Filmy Adda

సినిమాల్లోకి వచ్చే ముందు ఆ రంగానికి చెందిన వాళ్లు అందరూ చాలా కష్టాలు పడతారు. చిన్న చిన్న పాత్రల్లో నటించి లేదా కెమెరా వెనకాల పని చేసి ఇప్పుడు పెద్ద స్థాయికి ఎదిగిన నటులు ఎంతోమంది ఉన్నారు.

అయితే, కొంత మంది డైరెక్టర్లు కూడా సినిమాల్లో చిన్న చిన్న పాత్రల్లో కనిపించారు. వివరాల్లోకి వెళితే, ప్రభాస్ ని స్టార్ గా చేసిన సినిమాల్లో మొదటిగా గుర్తొచ్చేది వర్షం. ఈ సినిమా ప్రభాస్ కి మూడవ సినిమా. ప్రభాస్ కి మొదటి సూపర్ హిట్ సినిమా కూడా ఇదే.

వర్షం సినిమాకి శోభన్ దర్శకత్వం వహించారు. త్రిష, ప్రభాస్ కాంబినేషన్ అప్పట్లో సంచలనం సృష్టించింది. ఈ సినిమాకి దేవి శ్రీ ప్రసాద్ పాటలు కూడా ప్రధాన బలంగా నిలిచాయి. అయితే, కింద కనిపిస్తున్న ఫోటో గమనించండి. ఇది సెకండ్ హాఫ్ లో ప్రభాస్, త్రిష విడిపోయి మళ్లీ కలిసిన తర్వాత బస్సులో ప్రయాణిస్తున్న సీన్. వీరిద్దరి వెనకాల ఉన్న వ్యక్తిని గమనించారా? ఆ వ్యక్తి ప్రస్తుతం టాప్ డైరెక్టర్లలో ఒకరిగా స్థానం సంపాదించుకున్నారు.

ఆయన ఎవరో కాదు. మహర్షి సినిమాతో జాతీయ అవార్డు అందుకున్న దర్శకుడు వంశీ పైడిపల్లి. వంశీ పైడిపల్లి ఈ సినిమాకి అసిస్టెంట్ డైరెక్టర్ గా వ్యవహరించారు. దాంతో ఒక సీన్లో అలా వంశీ పైడిపల్లి కనిపించారు. వంశీ పైడిపల్లికి, ప్రభాస్ కి కూడా చాలా మంచి స్నేహం ఉంది. వంశీ పైడిపల్లి దర్శకత్వం వహించిన మొదటి సినిమా కూడా ప్రభాస్ తోనే. 2007 లో వచ్చిన మున్నా సినిమాతో వంశీ పైడిపల్లి దర్శకుడిగా ఇండస్ట్రీలోకి అడుగు పెట్టారు. తర్వాత బృందావనం, ఎవడు, ఊపిరి సినిమాలకి దర్శకత్వం వహించారు. ఇటీవల వచ్చిన మహర్షి సినిమాతో జాతీయస్థాయి గుర్తింపు తెచ్చుకున్నారు. ప్రస్తుతం వంశీ పైడిపల్లి, తలపతి విజయ్ హీరోగా నటిస్తున్న సినిమా దర్శకత్వ పనిలో బిజీగా ఉన్నారు.

యంగ్ ఫిల్మ్ మేకర్ వేణు ఊడుగుల  “నీది నాది ఒకే కథ” ద్వారా ఫిల్మ్ ఇండస్ట్రీలోకి అడుగు పెట్టారు. ఆ  సినిమాకు యూత్ నుంచి మంచి రెస్పాన్స్ వచ్చింది. తన రెండో చిత్రం “విరాట పర్వం” అనేక అవాంతరాలను దాటుకుని ఈ నెల 17న ప్రేక్షకుల ముందుకు రానుంది.

ఇందులో సాయి పల్లవి, రానా హీరో హీరోయిన్లు గా నటించారు. ప్రియమణి, ఈశ్వరీ రావు, నవీన్ చంద్ర, రాహుల్ రామకృష్ణ ముఖ్య పాత్రలో కనిపించనున్నారు. ఇటీవల విడుదల చేసిన ఈ సినిమా టీజర్, ట్రైలర్ మరియు పాటలకు మంచి స్పందన వచ్చింది.

