Filmy Adda

‘కాంతార’.. గత కొన్ని రోజులుగా సినిమా ఇండస్ట్రీ ని షేక్ చేస్తున్న కన్నడ చిత్రం. భాష తో సంబంధం లేకుండా ప్రతి చోటా ప్రేక్షకుల ఆదరణ పొందుతోంది చిత్రం. హీరో గా.. దర్శకుడిగా రిషబ్ శెట్టి చేసిన అద్భుతానికి అన్ని భాషల్లో మంచి స్పందన వస్తోంది. మరుగున పడిపోతున్న కళలకి దృశ్యరూపం ఇచ్చిన రిషబ్ శెట్టి పై ప్రశంసల వర్షం కురుస్తోంది.

రెండు ప్రధాన పాత్రల్లో నటిస్తూ రిషబ్ శెట్టి దర్శకత్వం వహించిన ఈ చిత్రం బాక్సాఫీస్ వద్ద చరిత్ర సృష్టిస్తోంది. కన్నడ వెర్షన్ లోనే కాకుండా ఇతర భాషల్లో కూడా అద్భుతమైన బాక్సాఫీస్ కలెక్షన్లను ఈ సినిమా నమోదు చేస్తుంది.

మొదటి రోజు మంచి టాక్ తెచ్చుకున్న తర్వాత క్రమక్రమంగా ఈ చిత్రం అసాధారణమైన స్పందనను పెంచుకుంటూ కలెక్షన్లలో గణనీయమైన అభివృద్ధిని కనబరిచింది. ముఖ్యం గా క్లైమాక్స్ లో అయితే ప్రేక్షకులను మరో లోకం లోకి తీసుకెళ్తోందని సాధారణ ప్రేక్షకుల నుంచి సెలెబ్రెటీల వరకు అందరూ అభినందనలు కురిపిస్తున్నారు. అయితే కాంతారా సినిమాకు ముంది పింగార అనే ఓ సినిమా వచ్చింది.

ఈ సినిమాను క‌న్న‌డ, తులు భాష‌ల్లో తీశారు. పింగార సినిమాలో పీడిత కులాల నిర‌స‌న‌కు వ్య‌తిరేకంగా చేసే పోరాటం గురించి చూపిస్తారు. కానీ ఆ సినిమా హిట్ కాలేదు. దానికి కారణం కమర్షియల్ హంగులు లేక పోవడమే. కానీ కాంతారా లో అయితే ఒక తెగ‌వాళ్ల‌కు చెందిన ఆచారాన్ని చూపించారు. పైగా క‌మ‌ర్షియ‌ల్ హంగుల‌ను కూడా దీనిలో మిక్స్ చేసారు. అందుకే ఈ కాంతారా సినిమా హిట్ అయ్యింది. అద్భుతమైన బాక్సాఫీస్ కలెక్షన్లను కూడా ఇది నమోదు చేస్తోంది.

ఈ సంవత్సరం రిలీజ్ అయి హ్యూజ్ సక్సెస్ ను ప్రేక్షకుల ఆదరణ పొందిన చిత్రం బింబిసార. నందమూరి కళ్యాణ్ రామ్ హీరోగా చాలా రోజుల తర్వాత భారీ బడ్జెట్ లో తెరకెక్కిన ఈ చిత్రం అందరి అంచనాలకు తగినట్టుగాని బాక్సాఫీస్ వద్ద కలెక్షన్ల వర్షం కురిపిస్తుంది.
ఈ చిత్రంలో చైల్డ్ ఆర్టిస్ట్ గా నటించిన బేబీ శ్రీదేవి తన నటనతో అందరినీ మెప్పించింది.

