Filmy Adda

సూపర్ స్టార్ మహేష్ బాబు నెక్స్ట్ సినిమా సర్కారు వారి పాట టీజర్ ఇప్పటికే యూట్యూబ్‌లో ట్రెండ్ క్రియేట్ చేసింది. ఈ టీజర్‌లో మహేష్ బాబు చాలా స్టైలిష్‌గా, డిఫరెంట్‌గా కనిపిస్తున్నారు. ఈ సినిమాలోని రెండు పాటలు ఇటీవల విడుదల అయ్యాయి. తాజాగా ఈ సినిమా నుంచి ట్రైలర్ కూడా విడుదల అయ్యింది.

గీత గోవిందం, సోలో సినిమాలకి దర్శకత్వం వహించిన పరశురామ్ ఈ సర్కారు వారి పాట సినిమాకి దర్శకత్వం వహించారు. చాలా సంవత్సరల తరువాత తమన్, మహేష్ బాబు సినిమాకి మ్యూజిక్ కంపోజ్ చేసారు. ఈ సినిమాలో కీర్తి సురేష్ హీరోయిన్‌గా నటిస్తున్నారు. సినిమా షూటింగ్ ఇటీవల ముగిసింది. సర్కారు వారి పాట ఎప్పుడో విడుదల కావాలి. కానీ కోవిడ్ కారణంగా అలస్యమైంది. ఇప్పుడు మేలో ప్రేక్షకుల ముందుకు రాబోతుంది.

ఈ సినిమా ఎలా ఉండబోతోందా అని ప్రేక్షకులు అందరూ ఆసక్తిగా ఎదురు చూస్తున్నారు. మహేష్ బాబు లుక్ కూడా ఈ సినిమాలో చాలా డిఫరెంట్ గా ఉంది. దాంతో సినిమాకి సంబంధించి వచ్చే ప్రతి అప్‌డేట్ కూడా ప్రేక్షకుల్లో ఆసక్తిని పెంచుతోంది. అయితే తాజాగా రిలీజ్ అయిన ట్రైలర్ లో వస్తున్న ట్యూన్ చాలా మందికి ఎక్కడో విన్నట్లే అనిపిస్తూ ఉంది.

జాగ్రత్తగా గమనిస్తే ఈ సినిమా “కత్తి” సినిమా లోది. ఇది తెలుగు డబ్ సినిమా. తమిళ్ హీరో ఇళయదళపతి విజయ్, సమంత హీరో హీరోయిన్లు నటించిన ఈ సినిమాలో “ఆతి..” అంటూ సాగే పాటలో బ్యాక్ గ్రౌండ్ లో వచ్చే ట్యూన్ ని కాపీ చేసినట్లు ఉన్నారు. ఈ ట్యూన్, “సర్కారు వారి పాట” సినిమాలో వచ్చే బ్యాక్ గ్రౌండ్ మ్యూజిక్ ట్యూన్ ఒకేలా ఉన్నాయి. దీనితో నెటిజన్స్ మళ్ళీ తమన్ ను ట్రోల్ చేయడం ప్రారంభించారు.

Watch Video:

https://youtu.be/-U8KVChK5ro

ఇండస్ట్రీ లోకి వచ్చిన తక్కువ సమయానికే మంచి పాపులారిటీని సాయి పల్లవి సొంతం చేసుకుంది. ఈమె కమర్షియల్ సినిమాల్లో నటించినప్పటికీ కాస్త డిఫరెంట్ గా ఉన్న క్యారక్టర్లని మాత్రమే ఎంపిక చేసుకుంటుంది. కానీ ఈ మధ్య సాయి పల్లవి కి అవకాశాలు బాగా తగ్గి పోయాయి.

కేవలం ఒకే ఒక సినిమా విడుదలకు ఇప్పుడు రెడీ గా ఉంది. ఫిదా సినిమా తో తెలుగు ప్రేక్షకులను ఫిదా చేసిన సాయి పల్లవి గ్లామర్ పాత్రలు చేయక పోయినా స్టార్ హీరోయిన్స్ రేంజ్ లో క్రేజ్ ని సంపాదించుకుంది.

ఇప్పటి దాకా ప్రతీ సారి తనకి నచ్చిన కథల్ని మాత్రమే ఎంపిక చేసుకుంటూ సినిమాల్లో నటిస్తూ వచ్చింది. అంతే కానీ ఈ అమ్మడు ఎప్పుడు తొందర పడలేదు. నాగ చైతన్య సరసన లవ్ స్టోరీ సినిమా లో నటించి మంచి హిట్ ని సాయి పల్లవి అందుకుంది. అలానే నాని తో కలిసి నటించిన శ్యామ్ సింగరాయ్ కూడా మంచి హిట్ ను సాయి పల్లవి కి అందించింది.

అయితే ఈమె రెండు హిట్స్ ని అందుకున్నప్పటికీ ప్రస్తుతం ఒకే ఒక్క సినిమా లో నటించింది. అదే విరాటపర్వం. ఈ సినిమా గత ఏడాది నుండి విడుదలకు సిద్ధంగా ఉన్నప్పటికీ తెర మీదకి ఇంకా రాలేదు. ఈ సినిమా ఓటీటీ లో విడుదలయ్యే అవకాశం కనబడుతోంది.

భోళా శంకర్ సినిమా లో సాయి పల్లవి కి నటించే అవకాశం వచ్చినా ఆమె దానిని తిరస్కరించింది అయితే ఆమె కథ నచ్చితేనే ఊ అనేట్టు కనపడుతోంది. అప్పటి వరకు సాయి పల్లవి సైలెంట్ గానే ఉండేలా వుంది.