నిన్న జరిగిన ప్రీ రిలీజ్ ఈవెంట్ కి వెంకటేష్,  డైరెక్టర్ సుకుమార్ హాజరయ్యారు. ఇదొక పీరియాడికల్ డ్రామా చిత్రం. సెన్సార్ తో పాటు అన్ని  ఫార్మాలిటీలను పూర్తి చేసుకుంది. సెన్సార్ నుంచి యు/ఏ సర్టిఫికెట్ పొందిన ఈ చిత్రం నిడివి 151 నిమిషాలు ఉన్నట్టు తెలుస్తుంది. విరాట పర్వం నిర్మాతలు సురేష్ బాబు, సుధాకర్ చెరుకూరి క్రిస్పీ రన్ టైం ఎంచుకున్నారని సెన్సార్ బృందం అభిప్రాయ పడింది.

ఇంకా విశేషం ఏంటంటే.. హృదయాన్ని హత్తుకునే అద్భుమైన ప్రేమ కథ అని సెన్సార్ అధికారుల బృందం ప్రశంసించారు. సాయి పల్లవి, రానా ఇద్దరూ సినిమాలో తమ నటనకు అధికారుల నుండి మంచి మార్కులు కొట్టేశారు. లక్కీగా విరాట పర్వం సినిమాకి కనీసం మూడు వారాల వరకు పెద్దగా పోటీ లేదు. కాబట్టి, విడుదల తర్వాత సినిమాకు పాజిటివ్ రెస్పాన్స్ వస్తే, విరాట పర్వం విజేతగా నిలుస్తుంది! ఈ సినిమాకు అభిమానుల నుంచి ఎలాంటి స్పందన వస్తుందో రేపటితో  తేలనుంది.

ప్రేమకి కులం, మతం ఇలాంటివి ఏవి అడ్డు కావు అని అంటూ ఉంటారు. అయితే ప్రేమకు వయసు కూడా అడ్డు కాదు అని ఎంతో మంది జంటలు నిరూపించారు.

వారిలో సినిమా రంగానికి చెందిన వారు కూడా చాలా మంది ఉన్నారు. వారిలో కొంత మంది ఎవరో ఇప్పుడు చూద్దాం.

#1 ఫహాద్ ఫాజిల్ – నజ్రియా నజీమ్

పుష్ప తో ఫహాద్, అంటే సుందరానికి సినిమాతో నజ్రియా తెలుగు ఇండస్ట్రీలో అడుగు పెట్టారు. వీరిద్దరికీ ఈ వయసులో 12 సంవత్సరాల తేడా ఉంది.

#2 నాగార్జున అక్కినేని – అమల

తెలుగు సినిమా ఇండస్ట్రీలో స్టార్ కపుల్స్ లో ఒకరైన వీరిద్దరికి కూడా వయసులో 12 సంవత్సరాల తేడా ఉంది.

#3 ప్రకాష్ రాజ్ – పోని ప్రకాష్ రాజ్

నటుడు ప్రకాష్ రాజ్ కొద్ది సంవత్సరాల క్రితం కొరియోగ్రాఫర్ పోనీ వర్మని పెళ్లి చేసుకున్నారు. వీరిద్దరికి 9 సంవత్సరాల తేడా ఉంది.

#4 ఆర్య – సయేషా సైగల్

అఖిల్ సినిమాతో ఇండస్ట్రీలోకి అడుగుపెట్టిన సయేషా, ప్రముఖ నటుడు ఆర్యని ప్రేమించారు. వీరిద్దరికీ వయసులో 17 సంవత్సరాల తేడా ఉంది.

#5 రితేష్ దేశ్ ముఖ్ – జెనీలియా డిసౌజా

తెలుగులో ఎన్నో సినిమాల్లో నటించి స్టార్ హీరోయిన్ గా పేరు తెచ్చుకున్నారు జెనీలియా. రితేష్ దేశ్ ముఖ్ కూడా బాలీవుడ్ లో ఎన్నో సినిమాల్లో నటించారు. వీరిద్దరికీ వయసులో 9 సంవత్సరాల తేడా ఉంది.

#6 రాహుల్ – శర్మ అసిన్

అసిన్ కూడా కేవలం తెలుగులో మాత్రమే కాకుండా తమిళ్ తో పాటు హిందీ సినిమాల్లో కూడా నటించారు. వీరిద్దరికీ వయసులో 10 సంవత్సరాల తేడా ఉంది.

