Filmy Adda

మెగాస్టార్ చిరంజీవి.. కేవలం ఓ పేరు కాదు..బ్రాండ్. సినీ పరిశ్రమలో ఎంతో మంది నటీనటులకు ఆయనే ఆదర్శం. ఎలాంటి బ్యాగ్రౌండ్ లేకుండా చిత్రపరిశ్రమలోకి అడుగుపెట్టి.. టాలీవుడ్ ఇండస్ట్రీకి మెగాస్టార్ అయ్యారు. ఈ ప్రయాణం అంత సాఫీగా సాగలేదు. ఎన్నో అడ్డంకులు.. ఒడిదుడుకులను ఎదుర్కొన్నారు. అవమానాలను భరించి స్వయంకృషితో అసాధ్యాన్ని సుసాధ్యం చేశారు.

తన నటన.. డ్యాన్స్‏తో సినీప్రియులను అలరించి సుప్రీం హీరో అనే అరుదైన గౌరవం సొంతం చేసుకున్నారు. మాస్ యాక్షన్, తనదైన కామెడీతో తెలుగు ప్రేక్షకుల మనసులలో నిలిచిపోయారు. బ్యాగ్రౌండ్ లేకుండా ఇండస్ట్రీలో హీరోగా ఎదగాలనే ఎంతోమంది యువతరానికి ఆదర్శంగా నిలిచారు చిరు. ఇక కొంతకాలం సినిమాలకి విరామం తీసుకున్న చిరు ఖైదీ 150 సినిమాతో రీఎంట్రీ ఇచ్చారు చిరు.

అయితే చిరంజీవికి దర్శకత్వంపై ఆసక్తి ఉన్న సంగతి అందరికీ తెలిసిందే. ఒక సినిమాను డైరెక్ట్ చేయాలని ఉందని గతంలో చిరంజీవి చెప్పారు. అయితే ఇప్పటి వరకు ఆ ఆశ తీరకపోయినా.. సినిమా మొత్తం కాకపోయినా సినిమాలోని కొన్ని సీన్లకు చిరంజీవి దర్శకత్వం వహించారు. ఈ విషయాన్ని సీనియర్ నటుడు, రచయిత తనికెళ్ల భరణి వెల్లడించారు.

చిరంజీవి హీరోగా 1995లో ‘బిగ్ బాస్’ అనే సినిమా వచ్చింది. విజయ బాపినీడు దర్శకత్వం వహించిన ఈ సినిమా అప్పట్లో ప్రేక్షకులను మెప్పించలేకపోయింది. ఈ సినిమాలో తనికెళ్ల భరణి ఎస్‌ఐగా నటించారు. ఈ చిత్రంలో అయ్యప్ప మాలలో ఉన్న హీరో పట్ల ఎస్‌ఐ అనుచితంగా ప్రవర్తిస్తాడు. దీంతో హీరోకి ఆగ్రహం వస్తుంది. ఎస్ఐ‌ను చితక్కొడతాడు. ఈ సీన్‌ను మెగాస్టార్ చిరంజీవే డైరెక్ట్ చేశారట. ఈ విషయాన్ని తనికెళ్ళ భరణి తన యూట్యూబ్ ఛానల్ లో వెల్లడించారు.

” ‘కుక్కకాటుకి చెప్పు దెబ్బ’ అనే సినిమా షూటింగ్ సమయం లో చిరంజీవి ని మొదటిసారి కలిసాను. తరవాత ఆయనతో చాలా సినిమాలు చేశాను. అయితే ‘బిగ్ బాస్’ మూవీ సమయం లో బాపినీడు గారి ఫ్రెండ్‌కి ఒంట్లో బాగోలేకపోతే ఆయన వెళ్లిపోయారు. డేట్స్ లేని కారణంగా చిరంజీవి గారే ఆ సీన్లకు దర్శకత్వం వహించారు. హీరోగా ఉంటూ అంత టెక్నాలజీ నేర్చుకోవడం గొప్ప విషయం’ అని తనికెళ్ల భరణి చెప్పుకొచ్చారు. ఈ వీడియో ప్రస్తుతం సోషల్ మీడియాలో వైరల్ అవుతోంది.

Also read: “నరసింహనాయుడు” సినిమాలోని ఈ డైలాగ్ వెనుక… ఇంత పెద్ద కథ ఉందా..?

సినీ ఇండస్ట్రీ లో కాంట్రవర్సిస్ అనేవి చాలా సాధారణం. అది అందరికీ అందుబాటులో ఉంటుంది కాబట్టి వివాదాలు కూడా ఎక్కువగానే వస్తూ ఉంటాయి. సినిమా టైటిల్స్ నుంచి.. పాడిన పాటల వరకు కాంట్రవర్సీలు వస్తున్నాయి. అయితే ఈ మధ్య సినిమాల్లోని పాటలు.. వాటి లిరిక్స్ వల్ల వివాదాలు తరచుగా వస్తున్నాయి. ఈ కారణం తో పాటలు రిలీజ్ అయిన తర్వాత వాటి లిరిక్స్ ని మళ్ళీ కొత్తగా రాసి విడుదల చేస్తున్నారు.

ఈ లిస్ట్ లో ఏ ఏ పాటలు ఉన్నాయో ఇప్పుడు చూద్దాం..

#1 జయం – బండి బండి రైలు బండి సాంగ్

నితిన్, సదా జంటగా వచ్చిన జయం సినిమా ఎంత హిట్ అయ్యిందో మనకి తెలిసిందే. ఈ మూవీ లో సాంగ్స్ అన్ని సూపర్ హిట్స్ అయ్యాయి. అయితే ఈ చిత్రం లోని “రైలు బండి.. రైలు బండి..” పాట లో మొదట ” రైలు బండి.. రైలు బండి.. వేళ కంటూ రాదు లెండి.. అని రాసారు. కానీ దానికి రైల్వే శాఖ అభ్యంతరం చెప్పడంతో “రైలు బండి.. రైలు బండి.. ఎంత మంచి రైలు బండి..” అని మార్చారు.

