Filmy Adda

జబర్దస్త్ షో గురించి ప్రత్యేకించి చెప్పక్కర్లేదు. కాసేపు జబర్దస్త్ చూస్తే చాలు నవ్వుతూనే ఉంటాం. అయితే జబర్దస్త్ లో పంచ్ ప్రసాద్ కూడా కామెడీతో అలరిస్తాడు. ఇతను టైమింగ్ తో, పంచులతో అందర్నీ నవ్వించి ఎంటర్టైన్ చేస్తాడు. అయితే స్టేజ్ మీద నవ్వించే ప్రసాద్ జీవితంలో ఎంతో బాధ ఉంది. ఎన్నో కష్టాలు పడ్డాడు ప్రసాద్. తన ఆస్తి మొత్తం వైద్యానికి ఖర్చు అయిపోవడంతో నానా యాతన పడ్డాడు.

ప్రేమించి పెళ్ళి చేసుకున్న భార్యని కూడా సరిగ్గా చూసుకో లేకపోతున్నానని ఆత్మహత్య కూడా చేసుకోవాలని అనుకున్నాడు. అయితే తనకి అండగా నాగబాబు, జబర్దస్త్ ఫ్యామిలీ నిలబడ్డారని చెప్పుకొచ్చాడు.

ప్రసాద్ కి సునీత అనే అమ్మాయి తో ఎంగేజ్మెంట్ అయ్యింది. వీళ్లిద్దరు కూడా పెళ్లి చేసుకుందామని అనుకున్నారు. అయితే ఇంతలో తన కిడ్నీలు పాడైపోయాయి అని తెలిసింది. సునీత తనని హాస్పిటల్ కి తీసుకుని వెళ్ళేది. అయితే సమస్య చాలా సీరియస్ గా ఉందని పెళ్లి చేసుకోకూడదు అని అనుకున్నాడు.

అతని కుటుంబ సభ్యులు కూడా ఆమెని పెళ్లి చేసుకోవద్దని చెప్పారు. అయినప్పటికీ ఆమె వినలేదు. ఎన్ని రోజులు ఉన్న పరవాలేదని ఆమె ప్రసాద్ ని వివాహం చేసుకుంది. హాస్పిటల్లో ఐసీయూలో ఉన్నప్పుడు ఆమె గర్భిణీ. అయినప్పటికీ ఆసుపత్రిలో పక్కనే కుర్చీ వేసుకుని కూర్చునేది అని చెప్పాడు ప్రసాద్. అయితే తనను పెళ్లి చేసుకున్నాక కూడా అనవసరంగా పెళ్లి చేసుకున్నానని బాధపడ్డాడు.

ఇక ఒకరోజు అయితే ఆత్మహత్య చేసుకుందామని తన భార్యతో కూడా చెప్పాడు. ఆ సమయంలో నాగబాబు తనని పిలిచి నీకు నేను ఉన్నాను అని ధైర్యం చెప్పారు. అలానే జబర్దస్త్ టీం, రోజా గారు కూడా హెల్ప్ చేశారని చెప్పాడు. తన కొడుకు పుట్టిన తర్వాత మరింత ఆరోగ్యంగా వున్నానని.. ధైర్యం వచ్చిందని చెప్పాడు. ఎప్పుడూ హైబీపీ ఉండేదని కొడుకు పుట్టిన తర్వాత నార్మల్ అయిపోయిందని చెప్పాడు.

మెగాస్టార్ చిరంజీవి కి టాలీవుడ్ లో ఒక ప్రత్యేక స్థానం ఉంది. గొప్ప నటుడిగా పేరు తెచ్చుకుని ఎంతో ఫేమస్ అయిపోయారు చిరంజీవి. పైగా చిరంజీవి అంటే ఇప్పుడు ఇండస్ట్రీలోకి వచ్చే వాళ్లందరికీ కూడా ఆదర్శం. ఆయనను ఆదర్శంగా తీసుకుని ఇండస్ట్రీ లో ఎంతో మంది కష్ట పడుతున్నారు. అయితే చిరంజీవి చేసిన చాలా సినిమాలు చేసారు.

