Filmy Adda

మెగా మేనల్లుడు సాయి ధరమ్ తేజ్ హీరోగా ఎంట్రీ ఇచ్చిన దగ్గర నుంచి విభిన్నమైన కథలు ఎంచుకుంటూ ప్రేక్షకులను ఆకట్టుకుంటున్నాడు. హిట్లు, ఫ్లాప్ లతో సంబంధం లేకుండా బ్యాక్ టు బ్యాక్ సినిమాలు చేస్తూ దూసుకుపోతున్నాడు.

గతేడాది సెప్టెంబర్ లో బైక్ పై వెళ్తూ తేజ్ ..ప్రమాదవశాత్తూ కింద పడిన విషయం తెలిసిందే.. దాంతో సినిమాలకు చిన్న బ్రేక్ ఇచ్చాడు. మొదట్లో అది చిన్న ప్రమాదమే అనుకున్నా.. తర్వాత కాదని తెల్సింది. 35 రోజులు హాస్పిటల్లో చికిత్స పొంది ఇంటికి చేరుకున్నాడు సాయి ధరమ్ తేజ్.

పూర్తిగా కోలుకున్న తర్వాత ఇటీవలే తిరిగి సినిమా షూటింగ్స్‌లో జాయిన్ అవుతున్నాడు. కార్తిక్ దండు అనే కొత్త దర్శకుడితో సినిమా చేస్తున్నాడు సాయి. ఆ సినిమా షూటింగ్ మొదలైంది. తేజ్ కెరీర్ లో ఇది 15వ సినిమా. తాజాగా ఈ సినిమా షూటింగ్ ఇటీవలే కుత్బుల్లాపూర్లో హెచ్ ఎంటీ అర్బన్ ఫారెస్ట్రీలో జరిగింది. ఓ క్లిష్టమైన షెడ్యూల్ని ఇక్కడ షూట్ చేసి పూర్తి చేశారు. అయితే షూటింగ్ నేపథ్యంలో ఆ ప్రాంతమంతా చెత్తతో నింపేశారట.

సినిమా షూటింగ్ అంటే వందలమంది పని చేస్తారు. కాబట్టి కాస్త చెత్త అవ్వడం జరుగుతుంది. అయితే ఆ ప్రాంతాన్ని చిత్రయూనిట్ శుభ్రం చేయించలేదట. చిత్రీకరణలో భాగంగా ఆ ప్రాంతమంతా చిందర వందరగా తయారైంది. షూటింగ్ స్పాట్ లో చెత్తా చెదారం వ్యర్ధాలతో అశుభ్రంగా మారిపోయింది.

దాంతో ఓ నెటిజన్ ట్విట్టర్ వేదికగా దీనిపై చిత్రయూనిట్ కు సమాచారం అందించాడు. ఆ ట్వీట్ కు జీహెచ్ఎంసీ అధికారులతోపాటు, తేజ్ ను కూడా ట్యాగ్ చేశాడు. ఈ ట్వీట్ పై తేజ్ స్పందిస్తూ.. ఈ విషయాన్ని నా దృష్టికి తెచ్చినందుకు చాలా థ్యాంక్స్. నా టీమ్ దీన్ని చూసుకుంటుంది. భవిష్యత్తులో ఇటువంటి సంఘటనలు పునరావృతం కాకుండా జాగ్రత్తలు తీసుకుంటాం అన్నారు. చెప్పినట్టే వెంటనే అక్కడి చెత్తను తొలగించారు. దాంతో తేజ్ పై నెటిజన్లు ప్రశంసలు కురిపిస్తున్నారు.

