Filmy Adda

ఈమెను చూడగానే గుర్తు పట్టేసి ఉంటారు. ఆమె పేరు వరలక్ష్మి. ఒకప్పటి తరం లో అస్సలు ఖాళి లేని యాక్టర్ తను. చిన్న వయసులోనే నటించడం మొదలు పెట్టారు. బేబీ పాత్రలతో మొదలు పెట్టి, శ్రీమతి పాత్రల వరకు అన్ని చేసారు. ఆమెకు హీరోయిన్ అవ్వాలని ఉండేదట. అయితే, చిన్నప్పుడే అవకాశాలు రావడం తో బేబీ పాత్రలను చేసేది. దాదాపు ఆమెకు పన్నెండు సంవత్సరాలు వచ్చేవరకు ఆమెకు బేబీ పాత్రల్లో అవకాశాలు వచ్చాయి. ఆ తరువాత రావడం తగ్గాయట. దీనితో, వరలక్ష్మి ని ఆమె తండ్రి హీరోయిన్ చెయ్యాలనుకున్నారట.

కానీ, అప్పటికి ఆమె వయసు చిన్నది కావడం తో హీరోయిన్ అవకాశాలు రావడం కష్టమే అని భావించారు. అయితే, తిరిగి వెనక్కి వెళ్ళిపోదాం అనుకుంటుండగా, ఓ సినిమా లో చెల్లెలు పాత్ర చేసే అవకాశం వరలక్ష్మి ని వరించింది. అలా మొదలై, ఆ తరువాత ఆమె వెనక్కి తిరిగి చూసుకోలేదు. చాల వరకు చెల్లెలి పాత్రల్లో కనిపించి మెప్పించింది. అయితే, వరలక్ష్మి కి మాత్రం హీరోయిన్ అవ్వాలని ఉండేది.

ఆ రోజుల్లో మాత్రం తనకి ఎక్కువ గా చెల్లెలి పాత్రలే వచ్చేవి. మాములు గా అయితే, హీరో హీరోయిన్ల డేట్ల కోసం ఎదురు చూసేవారు. కానీ హీరో హీరోయిన్ల డేట్లు దొరికినా, వరలక్ష్మి డేట్లు మాత్రం కష్టమయ్యేది. హీరో, హీరోయిన్లు చాలామంది ఉండేవారు.కానీ, చెల్లెలి పాత్రలు చేసేవారు తక్కువ మంది ఉన్నారు. అందుకే వరలక్ష్మి కి ఇష్టం లేకపోయినా చెల్లెలి పాత్రలు వేయించుకునే వారు.

షూటింగ్ లలో బిజీ గా ఉండే సమయాల్లో.. ఫైట్ మాస్టర్ తనని కావాలనే ఇబ్బంది పెడుతున్నారని ఆమె ఓ సారి తండ్రికి చెప్పుకున్నారు. అయితే, సినిమా షాట్ పర్ఫెక్ట్ గా రావడం కోసం అలా చేస్తారు పట్టించుకోకు అంటూ తండ్రి చెప్పడం తో ఆమె సర్దిచెప్పుకున్నారు. ఆ తరువాత అశ్వద్ధామ సినిమా షూటింగ్ లో ఫైట్ సీన్ లో.. వరలక్ష్మిని రెండు మెట్ల నుంచి కిందకి లాగమని దర్శకుడు ఫైట్ మాస్టర్ కు చెప్పాడు. కానీ, ఆ ఫైట్ మాస్టర్ 24 మెట్ల మీద నుంచి కిందకి లాగాడు. ఆ దెబ్బకి ఆమె కింద పడి, నడుము భాగం లో విపరీతమైన దెబ్బ తగిలింది. అది ఆ టైం లో గొడవ లాగా అయింది. అయితే, ఫైట్ మాస్టర్ వచ్చి సారీ చెప్పడం తో ఆ గొడవ అక్కడ ముగిసింది.

