Filmy Adda

సూపర్ స్టార్ మహేష్ బాబు వరుస ప్రాజెక్టులతో బిజీగా ఉన్నారు. ఇప్పటివరకు మాస్ లో కూడా క్లాస్ సినిమాలు చేస్తూ వచ్చిన మహేష్ బాబు మొదటిసారి పక్కా మాస్ ఓరియంటెడ్ గుంటూరు కారం చిత్రం త్రివిక్రమ్ తో చేస్తున్నారు. మాటల మాంత్రికుడు మరియు సూపర్ స్టార్ కాంబోలో ముచ్చటగా మూడోసారి వస్తున్న చిత్రం కావడంతో ఈ మూవీపై అంచనాలు భారీగా ఉన్నాయి.

దీనితో పాటుగా మహేష్ బాబు రాజమౌళితో మరో చిత్రం చేయబోతున్న విషయం తెలిసిందే. దీనికి సంబంధించి జక్కన్న మహేష్‌కు తనదైన శైలిలో స్పెషల్ ట్రైనింగ్ ప్రోగ్రామ్ కూడా ప్లాన్ చేశారట. మరి జక్కన్న మూవీ అంటే హీరోకి ఆ మాత్రం హోంవర్క్ కామనే కదా. ఈ మూవీకి సంబంధించిన స్క్రిప్ట్ వర్క్ మరియు ప్రీ ప్రొడక్షన్ పనులు శరవేగంగా జరుగుతున్నాయి.

రాజమౌళి గురించి ప్రత్యేకంగా చెప్పాల్సిన పనిలేదు.. ఒక సినిమా తీసుకున్నాడు అంటే రోజులు వారాలు ,వారాలు నెలలు ,నెలలు సంవత్సరాలుగా ఎప్పుడు మారుతాయో యాక్టర్స్ కి కూడా తెలియదు. పర్ఫెక్షన్ వస్తే తప్ప ఏ సీన్ ను ఒప్పుకొని రాజమౌళి సంగతి ఇంతకుముందు అతనితో పని చేసిన ఎందరో స్టార్ హీరోలు ఇంటర్వ్యూలో పేర్కొని ఉన్నారు.

హీరోలకు వంద కండిషన్లు పెట్టి మూవీ మొదలు పెడతాడు జక్కన్న. హీరో లుక్ బయటికి రాకూడదు, సినిమా పూర్తి అయ్యేంతవరకు ఎక్కువగా ఈవెంట్స్ కి వెళ్ళకూడదు, మరో చిత్రంలో అస్సలు నటించకూడదు…ఇలా జక్కన్న పండంటి చిత్రానికి 12 పైనే కండిషన్స్ ఉంటాయి.

అంతేకాకుండా సినిమాలో జరగబోయే యాక్షన్ సన్నివేశాల కోసం హీరోకు ముందుగానే స్పెషల్ ట్రైనింగ్ ఇవ్వడం జరుగుతుంది. బాహుబలి లో బాహుబలి, కట్టప్ప ,బల్లాలదేవుడు లాంటి యుద్ధ సన్నివేశాలైన ఆర్ఆర్ఆర్‌లో రామ్ చరణ్ మరియు ఎన్టీఆర్ చేసిన ఫీట్ అయిన థియేటర్‌లో చూస్తుంటే ఆడియన్స్‌కి ఒక రకమైన గూస్ బంప్స్ వస్తాయి. ఎందుకంటే ఎన్నో కసరత్తులు చేసి వాళ్లు ఆ సీన్ చేస్తారు కాబట్టి.

