Filmy Adda

సీనియర్ హీరోయిన్ జమున వయో భారం తో పాటు గుండెపోటు రావడం తో శుక్రవారం హైదరాబాద్ లో మరణించిన విషయం తెలిసిందే. ఆమెకు 86 ఏళ్ళు. తెలుగు సహా ఇతర దక్షిణాది భాషల్లో సుమారు 198 చిత్రాల్లో జమున నటించారు. జ‌మున భౌతిక కాయాన్ని అభిమానుల సంద‌ర్శ‌నార్థం సాయంత్రం నాలుగు గంట‌ల వ‌ర‌కు ఫిలింఛాంబ‌ర్‌లో ఉంచారు. ఆ త‌ర్వాత భారీ అభిమాన జ‌న సందోహం మ‌ధ్య భౌతిక‌కాయాన్ని మ‌హాప్ర‌స్థానానికి త‌ర‌లించారు. మహాప్రస్థానం లో జమున కుమార్తె స్రవంతి రావు ఆమెకు అంత్యక్రియలు చేసారు. దీంతో అందరికి ఈ అంశంపై ఆసక్తి పెరిగింది.

సాధారణంగా కుమారులు లేని వారు మరణించిన తర్వాత వారి కుమార్తెలు అంత్యక్రియలు చేయడం మనం చూస్తున్నాం. కానీ సినీ నటి జమునకి కుమారుడు వంశీకృష్ణ ఉండగా కుమార్తె ఎందుకు అంత్యక్రియలు చేశారన్న సందేహం అందరిలోనూ మెదిలింది. దీంతో వారి బంధువులు ఈ విషయం పై స్పందించారు. కుమారుడు వంశి కృష్ణ రావడానికి ఆలస్యం కానుండటం తో తన సోదరిని అంత్యక్రియలు చేయమన్నారని వారి బంధువులు వెల్లడించారు.

జమున ప్రొఫెసర్‌ జూలూరి రమణారావును పెళ్లి చేసుకున్నారు. వీరి వివాహం 1965లో తిరుపతిలో జరిగింది. ఈ దంపతులకు కుమారుడు వంశీకృష్ణ, కుమార్తె స్రవంతి ఉన్నారు. వంశీకృష్ణ అమెరికాలోని శాన్ ఫ్రాన్సిస్కోలో ఓ యూనివర్సిటీలో ప్రొఫెసర్‌గా పనిచేస్తున్నారు. ఆయన తన భార్య, కుమారుడితో అక్కడే స్థిరపడ్డారు. స్రవంతి రావు తన కుమారుడితో కలిసి హైదరాబాద్‌లో ఉంటున్నారు. జమున భర్త జూలూరు రమణారావు 2014లో కన్నుమూయడంతో జమున మరణించే వరకు తన కుమార్తె వద్దే ఉన్నారు.

జమున శుక్రవారం ఉదయం ఆకస్మికంగా కన్నుమూయడంతో.. అమెరికాలో స్థిరపడ్డ కుమారుడు జూలూరి వంశీకృష్ణకు అప్పటికప్పుడు హైదరాబాద్‌కు బయల్దేరి రావడం కుదరలేదు. ఆలస్యం అవుతుందని భావించి తన సోదరితో అంత్యక్రియలు జరపాల్సిందిగా కోరినట్లు సమాచారం. ఈ నేపథ్యంలో ఇన్నీ రోజులు తన తల్లిని అన్నీ తానై చూసుకున్న స్రవంతి తన చేతుల మీదుగానే ఆమెకు అంతిమ సంస్కారాలు నిర్వహించారు.

సినిమా విజయం లో నటీనటులు, హీరో, కథ ఎంత పాత్ర పోషిస్తాయో పాటలు కూడా అంతే కీలక పాత్ర పోషిస్తాయి. ఒక ఆల్బమ్ హిట్ అయితే సినిమా సగం హిట్ అయినట్టే అని నమ్ముతారు చాలా మంది. అందుకే మంచి పాటలు, సంగీతం ఇచ్చేందుకు ప్రయత్నిస్తారు. అయితే కొన్ని సార్లు మన తెలుగులో సూపర్ హిట్ అయిన పాటలనే రీమేక్ చేసారు కొందరు హీరోలు. ఆ రీమేక్ సాంగ్స్ కూడా సూపర్ హిట్స్ గా నిలిచాయి. ఇప్పుడు ఆ పాటలేవో ఇప్పుడు చూద్దాం..

