Filmy Adda

‘ఆదిపురుష్‌’ సినిమా కోసం తెలుగు ప్రేక్షకులు మాత్రమే కాకుండా దేశవ్యాప్తంగా ఎదురుచూస్తున్నారు. ఈ సినిమాలో  ప్రభాస్‌ తొలిసారిగా రాముడిగా నటిస్తున్నారు. బాలీవుడ్ హీరోయిన్  కృతి సనన్ సీతగా, రావణాసురుడిగా ప్రముఖ హిందీ హీరో సైఫ్ అలీ ఖాన్ నటిస్తున్నారు.

‘ఆదిపురుష్‌’ సినిమా శుక్రవారం నాడు (జూన్‌ 16)  ప్రపంచవ్యాప్తంగా విడుదల కానుంది. ప్రస్తుతం సోషల్ మీడియాలో ఆదిపురుష్‌ ట్రెండింగ్‌లో ఉంది. ఈ చిత్రం పై ఎన్నో విమర్శలు వివాదాలు వచ్చాయి. అందరికన్నా ఎక్కువగా ఈ సినిమాని తెరకెక్కించిన దర్శకుడు ఓంరౌత్‌ ను ఎక్కువగా ట్రోల్ చేస్తున్నారు. దర్శకుడు ఓం రౌత్‌  గురించి ఇప్పుడు చూద్దాం..
పురాణ గాథలను, ఇతిహాసాలను మూవీగా తెరకెక్కించడం అంటే ఆ డైరెక్టర్ కి కత్తిమీద సాములాంటిదే. స్టోరీలో ఎలాంటి మార్పులు చేసినా చరిత్రకారుల విమర్శల ఎదరోకోవాల్సి వస్తుంది. అలా అనుకుని ఇంట్రెస్టింగ్ చూపించకపోతే ఆడియెన్స్ ను మెప్పించలేరు. అందువల్ల ఇటువంటి కథలను ఎంచుకునే ముందు దర్శకులు ఎక్కువగా ఆలోచిస్తారు. ఎన్నో ఏళ్ల అనుభవం కలిగిన డైరెక్టర్లు మాత్రమే ఇలాంటి సినిమాలను తెరకెక్కిస్తారు. అయితే  ఆదిపురుష్‌ తీసిన దర్శకుడు 2 చిత్రాలను తీసిన అనుభవంతోనే భారీ బడ్జెట్‌తో ‘ఆదిపురుష్‌’ ను తెరకెక్కించాడు. ఓంరౌత్‌ ముంబైలో పుట్టి, పెరిగారు. ఎలక్ట్రానిక్స్ ఇంజనీరింగ్‌లో పూర్తి చేసిన తర్వాత ఇండస్ట్రీలో అడుగుపెట్టాడు. ఓంరౌత్‌ తాత డాక్యుమెంటరీ ఫిల్మ్‌మేకర్‌ మరియు ఎడిటర్‌. అందువల్ల ఓంరౌత్‌కు సినిమా పై ఆసక్తి పెరిగింది. దీనికోసం తన చదువు పూర్తయ్యాక, న్యూయార్క్‌లో సిని ఫీల్డ్ కు చెందిన కోర్సులో పోస్ట్‌ గ్రాడ్యుయేషన్‌ చేశాడు. రచయితగా, దర్శకుడిగా కొన్నాళ్ల పాటు ఎమ్‌టీవీ నెట్‌వర్క్‌లో వర్క్ చేశాడు. హాంటెడ్‌-3డీ, సిటీ ఆఫ్‌ గోల్డ్‌ సినిమాలకు  నిర్మాతగా చేశారు.
2015 లో లోకమాన్య: ఏక్ యుగ్ పురుష్  అనే మరాఠీ సినిమాతో ఓంరౌత్‌ డైరెక్టర్ గా మారాడు. డైరెక్టర్ గా మొదటి సినిమాకే ఫిల్మ్‌ఫేర్‌ అవార్డు అందుకున్నారు. 2020లో ఓంరౌత్‌ రెండో సినిమా ‘తానాజీ ‘ తెరకెక్కించారు. ఈ చిత్రంతో   ఓంరౌత్‌కు జాతీయ అవార్డు వచ్చింది. ఇక మూడవ సినిమా రామాయణం ఆధారంగా ‘ఆదిపురుష్‌’  తెరకెక్కించారు. ట్రైలర్ తో ఈసినిమా పై భారీ అంచనాలు ఏర్పడ్డాయి.

Also Read: చిరంజీవి “బిగ్ బాస్” నుండి… మహేష్ బాబు “బ్రహ్మోత్సవం” వరకు… ఈ 12 హీరోల “ఫ్లాప్ సినిమాలు” రీ-రిలీజ్ చేస్తే..?

నట సార్వ భౌమ నందమూరి తారక రామారావుగారు సాధారణ వ్యక్తిగా ఇండస్ట్రీలో అడుగుపెట్టి, అంచెలంచెలుగా ఎదిగి తెలుగులో స్టార్ హీరోగా మారారు. ఆయన జానపద, పౌరాణిక, సాంఘిక చిత్రాలలో నటించి మహానటుడుగా ఎదిగారు.

