Category:

Filmy Adda

తన బావని చూడకూడని స్థితిలో చూశానంటూ కన్నీరు పెట్టుకున్న అరియానా..!!

by Sunku Sravan April 12, 2022

written by Sunku Sravan

ప్రస్తుతం సోషల్ మీడియాలో తనదైన శైలిలో కుర్రకారుకు చెమటలు పట్టిస్తున్న బిగ్ బాస్ సీజన్ ఫోర్ లో ఎంతో పాపులర్ అయిన బ్యూటీ అరియానా. ఆమె తన అందాలతోనే కాకుండా తన మాటలతో కూడా మెస్మరైజ్ చేస్తుంది. ఈ బ్యూటీ రాంగోపాల్ వర్మ ద్వారా సోషల్ మీడియాలో చాలా క్రేజ్ సంపాదించుకుంది. అయితే బిగ్ బాస్ లో ఈ బ్యూటీ పర్ఫామెన్స్ స్టైల్ ప్రేక్షకులను మంత్రముగ్ధుల్ని చేసింది.

దీంతో బిగ్ బాస్ నుంచి బయటకు వచ్చాక అరియానా అనేక అవకాశాలతో చాలా షో లలో నటిస్తూ విజయవంతంగా ముందుకు పోతుంది. అయితే ఆమె ఆ మధ్య కాలంలో ఆర్జీవి తో జిమ్లో వర్కవుట్ చేస్తూ చాలా గుర్తింపు సంపాదించింది. ప్రస్తుతం నాన్ స్టాప్ గా ప్రసారం అవుతున్న బిగ్ బాస్ లో కూడా ఆమె తన పెర్ఫార్మెన్స్ తో అదరగొడుతోంది. అందులో భాగంగానే ఈ మధ్యనే ఒక సెన్సేషనల్ విషయాన్ని చెప్పింది.

తన బావతో ఉన్నటువంటి ప్రేమ వ్యవహారాన్ని గుర్తు చేసుకుంది. దాన్ని గుర్తు చేసుకుంటూ బోరున విలపించింది. తన బావ తనని మోసం చేశాడని ఆవేదన వ్యక్తం చేస్తూ ఈ విషయాన్ని చెప్పింది. ఆమె తొమ్మిదో తరగతి చదువుతున్న సమయంలో తన బావతో ప్రేమలో పడిందట. వయసు పెరుగుతున్నకొద్దీ ఆయనపై ప్రేమను కూడా పెంచుకుంది.

అయితే అరియానా బావకు డిగ్రీ పూర్తిచేశాక హైదరాబాద్ లో జాబ్ కూడా వచ్చింది. ఈమె కూడా ఇంటర్ అయిపోయాక ఇంటిని హైదరాబాదుకు వచ్చి తన బావతో కలిసి ఉన్నానని చెప్పుకొచ్చింది. ఇలా మూడు సంవత్సరాల పాటు వారి రిలేషన్ కొనసాగిందట. ఆ సమయంలో ఆమె బావ తిన్నావా పడుకున్నావా అంటూ మంచి కేరింగ్ చూపించేవాడని చెప్పుకొచ్చింది. తర్వాత బావకు నేను బోర్ కొట్టేసాను. ఈ విషయం నాకు ఆలస్యంగా తెలిసింది.

ఒకరోజు అనుకోకుండా అతన్ని ఏ అమ్మాయి కూడా చూడకూడని స్థితిలో చూశానని. దీంతో నా గుండె పగిలి పోయిందని, ఇక బావతో కలిసి ఉండడం కుదరదని డిసైడ్ అయ్యాను అని ఆమె చెప్పుకొచ్చింది. కానీ మా బావ మళ్లీ మాయమాటలు చెప్పి ఒప్పించాడు. మళ్లీ రెండు సంవత్సరాలపాటు రిలేషన్ లో ఉన్నాం. ఈ సందర్భంలో నేను ఆర్ జే కావాలని మా బావకు చెప్పను. అలా ఆర్ జే గా చేస్తున్న సమయంలో ఒక అబ్బాయితో పరిచయం ఏర్పడిందట.

దీంతో వాళ్ళ బావ అనుమానించడం మొదలు పెట్టాడు. ఇక అనుమానం పెనుభూతం గా మారింది. నావల్ల కాలేదు బ్రేకప్ చెప్పాను అంటూ అరియనా పేర్కొంది. ఆ తర్వాత కూడా బావ చాలా సార్లు గుర్తొచ్చాడు అని, ఎలాగైనా బావతో కలుసుకోవాలని ప్రయత్నం చేశాను. నేను సంపాదిస్తున్న కాబట్టి బావకు ఒక మంచి గిఫ్ట్ ఇవ్వాలని, ఆయనకు నచ్చిన మంచి చీర కట్టుకొని వెళ్లాను. కానీ బావ నన్ను ఛీ పొమ్మన్నాడు. కానీ ఇప్పుడు మా బావ మనసు మార్చుకొని నా దగ్గరికి వచ్చినా నాకు వద్దు అంటూ అరియానా కంటతడి పెట్టుకుంటూ తన ప్రేమ విషయాన్ని వెల్లడించింది.

