Filmy Adda

సుశాంత్ సింగ్ రాజ్ పుత్ మరణం కేసు లో మూడు రోజుల ఎంక్వయిరీ తర్వాత రియా చక్రవర్తిని పోలీసులు అరెస్ట్ చేశారు. అరెస్ట్ చేసిన తర్వాత వీడియో కాల్ ద్వారా రియా చక్రవర్తిని మేజిస్ట్రేట్ ముందు హాజరు పరిచారు. ఎన్సీబీ అధికారులు రియా చక్రవర్తి బెయిల్ పిటిషన్ ని కొట్టివేశారు. రియా చక్రవర్తి ని 14 రోజుల కస్టడీలోకి తీసుకున్నారు. బుధవారం ఉదయం రియా చక్రవర్తిని జైలుకి తరలించారు.

ఇండియా టుడే కథనం ప్రకారం డ్రగ్స్ సరఫరా చేయడం, డ్రగ్స్ అరేంజ్ చేయడం, వినియోగించడం వంటి పలు అంశాలు ఈ కేసులో ఉన్న కారణంగా రియా చక్రవర్తి పై ఎన్‌డీపీఎస్ (నార్కోటిక్ డ్రగ్స్ అండ్ సైకోట్రాపిక్ సబ్‌స్టాన్సెస్) యాక్ట్ 1985 ప్రకారం, సెక్షన్ 22, 20, 27, 29 కింద కేసు నమోదు చేశారు.

ఫిల్మీ బీట్ కథనం ప్రకారం ముందు పంపించిన బెయిల్ పిటిషన్ కొట్టి వేయడంతో, రియా చక్రవర్తి కుటుంబ సభ్యులు మళ్లీ బెయిల్ దాఖలు చేశారు. ఈ బెయిల్ పిటిషన్ లో రియా చక్రవర్తి ఎటువంటి  నేరాన్ని అంగీకరించలేదు అని, ఎన్సీబీ అధికారులు బలవంతంగా రియా చేత ఆ నేరాన్ని ఒప్పించారని, సాధారణంగా సుప్రీం కోర్టు మార్గదర్శకాల ప్రకారం స్త్రీలని ప్రశ్నించేటప్పుడు మహిళా అధికారులు, ఇంకా పోలీస్ కానిస్టేబుల్స్ ఉండాలని,

కానీ ఎన్సీబీ ఈ నియమం పాటించలేదు అని , రియా చక్రవర్తి ని ప్రశ్నించేటప్పుడు అసలు ఒక మహిళా అధికారి కూడా లేరు అని రియా చక్రవర్తి తరపు న్యాయవాది సతీష్ మాన్‌షిండే, రియా చక్రవర్తి బెయిల్ పిటిషన్ లో  మెన్షన్ చేశారు. ఈ బెయిల్ పిటిషన్ పై సెప్టెంబర్ 10 వ తేదీన ప్రత్యేక కోర్టులో విచారణ జరగనుంది. దాంతో ఇప్పుడు రియా చక్రవర్తికి బెయిల్ లభిస్తుందా? లేదా? అనే విషయం పై అనుమానాలు నెలకొన్నాయి.

కన్నడ సినిమా ఇండస్ట్రీ లో ప్రస్తుతం నడుస్తున్న టాపిక్ డ్రగ్స్. సెప్టెంబర్ 3వ తేదీన నటి రాగిణి ద్వివేది కి సెంట్రల్ క్రైమ్ బ్రాంచ్ (సిసిఐ) పోలీసులు సమన్లు జారీ చేశారు. కానీ సిసిఐ పంపించిన నోటీసులకు రాగిణి ద్వివేది స్పందించకుండా ఆమె తరపున లాయర్లను పంపి సోమవారం వరకు సమయం కావాలని కోరారు. ఆమె రిక్వెస్ట్ ని పోలీసులు తిరస్కరించారు.

సెప్టెంబర్ నాలుగవ తేదీ న డ్రగ్స్ పెడ్లింగ్‌ కి సంబంధించి జ్యుడిషియల్ లే అవుట్ యలహంక్ లో ఉన్న‌ రాగిణి ద్వివేది ఇంటిపై మహిళా పోలీస్ ఇన్స్పెక్టర్ తో సెంట్రల్ క్రైమ్ బ్రాంచ్ దాడి చేసింది. ఆమె ఇంటి ప్రాంగణం మొత్తం పరిశోధించిన తర్వాత రాగిణి ద్వివేది ని సిసిఐ అదుపులోకి తీసుకుంది. రాగిణి ద్వివేది స్నేహితుడు రవి శంకర్ ని పోలీసులు విచారించిన తర్వాత రాగిణి ద్వివేది ని అరెస్ట్ చేశారు. ఇటీవల నటి సంజన గల్రానీ ని కూడా డ్రగ్స్ కేసు విషయంలో అరెస్ట్ చేశారు. సెంట్రల్ క్రైమ్ బ్రాంచ్ పోలీసులు ప్రస్తుతం వీరిద్దరినీ విచారిస్తున్నారు.