సినీ రంగంలోనే కాకుండా ఆయన రాజకీయాలలో రాణించారు. ముఖ్యమంత్రిగా పనిచేశారు. రాముడు కృష్ణుడు పేరు చెబితే తెలుగు వారికి కనిపించేది ఆ రూపంలోని ఎన్టీఆర్. ఎన్నో అద్భుత చిత్రాలలో నటించారు. అన్ని రకాల పాత్రలలో నటించారు. ఆయన నటించిన సినిమాలలో సూపర్ మెన్ కూడా ఒకటి. ఆ చిత్రం గురించి ఇప్పుడు చూద్దాం..
తెలుగు సిని పరిశ్రమలో లెజెండరీ నటుడిగా వెలుగోందారు సీనియర్ ఎన్టీఆర్. తెలుగు ఇండస్ట్రీ ఈ స్థాయిలో ఉండడటంలో ఆయన పాత్ర ఎంతగానో ఉంది. అలాంటి ఎన్టీఆర్ సినిమాలలో చేయని పాత్ర అంటూ లేదు. తన చిత్రాలతో తెలుగువారిని అలరించారు. సూపర్ హీరోల సినిమాలు ఇప్పుడు చాలా వస్తున్నాయి. కానీ సీనియర్ ఎన్టీఆర్ 1980 లోనే ఆ తరహా చిత్రంలో నటించారు. ఈ సినిమా గురించి ఇప్పటివారికి అంతగా తెలియక పోవచ్చు.
సూపర్ మెన్ చిత్రంలో సీనియర్ ఎన్టీఆర్, జయప్రద హీరోహీరోయిన్లుగా నటించారు. ఈ చిత్రానికి వి.మధుసూదన్ రావు దర్శకత్వం వహించారు. 1980 లో వచ్చిన సూపర్ మేన్  సినిమాను ఆర్. గోపాల్ నిర్మించాడు.  చక్రవర్తి ఈ చిత్రానికి సంగీతం అందించాడు. ఫిక్షన్ థ్రిల్లర్ ఎంటర్టైనర్ గా తెరకెక్కిన ఈ చిత్రంలో జయమాలిని, కైకాల సత్యనారాయణ, పండరి బాయి ముఖ్యపాత్రలలో నటించారు. తన కుటుంబాన్ని హత్యమార్చిన వారిని వెతికి పట్టుకోవాలనుకునే అబ్బాయి. అంజనేయస్వామిని ప్రార్ధిస్తాడు. ఆంజనేయుడి ఆశీర్వాదాలతో, అతడు అతీంద్రియ శక్తులను పొంది  సూపర్ మేన్ గా మారుతాడు. అయితే అప్పటిదాకా ఎన్నో అద్భుత పాత్రలను పోషించిన ఎన్టీఆర్ కి ఆపాత్ర అంతగా నప్పలేదని, వయసురీత్యా ఆయన సూపర్ మేన్ గా సెట్ అవలేదని టాక్. ఇప్పటివారికి ఆ మూవీని చూసినప్పుడు అలానే అనిపించవచ్చు. ఈ సినిమాలోని పాటలు ఆకట్టుకున్నాయి.

Also Read: చిరంజీవి “బిగ్ బాస్” నుండి… మహేష్ బాబు “బ్రహ్మోత్సవం” వరకు… ఈ 12 హీరోల “ఫ్లాప్ సినిమాలు” రీ-రిలీజ్ చేస్తే..?

తెలుగుతో పాటు తమిళ్ లో, అలాగే హిందీలో కూడా సినిమాలు చేస్తూ దేశవ్యాప్తంగా గుర్తింపు సంపాదించుకున్న నటి తమన్నా భాటియా. తమన్నా ప్రస్తుతం వరుస సినిమాలతో బిజీగా ఉన్నారు. అయితే గత కొంత కాలం నుండి తమన్నా ప్రేమలో ఉన్నారు అనే వార్తలు వస్తున్నాయి.

అది కూడా విజయ్ వర్మ అనే ఒక నటుడిని తమన్నా ప్రేమిస్తున్నారు అనే వార్తలు వచ్చాయి. ఈ విషయంపై ఇప్పటి వరకు తమన్నా స్పందించలేదు. కానీ ఇటీవల ఇచ్చిన ఇంటర్వ్యూలో తమన్నా ఈ విషయంపై మాట్లాడుతూ తాను రిలేషన్ షిప్ లో ఉన్నట్టు చెప్పారు.

విజయ్ వర్మతో తాను ప్రేమలో ఉన్నట్టు తమన్నా తెలిపారు. విజయ్ వర్మ హిందీ నటుడు అయినా కూడా తెలుగు ప్రేక్షకులకు కూడా బాగా తెలిసిన నటుడు. నాని హీరోగా నటించిన ఎంసీఏ సినిమాలో విజయ్ వర్మ విలన్ పాత్రలో నటించారు. నటించింది ఒక్క సినిమా అయినా కూడా తెలుగులో మంచి గుర్తింపు సంపాదించుకున్నారు. హిందీలో పింక్, గల్లీ బాయ్ వంటి ఎన్నో సూపర్ హిట్ సినిమాల్లో నటించారు.

