Filmy Adda

మెగాస్టార్ చిరంజీవి హీరోగా, కొరటాల శివ దర్శకత్వంలో రాబోతున్న సినిమా ఆచార్య. ఈ సినిమా షూటింగ్ పూర్తయినా కూడా కరోనా కారణంగా విడుదల వాయిదా పడింది. ఇందులో చిరంజీవి పక్కన కాజల్ హీరోయిన్ గా నటిస్తున్నారు. ఖైదీ నెంబర్ 150 తర్వాత వారిద్దరి కాంబినేషన్ లో రాబోతున్న రెండవ సినిమా ఇది.

ఈ సినిమాలో కాజల్ అగర్వాల్ హీరోయిన్ గా నటిస్తోంది. రామ్ చరణ్ కూడా ఈ సినిమాలో కీలక పాత్ర పోషిస్తున్న సంగతి తెలిసిందే. చాలా కలం తర్వాత ఇద్దరినీ ఒకే స్క్రీన్ మీద చూడడం, అది కూడా ఇద్దరినీ ఫుల్ లెన్త్ రోల్ లో చూడడం అనే విషయం సినిమా మీద ఆసక్తిని ఇంకా పెంచింది.

ఈ సినిమా ట్రైలర్‌ ఇటీవల విడుదల అయ్యింది. ఇందులో చిరంజీవి, రామ్ చరణ్, పూజా హెగ్డేతో పాటు ముఖ్య పాత్రల్లో నటిస్తున్న నటీనటులు కనిపించారు. ఈ సినిమాలో చిరంజీవి పక్కన హీరోయిన్ గా కాజల్ నటిస్తున్నారు. కానీ ట్రైలర్ లో మాత్రం ఒక్క చోట కూడా కాజల్ అగర్వాల్ కనిపించలేదు. అసలు ఆచార్య సినిమాలో హీరోయిన్ గా ముందుగా త్రిషని అనుకున్నారు. కానీ క్రియేటివ్ డిఫరెన్సెస్ వల్ల త్రిష ఈ సినిమా నుండి తప్పుకుంటున్నట్టు చెప్పారు. సినిమాలో కాజల్ పాత్ర కంటే పూజా హెగ్డే పాత్ర నిడివి ఎక్కువగా ఉంటుందట.

ఈ కారణంగానే ట్రైలర్ లో కాజల్ పాత్ర ఎక్కువగా కనిపించలేదు. సినిమాలో రామ్ చరణ్ పాత్ర కీలకమైన పాత్ర. ఆ పాత్ర చుట్టూనే సినిమా అంతా తిరుగుతుంది. దాంతో రామ్ చరణ్ పక్కన హీరోయిన్ పాత్ర చేసిన పూజ హెగ్డే సినిమాలో ఎక్కువ సేపు కనిపిస్తారు. కానీ కాజల్ మాత్రం నిడివి మాత్రం చాలా తక్కువగా ఉంటుంది అని సమాచారం. మరి ఇందులో ఎంత వరకు నిజం ఉందో తెలుసుకోవాలంటే సినిమా విడుదల అయ్యేంతవరకు ఆగాల్సిందే.

తెలుగు రాష్ట్రాల్లో అతి తక్కువ సమయంలోనే ఎక్కువ ప్రజాధారణ పొందిన ప్రోగ్రాం ఏది అంటే ఇట్టే చెప్పేస్తారు ‘జబర్దస్త్’ అని ఎవరైనా. ప్రతి గురు, శుక్రవారాల్లో ప్రతి ఇంట్లో టీవీలకు అతుక్కుపోతూ ఉంటారు.”జబర్దస్త్” కామెడీ షో ఎంతో మంది ఆర్టిస్ట్ లకు లైఫ్ ఇచ్చింది. జబర్దస్త్ స్టేజి పై పెర్ఫార్మ్ చేసి పేరు తెచ్చుకున్న వాళ్లలో అప్పారావు ఒకరు. అయితే గత కొంతకాలంగా అప్పారావు జబర్దస్త్ స్టేజిపై కనిపించడం లేదన్న సంగతి తెలిసిందే. ఈ విషయమై ఆయనను ఇంటర్వ్యూ లో ప్రశ్నించగా అసలు కారణం ఏంటో చెప్పారు.

గత ఏడెనిమిది సంవత్సరాలుగా తాను జబర్దస్త్ షో లో పని చేస్తున్నట్లు చెప్పుకొచ్చారు. అయితే… ఒక్కరోజు కూడా స్కిప్ చేయకుండా వెళ్ళేవాడినని గుర్తు చేసుకున్నారు. అయితే.. కోవిడ్ సమయంలోనే గ్యాప్ వచ్చిందన్నారు.

ఆ సమయంలో నా వయసుని దృష్టిలో ఉంచుకుని కొన్ని రోజులు ఆగమని మానేజ్మెంట్ చెప్పడం వలనే కొన్ని రోజులు ఆగానని చెప్పుకొచ్చారు. అయితే.. ఆ తరువాత వాళ్ళు మళ్ళీ పిలవలేదన్నారు. చెప్పుడు మాటలు వినడం వల్లే వాళ్ళు నన్ను హోల్డ్ లో పెట్టారు అని అప్పారావు చెప్పుకొచ్చారు. స్టేజి పై చాలా పాత్రలు చేసానని.. నా పాత్రకి అంతగా ప్రాధాన్యత లేకపోయినా చేసానని చెప్పుకొచ్చారు.

