Filmy Adda

అనుష్క శెట్టి అందరికీ సుపరిచితమే. 2005లో వచ్చిన సూపర్‌ చిత్రం తో తెలుగు ప్రేక్షకులకు పరిచయమైంది ఈ భామ. తొలి సినిమాతోనే ఈమె బాగా ఆకట్టుకుంది. 2009లో వచ్చిన అరుంధతి చిత్రం అనుష్క కి ప్లస్ అయ్యింది. అలానే బాహుబలి చిత్రం తో కూడా మెప్పించింది అనుష్క.

కేవలం తెలుగు చిత్రాల్లోనే కాక తమిళ సినిమాల లో కూడా అనుష్క నటించి ఫ్యాన్స్ ని ఫిదా చేసేసింది. ఇక ఇది ఇలా ఉంటే తాజాగా అనుష్క శెట్టి గురించి హైదరాబాద్ ఎయిర్ పోర్ట్ లో పని చేసే ఒకరు  ఆమె మంచితనం గురించి చెప్పారు. మరి తాను చెప్పిన విషయాలని ఇప్పుడు చూద్దాం.

ఏ నటీ కూడా మమ్మల్ని చూసి నవ్వుతూ పలకరించ లేదు. ఇప్పటి వరకూ మమ్మల్ని చూసి నవ్విన నటి అనుష్క శెట్టి అని ఎయిర్ పోర్ట్ లో పని చేసే ఒకరు చెప్పారు. పైగా ఎలాంటి గర్వం లేకుండా అనుష్క శెట్టి పలకరించాలని తను చెప్పారు.

అలానే అనుష్క లగేజీ ని తానె స్వయంగా మోసుకున్నారు అని అన్నారు. అదే విధంగా ఎంతో కూల్ గా ఎంతో సింపుల్ గా ఎలాంటి మేకప్ లేకుండా అనుష్క శెట్టి ఉన్నట్లు తాను చెప్పారు. పైగా ఆమె ధరించిన దుస్తులు కూడా ఎంతో సింపుల్ గా ఉన్నాయని ఆమె చాలా వినమ్రంగా ఉన్నారని తను చెప్పారు.

అనుష్క శెట్టి ధరించిన డ్రెస్ ధర పదిహేను వందల నుంచి రెండు వేల రూపాయల వరకు ఉండొచ్చని.. బ్లాక్ టీ తాగుతూ ఆమె విఐపిల లాంజ్ రూమ్లో కూర్చున్నారని.. ఆమె స్వయంగా సర్వ్ చేసుకున్నట్లు తన చెప్పారు.

టాలీవుడ్ స్టార్ హీరో అక్కినేని నాగార్జునకు తెలుగు నాట ఎంత ఫాలోయింగ్ ఉందో ప్రత్యేకంగా చెప్పాల్సిన అవసరం లేదు. వరుస సినిమాలు, బిగ్ బాస్ రియాలిటీ షో హోస్టింగ్ తో బిజీ బిజీ గా ఉండే నాగార్జున గతేడాది బంగార్రాజు సినిమా సక్సెస్ తో ఫుల్ జోష్ లో ఉన్నారు.

అయితే.. తాజాగా జయమ్మ పంచాయితీ ప్రీ రిలీజ్ ఈవెంట్ లో ఆయన కూడా భాగం అయ్యారు. ఈ సినిమాలో తెలుగు యాంకర్ సుమ లీడ్ రోల్ పోషిస్తున్న సంగతి తెలిసిందే. కాగా.. ఈ ఈవెంట్ కు నాగార్జున గెస్ట్ గా హాజరు అయ్యారు.

అయితే ఈ ఈవెంట్ కు హాజరు అయిన నాగార్జున ఫ్యాన్స్ ఆయనను చూసి షాక్ అయ్యారు. అక్కినేని నాగార్జునకు ఏమైంది అంటూ సోషల్ మీడియాలో తెగ కామెంట్స్ చేసేస్తున్నారు. ఏ షో అయినా.. ఈవెంట్ లో అయినా ఈ వయసులో కూడా మన్మధుడిలా కనిపించే నాగార్జున “జయమ్మ పంచాయితీ” ఈవెంట్ లో మాత్రం డల్ గా కనిపించేసరికి అక్కినేని అభిమానులు సైతం షాక్ అయ్యారు.