సాయి తేజ్ మంచి మనసు గురించి ప్రత్యేకంగా చెప్పాల్సిన అవసరం లేదు. ఇప్పటికే చాలా గుప్త దానాలు చేశాడు తేజ్. తాజాగా జరిగిన ఈ ఘటనతో నెటిజన్లు సాయి ధరమ్ తేజ్ మంచితనం గురించి చర్చించుకుంటున్నారు. సుకుమార్ రైటింగ్స్, శ్రీ వెంకటేశ్వర సినీ చిత్ర సంయుక్తంగా తేజ్ 15 సినిమాను నిర్మిస్తున్నాయి. కార్తీక్ దండు సినిమాతో పాటు మరో రెండు సినిమాలకు కూడా కమిటయ్యాడు సాయి. అందులో ఒకటి మేనమామ పవన్ కళ్యాణ్‌తో కూడా చెయ్యాల్సి ఉంది.

గత కొంత కాలంగా పరిస్థితులు చూస్తుంటే తెలుగు సినీ ప్రేక్షకుల టేస్ట్ మారిందని తెలుస్తోంది. ఇదివరకటిలాగా మూస సినిమాలను, రొటీన్ సినిమాలను వారు ఎంకరేజ్ చేయడం లేదు. వారి అభిమాన హీరో అయినా ఆ చిత్రాలను పక్కన పెట్టేస్తున్నారు.
ఈ నేపథ్యం లో టాలీవుడ్ బడా డైరెక్టర్ వివి వినాయక గత కొంత కాలం గా సైలెంట్ గా ఉంటున్నారు. నిజానికి వీవీ వినాయక్ అఖిల్ సినిమాతో భారీ డిజాస్టర్ అందుకున్నారు. తర్వాత ఖైదీ నెంబర్ 150 సినిమాతో ఒక మాదిరి హిట్ అందుకున్నా ఇంటిలిజెంట్ అనే సినిమాతో మరో డిజాస్టర్ అందుకుని ఇండస్ట్రీకి దూరం అయిపోయారు.

ప్రస్తుతం ఆయన బెల్లంకొండ సాయి శ్రీనివాస్ హీరోగా చత్రపతి సినిమాని హిందీలో రీమేక్ చేస్తున్నారు అని ప్రకటించారు. కానీ దానిపై ఇప్పటివరకు దానిపై అప్డేట్ లేదు.
తాజాగా ‘చెన్న కేశవ రెడ్డి ‘ చిత్ర రీ రిలీజ్ సందర్భంగా నిర్మాత బెల్లం కొండ సురేష్ ఆసక్తి కర విషయాలను పంచుకున్నారు.

”ఛ‌త్ర‌ప‌తి డ‌బుల్ పాజిటీవ్ చూసిన‌… పెన్ స్టూడియోస్ నిర్మాత‌లు చాలా ఇంప్రెస్ అయ్యారు. వినాయ‌క్ తో మ‌రో సినిమా చేయ‌డానికి ముందుకొచ్చారు. ఏకంగా రూ.500 కోట్ల బ‌డ్జెట్ తో సినిమా తీస్తామ‌న్నారు. వాళ్ల‌తో క‌థా చ‌ర్చ‌లు కూడా జ‌రిగాయి” అని క్లారిటీ ఇచ్చారు.

హిందీ ఛ‌త్ర‌ప‌తికి సంబంధించిన అప్ డేట్ కూడా ఆయన వెల్లడించారు. ”ఛ‌త్ర‌ప‌తి షూటింగ్ పూర్త‌య్యింది. హీరోయిన్ డేట్ల విష‌యంలో ఇబ్బందులు రావ‌డం వ‌ల్ల సినిమా ఆల‌స్య‌మైంది. లేక‌పోతే ముందే పూర్త‌యిపోయేది. ప్ర‌స్తుతం డ‌బ్బింగ్ ప‌నులు ముంబైలో జ‌రుగుతున్నాయి. సీజీ కోసం మూడు నెల‌లు కేటాయించాలి. ఛ‌త్ర‌ప‌తితో పోలిస్తే.. హిందీలో యాక్ష‌న్ డోసు ఎక్కువ‌గా ఉంటుంది. అయినా స‌రే.. వినాయ‌క్ 80 రోజుల్లో ఈ సినిమాని పూర్తి చేసారు” అని బెల్లం కొండ సురేష్ తెలిపారు.