పైగా ఎన్నో సినిమాలు హిట్ అయ్యాయి కూడా. చిరంజీవి చేసిన సినిమాల్లో జై చిరంజీవ కూడా ఒకటి. సమీరా రెడ్డి, భూమిక ఈ సినిమాలో హీరోయిన్లుగా చేశారు. జై చిరంజీవ సినిమాలో చిరంజీవి మేనకోడలుగా శ్రియ శర్మ బాగా ఆకట్టుకుంది. ఈ చిన్న పిల్ల చక్కగా మాట్లాడుతూ ఆడియన్స్ ని ఫిదా చేసేసింది. అయితే చైల్డ్ ఆర్టిస్ట్ గా వచ్చిన ఈ చిన్నారి కేవలం ఈ ఒక్క సినిమా మాత్రమే కాకుండా నువ్వు నేను ప్రేమ సినిమాతో పాటు మరి కొన్ని సినిమాలలో కూడా చేసింది.

కేవలం తెలుగులో మాత్రమే కాకుండా హిందీ, తమిళ్, కన్నడ లో కూడా ఈ చిన్నారి నటించి గుర్తింపు తెచ్చుకుంది. ఇప్పుడు ఈ చిన్నారి హీరోయిన్ గా అవకాశం కోసం చూస్తోంది. అలానే టీనేజ్ అమ్మాయి పాత్రలు చేస్తోంది. అలీ రాజా హీరోగా తెరకెక్కిన గాయకుడు సినిమా లో శ్రేయ శర్మ హీరోయిన్ గా చేసింది.

అయినప్పటికీ అనుకున్నంత హిట్ అవ్వలేదు సినిమా. తర్వాత నిర్మలా కాన్వెంట్ లో కూడా ఈమె నటించింది. అయితే అప్పటి ఈ చిన్నారు ఎప్పుడు కూడా ఎంతో యాక్టివ్ గా ఉంటూ తన ఫోటోలని పంచుకుంటూ ఉంటుంది.

లతా మంగేష్కర్ ఇటీవలే ఈ లోకాన్ని వీడి వెళ్లారన్న వార్తని అభిమానులు ఇంకా జీర్ణం చేసుకోలేకపోతున్నారు. 92 ఏళ్ల లతా మంగేష్కర్ అనారోగ్యంతో నిన్న మృతి చెందిన సంగతి విదితమే. అయితే.. దాదాపు 60 ఏళ్ల క్రితమే ఆమె గొంతు నులమడానికి ఎవరో కుట్ర పన్నారు.

1962 వ సంవత్సరంనాటికి లతా మంగేష్కర్ వయసు 33 సంవత్సరాలు. ఓ రోజు ఉన్నట్లుండి ఆమెకు తీవ్ర అస్వస్థతకి గురి అయ్యారు. ఆమె హిందీలో బాగా పాపులర్ అవుతున్న ఆ క్రమంలో ఆమె గొంతునులిమేయాలని చూసారు. ఈ కుట్ర గురించి వెటరన్ హిందీ రైటర్ పద్మ సచ్ దేవ్ “ఐసా కహాసే లావూ” అనే పుస్తకంలో రాసుకొచ్చారు. దీనిగురించి ఆమె స్వయంగా చెప్పారని తెలిపారు.

“ఓ రోజు ఉన్నట్లుండి లతా వాంతులు చేసుకున్నారట. ఆకుపచ్చ రంగులో వాంతి అవడంతో అందరు కంగారు పడ్డారు. విపరీతమైన కడుపునొప్పితో మెలికలు తిరిగిపోయారు. వెంటనే ఆమె వ్యక్తిగత వైద్యుడిని తీసుకొచ్చారు.” ఆమె కదిలే పరిస్థితిలో లేకపోవడంతో సదరు వైద్యుడు X -ray మెషిన్ ను కూడా తీసుకుని వచ్చారు. ఆమె నొప్పిని భరించలేకపోవడంతో ఆమెకు మత్తు ఇంజక్షన్ ని చేసారు. మూడు రోజుల పాటు ఆమె మృత్యువుతో పోరాడుతూనే ఉంది. పది రోజుల తర్వాత ఆమె కొంచం రికవర్ అవుతోంది అన్నట్లుగా లక్షణాలు కనిపించాయి. ఆమెకు ఎవరో స్లో పాయిజన్ ఎక్కించారని ఆ వైద్యుడు తేల్చారు..

