Health Adda

మెదడు ఆరోగ్యం పై దృష్టి పెట్టాల్సిన అవసరం ఎంతైనా ఉంది. మెదడు ఆరోగ్యం కోసం సరైన ఆహార పదార్థాలను తీసుకోవాలని ఆరోగ్య నిపుణులు అంటున్నారు. మరి మెదడు ఆరోగ్యం బాగుండాలంటే ఎలాంటి ఆహార పదార్థాలను తీసుకోవాలనేది ఇప్పుడు చూద్దాం.

#1. ఒమేగా త్రీ ఫ్యాటీ యాసిడ్స్:

ఒమేగా త్రీ ఫ్యాటీ యాసిడ్స్ ని తీసుకోవడం వలన మెదడు ఆరోగ్యం బాగుంటుంది. జ్ఞాపకశక్తిని పెంచడానికి ఇది సహాయపడుతుంది.

#2. ఐరన్:

ఐరన్ కూడా మనకి చాలా అవసరం. మెదడు ఆరోగ్యానికి ఐరన్ ఎంతో ముఖ్యం. కాగ్నిటివ్ డెవలప్మెంట్ బ్రెయిన్ ఫంక్షన్స్ కి ఐరన్ తప్పక కావాలి.

#3. విటమిన్ బి12:

విటమిన్ బి12 ని డైట్ లో చేర్చుకోవడం వలన మూడ్ బాగుంటుంది అలానే మానసికంగా ఆరోగ్యంగా ఉండేందుకు సహాయపడుతుంది.

#4. విటమిన్ డి:

విటమిన్ డి ఎముకల ఆరోగ్యానికి చాలా ముఖ్యం. అలానే మెదడు ఆరోగ్యానికి కూడా ఇది చాలా అవసరం. విటమిన్ డి అందడం వలన డిమెన్షియా వంటి సమస్యలు రావు.

#5. జింక్:

జింక్ ని కూడా డైట్ లో తీసుకుంటూ ఉండాలి. నర్వ్ సిగ్నలింగ్ కోసం జింక్ చాలా అవసరం.

#6. విటమిన్ ఈ:

విటమిన్ ఈ మెమరీని బూస్ట్ చేస్తుంది అలానే మెదడుకు సంబంధించిన సమస్యలు రాకుండా ఇది చూస్తుంది.

#7. మెగ్నీషియం:

మైగ్రేన్, డిప్రెషన్, న్యూరాలజికల్ సమస్యలు రాకుండా మెగ్నీషియం సహాయపడుతుంది.

#8. క్యాల్షియం:

క్యాల్షియం న్యూరో ట్రాన్స్మిటర్లని విడుదల చేయడానికి సహాయపడుతుంది కాబట్టి కాల్షియం ని కూడా డైట్ లో తప్పకుండా చేర్చుకోండి. సెలీనియం, విటమిన్ కె ని కూడా డైట్లో తీసుకుంటూ ఉండాలి ఇవి కూడా బ్రెయిన్ ఆరోగ్యానికి చాలా బాగా హెల్ప్ అవుతాయి.

సరైన జీవన విధానం లేకపోవడం, ఒత్తిడి ఎక్కువగా ఉండడం మొదలైన కారణాల వల్ల డిమెన్షియా సమస్య వస్తుంది. డిమెన్షియా అంటే చాలా రకాల సమస్యలు ఉంటాయి. ముఖ్యంగా డిమెన్షియా అంటే మెమరీ లాస్. అయితే వట్టి మెమరీ లాస్ మాత్రమే ఉంటే డిమెన్షియా కాదు. డిమెన్షియా తో పాటుగా అల్జిమర్స్ మొదలైన బ్రెయిన్ సమస్యలు ఈ తప్పులు చేయడం వల్ల వస్తాయని ఆరోగ్య నిపుణులు అంటున్నారు.

ఈ సమస్యలు రాకుండా ఉండాలంటే జాగ్రత్తగా ఉండాలి. కొన్ని తప్పులు వల్ల ఈ సమస్యలు వస్తాయని ఆరోగ్య నిపుణులు అంటున్నారు మరి ఎటువంటి తప్పులు చేయకూడదు అనేది ఇప్పుడు చూద్దాం.