అయితే తెలుగు లో చాలా కాలంగా సరైన హిట్ లేని వివి వినాయక్ తో 500 కోట్ల సినిమానా.. అంటూ నెటిజన్లు చర్చించుకుంటున్నారు. మరో వైపు వినాయక్ తానే హీరోగా మరో సినిమా పట్టాలెక్కించనున్నట్లు సమాచారం. గతం లో కూడా ‘శీనయ్య’ మూవీ ని ప్రకటించారు వినాయక్. కానీ అది ఇప్పటి వరకు బయటకు రాలేదు.

నితిన్ నటించిన ‘ద్రోణ’ సినిమాతో ఇండస్ట్రీ లో అడుగు పెట్టారు కొరియోగ్రాఫర్ జానీ మాస్టర్. సూపర్ హిట్ సింగ్స్ కంపోస్ చేస్తూ కొరియోగ్రాఫర్ గా ఇండస్ట్రీలో ఎంతో మంచి పేరు ప్రఖ్యాతలు సంపాదించుకున్న జానీ మాస్టర్ గురించి ప్రత్యేకంగా చెప్పాల్సిన పనిలేదు.

జానీ మాస్టర్ మెగా ఫ్యామిలీకి పెద్ద అభిమాని అనే విషయం మనకు తెలిసిందే. తాను మెగాస్టార్ చిరంజీవి, పవన్ స్టార్ పవన్ కళ్యాణ్ ఎలా అభిమానిస్తారో రామ్ చరణ్ పై కూడా అదే స్థాయిలో అభిమానాన్ని కురిపిస్తారు.

ఇప్పటికే చాలా మెగా హీరోల సినిమాలకు ఈయన సూపర్త హిట్ సాంగ్స్ ను అందించారు. ఇకపోతే మెగా ఫ్యామిలీ తనకు చేసిన సహాయ సహకారాల గురించి జానీ మాస్టర్ ఇదివరకు ఎన్నో సార్లు చెప్పారు.
తాజాగా మరో సరి మెగా పవర్ స్టార్ తనకు ఎలా సహాయం చేశాడన్న దాని గురించి ఒక డాన్స్ షో లో మరో సారి ప్రస్తావించారు జానీ మాస్టర్. తాను ఇండస్ట్రీ లో ఎలా ఎదిగారు అన్న విషయాల గురించి చెప్తూ ఒక కంటెస్టెంట్ డాన్స్ పెరఫార్మ్ చేసారు.

దీనికి సంబంధించిన వీడియో ప్రస్తుతం వైరల్ అవుతుంది. ఇందులో భాగంగా జానీ మాస్టర్ భార్య ప్రెగ్నెంట్ గా ఉన్న సమయంలో ఆమె తీవ్రమైన ఇబ్బందులను ఎదుర్కొందని అదే సమయంలో జానీ మాస్టర్ రామ్ చరణ్ గారి సహాయం కోసం ఫోన్ చేయగా ఆయన మౌనవ్రతంలో ఉన్నారని మేనేజర్ చెప్పారు.

రామ్ చరణ్ మౌనవ్రతంలో ఉన్నప్పటికీ ఈ విషయాన్ని చేరవేయాల్సిన చోటికి చేరవేశారు. విషయం తెలియని జానీ మాస్టర్ తనకు సహాయం చేసే వారు ఎవరూ లేరని ఎంతో కుమిలిపోయారు అయితే హాస్పిటల్లో వైద్యులు తన భార్యకు సర్జరీ చేసి తల్లి బిడ్డ ఇద్దరిని క్షేమంగా కాపాడారు. అయితే బిల్లు కట్టే సమయంలో కేవలం 350 బిల్లు మాత్రమే కట్టమని అక్కడ వైద్య సిబ్బంది చెప్పడంతో జానీ మాస్టర్ ఆశ్చర్యపోయారు..