#1 ఆడవారి మాటలకు అర్థాలే వేరులే..

అప్పట్లో ట్రెండ్ సెట్టర్ అయిన ‘మిస్సమ్మ’ చిత్రం లోనిది ఈ సాంగ్.. ఇందులో సీనియర్ ఎన్టీఆర్, సావిత్రి నటించారు. తర్వాత ‘ఖుషి’ చిత్రం లో పవన్, భూమిక ఈ సాంగ్ ని రీమేక్ చేయగా సూపర్ హిట్ అయ్యింది.

#2 సోగ్గాడే చిన్ని నాయన..

ఓల్డ్ మూవీ ‘ఆస్తిపరులు’ చిత్రం లోది ఈ పాట.. దీనికి కొన్ని మార్పులు చేసి నాగార్జున ‘సోగ్గాడే చిన్ని నాయన ‘ చిత్రం లో రీమేక్ చేసారు.

#3 నిన్ను రోడ్ మీద చూసినది..

నాగార్జున నటించిన ‘అల్లరి అల్లుడు’ చిత్రం లోని నిన్ను రోడ్ మీద చూసినది.. సాంగ్ ని ‘సవ్యసాచి’ చిత్రం లో నాగ చైతన్య రీమేక్ చేసారు.

#4 బంగారు కోడి పెట్ట..

చిరంజీవి నటించిన ‘ఘరానా మొగుడు’ చిత్రం లో సూపర్ హిట్ అయిన బంగారు కోడి పెట్ట సాంగ్ ని, రామ్ చరణ్ ‘మగధీర’ చిత్రం లో రీమేక్ చేయగా సూపర్ హిట్ అయ్యింది.

#5 వాన వాన వెల్లువాయే..

చిరు సూపర్ హిట్ చిత్రమైన ‘గ్యాంగ్ లీడర్’ చిత్రం లో సాంగ్ వానా వానా వెల్లువాయే ని రామ్ చరణ్, తమన్నా ‘రచ్చ’ సినిమాలో రీమేక్ చేసారు.

#6 గువ్వా గోరింకా తో..

ఖైదీ నెంబర్ 786 చిత్రం లో సూపర్ హిట్ అయిన ‘గువ్వా గోరింకా తో..’ సాంగ్ ని సాయి ధరమ్ తేజ్ ‘సుబ్రహ్మణ్యం ఫర్ సేల్’ చిత్రం లో రీమేక్ చేసారు.

#7 అందం హిందోళం..

చిరంజీవి నటించిన ‘యముడికి మొగుడు’ చిత్రం లో హిట్ అయిన సాంగ్ అందం హిందోళం పాటని సాయి ధరమ్ తేజ్ ‘సుప్రీమ్’ మూవీ లో రీమేక్ చేసారు.

#8 చమకు చమకు చామ్..

మెగాస్టార్ నటించిన ‘కొండవీటి దొంగ’ చిత్రం లోని చమకు చమకు చామ్.. సాంగ్ ని సాయి ధరమ్ తేజ్ ‘ఇంటెలిజెంట్’ చిత్రం లో రీమేక్ చేసారు.

#9 శుభలేఖ రాసుకున్నా..

కొండవీటి దొంగ లోని మరో సూపర్ హిట్ సాంగ్ శుభ లేఖ రాసుకున్నా పాటని రామ్ చరణ్ ‘నాయక్’ చిత్రం లో రీమేక్ చేసారు.

#10 అరె ఓ సాంబ..

బాల కృష్ణ నటించిన ‘రౌడీ ఇన్స్పెక్టర్’ చిత్రం లోని అరె ఓ సాంబ సాంగ్ ని కళ్యాణ్ రామ్ ‘పటాస్’ చిత్రం లో రీమేక్ చేసారు.

#11 ఒక లైలా కోసం..

అక్కినేని నాగేశ్వర రావు నటించిన ‘రాముడు కాదు కృష్ణుడు’ చిత్రం లోని ఒక లైలా కోసం పాటని.. నాగ చైతన్య ‘ఒక లైలా కోసం’ చిత్రం లో రీమేక్ చేసారు.

https://www.youtube.com/watch?v=Cl8EvH3lTFQ

#12 వెల్లువొచ్చి గోదారమ్మ..

