో జనం పగలబడి నవ్వారు. సినిమా రివ్యూలు ఇచ్చే వాళ్ళు కూడా ఈ స్టెప్ మీద కామెంట్ చేశారు. అయితే సరిలేరు నీకెవ్వరు సినిమా నుండి మహేష్ బాబు డాన్స్ లో కూడా తనని తాను మెరుగుపరుచుకుంటూ వచ్చారు. ఆ సినిమాలో మైండ్ బ్లాక్ పాటలో మహేష్ బాబు డాన్స్ చేశారు. ఆ తర్వాత సర్కారు వారి పాట సినిమాలో కూడా కొన్ని పాటల్లో డాన్స్ వేశారు.

ఇప్పుడు గుంటూరు కారం సినిమా నుండి వచ్చిన కుర్చి మడత పెట్టి పాటలో కూడా మహేష్ బాబు డాన్స్ వేస్తున్నట్టు అర్థం అవుతుంది. ఇంకొక విషయం ఏంటంటే, ఈ పాటలన్నిటికీ శేఖర్ మాస్టర్ కొరియోగ్రఫీ చేశారు. సరిలేరు నీకెవ్వరు సినిమా తర్వాత నుండి చాలా మంది మహేష్ బాబు అభిమానులు, “మా హీరో చేత డాన్స్ వేయించారు. థాంక్యూ” అంటూ శేఖర్ మాస్టర్ కి కామెంట్స్ పెట్టారు.

ఇప్పుడు ఈ పాట చూశాక, అంతకుముందు బ్రహ్మోత్సవం సినిమాకి చేసిన కామెంట్స్ ని గుర్తు చేసుకొని చాలా మంది, “ఒకప్పుడు ఏ విషయానికి అయితే ట్రోల్ చేశారో, ఇప్పుడు అదే విషయానికి పొగుడుతున్నారు” అంటూ కామెంట్స్ చేస్తున్నారు. ముందు సినిమాలతో పోలిస్తే గత కొంత కాలం నుండి మహేష్ బాబు డాన్స్ మూమెంట్స్ కూడా మెరుగుపడ్డాయి అంటూ చాలా మంది మహేష్ బాబుని పొగుడుతూ కామెంట్స్ చేస్తున్నారు.

watch video :