కానీ ఆమె నటనా జీవితం లో ఇలాంటి ఘటనలు కోకొల్లలు. ఎక్కువ గా ఆమె క్యారెక్టర్లు పరిగెత్తేవి, చిన్నపాటి ఫీట్స్ చేసేవి గా ఉండేవి. దీనితో ఆమె పలు ఇబ్బందులు ఎదుర్కొన్నారు. ఆ తరువాత, ఓ సారి కృష్ణ గారి సినిమా లో కూడా ఓ రేప్ సీన్ ఉన్న టైం లో కూడా ఆమె ను బాగా పరిగెత్తించారు. బాగా దెబ్బలు కూడా తగిలాయి. అప్పటికి తాను కడుపుతో ఉన్నానని, అయినప్పటికి, తాను ఏమి మాట్లాడలేదని, సైలెంట్ గానే యాక్ట్ చేయాలనుకున్నానని ఆరోజుల్ని ఇప్పటికి వరలక్ష్మి గుర్తు చేసుకుంటుంటారు. అయితే, ఆమె ను ఆ పరిస్థితి లో చూసిన కృష్ణ గారు వారిని మందలించారు. రేప్ సీన్ చేయడానికి ఆమె ని ఇంత ఇబ్బంది పెట్టాలా అని మందలించి, షూటింగ్ కి ప్యాక్ అప్ చెప్పేసి అక్కడ నుంచి నన్ను తీసుకెళ్ళిపొమ్మని చెప్పారు అంటూ వరలక్ష్మి ఆరోజుల్ని గుర్తు చేసుకున్నారు. ఆ తరువాత కూడా ఆమె పలు సినిమాలలో చేసారు.

ఇప్పుడు ఫీచర్ ఫిల్మ్స్ లో నటిస్తున్న ప్రతి యాక్టర్ స్క్రీన్ పై కనిపించడం అదే మొదటి సారి అవ్వాలి అని రూలేమీ లేదు. అంటే, అంతకు ముందు షార్ట్ ఫిలిమ్స్ లో కూడా నటించి తర్వాత సిల్వర్ స్క్రీన్ పై కనిపించిన వాళ్ళు ఎంతో మంది ఉన్నారు.

అలా షార్ట్ ఫిలిమ్స్ తో తమ కెరీర్ మొదలుపెట్టి, యూట్యూబ్ ద్వారా ఫేమస్ అయ్యి తర్వాత సినిమాలతో ఇంకా పాపులర్ అయిన కొంత మంది యాక్టర్స్ వీళ్లే.

#1 చాందినీ చౌదరి

బ్రహ్మోత్సవం, మను, ఇటీవల వచ్చిన కలర్ ఫోటో ద్వారా ఎంతో గుర్తింపు తెచ్చుకున్న చాందిని చౌదరి అంతకు ముందు షార్ట్ ఫిల్మ్స్ లో నటించారు. అందులో మధురం షార్ట్ ఫిలిం ద్వారా ఎంతో పాపులర్ అయ్యారు.

#2 రాహుల్ రామకృష్ణ

అర్జున్ రెడ్డి, కల్కి, హుషారు, గీత గోవిందం ఇలా ఎన్నో సినిమాల్లో నటించిన రాహుల్ రామకృష్ణ, సైన్మా షార్ట్ ఫిలింలో నటించారు. ఈ షార్ట్ ఫిలిమ్ కి తరుణ్ భాస్కర్ దర్శకత్వం వహించారు.

#3 విజయ్ సేతుపతి

విజయ్ సేతుపతి డబ్బింగ్ చిత్రాల ద్వారా తెలుగులో ఎంతో పాపులర్ అయ్యారు. అలాగే సైరా నరసింహారెడ్డి, ఉప్పెన ద్వారా స్ట్రెయిట్ తెలుగు సినిమాలలో కూడా కనిపిస్తున్నారు. కెరియర్ ప్రారంభంలో విజయ్ సేతుపతి షార్ట్ ఫిలింస్ లో నటించారు. అలాగే టీవీ సీరియల్ లో కూడా యాక్ట్ చేశారు.

#4 పూజిత పొన్నాడ

కల్కి, బ్రాండ్ బాబు ఇంకా ఎన్నో సినిమాల్లో నటించిన పూజిత పొన్నాడ కూడా అను తను నేను, పరిచయం, దీపికా పదుకొనే ఇంకా ఎన్నోషార్ట్ ఫిలిమ్స్ లో నటించారు.

#5 సుహాస్

ప్రతి రోజు పండగే, మజిలీ సినిమాల్లో ముఖ్య పాత్రల్లో నటించి, ఇటీవల కలర్ ఫోటో ద్వారా హీరోగా మన అందర్నీ అలరించిన సుహాస్ అంతకు ముందు షార్ట్ ఫిలిమ్స్ లో నటించారు. అందులో అతిధి షార్ట్ ఫిలిం ద్వారా ఎంతో గుర్తింపు తెచ్చుకున్నారు, అలాగే అతిధి షార్ట్ ఫిలింలో తన పెర్ఫార్మెన్స్ కి ఎందరో సెలబ్రిటీల నుండి ప్రశంసలు అందుకున్నారు.