శోభన్ బాబు, శ్రీదేవి జంటగా నటించిన ‘దేవత’ చిత్రం లో సూపర్ హిట్ సాంగ్ వెల్లువొచ్చి గోదారమ్మ..ని వరుణ్ తేజ్ హీరోగా నటించిన ‘గద్దలకొండ గణేష్’ చిత్రం లో రీమేక్ చేసారు.

#13 వెన్నెలైనా చీకటైనా

సూపర్ స్టార్ కృష్ణ, శ్రీ దేవి జంటగా నటించిన ‘పచ్చని కాపురం’ చిత్రం లోని వెన్నెలైనా చీకటైనా.. సాంగ్ ని ఆయన అల్లుడు సుధీర్ బాబు ‘ప్రేమ కథ చిత్రం’ లో రీమేక్ చేసారు.

#14 స్వాతిలో ముత్యమంత

బాలకృష్ణ నటించిన ‘బంగారు బుల్లోడు’ చిత్రంలోని స్వాతిలో ముత్యమంత పాటని అల్లరి నరేష్ ‘బంగారు బుల్లోడు’ చిత్రం లో రీమేక్ చేసారు.

#15 ఆకాశంలో ఒక తార

కృష్ణ, జయప్రద కలిసి నటించిన సూపర్ హిట్ మూవీ ‘సింహాసనం’ చిత్రం లోని ఆకాశంలో ఒక తార పాటని అల్లరి నరేష్ ‘సీమ టపాకాయ్’ చిత్రం లో రీమేక్ చేసారు.

#16 గలగలా పారుతున్న గోదారిలా..

సూపర్ స్టార్ కృష్ణ నటించిన ‘గౌరీ’ చిత్రంలోని గలగలా పారుతున్న గోదారిలా సాంగ్ ని ఆయన కుమారుడు మహేష్ బాబు ‘పోకిరి’ చిత్రం లో రీమేక్ చేసారు.

#17 ఆరేసుకోబోయి పారేసుకున్నాను..

సీనియర్ ఎన్టీఆర్, జయప్రద నటించిన ‘అడవి రాముడు’ చిత్రంలోని ఆరేసుకోబోయి పారేసుకున్నాను పాటని ప్రభాస్, ఆర్తి అగర్వాల్ ‘అడవి రాముడు’ చిత్రం లో రీమేక్ చేసారు.

#18 ఎన్నో రాత్రులొస్తాయి గానీ..

బాలకృష్ణ నటించిన ‘ధర్మక్షేత్రం’ చిత్రం లోని ఎన్నో రాత్రులొస్తాయి గానీ పాటని కళ్యాణ్ రామ్ ‘అమిగోస్’ చిత్రం లో రీమేక్ చేసారు.

కొన్ని కొన్ని చిత్రాలు భారీ బడ్జెట్ తో రిలీజ్ అయ్యి ఇండియాలో మంచి వసూళ్లను నమోదు చేసుకుంటాయి. అలాగే ఓవర్సీస్ లో కూడా మంచి కలెక్షన్లనే సంపాదిస్తాయి. ఒక పెద్ద బడ్జెట్ సినిమా తీస్తున్నప్పుడు ప్రొడ్యూసర్లు పెద్ద హీరోలను పెట్టి తీస్తే ఎక్కువ కలెక్షన్లు వస్తాయి అని నమ్ముతారు. చాలా సంఘటనలు అలా జరిగాయి కూడా.

అలాంటి వాటిలలో ఆర్ఆర్ఆర్, దంగల్,బాహుబలి లాంటి సినిమాలు ఉన్నాయి. ఈ సినిమాల కలెక్షన్ల గురించి ఎంత చెప్పినా తక్కువే. కానీ ఓవర్సీస్ లో ఈ సినిమాలని మించిపోయి కలెక్ట్ చేసిన ఒక సినిమా ఉంది. ఆ సినిమా మరేదో కాదు మాన్సూన్ వెడ్డింగ్. ఇది ఏకంగా ఓవర్సీస్ లో 100 కోట్లను సంపాదించిన మొదటి భారతీయ చిత్రంగా నిలిచింది.