#2 ఆర్య 2 – రింగ రింగ

అల్లు అర్జున్, సుకుమార్ కాంబినేషన్ లో వచ్చిన ఆర్య 2 సూపర్ హిట్ అన్న విషయం తెలిసిందే. ఈ సాంగ్ దేశవ్యాప్తంగా సెన్సేషన్ క్రియేట్ చేసింది. అయితే ఈ సాంగ్ లో చాలా చరణాలను మార్చారు.

#3 స్వామి రారా – టైటిల్ సాంగ్

నిఖిల్ కెరీర్ లో సూపర్ హిట్ అయిన స్వామి రారా మూవీ టైటిల్ సాంగ్ లో పల్లవిని రెండు సార్లు మార్చారు. మొదట “కృష్ణుడి వారసులంతా”.. అని ఉండేది. తర్వాత దాన్ని “కృష్ణుడికే ఇది వింత..” అని మార్చారు. ఇక ఫైనల్ గా “తస్కర తనయులు అంతా..” అని మార్చారు.

#4 గీత గోవిందం – వాట్ ద లైఫ్

విజయ్ దేవరకొండ నటించిన గీత గోవిందం పబ్ సాంగ్ లిరిక్స్ ని ‘వాట్ ద వాట్ ద లైఫ్’ అని మార్చారు.

#5 చిన్నదాన నీకోసం – టైటిల్ సాంగ్

నితిన్ నటించిన చిన్నదాన నీకోసం టైటిల్ సాంగ్ లో ఒక చోట ” నీకోసం అవుతానే మోడీ..” అని వస్తుంది. దాని పై కొందరు అభ్యంతరం పెట్టడం తో ఆ ఒక్క పదానికి బీప్ వేసి ప్లే చేసారు.

#6 రంగస్థలం – రంగమ్మా..మంగమ్మా..

రామ్ చరణ్, సమంత జంటగా నటించిన రంగస్థలం మూవీ సూపర్ హిట్ అన్న విషయం మనకి తెల్సిందే. అయితే ఈ మూవీ లో ని “రంగమ్మా..మంగమ్మా” సాంగ్ లిరికల్ వీడియో రిలీజ్ అయ్యాక కొందరు లిరిక్స్ పై అభ్యతరం పెట్టారు. దీంతో “గొల్లభామ వచ్చి.. నా గోరు గిల్లుతుంటే…” అని ఉన్న వాటిని మార్చి “గోరువంక వచ్చి ..నా గోరు గిల్లుతుంటే..” గా మార్చారు.

#7 మహాత్మా – కొంత మంది సొంత పేరు

శ్రీకాంత్ హీరోగా వచ్చిన మహాత్మా మూవీ లో “కొంత మంది సొంత పేరు ..” సాంగ్ ఎంత హిట్ అయిందో మనకి తెల్సింద. అయితే దీనికి ఫస్ట్ “ఇందిరమ్మ ఇంటి పేరు కాదురా గాంధీ..” అని రాసారు. దానిపై అభ్యంతరాలు రావడం తో తర్వాత లిరిక్స్ మార్చారు.

#8 అదుర్స్ – చారి సాంగ్

వి వి వినాయక్ దర్శకత్వం లో జూనియర్ ఎన్టీఆర్ నటించిన సూపర్ హిట్ చిత్రం అదుర్స్. ఇందులో చారి సాంగ్ సూపర్ అయింది. అయితే అందులో ” వేర్ ఇస్ ది పంచె కట్టు.. వేర్ ఇస్ ది పిలక జుట్టు చారి..” అని వచ్చే చరణాలు అభ్యంతర కరంగా ఉండటం తో వాటిని మార్చి “వేర్ ఇస్ ది పాత బైక్.. వేర్ ఇస్ ది ఓల్డ్ లుక్ చారి..” అని మార్చారు.

#9 రాజు గాడు – రబ్బరు బుగ్గల సాంగ్

రాజ్ తరుణ్ హీరోగా నటించిన రాజుగారు మూవీ లోని “రబ్బరు బుగ్గల రాం చిలక..” సాంగ్ లో ఒక చోట జీఎస్టీ పదం రాగా.. దాన్ని మ్యూట్ చేసి సాంగ్ ని ప్లే చేసారు.

#10 ఆచార్య – శానా కష్టం

ఆచార్య మూవీలోని స్పెషల్ సాంగ్ లో ఒక చోట ” యాడెడో నిమరోచ్చని కుర్రోళ్ళు ఆర్ఎంపిలు అవుతున్నారు..” అన్న లిరిక్స్ మార్చాలని వివాదం జరిగింది కానీ లిరిక్స్ ని మార్చకుండానే రిలీజ్ చేసారు.

#11 డీజే – గుడిలో బడిలో సాంగ్

అల్లు అర్జున్, హరీష్ శంకర్ కాంబినేషన్ లో వచ్చిన డీజే మూవీ లో గుడిలో బడిలో సాంగ్లో లిరిక్స్ మార్చాలని వివాదం వచ్చింది కానీ.. దర్శకుడు హరీష్ శంకర్ దానిపై వివరణ ఇవ్వడం తో ఆ సాంగ్ లో మార్పులు చెయ్యలేదు. కానీ థియేటర్ లో చూసిన తర్వాత ఆ పదాల స్థానంలో వేరే పదాలు మార్చారు.

#12 పుష్ప – ఊ అంటావా మావా

అల్లు అర్జున్ నటించిన పుష్ప మూవీ లో సమంత ప్రత్ఫ్యేక గీతం చేసిన విషయం తెలిసిందే. అయితే “ఊ అంటావా మావా..” సాంగ్ వల్ల మగవాళ్ల మనోభావాలు దెబ్బతిన్నాయంటూ వివాదం వచ్చింది కానీ తర్వాత అది సద్దుమణిగిపోయింది.