April 12, 2022

కేజీఎఫ్ చరిత్ర ఏంటో తెలుసా..? ఆ గనుల్లో బంగారాన్ని మనం ఎందుకు తవ్వుకోలేకపోతున్నాం?

by Anudeep April 12, 2022

written by Anudeep

అసలు కెజిఎఫ్ అంటే ఏంటో తెలుసా..? కోలార్ గోల్డ్ ఫీల్డ్స్. అసలు కెజిఎఫ్ అనగానే మనకి సినిమా పేరు గుర్తొచ్చేస్తుంది. కానీ భారత్ లో ఉన్న ఈ గనుల గురించి చాలా తక్కువ మందికి తెలుసు. ఈ ప్రాంతం లో పందొమ్మిదవ శతాబ్దం లోనే బంగారం కోసం తవ్వకాలు జరిగేవి అని ఇప్పటి ప్రజలకు తెలియదు. గతం లో ఈ కోలార్ గోల్డ్ ఫీల్డ్స్ (KGF) భారత్ కి ఎంతో ముఖ్యమైన బంగారు గని గా పేరు ప్రతిష్టలు సంపాదించింది. కానీ, ఆ పేరు ప్రతిష్టలు ఎంతో కాలం నిలవలేదు. ప్రభుత్వం వాటిని మూసివేయించింది. ప్రస్తుతం ఈ గనుల్లో ఎలాంటి బంగారం తవ్వకాలు జరగడం లేదు. ఎందుకో మనం ఇప్పుడు తెలుసుకుందాం.

ఎన్టీవీ కధనం ప్రకారం …భారతీయులకంటే ముందే బ్రిటిష్ వారు గుర్తించారు. అప్పటి మహారాజు టిప్పు సుల్తాన్ బ్రిటిష్ వారికి ఎదురు నిలిచి పోరాడారు. ఆ సమయం లోనే ఆంగ్లో-మైసూరు యుద్ధాలు చోటు చేసుకున్నాయి. 1767 – 69 వ సంవత్సరాలలో ఈ యుద్ధాలు జరిగాయి. ఇలా వరుస గా మూడు సార్లు ఆంగ్లో మైసూరు యుద్ధాలు చోటు చేసుకున్నాయి.

1780 – 84 లో రెండో ఆంగ్లో మైసూరు యుద్ధం, 1790 – 92 లో మూడవ మైసూరు యుద్ధం జరిగింది. 1799 లో జరిగిన నాలుగవ మైసూరు యుద్ధం లో టిప్పు సుల్తాన్ మరణించారు. కాలక్రమం లో అక్కడ సామంత రాజులను పెట్టి పరిపాలన కొనసాగించారు. ఆ తరువాత 1802 వ సంవత్సరం లో బ్రిటిష్ వారు మైసూర్ ను పూర్తిగా అధీనం లో తీసుకున్నారు.

ఆ తరువాత .. 1804 వ సంవత్సరం లో ఈస్ట్ ఇండియా కి చెందిన మైకేల్ అనే వ్యక్తి ఓ ఆర్టికల్ లో ఈ కోలార్ గోల్డ్ ఫీల్డ్స్ గురించి, అందులో ఉన్న బంగారు గనుల గురించి తెలుసుకున్నాడు. సమయం చూసుకుని, 1871 సంవత్సరం లో బెంగళూరు కు షిఫ్ట్ అయ్యాడు. ఆ తరువాత కొంతకాలానికి ఆ ప్రాంతం లో తవ్వకాలు జరిపాడు. అభివృద్ధి పేరిట అక్కడ ఉన్న బంగారాన్ని తవ్వుకుపోవడానికి బ్రిటిష్ ప్రభుత్వం ఎత్తుగడ వేసింది.

1900వ సంవత్సరంలో మైసూరు మహారాజు కు బ్రిటిష్ ప్రభుత్వం ఓ ప్రతిపాదన పంపింది. కోలార్ ప్రాంతం లో కావేరి నదిపై జలవిద్యుత్ కేంద్రాన్ని నిర్మించాలనుకుంటున్నట్లు తెలిపింది. వెంటనే ఈ ప్రతిపాదనకు మైసూర్ మహారాజు కూడా అంగీకారం తెలిపారు.

ఈ కోలార్ గనుల్లో 56 కేజీల మట్టిలో గ్రాము బంగారం లభించేది. ఈ ప్రాంతం లో గోల్డ్ గురించి బ్రిటిష్ ప్రభుత్వం సర్వ్ చేసింది. 1850 వ సంవత్సరం లో లావెల్లి అనే వ్యక్తి ఈ ప్రాంతానికి వచ్చారు. ఆ సమయం లో నే కోలార్ గురించి ఆసక్తికర విషయాలను ఓ ఆర్టికల్ లో చదవడం ద్వారా తెలుసుకున్నారు. రెండేళ్ల పాటు కోలార్ లో పర్యటించారు. అక్కడ అద్భుతమైన బంగారు గని ఉందని తెలుసుకుని.. ఆ బంగారాన్ని వెలికితీయాలని భావించాడు. తన ప్రయత్నాలను కొనసాగించాడు. ఈ గనులు తవ్వడానికి 1875 వ సంవత్సరం లో కోలార్ గనులను లావెల్లి కి 20 ఏళ్ల పాటు లీజుకిచ్చారు.