అయితే రాబోయే తన చిత్రం కోసం మహేష్ బాబుకు కూడా ఈ సంవత్సరం డిసెంబర్ నుంచి వచ్చే సంవత్సరం ఫిబ్రవరి వరకు అంటే ముచ్చటగా మూడు నెలలు ట్రైనింగ్ సెక్షన్ ఉండబోతుంది. జక్కన్న ట్రైనింగ్ అంటే మామూలుగా ఉండదు అందుకే మహేష్ బాబు ముందు జాగ్రత్తగా త్రివిక్రమ్ ను గుంటూరు కారం సినిమాను నవంబర్ లోపు పూర్తి చేయమని కండిషన్ పెట్టినట్టు టాక్.
ఎంకి పెల్లి సుబ్బి చావుకు వచ్చిందని రాజమౌళి ట్రైనింగ్ త్రివిక్రమ్ సినిమాకు టైం బోంబ్‌లా తయారయింది.

ఐకాన్ స్టార్ అల్లు అర్జున్ హీరోగా సుకుమార్ ద‌ర్శ‌క‌త్వంలో తెరకెక్కుతున్న చిత్రం ‘పుష్ప 2 ది రూల్’. పాన్ ఇండియా మూవీగా తెరకెక్కుతున్న ఈ మూవీని మైత్రీ మూవీ మేకర్స్, ముత్తం శెట్టి మీడియా సంయుక్తంగా నిర్మిస్తున్నారు.

అభిమానులు మరియు ప్రేక్షకులు పుష్ప 2 కోసం చాలా ఆస‌క్తితో ఎదురు చూస్తున్నారు. సుకుమార్ తెరకెక్కించే చిత్రాలలో ఐటెమ్ సాంగ్స్ చాలా ప్ర‌త్యేకంగా ఉంటాయనే విషయం తెలిసిందే. తాజాగా పుష్ప 2 ఐటెమ్ సాంగ్ గురించిన ఒక వార్త సోషల్ మీడియాలో వైరల్ అవుతోంది.  ఆ వివరాలు ఇప్పుడు చూద్దాం..
రెండు పార్టులుగా ప్లాన్ చేసిన పుష్ప ఫస్ట్ పార్ట్ ‘పుష్ప ది రైజ్’ టైటిల్ తో రిలీజ్ అయ్యి పాన్ ఇండియా లెవెల్ లో బ్లాక్ బ‌స్ట‌ర్ హిట్ గా నిలిచింది. బాక్సాఫీస్ దగ్గర రూ.300 కోట్ల వసూళ్లు సాధించింది. కలెక్షన్స్ ప‌రంగా మాత్రమే కాకుండా అల్లు అర్జున్ లుక్‌, యాక్ష‌న్‌, సాంగ్స్, హీరో మేన‌రిజ‌మ్ లాంటివన్నీ బాగా పాపుల‌ర్ అయ్యాయి. పుష్ప ది రైజ్ సినిమాలో స్టార్ హీరోయిన్ స‌మంత‌ మొదటిసారి ఐట‌మ్ సాంగ్ లో నటించింది. ‘ఊ అంటావా మావ’సాంగ్ తో సమంత మెప్పించింది. అలాగే ఈ పాట ఎంత పాపుల‌ర్ అయ్యిందో తెలిసిందే.
ఇక ఇప్పుడు ‘పుష్ప 2 ది రూల్’లో ఊ అంటావా సాంగ్ ను మించే విధంగా ఐటెం సాంగ్ ను సుకుమార్‌ ప్లాన్ చేస్తున్నారని తెలుస్తోంది. ఎప్ప‌టిలాగానే మ్యూజిక్ డైరెక్టర్ దేవిశ్రీ ప్ర‌సాద్ త‌న‌దైన శైలిలో పుష్ప 2 మూవీలోని ఐట‌మ్ సాంగ్‌కి మంచి ట్యూన్ ఇచ్చారని, ఆ సాంగ్ లో బాలీవుడ్ హీరోయిన్ ఊర్వ‌శీ రౌతేలా నర్తించనుందని కొన్ని రోజుల ముందు టాక్ వచ్చింది. అయితే తాజాగా పుష్ప 2 మూవీ గురించి మ‌రో వార్త సోషల్ మీడియాలో వైర‌ల్ గా మారింది. ఆ వార్త ఏమిటంటే ఐటెమ్ సాంగ్ చేయడం కోసం ఊర్వ‌శీ రౌతేలా రూ.6 కోట్లు రెమ్యూనరేషన్ డిమాండ్ చేసింద‌ట‌.

