Filmy Adda

ఒక సినిమా హిట్ అవ్వాలంటే టెక్నికల్ ప్రమోషన్స్ కన్నా మౌత్ పబ్లిసిటీ ఎక్కువ ప్రాధాన్యత కలిగి ఉంటుంది. ఒకసారి ఒక సినిమా బాగోలేదు అని గాని, బాగుంది అనిగానిఎవరి దగ్గర నుంచి అయినా టాక్ వచ్చిందంటే దాని ప్రభావం ఆ పరిసర ప్రాంతాల్లో కచ్చితంగా ఉంటుంది. అయితే ఒక్క సీజన్లో మాత్రం ఈ పబ్లిసిటీ ఏ మాత్రం పని చేయదు.

అదే సంక్రాంతి సీజన్. ఈ సీజన్లో సినిమా ఎలా ఉన్నప్పటికీ చూసి తీరాలనే ఉత్సాహంతో ఉంటారు ప్రేక్షకులు. కేవలం సినిమాలో కంటెంట్ లేకపోయినా సీజన్ వలన మాత్రమే సినిమాలు హిట్ అయినా సందర్భాలు చాలా ఉన్నాయి అలాంటి సినిమాలు ఏవో ఇప్పుడు చూద్దాం.

#1 గుంటూరు కారం : పండగలో విడుదలైన ఈ సినిమా చూసిన వాళ్ళు రెండో రోజు ఈ సినిమా థియేటర్లలో ఉంటుంది అని ఎవరు ఎక్స్పెక్ట్ చేయలేదు కానీ సీజన్ పుణ్యమా అని బాక్సాఫీస్ వద్ద నెల తొక్కుకుంది. నెగిటివ్ టాక్ ఉన్నప్పటికీ కలెక్షన్ల పరంగా అబవ్ యావరేజ్ సినిమాగా నిలబడింది.

#2 శతమానం భవతి : 2017 సంక్రాంతి టైంలో రిలీజ్ అయిన ఈ సినిమా మొదటి రోజు మిక్స్డ్ టాక్ ని మూట కట్టుకుంది కానీ సీజన్ కలిసి వచ్చి బాగానే క్యాష్ చేసుకుంది.

#3 సరిలేరు నీకెవ్వరు : 2020 సంక్రాంతి కానుకగా రిలీజ్ అయిన ఈ సినిమా డివైడ్ టాక్ తో వచ్చినప్పటికీ సీజన్ కలిసి రావటం హీరోకి దర్శకుడికి ఉన్న క్రేజ్ వలన బ్లాక్ బస్టర్ రిజల్ట్ ని సొంతం చేసుకుంది.

#4 మాస్టర్: తమిళ్ హీరో విజయ్ నటించిన ఈ సినిమా కూడా సంక్రాంతి సీజన్ కలిసి రావటం అలాగే లోకేష్ కనకరాజ్ క్రేజ్ కలిసి ఈ సినిమాని బ్లాక్ బస్టర్ గా నిలబెట్టింది.

#5 ఐ: మొదటి రోజు ఈ సినిమా నెగిటివ్ టాక్ ని మూట కట్టుకుంది సంక్రాంతి సీజన్ కలిసి వచ్చి బాగానే క్యాష్ చేసుకొని యావరేజ్ మూవీ గా నిలిచింది.

#6 నాన్నకు ప్రేమతో: ఎన్టీఆర్ 25వ సినిమాగా వచ్చిన ఈ సినిమా కూడా ముందు నెగిటివ్ టాక్ మూటకట్టుకుంది కానీ సీజన్ పుణ్యమా అని యావరేజ్ టాక్ ని తెచ్చుకోగలిగింది.

#7 నాయక్: ఈ సినిమా కూడా సంక్రాంతి సీజన్ కలిసి రావటము, వి వి వినాయక్ ట్రాక్ రికార్డు కలిసి వచ్చి సక్సెస్ ని సొంతం చేసుకుంది.

#8 బిజినెస్ మాన్ : ఈ సినిమా కూడా కేవలం మహేష్ బాబు క్రేజ్ వలన సంక్రాంతి సీజన్ వలన మాత్రమే బాక్స్ ఆఫీస్ వద్ద సక్సెస్ సాధించింది.

#9 జై సింహ: మొదటిరోజు నెగిటివ్ టాక్ ని సొంతం చేసుకున్న ఈ సినిమా సంక్రాంతి సీజన్ ను క్యాష్ చేసుకొని సక్సెస్ ని సాధించింది.