అటు నెగిటివ్ పాత్రలని, ఇటు పాజిటివ్ షేడ్స్ ఉన్న పాత్రలని చాలా సులభంగా పోషిస్తారు విజయ్ వర్మ. తమన్నా, విజయ్ కలిసి ఇటీవల ఒక సిరీస్ లో నటించారు. ఇలా వీరిద్దరికీ పరిచయం ఏర్పడింది. తర్వాత వారిద్దరూ ప్రేమించుకున్నారు. ఇప్పుడు ఈ సిరీస్ విడుదల అవుతోంది. తమన్నా హిందీలో సినిమాలు, సిరీస్ చేయడంతో పాటు తెలుగులో కూడా చిరంజీవితో భోళా శంకర్ సినిమాలో నటిస్తున్నారు.

అంతే కాకుండా మలయాళంలో కూడా ఒక సినిమాలో నటిస్తున్నారు. విజయ్ వర్మ విలన్ పాత్రలో నటించిన దహాడ్ ఇటీవల అమెజాన్ ప్రైమ్ లో విడుదల అయ్యి చాలా మంచి గుర్తింపు సంపాదించుకుంది. తమన్నా వారిద్దరి ప్రేమ గురించి మాట్లాడుతూ, విజయ్ తో తన బంధం చాలా స్పెషల్ అని చెప్పారు. తమన్నా ఈ విషయాన్ని అధికారికంగా ప్రకటించడంతో సోషల్ మీడియా ద్వారా అందరూ తమన్నాకి అభినందనలు తెలుపుతున్నారు.

ఈ మధ్య టాలీవుడ్‌లో రీ-రిలీజ్‌ల హవా నడుస్తుంది. టాలీవుడ్‌ స్టార్‌ హీరోల బర్త్‌డే, స్పెషల్ డే ల సందర్భంగా వాళ్ళ పాత సినిమాలను 4K ప్రింట్‌తో రీ-రిలీజ్‌ చేస్తున్నారు. ఇప్పటికే మహేష్‌బాబు ‘పోకిరి’, పవన్‌ కళ్యాణ్‌ ‘జల్సా’ సినిమాలు వాళ్ళ బర్త్‌డే సందర్భంగా విడుదలై రికార్డు కలెక్షన్‌లు సాధించిన విషయం తెలిసిందే.

మరో వైపు చెన్న కేశవరెడ్డి విడుదలై 20 ఏళ్ళు అయిన సందర్భంగా ఆ చిత్రం కూడా రీ రిలీజ్ అయింది. అయితే ప్రభాస్ బర్త్ డే కి మాత్రం సూపర్ హిట్ సినిమాలైన వర్షం, బిల్లా సినిమా లతో పాటు రెబెల్ చిత్రాన్ని కూడా విడుదల చేస్తున్నారు. అయితే ఇప్పటి వరకు వచ్చిన సినిమాలన్నీ కూడా సూపర్ హిట్ సినిమాలే. సూపర్ హిట్ సినిమాలను రీ రిలీజ్ చేయడం ద్వారా మంచి పాపులారిటీని, మరింతగా వసూళ్లని సొంతం చేసుకుంటున్నారు.

రెబెల్ చిత్రం బాక్స్ ఆఫీస్ దగ్గర ఫ్లాప్ అయిన విషయం తెల్సిందే.. కారణాలేవైనా రెబెల్ సినిమా రీ రిలీజ్ చేయనున్న నేపథ్యం లో తమ అభిమాన హీరోల ఫ్లాప్ మూవీస్ కూడా రీ రిలీజ్ చెయ్యాలని నెటిజన్లు కామెంట్లు చేస్తున్నారు. ఆ లిస్ట్ లో ఏ మూవీస్ ఉన్నాయో చూడండి..

#1 చిరంజీవి – బిగ్ బాస్

విజయ బాపినీడు దర్శకత్వం వహించిన ఈ చిత్రం లో చిరంజీవి సరసన రోజా కథానాయికగా నటించింది.

#2 పవన్ కళ్యాణ్ – అజ్ఞాతవాసి

త్రివిక్రమ్ శ్రీనివాస్ దర్శకత్వంలో పవన్ కల్యాణ్ కథానాయకుడిగా 2018లో విడుదలైన సినిమా. ఇందులో కీర్తి సురేష్, అను ఇమ్మాన్యుయేల్ కథానాయికలుగా నటించారు. ఎన్నో అంచనాల నడుమ రిలీజ్ అయిన ఈ సినిమా ప్లాప్ గా నిలిచింది.

#3 నాగార్జున – భాయ్

యాక్షన్ ఎంటర్టైనర్ గా రిలీజ్ అయిన ఈ చిత్రం లో నాగార్జున సరసన రిచా గంగోపాధ్యాయ్‌ నటించింది.

#4 వెంకటేష్ – సుభాష్ చంద్ర బోస్

హిస్టారికల్ డ్రామా గా దర్శకేంద్రుడు రాఘవేంద్ర రావు తెరకెక్కించిన ఈ చిత్రం లో వెంకటేష్ సరసన శ్రేయ, జెనీలియా నటించారు.