కానీ, ఈ గనులు తవ్వడానికి చాలా ఖర్చు అయ్యేది.. బంగారం మాత్రం దక్కలేదు. దీనితో ఈ బంగారాన్ని వెలికి తీయడానికి తన వద్ద అంత డబ్బు లేకపోవడం తో తనకు ఉన్న హక్కులను అమ్మేసుకున్నాడు. ఆ తరువాత చాలా మంది గనుల తవ్వకానికి ప్రయత్నించినా.. ఎవరు నిలవలేదు. మధ్యలోనే వెళ్ళిపోయేవారు. 1880 లో టేలర్ అండ్ సన్స్ కంపెనీ ఎంట్రీ ఇచ్చింది. కెజిఎఫ్ పనులను ముమ్మరం చేసింది. అప్పటి వరకు కెజిఎఫ్ నష్టాల్లోనే ఉంది. ఈ కంపెనీ ఇంగ్లాండ్ నుంచి ఎన్నో మెషీన్లను తెప్పించి సాంకేతికం గా అభివృద్ధి చేసింది. ఈ తవ్వకాలు మొదలవడం తో టేలర్ అండ్ సన్స్ కంపెనీ లాభాల బాట పట్టింది.

kgf1-Kgf2-Meme-Templates

ఇక్కడ పని చేయడానికి ఎంతో మంది ఇంజినీర్లు బ్రిటిష్ నుంచి వచ్చారు. 1900 నుంచి 1910 మధ్య ప్రాంతం లో ఈ గనులకు గోల్డెన్ టైం వచ్చిందని చెప్పుకోవచ్చు. ఈ మధ్య కాలం లో ఒక లక్ష డెబ్భై వేల టన్నుల గోల్డ్ ను వెలికితీశారు. చాలా లోతు వరకు తవ్వకాలు జరిపినట్లు తెలుస్తోంది. ఈ గనిని ప్రపంచం లోనే లోతైన గని గా పేర్కొన్నారు. అయితే, కిరోసిన్ దీపాలతోనే ఈ తవ్వకాలు జరిగేవి. ఇబ్బందులు ఎదురు కావడం తో ఇక్కడా కూడా పవర్ ప్లాంట్ ను సృష్టించాలని భావించారు. అప్పటికే ఇంగ్లాండ్ లో పవర్ ని సృష్టిస్తున్నారు. ఇక్కడ కూడా పవర్ ను సృష్టించాలన్న ఉద్దేశం తో కావేరి నదిపై పనులను మొదలు పెట్టారు.

kgf1-Kgf2-Meme-Templates

ఆ ప్రాంతం లో విద్యుత్ ఏర్పాటు చేసారు. కోలార్ ప్రాంతం లో మొత్తం 148 కిలోమీటర్ల మేర విద్యుత్ లైన్లను ఏర్పాటు చేయించింది. ఆ రోజుల్లోనే కోలార్ విద్యుత్ లైన్ అత్యంత పొడవైన విద్యుత్ లైను గా పేరు ప్రఖ్యాతలు పొందింది. ఆ పవర్ ప్లాంట్ దేశంలోనే మొదటి పవర్ ప్లాంట్ గా నిలిచింది. విద్యుత్ పనులు ప్రారంభం కాగానే, ఆ ప్రాంతం లో బంగారాన్ని దోచుకెళ్లే పని ని కూడా మొదలు పెట్టేసారు. ఆ ప్రాంతం లో ఎక్కువ మంది బ్రిటిష్ వారే ఉండేవారు. అక్కడే బంగ్లాను ఏర్పాటు చేసుకున్నారు. ఆ ప్రాంతమంతా ఒక మినీ ఇంగ్లాండ్ గా మారిపోయింది. వారికింద పని చేసే భారతీయులు మాత్రం షెడ్లు ఏర్పాటు చేసుకుని ఉండేవారు.

అక్కడ కూలీల బతుకులు మాత్రం దుర్భరం గా ఉండేవి. ఒక దశలో బంగారాన్ని దోచుకుంటున్నారని కెజిఎఫ్ కోర్టుకెళ్లింది. దీనితో, అదనపు రాయల్టీని ఇవ్వడానికి ఇంగ్లాండ్ ఒప్పుకుంది. అలా, ఒప్పందం తో ఇంగ్లాండ్ భారత్ నుంచి నేరు గా బంగారాన్ని ఎగుమతి చేసుకుంది. స్వాతంత్య్రం వచ్చాక, 1956 లో ఈ గనులు జాతీయ గనులు గా పేరుపొంది కేంద్ర ప్రభుత్వం చేతుల్లోకి వచ్చాయి. అప్పుడు కూడా ఈ గనుల్లో తవ్వకాలు జరిగేవి. 2001 వ సంవత్సరం వరకు ఈ తవ్వకాలను కొనసాగించారు. భారత్ లో ఉత్పత్తి అయ్యే బంగారం లో 95 శాతం బంగారం ఈ ప్రాంతం నుంచే వచ్చేది.

వరల్డ్ బ్యాంకు నుంచి లోన్ తీసుకోవద్దని అప్పటి ప్రధాని నెహ్రు కెజిఎఫ్ గనులను తాకట్టు పెట్టారు. ఆ తరువాత 1980 లలోనే కెజిఎఫ్ పతనం మొదలైనట్లు చెబుతారు. 2001 నాటికి మూడు కిలోమీటర్ల మేర సొరంగాలు ఏర్పడ్డాయి. మట్టి లో గోల్డ్ లెవెల్ మాత్రం గణనీయం గా పడిపోయింది. 95 పర్సెంట్ నుంచి 0 పర్సెంట్ కి పడిపోయింది. ప్రస్తుతం ఇక్కడ ఎలాంటి తవ్వకాలు జరగడం లేదు. ఇప్పటికైనా వాటిని తిరిగి తెరిచి తవ్వాలని కొందరు భావిస్తున్నారు. కానీ, ఆ ప్రాంతం లో ఉన్న బంగారం నిల్వల విలువ కంటే.. వాటిని బయటకు తీయడానికి అయ్యే ఖర్చే ఎక్కువ. అందుకే ఆ ప్రయత్నాల్ని విరమించుకున్నట్లు తెలుస్తోంది.

watch video:

April 12, 2022

Filmy Adda

“ఇలాంటి హీరో సినిమా చూడటం అవసరమా.?” అంటూ… తమిళ్ స్టార్ “విజయ్” పై నెటిజన్స్ ఫైర్.! ఎందుకంటే..?

by Mohana Priya April 12, 2022

written by Mohana Priya

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు. తెలుగులోకి డబ్ అయ్యే సినిమాలు ఎక్కువగా తమిళ్ భాష నుంచి అవుతాయి.