#1. సరైన జీవన విధానం లేకపోవడం:

సరైన విధానం లేకపోతే ఇటువంటి సమస్యలు వస్తాయి. రోజూ వ్యాయామం చేస్తే ఆరోగ్యం చాలా బాగుంటుంది. ఇలాంటి సమస్యలు కూడా మీ దరి చేరవు.

#2. నిద్ర లేకపోవడం:

మంచి నిద్ర లేకపోవడం వలన కూడా డిమెన్షియా, ఆల్జీమర్స్ మొదలైన సమస్యలు వస్తాయి కనుక సరైన నిద్ర ఉండడం చాలా ముఖ్యం.

#3. డిహైడ్రేషన్:

ఇది కూడా ఎన్నో రకాల సమస్యల్ని కలిగిస్తుంది రోజు ఎనిమిది గ్లాసులు నీళ్లు అయినా తాగాలి.

#4. డ్రగ్స్ మరియు ఆల్కహాల్:

డ్రగ్స్ ఆల్కహాల్ తీసుకోవడం వలన కూడా ఈ సమస్యలు వస్తాయి కాబట్టి ఇలాంటి వాటికి దూరంగా ఉండాలి.

#5. సరైన ఆహారం తీసుకోకపోవడం:

ఆహారం సరిగ్గా లేకపోవడం వలన కూడా ఇలాంటి సమస్యలు వస్తాయి. చీజ్ బట్టర్ మొదలైన వాటికి బదులుగా పండ్లు వంటివి తీసుకుంటే మంచిది.

చాలా మంది జామకాయలని తినేందుకు ఇష్టపడుతూ ఉంటారు. నిజానికి జామ వల్ల ఎన్నో రకాల లాభాలను మనం పొందేందుకు అవుతుంది. జామ వలన చాలా రకాల సమస్యల నుండి బయట పడొచ్చు. హృదయ సంబంధిత సమస్యలు, జీర్ణ సమస్యలు, బరువు తగ్గడం ఇలా ఎన్నో ఉపయోగాలు ఉన్నాయి.

జామ లో విటమిన్ సి, ఫైబర్, పొటాషియం, యాంటీ ఆక్సిడెంట్లు ఉంటాయి. అయితే నిజానికి చాలా మంది ఇటువంటి లాభాలు గురించి తెలియక దూరం పెడుతూ ఉంటారు కానీ ఈ లాభాలను చూస్తే అస్సలు వదిలిపెట్టరు. మరి జామ వలన ఎలాంటి లాభాలను పొందొచ్చు అనేది ఇప్పుడు తెలుసుకుందాం.

#1. రోగనిరోధక శక్తి పెరుగుతుంది:

జామలో మినరల్స్, విటమిన్ సి ఎక్కువగా ఉంటాయి. ఇవి రోగి నిరోధక శక్తిని పెంచుతాయి. ఇందులో ఉండే విటమిన్ సి సాధారణంగా వచ్చే బ్యాక్టీరియా ఫంగస్ సమస్యలను తొలగిస్తుంది.

#2. డయాబెటిస్ సమస్య నుండి బయటపడొచ్చు:

ఇందులో గ్లైసెమిక్ ఇండెక్స్ తక్కువగా ఉంటుంది. ఇది షుగర్ లెవెల్స్ ని పైకి వెళ్ళిపోకుండా చూస్తుంది. ఇలా బ్లడ్ షుగర్ లెవెల్స్ ని కంట్రోల్ లో ఉంచుకోవడానికి దీనిని తీసుకోవచ్చు.

#3. కాన్స్టిపేషన్ సమస్య ఉండదు:

కాన్స్టిపేషన్ తో బాధపడే వాళ్ళు జామాని తీసుకుంటే కాన్స్టిపేషన్ సమస్య నుండి బయట పడొచ్చు. పైగా ఇందులో ఫైబర్ కూడా చాలా ఎక్కువ ఉంటుంది.

#4. ఒత్తిడి తగ్గుతుంది:

మెగ్నీషియం ఇందులో ఎక్కువగా ఉంటుంది ఇది మజిల్ టెన్షన్ ని తొలగిస్తుంది. అలానే యాంటీ ఇంఫ్లమేటరీ గుణాలు కూడా ఇందులో ఉంటాయి ఇది ఒత్తిడిని దూరం చేస్తుంది.