ప్రస్తుతం ఊర్వ‌శీ రౌతేలాకు మంచి క్రేజ్‌ ఉండడం, పుష్ప 2 పాన్ ఇండియా మూవీగా రూపొందుతున్న నేపథ్యంలో ఆమె డిమాండ్ కు మేక‌ర్స్ అంగీకరించారని టాక్ వినిపిస్తోంది. ఈ పాట సెట్ కోసం మినిమం కోటి రూపాయ‌ల వరకు ఖ‌ర్చు చేస్తారట. అంటే పుష్ప 2 టీమ్ ఒక ఐటెమ్ సాంగ్ కోసం 7 కోట్ల‌ రూపాయలను ఖ‌ర్చు పెడుతుందని సినీ వర్గాల్లో వినిపిస్తోంది.

Also Read: ఈ హీరోయిన్స్ కొడుకులు కూడా హీరోలే.. అందరికీ తెలిసిన వారేనా..?

ఈతరం వారికి తెలియకపోయినా ఇంతకు ముందు తరం వారికి మధుబాల సుపరిచితురాలు. ఒకానొక సమయంలో అటు తమిళ్ ఇటు తెలుగు మరియు హిందీ ఇండస్ట్రీలలో నటిగా మంచి గుర్తింపు తెచ్చుకొని వరుస సినిమాలు చేసిన నటి మధుబాల. ఒక దశకం పాటు ఇండస్ట్రీలో హీరోయిన్ గా కొనసాగినటువంటి ఈమె చాలా కాలంగా ఇండస్ట్రీకి దూరమయ్యారు.

తిరిగి ప్రస్తుతం సపోర్టింగ్ రోల్స్ తో తన సెకండ్ ఇన్నింగ్స్ మొదలు పెట్టింది మధుబాల. ఇప్పుడు స్వీట్ కారం కాఫీ అనే వెబ్ సిరీస్ తో ప్రేక్షకుల ముందుకు వచ్చింది. ఈ సిరీస్ కు సంబంధించిన ప్రమోషన్ ఈవెంట్స్ లో భాగంగా ఓ ఇంటర్వ్యూలో పాల్గొన్నా మధు బాల తను సినీ ఇండస్ట్రీకి దూరంగా ఉండడానికి గల కారణాల గురించి వివరించారు.

1991లో అజయ్ దేవగన్ హీరోగా పూల్ ఔర్ కాటే అనే చిత్రం ద్వారా బాలీవుడ్ మూవీతో మధుబాల ఇండస్ట్రీలో హీరోయిన్‌గా పరిచయమయ్యారు. ఆ తరువాత హిందీలోనే కాకుండా ఇటు తెలుగు అటు తమిళ్ సినిమాల్లో కూడా ఎందరో స్టార్ హీరోల సరసన మధుబాల నటించారు. అయితే ఏ హీరోతో అయితే తన కెరీర్ ను మొదలుపెట్టిందో అదే హీరోకి తల్లి పాత్ర చేసే అవకాశం రావడంతో అది నచ్చక ఆ సినిమాలో నటించిన చేపేసిందట.

ఇక సినిమాల్లో చేయకూడదు అనుకుని తగు కారణం కోసం వెతికిన మీకు పెళ్లి మంచి కారణంగా దొరికిందని ఆ తరువాత ఇండస్ట్రీలో తనకు తెలిసిన వాళ్లందరికీ లెటర్స్ రాసి ఇక సినిమాలు చేయడం లేదని తెలియపరచినట్టు మధుబాల చెప్పారు. అయితే అప్పట్లో హీరోయిన్స్ కి పెద్దగా అవకాశాలు వచ్చేవి కాదని…అప్పటితో పోలిస్తే ప్రస్తుతం సినీ ఇండస్ట్రీ ఎన్నో మార్పులు రావడంతో చాలా అడ్వాన్స్‌డ్ గా ఉందని అది ఎంతో సంతోషించదగ్గ విషయమని మధుబాల అన్నారు. ప్రస్తుతం మధుబాల చేసిన ఈ కామెంట్స్ బాగా వైరల్ అయ్యాయి.