అప్పటికే హాస్పిటల్స్ సిబ్బందికి ఉపాసన హాస్పిటల్ బిల్ మొత్తం పే చేశారని తెలిసింది.రామ్ చరణ్ ఎలాంటి పరిస్థితులలో ఉన్న తన సహాయం కోసం వచ్చే వారిని నిరాశగా వెనక్కి పంపించారని ఏదో ఒక రూపంలో సహాయం చేస్తారంటూ ఈ సందర్భంగా జానీ మాస్టర్ తన విషయంలో రామ్ చరణ్ ఉపాసన చేసిన సహాయాన్ని ఈ విధంగా పర్ఫామెన్స్ చేసి చూపిస్తూ మరోసారి రాంచరణ్ మంచి మనసు గురించి బయట పెట్టారు. ప్రస్తుతం ఈ వీడియో వైరల్ అవుతుంది.

ఈ సందర్భంగా జానీ మాస్టర్ మాట్లాడుతూ.. రామ్ చరణ్ వల్లనే తాను ఈ రోజు ఈ పొజిషన్ లో ఉన్నాను.. తన కెరీర్ పరంగా , వ్యక్తిగతం గా కూడా ఎంతో సహాయం చేసింది రామ్ చరణ్ గారేనని, పలు సందర్భాల్లో ఆయన తమకు అండగా నిలిచారని చెప్పుకొచ్చారు.

రాజమౌళి డైరెక్షన్ లో వచ్చిన సినిమాల గురించి కొత్తగా చెప్పాల్సిన పని లేదు. రాజమౌళి సినిమాలు ఏ లెక్కలో ఉంటాయో బాహుబలి, RRR సినిమాలు చూస్తే తెలుస్తుంది. అయితే ఇప్పుడు ఇంక రాజమౌళి మహేష్ బాబు టైం. ఈ కాంబోలో సినిమా రావడం అనేది మహేష్ బాబు కల. ఆ కల ఇప్పుడు నెరవేరుతోంది.

చాలా రోజుల క్రితమే రాజమౌళి దర్శకత్వంలో మహేష్ బాబు సినిమాని తీస్తున్నట్లు చెప్పారు. అయితే ఇప్పుడు ఈ ప్రాజెక్టులో కొత్త డెవలప్మెంట్ తీసుకురావడం వలన అందరి ఎటెన్షన్ ఈ సినిమాపైనే పడింది.

రాజమౌళి తెలుగు మరియు ఇంగ్లీష్ భాషల్లో ఈ చిత్రాన్ని షూటింగ్ చేయాలని అనుకుంటున్నారు. తర్వాత ఈ చిత్రాన్ని మరికొన్ని భాషల్లోకి అనువాదం చేయనున్నారు. ఇప్పుడు మహేష్ బాబు త్రివిక్రమ్ దర్శకత్వంలో తన 28వ సినిమాలో నటిస్తున్నారు. ఈ చిత్రం పూర్తయిన తర్వాత రాజమౌళి దర్శకత్వంలో మహేష్ బాబు తన 29వ చిత్రం చేయనున్నారు. రాజమౌళి హాలీవుడ్ ఏజెన్సీ CAA కి సైన్ చేసారు. మహేష్ కోసం రాజమౌళి ఏదో పెద్దగానే ప్లాన్ చేస్తున్నారు.

రాజమౌళి ఇటీవల టోర్నడో ఇంటర్నేషనల్ ఫిలిం ఫెస్టివల్ కోసం కెనడా వెళ్లారు. అప్పుడు అక్కడ అయినా మహేష్ బాబుతో సినిమా తీసుకొస్తున్నట్లు చెప్పారు. జేమ్స్ బాండ్ లాంటి ప్రాజెక్ట్ ను తీసుకువస్తున్నట్లు రాజమౌళి అనౌన్స్ చేశారు. ఈ చిత్రం గురించి మహేష్ బాబు మాట్లాడుతూ… రాజమౌళి తో ఒక్క సినిమా చేయడం 25 సినిమాలని ఒకేసారి చేయడం అని చెప్పారు. ఈ సినిమా కనుక తెరమీదకు వచ్చిందంటే ఫాన్స్ కి పండగే. ఈ చిత్రం యొక్క స్క్రిప్ట్ ని ఎస్ ఎస్ రాజమౌళి తండ్రి రాస్తున్నారు.