#5. బరువు తగ్గొచ్చు:

జామను తీసుకోవడం వలన బరువు తగ్గేందుకు కూడా అవుతుంది.

చలికాలంలో అనారోగ్య సమస్యలు సర్వసాధారణంగా వస్తూ ఉంటాయి. ఇటువంటి వాటిని తగ్గించక పోతే విపరీతంగా ఇబ్బంది పెడుతూ ఉంటాయి చలికాలంలో ఎక్కువగా ముక్కు కారడం, నాజల్ కంజెషన్, సైనసైటిస్ వంటి సమస్యలు ఎక్కువగా వస్తూ ఉంటాయి. అయితే మనం మందుల వరకు వెళ్ళిపోకర్లేదు.

ఇటువంటి సమస్యలను దూరం చేయడానికి ఆయుర్వేద చిట్కాలని అనుసరించవచ్చు. వీటిని అనుసరించడం వలన ముక్కు కారడం, నాజల్ కంజెషన్, సైనసైటిస్ మొదలైన సమస్యల నుంచి దూరంగా ఉండొచ్చు.

#1. అల్లం, పుదీనా టీ:

ఇది చాలా చక్కగా పనిచేస్తుంది. చలికాలంలో వివిధ రకాల సమస్యల్ని దూరం చేయడానికి ఇది బాగా ఉపయోగపడుతుంది. సాధారణ టీ కాకుండా మీరు ఈ టీ ని తయారు చేసుకోవచ్చు. ఒక గ్లాసు నీళ్లలో కొంచెం అల్లం, పుదీనా ఆకులు వేసి మరిగించండి. కావాలనుకుంటే దాల్చిని, యాలకులు, లవంగం, మిరియాలని కూడా వేసుకోవచ్చు. ఇలా వీటిని వేసుకుని టీ మరిగించుకుని చల్లారిన తర్వాత గోరువెచ్చగా తీసుకుంటే బాగుంటుంది. ఇలా చలికాలంలో వచ్చే సమస్యలకి చెక్ పెట్టొచ్చు.

#2. యూకలిప్టస్ ఆయిల్ తో ఆవిరి పట్టండి:

యూకలిప్టస్ ఆయిల్ తో ఆవిరి పట్టడం వలన కూడా చక్కటి ప్రయోజనాలను పొందొచ్చు. ఇలా చేయడం వలన దగ్గు తగ్గుతుంది. అలానే ముక్కు ఫ్రీగా ఉంటుంది.

#3. వేయించిన వాము:

మూడు నుండి నాలుగు చెంచాల వాముని వేయించుకోండి. నూనె, నీళ్లు వేయొద్దు. వేయించిన తర్వాత ఒక క్లాత్ ని తీసుకొని ఈ వాముని వేసి రెండు శ్వాసను పీలుస్తూ వుండండి. ఇది కూడా చాలా సమస్యల్ని దూరం చేస్తుంది.

చాలా మంది మానసికంగా ఇబ్బంది పడిపోతూ ఉంటారు. మానసికంగా చాలా రకాల సమస్యల్ని ఫేస్ చేస్తూ ఉంటారు. మానసికంగా మీరు ఆరోగ్యంగా లేనని మీకు అనిపిస్తే ఖచ్చితంగా మీరు ఈ పద్ధతుల్ని ఫాలో అవ్వండి. అప్పుడు కచ్చితంగా వాటి నుండి బయట పడేందుకు అవుతుంది. మరి మానసిక నిపుణులు మానసిక ఆరోగ్యానికి మేలు చేసే టిప్స్ ని వివరించారు. వాటి కోసం ఇప్పుడు చూద్దాం.

#1. సమస్యని కనుక్కోండి:

మానసికంగా మీరు సమస్యలను ఎదుర్కొంటున్నట్లయితే మొదట సమస్య ఏమిటి అనేది కనుక్కోండి. ఆ సమస్యని పరిష్కరించేందుకు ప్రయత్నం చేయండి. అప్పుడు కచ్చితంగా మీరు మీ మానసిక ఆరోగ్యం ని ఇంప్రూవ్ చేసుకోవచ్చు.