కానీ, అంతలోనే ఆమె వంటవాడు వేతనం కూడా తీసుకోకుండా వెళ్ళిపోయాడు. దీనితో అందరు సదరు వంటవాడిని అనుమానించారు. అయితే అతనితో ఈ పని ఎవరు చేయించారు..? ఎందుకు చేయించారు..? అన్నది మాత్రం ఎవరికీ అర్ధం కాలేదు. పోటీదారులు ఈ పని చేయించారా..? ఎవరైనా శత్రువులా అన్న విషయం మాత్రం ఈనాటికి మిస్టరీ గానే మిగిలిపోయింది.

తరువాత ఆమె పూర్తిగా కోలుకున్నాక కూడా సరిగా ఆహరం తీసుకోలేకపోయింది. తీసుకొనే పరిస్థితి లేదు. ఐస్ క్యూబ్స్ వేసుకుని సూప్ ని మాత్రం తాగేది. అయితే ఈ పని ఎవరు చేసారు అని లతా మంగేష్కర్ దర్యాప్తు చేయించారా? లేదా అన్న సంగతి కూడా తెలియదు. ఈ విషయం గురించి ఆమె ఎవరితోనూ చర్చించలేదు. దాదాపు మూడు నెలల పోరాటం తర్వాత తిరిగి ఆమె పాడడం ప్రారంభించింది. ఆమె సన్నిహితుల్లో మాత్రం ఆమె ఏమవుతుందో అనే భయం ఉండేది.

ఈ చేదు అనుభవాల గురించి ఆమె ఇండియన్ జర్నలిస్టులతో పంచుకోలేదు. ఓ లండన్ బేస్డ్ ఫిలిం రచయిత మున్ని కబీర్ తో మాత్రం పంచుకుంది. అతను లతా చెల్లెలు ఉషా మంగేష్కర్ తో కూడా చర్చించి.. నిజాలు నిర్ధారించుకున్నాకే ఈ సంఘటనల గురించి రాసారు. ఈ దుర్ఘటన జరిగిన తర్వాత బాలీవుడ్ పాటల రచయిత ఉదయాన్నే లత ఇంటికి వచ్చేవారు. ఆమె తినే ఆహారాన్ని ముందుగా ఆయన తిని ఆ తరువాత ఆమెకు పెట్టేవారు. కాలక్రమంలో ఆమె పాట మరింత మాధుర్యాన్ని సంతరించుకుని దేశం నలుమూలలా విస్తరించింది.

తమిళ్ హీరోలకి తెలుగు ఇండస్ట్రీలో ఎంత క్రేజ్ ఉంటుందో ప్రత్యేకంగా చెప్పాల్సిన అవసరం లేదు. డబ్బింగ్ సినిమాలను కూడా చాలా వరకు మన తెలుగు సినిమాలతో సమానంగా ప్రేక్షకులు ఆదరిస్తారు. ఇంక సూర్య సినిమాలు వస్తే మాత్రం ఒక తెలుగు సినిమాలాగానే చూస్తారు.

సూర్య మాత్రమే కాకుండా, మరి కొంతమంది తమిళ్ హీరోలు అయిన విజయ్, అజిత్, అలాగే సీనియర్ హీరోలు అయిన కమల్ హాసన్, రజనీకాంత్ కి కూడా తెలుగులో చాలా మంచి క్రేజ్ ఉంది. ఈ మధ్య చాలా మంది తమిళ హీరోలు కూడా డైరెక్ట్ తెలుగు సినిమాలతో ఎంట్రీ ఇస్తున్నారు. అయితే ఇలాగే అంతకు ముందు కూడా ఒక తమిళ హీరో ఒక తెలుగు సినిమాలో నటించారు. ఆ హీరోనే వినయ్ రాయ్.