Also Read:  “ఆది” సినిమాకి మొదట అనుకున్న హీరో ఎవరో తెలుసా.? అసలు “వినాయక్” తీయాలనుకున్న కథ ఏంటంటే.?

bibisara movie child artist

సినీ పరిశ్రమలో చైల్డ్ ఆర్టిస్ట్ కి కొదవ ఏమీ లేదు, మొన్న రిలీజ్ అయిన అక్కడ నుంచి ఆర్ ఆర్ ఆర్ వరకు చాలా చిత్రాల కథలు చైల్డ్ ఆర్టిస్టులు ముఖ్య పాత్రలు పోషించారు. చైల్డ్ ఆర్టిస్ట్ గా చేసి అందరి దృష్టి తన వైపు ఆకర్షించుకున్న బేబీ శ్రీదేవికి ఇది మొదటి సినిమా కాదు. ఆమె కల్యాణ వైభోగం, ప్రేమ, యమలీల లాంటి ఎన్నో ప్రముఖ సీరియల్ లో మరియు మేజర్, రామారావు ఆన్ డ్యూటీ వంటి చిత్రాలలో నటించిన తెలుగు టీవీ ప్రేక్షకుల మనసు దోచుకుంది.

Also Read:   “సీతమ్మ వాకిట్లో సిరిమల్లె చెట్టు” ఎన్నో సార్లు చూసినా…కానీ 6 డౌట్లు మాత్రం అలాగే మిగిలిపోయాయి..!

bibisara movie child artist

ఈ చిన్నారి తండ్రి అయిన శ్రీహరి గౌడ్, ఆర్టిస్ట్ కం ఎగ్జిక్యూటివ్ ప్రొడ్యూసర్ గా తెలుగు ఇండస్ట్రీలో పని చేస్తున్నారు. తన తండ్రి ద్వారా చిత్రసీమకు పరిచయమైన ఈ చిన్నారి తన ముద్దు ముద్దు మాటలతో క్యూట్ యాక్షన్ తో తనకంటూ ప్రత్యేక గుర్తింపును సంపాదించగలిగింది.ఇక బింబిసారలో శాంభవి క్యారెక్టర్ లో పరకాయ ప్రవేశం చేసిన ఈ బాల నటి తన నటనా ప్రతిభతో ప్రేక్షకులను మంత్రముగ్ధులను చేసింది.

Also Read:     “సీతా రామం” సినిమాలో హీరోయిన్ ఛాన్స్ మిస్ చేసుకున్న… ఆ స్టార్ నటి ఎవరో తెలుసా…?

మంచు విష్ణు హీరోగా వచ్చిన సినిమా జిన్నా. ఈ సినిమాలో పాయల్ రాజ్‌పుత్, సన్నీ లియోన్ హీరోయిన్లుగా నటించారు. వీరు మాత్రమే కాకుండా ఈ సినిమాలో ఎంతో మంది ప్రముఖ నటులు ముఖ్య పాత్రలు పోషిస్తున్నారు. ఈ సినిమాకి సూర్య దర్శకత్వం వహించారు.

మంచు విష్ణు ఈ సినిమాకి నిర్మాతగా వ్యవహరించారు. అనూప్ రూబెన్స్ ఈ సినిమాకి సంగీత దర్శకత్వం ఇచ్చారు. ఈ సినిమా విడుదల అయ్యింది. మంచి టాక్ ఈ సినిమాకు వచ్చింది.

ఈ సినిమాలో ఒక పాటని మంచు విష్ణు కూతుర్లు అరియానా-వివియానా పాడారు అన్న విషయం తెలిసిందే. ఆ పాటలో వారు కనిపిస్తారు కూడా. ఈ సినిమాలో మంచు విష్ణు గెటప్ చాలా డిఫరెంట్ గా ఉంది. సన్నీ లియోన్ అంతకు ముందు మంచు మనోజ్ హీరోగా నటించిన కరెంట్ తీగ సినిమాలో కూడా ఒక ముఖ్య పాత్రలో నటించారు. మళ్లీ చాలా సంవత్సరాల తర్వాత తెలుగులో ఇప్పుడు నటిస్తున్నారు. ఈ సినిమా తెలుగులో మాత్రమే కాకుండా తమిళ్, కన్నడ, మలయాళం, హిందీ భాషల్లో కూడా విడుదల అయ్యింది.