గతంలో ఆయనలో ఉన్న జోష్, ఎనర్జీ నిన్న ఈవెంట్ లో కనిపించకపోయేసరికి ఆయనకు ఏమైందో అంటూ ఫ్యాన్స్ కంగారు పడుతున్నారు. వయసు మీద పడడం వల్లనే అలా కనిపిస్తున్నారని కొందరు చెబుతుండగా.. మరికొందరు కొడుకుల భవిష్యత్ గురించి బెంగ పెట్టుకోవడం వల్లనే అలా అయిపోయారని కామెంట్స్ చేస్తున్నారు. గతేడాది, చైతు సమంతలు విడాకులు తీసుకోవడం, అఖిల్ కెరీర్ కూడా ఆశించిన స్థాయిలో లేకపోవడంతో నాగార్జున టెన్షన్ పడుతున్నారని కామెంట్స్ చేస్తున్నారు. అఖిల్  హీరోగా ఏజెంట్ సినిమా రిలీజ్ కానున్న సంగతి తెలిసిందే. ఈ సినిమా ఫలితం ఎలా ఉండబోతోందో వేచి చూడాలి.

చిరంజీవి, రామ్ చరణ్ కలిసి తెరపై కనిపిస్తే చూడాలని చాలా మంది ప్రేక్షకులు ఎదురు చూశారు. అంతకుముందు మగధీర సినిమాలో, ఆ తర్వాత బ్రూస్ లీ సినిమాలో చిరంజీవి చిన్న పాత్రలో కనిపించారు. అలా కాకుండా వారిద్దరూ కలిసి ఒక ఫుల్ లెంత్ సినిమాలో నటించాలి అని అందరూ అనుకున్నారు.

ఆచార్య సినిమాతో అది జరుగుతుంది అని తెలిసాక అసలు సినిమా ఎలా ఉండబోతోంది? ఇద్దరికీ సమానమైన పాత్రలు ఉంటాయా? అని అనుకున్నారు. కానీ సినిమా విషయానికి వచ్చేటప్పటికీ ప్రేక్షకుల అంచనాలను అందుకోవడానికి చేసిన ప్రయత్నం ఫలించలేదు అని చెప్పాలి.

ఈ సినిమాలో రామ్ చరణ్ సిద్ధ అనే పాత్రలో నటించారు. సినిమాలో రామ్ చరణ్ పాత్ర చాలా ముఖ్యమైన పాత్ర. రామ్ చరణ్ పక్కన హీరోయిన్ గా పూజా హెగ్డే నటించారు. అయితే, అంతకు ముందు రామ్ చరణ్ హీరో గా నటించిన ఒక రెండు సినిమాల మధ్య ఈ సినిమా మధ్య ఒక పోలిక ఉంది. రామ్ చరణ్ హీరోగా నటించిన నాయక్ సినిమాలో హీరోయిన్ అమలా పాల్, హీరో మొదటిసారిగా కలుసుకునే సీన్ హీరోయిన్ స్నానం చేస్తున్నప్పుడు ఉంటుంది.

రంగస్థలంలో కూడా హీరోయిన్ ని హీరో స్నానం చేస్తున్నప్పుడు చూస్తాడు. ఇప్పుడు ఆచార్య సినిమాలో కూడా పూజా హెగ్డేని రామ్ చరణ్ పోషించిన సిద్ధ అనే పాత్ర మొదటి సారి స్నానం చేస్తున్నప్పుడు చూస్తారు. అలా ఈ మూడు సినిమాలకి తెలియకుండానే ఒక కామన్ పాయింట్ ఉంది. ఇంక సినిమా విషయానికి వస్తే, ప్రస్తుతం సినిమాకి అంత మంచి స్పందన రావట్లేదు. అందుకు చాలా కారణాలు ఉన్నాయి. అలాగే కాజల్ పాత్ర కూడా సినిమా నుండి తీసేసారు. అందుకు కారణం ఏంటి అనేది సినిమా బృందానికి మాత్రమే తెలియాలి.

అపరిచితుడు సినిమా మీ అందరికీ గుర్తుండే ఉంటుంది. డబ్బింగ్ సినిమా అయినా కూడా మన సినిమా లాగా ఆదరించిన సినిమాల లో అపరిచితుడు కూడా ఒకటి. మల్టిపుల్ పర్సనాలిటీ డిజార్డర్ అనే ఒక కొత్త రకం వ్యాధి ని ఈ సినిమా ద్వారా జనాల్లోకి తీసుకువచ్చారు శంకర్.