తమిళ్ హీరోలు అయిన సూర్య, విక్రమ్, అజిత్, విజయ్, కార్తీ, విశాల్ వీళ్ళందరికీ తెలుగు సినిమా ఇండస్ట్రీలో కూడా చాలా క్రేజ్ ఉంది. ఇప్పుడు అదే విధంగా తలపతి విజయ్ హీరోగా నటించిన బీస్ట్ సినిమా తెలుగులో విడుదల అవుతోంది. తమిళంలో రూపొందించిన ఈ సినిమా తెలుగులో మాత్రమే కాకుండా సౌత్ ఇండియన్ భాషలైన కన్నడ, మలయాళంతో పాటు హిందీ భాషలో కూడా విడుదల అవుతోంది.

ఈ సినిమాకి సంబంధించి విడుదలైన పాటలు ఇప్పటికే సూపర్‌హిట్ అయ్యాయి. ఈ సినిమాలో పూజా హెగ్డే హీరోయిన్ గా నటిస్తున్నారు. సినిమా ట్రైలర్ చూస్తే ఒక మాల్ హైజాక్ చేస్తారు అని, అందులో చిక్కుకుపోయిన వాళ్ళని హీరో కాపాడతాడు అని మనకి అర్థమవుతుంది. సినిమాలో నటించిన వాళ్ళందరూ కూడా దాదాపు ఒకటే కాస్ట్యూమ్ తో కనిపిస్తారు. ఇలాంటి డిఫరెంట్ రోల్ లో విజయ్ నటించడం కూడా ఇదే మొదటి సారి. గత కొద్ది సంవత్సరాల నుండి విజయ్ కి తెలుగులో కూడా చాలా మంచి ఫ్యాన్ ఫాలోయింగ్ ఉంది. దాంతో ఈ సినిమా క్రేజ్ ఇక్కడ కూడా బాగుంది. సినిమా బృందమంతా ప్రమోషన్స్ పనిలో ఉన్నారు. కానీ విజయ్ మాత్రం ప్రమోషన్స్ కి రావట్లేదు.

ఇటీవల తెలుగులో ప్రీ రిలీజ్ ఈవెంట్ జరిగింది. దీనికి డైరెక్టర్, హీరోయిన్, మ్యూజిక్ డైరెక్టర్ వచ్చారు. కానీ విజయ్ మాత్రం రాలేదు. అంతకుముందు కూడా మాస్టర్ సినిమా ప్రీ రిలీజ్ ఈవెంట్ అప్పుడు కూడా విజయ్ రాలేదు. ఇప్పుడు కూడా రాలేదు. దాంతో, “అసలు ప్రమోషన్స్ కి కూడా రాని హీరో సినిమాకి మనం అంత ఆసక్తి చూపించడం అవసరమా?” అని కామెంట్ చేస్తున్నారు.

April 12, 2022

Filmy Adda Viral

“భీమ్ కోసం ఓడిపోయిన గొప్ప మనిషి మా రామరాజు.!” అంటూ… RRR “నాటు నాటు” వీడియో సాంగ్‌పై 15 మీమ్స్..!

by Mohana Priya April 11, 2022

written by Mohana Priya

రాజమౌళి దర్శకత్వం వహించిన ఆర్ఆర్ఆర్ సినిమా ఎప్పుడెప్పుడు విడుదల అవుతుందా అని రెండు తెలుగు రాష్ట్రాలు మాత్రమే కాదు భారతదేశం అంతా కూడా ఎదురు చూసింది. అందుకు మొదటి కారణం రాజమౌళి అయితే రెండో కారణం ఇద్దరు స్టార్ హీరోలు ఒకే తెరపై కనిపించడం. రాజమౌళి వారిద్దరిని కలిపి చూపించాలి అన్న ఆలోచనని ప్రేక్షకులు ఎలా రిసీవ్ చేసుకుంటారు?

వారిద్దరిలో ఒకరికి ప్రాముఖ్యత పెరిగి మరొకరికి ప్రాముఖ్యత తగ్గుతుందా? ఇలాంటి ప్రశ్నలు చాలా నెలకొన్నాయి? కానీ సినిమా ట్రైలర్ చూసిన తర్వాత ఇద్దరికీ సమానంగా ప్రాముఖ్యత ఉంటుంది అని అర్ధమైపోయింది. సినిమాలో ఇద్దరికీ సమానమైన పాత్రలు ఉంటాయి. అంత పెద్ద స్టార్ హీరోలని ఒకే తెరపై చూడటం కూడా ప్రేక్షకులకు చాలా కొత్తగా అనిపించింది.