ఇక ఈ సినిమా ఎన్ని కోట్లను రాబట్టింది అనేది చూస్తే.. జిన్నా చిత్రానికి రూ.4.35 కోట్ల థియేట్రికల్ బిజినెస్ జరిగింది. అయితే బ్రేక్ ఈవెన్ అవ్వాలంటే రూ.4.6 కోట్ల షేర్ రావాలట. ఇది నిజంగా అంత ఈజీ అయితే కాదు. ఎందుకంటే ఈ సినిమాకు పోటీగా ‘ప్రిన్స్’ ‘ఓరి దేవుడా’ ‘సర్దార్’ వంటి మూవీస్ వున్నాయి. పైగా కాంతారా సినిమా మంచి టాక్ ని తెచ్చుకుంటోంది. అయితే ఇలాంటి సమయంలో రూ.4.6 కోట్ల షేర్ రావడం కష్టమే. మరి ఏం అవుతుందో చూడాలి.

బింబిసార’ ఈ ఏడాది బిగ్గెస్ట్ బ్లాక్‌బస్టర్ గా నిలిచిన చిత్రాలలో ఒకటి. చాలా కాలం తర్వాత కళ్యాణ్ రామ్‌కి ఈ చిత్రం కమర్షియల్ హిట్ అయ్యింది. మల్లిడి వశిష్ట దర్శకత్వం వహించిన ఈ చిత్రం ఆగస్ట్ 5న విడుదలైంది . ఇన్ని రోజులు గడుస్తున్నా కూడా ఈ సినిమా కలెక్షన్స్ ఇంకా స్టడీగా ఉన్నాయి.

మరియు బింబిసార మూవీ లో కళ్యాణ్ రామ్ కు హీరోగా ఎంత గుర్తింపు దక్కిందో , దర్శకుడు మల్లిడి వశిష్ట కూడా అదే స్థాయిలో గుర్తింపు పొందారు. వశిష్ట డైరెక్షన్ కి అందరూ అతన్ని అభినందిస్తున్నారు.

అయితే ఈ క్రమంలో బింబిసార చిత్రానికి వశిష్ట ఎంత పారితోషికం తీసుకున్నారనే దానిపై సోషల్ మీడియాలో చర్చలు జరుగుతున్నాయి. మరి ఈ విషయం గురించి పూర్తిగా తెలుసుకుందామా….కళ్యాణ్ రామ్ స్వీయ నిర్మాణంలో తెరకెక్కిన ఈ చిత్రం ఇప్పటివరకు రూ.35 కోట్లకు పైగా కలెక్షన్లు రాబట్టింది. ఫుల్ రన్ ముగిసే సమయానికి 40 కోట్ల షేర్ సాధించాలని చిత్ర యూనిట్ అంచనా వేస్తోంది. ఈ చిత్రం కళ్యాణ్ రామ్ కెరీర్‌లోనే బిగ్గెస్ట్ ఓపెనర్‌గా నిలిచింది. అంతేకాకుండా ఇప్పటివరకు అత్యధిక కలెక్షన్ సాధించిన చిత్రంగా బింబిసార నిలిచింది.ఈ సినిమాతో టాలీవుడ్‌లో కళ్యాణ్ రామ్ మార్కెట్ విపరీతంగా పెరిగిపోయింది.

బింబిసార దర్శకుడు మల్లిడి వశిష్ట మాత్రం ఈ చిత్రానికి పనిచేసిన అంతకాలం నెలవారీ జీతం తీసుకున్నాడు.కానీ చిత్రం రిలీజ్ అయి హ్యూజ్ సక్సెస్ అవ్వడంతో కళ్యాణ్ రామ్ కు కలెక్షన్స్ బాగానే వచ్చాయి. అయితే ప్రస్తుతం వశిష్ట బింబిసార-2 స్క్రిప్ట్‌పై పని చేస్తున్నాడు.

దీంతో సంతోషించిన కళ్యాణ్ రామ్ డైరెక్టర్ కు మూడు కోట్ల అతను తీయబోయే సీక్వెల్ చిత్రానికై పారితోషికం గా ఇచ్చినట్లు సమాచారం. తీయబోతున్న రెండవ చిత్రానికి అంత భారీ మొత్తాన్ని ఒక డైరెక్టర్ పారితోషకంగా అందుకోవడం ఇండస్ట్రీలో సామాన్యమైన విషయమైతే కాదు అన్న చర్చ జరుగుతోంది.

