Health Adda

గ్రీన్ ఆపిల్స్ రుచి పుల్లగా ఉంటుంది. అందుకే సహజంగా చాలా మంది ఇష్టపడరు. కానీ గ్రీన్ ఆపిల్ వలన కలిగే ప్రయోజనాలను చూశారంటే కచ్చితంగా గ్రీన్ ఆపిల్స్ ని కొనుక్కొని మరీ తింటూ ఉంటారు. నిజంగా గ్రీన్ యాపిల్స్ వలన కలిగే బెనిఫిట్స్ ని ఇప్పుడు చూద్దాం.

#1. యాంటీ ఆక్సిడెంట్స్:

గ్రీన్ ఆపిల్స్ లో యాంటీ ఆక్సిడెంట్లు అధికంగా ఉంటాయి. ఈ యాంటీ ఆక్సిడెంట్స్ వలన మనకి ఎన్నో ప్రయోజనాలను కలిగిస్తాయి.

#2. చర్మం ముడతలు పడవు:

వయసు పెరిగే కొద్ది చర్మంపై ముడతలు ఏర్పడుతూ ఉంటాయి. అయితే గ్రీన్ ఆపిల్ ని తినడం వలన త్వరగా ముడతలు పడవు. కాబట్టి కచ్చితంగా గ్రీన్ ఆపిల్ ని తీసుకుంటూ ఉండండి. యాంటీ ఏజింగ్ గుణాలు దీని ద్వారా పొందొచ్చు కాబట్టి మంచిగా తీసుకుంటూ ఉండండి. చక్కటి లాభాలను పొందండి.

#3. కొలెస్ట్రాల్ తగ్గుతుంది:

గ్రీన్ ఆపిల్ ని తీసుకోవడం వల్ల కొలెస్ట్రాల్ లెవెల్స్ కూడా తగ్గుతాయి కొలెస్ట్రాల్ వలన చాలా మంది సతమతమవుతూ ఉంటారు అటువంటి వాళ్ళు గ్రీన్ ఆపిల్ ని తీసుకుంటే కొలెస్ట్రాల్ లెవెల్స్ తగ్గుతాయి. కొలెస్ట్రాల్ లెవెల్స్ తగ్గడం వలన హృదయ సంబంధిత సమస్యలు కూడా రావు.

#4. జీర్ణ సమస్యలు ఉండవు:

జీర్ణ సమస్యలతో ఇబ్బంది పడే వాళ్ళు గ్రీన్ ఆపిల్ ని తీసుకుంటే జీర్ణ సమస్యలు ఉండవు. ఇది స్టమక్ హెల్త్ కి కూడా బాగా ఉపయోగ పడుతుంది.

#5. టైప్ 2 డయాబెటిస్ ప్రమాదం ఉండదు:

గ్రీన్ ఆపిల్స్ ని తినడం వలన టైప్ టు డయాబెటిస్ రిస్క్ తగ్గుతుంది. కనుక వీటిని తీసుకుంటూ వుండండి.

#6. ఈ పోషకాలని కూడా పొందొచ్చు:

యాంటీ ఆక్సిడెంట్స్ మాత్రమే కాక వీటి ద్వారా విటమిన్ ఏ, విటమిన్ సి ఉంటాయి. అలానే ఐరన్, క్యాల్షియం కూడా ఉంటాయి. ఇలా ఇన్ని లాభాలని మనం గ్రీన్ ఆపిల్స్ ద్వారా పొందొచ్చు.

చాలా మంది ఇళ్లల్లో ఉదయం మిగిలిపోయిన అన్నాన్ని రాత్రి మళ్ళీ వేడి చేసుకుని తినడం లేదా రాత్రి వండిన అన్నాన్ని మళ్ళీ ఉదయం తినడం లాంటివి చేస్తూ ఉంటారు. అయితే మిగిలిపోయిన అన్నం తినడం మంచిదేనా…? ఆరోగ్యానికి దీని వల్ల ఏదైనా హాని కలుగుతుందా..? అనే దాని గురించి తెలుసుకుందాం.

తాజాగా జరిగిన రీసెర్చ్ ప్రకారం చూసుకున్నట్లయితే.. మిగిలిపోయిన అన్నం తినడం ఆరోగ్యానికి మంచిది కాదని తెలిసింది. ముఖ్యంగా మరుసటి రోజు మిగిలిపోయిన అన్నం అస్సలు తినకూడదు.

మిగిలిపోయిన అన్నం తింటే ఫుడ్ పాయిజనింగ్ అవుతుంది. మామూలుగా అన్నాన్ని వండేసి ఆ తర్వాత గది ఉష్ణోగ్రత వద్ద ఎక్కువ సేపు ఉంచిన అన్నం తినడం వల్ల బాక్టీరియా మీ శరీరం లోకి వెళుతుంది. ఈ కారణంగా ఫుడ్ పాయిజనింగ్ అయ్యే అవకాశం ఉంటుంది. అందుకనే గది ఉష్ణోగ్రత వద్ద ఎక్కువ సేపు అన్నం ఉండకుండా చూసుకోండి. ఇలా ఉంచిన అన్నాన్ని అస్సలు తినకూడదు.