ముఖ్యంగా వారి మధ్య వచ్చే సీన్స్ చాలా మందిని ఎమోషనల్ చేశాయి. వీరిద్దరూ మొదటిసారి కలుసుకునే సీన్ కూడా చాలా బాగా తీశారు. నిజంగానే వారిద్దరినీ చూస్తూ ఉంటే పెద్ద హీరోల్లాగా కాకుండా ఆ పాత్రల్లాగానే కనిపిస్తూ ఉంటారు. ఈ సినిమాలో నాటు నాటు పాట ఒక మెయిన్ హైలైట్‌గా నిలిచింది. ఇద్దరు స్టార్ హీరోలు అలా కలిసి డ్యాన్స్ చేయడం ఇదే మొదటిసారి. దాంతో ప్రేక్షకులకి ఈ పాటని థియేటర్ లో చూస్తున్నంతసేపు ఇదంతా ఇంకా చాలా బాగా అనిపించింది. ఈ పాట ఫుల్ వీడియో సాంగ్ ఇవాళ విడుదలయ్యింది. ఈ పాట పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#2#3#4#5#6#7#8#9#10#11#12#13#14#15#16#17#18

April 11, 2022

Filmy Adda

“వీటితో ఏం సందేశం ఇస్తున్నారు..?” అంటూ ఓ రేంజ్ లో నటి ప్రగ్వా జైస్వాల్ ను తిట్టి పోస్తున్న నెటిజన్స్.. ఎందుకంటే?

by Anudeep April 11, 2022

written by Anudeep

ఏదైనా ఒక వస్తువు గురించి ఎక్స్ప్లెయిన్ చేయాలి అంటే మినిమం పది నిమిషాలు సమయమైనా కావాలి. కానీ ఒక వస్తువు గురించి దాని వల్ల వచ్చే ఉపయోగాల గురించి కేవలం ఒక్క నిమిషంలో, మహా అయితే రెండు నిమిషాల్లో చెప్పడానికి దారి అడ్వర్టైజ్మెంట్స్. ఒక అడ్వటైజ్మెంట్ లో వాళ్ళ వస్తువు గురించి వాళ్ళు చెప్పేది ఎంతవరకు నిజమో తెలియదు కానీ, అసలు అడ్వటైజ్మెంట్ డిజైన్ చేసే విధానం మాత్రం చాలా క్రియేటివ్ గా ఉంటాయి. అందులో కొన్ని క్లిక్ అవుతాయి, కొన్ని అవ్వవు.

కొన్ని అడ్వటైజ్మెంట్స్ వివాదాస్పదం అవుతూ ఉంటాయి. అలాంటి వాటిల్లో ఆల్కహాల్ యాడ్స్ ముందు ఉంటాయి. గతంలోనే ఓ సారి సమంత ఆల్కహాల్ ని ప్రమోట్ చేసి ట్రోల్స్ కి గురి అయింది.

తాజాగా.. ప్రగ్య జైస్వాల్ కూడా అదే బాట పట్టింది. ఎప్పుడు లేని విధంగా ఆమె నేడు నెటిజన్స్ ట్రోల్స్ కి గురి అవుతున్నారు. కంచె సినిమాతో పేరు తెచ్చుకున్న ప్రగ్య జైస్వాల్ కు తెలుగు లో అవకాశాలు తక్కువగానే వచ్చాయి. అలాంటి టైం లో బాలయ్య బాబు పక్కన అఖండ సినిమాలో ఆమెకు అవకాశం రావడంతో ఒక్కసారిగా ఆమె కెరీర్ ఊపందుకుంది.

ప్రస్తుతం ఫామ్ లో ఉన్న ప్రగ్యా జైస్వాల్ యాడ్ లలో కూడా నటిస్తోంది. ఇటీవల విస్కీ బ్రాండ్ ప్రమోషన్స్ లో పాల్గొన్న ప్రగ్య అందుకు సంబంధించిన హాట్ ఫోటోలను ఇంస్టాగ్రామ్ ఖాతాలో పంచుకుంది. ఓ విస్కీ బాటిల్ ను ముందు పెట్టుకుని హాట్ గా ఫోజులిస్తూ ఫోటోలు దిగింది. అయితే.. ఈ ఫోటోలను చూసి నెటిజన్లు ఓ రేంజ్ లో కామెంట్స్ చేస్తున్నారు. ఇటువంటి యాడ్ లు చేస్తూ సమాజానికి ఏమి సందేశం ఇద్దామనుకుంటున్నారు? అంటూ ట్రోల్ చేస్తున్నారు.

April 11, 2022

Filmy Adda

“రాధే శ్యామ్ అందుకే ఫ్లాప్ అయ్యింది.!” అంటూ… సినిమాకి నెగిటివ్ టాక్ రావడంపై “పరుచూరి గోపాల కృష్ణ” కామెంట్స్.!

by Mohana Priya April 11, 2022

written by Mohana Priya

తెలుగు సినిమా ఇండస్ట్రీలో పాన్ ఇండియన్ స్టార్ అనే గుర్తింపు తెచ్చుకున్న నటుడు ప్రభాస్. అప్పటి వరకు కేవలం రెండు తెలుగు రాష్ట్రాల్లో మాత్రమే ఉన్న క్రేజ్ బాహుబలి తర్వాత ప్రపంచ వ్యాప్తంగా పెరిగింది. మిర్చి తర్వాత బాహుబలిలో ప్రభాస్ నటించారు. బాహుబలిలో ప్రభాస్ అసలు అప్పటి వరకు నటించని ఒక పాత్రలో నటించారు. అందుకోసం చాలా కష్టపడ్డారు.

అందుకు తగ్గట్టుగా ఫలితం కూడా వచ్చింది. దాంతో ప్రభాస్ నెక్స్ట్ సినిమా ఏంటి అని అందరూ ఎదురు చూశారు. బాహుబలి తర్వాత వచ్చిన సాహో కూడా ప్రభాస్ కి ఉన్న క్రేజ్ ని దృష్టిలో పెట్టుకొని పాన్ ఇండియన్ సినిమాగా విడుదల చేసారు. కానీ ఈ సినిమా ప్రేక్షకుల అంచ‌నాల‌ని అందుకోలేక‌పోయింది. ఇటీవల విడుదల అయిన రాధే శ్యామ్‌కి వచ్చిన రెస్పాన్స్ కూడా అలాగే ఉంది.