చైల్డ్ ఆర్టిస్ట్ గా నటించిన ఎంతో మంది నటులు ఇప్పుడు హీరో, హీరోయిన్లు గా లేదా ముఖ్య పాత్రలలో ఎంట్రీ ఇస్తున్నారు. ఇటీవల ఓ బేబీ సినిమా తో తేజ కూడా ఆ జాబితాలో చేరాడు. చైల్డ్ ఆర్టిస్ట్ ఆనంద్ వర్ధన్ కూడా హీరో గా ఎంట్రీ ఇస్తున్నాడు అని ప్రకటించారు. వీళ్లే కాకుండా ఇంకొక చైల్డ్ ఆర్టిస్ట్ కూడా ఇటీవల హీరో గా ఎంట్రీ ఇచ్చాడు.

యమదొంగ సినిమాలో హీరో చిన్నప్పటి పాత్రలో నటించిన అబ్బాయి మీకు గుర్తు ఉన్నాడా? అతని పేరు శ్రీ సింహ. శ్రీ సింహా మరెవరో కాదు. ప్రముఖ సంగీత దర్శకులు ఎం ఎం కీరవాణి గారి కొడుకు.

యమదొంగ తర్వాత మర్యాద రామన్న సినిమా లో కూడా రాయలసీమలో హీరో సునీల్ కి దారి చూపించే ఓబులేసు క్యారెక్టర్ పోషించాడు శ్రీ సింహ. యమదొంగ ముందు వచ్చిన విక్రమార్కుడు సినిమా లో కూడా హీరో హీరోయిన్ కోసం వెళ్లిన ఇంట్లో కనిపించే పిల్లల్లో ఒక అబ్బాయి గా చేశాడు.

ఆ తర్వాత మత్తు వదలరా సినిమాతో హీరో గా ఎంట్రీ ఇచ్చాడు. 2020 చివర్లో విడుదలైన మత్తు వదలరా సినిమా ప్రయోగాత్మక చిత్రంగా ప్రేక్షకుల ప్రశంసలు అందుకుంది. సినిమాలో నటించిన శ్రీ సింహ పర్ఫామెన్స్ కి కూడా మంచి మార్కులే పడ్డాయి.

శ్రీ సింహ కి నటనలో మాత్రమే కాకుండా సినిమాకు సంబంధించిన ఇతర డిపార్ట్మెంట్లలో కూడా ప్రావీణ్యం ఉంది.

బాహుబలి సినిమా కి అసిస్టెంట్ మ్యూజిక్ డైరెక్టర్ గా కూడా పని చేశాడు. అంతేకాకుండా 2018 లో వచ్చిన బ్లాక్ బస్టర్ చిత్రం రంగస్థలం సినిమా కి దర్శకుడు సుకుమార్ కి అసిస్టెంట్ డైరెక్టర్ గా వ్యవహరించాడు.

శ్రీ సింహ సోదరుడు కాలభైరవ కూడా సినిమాల లోనే ఉన్నాడు. తొలిప్రేమ, అరవింద సమేత వీర రాఘవ, డియర్ కామ్రేడ్, కిరాక్ పార్టీ, మజిలీ, బాహుబలి ద కంక్లూషన్, మిస్టర్ మజ్ను, కృష్ణార్జున యుద్ధం ఇంకా ఎన్నో సినిమాల్లో పాటలు పాడాడు. అలాగే ఇటీవల ఆర్ఆర్ఆర్ లో కూడా పాట పాడారు.

అంతేకాకుండా తన సోదరుడు శ్రీ సింహా హీరోగా నటించిన మొదటి చిత్రం మత్తు వదలరా తో కాలభైరవ కూడా మ్యూజిక్ డైరెక్టర్ గా తన ప్రయాణాన్ని మొదలు పెట్టాడు. కాలభైరవ పాడిన అరవింద సమేత వీర రాఘవ సినిమా లోని పెనిమిటి పాట, తొలిప్రేమ సినిమా టైటిల్ సాంగ్ ఎంతో ప్రజాదరణ పొందాయి.

శ్రీ సింహ యమదొంగ లో హీరో చిన్నప్పటి పాత్రలో నటించడమే కాకుండా ఆ సినిమా కోసం ఎన్టీఆర్ తో కలిసి ఒక ప్రమోషనల్ సాంగ్ కూడా చేశాడు. రంగస్థలం సినిమాకి అసిస్టెంట్ డైరెక్టర్ గా సుకుమార్ దగ్గర పని చేయడానికి వెళ్ళినప్పుడు మొదట తను కీరవాణి గారి కొడుకు అని చెప్పలేదట శ్రీ సింహ. ఈ విషయాన్ని మత్తు వదలరా సినిమా సమయంలో జరిగిన ఒక ఈవెంట్ లో స్వయంగా సుకుమారే చెప్పారు.

2020 చివర్లో అంటే డిసెంబర్ లో మత్తు వదలరా రిలీజ్ అయింది. గత సంవత్సరం తెల్లవారితే గురువారం సినిమాలో నటించారు. తర్వాత ప్రాజెక్ట్స్ గురించి ఇంకా ఏమి ప్రకటించలేదు శ్రీ సింహ. మొదటి సినిమాలోనే అంత బాగా నటించగలిగాడు అంటే నటుడిగా తనని తాను నిరూపించుకోవడం లో మొదటి స్టెప్ సక్సెస్ అయినట్టే. భవిష్యత్తులో శ్రీ సింహ మరిన్ని మంచి సినిమాలతో మనల్ని అలరించాలని ఆశిద్దాం.