సమయం కథనం ప్రకారం విచారణలో భాగంగా డోప్ టెస్ట్ కోసం వీరిద్దరిని బెంగుళూరులో ఉన్న కే పీ జనరల్ హాస్పిటల్ కి తీసుకెళ్లారు. డోప్ టెస్ట్ కి యూరిన్ శాంపిల్స్ ఇవ్వమని చెప్పారట. రాగిణి ద్వివేది ఇచ్చిన యూరిన్ శాంపిల్ లో నీళ్లు ఉన్నాయట. ఇది గమనించిన వైద్యులు, మరోసారి యూరిన్ శాంపిల్ తీసుకొని టెస్ట్ చేస్తున్నారట.

సంజన గల్రానీ కూడా యూరిన్ శాంపిల్ ఇవ్వడానికి నిరాకరించారట. తాను ఏ తప్పు చేయలేదని, డోప్ టెస్ట్‌ కి అంగీకరించాల్సిన అవసరం లేదు అని పోలీసులతో చాలాసేపటి వరకు వాదించారట సంజన. మాదక ద్రవ్యాల సరఫరా దారులు వీరేన్ ఖన్నా, రాహుల్‌‌ లను విచారణ చేస్తే డ్రగ్స్ సరఫరా చేసే వ్యక్తులతో సంజన కి సంబంధాలు ఉన్నాయని, సంజన రేవ్ పార్టీలకు వెళ్ళినప్పుడు డ్రగ్స్ తీసుకుంటారు అని చెప్పారట.

మంచు మనోజ్ తెరపై కనిపించి దాదాపు మూడు సంవత్సరాలు అవుతోంది. తన వ్యక్తిగత విషయాల కారణంగా మధ్యలో కొంత కాలం సినిమాలకు దూరంగా ఉన్నారు. 2017 లో విడుదలైన ఒక్కడు మిగిలాడు తర్వాత ఇప్పటివరకు మనోజ్ నటించిన సినిమా విడుదల కాలేదు. అయితే ఇటీవల అహం బ్రహ్మాస్మి సినిమా ప్రకటించారు మనోజ్. ఈ సినిమా ఫస్ట్ లుక్ కూడా విడుదలైంది. ఈ గ్యాప్ లో సినిమాలకు దూరంగా ఉన్నా కానీ సోషల్ మీడియా లో యాక్టివ్ గా ఉన్నారు మనోజ్.

ప్రతి మనిషి పొరపాటు చేయడం అనేది సహజం. ఇటీవల జెమినీ టీవీ కూడా ఇలాంటి ఒక చిన్న పొరపాటు చేసి ప్రస్తుతం సోషల్ మీడియాలో చర్చలో ఉంది. మనం అప్పుడప్పుడు టీవీలో చూస్తూ ఉంటాం, ఒక సినిమా టెలికాస్ట్ అవుతుంటే ఇంకొక సినిమా పేరు వేస్తారు, లేదా టెలికాస్ట్ టైమింగ్ పొరపాటు గా చెప్తారు. సెప్టెంబర్ 10 వ తేదీన మంచు విష్ణు నటించిన సూపర్ హిట్ సినిమా దేనికైనా రెడీ జెమినీ టీవీ లో మధ్యాహ్నం టెలికాస్ట్ చేశారు.

జెమినీ టీవీ ట్విట్టర్ ఎకౌంట్ లో ” దేనికైనా రెడీ సినిమాలో హీరో క్యారెక్టర్ పేరు ఏంటి?” అని ప్రశ్న పోస్ట్ చేశారు. ఇక్కడి వరకు బాగానే ఉంది. కానీ హీరో పేరు మంచు మనోజ్ అని రాశారు. ” దేనికైనా రెడీ సినిమాలో మంచు మనోజ్ పాత్ర పేరు ఏంటి?” ఇది ప్రశ్న.

ఈ ప్రశ్న మంచు మనోజ్ దృష్టికి వెళ్లింది. “నేను దేనికైనా రెడీ ఏ. కానీ ఆ సినిమాలో నేను లేను” అని జవాబిచ్చారు. మంచు మనోజ్ ఇచ్చిన కౌంటర్ మీద సోషల్ మీడియాలో మీమ్స్ వస్తున్నాయి. అలా ప్రస్తుతం సోషల్ మీడియాలో వైరల్ అవుతున్న కొన్ని మీమ్స్ ఇవే.

#1

#2 #3 #4 #5 #6 #7 #8

#9

#10