సినీ ఇండస్ట్రీలో హీరోయిన్స్ అంత తొందరగా పెళ్లికి చేసుకోవడానికి ఇష్టపడరు. కెరీర్ కు ప్రాధాన్యత ఇస్తూ దానిపైనే  ఫోకస్ చేస్తుంటారు. అలా నాలుగు పదుల వయసు దగ్గరకు వస్తున్నా కొంతమంది హీరోయిన్స్ వివాహానికి దూరంగానే ఉన్నారు.

అయితే ఇటీవల కాలంలో స్టార్ హీరోయిన్స్ కొందరు 30 ఏళ్లు దాటిన తరువాత పెళ్లి చేసుకున్న విషయం తెలిసిందే.  వారిలో కొందరు పెళ్లి తరువాత సెకండ్ ఇన్నింగ్స్ ని ప్రారంభించారు. అయితే 30 ఏళ్ల తర్వాత పెళ్లి చేసుకున్న హీరోయిన్లు ఎవరో ఇప్పుడు చూద్దాం..
1. నయనతార:

లేడీ సూపర్ స్టార్ గా పాపులర్ అయిన నయనతార దాదాపు 7 ఏళ్ళు  ప్రేమించుకున్న తరువాత 2022లో కోలీవుడ్ దర్శకుడు విఘ్నేష్ శివన్‌ ను వివాహం చేసుకున్నారు. పెళ్లి సమయానికి, నయనతార వయసు 37 సంవత్సరాలు. అదే ఏడాది సరోగసీ పద్ధతిలో నయనతార, విఘ్నేష్ దంపతులు కవలలకు తల్లిదండ్రులు అయ్యారు.
2. కాజల్ అగర్వాల్:
ఐదేళ్లకు పైగా టాలీవుడ్ లో స్టార్ హీరోయిన్ గా కొనసాగిన హీరోయిన్ కాజల్ అగర్వాల్. 2020లో కాజల్ గౌతమ్ కిచ్లు అనే ముంబైకి చెందిన బిజినెస్ మెన్ ను పెళ్లి చేసుకున్నారు. పెళ్లి సమయంలో కాజల్ వయసు 35 సంవత్సరాలు. గౌతమ్, కాజల్ జంటకు 2021లో బాబు జన్మించాడు.
3 . హన్సిక మోత్వాని:

ప్రముఖ హీరోయిన్ హన్సిక మోత్వానీ తన బిజినెస్ పార్టనర్ మరియు బాయ్‌ఫ్రెండ్ అయిన సోహైల్ ఖతురియాను  పెళ్లి చేసుకున్నారు. వివాహ సమయంలో హన్సిక వయస్సు 31 సంవత్సరాలు.
4 . శ్రియా శరన్:

టాలీవుడ్ హీరోయిన్ శ్రియా శరణ్ 2018లో రష్యన్ టెన్నిస్ ప్లేయర్ ఆండ్రీ కొస్చీవ్‌ ను పెళ్లి చేసుకున్నారు. ఆమె పెళ్లి సమయానికి శ్రియా వయసు 36 సంవత్సరాలు. ఈ జంటకు 2020లో పాప జన్మించింది.
5. స్వాతి రెడ్డి:

ప్రముఖ తెలుగు నటి స్వాతి రెడ్డి వికాస్ వాసుని 2018లో వివాహం చేసుకున్నారు. పెళ్లి సమయంలో స్వాతి వయసు 31 సంవత్సరాలు.
6. నిక్కీ గల్రానీ:

ప్రముఖ తమిళ హీరోయిన్ నిక్కీ గల్రానీ, యాక్టర్ ఆది పినిశెట్టిని ప్రేమించి పెళ్లి చేసుకున్నారు. వీరి వివాహం 2022 లో  గ్రాండ్ గా జరిగింది. హీరోయిన్ నిక్కీ గల్రానీ వయసు పెళ్లి సమయంలో 30 సంవత్సరాలు.
7.  భాను శ్రీ మెహ్రా

ఐకాన్ స్టార్ అల్లు అర్జున్ దర్శకుడు గుణశేఖర్ కాంబినేషన్ లో వచ్చిన చిత్రం వరుడు. 2010లో వచ్చిన ఈ మూవీతో భాను శ్రీ మెహ్రా టాలీవుడ్‌లోకి అడుగుపెట్టింది. భాను శ్రీ మెహ్రా కరణ్ మానస్‌ ను వివాహం చేసుకుంది. పెళ్లి సమయంలో భాను శ్రీ వయస్సు 37 సంవత్సరాలు.
8. సమంత:

టాలీవుడ్ స్టార్ హీరోయిన్ సమంత ప్రముఖ హీరో అక్కినేని నాగ చైతన్యను ప్రేమించి, పెద్దలను ఒప్పించి 2017లో  పెళ్లి చేసుకుంది. పెళ్లి సమయంలో సమంత వయసు 30 సంవత్సరాలు. కానీ వీరిద్దరు వివాహం అయిన నాలుగు సంవత్సరాలకు తాము విడాకులు తీసుకుని విడిపోతున్నట్లుగా ప్రకటించారు.

Also Read: “సాయి ధరమ్ తేజ్” తో పాటు… సినిమాల్లో కొనసాగుతున్నప్పుడే “పేరు” మార్చుకున్న 12 యాక్టర్స్..!

తెలుగు వారి గొప్ప‌ద‌నాన్ని అంత‌ర్జాతీయంగా రెప రెప‌లాడించిన మహోన్నత వ్యక్తి ఎన్టీఆర్‌. న‌టుడిగా తెలుగు ప్రేక్ష‌కుడి గుండెల్లో.. నాయ‌కుడిగా తెలుగు వారి హృద‌యాల్లో ఆయ‌న వేసిన ముద్ర శాశ్వ‌తం. 295 చిత్రాల్లో ఆయ‌న పోషించ‌ని పాత్రంటూ లేదు.

