Filmy Adda

దేశాన్ని విస్తుపోయేలా చేసిన సుశాంత్ సింగ్ రాజ్‌పుత్ సూసైడ్ కేసును దర్యాప్తు చేస్తున్న ముంబై పోలీసులు.సుశాంత్ సూసైడ్ చేసుకోవడానికి కారణమంటూ పేర్లు వినిపించిన సినీ సెలబ్రెటీలను వరుసగా విచారిస్తున్నారు.ఇప్పటికే సుశాంత్ సింగ్ గర్ల్ ఫ్రెండ్ అయిన రియా చక్రబోర్తని విచారించిన పోలీసులు తాజాగా ప్రముఖ బాలీవుడ్ దర్శకుడు సంజయ్ లీలా భన్సాలీ ని మూడు గంటల పాటు విచారించారు.

ఈ విచారణలో సంజయ్ లీలా భన్సాలీ సుశాంత్ సింగ్ కు రామ్‌లీలా, బాజీరావు మస్తానీ, పద్మావతి చిత్రాల్లో ఆఫర్లు ఇచ్చిన మాట నిజమేనని కాని అప్పటికే సుశాంత్ వేరే సంస్థతో అగ్రిమెంట్ చేసుకొని ఉండడంతో డేట్స్ అడ్జెస్ట్ అవ్వక ఈ సినిమాలలో నటించలేదని అన్నారు. ఈ స్టేట్మెంట్ ను బాంద్రా పోలీసులు రికార్డు చేసుకొన్నారు.

సుశాంత్ సింగ్ సూసైడ్ చేసుకున్న ఫ్లాట్స్ కు వెళ్ళిన పోలీసులు జూన్ 14వ తేదీకి ముందుగానీ ఆతర్వాత గానీ సుశాంత్ ఫ్లాట్ లోకు ఎవరైనా ప్రవేశించి సాక్ష్యాలను తారుమారు చేసే ప్రయత్నం చేశారా అనే కోణంలో పోలీసులు ప్రస్తుతం విచారణ చేస్తున్నారు. ఆ బిల్డింగ్ కు సంబందించి సుశాంత్ సింగ్ సిసిటివీ ఫుటేజ్ ను స్వాధీనం చేసుకున్నారు.

ఆ బిల్డింగ్ లో అన్ని ఫ్లాట్స్ ముందు సీసీటీవీ కెమెరా ఉంది.కాని సుశాంత్ ఫ్లాట్ ముందు సీసీటీవీ కెమెరా లేదు.అది గమనించిన పోలీసులు సుశాంత్ ఫ్లాట్ ముందు సీసీటీవీ ని ఎందుకు అమర్చలేదని సిబ్బిందిని ప్రశ్నిస్తున్నారు.ఇప్పటివరకు పోలీసులు సుశాంత్ సూసైడ్ పై ఆయన సన్నిహితులు మరియు సినీ పరిశ్రమ లింక్స్ ఉన్నవారిని కలుపుకొని దాదాపు 34 మంది వద్ద స్టేట్మెంట్స్ ను తీసుకున్నారు.

బాల నటులుగా సినిమాలోకి ఎంట్రీ ఇచ్చి సక్సెస్ అయిన నటులంతా తర్వాత మెగాఫోన్ పట్టడానికి మెయిన్ లీడ్ గా నటించి తమ అదృష్టాన్ని పరీక్షించుకుంటారు.కాని  అందులో సక్సెస్ అయినవాళ్ళ సంఖ్య చాలా తక్కువ.2014లో  వెంకటేష్ నటించిన దృశ్యం చిత్రంలో రెండవ కూతురిగా నటించి తన క్యూట్ నటనతో అందరినీ ఆకట్టుకున్న అనిల్ ఎస్తర్‌ ప్రస్తుతం మెయిన్ లీడ్ గా తన అదృష్టాన్ని పరీక్షించుకోవడానికి సిద్దమవుతుంది.