#2. వ్యాయామం చేయడం:

దీని వలన కూడా మానసిక ఆరోగ్యం బాగుంటుంది. వ్యాయామం చేయడం వలన ఎండోర్ఫిన్ విడుదల అయ్యి ఒత్తిడిని తగ్గిస్తుంది. ఆనందాన్ని మీకు కలిగిస్తుంది.

#3. మీ రొటీన్ ని మార్చుకోండి:

మీ ఉద్యోగంలో కనుక మీరు ఒత్తిడిని ఎదుర్కొంటున్నట్లయితే దానిలో ఏమైనా మార్పులు చేసుకోగలిగితే చేసుకోండి. ఒకవేళ కనుక ఆఫీసులో మీకు ఒత్తిడి ఎక్కువగా ఉన్నట్లయితే కొన్ని రోజులు పాటు ఇంట్లో ఉండి ఏదైనా పని చేయండి. ఇలా మీరు మానసిక ఆరోగ్యాన్ని మెరుగుపరచుకోవచ్చు.

#4. కాస్త రాయండి:

పదేపదే మనం ఆలోచనలో పడిపోయి మానసిక ఆరోగ్యాన్ని దెబ్బ తీసుకుంటూ ఉంటాము. అలా కాకుండా మీరు సమస్యను రాసి ఉంచితే మళ్ళీ అదే ఇబ్బంది రాదు. దానిని కంట్రోల్ చేసుకోవచ్చు. ఇలా కాస్త రిలీఫ్ గా ఉంటుంది.

శారీరిక ఆరోగ్యం ఎంత ముఖ్యమో మానసిక ఆరోగ్యం కూడా అంతే ముఖ్యం. ప్రతి ఒక్కరూ మానసిక ఆరోగ్యాన్ని పెంపొందించుకోవడానికి చూసుకోవాలి. మానసిక ఆరోగ్యం బాగుంటే మనం ప్రశాంతంగా ఉండొచ్చు. మానసికంగా దృఢంగా ఉంటే ఒత్తిడిని కూడా మనం ఎదుర్కోడానికి అవుతుంది.

అయితే మానసిక ఆరోగ్యాన్ని మెరుగుపరచుకోవడానికి కూడా కొన్ని రకాల ఆహార పదార్థాలు, పోషక పదార్థాలు మనకి సహాయపడతాయి. మరి మానసిక ఆరోగ్యాన్ని ఎలా పెంపొందించుకోవాలి అనే విషయాన్ని ఇప్పుడు చూద్దాం.

#1. విటమిన్ సి:

విటమిన్ సి ని కచ్చితంగా ఆహారంలో తీసుకుంటూ ఉండాలి. ఇది రోగని రోధక శక్తిని పెంచడమే కాక మెదడులోనే డోపమైన్ ని కూడా చూసుకుంటుంది శరీరంలో విటమిన్ సి లోపం ఉంటే ఈ న్యూరో ట్రాన్స్మిటర్లకి క్షీణత కలుగుతుంది దీనివలన ఆందోళన మొదలైన సమస్యలు కలుగుతూ ఉంటాయి. కాబట్టి విటమిన్ సి ని తప్పక డైట్లు తీసుకుంటూ ఉండాలి.

#2. విటమిన్ డి:

విటమిన్ డి కూడా మానసిక ఆరోగ్యనికి చాలా మంచిది. అలానే ఒమేగా త్రి ఫ్యాటీ యాసిడ్స్, బీ 12, ఐరన్, జింక్, మెగ్నీషియం ఇవన్నీ కూడా డైట్ లో ఉండేటట్టు చూసుకోండి. ఇవి మానసిక ఆరోగ్యాన్ని మెరుగుపరచడానికి చక్కటి పాత్ర పోషిస్తాయి కాబట్టి ఈ పోషక పదార్థాలు ఉండే ఆహార పదార్థాలను సమృద్ధిగా తీసుకుంటూ ఉండండి.

#3. జింక్:

జింక్ కూడా చాలా ముఖ్యం. జింక్ లోపం కలిగితే భావోద్వేగాలు దెబ్బతింటాయి. అలానే స్ట్రెస్ ని కూడా తట్టుకోలేరు. జింక్ లోపం ఉన్నట్లయితే నిద్రలేమి ఆందోళన మొదలైన సమస్యలు కలుగుతాయి.