ప్ర‌తి పాత్ర‌కు త‌న న‌ట‌న‌తో ప్రాణం పోసిన న‌ట దిగ్గ‌జం ఎన్టీఆర్‌. ఆయన వారసుడిగా బాలకృష్ణ ఫిల్మ్ ఇండస్ట్రీలోకి అడుగు పెట్టాడు.  బాలకృష్ణ హీరోగా బి.గోపాల్ డైరెక్షన్ లో తెరకెక్కి బ్లాక్ బస్టర్ హిట్ గా నిలిచిన సినిమాల్లో నరసింహ నాయుడు సినిమా ఒకటి.

ఈ సినిమాలో డైలాగ్స్ అన్నీ అద్భుతంగా ఉంటాయి. “కత్తులతో కాదురా.. కంటిచూపుతో చంపేస్తా” అనే డైలాగ్ ఈ సినిమా విజయంలో కీలక పాత్ర పోషించింది. సీనియర్ ఎన్టీఆర్ ఒక సందర్భంలో “మేం గట్టిగా కన్నెర్ర చేస్తే.. గుండె ఆగి చస్తారు” అని చెప్పగా.. ఆ మాటల స్పూర్తితో పరుచూరి బ్రదర్స్ ఈ డైలాగ్ ను రాశారు. అలా సీనియర్ ఎన్టీఆర్ డైలాగ్ ను బాలయ్య చెప్పడం నరసింహ నాయుడు సినిమా సంచలన విజయం సాధించింది.

watch video:

బాలకృష్ణ కెరీర్ లో మరపురాని చిత్రాల్లో నరసింహ నాయుడు ఒకటిగా నిలిచింది. 2001 లో విడుదలైన ఈ సినిమా రికార్డు స్థాయిలో కలెక్షన్లను సాధించింది. ఈ సినిమాకు పోటీగా ఇతర స్టార్ హీరోల సినిమాలు విడుదలైనా.. ఆ సినిమాలు కమర్షియల్ గా విజయం సాధించలేదు. నరసింహ నాయుడు సినిమా ఇప్పటికీ టీవీలలో మంచి రేటింగ్స్ ను సొంతం చేసుకుంటుంది.

గత సంవత్సరం వచ్చిన బాలయ్య అఖండ మూవీ.. అఖండ విజయం సాధించగా, ప్రస్తుతం బాలకృష్ణ అనిల్ రావిపూడి దర్శకత్వంలో వస్తున్న ఎన్బీకే 108 సినిమా షూటింగ్ లో బిజీగా ఉన్నారు. ఈ సినిమాలో కాజల్ అగర్వాల్ హీరోయిన్ కాగా థమన్ మ్యూజిక్ అందించనున్నాడు.

దోమలు ప్రతీ ఇంట్లో కామన్. కాస్త చీకటి పడితే చాలు.. దోమలు కుప్పలు తెప్పలుగా ఇంట్లోకి వస్తాయి. సూదుల్లా గుచ్చి.. మన రక్తాన్ని పీల్చుతాయి. మస్కిటో రెపల్లెంట్స్‌ ఎన్ని పెట్టినా.. అస్సలు తగ్గవు. గుచ్చి..గుచ్చి.. అనారోగ్యం పాలుచేస్తాయి. మన వద్ద దోమల బీభత్సం అంతలా ఉంటుంది. ప్రపంచవ్యాప్తంగా దోమల కాటు వల్ల కలిగే వ్యాధుల కారణంగా ప్రతి సంవత్సరం ఒక మిలియన్ కంటే ఎక్కువ మంది మరణిస్తున్నారు. ప్రపంచవ్యాప్తంగా ఉన్న 3 వేల జాతుల దోమలు.. ఈ భూమి మీద ఉన్న ఇతర జంతువుల కంటే ఎక్కువ వ్యాధులను వ్యాప్తి చేస్తాయి.

మలేరియా, టైఫాయిడ్, డెంగీ, జికా వైరస్.. ఇలా ఎన్నో రకాల రోగాలు దోమల నుంచే వస్తాయి. అందుకే ప్రభుత్వాలు, అధికార యంత్రాంగం దోమలపై యుద్ధం చేస్తుంటాయి. వాటిని మట్టుబెట్టేందుకు ఎన్నో రకాల చర్యలు చేపడుతున్నాయి. ఐనప్పటికీ దోమల సంఖ్య మాత్రం తగ్గడం లేదు. వాటి వల్ల వచ్చే రోగాలూ పోవడం లేదు. అందుకే అసలు ఈ ప్రపంచం లో దోమలు ఎందుకున్నాయి.. వాటి వాళ్ళ మనకి ఏం ఉపయోగం లేదు కదా.. వాటిని చంపేస్తే సరిపోతుంది కదా అనుకుంటున్నారా..??

అసలు ఈ దోమలే లేకపోతే ఇన్ని సమస్యలు రావు కదా.. వాటిని చంపేద్దాం అనుకుంటున్నారా.. కానీ అది తప్పు.. అసలు ప్రపంచం లో దోమలు లేని ప్రదేశాలు ఉన్నాయా అంటే.. ఉన్నాయి. ఉత్తర అట్లాంటిక్ మహాసముద్రంలో ఉన్న ఐస్‌లాండ్‌… ఈ ప్రపంచంలో దోమల లేని దేశం. ఇక్కడ దోమలతో పాటు పాములు, ఇతర సరీసృపాలేవీ కనిపించవు. కొన్ని రకాల సాలెపురుగులు మాత్రమే ఐస్‌లాండ్‌లో ఉంటాయి. వాటి వల్ల మనుషులకు ఎలాంటి ప్రమాదం లేదు. ఐస్‌లాండ్‌తో పాటు అంటార్కిండా మంచుఖండంలోనూ దోమలు ఉండవు.