#10 రెడ్: రిలీజ్ అయిన రోజు నెగటివ్ టాక్ ని సొంతం చేసుకొని సంక్రాంతి సీజన్ వల్లే ఈ సినిమా గట్టెక్కింది.

#11 వీర సింహారెడ్డి : ఈ సినిమా కూడా కేవలం సంక్రాంతి సీజన్ వల్లనే బాక్స్ ఆఫీస్ వద్ద సక్సెస్ సాధించింది.

1987- 1988 మధ్య డిడి నేషనల్ లో ప్రచారం చేయబడిన ధారవాహిక రామాయణం. ఇది ఆ రోజుల్లో ఎంతగా పాపులర్ అయిందంటే ప్రపంచంలోనే అత్యధికంగా వీక్షించబడిన టెలివిజన్ సిరీస్ గా మారింది. దీనికి 82% వీక్షకులు ఉన్నారు.

రిపీట్ టెలికాస్ట్ మొత్తం ఐదు ఖండాల్లో, 17 దేశాలలో 20 వేరు వేరు చానల్లో వేరు వేరు సమయాల్లో ప్రసారం చేయబడింది. ఈ సిరీస్ విజయాన్ని మీడియా చక్కగా నమోదు చేసింది. బీబీసీ ప్రకారం ఈ సీరియల్ ను 650 మిలియన్లకు పైగా వీక్షితులు వీక్షించారు.

సిరీస్ యొక్క ప్రతి ఎపిసోడ్ కి డిడి నేషనల్ 40 లక్షలు సంపాదించినట్లు నివేదించింది. ఈ ధారావాహికను సాగర్ ఆర్ట్స్ నిర్మించింది విష్ణువు యొక్క ఏడవ అవతారం అయిన రాముని కథ ఇది. రాక్షస రాజు రావణుడు నుంచి అతని భార్య సీతను రక్షించడానికి అతను చేసిన ప్రయాణాన్ని చిత్రీకరించింది. ఈ ధారవాహిక హిందూ మతంలోని పవిత్ర గ్రంథం అయిన వాల్మీకి రామాయణం యొక్క కథనాన్ని అనుసరించింది. ఇది రాముడు అతని సోదరుడు లక్ష్మణుడు అంకితభావం గల వానర దేవుడు హనుమంతుడు ఎదుర్కొన్న వివిధ సాహసాలు సవాళ్లను చిత్రీకరించింది.

ఈ కథలో రాముడు వనవాసం రావణుడు సీతను అపహరించడం లంకకు వంతెనను నిర్మించడం రాముడు రావణుడి మధ్య యుద్ధం చివరికి రాముడు తన రాజ్యమైన అయోధ్యకు విజయవంతంగా తిరిగి రావడం వంటి కథలను కలిగి ఉంటుంది. ఈ సీరియల్ లో రాముడిగా అరుణ్ గోవిల్, సీతగా దీపికా చికాలియా నటించారు. ఇక సునీల్ లహరి, అరవింద్ త్రివేది, ధారాసింగ్ వారి వారి పాత్రలకు తగ్గట్టు నటనతో సీరియల్ ని ఒక రేంజ్ కి తీసుకువెళ్లారు.

ఈ సీరియల్ కి డైరెక్టర్ రామానంద్ సాగర్ కాగా స్వరకర్త రవీంద్ర జైన్. నిర్మాతలుగా రామానంద సాగర్, ఆనంద్ సాగర్, మోతీసాగర్ వ్యవహరించారు. ఇక ఈ సీరియల్ లో రాముడిగా నటించిన అరుణ్ గోవిల్ ని అయితే ఆ రోజులలో సాక్షాత్తు దేవుడి గానే భావించేవారు జనాలు. ఎక్కడ కనిపించినా హారతులు బట్టి బ్రహ్మ రథం పట్టేవారు. అంతటి చరిత్ర కలిగిన వారు కాబట్టే ఆ నటీనటులని అయోధ్య రామ మందిర ప్రాణ ప్రతిష్టకి ఆహ్వానం లభించింది. అయోధ్యలో వారికి లభిస్తున్న ఆదరణ చూస్తుంటే ఇన్ని రోజుల తర్వాత కూడా వీళ్ళకి ఇంత గౌరవమా అని ఆశ్చర్యం కలగక మానదు.