ఈ సినిమాపై ప్రముఖ నటులు పరుచూరి గోపాల కృష్ణ రివ్యూ ఇచ్చారు. ఇందులో గోపాల కృష్ణ మాట్లాడుతూ సినిమా ఇలా రావడానికి కారణాలు ఏంటో చెప్పారు. “ఈ సినిమాని చూస్తూ ఉంటే పాతాళభైరవి అలాగే పాత మల్లీశ్వరి సినిమాలు గుర్తొచ్చాయి” అని అన్నారు. తన అంచనా ప్రకారం ఒకవేళ పాతాళభైరవి కంటే ముందు మల్లీశ్వరి విడుదల అయ్యి ఉంటే సూపర్ హిట్ అయ్యేది అని అన్నారు.

అలాగే “రాధే శ్యామ్ సినిమాలో పాటలు మళ్ళీ మళ్ళీ వినాలి అనిపించే లాగా లేవు” అని అన్నారు. అలాగే ఫైట్స్ కూడా మిస్ అయ్యాయి అని అన్నారు. అల్లూరి సీతారామరాజు సినిమా తర్వాత కృష్ణ నటించిన కొన్ని సినిమాలు ఫ్లాప్ అయ్యాయి అని అలాగే రాధే శ్యామ్ కి కూడా జరిగింది అని అన్నారు. సినిమా లైన్ బాగున్నా కూడా టైటిల్ కరెక్ట్ కాదు అని అన్నారు. అంతే కాకుండా ఈ సినిమా చూడాలి అని చెప్పారు. పరుచూరి గోపాల కృష్ణ ఈ సినిమా గురించి చెప్పిన వాటిపై చాలా మంది నెటిజన్లు కూడా కరెక్ట్ అని అంటున్నారు.

watch video :

April 11, 2022

Filmy Adda

తెలుగు లో రీమేక్ అయ్యి సూపర్ హిట్ కొట్టిన ఈ 9 సినిమాలు.. తమిళ్ లో మొదట గా విజయ్ నటించినవే..!

by Anudeep April 11, 2022

written by Anudeep

సినిమా ఇండస్ట్రీ కి ఎల్లలు లేవు.. క్రియేటివ్ కంటెంట్, టాలెంట్ ఉండాలే కానీ భాషను పక్కన పెట్టి మరీ సినిమాలను ఆదరిస్తారు. అలా ఆదరించడానికి కారణం తెలుగు సినిమాలు ఇతర భాషల్లోనూ, ఇతర సినిమాలు తెలుగు భాషలోనూ రీమేక్ కావడమే. రీమేక్ సినిమాలు ఒకప్పుడు పట్టించుకునే వారు కాదు కానీ.. ఇప్పుడు మాత్రం అన్ని భాషల్లో విడుదల అవుతున్న సినిమాలను తెలుసుకోవడం, చూడడానికి తెలుగు ప్రేక్షకులు ఇష్టపడుతున్నారు.

vijay 1

అలా తమిళ హీరో లు కూడా తెలుగు నాట పాపులర్ అవుతున్నారు. ఒకప్పుడు తమిళ హీరో విజయ్ కు తెలుగు లో అంత పాపులారిటీ లేదు. తమిళనాట మాత్రం విజయ్ కి ఎంత క్రేజ్ ఉందొ తెలుస్తూనే ఉంది. అయితే.. ఇటీవల “తుపాకీ”, “జిల్లా”, ” మాస్టర్” వంటి సినిమాలతో తెలుగులోనూ విజయ్ కి మంచి క్రేజ్ ఏర్పడింది. ప్రస్తుతం విజయ్ కి పదిహేను కోట్ల వరకు మార్కెట్ ఉంది.

vijay 2

ఈ క్రమం లో విజయ్ తెలుగు లో డైరెక్ట్ సినిమా చేయడానికి కూడా రెడీ అయిపోయాడు. “మహర్షి” సినిమా దర్శకుడు వంశి పైడిపల్లి దర్శకత్వం లో తెలుగు, తమిళ భాషల్లో విజయ్ సినిమా చేయనున్నారు. ఈ సినిమా గురించి ఇంకా విషయాలు తెలియాల్సి ఉంది. అయితే.. విజయ్ తమిళ్ లో చేసిన సినిమాలను తెలుగు లో రీమేక్ చేస్తే హిట్ అయ్యాయి. అవేంటో ఓ లుక్ వేద్దాం..

#1 కత్తి – ఖైదీ 150

#2 శివకాశి – విజయదశమి

#3 తుల్లత మనమం తుల్లుమ్ – నువ్వు వస్తావని

#4 లవ్ టుడే – సుస్వాగతం

#5 ప్రియముదన్ – ప్రేమించే మనసు

#6 పూవె ఉనక్కాగ – శుభాకాంక్షలు

#7 తిరుమలై – గౌరీ

7 gowri

#8 తిరుపచి – అన్నవరం

#9 ఖుషి – ఖుషి

April 11, 2022

Filmy Adda

ఐఏఎస్ అవ్వాలన్న రాశి ఖన్నా సినిమాల్లోకి ఎంట్రీ ఇవ్వడానికి కారణం వాజెలైన్..? అదృష్టం అంటే రాశి దే..!

by Anudeep April 11, 2022

written by Anudeep

చాలా మంది హీరోయిన్లు డాక్టర్ కాబోయి యాక్టర్ అయ్యాం అంటుంటారు. కానీ, రాశి ఐఏఎస్ అవ్వాలనుకుని యాక్టర్ అయ్యింది. క్లాస్ లో రాశి ఖన్నా మొదటి నుంచి టాపర్ గానే ఉండేది. కానీ, ఆమె యాక్టర్ కావడం వెనుక కారణం ఓ వాజెలైన్ అని తెలుసా..? ఈ ఇంట్రస్టింగ్ స్టోరీ ఏంటో ఈ ఆర్టికల్ చదివి తెలుసుకోండి.