#5 నాని – వి

క్రైమ్ సస్పెన్సు థ్రిల్లర్ అయిన ఈ చిత్రం లో నాని, సుధీర్ బాబు, నివేదా థామ‌స్, అదితి రావు హైదరీ ముఖ్య పాత్రల్లో నటించారు.

#6 బాలకృష్ణ – పరమ వీర చక్ర

దర్శకుడిగా దాసరి నారాయణరావుకు ఇది 150 వ చిత్రం. నందమూరి బాలకృష్ణ, అమీషా పటేల్, షీలా, నేహా ధూపియా, జయసుధ ప్రధాన పాత్రల్లో నటించిన ఈ చిత్రానికి మణి శర్మ సంగీతం అందించాడు

#7 మహేష్ బాబు – బ్రహ్మోత్సవం

శ్రీకాంత్ అడ్డాల తెరకెక్కించిన ఈ కుటుంబ కథ చిత్రం ప్రేక్షకులను ఆకట్టుకోలేకపోయింది.

#8 ఎన్టీఆర్ – శక్తి

భారీ బడ్జెట్ తో తెరకెక్కిన ఈ చిత్ర దర్శకుడు మెహెర్ రమేష్. నిర్మాత అశ్వనీదత్ సొంత పతాకం వైజయంతీ మూవీస్ లో జూనియర్ ఎన్.టి.ఆర్, ఇలియానా నాయకా నాయికలుగా నటించారు.

#9 అల్లు అర్జున్ – వరుడు

దర్శకుడిగా గుణశేఖర్ పదవ చిత్రం. ఈ చిత్రంలో అల్లు అర్జున్, తమిళ నటుడు ఆర్య, భాను శ్రీ మెహ్రా ప్రధాన పాత్రల్లో నటించగా, సుహాసిని మణిరత్నం, ఆశిష్ విద్యార్థి, బ్రహ్మానందం సహాయక పాత్రలు పోషించారు.

#10 రామ్ చరణ్ – తూఫాన్

హిందీ, తెలుగు లో ఒకేసారి చిత్రీకరణ పూర్తి చేసుకొని విడుదలైన ఈ చిత్రం లో ప్రియాంక చోప్రా రామ్ చరణ్ సరసన నటించింది.

#11 ప్రభాస్-సాహో

ప్రభాస్ హీరోగా నటించిన సాహో భారీ అంచనాల మధ్య విడుదల అయ్యి ఫ్లాప్ అయ్యింది. కానీ ఏదేమైనా ఈ సినిమాకి టాక్ మాత్రం బాగుంది అని అన్నారు. కాబట్టి సినిమా ఒకవేళ ఇప్పుడు విడుదల చేస్తే హిట్ అయ్యే అవకాశం కూడా ఉంది.

#12 మంచు విష్ణు – సలీం

వై.వి.ఎస్.చౌదరి దర్శకత్వం వహించిన ఈ చిత్రం లో మంచు విష్ణు, ఇలియానా జోడీగా నటించారు.

సాధారణంగా చాలా సినిమాల్లో ముందు ఒక హీరోని అనుకొని, తర్వాత ఒక హీరో ఆ సినిమా చేయడం అనేది జరుగుతూనే ఉంటుంది. అలా ఎంతో మంది హీరోలకి మొదట ఒక సినిమా కథ వెళ్లడం, కొన్ని కారణాల వల్ల వారు ఆ సినిమా చేయకపోవడం, ఆ తర్వాత మరొక హీరో ఆ సినిమా చేయడం అనేది జరుగుతూ ఉంటాయి.

అలా కొంత మంది హీరోలు ఎంతో పెద్ద హిట్ సినిమాలని మిస్ చేసుకున్నారు. విషయానికి వస్తే అల్లు అర్జున్ హీరోగా నటించిన హిట్ సినిమా దేశముదురు. ఈ సినిమా అప్పట్లో ఒక సెన్సేషన్ క్రియేట్ చేసింది. ఇందులో అల్లు అర్జున్ స్టైల్ అన్నీ ప్రేక్షకులని ఆకట్టుకున్నాయి. ఈ సినిమాతో హన్సిక హీరోయిన్ గా తెలుగు తెరకి పరిచయం అయ్యారు.

అయితే ఈ సినిమా కథని అంతకుముందు మరొక హీరోకి వినిపించారు. ఆ హీరో ఎవరో కాదు సుమంత్. డైరెక్టర్ పూరి జగన్నాథ్ ఈ సినిమా కథని సుమంత్ కి వినిపించారు. హీరో ఒక సన్యాసినితో ప్రేమలో పడతాడు అని డైరెక్టర్ స్టోరీ చెప్పడం మొదలు పెట్టిన తర్వాత కొన్ని కారణాలవల్ల సుమంత్ ని ఈ కథ పెద్దగా ఆకట్టుకోలేకపోయింది. దాంతో సుమంత్ ఈ సినిమాని చేయలేను అని చెప్పేశారు.