రాజమౌళిలాంటి ఎంతో ప్రతిభ ఉన్న దర్శకుడు రూపొందించిన RRR చిత్రం ఆస్కార్ కి వెళ్తుందని అందరూ అనుకున్నారు కానీ ఆస్కార్ కి పంపలేదు. ఇంత మంచి సినిమాని వదిలేసి ఏదో సినిమాని ఆస్కార్ కి పంపారని చాలా మంది అంటున్నారు. సోషల్ మీడియాలో ఎక్కడ చూసినా ఇవే కామెంట్లు కనబడుతున్నాయి. ఈ సినిమాని ఆస్కార్ కి తీసుకువెళ్తే బాగుండేదని బాలీవుడ్ కి చెందిన ఎంతో మంది ప్రముఖులు కూడా అన్నారు.

దేశం లో ప్రస్తుతం ఆస్కార్ ఫీవర్ నడుస్తోంది. సినీ పరిశ్రమలోనే అత్యుత్తమ మైనదిగా భావించే ఆస్కార్ నామినేషన్స్ జరుగుతున్నాయి. ఈ నేపథ్యంలో భారత్ నుంచి ఆస్కార్ కు గుజరాతీ చిత్రం “చల్లో షో” ను పంపుతున్నట్లు ఫిలిం ఫెడరేషన్ అఫ్ ఇండియా ప్రకటించింది.

ఈ నిర్ణయం పై భిన్నాభిప్రాయాలు వ్యక్తమవుతున్నాయి. తాజాగా సహనటుడు దర్శన్ కుమార్‌తో కలిసి తన రాబోయే చిత్రం ధోకా రౌండ్ డి కార్నర్‌ను ప్రమోట్ చేయడంలో బిజీగా ఉన్న ఆర్ మాధవన్ ఆస్కార్ గురించి చేసిన వ్యాఖ్యలు వైరల్ అవుతున్నాయి.

ఆస్కార్ గురించి చర్చలు జరుగుతున్న నేపథ్యంలో ఆస్కార్ వంటి లేదా ఆస్కార్ కన్నా గొప్ప అవార్డు లు భారత్ లో కూడా ఉండాలని మాధవన్ అన్నారు. ఆస్కార్ నామినేషన్ కోసం రాకెట్రీ: ది నంబి ఎఫెక్ట్ మరియు ది కాశ్మీర్ ఫైల్స్‌ను కూడా పరిగణించాలని ఆయన వ్యగ్యం గా స్పందించారు. దీని కోసం కాంపైన్ కూడా మొదలు పెడతాం అంటూ ఆయన అన్నారు.
ఆస్కార్ 2022 కోసం ఛెలో షో బృందాన్ని ఆర్ మాధవన్ కూడా అభినందించారు. “వారికి (టీమ్‌కి) ఆల్ ది బెస్ట్ వారు వెళ్లి గెలిచి మమ్మల్ని గర్వపడేలా చేస్తారని ఆశిస్తున్నాను. ఒక దేశంగా మనం సినిమా పరిశ్రమలో కూడా రాణించాల్సిన సమయం ఆసన్నమైంది’’ అని మాధవన్ అన్నారు.

ది కాశ్మీర్ ఫైల్స్ దర్శకుడు వివేక్ అగ్నిహోత్రి ఆస్కార్ నామినేషన్స్ గురించి మాట్లాడుతూ .. ఇవన్నీ నాకు అవసరం లేని విషయాలు అన్నారు.గుజరాతీ చిత్రం ‘చల్లో షో’ని ప్రభుత్వం భారతదేశ అధికారిక ప్రవేశంగా ఆస్కార్‌కు పంపింది. ఈ ప్రకటన చాలా మందికి షాక్ ఇచ్చింది. నిర్ణయం ప్రకటించినప్పటి నుండి, నెటిజన్లు తమ స్పందనలను సోషల్ మీడియాలో పంచుకుంటున్నారు.