బాహుబలి, దంగల్ వంటి పెద్ద పెద్ద చిత్రాలకే రాని కలెక్షన్లు ఈ సినిమాకి వచ్చాయి. ఈ సినిమా కధ చాలా సింపుల్ గా అందరికీ నచ్చినట్టు ఉంటుంది. కంటెంట్ బాగుంది అని థియేటర్లకు అభిమానులు తరలివచ్చారు. గమనించాల్సిన విషయం ఏంటంటే ఇది కేవలం 5కోట్ల బడ్జెట్ తోనే రూపొందించిన సినిమా. ఏకంగా 110 కోట్ల వరకు సంపాదించింది. ప్రాఫిట్ ల ప్రకారం దంగల్ సినిమా రేంజ్ ని కూడా దాటేసింది.

ఎందుకంటే దంగల్ 75 కోట్ల బడ్జెట్ తో తీస్తే అన్ని కలెక్షన్లు వచ్చాయి. కానీ ఈ సినిమా ఐదు కోట్ల తో నే ఓవర్సీస్ లో దంగల్ కి వచ్చిన వంటి కలెక్షన్లు సంపాదించుకుంది. రాజ్ కుమార్ హిరానీ తీసిన త్రీ ఇడియట్స్ మూవీ ఓవర్సీస్ లో హైయెస్ట్ కలెక్టెడ్ ఇండియన్ మూవీ గా ఉండేది కానీ ఈ సినిమా కలెక్షన్లు ఆ రికార్డుని బ్రేక్ చేశాయి. దీని బట్టి అర్థమైంది ఏంటంటే కంటెంట్ ఉన్న సినిమాలు ఎక్కడైనా రాణించగలవు.

శ్రీకాంత్ అడ్డాల దర్శకత్వంలో మహేష్ నటించిన `బ్రహ్మోత్సవం` భారీ అంచనాల నడుమ 2016 మే 20న రిలీజై.. ఘోర పరాజయాన్ని మూటగట్టుకున్న సంగతి తెలిసిందే. ఈ సినిమా మహేష్ కెరీర్ లోనే భారీ డిజాస్టర్ గా నిలిచింది. అంతకు ముందు ‘సీతమ్మ వాకిట్లో సిరిమల్లె చెట్టు’ సినిమా చేసిన నేపథ్యం లో మహేష్ ఈ చిత్రాన్ని ఓకే చేసినట్లు టాక్. అయితే ఫామిలీ చిత్రాలు తీయడం లో సిద్ధహస్తుడు అయిన శ్రీకాంత్ అడ్డాల కథ, కథనం, పాత్రల విషయాల్లో ఫుల్ కన్ఫ్యూజ్ అయిపోయాడు. దీంతో ఈ చిత్రం అట్టర్ ప్లాప్ అయ్యింది.

ఈ చిత్రం మహేష్ కెరీర్ లో ఆల్ టైం డిజాస్టర్స్ లో ఒకటి. నిజానికి ఈ సినిమా ప్రారంభానికి ముందే మహేష్ ను చాలా మంది హెచ్చరించారట. నిజానికి శ్రీకాంత్ అడ్డాల ఈ చిత్రం కథని ముందు ఎన్టీఆర్ కి చెప్పాడట. అయితే ఏడు తరాలు… కుటుంబం కోసం దేశ యాత్రలు.. అందులోనూ కమర్షియల్ ఎలెమెంట్స్ లేకపోవడం.. ఇవన్నీ చెక్ చేసుకుని ఎన్టీఆర్ ఈ స్క్రిప్ట్ ను రిజెక్ట్ చేసాడట. నిర్మాత బి.వి.ఎస్.ఎన్ ప్రసాద్ ఈ చిత్రాన్ని మొదట నిర్మించాలి అనుకున్నారు.. కానీ ఎన్టీఆర్ వద్దనేసరికి తప్పుకున్నాడట.