నయనతార మరియు విగ్నేష్ దంపతులు ఇప్పుడు సరికొత్త వివాదంలో చిక్కుకున్నారు. విగ్నేష్ కుటుంబం యొక్క ఉమ్మడి ఆ విషయంలో ఈ జంటపై కేసు నమోదు అయినట్లు తెలుస్తుంది. విగ్నేష్ శివన్ తండ్రి శివ కొళుదు వాళ్లు 9మంది అన్నదమ్ములు. వీరు తిరుచ్చి జిల్లాలోని లాల్ గుడి గ్రామం వాస్తవ్యులు. పోలీస్ ఇన్ఫర్మేివ్ గా పనిచేస్తున్న విఘ్నేశ్ తండ్రి కొంత కాలం క్రితం చనిపోయారు.

ఆయన బతికి ఉన్న రోజుల్లో అన్నదమ్ములకు తెలియకుండా ఉమ్మడి ఆస్తిని ఇతరులకు అమ్మాడని ఆయన సోదరులు మాణిక్యం మరియు కుంజిత పాదం ఆరోపించడం జరిగింది. ఇదే విషయంపై విగ్నేష్ దంపతులతో పాటు అతని మొత్తం కుటుంబ సభ్యులపై తిరుచ్చి పోలీసులకు ఫిర్యాదు కూడా చేశారు.

అంతేకాకుండా మోసపూరితంగా ఆస్తిని కొనుగోలు చేసిన వారి దగ్గర నుంచి తమ ఆస్తిని తిరిగి ఇప్పించే విధంగా చర్యలు తీసుకోవాలని వారు డిమాండ్ చేశారు. ఈ నేపథ్యంలో వారు విగ్నేష్ ,అతని తల్లి మీనా కుమారి, సోదరీ ఐశ్వర్య మరియు భార్య నయనతారలపై చర్యలు తీసుకోవాల్సిందిగా తమ ఫిర్యాదులో పేర్కొన్నారు. ఈ మేరకు డిఎస్పి పోలీసులకు కేసు దర్యాప్తు చేయవలసిందిగా ఆదేశాలు కూడా జారీ చేశారు.

అయితే ప్రస్తుతం ఈ విషయం తమిళ్ ఇండస్ట్రీలో పెద్ద టాప్ గా మారింది. ఏడేళ్ల పాటు ప్రేమించుకొని పెళ్లి చేసుకున్న వీరు పెళ్లయింది మొదలుకొని ఏదో ఒక వివాదంలో చెప్పుకోవడం అభిమానులకు బాధగా ఉంది. పెళ్లి అయిన వెంటనే తిరుమల శ్రీవారి దర్శనం కోసం వెళ్లి మాడవీధులలో చెప్పులతో సంచరించడంపై అప్పట్లో ఈ జంటపై తీవ్ర స్థాయి విమర్శలు వెల్లువెత్తడంతో క్షమాపణ చెప్పి బయటపడ్డారు.

ఆ తర్వాత పెళ్లి అయ్యి నాలుగు నెలలు కూడా పూర్తికాకముందే కవలలకు తల్లిదండ్రులని ప్రకటించడంతో సరోగసి నిబంధనలు ఉల్లంఘించారని తమిళనాడు ప్రభుత్వం వీరిపై విచారణకు ఆదేశించింది. ఈ క్రమంలో ఐదేళ్ల క్రితమే పెళ్లయింది అని.. సరోగసి చట్టంలోని అన్ని నిబంధనలు పాటించామని ఆధారాలు చూపించి వివాదంలో నుంచి బయటపడ్డారు. మరి ఇప్పుడు తాజాగా ఈ ఉమ్మడి ఆస్తి వివాదం మరొకసారి ఈ జంటకు పెద్ద తలనొప్పిగా మారింది.