ఇవి కూడా చదవండి: “శ్రీదేవి డ్రామా కంపెనీ: డాన్స తో అదరగొట్టిన బస్ కండక్టర్ రియల్ లైఫ్ కన్నీటి కష్టాల గురించి తెలుసా.?

సాధారణంగా కళ్యాణ్ రామ్ అంటే డిఫరెంట్ సబ్జెక్ట్ ఉన్న సినిమాలు చేసే హీరో అనే పేరు ఉంది. కొత్త దర్శకులని ప్రోత్సహించడంలో కళ్యాణ్ రామ్ ముందు వరుసలో ఉంటారు. ఇప్పుడు అలాగే మరొక కొత్త దర్శకుడితో కళ్యాణ్ రామ్ బింబిసార సినిమాతో ప్రేక్షకుల ముందుకు వచ్చారు.

అంతేకాకుండా మొదటిసారిగా కళ్యాణ్ రామ్ ఒక సోషియో ఫాంటసీ సినిమా చేశారు. ఇలాంటి పాత్రలో కళ్యాణ్ రామ్ నటించడం కూడా ఇదే మొదటి సారి. ఈ పాత్ర కోసం కళ్యాణ్ రామ్ చాలా కష్టపడ్డారు. బరువు తగ్గి, మేకోవర్ అయ్యి ఒక రాజు పాత్రకి ఎలా అయితే ఉండాలో అలాగే ఉన్నారు. తన కష్టమంతా సినిమాలో కనిపిస్తోంది.

నందమూరి నటవారసత్వం తో దూసుకుపోతున్న ముగ్గురు హీరోలకు ఒకే సెంటిమెంట్ బాగా అచ్చి వచ్చింది. రీసెంట్ గా రిలీజ్ అయిన బాలకృష్ణ “అఖండ” మూవీ మరియు జూనియర్ ఎన్టీఆర్ “ఆర్ఆర్ఆర్” మూవీ లో వాడిన పాప సెంటిమెంట్ భారీగా ప్రేక్షకుల ఆదరణ అందుకుంది. అఖండ సినిమా మొత్తం ఆ పాప మీద నడుస్తుంది. కథలో మలుపు తిరిగేది కూడా పాపకి సంబంధించిన విషయంతోనే. ఇంకా ఆర్ఆర్ఆర్ సినిమాలో అసలు కొమరం భీమ్ వచ్చేది మల్లి అనే పాపని వెతకడానికి. ఒక రకంగా ఈ సినిమా కూడా మొత్తం ఆ పాప మీద నడుస్తుంది.

ఎన్నో రోజుల నుంచి మంచి మూవీతో ప్రేక్షకుల ముందుకు రావడానికి వేచి ఉన్న నందమూరి కళ్యాణ్ రామ్ ఇదే సెంటిమెంట్ ని ఫాలో అవుతూ “బింబిసార” చిత్రాన్ని ప్రేక్షకుల ముందుకు తీసుకొచ్చారు. ఇదిలా ఉండగా ఇంతకుముందు రిలీజ్ అయిన రెండు నందమూరి సినిమాలు పాప సెంటిమెంట్ తో భారీ హిట్లు సంపాదించిన నేపథ్యంలో అదే సెంటిమెంట్ ఫాలో అవుతున్న ” బింబిసార” లో కూడా పాప కాన్సెప్ట్ సినిమాకి హైలెట్ గా నిలిచింది. ఆగస్టు 5న రిలీజ్ అయిన ఈ సినిమాలో కేథరిన్ ట్రెసా హీరోయిన్ గా నటించగా, వెన్నెల కిషోర్ , బ్రహ్మాజీ, సంయుక్త మీనన్ తదితరులు ముఖ్య పాత్రల్లో కనిపించారు.