అప్పుడు ఈ కథ అల్లు అర్జున్ దగ్గరికి వెళ్ళింది. అల్లు అర్జున్ ఈ కథ విని సినిమా చేస్తానని చెప్పారు. అలా అల్లు అర్జున్ దేశముదురు సినిమాలో చేసి మరొక హిట్ అందుకున్నారు. సినిమా చూసిన తర్వాత ప్రేక్షకులు బాల గోవింద్ పాత్రలో అల్లు అర్జున్ ని తప్ప మరొక నటుడిని ఊహించుకోలేము అని అన్నారు. అల్లు అర్జున్ చేసిన డాన్స్, యాక్షన్ అవన్నీ కూడా ప్రేక్షకులకి తెగ నచ్చేసాయి.

అందుకే ఈ సినిమాకి ఇప్పటికి కూడా చాలా మంది అభిమానులు ఉంటారు. అందులో అల్లు అర్జున్ డైలాగ్స్ చెప్పిన స్టైల్ కూడా ప్రేక్షకులకు డిఫరెంట్ గా అనిపించింది. ఒకరకంగా అల్లు అర్జున్ ని స్టార్ గా మరొక మెట్టు ఎక్కించిన సినిమా ఇది. ఈ సినిమాతో అల్లు అర్జున్ హిట్ కొట్టారు. మాస్ ఇమేజ్ కూడా సంపాదించుకున్నారు.

వరుస సినిమాలతో బిజీగా ఉన్న నటుడు విజయ్ దేవరకొండ. విజయ్ దేవరకొండ పరశురాం పెట్ల కాంబినేషన్ లో గీత గోవిందం సినిమా వచ్చి ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు.

ఇప్పుడు వీరిద్దరి కాంబినేషన్ లోనే మరొక సినిమా వస్తోంది. ఈ సినిమా రేపు ప్రారంభం అవుతుంది అని సమాచారం. ఈ సినిమాకి దిల్ రాజు నిర్మాతగా వ్యవహరిస్తున్నారు. అయితే ఈ సినిమాలో హీరోయిన్ గా ఎవరు నటించబోతున్నారు అనే విషయంపై ఆసక్తి నెలకొంది. ఇప్పుడు ఈ సినిమా హీరోయిన్ ఎవరు అనేది తెలిసిపోయింది.

ఈ సినిమాలో మృణాల్ ఠాకూర్ హీరోయిన్ గా నటిస్తున్నారు. వీరిద్దరి కాంబినేషన్ లో ఇదే మొదటి సినిమా. ఇప్పటికే మృణాల్ నాని హీరోగా వస్తున్న సినిమా షూటింగ్ పనిలో బిజీగా ఉన్నారు. ఇప్పుడు ఈ సినిమాలో కూడా నటిస్తున్నారు. దీనిపై అధికారిక ప్రకటన ఇంకా రావాల్సి ఉంది. ఈ సినిమాలో మొదట పూజా హెగ్డే హీరోయిన్ అని అన్నారు. ఈ వార్త చాలా ప్రచారం అయ్యింది.

ఇప్పుడు మృణాల్ హీరోయిన్ అని అంటున్నారు. ఒక సందర్భంలో మృణాల్ తనకు విజయ్ దేవరకొండ అంటే చాలా ఇష్టం అని చెప్పారు. ఇప్పుడు ఈ సినిమాలో విజయ్ దేవరకొండ పక్కనే నటిస్తూ ఉడడంతో చాలా మంది తన అభిమాన నటుడితోనే మృణాల్  నటిస్తోంది అని అంటున్నారు. ఇది మాత్రమే కాకుండా విజయ్ దేవరకొండ గౌతమ్ తిన్ననూరి దర్శకత్వంలో కూడా ఒక సినిమా ప్రకటించారు. ఈ సినిమా కూడా ఇటీవల ప్రారంభం అయ్యింది.

పరుశురాం పెట్ల గత సంవత్సరం మహేష్ బాబు హీరోగా నటించిన సర్కారు వారి పాట సినిమాకి దర్శకత్వం వహించారు. ఇప్పుడు ఈ సినిమాతో మళ్ళీ ప్రేక్షకుల ముందుకి వస్తున్నారు. ఈ సినిమాకి సంబంధించి ఇతర నటీనటులు అలాగే సాంకేతిక నిపుణుల వివరాలు ఇంకా రావాల్సి ఉంది. ప్రస్తుతం అయితే ఈ వార్త మాత్రం ప్రచారంలో ఉంది.

నిన్నటి తరం తెలుగు సినిమా ప్రేక్షకులకు కళ్ళు చిదంబరం సుపరిచితులు. ఆయన పోషించిన పాత్రలు ప్రేక్షకులను ఎంతగానో నవ్వించేవి. ఆయన పేరు కొల్లూరు చిదంబరం అయినప్పటికీ ఆయన “కళ్ళు” సినిమాతో ఎంట్రీ ఇవ్వడంతో అందరికి కళ్ళు చిదంబరంగానే గుర్తుండిపోయారు.

కొల్లూరు చిదంబరం ఆయన కళ్ళతోనే మనకి గుర్తుండిపోయారు. తెలుగు ఇండస్ట్రీ మొత్తం ఆయనను “కళ్ళు” చిదంబరం గా పిలుస్తుంది. అంతే కాదు. ఆయన నటించిన కళ్ళు సినిమా ఆయనకీ మంచి గుర్తింపు ను తెచ్చింది.