#6 రీతు వర్మ

పెళ్లిచూపులు, కేశవ సినిమాల్లో నటించిన రీతు వర్మ, అనుకోకుండా అనే షార్ట్ ఫిలిం నటించారు.

#7 విశ్వక్ సేన్

ఈ నగరానికి ఏమైంది, ఫలక్నామా దాస్, హిట్ సినిమాలతో పాపులర్ అయిన విశ్వక్ సేన్ పిట్టకథ అనే షార్ట్ ఫిలిం లో నటించారు.

#8 నవీన్ పోలిశెట్టి

నవీన్ పోలిశెట్టి AIB లో ఎన్నో వీడియోస్ లో నటించారు. అందులో ఇంజినీరింగ్ గురించి చేసిన ఒక వీడియో ద్వారా నేషనల్ వైడ్ పాపులారిటీ సంపాదించారు.

#9 రాజ్ తరుణ్

ఉయ్యాల జంపాల, రాజుగాడు, కుమారి 21ఎఫ్, ఇంకా ఎన్నో సినిమాల్లో నటించిన రాజ్ తరుణ్ అంతకు ముందు చాలా షార్ట్ ఫిలిమ్స్ లో నటించారు.

#10 ప్రియాంక జవాల్కర్

టాక్సీవాలా ద్వారా మనందరికీ పరిచయమైన ప్రియాంక జవాల్కర్ పొసెసివ్ నెస్, ఇట్స్ ఎ గర్ల్ ఇష్యూ షార్ట్ ఫిలిమ్స్ ద్వారా ఎంతో గుర్తింపు తెచ్చుకున్నారు.

#11 విజయ్ దేవరకొండ

అర్జున్ రెడ్డి సినిమా ద్వారా ఒక తెలుగు ఇండస్ట్రీలో మాత్రమే కాకుండా వేరే భాష ఇండస్ట్రీలలో కూడా ఎంతో గుర్తింపు సంపాదించుకున్న విజయ్ దేవరకొండ, కొంచెం టచ్ లో ఉంటే చెప్తా అనే షార్ట్ ఫిలిం లో నటించారు.

#12 హర్ష చెముడు (వైవా హర్ష)

ఎన్నో సినిమాల్లో ముఖ్య పాత్రలు పోషించిన హర్ష, ఎన్నో షార్ట్ ఫిలిమ్స్ లో నటించారు. వైవా షార్ట్ ఫిలిం పై మీమ్ టెంప్లేట్స్ ఇప్పటికి కూడా సోషల్ మీడియాలో కనిపిస్తూనే ఉంటాయి.

“కృష్ణ గాడి వీర ప్రేమ గాథ” సినిమా తో తెలుగు తెరకు పరిచయమైన అందం మెహరీన్ కౌర్ పిర్జాదా. మెహరీన్ కౌర్ తొందరలోనే భవ్య బిష్ణోయ్ ను పెళ్లి చేసుకోబోతున్నారు. ఇండస్ట్రీ కి వచ్చిన తక్కువ కాలం లోనే మంచి పేరు తెచ్చుకున్న మెహరీన్ తొందరగానే పెళ్ళికి ముహూర్తం కూడా పెట్టించేసుకున్నారు. సాధారణం గా కొంచం పాపులారిటీ వస్తే.. తారలు పెళ్ళికి బ్రేక్ వేసేస్తూ ఉంటారు. మరిన్ని అవకాశాలను అందిపుచ్చుకోవాలనుకుంటు ఉంటారు.

మరోవైపు.. దేని లైఫ్ దానిదే అన్నట్లు.. కొందరు పర్సనల్ లైఫ్ ను కూడా కంటిన్యూ చేస్తూ ఉంటారు. మెహరీన్ కౌర్ కూడా ఆ కోవకే చెందుతారు. హఠాత్తుగా, ఈ ముద్దుగుమ్మ తాను పెళ్లి చేసుకోబోతున్నట్లు ప్రకటించడం తో.. ఇది లవ్ మ్యారేజా లేక అరేంజ్డ్ మ్యారేజా అన్న సందేహం చాలా మందికే వచ్చేసింది. కొన్ని రోజుల క్రితమే.. భవ్య బిష్ణోయ్ తో మెహరీన్ నిశ్చితార్ధం కూడా పూర్తి అయిపొయింది. అయితే, ఇప్పటి వరకు సైలెంట్ గా ఉన్న ఈ ముద్దుగుమ్మ తన లవ్ స్టోరీ గురించి ఎట్టకేలకు చెప్పేసింది.