ప్రస్తుతం సినీ ఇండస్ట్రీలో ట్రెండ్ మారింది. భారీ అంచనాల మధ్య రిలీజ్ అయిన భారీ బడ్జెట్ సినిమాలు ఆడియెన్స్ ముందుకు వచ్చి ఊహించని విధంగా బాక్సాఫీస్ వద్ద డిజాస్టర్లు అవుతున్నాయి. కానీ అదే టైమ్ లో ఎలాంటి అంచనాలు లేకుండా రిలీజ్ అయిన చిన్న సినిమాలు ప్రొడ్యూసర్లకు కోట్లలో లాభాలను సాధిస్తున్నాయి.

అలాంటి చిత్రాల లిస్ట్ లో తాజాగా ‘సామజవరగమన’ చేరింది. యంగ్ హీరో శ్రీవిష్ణు నటించిన సామజవరగమన రీసెంట్ గా రిలీజ్ అయ్యి, సూపర్ హిట్ గా నిలిచింది. అయితే ఈమూవీలో మొదట అనుకున్నది అతన్ని కాదట. మరి ఈ సూపర్ హిట్ ను వదులుకున్న అన్ లక్కీ హీరో ఎవరో ఇప్పుడు చూద్దాం..
యంగ్ అండ్ టాలెంటెడ్ హీరో శ్రీవిష్ణు డిఫరెంట్ సినిమాలలో నటిస్తూ, ఇండస్ట్రీలో కొనసాగుతున్నాడు. కానీ కొంత కాలంగా ఆయన నటించిన సినిమాలు ఆశించిన విజయాన్ని అందుకోలేకపోయాయి. మంచి హిట్ కోసం ఎదురు చూస్తున్న శ్రీవిష్ణు ‘సామజవరగమన’ మూవీతో ఆడియెన్స్ ముందుకు వచ్చాడు. ఈ మూవీ మొదటి షో నుండి పాజిటివ్ టాక్ తో దూసుకెళ్లింది. ఎలాంటి అంచలనాలు లేని ఈ మూవీ సూపర్ హిట్ అయ్యింది. ఫ్యామిలీ ఎంటర్టైనర్ గా రూపొందిన ఈ చిత్రంలో శ్రీవిష్ణు, సీనియర్ నరేష్ నటన ప్రేక్షకులను ఎంతగానో ఆకట్టుకుంది. కడుపుబ్బా నవ్వించే కామెడీ సీన్స్ తో ఉన్న ఈ మూవీ ఆడియన్స్ ను ఎంతగానో అలరిస్తోంది. ఇక ఈ మూవీ శ్రీవిష్ణు కెరీర్ లో బిగ్గెస్ట్ కలెక్షన్స్ సాధించిన మూవీగా నిలిచింది. ఇదిలా ఉంటే ఈ చిత్రంలో ముందుగా అనుకున్న హీరో శ్రీవిష్ణు కాదంట. యంగ్ హీరో సందీప్ కిషన్ అట. దర్శకుడు రామ్ అబ్బరాజు ఈ మూవీని సందీప్ తో చేయాలని అనుకుంటే ఆ సమయంలో సందీప్ మైఖేల్ మూవీతో బిజీగా ఉండి, ఈ సినిమాకి నో చెప్పారట. అలా ఈ సినిమా శ్రీవిష్ణు దగ్గరికి వచ్చిందని తెలుస్తోంది. సందీప్ ఒక సూపర్ హిట్ సినిమాను ను మిస్ అయ్యాడు.

Also Read: “రుద్రవీణ” సినిమా జనాలకి ఎలా అర్ధం అయ్యింది..? ఈ నెటిజెన్ చెప్పిన సమాధానం చూస్తే హ్యాట్సాఫ్ అనాల్సిందే..!