కానీ, నాకు తగిన గుర్తింపు ఇవ్వలేదన్నారు. షోలో సీనియర్ ని అయినప్పటికీ.. ఇతర కంటెస్టెంట్ లకి ఇచ్చిన గుర్తింపు కూడా ఇవ్వలేదని బాధపడ్డారు. పరోక్షంగా అవమానాలు కూడా ఎదుర్కోవాల్సి వచ్చిందన్నారు. అందుకే జబర్దస్త్ నుంచి తప్పుకోవాల్సి వచ్చిందన్నారు.ఆ షో నుంచి తప్పుకున్నా.. కనీసం ఎందుకు వెళ్ళిపోతున్నావ్ అని కూడా అడగలేదని చెప్పుకొచ్చారు. ఏదైతే అది అయింది.. ప్రస్తుతం మరో కామెడీ షోలో చేస్తున్నానని.. డబుల్ పేమెంట్ ఇస్తున్నారని.. ఇప్పుడు నా పరిస్థితి బాగుందని అప్పారావు చెప్పుకొచ్చారు.

రాజమౌళి దర్శకత్వం వహించిన ఆర్ఆర్ఆర్ సినిమా ఎప్పుడెప్పుడు విడుదల అవుతుందా అని రెండు తెలుగు రాష్ట్రాలు మాత్రమే కాదు భారతదేశం అంతా కూడా ఎదురు చూసింది. అందుకు మొదటి కారణం రాజమౌళి అయితే రెండో కారణం ఇద్దరు స్టార్ హీరోలు ఒకే తెరపై కనిపించడం. రాజమౌళి వారిద్దరిని కలిపి చూపించాలి అన్న ఆలోచనని ప్రేక్షకులు ఎలా రిసీవ్ చేసుకుంటారు?

వారిద్దరిలో ఒకరికి ప్రాముఖ్యత పెరిగి మరొకరికి ప్రాముఖ్యత తగ్గుతుందా? ఇలాంటి ప్రశ్నలు చాలా నెలకొన్నాయి? కానీ సినిమా ట్రైలర్ చూసిన తర్వాత ఇద్దరికీ సమానంగా ప్రాముఖ్యత ఉంటుంది అని అర్ధమైపోయింది. సినిమాలో ఇద్దరికీ సమానమైన పాత్రలు ఉంటాయి. అంత పెద్ద స్టార్ హీరోలని ఒకే తెరపై చూడటం కూడా ప్రేక్షకులకు చాలా కొత్తగా అనిపించింది.

ముఖ్యంగా వారి మధ్య వచ్చే సీన్స్ చాలా మందిని ఎమోషనల్ చేశాయి. వీరిద్దరూ మొదటిసారి కలుసుకునే సీన్ కూడా చాలా బాగా తీశారు. నిజంగానే వారిద్దరినీ చూస్తూ ఉంటే పెద్ద హీరోల్లాగా కాకుండా ఆ పాత్రల్లాగానే కనిపిస్తూ ఉంటారు. సినిమా విడుదల చాలా సార్లు వాయిదా పడింది. దాంతో ప్రతి సారి కూడా, “ఈ సంవత్సరం సినిమా విడుదల అవుతుందేమో” అని ఎదురుచూసిన ప్రేక్షకులకు ఇంకా ఎదురు చూడాల్సి వచ్చింది. దాదాపు రెండు సంవత్సరాలు సినిమా విడుదల వాయిదా పడిన తర్వాత ఇప్పుడు విడుదల అయ్యింది. అందుకు ముఖ్య కారణం కరోనా. ఈ సంవత్సరం మొదట్లో విడుదల అవ్వాల్సిన సినిమా కూడా విడుదలకు వారం రోజుల ముందు వాయిదా పడినట్లు ప్రకటించారు.

అయితే, ఇదిలా ఉండగా 2021 లోనే ఈ సినిమాకు సంబంధించిన స్టొరీ ఒక నెటిజన్ ఉన్నది ఉన్నట్టుగా చెప్పేశారు. ఆ ట్వీట్‌లో నెటిజన్ ఈ విధంగా రాశారు. “స్కాట్ వైఫ్ కి పాప నచ్చిందని స్టార్టింగ్ లో పాపని తీసుకెళ్లిపోతారు. అక్కడి నుండి కథ మొదలవుతుంది. భీమ్ రామ్ తో ఫ్రెండ్ షిప్ చేస్తాడు. తర్వాత వ్యతిరేకంగా వెళ్ళాడు అని ఫైట్ చేస్తాడు. తర్వాత రామ్ రియలైజ్ అవుతాడు. తర్వాత రామ్ జైలుకి వెళ్లడం, రామ్ భీమ్ కాపాడడం. ఇద్దరూ కలిసి క్లైమాక్స్ ఫైట్” అని రాశారు. ఇప్పుడు చూస్తే సినిమా ఇలాగే ఉంది. దాంతో, “ఇదేంటి ఇంత కరెక్ట్ గా ఎలా చెప్పారు?” అంటూ ఈ ట్వీట్ ఇప్పుడు వైరల్ అవుతోంది.