వినయ్ వాన సినిమాలో హీరోగా నటించారు. సినిమాకి ఎమ్మెస్ రాజు వహించారు. ఈ సినిమా బాక్సాఫీస్ దగ్గర విజయం సాధించలేదు. కానీ పాటలు మాత్రం చాలా హిట్ అయ్యాయి. ఇప్పటికి కూడా ఈ సినిమా పాటలకు చాలా క్రేజ్ ఉంది. వినయ్ చాలా తమిళ సినిమాల్లో నటించారు. వినయ్ హీరోగా నటించిన ఒక తమిళ్ సినిమా తెలుగులో నీవల్లే నీవల్లే పేరుతో డబ్ అయ్యింది. తెలుగులో వినయ్ నటించింది ఒక్క సినిమానే అయినా కూడా పాటలు బాగా హిట్ అవ్వడం వల్ల చాలా మంది తెలుగు ప్రేక్షకులకి గుర్తున్నారు.

అయితే తర్వాత చాలా కాలం వరకు వినయ్ కనిపించలేదు. మళ్లీ చాలా సంవత్సరాల తర్వాత ఇలాగే డబ్బింగ్ సినిమాలతో వినయ్ ఎంట్రీ ఇచ్చారు. విశాల్ హీరోగా నటించిన డిటెక్టివ్ సినిమాలో వినయ్ ఒక విలన్ గా నటించారు. అలాగే శివ కార్తికేయన్ హీరోగా నటించిన డాక్టర్ సినిమాలో కూడా నెగటివ్ పాత్రలో నటించారు. డాక్టర్ సినిమా తమిళ్ లోనే కాకుండా తెలుగులో కూడా మంచి హిట్ అయ్యింది. దాంతో ఈ సినిమాలో నటించిన వినయ్ కి కూడా మంచి పేరు వచ్చింది.

మెగాస్టార్ చిరంజీవి గురించి కొత్తగా పరిచయం చేయనక్కర్లేదు. మొదట ఎన్నో కష్టాలు పడి ఇండస్ట్రీలోకి వచ్చి ఆ తర్వాత బాగా ఫేమస్ అయ్యిపోయి అద్భుతమైన ఫాలోయింగ్ ని పొందారు చిరంజీవి. ప్రస్తుతం ఆచార్య సినిమా తో బిజీ అయిపోయారు. చిరంజీవి ఆచార్య సినిమాపై ఫాన్స్ కి భారీ ఎక్స్పెక్టేషన్స్ ఉన్నాయి. వచ్చే ఏడాది ఫిబ్రవరి 4న ఈ చిత్రం విడుదల కానుంది. ఇది ఇలా ఉంటే వెంకీ కుడుములతో ఓ సినిమా చేసేందుకు చిరు ఒప్పుకున్నారట.

అయితే సినిమా అంటే ఎన్నో ఉంటాయి. ఫైట్స్, పాటలు మొదలు చాలా ఉంటాయి. ముఖ్యంగా సినిమాల్లో రియలిస్టిక్ సీన్స్ కి ఎక్కువ ప్రయారిటీ ఇస్తూంటారు. కొన్ని సినిమాల్లో హీరోలు చేయకుండా డూపులని పెట్టి సీన్స్ చేస్తూ వుంటారు. అలానే మెగాస్టార్ చిరంజీవికి కూడా 30 ఏళ్లగా ఒక వ్యక్తి డూపుగా నటిస్తున్నారు. తాజాగా ఆయన ఈటీవీ లో ఒక కార్యక్రమానికి వచ్చారు.