రాకెట్రీ: ది నంబి ఎఫెక్ట్ చిత్రాన్ని మాధవన్ దర్శకత్వం, రచన, నిర్మాణం వహించిన చిత్రం. భారతదేశంలో జూలై 1న విడుదలైన ఈ చిత్రం భారత అంతరిక్ష పరిశోధనా సంస్థలో శాస్త్రవేత్త మాధవన్ పోషించిన నంబి నారాయణన్ జీవితం చుట్టూ తిరుగుతుంది. ఈ చిత్రంలో షారూఖ్ ఖాన్ మరియు సూర్య అతిధి పాత్రలు పోషించారు.

ప్రస్తుతం ఎక్కడ చూసినా నడుస్తున్న ఒకే ఒక్క టాపిక్ ఆస్కార్. రాజమౌళి లాంటి ఎంతో ప్రతిభ ఉన్న దర్శకుడు రూపొందించిన ఆర్ఆర్ఆర్ సినిమాని ఆస్కార్ కి పంపలేదు. ఈ విషయంపై చాలా కామెంట్స్ వస్తున్నాయి. రెండు తెలుగు రాష్ట్రాల ప్రజలు అయితే ఆస్కార్ అంటేనే మండిపడుతున్నారు.

ఇంత మంచి సినిమాని వదిలేసి అదేదో సినిమా అని ఆస్కార్ కి పంపారు అంటూ కామెంట్స్ చేస్తున్నారు. కేవలం రెండు తెలుగు రాష్ట్రాల్లో ప్రజలు మాత్రమే కాదు ఎంతోమంది ఈ విషయంపై పెద్ద ఎత్తున ఆర్ఆర్ఆర్ సినిమాకి మద్దతు తెలుపుతూ కామెంట్స్ చేస్తున్నారు.

బాలీవుడ్ కి చెందిన ఎంతో మంది ప్రముఖులు కూడా ఈ సినిమా ఆస్కార్ కి వెళ్లాల్సింది అని అంటున్నారు. చాలా సోషల్ మీడియా పేజెస్ అయితే ఏదో రాజకీయం జరిగింది అని, ఎప్పుడు సౌత్ సినిమాని ఇలానే తొక్కేస్తారు అంటూ కామెంట్స్ చేస్తున్నారు. అయితే ఇలా అవ్వడం కొత్త ఏమీ కాదు. అంతకుముందు సూర్య నటించిన రెండు సినిమాల విషయంలో ఇలాగే జరిగింది. సూర్య హీరోగా నటించిన ఆకాశమే నీ హద్దురా, జై భీమ్ సినిమాలు కూడా ఆస్కార్ నామినేషన్ వరకు వెళ్లి అక్కడ వెనక్కి వచ్చేసాయి. ఒకసారి మూడు సినిమాలని పోల్చి చూస్తే, ఆర్ఆర్ఆర్ గ్రాఫిక్స్ పరంగా హైలైట్ అయిన సినిమా.

సినిమాలో ఎలివేషన్స్ బాగుంటాయి. అంత పెద్ద హీరోలు ఇద్దరూ కలిసి నటించడం అనేది చాలా మంచి విషయం. ఆ హీరోల పాత్రలు కూడా చాలా బాగా రూపొందించారు. స్వాతంత్రం వచ్చిన సమయానికి సంబంధించిన సినిమా ఇది. చరిత్రలో ఎంతో గుర్తింపు పొందిన ఇద్దరు వ్యక్తుల గురించి, ఒకవేళ వారిద్దరూ కలుసుకుంటే ఎలా ఉంటుందో అనే ఒక కథపై ఈ సినిమా రూపొందించారు. కానీ కంటెంట్ పరంగా చూసుకుంటే మాత్రం ఈ సినిమాలో కథ అంత పెద్దగా చెప్పుకోదగ్గ స్థాయిలో లేదేమో అని అనిపిస్తుంది. ఆస్కార్ కి వెళ్ళాలి అంటే వీటన్నిటితో పాటు బలమైన కథ ఉండడం కూడా చాలా ముఖ్యమైన విషయం.