మరోపక్క దిల్ రాజు కూడా ఓ సందర్భంలో ఈ కథ మీకు అంత కరెక్ట్ కాదు అని కూడా మహేష్ తో చెప్పారట. అయినా మహేష్ అర్ధం చేసుకోలేదు. చివరికి బిగ్ ప్లాప్ ని మూటగట్టుకున్నాడు. మహేష్ ఆ తర్వాత వరుస సినిమాలు చేసాడు కానీ బ్రహ్మోత్సవం సినిమా తో సాలిడ్ దెబ్బ తిన్న శ్రీకాంత్ అడ్డాల నుండి కొత్త సినిమా రావడానికి ఏకంగా 5 ఏళ్ల టైం పట్టింది. అయితే తన అన్ని సినిమాల్లోలాగే ఈ చిత్రం లో కూడా బంధాలు, బంధుత్వాలు చాలా చక్కగా చూపించాడు శ్రీకాంత్ అడ్డాల. అయితే ప్రస్తుతం ఈ చిత్రం లోని ఒక సీన్ లో ఒక మిస్టేక్ ఉంది గమనించారా అంటూ సోషల్ మీడియా లో వైరల్ చేస్తున్నారు నెటిజన్లు.

ఈ మూవీ లో మహేష్ మదర్ రేవతి తన కుమార్తె తో వీడియో కాల్ మాట్లాడుతూ ఉంటుంది. అప్పుడు మహేష్ వచ్చి తన సోదరిని సరదాగా ఏడిపిస్తాడు. అయితే ఈ వాళ్ళు వీడియో కాల్ మాట్లాడే సమయంలో కాల్ మ్యూట్ లో ఉంటుంది. దాన్ని గుర్తించిన నెటిజన్లు.. మ్యూట్ లో ఉన్నప్పుడు కాల్ ఎలా మాట్లాడుతున్నారు అంటూ ట్రోల్ చేస్తున్నారు. ప్రస్తుతం ఆ వీడియో నెట్టింట వైరల్ గా మారింది.

watch video :

అల్లు అర్జున్ హీరోగా గుణశేఖర్ దర్శకత్వంలో తెరకెక్కిన మూవీ ‘వరుడు’ చిత్రం గుర్తుండే ఉంటుంది. ఎన్నో అంచనాల మధ్య వచ్చిన ఈ చిత్రం డిజాస్టర్ అయ్యింది. ఈ సినిమా విడుదల సమయంలో పెళ్లి సెట్‌తో పాటు అంతలా హాట్ టాపిక్‌గా మారిన అంశం ఏంటి అంటే ఈ చిత్రం లో పెళ్లి కూతురు ప్లస్ హీరోయిన్ ఎవరు అనే..

పోస్టర్లలో ఎక్కడా హీరోయిన్ ముఖాన్ని రివీల్ చేయకుండా గుణశేఖర్ జాగ్రత్తపడ్డాడు. ఆమె ఎవరనే సస్పెన్స్‌తో ప్రేక్షకులను థియేటర్లకు నడిపించాడు. అంతలా ఆసక్తి రేకెత్తించిన ఆ హీరోయిన్ ‘భాను శ్రీ మెహ్రా’ గుర్తుండే ఉంటుంది.

‘వరుడు’ చిత్రం పరాజయాన్ని చవిచూడటంతో తెలుగులో ఈ భామకు ఆశించిన స్థాయిలో అవకాశాలు రాలేదు.

గోవిందుడు అందరివాడేలే, బ్రదర్ ఆఫ్ బొమ్మాళి, అలా ఎలా చిత్రాల్లో గెస్ట్ రోల్స్ చేసిన ఈ అమ్మడు గతేడాది నెట్‌ఫ్లిక్స్ వేదికగా విడుదలైన కీర్తి సురేష్ సినిమా ‘మిస్ ఇండియా’లో సహానా పాత్రలో మెరిసింది. ఈ సినిమాలో కీర్తి సురేష్ అక్క పాత్రలో నటించింది. కానీ సినిమాలో భాను శ్రీ కనిపించేది కొంచెం సేపు మాత్రమే. దాంతో పెద్ద సినిమాలో నటించిన కూడా అంత పెద్దగా గుర్తింపు రాలేదు.

భాను శ్రీ మెహ్రా గతేడాది కరణ్‌మన్‌హాస్‌ను పెళ్లాడింది. ప్రస్తుతం భాను శ్రీ చేతిలో సినిమాలు లేవు. కానీ ఆమె సోషల్ మీడియా ద్వారా నిత్యం ఫాన్స్ తో టచ్ లోనే ఉంటుంది.