చాలా మంది హై బీపీ సమస్యతో బాధపడతారు. హై బీపీ వలన వివిధ రకాల సమస్యలు వచ్చే అవకాశం ఉంది. హై బీపీ 20 నుండి 55 శాతం వరకు వంశపారపరంగా వస్తుంది. అలానే ధూమపానం, అనారోగ్యకరమైన ఆహారాన్ని తీసుకోవడం వలన కూడా వస్తుంది. అయితే చాలా మందికి జన్యుపరంగా ఈ సమస్య వస్తుందా..? తల్లిదండ్రులకి ఉంటే మనకు కూడా ఈ సమస్య కలగచ్ఛ అనే సందేహం ఉంటుంది. దాని గురించి ఇప్పుడు చూద్దాం.

ఒక పరిశోధన ప్రకారం హైబీపీ 20 నుండి 55% వంశపారపరంగా వస్తుందని చెబుతోంది. కనుక మీరు మీ ఫ్యామిలీ మెడికల్ కండిషన్ ని తెలుసుకోవాలి.

క్యాన్సర్ ఎలా అయితే కుటుంబ సభ్యుల వలన వస్తుందో హైబీపీ కూడా అలాగే వస్తుంది. అందుకే అస్సలు దీన్ని నెగ్లెక్ట్ చేయకూడదు. డాక్టర్ ని కన్సల్ట్ చేయడం మంచిది. హైబీపీ సమస్య మీ కుటుంబంలో ఎవరికైనా ఉన్నట్లయితే ఫ్యామిలీ డాక్టర్ ని సలహా తీసుకు పాటించడం మంచిది. మీ తల్లిదండ్రులకి హై పీపీ ఉంటే మీకు కూడా వచ్చే అవకాశం ఉంటుంది. అందుకని మీరు ఫామిలీ డాక్టర్ ని కన్సల్ట్ చేస్తే మంచిది.

మీ జన్యులకి సంబంధించి హైపర్ టెన్షన్ ప్రమాదం గురించి మీరు ఏమైనా విషయాలను తెలుసుకోవాలనుకుంటే జెనెటిక్ ప్రిడిస్ పోసిషన్ టెస్ట్ ని చేయించుకుని దాని ద్వారా తెలుసుకోవచ్చు. హైపర్ టెన్షన్ వచ్చే ప్రమాదాన్ని పెంచేసే జన్యువు వున్నా కూడా మంచి లైఫ్ స్టైల్ ని పాటించడం, స్మోకింగ్ చేయకుండ ఉండడం వంటివి చేస్తే రిస్క్ ఏమి ఉండదు.

గర్భిణీలు తొమ్మిది నెలలు జాగ్రత్తగా ఉండాలి. అలానే బిడ్డకు జన్మనిచ్చిన తర్వాత కూడా పిల్లల పట్ల తప్పక శ్రద్ధ తీసుకుంటూ ఉండాలి. అయితే గర్భిణీలు ఈ తప్పులని అస్సలు చేయకూడదు. ఈ తప్పుల్ని చేస్తే గర్భిణీలకు చాలా ప్రమాదం. ఆరోగ్య నిపుణులు గర్భిణీలు ఎలాంటి వాటిని అనుసరించాలి అనేది వివరించారు. మరి వాటి కోసం ఇప్పుడు చూద్దాం.

#1. పౌష్టికాహారాన్ని మాత్రమే గర్భిణీలు తీసుకుంటూ ఉండాలి. పౌష్టికాహారం తీసుకుంటే కడుపులో ఉండే శిశువు పెరుగుదల బాగుంటుంది.
#2. ఆహారం తీసుకునేటప్పుడు సమతుల్యమైన ఆహారం ని గర్భిణీలు తీసుకుంటూ ఉండాలి.
#3. తీసుకునే డైట్ లో కూరగాయలు, పండ్లు, ఆకుకూరలు, తృణ ధాన్యాలు, ఫాలిక్ యాసిడ్ ఎక్కువగా ఉండే ఆహార పదార్థాలు తీసుకుంటూ ఉండాలి.
#4. అసలు జంక్ ఫుడ్ ని గర్భిణీలు తీసుకోకూడదు.