టాలీవుడ్ కు సంక్రాంతి ప్రతిసారి కూడా ఒక అద్భుతమైన అవకాశం గా మారుతుంది. ఈ ఫెస్టివల్లో కాస్త పాజిటివ్ టాక్ అందుకున్న సినిమాలు కూడా భారీ స్థాయిలో ప్రాఫిట్స్ అందిస్తూ ఉంటాయి. అందుకే ప్రతిసారి కూడా పోటీ తీవ్రత ఎంత ఉన్నా కూడా సినిమాలను విడుదల చేస్తూ ఉంటారు మేకర్స్. ఈ సారి సంక్రాంతికి కూడా అతిపెద్ద సినిమాలు బాక్సాఫీస్ వద్ద పోటీ పడేందుకు సిద్ధమవుతున్నాయి.

గత రెండేళ్లలో సంక్రాంతి సినిమా సమరం అంతగా లేదు. కరోనా ఆంక్షల నేపథ్యంలో పెద్ద చిత్రాల మధ్య పోటీ లేకుండా పోయింది. అయితే 2023 మాత్రం అతిపెద్ద బాక్సాఫీస్ వార్ కి సిద్ధం అవుతుందని తెలుస్తోంది.

ఈ పోటీలో మొత్తం ఎన్ని సినిమాలు ఉన్నాయి అని వివరాల్లోకి వెళితే..

మెగాస్టార్ చిరంజీవి నటించిన 154 సినిమాపై అంచనాలు గట్టిగానే ఉన్నాయి. బాబీ దర్శకత్వంలో తెరకెక్కుతున్న ఈ సినిమా టైటిల్ పై ఇంకా అఫీషియల్ గా క్లారిటీ ఇవ్వలేదు. కానీ దాదాపు ‘వాల్తేరు వీరయ్య’ అనే టైటిల్ ఖరారు అయ్యే అవకాశం ఉన్నట్లుగా తెలుస్తోంది. ఇది సంక్రాంతి బరి లోనే ఉండే అవకాశాలు ఉన్నాయి. బాక్సాఫీస్ వద్ద వరుసగా దారుణమైన ఫలితాలతో సతమతమవుతున్న ప్రభాస్ ఈ సారి ఆదిపురుష్ సినిమాతో పండుగ వాతావరణాన్ని ఉపయోగించుకుని సక్సెస్ అందుకోవాలని అనుకుంటున్నాడు. ఓం రౌత్ దర్శకత్వంలో తెరకెక్కుతున్న ఈ సినిమా తప్పకుండా సంక్రాంతికి వస్తుందని ఇదివరకే చిత్ర యూనిట్ క్లారిటీ ఇచ్చిన విషయం తెలిసిందే.

అయితే మరొక వైపు విజయ్ నటించిన వారసుడు సినిమా సంక్రాంతికి వచ్చే అవకాశం ఉన్నట్లుగా ఇదివరకే ఒక వివరణ ఇచ్చారు చిత్ర బృందం.

అలాగే నందమూరి బాలకృష్ణ నటిస్తున్న మరొక సినిమా కూడా సంక్రాంతి కానుకగా ప్రేక్షకుల ముందుకు వచ్చే అవకాశం ఉంది. గోపీచంద్ మలినేని దర్శకత్వంలో బాలకృష్ణ తన 107వ సినిమాను చేస్తున్న విషయం తెలిసిందే. ఈ సినిమాకు సంబంధించిన షూటింగ్ పనులు చివరి దశకు చేరుకున్నాయి. ఇది కూడా సంక్రాంతి బరి లో ఉన్నట్లు తెలుస్తోంది. ఇది కాకుండా అఖిల్ హీరోగా నటిస్తున్న ఏజెంట్ మూవీ కూడా సంక్రాంతికే విడుదల కాబోతుందని సమాచారం.

దీంతో 2023 జనవరిలో ప్రభాస్, చిరంజీవి, బాలయ్య, విజయ్, అఖిల్ తమ చిత్రాలతో బాక్సాఫీస్ వద్ద పోటీపడనున్నారట. మరి ఈ బాక్స్ ఆఫీస్ ఫైట్ లో ఎవరు నెంబర్ వన్ స్థానంలో నిలుస్తారో చూడాలి.