ఆమె ఫొటోలను చూసిన చాలా మంది ఫాన్స్  అల్లు అర్జున్ ‘వరుడు’ సినిమాలో పెళ్లి కూతురిగా నటించిన ఆ అమ్మాయి, ఈ పంజాబీ హాట్ బ్యూటీ ఒకరేనా అని సందేహంతో నోరెళ్లబెడుతున్నారు.

చాలా మంది హీరోయిన్లు కొన్ని సంవత్సరాలు పాటు ప్రేక్షకులకు కనిపించకుండా పోయి మళ్లీ ఇప్పుడు సినిమాల్లోకి వస్తున్నారు. వారిలో చాలామంది పెద్ద పెద్ద హీరోయిన్లు కూడా ఉన్నారు. మళ్లీ సినిమాల్లో హీరోయిన్ పాత్రలో కాకపోయినా కూడా ఒక ముఖ్య పాత్రలో నటిస్తున్నారు. మరి భాను శ్రీ మెహ్రా కూడా మళ్లీ అలా సినిమాల్లో కనిపిస్తారు ఏమో. ప్రస్తుతం అయితే భాను శ్రీ సినిమాలకి దూరంగానే ఉంటున్నారు. అసలు మళ్లీ సినిమాల్లోకి వస్తారు లేదు అనేది కూడా తెలియదు.

సినిమా ఇండస్ట్రీలో సమాజ సేవ కూడా చేస్తున్న సెలబ్రిటీలు చాలా తక్కువ మంది ఉన్నారు. అది కూడా తెలుగు సినిమా ఇండస్ట్రీలో అయితే ఇంకా తక్కువ మంది ఉన్నారు. వారిలో హీరోయిన్లు కూడా ఉన్నారు. అలా, సమాజ సేవ కోసం తన వంతు కృషి చేస్తున్న హీరోయిన్ సమంత.

సమంత సినిమాల్లోకి వచ్చిన కొత్తల్లోనే ప్రత్యూష ఫౌండేషన్ పేరుతో ఒక స్వచ్ఛంద సంస్థ నెలకొల్పి, ఎంతో మందికి వైద్యం, ఆర్థిక సహాయం అందించారు. సమంత సామాజిక అంశాల మీద కూడా మాట్లాడుతూ ఉంటారు. సోషల్ మీడియా ద్వారా ఎన్నో విషయాలను షేర్ చేస్తూ ఉంటారు.

సమంత ఇటీవల టేక్ 20 అనే ఒక పాడ్ కాస్ట్ మొదలు పెట్టారు. ఇందులో కొన్ని ఆరోగ్యానికి సంబంధించిన విషయాల మీద సమంత మాట్లాడుతున్నారు. ఈ పాడ్ కాస్ట్ సమంత యూట్యూబ్ ఛానల్ లో ఉంది. ఈ పాడ్ కాస్ట్ 2 ఎపిసోడ్స్ రిలీజ్ అయ్యాయి. అయితే ఇందులో సమంత చెప్పిన ఒక విషయం మీద ఒక డాక్టర్ ఫైర్ అయ్యారు. తెలివి లేకుండా ఇద్దరు కూర్చొని మాట్లాడుతున్నారు అని చెప్పారు. ఇటీవల సమంత చెప్పిన పాడ్ కాస్ట్ లో లివర్ డిటాక్సింగ్ అనే అంశం మీద మాట్లాడారు. అసలు అలా చేయడం కుదరదు అని ఈ డాక్టర్ చెప్పారు. ద లివర్ డాక్ పేరుతో ఈ డాక్టర్ సోషల్ మీడియా అకౌంట్స్ ఉంటాయి.

సమంత ఈ అంశం మీద మాట్లాడినది అంతా కూడా తప్పు అంటూ ఆ డాక్టర్ వివరంగా దానికి సంబంధించిన విషయాలని చెప్పారు. అసలు మానవ శరీరం అనేది ఎలా పని చేస్తుంది అనే విషయం తెలియదు అని అన్నారు. ఈ విషయం మీద తప్పుడు వివరణ, తప్పుడు సందేశం ఇస్తున్నారు అని చెప్పారు. ఆరోగ్యం గురించి తెలియని ఒక అజ్ఞాని ఈ వీడియోలో మాట్లాడారు అని సమంతతో ఉన్న మరొక వ్యక్తి గురించి కూడా ఈ డాక్టర్ చెప్పారు.