అయితే మనం ప్రపంచం లో ఉన్న దోమలన్నిటిని చంపేస్తే పర్యావరణ సమతుల్యం దెబ్బతింటుంది. అవి లేకపోతే పరంగా సంపర్కం కూడా జరగదు. దాని ద్వారా కొన్న జీవులకు ఆహారం అందకుండా పోతుంది. ఈ పర్యావరణం లో ఏ ఒక్క జీవిని మనం నిర్మూలించాలని చూసినా పర్యావరణ వ్యవస్థ దెబ్బతింటుంది. అందుకే ప్రతి చిన్న జీవి ఈ ప్రపంచానికే అవసరమే కానీ అనవసరం కాదు అన్న నిజాన్ని మనం తెలుసుకోవాలి.

watch video :

https://www.instagram.com/reel/CnRxpufBp95/?igshid=YmMyMTA2M2Y%3D

ఆర్‌ఆర్‌ఆర్‌ (RRR) సినిమాలో ఒక చోట పదునైన కత్తిలాంటిది రామ్‌చరణ్‌ గుండెల్లో జూనియర్ ఎన్‌టీఆర్ గుచ్చుతాడు. అయినా, రామ్‌ చరణ్‌ కి ఏమీ కాదు. ఇలాంటి అసాధ్యాలను చూపించినా సినిమా ఎలా హిట్ అయింది?

రాజమౌళి సినిమాలు అంటే ఒక లెక్క లో ఉంటాయి. పైగా రాజమౌళి సినిమా తీస్తున్నారు అంటే భారీ ఎక్స్పెక్టేషన్స్ పెట్టుకుంటారు అభిమానులు పైగా రాజమౌళి తో సినిమా చేయడం చాలా మంది హీరోల కల.

రీసెంట్ గా వచ్చిన ఆర్‌ఆర్‌ఆర్‌ సినిమాలో ఒక చోట పదునైన కత్తిలాంటిది రామ్‌చరణ్‌ గుండెల్లో జూనియర్ ఎన్‌టీఆర్ గుచ్చుతాడు. అయినా, రామ్‌చరణ్‌కి ఏమీ కాదు. ఈ ప్రశ్నకి కోరా యూజర్ చెప్పిన సమాధానం ఇదే.

మహేంద్ర బాహుబలి అంత ఎత్తు లో వుండే జలపాతం మీదకి సులువుగా ఎక్కేస్తాడు. అలానే ఒక్కరు ఎత్తలేని శివలింగాన్ని ఈజీగా ఎత్తేస్తాడు మహేంద్ర బాహుబలి. ఎలా సులువుగా ఎత్తేస్తాడు అనేది చూస్తే.. అమరేంద్ర బాహుబలి కొడుకు కాబట్టి అలా చేయగలిగాడని చెప్పచ్చు.

అలానే చిన్న కొండంత అడవి దున్నకు రక్తం కక్కిస్తాడు భళ్లాలదేవ. అయితే రాజు కాబట్టి సులభంగా అడవి దున్నకు రక్తం కక్కించాడు అని చెప్పచ్చు. అంతకు ముందు వచ్చిన ఛత్రపతి సినిమాలో అయితే సొర చేపల తో ఫైట్ చేస్తాడు హీరో. తల్లి గన్నుతో కాల్చినా లేచి విలన్ను కొలిమి లోకి విసిరేస్తాడు హీరో.

అలానే కాలేజీ కుర్రాడు పృథ్వి కి ఎముకు విరిగి పోయినా సరే కూలిపోకుండా లేచి ఫైట్ చేస్తాడు. యమదొంగ లో రాజేమో కొండపై  నుండి పడి రెండు గుప్పిళ్ళు రక్తం కక్కి ఫైట్ చేస్తాడు. అయితే రాజమౌళి సినిమాల్లో ” హీరో, విలన్ల చేష్టలకు సాధ్యాసాధ్యాలుండాలనుకోవటం అత్తా కోడళ్ళు పాలు నీళ్ళలా సామరస్యంగా కలిసుండాలని కోరుకోవటం” అని ఒక కోరా యూజర్ చెప్పారు. అలానే నిజానికి బోయపాటి, మెహర్ వంటి గొప్ప సృజనకారులకంటే అద్భుతాలేం కావివన్నీ కోరా యూజర్ అన్నారు.

టాలీవుడ్‌లో ప్రస్తుతం కొనసాగుతున్న ట్రెండ్ మరే ఇండస్ట్రీలోనూ లేదు.అదే గతంలో వచ్చిన చిత్రాలను రీ రిలీజ్ చేయడం. కొత్త చిత్రాల విడుదల అయినప్పుడు చేయని విధంగా అభిమానులు రీ రిలీజ్ సినిమాలకు హంగామా చేస్తున్నారు.