‘బాహుబలి ’ సినిమాలతో పాన్ ఇండియా ఇమేజ్ సొంతం చేసుకున్న ‘ప్రభాస్’ రీసెంట్ గా ‘ఆదిపురుష్’ తో ప్రేక్షకుల ముందుకు వచ్చాడు. మిక్స్డ్ టాక్ వచ్చినప్పటికీ తొలి వారం భారీ కలెక్షన్స్ సాధించింది. కానీ మూవీ పై వచ్చిన విమర్శలు, వివాదాలు వసూళ్ల పై ప్రభావం చూపింది. తాజాగా రిలీజ్ అయిన ‘సలార్’ టీజర్‌‌‌లో ప్రభాస్ పాత్రను ‘ది మోస్ట్ వయొలెన్స్ మ్యాన్’ గా మేకర్స్ పరిచయం చేశారు.

అయితే సలార్ టీజర్‌ ను ‘ది కశ్మీర్ ఫైల్స్’ దర్శకుడు వివేక్ అగ్నిహోత్రి లౌడ్ సౌండ్‌తో ఉన్న నాన్సెన్స్ యాక్షన్‌‌ అని పేర్కొన్నారు. అది మాత్రమే కాకుండా హీరో ప్రభాస్ పేరు చెప్పకుండా ఆయన నటన పై ట్వీట్ చేశాడు. దాంతో ఆ ట్వీట్ ప్రస్తుతం సోషల్ మీడియాలో వైరల్ గా మారింది.
పాన్ ఇండియా స్టార్ ప్రభాస్ డైరెక్టర్ ప్రశాంత్ నీల్ దర్శకత్వంలో నటిస్తున్న మూవీ ‘సలార్’. ఈ చిత్రంలో శృతి హాసన్ హీరోయిన్ గా నటిస్తోంది. తాజాగా ఈ మూవీ టీజర్‌‌‌ ను రిలీజ్ చేశారు. రిలీజ్ అయిన 24 గంటల్లో 83 మిలియ‌న్ల వ్యూస్‌ తో రికార్డులు సృష్టించింది. ఈ చిత్రం పై భారీ అంచనాలు ఉన్నాయి. కాగా ఈ మూవీ సెప్టెంబర్ 28న రిలీజ్ కానుంది. సలార్ టీజర్ పై ‘ది కశ్మీర్ ఫైల్స్’ డైరెక్టర్ వివేక్ అగ్నిహోత్రి చేసిన కామెంట్స్ నెట్టింట్లో వైరల్ అవుతున్నాయి. దర్శకుడు అగ్నిహోత్రి తన ట్వీట్‌లో ‘ఎవరు హింసాత్మకంగా పుట్టరు. పిల్లల మనసులను శాంతి వైపు  ప్రేరేపించాల్సిన ఇండస్ట్రీ సెలెబ్రెటీలు, ప్రసిద్ధ సాహిత్యం, సినీ రాజకీయాల్లోని హింసను గ్లామరైజ్ చేయడం ద్వారా మార్చేస్తున్నారు. ఇటువంటి హింసాత్మక లోకంలో సృజనాత్మక స్పృహ ఒకటే పరిష్కారం’ అని తెలిపారు.
ఆ ట్వీట్ కి  కొనసాగింపుగా, ‘ప్రస్తుతం చిత్రాలలో మితిమీరిన హింసను గ్లామరైజ్ చేయడం, అలాగే అర్థంలేని చిత్రాలను ప్రమోట్ చేయడాన్ని ప్రతిభగా పరిగణిస్తున్నారు. అసలు యాక్టర్ కాని వ్యక్తిని అతి పెద్ద స్టార్‌గా ప్రమోట్ చేయడం అనేది అతిపెద్ద ప్రతిభగా గుర్తిస్తున్నారు. ఇక ఆడియెన్స్ కి ఏమి తెలియదని అనుకోవడం అన్నింటికంటే బిగ్గెస్ట్ టాలెంట్ అని అగ్నిహోత్రి ట్వీట్ చేశారు.

Also Read: సలార్, KGF, డీజే..! ఈ వీడియో చూస్తే నవ్వాపుకోలేరు..!