This is Samantha Ruth Prabhu, a film star, misleading and misinforming over 33 million followers on "detoxing the liver."

The podcast feature some random health illiterate "Wellness Coach & Performance Nutritionist" who has absolutely no clue how the human body works and has the… pic.twitter.com/oChSDhIbu2

— TheLiverDoc (@theliverdr) March 10, 2024

ఇటీవల కీర్తి భట్ కుమారి ఆంటీ ఫుడ్ బాలేదు అంటూ మాట్లాడిన సంగతి తెలిసిందే. కుమారి ఆంటీ ఫుడ్ కి డిమాండ్ విపరీతంగా పెరిగిపోయింది. చాలా మంది కుమారి ఆంటీ ఫుడ్ స్టాల్ దగ్గరికి వెళ్లి సినిమా ప్రమోషన్స్ కూడా చేస్తున్నారు. ఇప్పుడు కుమారి అంటే ఏకంగా టీవీలోనే కనిపిస్తున్నారు. ముందు ఈవెంట్స్ లో, ఇప్పుడు సీరియల్స్ లో కూడా వస్తున్నారు.

కేవలం ఒకే ఒక్క వీడియోతో చాలా ఫేమస్ అయిపోయారు. కానీ ఆ వీడియో పక్కన పెడితే, కుమారి ఆంటీ ఫుడ్ స్టాల్ వెనుక చాలా కష్టం కూడా ఉంది. చాలా సంవత్సరాల నుండి ఈ ఫుడ్ స్టాల్ కుమారి ఆంటీ నడుపుతున్నారు. అయితే ఇప్పుడు ఇంత ఫేమస్ అవ్వడంతో, చాలా మంది సెలబ్రిటీలు కూడా కుమారి ఆంటీ ఫుడ్ స్టాల్ కి వెళ్తున్నారు.

కీర్తి భట్ భర్త తనని కుమారి ఆంటీ స్టాల్ కి తీసుకెళ్లారు. అక్కడ కీర్తి భట్ భోజనం చేసి, ఎందుకు ఇంత హైప్ ఇస్తున్నారు తనకి అర్థం కాలేదు అని అన్నారు. చికెన్ కర్రీ చాలా కారంగా ఉంది అని అన్నారు. అంతే కాకుండా, కుమారి ఆంటీ కంటే చికెన్ కర్రీ తానే బాగా చేస్తాను అని కూడా చెప్పారు. అయితే, ఎవరి అభిప్రాయం వారిది అని కూడా కీర్తి చెప్పారు. ఇప్పుడు కుమారి ఆంటీ ఈ విషయం మీద స్పందించారు. ఈ విషయంపై కుమారి ఆంటీ మాట్లాడుతూ, “కీర్తి భట్ షాప్ దగ్గరికి వచ్చిన రోజు నేను లేను. నేను ఆరోజు ఊరు వెళ్లడంతో అంకుల్, మా అన్నయ్య, వదిన వాళ్ళు ఉన్నారు. అప్పుడే కీర్తి భట్ వచ్చి తిన్నట్టు ఉన్నారు. మగవాళ్ళు వండిన దానికి ఆడవాళ్ళు వండిన దానికి తేడా ఉంటుంది కదా.”

“నేను ఎప్పుడూ ఒకరిని తక్కువ చేసి మాట్లాడను. కానీ ఎవరి టేస్ట్ వాళ్ళది. ఒకరికి నచ్చేది ఇంకొకరికి నచ్చదు. మంచిని అంగీకరించినప్పుడు చెడుని కూడా అంగీకరించాలి. వాళ్ళకి నచ్చలేదు అని అంటే అది వాళ్ళ అభిప్రాయం. నా గురించి చెడుగా చెప్పారు అనే కారణంతో వారిని తక్కువ చేయను. నా పని నాది. వాళ్ళ పని వాళ్ళది. వాళ్ళు నా గురించి చెడుగా మాట్లాడారు అని నేను వాళ్ల గురించి చెడుగా మాట్లాడడం అనేది గౌరవం కాదు. కీర్తి అభిప్రాయాన్ని నేను గౌరవిస్తున్నాను” అని కుమారి ఆంటీ చెప్పారు.” దాంతో కుమారి ఆంటీ ఇలాంటి పరిస్థితిని కూడా చాలా బాగా హ్యాండిల్ చేశారు అని అంటున్నారు.