తాజాగా సింహాద్రి మూవీ రిరీలీజ్ అయ్యింది. ఇప్పటివరకు రీరిలీజ్ అయిన చిత్రాలలో పవర్ స్టార్ పవన్ కళ్యాణ్ ఖుషి వసూళ్లలో టాప్ గా నిలిచింది. సింహాద్రి కలెక్షన్స్ ఖుషి కలెక్షన్స్ ను బీట్ చేసిందా? మరి ఈ 2 సినిమాలలో ఏ చిత్రం ఎక్కువ వసూళ్లు చేసిందో ఇప్పుడు చూద్దాం..
ప్రస్తుతం స్టార్ హీరోల ఫ్యాన్స్ తమ హీరోల చిత్రాలను రీరిలీజ్ చేయడం టాలీవుడ్ లో ట్రెండ్ గా మారింది. కొత్త చిత్రాల వసూళ్ల సంగతి ఏమో కానీ, రీరిలీజ్ చిత్రాల కలెక్షన్స్ లో మా హీరో టాప్ అంటే, మా హీరోనే తోపు అని ఫ్యాన్స్ గోల గోల చేస్తున్నారు. ఇప్పుడు జూనియర్ ఎన్టీఆర్ అభిమానులు, పవర్ స్టార్ పవన్ కళ్యాణ్ అభిమానులు అయితే రీ రిలీజ్ వసూళ్ల గురించి కొట్టుకున్నంత పని చేస్తున్నారు. ఇక సోషల్ మీడియాలో నాన్ ఎన్టీఆర్ రికార్డ్స్, నాన్ పవన్ కళ్యాణ్ రికార్డ్స్ అని టాగ్స్ ని ఇద్దరి ఫ్యాన్స్ తెగ ట్రెండ్‌ చేస్తున్నారు. ఈ రికార్డుల లెక్కలతో ఫ్యాన్స్  కొట్టుకుంటున్నారు. ఎన్టీఆర్ పుట్టిన రోజు సందర్భంగా సింహాద్రి మూవీని ప్రపంచ వ్యాప్తంగా గ్రాండ్‌గా విడుదల చేశారు. ప్రపంచ వ్యాప్తంగా ఈ మూవీని ‘4కె’ వెర్షన్‌లో 1200 పైగా స్క్రీన్స్‌లలో విడుదల చేశారు. దీని కోసం హీరో విశ్వక్ సేన్ అతిథిగా ప్రీ రిలీజ్ ఈవెంట్ ను కూడా నిర్వహించారు. సింహాద్రి సినిమా మొదటి రోజు వరల్డ్‌ వైడ్‌గా 5 కోట్లకు పైగా గ్రాస్ వసూలు చేసిందని అంటున్నారు.గతంలో పవర్ స్టార్ పవన్ కళ్యాణ్  ‘ఖుషి’ మొదటి రోజు నాలుగు కోట్లకు గ్రాస్‌తో టాప్‌లో ఉంది. తాజాగా ‘సింహాద్రి’ ఆల్ టైం రికార్డ్ సృష్టించింది. అయితే పవన్ ఫ్యాన్స్ ఈ లెక్కలో తేడా ఉందని అంటున్నారు. ఈ విషయంలో ఇద్దరి  అభిమానులు గట్టిగా వాదించుకుంటున్నారు.

Also Read: NTR 30 “దేవర” ఫస్ట్‌లుక్‌లో ఈ ఒక్కటే మైనస్ అయ్యిందా..?

ఇటీవల కాలంలో కొత్త సినిమాల పోస్టర్స్, టీజర్ కానీ రిలీజ్ అయితే వాటిని వేరే చిత్రాలతో, వేరే హీరోల పోస్టర్లతో పోల్చి ట్రోల్ చేయడం సోషల్ మీడియాలో కామన్ అయిపోయింది. అయితే ట్రోలింగ్ కి ఎంత పెద్ద హీరో అయినా, ఎంత ఫ్యాన్ ఫాలోయింగ్ ఉన్నా ట్రోలింగ్ కి అతీతులు కారని తాజాగా నిరూపితం అయ్యింది.

ఈ చిత్రానికి కొరటాల శివ దర్శకత్వం వహిస్తున్నారు. తాజాగా రిలీజ్ అయిన ఈ పోస్టర్ కి ఎన్టీఆర్ అభిమానుల నుండి మంచి రెస్పాన్స్ వచ్చింది. అయితే సోషల్ మీడియాలో ఈ పోస్టర్ ను మరో హీరో పోస్టర్ తో పొలుస్తూ ట్రోల్ చేస్తున్నారు. ఆ వివరాలు ఇప్పుడు చూద్దాం..
యంగ్ టైగర్ ఎన్టీఆర్ బర్త్ డే సందర్భంగా ‘దేవర’ ఫస్ట్ లుక్ పోస్టర్ రిలీజ్ అయిన విషయమ అందరికి తెలిసిందే. కొరటాల శివ ఈ చిత్ర లాంచ్ ఈవెంట్ లో ఈమూవీ గురించి మరియు ఎన్టీఆర్ పాత్ర గురించి ఎలివేషన్స్ చెప్పారు. అవి విన్న తరువాత అందరు జూనియర్ ఎన్టీఆర్ ఈ మూవీలో మాస్ అవతార్ లో ఉంటారని ఊహించుకున్నారు. లుక్ చూసి ఎన్టీఆర్ ఫ్యాన్స్ సంతోషించారు. కానీ ఆడియన్స్ లుక్ మామూలుగా ఉందని అంటున్నారు. సోషల్ మీడియాలో ఈ లుక్ ని ‘వాల్తేరు వీరయ్య’ లో మెగాస్టార్ చిరంజీవి కనిపించే ఫస్ట్ సీన్ లోని షాట్ తో పోలుస్తూ మెగా అభిమానులు కామెంట్స్ చేస్తున్నారు. పాన్ ఇండియన్ చిత్రాలను చేస్తూ కూడా కాపీ కొట్టడం ఏంటని డైరెక్టర్  కొరటాలను ట్యాగ్ చేస్తూ మెగా ఫ్యాన్స్ కామెంట్స్ పెడుతున్నారు. ఇలా దేవర ఫస్ట్ లుక్ పోస్టర్ పై కొంత మంది కాపీ అని, మరి కొంత మంది చాలా హెవీగా ఎడిట్ చేసారని కామెంట్స్ చేస్తున్నారు. వీరిలో ఎక్కువ మంది కొమరం భీమ్ సముద్రం దగ్గర నిల్చోని ఉన్నట్టుగా ఉందని, ఆ పాత్రనే కొంచెం మార్చి పోస్టర్ రిలీజ్ చేసారని అంటున్నారు. మంచి రెస్పాన్స్ వచ్చిన కూడా అది కేవలం కొరటాల శివ ఇంత యాక్షన్ ఓరియెంటెడ్ మూవీ చేస్తున్నాడు అని ఈ లుక్ తో  తెల్సింది కాబట్టీ పొగిడారు. కానీ అవి అన్నీ పక్కన పెట్టి చూస్తే ప్రేక్షకులకి ఇది అంత పెద్ద కొత్తగా ఏం అనిపించలేదని టాక్.