ఇంక విక్రమ్ నటన గురించి అయితే చెప్పాల్సిన అవసరమే లేదు. ఆ పాత్రలో విక్రమ్ ని తప్ప ఇంకెవర్నీ ఊహించుకోలేం. ఇప్పుడు కూడా అపరిచితుడు పేరు వినగానే మనకి గుర్తొచ్చేది విక్రమ్ ముఖమే. ఒకసారి వెనక్కి వెళ్లి సినిమా మొత్తం మళ్లీ గుర్తు తెచ్చుకుందాం. విక్రమ్ కి మల్టిపుల్ పర్సనాలిటీ డిజార్డర్ ఉంటుంది. ఆ విషయం తనకి తెలీదు. అతని లో ఉండే ముగ్గురు మనుషుల లో ఒకతను అన్యాయం జరిగితే సహించడు. నరకంలో విధించే శిక్షల రూపంలో నేరస్తులు అందరిని చంపుతాడు.

పోలీసులు హత్యలు చేసేది ఎవరు అని ఎంత ఇన్వెస్టిగేట్ చేసినా ఎటువంటి ఆధారం దొరకదు. విక్రమ్ లో ఉన్న ముగ్గురిలో ఒక అతనితో ప్రేమ లో ఉన్న హీరోయిన్ విక్రమ్ ఇలా విచిత్రంగా ప్రవర్తించడం చూసి సైకియాట్రిస్ట్ దగ్గరికి తీసుకెళ్తుంది. అక్కడ విక్రమ్ హిప్నటైజ్ అవుతాడు.

తనకి ఒక చెల్లి కూడా ఉండేది అని, వాళ్ళ చిన్నప్పుడు స్కూల్ కి వెళ్లి వస్తూ ఉంటే వర్షం వల్ల రోడ్డుమీద నిలిచిపోయిన నీటిలో కరెంటు వైర్ పడి విక్రమ్ ఇంకా వాళ్ళ చెల్లి తో పాటు మరికొందరు వస్తున్న వాహనం అదుపు తప్పి ఆ నీళ్లలో పడడంతో వాళ్ళ చెల్లెలు నీటిలో పడి కరెంట్ షాక్ కొట్టి చనిపోతుంది.

అప్పటి నుంచి విక్రమ్ మానసికంగా కొంచెం బలహీనంగా ఉంటాడు. కరెంట్ దగ్గర పనిచేసిన లైన్ మ్యాన్ ని అరెస్ట్ చేయకుండా కోర్టులో కూడా సరైన తీర్పు ఇవ్వకపోవడంతో విక్రమ్ కి తెలియకుండానే మానసికంగా తనలో ఎంతో మార్పు వస్తుంది. అందులో నుండి వచ్చినదే ఈ మల్టిపుల్ పర్సనాలిటీ డిజార్డర్. తర్వాత సైక్రియాటిస్ట్ సహాయంతో విక్రమ్ మళ్ళీ మామూలు మనిషి అవుతాడు. కానీ చివరి లో ట్రైన్ లో మందు తాగుతున్న ఒక వ్యక్తిని చంపేస్తాడు.

అసలు ఈ సినిమా కథ అంతా అందరికీ తెలిసిందే కదా? మళ్లీ కొత్తగా చెప్పడం దేనికి? అనుకుంటున్నారా? ఒకసారి క్లైమాక్స్ ని గమనించండి. విక్రమ్ ఆ వ్యక్తిని ఎందుకు చంపుతాడు? మీలో సగంమంది దీనికి ఆన్సర్ తప్పుగా అనుకుంటారు.

ఏముంది? పబ్లిక్ ట్రాన్స్ పోర్ట్ లో తాగడం తప్పు. అతను తాగాడు అందుకే అపరిచితుడు చంపేశాడు. మీలో చాలా మందికి వచ్చిన జవాబు ఇదేగా? ఒకవేళ మీ ఆన్సర్ ఇదే అయితే మీరు తప్పు చెప్పినట్టే. విక్రమ్ పాత్ర ఆ వ్యక్తిని చంపడానికి గల అసలు కారణం ఏంటి అంటే తన చెల్లి చనిపోవడానికి గల కారణం అయిన లైన్ మ్యాన్ అతనే కాబట్టి. చూశారా మీలో చాలా మందికి ఇది తెలియకపోవచ్చు. చాలామందికి తెలిసి ఉండొచ్చు కూడా. తెలియని వాళ్ళు ఒకసారి మళ్లీ వెళ్లి సినిమా చూసి క్రాస్ చెక్ చేయండి. ఇదే కాకుండా ఈ సినిమా లో ఇంకా ఇప్పటివరకు గమనించని  కొత్త విషయాలు కూడా ఏమైనా తెలియచ్చు ఏమో.