పెద్దలు నిర్ణయించిన వ్యక్తిని తాను పెళ్లాడబోతున్నట్లు మెహరీన్ చెప్పేసింది. తనకు కాబోయే భర్త తనను ఎలా ప్రపోజ్ చేసాడో చెప్పేసింది. పరిచయం అయిన ఆరు రోజులకే మెహరీన్ కు కాబోయే భర్త భవ్య బిష్ణోయ్ ప్రపోజ్ చేశారట. ఎవ్వరు ప్రపోజ్ చేయలేని విధం గా అండమాన్ లో సముద్రం అట్టడుగునకు తీసుకెళ్లి భవ్య బిష్ణోయ్ మెహరీన్ కు ప్రపోజ్ చేశారట. ఆ ప్రపోజల్ నచ్చి తానుకూడా వెంటనే అంగీకారం తెలిపినట్లు మెహరీన్ చెప్పుకొచ్చారు.

సినిమా విడుదల ఎంత ఆలస్యం అయితే, ప్రేక్షకులలో అంత ఆసక్తి పెరుగుతుంది. ఆ క్యూరియాసిటీ నుండి కొత్త కొత్త కథలు బయటికి వస్తూ ఉంటాయి. “సినిమాలో ఇలా జరిగి ఉండొచ్చు ఏమో”, “అలా జరిగి ఉండొచ్చు ఏమో” అని కొన్ని కామెంట్స్ సోషల్ మీడియాలో కనిపిస్తూ ఉంటాయి. ఇంకొక విషయం ఏంటంటే, ఇలా కామెంట్స్ లో కనిపించే చాలా విషయాలు నిజం కూడా అవుతాయి.

ఇప్పటికే ప్రేక్షకులు ఆర్ఆర్ఆర్ సినిమా గురించి చాలా ఆసక్తిగా ఎదురు చూస్తున్నారు.ఈ సినిమాతో ఆలియా భట్ తెలుగు ఇండస్ట్రీ లోకి అడుగు పెడుతున్నారు. మార్చి 15 వ తేదీన ఆలియా భట్ పుట్టినరోజు. సందర్భంగా ఈ సినిమాలో సీత పాత్ర పోషిస్తున్న ఆలియా భట్ యొక్క ఫస్ట్ లుక్ విడుదల చేశారు.

బాహుబలి ఇంకా ఆర్ఆర్ఆర్ సినిమాల్లో ఒక కోఇన్సిడెన్స్ ఉంది. రెండు పాన్ ఇండియన్ సినిమాలే అని అనుకోకండి. కోఇన్సిడెన్స్ ఏంటంటే, ఒకసారి పైన ఉన్న ఇమేజ్, అలాగే కింద ఉన్న ఇమేజ్ గమనించండి. ఈ 2 బాహుబలి సినిమాలో దేవసేన ఇంకా శివగామి పాత్రల ఇమేజెస్. ఈ రెండు ఫోటోలలో వారు వేసుకున్న డ్రెస్ కలర్ కాంబినేషన్ ఒకటే. గ్రీన్ ఇంకా రెడ్.

ఇప్పుడు ఆర్ఆర్ఆర్ సినిమాలో ఆలియా భట్ ఫస్ట్ లుక్ పోస్టర్ లో కూడా ఆలియా భట్ వేసుకున్న కాస్ట్యూమ్ కలర్ ఇదే కాంబినేషన్ లో ఉంది. ఇంకొక విషయం ఏంటంటే ఈ రెండు సినిమాలు పిరియాడిక్ సినిమాలు. అప్పట్లో కొన్ని రకాల కలర్స్ మాత్రమే ఎక్కువగా వాడేవారు.

ఇంకా ఇప్పుడు ఉన్నన్ని షేడ్స్ కూడా అప్పుడు అందుబాటులో ఉండేవి కాదు. బహుశా ఇవన్నీ దృష్టిలో పెట్టుకొని వారికి కాస్ట్యూమ్స్ డిజైన్ చేసి ఉండొచ్చు. ఏదేమైనా ఈ కలర్ కోఇన్సిడెన్స్ అనే విషయం సోషల్ మీడియాలో ట్రెండ్ అవుతోంది.