#5. బయట స్ట్రీట్ ఫుడ్ వంటివి అసలు తీసుకోకూడదు.
#6. సలాడ్స్, పండ్లు, బిస్కెట్లు వంటివి తీసుకోవచ్చు.
#7. గర్భిణీలకి వికారం ఎక్కువగా ఉంటుంది అటువంటప్పుడు ఇటువంటి స్నాక్స్ ని ప్రిఫర్ చేస్తే మంచిది.
#8. ఉద్యోగం చేసే వాళ్ళైతే ఎక్కువసేపు వర్క్ చేయడం వలన వెన్ను నొప్పి, కాళ్ళు నొప్పులు వస్తూ ఉంటాయి.  కాబట్టి వీలైనంత వరకు వర్క్ చేయకుండా వుండండి. కుదరదంటే మధ్య లో గ్యాప్స్ తీసుకోవడం మంచిది.
#9. అలానే ఎక్కువసేపు పనిలో ఉండడం వలన గర్భిణీలకు మరో ప్రమాదం ఉంది పిండంలో రక్త ప్రసరణ తగ్గుతుంది. దీని మూలంగా శిశువు ఎదుగుదల మందగిస్తుంది అని ఆరోగ్య నిపుణులు అంటున్నారు.

#10. అదే విధంగా అధిక బరువులు ఎత్తడం వంటివి చేయకూడదు.
#11. బరువు ఎత్తడం, వెంటనే లేవడం వంటివి అసలు చేస్తే కూడా ఇబ్బంది పడాలి.
#12. ఒత్తిడి అస్సలు తీసుకోకూడదు. స్ట్రెస్ వలన కూడా మీ ఆరోగ్యం పై ఎఫెక్ట్ పడుతుంది.

అన్ని సీజన్లలోనూ చలి కాలం చాలా బాగుంటుంది. కుండపోత వర్షాలుండవు, మండిపోయే ఎండలుండవు. శీతాకాలం లో వాతావరణం ఎంతో ఆహ్లదకరం గా ఉంటుంది. కానీ, చలి కాలం వచ్చిందంటే మాత్రం ఆరోగ్య సమస్యలు ఎదురవుతుంటాయి. ఎక్కడ లేని సమస్యలు ఈ కాలం లోనే వస్తుంటాయి. సాధారణం గా వచ్చే జలుబు, దగ్గు, చర్మం పొడిబారడం వంటి సమస్యలు మామూలుగానే వస్తూ పోతూ ఉంటాయి.

అయితే, చాలా మందికి చలికాలం వచ్చేసరికి ఒంట్లో కండరాలు పట్టేస్తుంటాయి. ఫలితం గా ఒళ్ళు నెప్పులు గా ఉంటాయి. ఉదయం నిద్ర లేచేసరికి కండరాలు పట్టేయడం వలన ఒళ్ళు నెప్పులు వస్తుంటాయి. కానీ వీటిని తగ్గించుకోవడానికి పెయిన్ కిల్లర్స్ వాడడం అంత శ్రేయస్కరం కాదు. కొన్ని చిన్న చిన్న చిట్కాలను పాటించడం ద్వారా ఈ నెప్పులు రాకుండా మీరు జాగ్రత్తపడచ్చు.

#1. మీరు తీసుకునే ఆహరం లో ఫైబర్ ఎక్కువ గా ఉండేలా చూసుకోండి. ఫైబర్ తో కీళ్ల నెప్పులకు చెక్ పెట్టవచ్చని వైద్య నిపుణులు చెబుతున్నారు.

#2.అలాగే చలికాలం ఏమైనా దెబ్బలు తగిలినా.. అంత తొందరగా మానవు. అలాంటప్పుడు మీరు ఇంట్లో వాడే అల్లాన్ని మెత్తగా గ్రైండ్ చేసి ఒక క్లాత్ లో చుట్టి దానిని వేడి నీటిలో ముంచి తీసి దెబ్బ తగిలిన చోట ఉంచడం వలన మీకు ఉపశమనం లభిస్తుంది.