మోహన లాల్ నటించిన దృశ్యంలో కూతురిగా అనిల్ ఎస్తర్ తన నటనతో అందరినీ మెప్పించింది.అందుకే ఆమెకు ఫిల్మ్ ఫేర్ నుండి క్రిటిక్స్ అవార్డ్  లభించింది. ఆ తర్వాత ఆ చిత్రం తెలుగు రీమేక్ లో వెంకటేష్ కూతురిగా నటించి తన నటనకు తెలుగు ప్రేక్షకుల చేత మంచి మార్కులు వేయించుకుంది.ఆ తర్వాత అడపాదడపా సినిమాలలో కనిపించిన ఎస్తర్ ఇప్పుడు తెలుగు చిత్రం జోహార్ లో వన్ ఆఫ్ ది మెయిన్ లీడ్ గా నటిస్తుంది. ఈ చిత్రానికి తేజా మర్ని దర్శకత్వం వహిస్తున్నారు.ఈ చిత్రాన్ని సందీప్‌ మర్ని ధర్మ సూర్య పిక్చర్స్‌ బ్యానర్‌పై నిర్మిస్తున్నారు.ఇందులో ఎస్తర్‌ తో పాటు

అంకిత్ కొయ్య, నైనా గంగూలీ కీలక పాత్రలలో కలిసి నటిస్తున్నారు.ఈ చిత్రానికి ప్రియ దర్శన్‌ బాలసుబ్రమణియన్‌ సంగీతం అందిస్తున్నారు.ఈ చిత్రానికి జగదీశ్ చీకటి  సినిమాటోగ్రాఫర్ గా వ్యవరిస్తున్నారు.

బాల నటిగా సక్సెస్ అయిన ఈ ముద్దుగుమ్మ మరి ఈ చిత్రంతో మేయిన్ లీడ్ గా సక్సెస్ అవుతుందా?లేదా? అని అందరూ ఆసక్తిగా గమనిస్తున్నారు.

వారసత్వం కోరలలో చిక్కుకున్న బాలీవుడ్ సినీ ఇండస్ట్రీ లోకి ఒంటరిగా అడుగుపెట్టి ఉన్నత స్థాయికి ఎదిగిన సుశాంత్​ సింగ్​ హఠాత్ మరణం యావ‌త్ దేశాన్ని ఓ కుదుపు కుదుపేసింది.సమాజంలో మంచి పేరు తనకంటూ అభిమానులను సంపాదించుకున్న సుశాంత్ సింగ్ సడన్ గా అత్మహత్య చేసుకోవడం ఎంతోమందిని దిగ్భ్రాంతికి గురి చేసింది.సుశాంత్ సింగ్ ఆత్మహత్య గురించి రోజుకొక వార్త బయటకొస్తుంది.తాజాగా ఫోరెన్సిక్​ రిపోర్టులో సుశాంత్ సింగ్ సూసైడ్ కు ముందు గూగుల్​లో తన గురించే సెర్చ్ చేసిన‌ట్లు అధికారులు నిర్ధారించారు.అతడి గురించి గత కొద్దికాలంగా  వస్తున్న నెగిటివ్ కథనాలు చదివాక సుశాంత్ సింగ్ సూసైడ్ చేసుకున్నారని ఫోరెన్సిక్​ రిపోర్టులో పేర్కొన్నారు.

సుశాంత్ తన ఆత్మహత్య కు కొద్దిరోజులు ముందు నుండి తనని టార్గెట్ చేస్తూ, మీడియాలో వస్తున్న కథనాల పై త‌న టీమ్ తో మాట్లాడేవాడ‌ట.అదే విధంగా జూన్​ 14న ఆత్మ‌హ‌త్య‌కు ముందు ఉదయం 10:15 సమయంలో సుశాంత్​ ప్రూట్ జ్యూస్ తాగుతూ తన పేరునే గూగుల్​ చేసినట్లు అధికారులు గుర్తించారు.

గత కొంతకాలంగా సుశాంత్ మరణం పై వస్తున్న వదంతులలో నిజములేదని ఇటీవల పోస్టుమార్టం నివేదికలో వెల్లడయ్యింది. అయినప్పటికి ఇంకా సుశాంత్ సన్నిహితులు ఈ పోస్టుమార్టం రిపోర్ట్ పై పలు అనుమానాలు వ్యక్తం చేస్తున్నారు. సుశాంత్ సూసైడ్ చేసుకోవడానికి కారణమంటూ ఆరోపణలు వచ్చిన మూవీ సెల‌బ్రిటీస్ ను ఇప్పటికే  పోలీసులు విచారిస్తున్నారు.ఇప్పటికే దాదాపు పోలీసులు కుటుంబ సభ్యులు, సన్నిహితులతో సహా మొత్తం 30 మందిని విచారించారు.