ఆయనకు ఈ సినిమాకి గాను రాష్ట్ర నంది స్పెషల్ జ్యూరీ అవార్డును అందుకున్నాడు. తెలుగు లో ఆయన నటించిన “అమ్మోరు” సినిమా కూడా ఆయనకు మంచి గుర్తింపు తెచ్చింది. చిదంబరం సినిమాల్లోకి వచ్చే ముందు ఆయన ఇంజనీర్ గా పనిచేసేవారట. ఆయన 2015 లో ఈ లోకాన్ని విడిచిపెట్టి వెళ్లిపోయారు. ఆయన అనారోగ్య కారణాల వలెనే ఈ లోకాన్ని వదిలి వెళ్లిపోయారు. ఇటీవల ఓ ఇంటర్వ్యూలో మాట్లాడిన కళ్ళు చిదంబరం కుమారుడు ఆయన మరణం వెనకాల ఉన్న కారణాలను వివరించారు.

సినిమాల్లోకి రాకముందు కళ్ళు చిదంబరం ప్రభుత్వ ఉద్యోగం చేసేవారు. అంతేకాక నాటకాలపై ఆసక్తి ఉండడంతో ఆయన నాటకాలలో కూడా నటించేవారు. ఓ వైపు ఉద్యోగం చేస్తూనే మరో వైపు నాటకాలలో నటించడం కోసం కూడా ఎక్కువగా ప్రయాణాలు చేయాల్సి వచ్చేది. ఉద్యోగం విజయవాడలో చేస్తూ.. మరోవైపు నాటకాల కోసం హైదరాబాద్, చెన్నై ల మధ్య ప్రయాణాలు చేసేవారు. సమయానికి సరైన నిద్ర ఉండేది కాదు. దీనితో ఆయన కంటికి ఓ నరం పక్కకి జరిగి మెల్లకన్నులా వచ్చింది.

కళ్ళు చిదంబరానికి మొదట్లో మెల్లకన్ను ఉండేది కాదు. కానీ నాటకాలపై, సినిమాలపై ఉన్న ప్రేమ కారణంగా ఆయన ఆరోగ్యం మీదకు తెచ్చుకున్నారు. ఇక డాక్టర్లు కూడా ఇతర చికిత్స విధానాల ద్వారా మెల్లకన్నుని సరి చేసుకోవచ్చని చెప్పినప్పటికీ.. సినిమాల్లోకి వచ్చాక మెల్లకన్ను కలిసి వచ్చిందని.. కళ్ళు చిదంబరం చికిత్స చేయించుకోలేదు. ఆ తరువాత అనారోగ్యం కారణంగా ఆయన తుదిశ్వాస విడిచారు.

Watch Video:

బుల్లితెరపై ప్రసారమవుతున్న పలు కామెడీ షోలలో జబర్దస్త్ కు ఒక ప్రత్యేకమైన గుర్తింపు ఉంది. ఎంతోమంది కెరియర్ కు పునాది వేసింది ఈ షో. ఇక సీనియర్ హీరోయిన్ రోజా లాంటి వాళ్ళు కూడా ఆర్థిక సమస్య లతో ఇబ్బంది పడుతున్న సమయంలో జబర్దస్త్ ఆమెను ఆదుకుంది.

కేవలం రోజా మాత్రమే కాకుండా ఇప్పుడు ఇండస్ట్రీ లో పేరు తెచ్చుకున్న ధన్ రాజ్ , గెటప్ శ్రీను, సుడిగాలి సుదీర్, ఆటో రాంప్రసాద్ , చమ్మక్ చంద్ర, వేణు లాంటి వారు కూడా కేవలం జబర్దస్త్ ద్వారానే తమ ఉనికిని చాటుకున్నారు. ప్రస్తుతం సినిమాలలో కూడా అవకాశాలను దక్కించుకుంటూ తమకంటూ ఒక ప్రత్యేకమైన ఇమేజ్ ను సొంతం చేసుకున్నారు.

ఇకపోతే 2013లో ప్రారంభమైన ఈ కార్యక్రమానికి ఇప్పటివరకు ఎంతోమంది జడ్జిలుగా వ్యవహరిస్తున్న విషయం తెలిసిందే. నిజానికి గత తొమ్మిది సంవత్సరాలు నుంచి రోజా, నాగబాబు నిరంతరాయంగా జడ్జిలుగా పనిచేశారు. కానీ పారితోషకం విషయంలో గొడవ రావడంతో నాగబాబు జబర్దస్త్ నుంచి వెళ్లిపోయారన్న విషయం తెల్సిందే.

#1 రోజా

సీనియర్ హీరోయిన్ గా, మంత్రిగా తనకంటూ ప్రత్యేకమైన గుర్తింపును సొంతం చేసుకున్న రోజా కు సినిమాల్లో మంచి ఇమేజ్ ఉన్న నేపథ్యంలో ఈమెకు మల్లెమాలవారు బాగానే పారితోషకాన్ని అందించారు. ఒక్కొక్క ఎపిసోడ్ కు రోజాకు సుమారుగా రూ.5 లక్షలు అందించారు. ఇక ఆ తర్వాత కాలంలో ఈమె పారితోషకం పెరిగిన విషయం తెలిసిందే. కానీ ఈమెకు ఇటీవల మంత్రి పదవి రావడంతో జబర్దస్త్ జడ్జ్ స్థానానికి గుడ్ బై చెప్పింది.