రాశి ఖన్నా ఢిల్లీ లో శ్రీ రామ్ కాలేజీ లో బిఎ (ఇంగ్లీష్) చదివారు. ఈ సమయం లో వారి కాలేజీ కి వాజెలైన్ కంపెనీ అడ్వేర్టైజ్మెంట్ ఇవ్వడానికి వచ్చారట. ఈ సందర్భం గా వారు కాలేజీ లో అమ్మాయిలకు ఒక ఆఫర్ ఇచ్చారు. వాళ్ళకి నచ్చినట్లు ఎదో ఒక స్టైల్ లో ఫోటో తీసుకోమన్నారట. తీసుకున్న వారికి వాజెలైన్ గిఫ్ట్ గా ఇస్తారట. వాజెలైన్ ని గిఫ్ట్ గా తీసుకోవడం కోసం రాశిఖన్నా కూడా ఫొటో దిగిందట.

అయితే, ఆమె లైఫ్ కి అదే టర్నింగ్ పాయింట్ అయింది. రాశి ఖన్నా తీసుకున్న ఫోటో నచ్చడం తో ఫెమినా మ్యాగజైన్ వారు ఆమె ఫోటో ను కవర్ ఫోటో గా వేసుకున్నారు. వాజెలైన్ కంపెనీ వారు కూడా రాశి తోనే తమ ప్రోడక్ట్ కి ప్రమోషన్ చేయించుకున్నారట. అలా ఆమె లైమ్ లైట్ లోకి వచ్చింది. ఆమె ను చూసిన డైరెక్టర్ సుజిత్ సిర్కార్ తన “మద్రాస్ కేఫ్” సినిమా లో అవకాశం ఇచ్చారట. ఈ సినిమా లో రాశి యాక్టింగ్ స్కిల్స్ కూడా ప్రూవ్ అవ్వడం తో అవసరాల శ్రీనివాస్ “ఊహలు గుస గుసలాడే” సినిమాకు హీరోయిన్ గా ఎంపిక చేసుకున్నారట.

“ఊహలు గుస గుస లాడే” సినిమాకి గాను రాశి సీమా (SIIMA) బెస్ట్ డెబ్యూ యాక్ట్రెస్ అవార్డును కూడా గెలుచుకుంది. అలా తెలుగు వారికి బాగా దగ్గరయిన రాశి కి ఇండస్ట్రీ లో అవకాశాలు కూడా బాగానే వచ్చాయి. అలా పాపులర్ హీరోయిన్ అయిపొయింది రాశిఖన్నా.

watch video:

అదృష్టం అంటే రాశి దే..!

April 11, 2022

Filmy Adda

“జోష్” సినిమాలో సైడ్ ఆర్టిస్ట్… ఇప్పుడు హీరో అయ్యి “హ్యాట్రిక్ హిట్స్” కొట్టాడు..! అతను ఎవరంటే..?

by Mohana Priya April 10, 2022

written by Mohana Priya

కెరియర్ లో ముందుకు వెళ్లాలంటే ఎక్కడో ఒక చోట మొదలు పెట్టాల్సిందే. ఇవాళ ఇండస్ట్రీలో ఎంతో పేరు తెచ్చుకున్న కొంత మంది యాక్టర్స్ కూడా ఏదో ఒక రోల్ తో ఇండస్ట్రీలో అడుగు పెట్టారు.

మరి మొదటి సినిమాలో క్రెడిట్ లేని పాత్రలో గానీ సైడ్ రోల్స్ లో కానీ కనిపించి తర్వాత మెల్లగా లీడ్ రోల్ ప్లే చేసే స్థాయికి ఎదిగారు. అలా వారిలో ఇటీవల లైన్ గా హిట్ కొట్టిన హీరో కూడా ఉన్నారు.

వివరాల్లోకి వెళితే, నాగ చైతన్య హీరోగా నటించిన మొదటి సినిమా జోష్. ఈ సినిమాకి వాసు వర్మ దర్శకత్వం వహించారు. దిల్ రాజు ఈ సినిమాని నిర్మించారు. ఈ సినిమాతో ప్రముఖ హీరోయిన్ రాధ కూతురు కార్తీక కూడా హీరోయిన్ గా ఇండస్ట్రీలో అడుగు పెట్టారు. కాలేజ్ గొడవలు, ర్యాగింగ్, కాలేజ్ లో ఉండే రాజకీయాలు అనే విషయం చుట్టూ సినిమా తిరుగుతుంది. మొదటి సినిమాతోనే నాగ చైతన్య మంచి స్క్రిప్ట్ సెలెక్ట్ చేసుకున్నారు అనే పేరు సంపాదించుకున్నారు.