watch video :

https://www.instagram.com/reel/C2OsqZORmEc/?igsh=NjZiM2M3MzIxNA==

తన డైలాగ్స్ తో యువతని ఉర్రూతలూగించే మాటల మాంత్రికుడు త్రివిక్రమ్ శ్రీనివాస్. ఆయన తీసిన ప్రతి సినిమాలోని తన మార్కు ఎమోషనల్ సన్నివేశాలు, డైలాగ్స్ ఉండేలాగా చూసుకుంటారు. అందుకే త్రివిక్రమ్ సినిమా అంటే చాలు మొదటి రోజే థియేటర్ కి వచ్చి చూడాలి అనుకునేవారు చాలామంది ఉన్నారు. ఆ తర్వాత డైరెక్షన్ మీద ఉన్న ఆసక్తి కొద్ది డైరెక్టర్ గా కూడా మారి చాలా సినిమాలకు డైరెక్ట్ చేసి మంచి డైరెక్టర్ గా పేరు తెచ్చుకున్నారు.

అయితే ఇటీవల ఆయన సినిమాలో త్రివిక్రమ్ మార్కు ఎమోషన్స్ ఎక్కువగా కనిపించడం లేదు. గుంటూరు కారం సినిమాలో త్రివిక్రమ్ మార్క్ ఎమోషన్స్ కనిపించకపోవడంతో మహేష్ ఫ్యాన్స్ త్రివిక్రమ్ పై విరుచుకుపడుతున్నారు.

అయితే ఇప్పుడు అదే విషయంగా ఆయనపై ట్రోలింగ్స్ వస్తున్నాయి ఇన్నాళ్లు త్రివిక్రమ్ యద్దనపూడి సులోచన రాణి నవలలని ఆధారంగా చేసుకొని సినిమాలను తీసేవారు. వాటికి అనుగుణంగానే డైలాగ్ లను డెవలప్ చేసేవారు . అయితే యద్దనపూడి సులోచనారాణి మరణం త్రివిక్రమ్ శ్రీనివాస్ కి పెద్ద లోటు గా అనిపిస్తున్నట్లు ఉంది.

ఆమె బ్రతికి ఉంటే ఈపాటికి ఒక నాలుగు, ఐదు నవలలు రాసి ఉండేది. ఇప్పుడు ఆమె నుంచి ఎలాంటి నవల్స్ రాకపోవడంతో త్రివిక్రమ్ నుంచి కొత్తదనం కొరవడింది అంటూ తెగ ట్రోల్ చేస్తున్నారు నెటిజెన్స్. గుంటూరు కారం సినిమా కూడా యద్దనపూడి సులోచనారాణి కీర్తి కిరీటాలు నవల నుంచి తీసుకున్న కథాంశమే. కొద్దిగా మార్పులు చేర్పులతో ఈ సినిమాని సిద్ధం చేశారు త్రివిక్రమ్. అయితే ఇందులో ఎంత నిజం ఉన్నది అన్నది మాత్రం వాళ్ళ వాళ్ళ అభిమానులకు మాత్రమే తెలిసి ఉంటుంది.

ఇక ఆ విషయం పక్కన పెట్టి త్రివిక్రమ్ అల్లు అర్జున్ తో రూపొందిస్తున్న సినిమాతో అయినా హిట్ కొట్టకపోతే ఇండస్ట్రీ త్రివిక్రమ్ ని పక్కన పెట్టే అవకాశాలు ఎక్కువగా ఉన్నాయి. నిజానికి గుంటూరు కారం సినిమాతో త్రివిక్రమ్ సక్సెస్ గ్రాఫ్ అమాంతం పడిపోయిందనే కామెంట్లు ఎక్కువగా వినిపిస్తున్నాయి.