#3. రోజు రాత్రి పడుకునేటప్పుడు వేడి వేడి పాలలో దాల్చిన చెక్క పొడి ని వేసుకుని తాగండి. ఇది మీకు మంచి నిద్రని ఇస్తుంది. అలాగే ఒళ్ళు నొప్పులు లేకుండా కాపాడుతుంది.

#4. అలాగే, ఒళ్ళు నొప్పులు తగ్గించడం లో ఆపిల్ సిడార్ వెనిగర్ ఎంతగానో పని చేస్తోంది. మీరు స్నానం చేసే బకెట్ నీటిలో ఒక కప్ ఆపిల్ సిడర్ వెనిగర్ ని వేసుకోవడం ద్వారా ఉపశమనం పొందవచ్చు.

#5. అలాగే శరీరానికి అవసరమైనంత నీటిని తాగడం కూడా కీలకమైనది. చలికాలం లో ఎక్కువ గా దాహం వేయదు. అలా అని మీరు నీటిని తాగకపోయినా కీళ్ల నొప్పులు వచ్చే అవకాశం ఉంటుందని వైద్యులు హెచ్చరిస్తున్నారు.

ఉదయం నిద్రలేవగానే కాఫీ లేదా టీ తాగడం చాలా మందికి ఉన్న అలవాటు.శరీరానికి ఉల్లాసాన్ని, ఉత్తేజాన్ని అందించేవి టీ, కాఫీలు. బాగా ఒత్తిడిలో ఉన్నప్పుడు, అలసిపోయినప్పుడు వీటిని తాగితే ఆ హాయే వేరు. మళ్లీ కొత్త శక్తి వచ్చి మన పని మనం చేసుకునేందుకు ఉపయోగపడతాయి.

అయితే ఇల్లు, ఆఫీస్, హోటల్ లేదా బయట ఎక్కడైనా కాఫీ, టీలు తాగినప్పుడు వాటికి ముందుగా మనలో అనేక మంది నీళ్లు తాగుతారు.టీ తాగే ముందు నీళ్లు తాగితే ఏమవుతుందో తెలుసా ?  తెలుసుకుందాం రండి.

రసాయనశాస్త్రంలో ఆమ్లాలు (యాసిడ్స్), క్షారాలు (ఆల్కలైన్) అని ద్రవాలను విడదీసే రెండు విభాగాలు ఉన్నాయి. అయితే ఏదైనా ఒక ద్రవం ఆమ్లమా, క్షారమా అని తెలుసుకునేందుకు మాత్రం పీహెచ్ విలువ ఉపయోగపడుతుంది.

పీహెచ్ స్కేలుపై 1 నుంచి 14 వరకు స్కోర్ ఉంటుంది. 7 కన్నా తక్కువ విలువ ఉంటే ఆ ద్రవాన్ని ఆమ్లమని, 7 కన్నా ఎక్కువ విలువ ఉంటే ఆ ద్రవాన్ని క్షారమని అంటారు. అయితే 7 విలువ ఉంటే ఆ ద్రవాన్ని తటస్థ ద్రవమని పిలుస్తారు.ఈ క్రమంలోనే నీటి పీహెచ్ విలువ చూస్తే అది 7 కన్నా ఎక్కువగా, కాఫీ, టీల పీహెచ్ విలువలు 5, 6లుగా ఉంటాయి. కాబట్టి కాఫీ, టీలు ఆమ్లత్వాన్ని (యాసిడిక్) కలిగి ఉంటాయి.

నీరు క్షార స్వ‌భావాన్ని క‌లిగి ఉంటుంది.కాఫీ, టీలను తాగితే సహజంగానే అవి ఆమ్ల స్వభావం కలిగి ఉండడం చేత అవి మన పొట్టలో అల్సర్‌లను, పేగులకు పుండ్లను, క్యాన్సర్‌లను కలిగిస్తాయి. కనుక వీటిని తాగే ముందు నీటిని తాగితే పొట్టలో ఆమ్ల ప్రభావం తగ్గుతుంది. దీంతో ఆరోగ్యాన్ని కూడా రక్షించుకోవచ్చు. కాబట్టి కాఫీ, టీలను తాగే ముందు తప్పనిసరిగా నీటిని మాత్రం తాగాల్సిందే.