Also Read: మిగిలిన హీరోలు చేస్తే లేనిది… “మహేష్ బాబు” చేస్తే మాత్రం ఎందుకు వచ్చింది..?

సినిమాల్లో నటించే వాళ్ళకి బయట ఎలాంటి గుర్తింపు ఉంటుందో అందరికీ తెలుసు. సినిమాల్లో నటించే వాళ్ళకి మాత్రమే కాకుండా సెలబ్రిటీ స్టేటస్ ఉన్న ప్రతి వ్యక్తికి బయట ఏదో ఒక రకమైన గుర్తింపు ఉంటుంది. ఆ సెలబ్రిటీ స్టేటస్ తో ఆ వ్యక్తులు కూడా ఎన్నో పనులు చేస్తూ ఉంటారు. వారికంటూ ఒక ప్రత్యేకమైన బ్రాండ్ ఉంటుంది.

వారు ఆ బ్రాండ్ ని ప్రజలకి తెలపాలి అనుకుంటూ ఉంటారు. వ్యాపార రంగంలో ఉన్న ఎంతో మంది కూడా ఈ సెలబ్రిటీల బ్రాండ్ ని వారి పబ్లిసిటీ కోసం, వారి సంస్థ ప్రమోట్ అయ్యేలాగా చేస్తూ ఉంటారు. అలా చాలామంది సెలబ్రిటీలు ఎన్నో ఉత్పత్తులకు పబ్లిసిటీ చేశారు. సెలబ్రిటీ స్టేటస్ ఉన్న స్టార్ హీరోల్లో సూపర్ స్టార్ మహేష్ బాబు కూడా ఒకరు. మహేష్ బాబు ఇప్పటివరకు ఎన్నో ప్రకటనలలో నటించారు.

మహేష్ బాబు అంతకుముందు బయట ఎక్కువగా కనిపించేవారు కాదు. దాంతో ఫ్యాన్స్ అందరూ కూడా మహేష్ బాబు ఈవెంట్స్ లో కూడా కనిపిస్తే బాగుండు అనుకునేవారు. తర్వాత మెల్లగా సినిమా ప్రమోషన్ ఇంటర్వ్యూలకి రావడం మొదలుపెట్టారు. ఇప్పుడు మహేష్ బాబు సోషల్ మీడియాలో కూడా యాక్టివ్ గా ఉంటున్నారు. అయితే మహేష్ బాబు జీ తెలుగులో ఇటీవల జరిగిన ఒక డాన్స్ ప్రోగ్రాంకి అతిధిగా వచ్చారు. మహేష్ బాబు జీ తెలుగుతో ఒప్పందం చేసుకున్నారు. భాగంగానే మహేష్ బాబు జీ తెలుగులో ప్రసారం అయ్యే కొన్ని ప్రోగ్రామ్స్ కి అతిథిగా వస్తారు అనే వార్తలు వినిపిస్తున్నాయి.

ఛానల్ కి బ్రాండ్ అంబాసిడర్ అయిన కారణంగా మహేష్ బాబు ఈ ఈవెంట్స్ కి వస్తారు. అంతే కాకుండా ఈ ఛానల్ లో ఒక సీరియల్ ప్రోమోలో కూడా మహేష్ బాబు కనిపించారు. దీనిపై చాలా నెగిటివ్ కామెంట్స్ రావడం మొదలయ్యాయి. మహేష్ బాబు అంతకుముందు కూడా జీ తెలుగుకి సంబంధించి ఇలాంటి ఒక ప్రమోషన్ చేశారు. ఆ ప్రమోషన్ వీడియోలో కొన్ని సీరియల్స్ ని ప్రమోట్ చేశారు. ఇప్పుడు కూడా అలాగే చేశారు. అసలు మహేష్ బాబు రేంజ్ ఏంటి ఇలా సీరియల్స్ లో రావడం ఏంటి అని చాలామంది కామెంట్స్ చేయడం మొదలుపెట్టారు.

అయితే స్టార్ హీరోలు ప్రోగ్రామ్స్ కి రావడం కొత్త ఏమీ కాదు. అల్లు అర్జున్ కూడా పుష్ప సినిమా విడుదల అయిన తర్వాత ఢీ డాన్స్ షోకి అతిథిగా వచ్చారు. ఇంకా చాలామంది హీరోలు కూడా అలాగే డాన్స్ షోలకి, లేదా ఇతర షోలకి అతిథిగా వెళ్లడం జరుగుతూనే ఉంది. అయితే మిగిలిన హీరోలు చేసినప్పుడు లేనిది కేవలం మహేష్ బాబు చేస్తూ ఉంటే ఎందుకు అందరికీ అంత తప్పు చేస్తున్నట్టు అనిపిస్తుంది అంటూ కామెంట్స్ వస్తున్నాయి. అలాగే ఈ హీరోలు అందరూ కూడా వారి బ్రాండ్ తో ఎన్నో ఉత్పత్తులను ప్రమోట్ చేస్తూ ఉంటారు.

మహేష్ బాబు అలాగే ఒక ఒక ప్రముఖ పాన్ తయారుచేసే కంపెనీకి చెందిన ఉత్పత్తిని ప్రమోట్ చేశారు. అది ఒక ఫ్లేవర్డ్ యాలకులు. అందులో ఎటువంటి హానికర పదార్థాలు ఉండదు. కానీ ఈ విషయాన్ని పక్కన పెట్టి మహేష్ బాబు ఒక సమయంలో బాలీవుడ్ గురించి మాట్లాడినప్పుడు బాలీవుడ్ ఇండస్ట్రీకి చెందిన కొంత మంది నార్త్ ఇండియన్ నెటిజన్లు మహేష్ బాబు పాన్ మసాలా వంటి ఉత్పత్తులను ప్రమోట్ చేశారు అంటూ కామెంట్ చేశారు. అంతేకాకుండా సీరియల్ కి స్టార్ హీరోలు ప్రమోట్ చేయడం తెలుగులో మాత్రమే కొత్త. బాలీవుడ్ లో షారుక్ ఖాన్, అమీర్ ఖాన్, సల్మాన్ ఖాన్, అమితాబ్ బచ్చన్ వంటి పెద్ద పెద్ద స్టార్ హీరోలు ఎన్నో సీరియల్స్ ప్రమోట్ చేశారు.