ఒకప్పటి హీరోయిన్ ట్వింకిల్‌ ఖన్నా గురించి అందరికి తెలిసే ఉంటుంది. వెంకటేష్ శీను మూవీలో హీరోయిన్ గా చేసింది. స్టార్ నటుడు అక్షయ్ కుమార్ ఆమె. అక్షయ్ కుమార్ సినిమాల గురించి పోస్ట్ చేస్తూ సోషల్ మీడియాలో చాలా ఆక్టివ్ గా ఉంటారు ఆమె. ప్రస్తుతం ఆమె గురించి సోషల్ మీడియాలో ట్రెండ్ అవుతుంది. ఎందుకంటే..50 ఏళ్ల వయసులో గొప్ప మైలురాయిని అందుకున్నారు. లండన్ విశ్వవిద్యాలయం నుంచి మాస్టర్స్ డిగ్రీని విజయవంతంగా పూర్తి చేసి పట్టా సాధించారు.

https://www.instagram.com/p/C2KgD2lJScL/

భార్య మాస్టర్స్ డిగ్రీ పూర్తి చేయడంపై అక్షయ్ కుమార్ ఆనందం వ్యక్తం చేసారు. ఆమెను అభినందిస్తూ అక్షయ్ సోషల్ మీడియా వేదికగా ఓ స్వీట్ నోట్ రాశారు.”చదువుకోవాలనుందని రెండేళ్ల క్రితం నువ్వు నాకు చెప్పిన సమయంలో ఆశ్చర్యపోయా. ఎంతో కష్టపడి అనుకున్నది సాధించావు. ఇల్లు, కెరీర్‌, నన్ను, పిల్లలను చూసుకుంటూనే డిగ్రీ పూర్తి చేశావ్. నేను సూపర్‌ విమెన్‌ను పెళ్లి చేసుకున్నా. భర్తగా ఎంత గర్వపడుతున్నానో చెప్పేందుకు నీవు ఇంకా చదువుకోవాలనుకుంటున్నా. కంగ్రాట్స్‌ మై లవ్‌” అంటూ రాసారు ఆయన. ఆ నోట్ ని సోషల్ మీడియాలో పంచుకున్నారు.

సూపర్ స్టార్ మహేష్ బాబు హీరోగా నటించిన గుంటూరు కారం సినిమా ఇటీవల విడుదల అయ్యింది. ఈ సినిమాకి త్రివిక్రమ్ శ్రీనివాస్ దర్శకత్వం వహించారు. ఈ సినిమాకి ప్రముఖ మ్యూజిక్ డైరెక్టర్ తమన్ సంగీతం అందించారు. ఈ సినిమా నిహారిక అండ్ హాసిని బ్యానర్ పైన రాధాకృష్ణ నిర్మించారు. మహేష్ బాబు సరసన శ్రీలీల హీరోయిన్ గా నటించారు. మహేష్ బాబుకి తల్లిగా రమ్యకృష్ణన్ నటించారు. మీనాక్షి చౌదరి ఒక ముఖ్య పాత్రలో నటించారు. తల్లి, కొడుకుల మధ్య ఈ సినిమా నడుస్తుంది. సినిమా స్టోరీ రొటీన్ గానే ఉంది. చాలా సార్లు చూసిన కథనే అవ్వడంతో ఈ సినిమాకి నెగటివ్ టాక్ వచ్చింది. ఫ్యామిలీ ఆడియన్స్ కి అయితే ఈ సినిమా నచ్చింది.

గుంటూరు కారం సినిమాకి ప్రీమియర్స్ తో కలిపి మొదటి రోజు 40 కోట్లు వరకు కలెక్షన్స్ వచ్చాయి. ఈ సినిమా అందరి రెమ్యూనరేషన్ లతో కలిపి బడ్జెట్ 200 కోట్లు అయ్యింది. ఈ సినిమాకి దర్శకుడు త్రివిక్రమ్ 50 కోట్ల రూపాయలు రెమ్యూనరేషన్ అందుకున్నారు అంట. అల వైకుంఠపురంలో కూడా ఇదే బ్యానర్ లో వచ్చిన సినిమానే. అలా వైకుంఠపురం సినిమాకి 25 కోట్ల రెమ్యూనరేషన్ అందుకున్నారు త్రివిక్రమ్. అప్పటికి ఇప్పటికి ఆయన రెమ్యూనరేషన్ డబల్ అయ్యింది అయితే.

హీరోయిన్ శ్రద్ధ శ్రీనాథ్ తెలుగులో అందరికీ సుపరిచితురాలు. తెలుగులో చాలా సినిమాల్లో నటించింది. తాజాగా విక్టరీ వెంకటేష్ సరసన ఆయన 75వ సినిమా సైంధవ్ లో నటించింది. ఈ సినిమా సంక్రాంతి కానుకగా విడుదలై మంచి రెస్పాన్స్ తెచ్చుకుంది. అయితే శ్రద్ధ శ్రీనాథ్ అందరూ తెలుగు అమ్మాయి అనుకుంటారు కానీ అది వాస్తవం కాదు.