ALSO READ : “రాధిక మర్చంట్” ఆస్తుల విలువ ఎంతో తెలుసా..? “అనంత్ అంబానీ” కంటే ఎంత తక్కువ అంటే..?

సౌత్ ఇండియ‌న్ నెంబ‌ర్ వ‌న్ హీరోయిన్‌గా కొన్నేళ్ల పాటు చ‌క్రం తిప్పిన అనుష్క శెట్టి బాహుబలి చిత్రం తర్వాత చిత్రాలను తగ్గించేసింది. బాహుబలి తర్వాత అనుష్క చాల ఆచితూచి చిత్రాలను చేస్తోంది. ఆ తర్వాత భాగమతి, నిశ్శబ్దం చిత్రాలు మాత్రమే చేసింది. ప్రస్తుతం నవీన్ పోలిశెట్టి తో మరో చిత్రం లో నటిస్తోంది. ఇటీవలే ఆ చిత్రానికి సంబంధించిన ఫస్ట్ లుక్ పోస్టర్ రిలీజ్ చేసారు. సైజ్ జీరో చిత్రం కోసం బరువు పెరిగిన అనుష్క ఇప్పటికీ ఆ బరువును తగ్గించుకోడానికి తంటాలు పడుతోంది.

సూపర్ చిత్రం తో హీరోయిన్ గా ఎంట్రీ ఇచ్చిన అనుష్క తక్కువ కాలం లోనే స్టార్ హీరోలందరితో నటించేసింది. అరుంధతి చిత్రం తో స్టార్ హీరోయిన్ గా ఎదిగిపోయింది. ఆ తర్వాత లేడీ ఓరియెంటెడ్ చిత్రాలకు కేర్ అఫ్ అడ్రసుగా మారిపోయింది అనుష్క. ఆ తర్వాత రాజమౌళి తీసిన బాహుబలి చిత్రం తో నేషనల్ స్టార్ గా మారిపోయింది.

అయితే తన కెరీర్ లో అనుష్క చాలా మంది స్టార్ హీరోలతో నటించింది. కానీ ఒక ఇద్దరు హీరోలు మాత్రం ఆమెకు కొడుకుగా, లవర్ గా, భర్తగా నటించారు. వారిద్దరూ ఎవరా అనుకుంటున్నారా.. వారే ప్రభాస్, అడివి శేష్. ప్రభాస్, అనుష్క ది సూపర్ హిట్ పెయిర్. వీరిద్దరూ చాలా హిట్ చిత్రాల్లో నటించారు. అయితే అనుష్కకి ప్రభాస్ బిల్లా, మిర్చి చిత్రాల్లో లవర్ గా నటించాడు. అలాగే బాహుబలి చిత్రం లో ప్రభాస్ పాత్ర అమరేంద్ర బాహుబలి అనుష్కకి భర్తగా, మరో పాత్ర అయిన శివుడు కొడుకుగా నటించాడు.

అలాగే మరో హీరో అడివి శేష్ కూడా అనుష్కకి భర్తగా, లవర్ గా, కొడుకుగా నటించాడు. ప్రస్తుతం పాన్ ఇండియా హీరోగా మారిన అడివి శేష్.. కెరీర్ ప్రారంభం లో చాలా చిత్రాల్లో సహాయక పాత్రల్లో నటించారు. అలాగే అడివి శేష్ అనుష్క నటించిన సైజ్ జీరో చిత్రం లో అనుష్కకి లవర్ గా నటించాడు. అలాగే నాగార్జున, కార్తీ నటించిన ఊపిరి చిత్రం లో అనుష్కకి భర్తగా నటించాడు శేష్. అదే విధంగా బాహుబలి చిత్రం లో అడివి శేష్ భల్లాల దేవుడికి కొడుకుగా నటించారు. అలా చూస్తే అమరేంద్ర బాహుబలి, దేవసేన పాత్రలకు కూడా కొడుకే. ఇలా శేష్ అనుష్క కి కొడుకు పాత్రలో కూడా నటించాడు.