ఇక ఆ వ్యక్తి గురించి వివరాలులోకి వెళితే.. చిరంజీవికి 30 ఏళ్లుగా డూప్ గా వ్యవహరిస్తున్న అతను వెస్ట్ గోదావరి జిల్లా, పాలకొల్లుకి చెందినవారు. అతని పేరు ప్రేమ్ కుమార్. 30 ఏళ్లుగా తాను డూప్ కింద చిరంజీవికి నటిస్తున్నారని చెప్పారు. అయితే ఇలా మెగాస్టార్ కి డూప్ గా నటిస్తున్నందుకు చాలా ఆనందంగా ఉందని ప్రేమ్ కుమార్ తెలిపారు.

అలానే ఆయనకి ప్రేమ్ కుమార్ రికార్డింగ్ డ్యాన్స్ పేరు తో ఒక కంపెనీ కూడా వుంది అని చెప్పారు. అదే విధంగా రికార్డింగ్ డాన్సింగ్ చేసే వాళ్ళు మీద అందరికీ చిన్నచూపు ఉంటోంది అని.. రికార్డింగ్ డ్యాన్సర్స్‌కు సరైన ఆద‌ర‌ణ లభించడం లేదని చెప్పారు.  ఈ అవకాశాన్ని ఇచ్చినందుకు ఈటీవి ఆయన థాంక్స్ చెప్పారు ప్రేమ్ కుమార్.

సినిమా ఇండస్ట్రీలో హీరో హీరోయిన్లు నిజజీవితంలో ప్రేమించుకుని, తర్వాత పెళ్లి చేసుకోవడం అనేది మనం చూస్తూనే ఉంటాం. అలాగే సంగీత రంగానికి చెందిన కొంత మంది ప్రముఖులు కూడా, అదే రంగానికి చెందిన వారిని ప్రేమించి పెళ్లి చేసుకున్నారు. వారు ఎవరో ఇప్పుడు చూద్దాం.

#1 హేమచంద్ర – శ్రావణ భార్గవి

ప్రముఖ సింగర్ డబ్బింగ్ ఆర్టిస్ట్ హేమచంద్ర, సింగర్ శ్రావణ భార్గవి ని ప్రేమించి పెళ్లి చేసుకున్నారు. శ్రావణ భార్గవి కూడా గాయనిగా మాత్రమే కాకుండా, డబ్బింగ్ ఆర్టిస్ట్ గా కూడా రాణిస్తున్నారు.

#2 టిప్పు – హరిణి

గాయకులు టిప్పు, హరిణి కూడా ప్రేమించి పెళ్ళి చేసుకున్నారు. వీరిద్దరూ తమిళ్, తెలుగుతో పాటు వేరే భాషల్లో కూడా ఎన్నో పాటలను పాడారు.

#3 మల్లికార్జున్ – గోపిక పూర్ణిమ

ప్రముఖ గాయకులు మల్లికార్జున్, గోపిక పూర్ణిమ కూడా ప్రేమించి పెళ్లి చేసుకున్నారు.

#4 జీవీ ప్రకాష్ – కుమార్ సైంధవి

ప్రముఖ సంగీత దర్శకుడు, సింగర్, నటుడు అయిన జీవీ ప్రకాష్ కుమార్, తెలుగు, తమిళ్ లో ఎన్నో పాటలను పాడిన సైంధవి ని ప్రేమించి పెళ్లి చేసుకున్నారు. సైంధవి కేవలం తెలుగు, తమిళ్ మాత్రమే కాకుండా వేరే భాషల్లో కూడా పాటలను పాడారు.

#5 తమన్ – శ్రీ వర్ధిని

ప్రముఖ సంగీత దర్శకుడు తమన్, శ్రీ వర్దిని ని పెళ్లి చేసుకున్నారు.

#6 సాయి కార్తీక్ – దివిజ కార్తీక్

ప్రముఖ సంగీత దర్శకుడు సాయి కార్తీక్, గాయని దివిజ కార్తీక్ ని ప్రేమించి పెళ్లి చేసుకున్నారు. దివిజ సుప్రీమ్, పటాస్ తో పాటు ఇంకా ఎన్నో సినిమాల్లో పాటలు పాడారు.