#2 నాగబాబు

క్యారెక్టర్ ఆర్టిస్ట్ గా గుర్తింపు తెచ్చుకున్న నాగబాబు హీరోగా ఎదిగే ప్రయత్నం చేసినప్పటికీ.. హీరో కాలేకపోయారు. కానీ నిర్మాతగా బాధ్యతలు చేపట్టారు. ఇక రోజాతో పాటు నాగబాబు కూడా జబర్దస్త్ కు జడ్జిగా వ్యవహరించారు. కానీ ఇండస్ట్రీలో రోజా కంటే తక్కువ గుర్తింపు ఉన్న నాగబాబుకు కేవలం ఎపిసోడ్ కు రూ.3 లక్షలు మాత్రమే అందించేవారు.

#3 ఇంద్రజ

ప్రస్తుతం శ్రీదేవి డ్రామా కంపెనీకి గుడ్ బాయ్ చెప్పిన ఇంద్రజ జబర్దస్త్ లో జడ్జిగా కొనసాగుతోంది. ప్రస్తుతం ఈమె ఒక్కొక్క ఎపిసోడ్ కు రూ.2.50లక్షలు పారితోషకంగా తీసుకుంటుంది.

#4 మనో

నాగబాబు స్థానంలో జడ్జి గా వచ్చిన ప్లేబ్యాక్ సింగర్ మనోకి ఒక్కో ఎపిసోడ్‌కు రూ.2 లక్షలు ఇచ్చారు.

#5 కృష్ణ భగవాన్

తాజాగా కృష్ణ భగవాన్ ఇంద్రజాతో కలిపి జడ్జిగా వ్యవహరిస్తున్న నేపథ్యంలో ఈయనకు ఒక్కొక్క ఎపిసోడ్ కు రూ.2.50 లక్షల పారితోషకం ఇస్తున్నట్లు సమాచారం. ఇక మల్లెమాలవారు ఎప్పుడూ కూడా సినిమాలలో వీరికుండే ఇమేజ్ ను బట్టి పారితోషకం ఫిక్స్ చేస్తూ ఉంటారు.

Also Read: ఈ 10 మంది శాస్త్రవేత్తలు…వారు కనిపెట్టిన వాటివల్ల చనిపోయారని తెలుసా.? ఇంతకీ ఏం కనిపెట్టారు?

పాన్ ఇండియా స్టార్ ప్రభాస్ హీరోగా, బాలీవుడ్ హీరోయిన్ కృతి సనన్ హీరోయిన్ బాలీవుడ్ దర్శకుడు ఓం రౌత్ తెరకెక్కించిన సినిమా ఆది పురుష్. ఈ మూవీ రామాయణం ఆధారంగా రూపొందిన పౌరాణిక చిత్రం.

ఇప్పటికే చాలా సార్లు వాయిదాపడిన ఈ మూవీని ఈ నెల 16న గ్రాండ్ గా ప్రపంచవ్యాప్తంగా విడుదల కాబోతుంది. తెలుగు, తమిళ, కన్నడ, మలయాళ, హిందీ బాషల్లో ఈ చిత్రాన్ని రిలీజ్ చేయబోతున్నారు. ఈ నేపథ్యంలో ఈమూవీ  చూసే సమయంలో పాటించాల్సిన నియమాలు అనే వాట్సాప్‌ మెసేజ్ వైరల్ గా మారింది. అది ఏమిటో ఇప్పుడు చూద్దాం..
విజువల్ వండర్ గా రూపొందిన ‘ఆది పురుష్’ చిత్రంలో ప్రభాస్ రాముడిగా నటించిగా, సీత పాత్రలో కృతి సనన్ నటించింది. రావణాసురుడిగా సైఫ్ అలీ ఖాన్, లక్ష్మణుడిగా సన్నీ సింగ్. హనుమంతుడిగా దేవదత్త నాగే నటించారు. ప్రమోషన్స్ లో భాగంగా ఈ మూవీ ప్రదర్శించే ధియేటర్లలో ఒక సీటును ఆంజనేయస్వామి కోసం కేటాయిస్తామని మేకర్స్  అధికారికంగా ప్రకటించారు.
దీనిపై కొందరు ప్రమోషనల్ స్టంట్ అని అంటే, కొందరు శ్రీరాముడి కథ చెప్తున్నప్పుడు ఆంజనేయస్వామి కోసం సీటు వదిలితే తప్పు ఏమిటి? అని కామెంట్లు చేస్తున్నారు. ఈ విషయం మీద సోషల్ మీడియాలో రక రకాల చర్చలు జరుగుతున్న క్రమంలో తాజాగా వాట్సాప్ మెసేజ్ ఒకటి వైరల్ గా మారింది. ఆదిపురుష్ సినిమా చూసే సమయంలో పాటించాల్సిన నియమాలు అంటూ వాట్సాప్ గ్రూప్ లలో తిరుగుతోంది. ఆ నియమాలు ఇవే..