ఇప్పుడు కూడా వారి సినిమాలు ఏమైనా విడుదల ఉంటే సీరియల్స్ ప్రమోట్ చేయడం మాత్రమే కాకుండా, సీరియల్ లో ఒక ఎపిసోడ్ లో కూడా కనిపిస్తూ ఉంటారు. ఇది తెలుగులో మాత్రమే కొత్త. దాంతో, “మహేష్ బాబు ఒక కొత్త ట్రెండ్ క్రియేట్ చేస్తున్నారు. అలాంటి విషయాలకి అభినందించాల్సింది పోయి ఇలా నెగిటివ్ కామెంట్స్ చేయడం కరెక్ట్ కాదు” అని అంటున్నారు. అంతేకాకుండా, “షోస్ కి రావడం అంతకుముందు చాలామంది తెలుగు స్టార్ హీరోలు చేశారు కదా? కేవలం మహేష్ బాబుని మాత్రమే ఎందుకు అంటున్నారు?” అనే కామెంట్స్ కూడా వస్తున్నాయి.

జబర్దస్త్ కామెడీ షోకి ప్రజల్లో ఎంత ఆదరణ ఉందో అందరికి తెలిసిందే. యూట్యూబ్ లో జబర్దస్త్ వీడియోలకు మిలియన్ల వ్యూస్ తో ట్రెండ్ అవుతూ ఉంటాయి. ఈ కామెడీ షో ఎంతో మంది ఆర్టిస్ట్ లకు జీవితాన్ని ఇచ్చింది.

ఇందులో గుర్తింపు పొందిన అనేక మంది సినిమాల్లో కూడా నటిస్తు తెలుగు ఇండస్ట్రీలో సెలబ్రిటీ హోదాను అనుభవిస్తున్నారు. అయితే ఇటీవల రెమ్యున‌రేష‌న్ ఎక్కువ వ‌స్తుంద‌నే ఆశ‌తో ఇప్ప‌టికే చాలా మంది జ‌బ‌ర్దస్త్ ను వీడి వెళ్లిపోయారు. ఇక ఆ షోనే న‌మ్ముకుని బ్ర‌తుకుతున్న‌వాళ్లు కూడా ఉన్నారు.

జ‌బ‌ర్ద‌స్త్ ప్రారంభంలో కేవ‌లం మ‌గ‌వాళ్లు మాత్రం స్కిట్ లు చేసేవారు. ఆడ‌వాళ్ల పాత్ర అవ‌స‌రం అయితే ఆ పాత్ర‌లో కూడా చీర‌లు క‌ట్టుకుని వాళ్లే న‌టించేవారు. ఆ తర్వాత కొంత‌మంది ట్రాన్స్ జెండ‌ర్ ల‌కు కూడా జ‌బ‌ర్ద‌స్త్ లో అవ‌కాశం ఇవ్వ‌డంతో వాళ్ళ జీవితాలు కూడా సెటిల్ అయ్యాయి. అలా జ‌బ‌ర్ద‌స్త్ ద్వారా ప్రియాంక సింగ్ పింకీకి ఎంతో గుర్తింపు వచ్చింది. ఈ షో తో వ‌చ్చిన పాపులారిటీ తోనే ప్రియాంక సింగ్ బిగ్ బాస్ షో లోకి ఎంట్రీ ఇచ్చింది.

ఇక ఆ త‌ర‌వాత మ‌హిళ‌ల‌కు కూడా జ‌బ‌ర్ద‌స్త్ లో అవ‌కాశాలు ఇచ్చిన సంగ‌తి తెలిసిందే. ఈ షోలో క‌నిపించిన లేడీ కంటెస్టెంట్స్ లో స‌త్య శ్రీ ఎక్కువ‌గా పాపులారిటీని సంపాదించుకుంది. చంద్ర‌కు భార్యగా న‌టిస్తూ అభిమానుల‌ను సంపాదించుకుంది. తాజాగా స‌త్య‌శ్రీ జ‌బ‌ర్ద‌స్త్ గురించి ఓ ఇంట‌ర్వ్యూలో ఆస‌క్తిక‌ర విష‌యాల‌ను వెల్లడించింది. జ‌బ‌ర్ద‌స్త్ లో త‌న చీర క‌ట్టుకు అభిమానులు ఉన్నార‌ని చెప్పింది.

తాను చీర‌క‌ట్టుకుంటే వినోద్ ఎంత సేపు క‌ట్టుకుంటావ్ అంటూ హేళ‌న చేసేవాడ‌ని, తాను అర‌గంట సేపు చీర క‌ట్టుకునే దాన్న‌ని చెప్పింది. ఇక తాను క‌ట్టుకున్న చీర‌లు అన్నీ త‌న త‌ల్లివే అని సత్యశ్రీ తెలిపింది. దాదాపు 500 ఎపిసోడ్ ల‌లో తాను క‌ట్టిన చీర‌ను మ‌రోసారి క‌ట్ట‌లేద‌ని పేర్కొంది. అయితే షో నిర్వాహ‌కులు ఇచ్చిన చీర‌ల‌ను మ‌రికొన్ని స్కిట్ ల‌లో మార్చిమార్చి క‌ట్టుకుంటార‌ని ఆమె చెప్పుకొచ్చింది.