#7 సైఫ్ అలీఖాన్ – కరీనా కపూర్

వీరిద్దరికి కూడా వయసులో 10 సంవత్సరాల తేడా ఉంది.

#8 అజిత్ కుమార్ – షాలిని

వీరిద్దరి మధ్య 8 సంవత్సరాల వయసు తేడా ఉంది.

#9. శరత్ కుమార్ – రాధిక శరత్ కుమార్

వీరిద్దరికీ 8 సంవత్సరాల వయసు తేడా ఉంది.

#10 రణబీర్ కపూర్ – ఆలియా భట్

వీరిద్దరికీ మధ్య 10 సంవత్సరాల తేడా ఉంది.

#10. ఉపేంద్ర – ప్రియాంక

వీరిద్దరికీ 10 సంవత్సరాల వయసు తేడా ఉంది.

ఫిల్మ్ ఇండస్ట్రీలో ఒకప్పుడు హీరోగా, ఇప్పుడు విలన్ గా మరియు ఇతర ముఖ్య పాత్రలు పోషిస్తున్న శ్రీకాంత్ గురించి అందరికి తెలిసిందే.
కెరీర్ లో మంచి పొజిషన్ లో ఉన్న టైం లోనే.. నటి ఊహను ప్రేమించి పెళ్లి చేసుకున్నాడు. వీరిద్దరూ కలిసి “ఆమె” చిత్రంలో నటించారు. చిత్రానికి అప్పట్లో ఫ్యామిలీ ఆడియన్స్ నుంచి రెస్పాన్స్ వచ్చింది.

కానీ పెళ్లి తరువాత ఊహ సినిమాలకు దూరంగా ఉంటూ వచ్చారు. తన తోటి నటులు ఆమని, ఇంద్రజ ఇండస్ట్రీకి రీ ఎంట్రీ ఇచ్చి, సెకండ్ ఇన్నింగ్స్ లో బిజీ అయిపోయారు. కార్తికేయ హీరోగా నటించిన చావు కబురు చల్లగా సినిమాలో ఆమని ఓ వైవిధ్యమైన పాత్రలో నటించారు. అయితే ఊహ మాత్రం పెళ్లి తర్వాత పూర్తిగా వెండితెరకు దూరంగా ఉంటూ వచ్చారు. ఈ క్రమంలో ఓ ఇంటర్వ్యూలో తన సెకండ్ ఇన్నింగ్స్ గురించి స్పందించారు.
పిల్లల భవిష్యత్తే తనకు ముఖ్యమని అందుకే పెళ్లి తరువాత సినిమాలకు దూరంగా ఉన్నానని తెలిపారు. ఇప్పట్లో తనకు రీ ఎంట్రీ ఇచ్చే ఉద్దేశ్యం లేదని అంటూనే నాకు ఒక కోరిక ఉంది అంటూ మనసులోని మాటను బయట పెట్టారు. శ్రీకాంత్ వారసుడిగా ఇండస్ట్రీలో అడుగు పెట్టిన రోషన్ నిర్మల కాన్వెంట్ చిత్రంలో నటించిన విషయం మనకు తెలిసిందే. అయితే భవిష్యత్తులో తన కొడుకు రోషన్ కి తల్లి పాత్రలో నటించే ఆవకాశం వస్తే తప్పకుండా చేస్తానని, అలాగే తన భర్తతో కలిసి రోషన్ కి తల్లిదండ్రులుగా నటించే అవకాశం వస్తేనే తిరిగి ఇండస్ట్రీలో అడుగు పెడతాను అన్నారు. ప్రస్తుతం ఊహ చేసిన ఈ కామెంట్స్ నెట్టింట వైరల్ అవుతున్నాయి.

ఈ మధ్య విడుదలైన పెళ్లి సందడి మూవీ ద్వారా రోషన్ ఆకట్టుకోగా, అఖండ సినిమాలో  శ్రీకాంత్ నటనకు మంచి గుర్తింపు వచ్చింది. ఇటీవల షూట్ ఎట్ ఆలేర్ అనే వెబ్ సిరీస్ లో కూడా శ్రీకాంత్ నటించాడు. దీన్ని చిరంజీవి కూతురు సుస్మితా కొణిదెల, విష్ణు ప్రసాద్ నిర్మించారు.