ఒకసారి శ్రద్ధ బ్యాక్ గ్రౌండ్ గురించి చూస్తే… ఆమె ఎక్కడి నుంచి వచ్చింది ఎక్కడ పుట్టింది ఆమె తల్లిదండ్రులు ఏం చేస్తారు అనే విషయాలను ఇప్పుడు తెలుసుకుందాం. శ్రద్ధ శ్రీనాథ్ జమ్మూ కాశ్మీర్ రాష్ట్రంలోని ఉదంపూర్ లో జన్మించింది. ఈమె తండ్రి ఆర్మీలో పని చేయడం వల్ల చాలా రాష్ట్రాల్లో నివసించింది.

ఏడు నుండి పదవ తరగతి వరకు సికింద్రాబాద్ లో చదువుకుంది. బెంగళూరులో ఎల్ఎల్బి చదివింది.తర్వాత కార్పొరేట్ లాయర్ గా పనిచేసింది. సినిమాలపై ఉన్న ఆసక్తితో హీరోయిన్ గా ఎంట్రీ ఇవ్వాలనుకుంది.మలయాళీ సినిమా కోహినూర్ తో తన ప్రస్థానాన్ని మొదలుపెట్టింది. తర్వాత వరుస పెట్టి తెలుగు తమిళ్ కన్నడ భాషలో సినిమాలు చేస్తూ వచ్చింది.

తెలుగులో శ్రద్ధ మొదలు సినిమా జెర్సీ. ఈ సినిమాలో ఆమె నటనకు మంచి మార్కులు పడ్డాయి. తర్వాత జోడి, కృష్ణ అండ్ హిస్ లీలా సినిమాల్లో కూడా నటించింది. తన తిరిగి వెళ్లల్లో చెన్నైలో వీళ్ళకి ఉన్న వ్యాపార నిర్వహణలు చూసుకుంటుంది. ఎప్పటికైనా మణిరత్నం ఏఆర్ రెహమాన్ కాంబినేషన్ లో ఒక సినిమా చేయాలనేది శ్రద్ధ శ్రీనాథ్ కలగా చెప్పుకొచ్చింది. తనకి ఇష్టమైన నటులు మమ్ముట్టి, హృతిక్ రోషన్ అని చెప్పింది. శ్రద్ధాకి విహార యాత్రలు చేయడం బాగా ఇష్టమట

సంక్రాంతి పండుగ కానుకగా చాలా సినిమాలు విడుదల అవుతున్నాయి. వీటిలో వెంకటేష్ హీరోగా నటించిన సైంధవ్ సినిమా కూడా ఒకటి. అయితే ఈ సినిమా ఎక్స్పెక్ట్ చేసిన విధంగా ప్రేక్షకుల ఆదరణ తెచ్చుకోలేకపోయింది. సినిమా కథ బాగున్నప్పటికీ కూడా రాంగ్ టైం రిలీజ్ సినిమాని బాగా దెబ్బ తీసింది. ఈ సినిమాలో వెంకటేష్ సరసన శ్రద్ధ శ్రీనాథ్, రుహాణి శర్మ, ఆండ్రియా ప్రధాన పాత్రల్లో నటించారు. అలాగే బాలీవుడ్ నటుడు నవాజుద్దీన్ సిద్దిఖీ, ముకేశ్ రిషి, జిషు సేన్ గుప్త, తమిళ నటుడు ఆర్య ముఖ్య పాత్రలు పోషించారు.

ఇది ఇలా ఉంటె ప్రస్తుతం ఈ సినిమాకి సంబందించిన బడ్జెట్ గురించి ఓ వార్త చక్కర్లు కొడుతోంది. బాలీవుడ్ నవాజుద్దీన్ సిద్దిఖీ ఈ సినిమాకి 10 కోట్ల రూపాయల రెమ్యూనరేషన్ తీసుకున్నారు అంట. తమిళ నటుడు ఆర్యకి రూ. 5 కోట్ల రూపాయలు పారితోషికం ఇచ్చారని తెలిసింది.ఇక మిగతా వాళ్ళకి ఇచ్చిన పారితోషికాలు కలుపుకుంటే ఈ సినిమాకి నిర్మాత బోయినపల్లి వెంకట్ చాలా ఖర్చు పెట్టారని తెలిసింది. ఈ సినిమా ప్రీ రిలీజ్ విడుదలకి ముందు బిజినెస్ కేవలం రూ.25 కోట్లు మాత్రమే అయిందని తెలుస్తోంది. ఒటిటి ద్వారా ఈ లాస్ కొంచెం రికవర్ అవుతుండొచ్చు.