• మద్యం తాగి థియేటర్ కి వెళ్ళకూడదు.
• పాదరక్షలు వేసుకొని థియేటర్ కి వెళ్ళకూడదు.
• మాంసాహారం తిన్న తరువాత థియేటర్ కి వెళ్ళకూడదు.
• థియేటర్ బయట, లోపల జై శ్రీరామ్ తప్ప నటుడి పేరు కానీ సినిమాలోని ఇతర పాత్రలకి జేజేలు కొట్టకూడదు.
• వీలయితే మూవీ ప్రదర్శించే స్క్రీన్ ముందు ఇబ్బంది కలగకుండా అందరూ కొబ్బరి కాయలు కొట్టండి.
• కుదిరితే టీ షర్ట్ జీన్స్ లాంటివి వేసుకోకుండా పైన తెల్లటి లేదా కాషాయపు బట్టతో కప్పుకొని కింద పంచ కట్టుకొని వెళ్ళాలి.
• హనుమంతుడికి కేటాయించిన చైర్ పూలమాలలతో, ధూప, దీప నైవేద్యాలతో అలంకరించండి.
• జై శ్రీరామ్  నామస్మరణ ఎట్టి పరిస్థితుల్లో ఆపకండి

Also Read: “ఏమి రాకుండానే ఇంత పెద్ద స్టార్ అయ్యాడా..?” అంటూ… “ప్రభాస్” ఫ్యాన్స్ కామెంట్స్..! ఏం జరిగిందంటే..?

యంగ్ రెబెల్ స్టార్ ప్రభాస్ ఫ్యామిలీ బ్యాగ్రౌండ్‌తో ఇండస్ట్రీలోకి అడుగుపెట్టినా, తనదైన యాక్టింగ్ తో తక్కువ సమయంలోనే టాలీవుడ్ స్టార్ హీరోగా ఎదిగారు. బాహుబలి సిరీస్ తో పాన్ ఇండియా స్టార్‌ అయ్యారు. ఆసినిమాల తరువాత వరుసగా పాన్ ఇండియా సినిమాలలో నటిస్తూ దూసుకుపోతోన్నాడు. ఈ క్రమంలోనే ప్రభాస్ తాజాగా నటించిన ‘ఆదిపురుష్’మూవీతో జూన్ 16న ప్రేక్షకుల ముందుకి రాబోతున్నాడు.

బాలీవుడ్ డైరెక్టర్ ఓం రౌత్ తెరకెక్కించిన ఈ చిత్రం విజువల్ వండర్ గా రూపొందింది. టీజర్ తో ఈ సినిమా పై విమర్శలు వచ్చినప్పటికీ,ట్రైలర్ రిలీజ్ తో ఈ చిత్రం పై భారీ అంచనాల ఏర్పడ్డాయి. ప్రస్తుతం ఈ సినిమాకి ప్రపంచవ్యాప్తంగా డిమాండ్ ఏర్పడింది. ఈ క్రమంలో ఈ చిత్రంకు భారీగా ప్రీ రిలీజ్ బిజినెస్ జరిగింది.ఈ నేపథ్యంలోనే ప్రభాస్ సంచలన రికార్డు సృష్టించాడు. ఆ రికార్డ్ ఏమిటో ఇప్పుడు చూద్దాం..
ఆదిపురుష్ సినిమాకి సంబంధించిన ఏపీ, తెలంగాణలో అన్ని ఏరియాల హక్కుల కోసం భారీగా పోటీ ఏర్పడింది. దీని ఫలితంగా ఈ మూవీ రెండు తెలుగు రాష్ట్రాల్లో కలిపి 120 కోట్ల థియేట్రికల్ బిజినెస్ జరిగింది. దీంతో ప్రభాస్ కెరీర్ లోనే ఎక్కువ బిజినెస్ చేసిన సినిమాలలో 3వ స్థానానికి చేరింది. ఈ చిత్రం కంటే ముందు బాహుబలి 2 సినిమా 122 కోట్లతో మొదటి స్థానంలో ఉంది.
ఆదిపురుష్ మాత్రమేకాకుండా ప్రభాస్ గత 4 సినిమాలకు కూడా ఏపీ, తెలంగాణలో వంద కోట్లకు పైగా బిజినెస్ జరిగింది. బాహుబలి 2 సినిమాకి రూ.122 కోట్లు, సాహో సినిమాకి రూ.121.60 కోట్లు, రాధే శ్యామ్ సినిమాకు రూ.105.20 కోట్లు, ఆదిపురుష్ సినిమాకి రూ.120 కోట్లు బిజినెస్ జరిగింది. ఈ విధంగా ప్రభాస్ గత 4 సినిమాలకు కలిపి రెండు తెలుగు రాష్ట్రాలలోమొత్తం రూ. 468.80 కోట్ల ప్రీ రిలీజ్ బిజినెస్ జరిగింది. తెలుగు రాష్ట్రాల్లో ఇంత భారీగా బిజినెస్ చేసిన ఒకే ఒక హీరోగా ప్రభాస్ రికార్డును క్రియేట్ చేశాడు.

Also Read: “ఏమి రాకుండానే ఇంత పెద్ద స్టార్ అయ్యాడా..?” అంటూ… “ప్రభాస్” ఫ్యాన్స్ కామెంట్స్..! ఏం జరిగిందంటే..?