రెబల్ స్టార్ ప్రభాస్, కృతి సనన్ ప్రధాన పాత్రలలో చిత్రం ‘ఆదిపురుష్’. రామాయణం ఆధారంగా రూపొందిన ఈ సినిమా రిలీజ్ కు ముందు నుండే వివాదాలకు, విమర్శలకు కేంద్రబిందువుగా మారింది. టీజర్ తో మొదలైన విమర్శలు మూవీ రిలీజ్ అయిన తరువాత మరింతగా పెరిగాయి.

ఆడియెన్స్ నుండి ప్రముఖుల వరకు దర్శకుడు ఓం రౌత్ ను, డైలాగ్స్ రచయిత మనోజ్ శుక్లాను తీవ్రంగా విమర్శిస్తున్నారు. ముఖ్యంగా హనుమంతుడు చెప్పిన డైలాగ్స్ పై తీవ్ర అభ్యంతరం వ్యక్తం చేశారు. దాంతో ఆ డైలాగ్స్ మారచడం జరిగింది. తాజాగా ఆదిపురుష్ రైటర్ మనోజ్ శుక్లా ట్వీట్ చేశారు. ఆ వివరాలు ఇప్పుడు చూద్దాం..
ప్రభాస్ రాముడిగా నటించిన ‘ఆదిపురుష్’ లో సీతగా కృతి సనన్, రావణాసురుడిగా సైఫ్ అలీఖాన్ నటించారు. ఈ చిత్రం జూన్ 16న విడుదల అయ్యింది. మొదటి షో నుండే మూవీలో పాత్రల ఆహార్యం పై, డైలాగ్స్ పై నెటిజన్లు, ఆడియెన్స్ సినిమాపై, దర్శకుడు ఓం రౌత్ పై తీవ్రమైన విమర్శలు, ట్రోల్స్ చేశారు.
ఈ చిత్రంలోని హనుమంతుడు చెప్పే డైలాగ్స్ తప్పుగా ఉన్నాయని సోషల్ మీడియాలో ఆదిపురుష్ యూనిట్ పై, రచయిత నెటిజెన్లు మండిపడ్డారు. ఆ డైలాగ్స్ పై పెద్ద ఎత్తున వివాదం వచ్చింది. పలు కోర్టులలో పీటీషన్లు కూడా వేశారు. బ్యాన్ చేయాలనే నిరసనలు చేశారు. మొన్నటివరకు ఈ డైలాగ్స్ ని రాసిన రైటర్ మనోజ్ శుక్ల సమర్ధించుకున్నాడు. ఆ తరువాత అతని పై మరింత ట్రోలింగ్ పెరిగింది. మనోజ్ శుక్ల మనోజ్ ముతాంషీర్ పేరుతో కూడా చాలా గుర్తుంపు సంపాదించుకున్నారు. తాజాగా ఆయన తన సోషల్ మీడియా ఖాతా నుండి ట్వీట్ చేశారు. అందులో, “ఆదిపురుష్ సినిమా వల్ల ప్రజల భావోద్వేగాలు దెబ్బతిన్నాయి అనే విషయాన్ని నేను అంగీకరిస్తున్నాను. చేతులు జోడించి మీకు క్షమాపణలు చెప్తున్నాను. ప్రభు బజరంగ్ బలి మనందరినీ ఐక్యంగా ఉంచి, మన పవిత్రమైన సనాతన ధర్మానికి, మన గొప్ప దేశానికి సేవ చేసే శక్తిని ప్రసాదించాలి అని వేడుకుంటున్నాను”. అని మనోజ్ శుక్ల రాసుకొచ్చారు.

Also Read: “ఐదుగురు వచ్చి దాడి చేశారు..!” అంటూ… “రాకేష్ మాస్టర్” భార్య కామెంట్స్..? ఏం జరిగిందంటే..?