అభిమానులన్నాక తల తిక్క ప్రశ్నలేసేవాళ్ళు కూడా ఉంటారు అని అప్పుడప్పుడు నిరూపణ అవుతూ ఉంటుంది. సెలెబ్రిటీలు అన్నాక అప్పుడప్పుడు అభిమానులతో టచ్ లోకి వస్తుంటారు. అభిమానులు కూడా వారు ఎప్పుడు లైవ్ లోకి వస్తారా.. వారితో ఓ సారి ముచ్చటిద్దాం అని సంబరపడుతుంటారు. ఇంతవరకు బాగానే ఉంటుంది. కానీ ఇబ్బంది కర ప్రశ్నలు ఎదురైనప్పుడే.. సెలెబ్రిటీలు.. ముఖ్యం గా హీరోయిన్లు పైకి చెప్పలేని విధం గా ఫీల్ అవుతారు. అలా అని రూడ్ గా బిహేవ్ చేయలేరు.

అలాంటి పరిస్థితే టాలీవుడ్ స్టార్ హీరోయిన్ పూజ హెగ్డే కు కూడా ఎదురయ్యింది. ఇటీవల ఆమె ఇంస్టాగ్రామ్ ఖాతా నుంచి కొంతసేపు అభిమానులతో ముచ్చటించారు. ఈ సమయం లోనే ఓ అభిమాని ఆమెను స్విమ్మింగ్ పూల్ లో ఉన్న ఫోటో ను పెట్టమని కోరగా ఆమె పూల బికినీ లో స్విమ్ చేస్తున్న ఫోటో ను పెట్టింది.

మరో అభిమాని అరవింద సమేత వీర రాఘవ సినిమా సెట్ లో జూనియర్ ఎన్టీఆర్ తో దిగిన ఫోటో ను పెట్టాలని కోరాడు. ఆమె జూనియర్ ఎన్టీఆర్ తనయుడు అభయ్ రామ్ తో దిగిన ఫోటో ను పెడుతూ “జూనియర్ జూనియర్ ఎన్టీఆర్” అంటూ కాప్షన్ ను జత చేసింది. ఆమె వరుస గా ఫోటో లు పెడుతుండడం తో మరో అభిమాని న్యూడ్ ఫోటో పెట్టాలంటూ కోరాడు.

దానికి బదులు గా ఆమె పాదాల ఫోటోను తీసి పెట్టింది. ఆమె సమయ స్ఫూర్తి కి అందరు మెచ్చుకున్నారు. ఆ నెటిజెన్ ఆ రిప్లై కి సైలెంట్ అయిపోయాడు. రూడ్ గా ప్రవర్తించకుండా పూజ చాలా తెలివి గా రిప్లై ఇచ్చిందంటూ కితాబులిస్తున్నారు. హీరోయిన్లకు ఇలాంటి ఇబ్బందులు ఎప్పుడు ఎదురయ్యేవే.. వారు ఎంత సమయస్ఫూర్తి తో వ్యవహరిస్తారనేది వారి పై అభిమానాన్ని మరింత పెంచుతూ ఉంటుంది.

చాలా సినిమాలు రియల్ లైఫ్ కి దగ్గరగా ఉంటాయి. ఆ సినిమాలో ఉండే వాళ్ళ పాత్రలు కూడా మనం నిజ జీవితంలో ఎక్కడో చూసినట్టుగా అనిపిస్తుంటాయి. సినిమా ముందుకు వెళ్లే కొద్దీ హీరో హీరోయిన్ల పాత్రల బిహేవియర్ లో కూడా మార్పులు వస్తుంటాయి. అలాంటప్పుడు సినిమా కూడా ప్రోగ్రెస్ అవుతుంది. వాళ్ల క్యారెక్టర్ లో కూడా డెవలప్మెంట్ ఉంటుంది.

కొన్ని సినిమాల్లో ఈ క్యారెక్టర్ డెవలప్మెంట్ లేదా క్యారెక్టర్ లో వచ్చే మార్పు అనేది కొంచెం ఎఫెక్టివ్ గా చూపిస్తారు. అందుకు ఒక ఉదాహరణ దాదాపు 12 సంవత్సరాల క్రితం వచ్చిన వైశాలి సినిమా. ఈ సినిమాలో సింధు మీనన్, ఆది పినిశెట్టి హీరో హీరోయిన్లుగా నటించారు. దీని ఒరిజినల్ వెర్షన్ తమిళ్ సినిమా ఈరమ్.