ఈ సినిమాలో ఒక చిన్న పాత్రలో నటించారు సిద్దు జొన్నలగడ్డ. సిద్దు మొదటి సినిమా ఇదే. ఈ సినిమా తర్వాత ఆరెంజ్ సినిమాలో, భీమిలి కబడ్డీ జట్టు సినిమాలో కూడా నటించారు సిద్దు. ఆ తర్వాత 2011లో లైఫ్ బిఫోర్ వెడ్డింగ్ అనే సినిమాతో హీరోగా పరిచయం అయ్యారు. ఆ తర్వాత చాలా సినిమాల్లో హీరోగా నటించారు. 2016లో వచ్చిన గుంటూర్ టాకీస్ సినిమాతో గుర్తింపు సంపాదించారు సిద్దు. రాజశేఖర్ హీరోగా ప్రశాంత్ వర్మ దర్శకత్వంలో వచ్చిన కల్కి సినిమాలో కూడా ఒక ముఖ్య పాత్రలో నటించారు.

సిద్దు ఇటీవల హీరోగా నటించిన కృష్ణ అండ్ హిజ్ లీల సినిమా నెట్‌ఫ్లిక్స్‌లో విడుదల అయ్యి హిట్ టాక్ సంపాదించుకుంది. అలాగే ఆ తర్వాత నటించిన మా వింత గాధ వినుమా సినిమా కూడా ఆహాలో విడుదల అయ్యింది. ఈ సినిమా కూడా పాజిటివ్ టాక్ సంపాదించుకుంది. అంతే కాకుండా ఈ రెండు సినిమాలకి రైటర్‌గా, ఎడిటర్‌గా కూడా చేశారు సిద్దు. అలాగే సిద్దు హీరోగా నటించిన డీజే టిల్లు సినిమా కూడా ఇటీవల విడుదల అయ్యింది. ఈ సినిమాకి కూడా కథ సిద్దు అందించారు. అలా హ్యాట్రిక్ హిట్స్ సంపాదించారు సిద్దు. థియేటర్స్ లోనే కాదు ఓటిటి లో కూడా డీజే టిల్లు సినిమా హిట్ టాక్ తో దూసుకుపోతోంది.

April 10, 2022

Filmy Adda

“భీమ్లా నాయక్” సినిమాలో క్లైమాక్స్‌ మార్చడానికి… కారణం ఇదేనా..?

by Mohana Priya April 10, 2022

written by Mohana Priya

చాలా రోజులు వెయిట్ చేసిన తర్వాత భీమ్లా నాయక్ థియేటర్లలో విడుదల అయ్యింది. ఈ సినిమా ఎప్పుడో విడుదల కావాల్సి ఉన్నా కూడా అప్పుడు ఉన్న పరిస్థితుల కారణంగా ఆలస్యం అయ్యింది.

సినిమా రీమేక్ అనే విషయం తెలిసిందే. కానీ పవన్ కళ్యాణ్ నటిస్తూ ఉండటంతో, అది కూడా రానా దగ్గుబాటితో మల్టీస్టారర్ అవ్వడంతో ఈ సినిమాపై అంచనాలు భారీగా నెలకొన్నాయి.

అంతే కాకుండా సినిమాకి సంబంధించి కొన్ని మార్పులు జరిగాయి. ఆ మార్పులు కూడా వర్కవుట్ అయ్యాయి. మన నేటివిటీకి తగ్గట్టు చేసిన ఆ మార్పులు ప్రేక్షకులకు చాలా బాగా నచ్చాయి. ఒరిజినల్ సినిమా కంటే తెలుగు సినిమా దాదాపు 30 నిమిషాల నిడివి తక్కువ ఉంటుంది. వీటన్నిటి వల్ల సినిమా క్రేజ్ ఇంకా పెరగడంతో సూపర్ హిట్ టాక్ తో థియేటర్లలో దూసుకుపోయింది. మళ్లీ గబ్బర్ సింగ్ తర్వాత పవన్ కళ్యాణ్ కి ఈ సినిమాతో అంత పెద్ద హిట్ పడింది అని అంటున్నారు.

ఈ సినిమాలో తెలుగు, మలయాళ వెర్షన్‌కి చాలా మార్పులు ఉన్నాయి. సినిమా క్లైమాక్స్‌లో కూడా కొన్ని మార్పులు జరిగాయి. అసలు అయ్యప్పనుం కోషియుమ్ లో క్లైమాక్స్ ఇలా ఉండదు. కానీ తెలుగులో మాత్రం రానా దగ్గుబాటి పోషించిన డేనియల్ శేఖర్ పాత్ర భార్య వచ్చి బాధ పడడం చూసి భీమ్లా నాయక్ శేఖర్ ని వదిలేస్తాడు. అంతే కాకుండా తప్పు శేఖర్ ది అన్నట్టు చెప్తారు. కానీ మలయాళం వెర్షన్‌లో కోషి పాత్రకి భార్య ఉండడం లాంటివి చూపించలేదు. అలా తెలుగులో చాలా మార్పులు జరిగాయి. అయితే ఈ మార్పుల వెనకాల ఒక కారణం ఉంది.

సాధారణంగా గత కొంత కాలం నుండి వస్తున్న త్రివిక్రమ్ సినిమాలు చూస్తూ ఉంటే చివరిలో ఆడవాళ్ళు ఎన్నో యుద్ధాలను ఆపగలరు అని ఉద్దేశం వచ్చేలాగా చూపిస్తున్నారు. ఈ సినిమాలో కూడా అదే విధంగా చూపించడానికి ప్రయత్నం చేశారు. ఆ కారణంగానే డానియల్ శేఖర్ భార్య పాత్ర చివరిలో రావడం జరుగుతుంది. దాంతో డానియల్ శేఖర్ తను చెల్లెలిలా భావించిన అమ్మాయి భర్త అని తెలుసుకున్న భీమ్లా నాయక్ డానియల్ శేఖర్ ని వదిలేస్తాడు. అందుకే కథలో ఈ విధంగా మార్పులు చేశారు.

April 10, 2022

Newer Posts

Older Posts