ప్రముఖ కొరియోగ్రాఫర్‌ రాకేశ్‌ మాస్టర్‌ ఇటీవల కన్నుమూసిన విషయం తెలిసిందే. అయితే రాకేశ్‌ మాస్టర్‌ చనిపోయిన అనంతరం కూడా ఆయన పేరుతో ఇంకా వివాదాలు జరుగుతున్నాయి. రాకేష్‌ మాస్టర్‌ మూడవ భార్య లక్ష్మి మీద తాజాగా కొంతమంది దాడి చేశారు.

హైదరాబాద్‌ పంజాగుట్టలో లక్ష్మి మీద శుక్రవారం ఒక్కసారిగా ఐదుగురు మహిళలు దాడి చేశారు. యూట్యూబర్ లల్లీ మరో నలుగురితో కలిసి లక్ష్మి మీద దాడి చేసినట్టు తెలుస్తోంది. ఆ వివరాలు ఏమిటో ఇప్పుడు చూద్దాం..
రాకేష్ మాస్టర్ ఇంటికి వంట చేయడం కోసం వచ్చిన లక్ష్మిని మాస్టర్ తన భార్యగా అందరికి చెప్పిన విషయం తెలిసిందే. రాకేష్ మాస్టర్ లక్ష్మితో సరదాగా మాట్లాడుతూ, తనతో సహజీవనం చేస్తున్నానని ఆయన గతంలో తన యూట్యూబ్ ఛానెల్ వీడియోలలో చెప్పారు. అయితే, ఆ యూట్యూబ్ ఛానెల్‌ను రాకేష్ మాస్టర్ నుండి లక్ష్మి లాక్కున్నారని ఆరోపణలు వినిపిస్తున్నాయి. లక్ష్మి రాకేష్ మాస్టర్‌తో 3 సంవత్సరాలు సహజీవనం చేసిన తరవాత వారిద్దరూ గొడవలతో విడిపోయారని తెలుస్తోంది.
రాకేష్ మాస్టర్ నుంచి లాక్కున్న ఛానెల్ కోసం ఆయన ఫ్యామిలీ మెంబర్స్ ప్రయత్నిస్తున్నారని, వారికి యూట్యూబర్ లల్లీ హెల్ప్ చేస్తున్నట్టు తెలుస్తోంది. ఈ క్రమంలోనే లక్ష్మికి, లల్లీకి, మధ్య గొడవలు అవుతున్నట్టు తెలుస్తోంది. శుక్రవారం నాడు లక్ష్మి స్కూటర్‌ పై వెళ్తున్న సమయంలో అడ్డగించి లల్లీ, ఇంకో నలుగురు మహిళలు లక్ష్మి పై దాడి చేశారని, ఇష్టం వచ్చినట్టుగా చితక్కొట్టారని, ఆ సమయంలో స్థానికులు పోలీసులకు ఫోన్ చేసి విషయం చెప్పడంతో పోలీసులు వెంటనే సంఘటనా స్థలానికి చేరుకున్నారు.
లక్ష్మిని పోలీస్ స్టేషన్‌​కు తరలించగా, ఆమె తనపై దాడి చేసిన వారి పై పోలీస్‌ స్టేషన్‌లో ఫిర్యాదు చేసింది. ఆ తరువాత మీడియాతో లక్ష్మీ ఇలా చెప్పుకొచ్చారు. ‘తనను 2 నెలలుగా చంపేస్తామని బెదిరిస్తున్నారని, ఇవాళ తన మీద దాడి చేశారని, నెల్లూరు భారతి అనే మహిళ ఇలా చేయించిందని ఆరోపించారు. తన యూట్యూబ్ ఛానెల్ ను వదిలివేయాలని కొన్ని రోజుల నుండి  బెదిరిస్తున్నారు. తన పై దాడి చేసిన వారిలో లల్లీ, పెరుగు పెద్దమ్మ,  నెల్లూరుకు చెందిన భారతి, దుర్గ, మరో మహిళ ఉన్నారు’ అని  వెల్లడించారు.

watch video : 

Also Read: చంటి సినిమాలో మీనా పడుకున్న మంచం వాడితే ఏ సినిమా అయినా సూపర్ హిట్..!!