తెలుగులో వైశాలి పేరుతో డబ్ చేశారు. చిత్ర దర్శకుడు అరివళగన్  రొటీన్ కి భిన్నంగా, డిఫరెంట్ కాన్సెప్ట్ తో తీయడంతో తెలుగు ప్రేక్షకులు కూడా ఈ సినిమాని చాలా బాగా ఆదరించారు. అయితే, సినిమాలో ఒక సీన్ ఉంటుంది. అదేంటంటే ఫ్లాష్ బ్యాక్ లో హీరోయిన్ తన చెల్లెలితో కలిసి గుడికి వెళుతుంది.

అక్కడ హీరో కనిపించి మాట్లాడతాడు. కానీ గుడిలో అందరూ ఉంటారు. వాళ్ళు హీరో హీరోయిన్లు మాట్లాడుకోవడం చూస్తారు అని హీరోయిన్ ఇబ్బంది పడుతుంది. తర్వాత హీరోయిన్ కూడా హీరోని ప్రేమిస్తుంది. అప్పుడు హీరోయిన్, హీరోతో గుడిలోనే కూర్చుని మాట్లాడుతుంది. అంటే ఎవరైనా వాళ్ళని చూసినా, ఎవరైనా ఏమైనా అడిగినా తన దగ్గర సమాధానం ఉంది అనే ధైర్యం హీరోయిన్ కి వచ్చినట్టు ఈ సీన్ ద్వారా డైరెక్టర్ మనకు చూపించారు.

మన ఇండస్ట్రీలో ఎంతో మంది సింగర్స్ ఉన్నారు. వీళ్లలో చాలా మంది ఎన్నో రియాలిటీ షోస్ లో పార్టిసిపేట్ చేశారు. కానీ వీరిలో కొంత మంది మాత్రం తెలుగులో మాత్రమే కాకుండా హిందీలో కూడా కొన్ని రియాలిటీ షోస్ లో పార్టిసిపేట్ చేశారు. హిందీ సింగింగ్ రియాల్టీ షో అంటే మనలో చాలా మందికి మొదట గుర్తొచ్చే పేరు ఇండియన్ ఐడల్. ఈ ప్రోగ్రాంలో మన తెలుగు వాళ్ళు ఎంతో మంది పార్టిసిపేట్ చేశారు. వారిలో కొంత మంది ఎవరో ఇప్పుడు చూద్దాం.

#1 రేవంత్

తెలుగులో ఎన్నో సూపర్ హిట్ పాటలు పాడి, ఎంతో పేరు తెచ్చుకున్న రేవంత్ ఇండియన్ ఐడిల్ లో పార్టిసిపేట్ చేసి విజేతగా నిలిచారు.

#2 శ్రీ రామచంద్ర

లైఫ్ ఈజ్ బ్యూటిఫుల్, బ్రహ్మోత్సవం వంటి ఎన్నో సినిమాల్లో పాటలు పాడిన శ్రీ రామచంద్ర కూడా ఇండియన్ ఐడిల్ లో పార్టిసిపేట్ చేసి విజేతగా నిలిచారు.

#3 షణ్ముఖ ప్రియ

షణ్ముఖ ప్రియ తెలుగులో ఎన్నో సింగింగ్ రియాలిటీ షోస్ లో పార్టిసిపేట్ చేశారు. కేవలం తెలుగు మాత్రమే కాకుండా తమిళం, మలయాళం, హిందీ రియాలిటీ షోస్ లో కూడా పార్టిసిపేట్ చేస్తున్నారు.

#4 కారుణ్య

ఎన్నో సూపర్ హిట్ పాటలు పాడి, తెలుగు సినిమా ఇండస్ట్రీలో ఎంతో గుర్తింపు తెచ్చుకున్న కారుణ్య కూడా ఇండియన్ ఐడల్ ప్రోగ్రాంలో పాల్గొన్నారు.

#5 శిరీష భాగవతుల

ఎన్నో సింగింగ్ రియాల్టీ షోస్ లో పాల్గొన్న శిరీష ఇండియన్ ఐడల్ లో పార్టిసిపేట్ చేశారు.

#6 రోహిత్

తెలుగులో ఎన్నో రియాలిటీ షోస్ లో పార్టిసిపేట్ చేసి, ఎన్నో సినిమాల్లో కూడా పాడిన రోహిత్, ఇండియన్ ఐడిల్ లో పాల్గొన్నారు.

వీరు మాత్రమే కాకుండా ఇంకా ఎంతో మంది తెలుగు సింగర్స్ ఇండియన్ ఐడిల్, అలాగే జీ హిందీ లో ప్రసారమయ్యే సరిగమప వంటి ప్రోగ్రామ్స్ లో పాల్గొన్నారు.