సుశాంత్ సింగ్ రాజ్ పుత్ మరణానికి సంతాపాన్ని వ్యక్తం చేసిన వాళ్లలో భూమిక చావ్లా ఒకరు. ఎంఎస్ ధోని సినిమాలు సుశాంత్ కి అక్క గా నటించారు. సుశాంత్ చనిపోయిన తర్వాత తన బాధను వ్యక్తం చేస్తూ భూమిక ఒక లెటర్ రాసి సోషల్ మీడియాలో పోస్ట్ చేశారు. ఇప్పుడు సుశాంత్ కి వీడ్కోలు చెబుతూ మరొక సందేశం రాశారు.

“నువ్వు చనిపోయి 20 రోజులు అయ్యింది. రోజు మొదలైనప్పటి నుంచి నీ గురించే ఆలోచిస్తున్నాను. నువ్వు ఇలాంటి నిర్ణయం తీసుకోవడానికి కారణం ఏమిటో నాకు ఇప్పటికీ అర్థం కావడం లేదు. మనిద్దరం కేవలం కొన్ని సీన్లు మాత్రమే కలిసి నటించాం కానీ ఎంతో మంచి స్నేహితులమయ్యాం. నువ్వు చనిపోవడానికి కారణం డిప్రెషనా? లేదా ఏదైనా వ్యక్తిగత విషయమా? ఒకసారి నాతో మాట్లాడి ఉండాల్సింది కదా?లేదా ఎవరితో అయినా నీ బాధను చెప్పుకోవాల్సింది కదా?

ఒకవేళ ప్రొఫెషనల్ ఇబ్బందులు అనుకుంటే, ఇంత తక్కువ సమయంలో ఇన్ని మంచి సినిమాలు చేసావు. అవును నిజమే ఇండస్ట్రీలో నిలదొక్కుకోవడం చాలా కష్టం. నేను ఇండస్ట్రీకి సంబంధించిన వాళ్ళ గురించి లేదా బయటి నుండి వచ్చిన వాళ్ల గురించి అని వేరు గా మాట్లాడటం లేదు. ఇండస్ట్రీ అన్న తర్వాత ఎవరికైనా పేరు తెచ్చుకోవడానికి కొంత సమయం పడుతుంది. నేను 50 కంటే ఎక్కువ సినిమాలు చేసినా కూడా ఇప్పటికీ అవకాశాల కోసం నేను వెళ్లాల్సిందే తప్ప అవి నా దగ్గరికి రావు.

అయినా సరే ఏదో ఒక విధంగా నాకు పని లభిస్తున్నందుకు నేను దేవుడికి ధన్యవాదాలు చెబుతాను. పాజిటివ్ గా ఉండటానికి ప్రయత్నిస్తాను. ఎక్కడో కొంత మంది మాత్రమే ఈ పాత్రకి మీరైతే సరిగ్గా సరిపోతారు అని వచ్చే వాళ్ళు ఉంటారు. గుర్తింపు తెచ్చుకోవాలంటే మనమే వెళ్లి అవకాశాల కోసం ప్రయత్నించాలి. కొందరు మంచిగా మాట్లాడతారు, కొందరు అనుకున్న విధంగా మాట్లాడరు.

కానీ దానివల్ల మనం వెనకడుగు వేయాల్సిన అవసరం లేదు. నువ్వు ఈ నిర్ణయం తీసుకోవడానికి కారణం వ్యక్తిగత జీవితం కావచ్చు లేదా ప్రొఫెషనల్ పరమైన కారణం అయినా కావచ్చు కానీ చివరిగా నేను చెప్పేది ఒక్కటే ముంబై నగరం ఎంతోమంది కి తాము కన్న కలలను నిజం చేస్తుంది, ఎందరికో పేరు కూడా తెస్తుంది, ఒకసారి నీ చుట్టూ లక్ష మంది ఉన్నా నువ్వు ఒంటరిగా ఉన్నావనే భావనను కలిగిస్తుంది.

కారణమేదైనా నువ్వు ఎవరో ఒక్కరితో అయినా నీ బాధను పంచుకోవాల్సింది.నీకు చివరిసారిగా వీడ్కోలు చెబుతూ నీ ఆత్మకు శాంతి కలగాలని ప్రార్ధిస్తున్నాను. అలాగే మీ కుటుంబ సభ్యులు కూడా ధైర్యంగా ఉండాలని కోరుకుంటున్నాను” అని భూమిక ఆ పోస్టులో పేర్కొన్నారు.