సూర్య నటించిన ఆకాశమే నీ హద్దురా, జై భీమ్ సినిమాలు ఈ విషయంలో ముందు వరసలో ఉన్నాయేమో అనిపిస్తుంది. ఆకాశమే నీ హద్దురా కూడా నిజ జీవిత కథ ఆధారంగా రూపొందించిన సినిమా. కానీ ఈ సినిమా ఎంతోమంది ప్రేక్షకుల ప్రశంసలు పొందింది. చాలా స్ఫూర్తినిచ్చే కథతో ఈ సినిమా రూపొందించారు. ఈ సినిమా చూశాక నిజంగానే జీవితంలో ఏదైనా సాధించవచ్చు అనే నమ్మకం కలిగేలాగా ఈ సినిమా కథని రాసుకున్నారు. మరొక సినిమా జై భీమ్ విషయానికి వస్తే ఆలోచించే అంశం ఉన్న సినిమా ఇది.

సమాజంలో జరిగే చాలా విషయాలు, ఇప్పటికి కూడా జరుగుతున్న విషయాలపై ఈ సినిమా రూపొందించారు. ఇది కూడా నిజ జీవిత సంఘటన ఆధారంగా రూపొందించిన సినిమా. కానీ సమాజంలో జరిగిన ఒక సంఘటనపై ఈ సినిమా తీశారు. సినిమాలో ఎంచుకున్న పాయింట్ కానీ, చూపించిన విధానం కానీ ప్రేక్షకులని ఆలోచింపచేసేలాగా ఉంది. అంతేకాకుండా ఆర్ఆర్ఆర్ సినిమాలో కమర్షియల్ అంశాలు ఎక్కువగా ఉన్నాయి. అసలు ఒక కమర్షియల్ సినిమా ఆస్కార్ కి వెళ్ళాలి అనుకోవడం కూడా పొరపాటే అవుతుందేమో.

అంతకుముందు బాలీవుడ్ నుండి గల్లీ బాయ్ సినిమాని ఆస్కార్ నామినేషన్ కి పంపించారు. ఆ సినిమా చూసుకుంటే అది కమర్షియల్ సినిమా కాదు. ముంబైలోని స్లమ్ ఏరియాలో తిరిగే ఒక యువకుడు ర్యాపర్ ఎలా అవుతాడు అనే అంశాన్ని చూపించారు. వాళ్లు ఆర్థికంగా ఎదుర్కొనే సమస్యలు ఏవి? అలాగే సమాజంలో వారిని ఎలా చూస్తారు? అనే అంశాలను కూడా ఈ సినిమాలో చూపించారు. ఆకాశమే నీ హద్దురా, అలాగే జై భీమ్ సినిమాలు కూడా కమర్షియల్ సినిమాలు కావు. చాలా బలమైన కంటెంట్ ఉన్న సినిమాలు.

కానీ ఈ సినిమాలు ఆస్కార్ కి వెళ్ళనప్పుడు ఇంత పెద్ద చర్చ జరగలేదు. ఇప్పుడు మాత్రం ఆర్ఆర్ఆర్ వెళ్లకపోతే గొడవలు అవుతున్నాయి. ట్రోలింగ్ జరుగుతోంది. “మా సినిమాలు అంటే మీకు చిన్న చూపు” అంటూ కామెంట్స్ చేస్తున్నారు. దాంతో చాలా మంది, “అంత బలమైన కంటెంట్ ఉన్న సినిమాలు ఆస్కార్ కి వెళ్ళనప్పుడు ఏం మాట్లాడలేదు కానీ, ఒక కమర్షియల్ అంశాలు ఉన్న సినిమా వెళ్ళనప్పుడు మాత్రం ఇంత రియాక్ట్ అవ్వల్సిన అవసరం ఏంటి?” అంటూ కామెంట్స్ చేస్తున్నారు.