నందమూరి కుటుంబం నుంచి ఆయన కుమారులు బాలకృష్ణ హరికృష్ణతో పాటు ఆయన తమ్ముడి కుమారుడు అయిన కళ్యాణ చక్రవర్తి కూడా సినిమాల్లోకి ఎంట్రీ ఇచ్చి కొన్నేళ్లపాటు సినిమాలలో నటించి ఆపై ఇండస్ట్రీకి దూరమయ్యారు. ఆయనే నందమూరి కళ్యాణ్ చక్రవర్తి. ఈయన సీనియర్ ఎన్టీఆర్ తమ్ముడు త్రివిక్రమ రావు కొడుకు.

ఈ విషయం చాలామందికి తెలిసి ఉండదు. అసలు కళ్యాణ చక్రవర్తి సినిమాలలోకి రాకముందు నుంచి ఆయనని సినిమాలకి ఇంట్రడ్యూస్ చేద్దాం అంటూ ప్రొడ్యూసర్లు ముందుకు వచ్చేవారు. ఆ సమయానికి కళ్యాణ చక్రవర్తికి చదువు పూర్తి కాకపోవటంతో తర్వాత చూద్దాం అనేశారు త్రివిక్రమ రావు.

ఆ తర్వాత మొదటిసారిగా కోడి రామకృష్ణ దర్శకత్వంలో అత్తగారు స్వాగతం అనే సినిమా ద్వారా ఇండస్ట్రీలో అడుగుపెట్టారు కళ్యాణ చక్రవర్తి. స్వయంగా సీనియర్ ఎన్టీఆర్ గారే క్లాప్ కొట్టి పూజ కార్యక్రమాలు చేశారు. మొదట్లో ఆయన కళ్యాణ చక్రవర్తి విషయంలో బాగానే ఇన్వాల్వ్ అయ్యేవారు కానీ ఆ తర్వాత పెద్దగా పట్టించుకోలేదు. ఆ టైంలో సీనియర్ ఎన్టీఆర్ బాలయ్య పై ఫోకస్ పెట్టి ఆయనని మాత్రమే ప్రోత్సహించేవారు అప్పట్లో ఇదే విషయం గా పత్రికలలో సొంత కొడుకుని ప్రోత్సహించటం కోసమే తమ్ముడు కొడుకుని ఎన్టీఆర్ పట్టించుకోవట్లేదు అని వార్తలు వచ్చేవి.

అయినప్పటికీ మామ కోడలు సవాల్, ఇంటిదొంగ, మారణ హోమం వంటి సినిమాలలో నటించి ఫ్యామిలీ ఆడియన్స్ కి బాగా దగ్గరయ్యాడు కళ్యాణ్ చక్రవర్తి. తండ్రి చెప్పిన సినిమాలన్నీ చేస్తూ మంచి కొడుకుగా ఉన్నారు. తర్వాత కొన్ని సినిమాలలో క్యారెక్టర్ ఆర్టిస్ట్ గా కూడా నటించారు. లంకేశ్వరుడు సినిమాలో చిరంజీవికి బావమరిదిగా, చిరంజీవిని పట్టుకోవడానికి ప్రయత్నించే ఒక పోలీస్ ఆఫీసర్ గా ఆయన నటన ఇప్పటికీ గుర్తుంటుంది.

నటనలో ఆయన బిజీగా ఉన్న సమయంలోనే కళ్యాణ్ చక్రవర్తి తమ్ముడు హఠాన్మరణం ఆయనని కృంగదీసింది. ఆ తర్వాత తండ్రి కూడా ప్రమాదం బారిన పడ్డారు కానీ చావు తప్పించుకొని పూర్తిగా బెడ్ కి పరిమితం అయిపోయారు. దాంతో తండ్రి బాధ్యత ఇంటి బాధ్యత కూడా కళ్యాణ్ చక్రవర్తి మీద పడటంతో కెరియర్ మధ్యలోనే ముగిసిపోయింది. ఇప్పుడు బిజినెస్ వ్యవహారాలు చూసుకుంటూ చెన్నైలో ఉంటున్నట్లు సమాచారం