అన్నం వండిన గంట లేదా రెండు గంటల లోపు తినేయాలి. పైగా అన్నాన్ని వండేటప్పుడు బాగా ఉడికించి అప్పుడు మాత్రమే తినాలి. ఒకవేళ కనుక మీరు మళ్లీ అన్నాన్ని వాడుకోవాలి అంటే గది ఉష్ణోగ్రతలో కాకుండా దానిని ఫ్రిడ్జ్ లో ఉంచండి. అలా కనుక మీరు ఉంచారంటే దానిని మళ్ళీ తినొచ్చు.

పైగా ఒకసారి వండిన అన్నాన్ని పదే పదే వేడి చేయడం కూడా మంచిది కాదు. కేవలం ఒకసారి వండిన దాన్ని ఒకసారి మాత్రమే వేడి చేసుకుని తినాలి. కనుక అన్నం విషయంలో ఎప్పుడూ ఈ తప్పులు చేయొద్దు. ఈ ప్రకారం అనుసరించి అనారోగ్య సమస్యలకు దూరంగా ఉండండి. లేదంటే అనవసరంగా ఇబ్బంది పడాల్సి వస్తుంది.

చాలా మంది ఎముక సమస్యలతో బాధ పడుతూ ఉంటారు. నిజానికి ఎముకలు దృఢంగా ఉండాలంటే డైట్ లో పలు మార్పులు చేసుకోవాలి. ఎముకలు దృఢంగా ఉండాలంటే డైట్ లో ఆహార పదార్థాలు తప్పక చేర్చుకోండి. వీటి వలన ఎముకలు దృఢంగా ఉంటాయి. క్యాల్షియం, విటమిన్ డి ఎక్కువగా ఉండే వాటిని తీసుకుంటే ఎముకలు దృఢంగా ఉంటాయి.

#1. పాలు:

పాలను రెగ్యులర్ గా తీసుకుంటూ ఉండాలి. పాలను రెగ్యులర్ గా తీసుకోవడం వల్ల ఎముకలు దృఢంగా ఉంటాయి. ఎముకల ఆరోగ్యం బాగుండాలంటే కచ్చితంగా ప్రతి రోజూ పాలు తాగుతూ ఉండాలి.

#2. చీజ్:

చీజ్ కూడా ఆరోగ్యానికి చాలా మంచిది. క్యాల్షియం మరియు విటమిన్ డి ఇందులో ఉంటుంది. చీజ్ తో ఎముకలు ఆరోగ్యంగా దృఢంగా ఉంటాయి.

#3. గుడ్లు:

గుడ్లు కూడా ఆరోగ్యానికి చాలా మంచిది. ఇందులో విటమిన్ డి ఉంటాయి. విటమిన్ డి అందాలంటే ఒకటి లేదా రెండు గుడ్లను తీసుకోండి.

#4. నట్స్:

నట్స్ ను కూడా డైట్ లో తీసుకోవాలి. దీని వలన కూడా చక్కటి ప్రయోజనాలు ఉంటాయి. వాల్ నట్స్, బాదం వంటి వాటిలో మెగ్నీషియం, ఫాస్ఫరస్ ఉంటాయి. దీనివలన మనకు క్యాల్షియం అందుతుంది.

#5. సిట్రస్ ఫ్రూట్స్:

ఎముకల సమస్యలు తొలగించటానికి సహాయం చేస్తాయి కాబట్టి వీటిని కూడా డైట్ లో తీసుకుంటూ ఉండండి.

#6. ఆకుకూరలు:

ఆకుకూరలు కూడా ఆరోగ్యానికి చాలా మంచిది. వీటిలో క్యాల్షియం ఎక్కువగా ఉంటుంది కాబట్టి కచ్చితంగా ఆకు కూరలను కూడా తీసుకుంటూ ఉండండి.

#7. చేపలు:

సాల్మన్ వంటి వాటిలో విటమిన్ డి ఎక్కువగా ఉంటుంది. వీటిని తీసుకుంటే కూడా ఆరోగ్యం బాగుంటుంది. ఎముకలు దృఢంగా ఉంటాయి. చూశారు కదా ఎలా ఎముకల్ని దృఢంగా ఉంచుకోవచ్చు అనేది. మరి వీటిని డైట్ లో తీసుకుని ఎముకల సమస్యలు లేకుండా ఉండండి ఎముకల్ని దృఢంగా మార్చుకోండి.

గర్భిణీలు ఎంత జాగ్రత్తగా ఉంటే అంత మంచిది. గర్భిణీలు కనుక జాగ్రత్తగా ఉండకపోతే పిల్లల్ని కూడా కోల్పోయే ప్రమాదం ఉంది. గర్భిణీలు తీసుకునే ఆహారం మొదలు ఉపయోగించే మందులు వరకు ప్రతి దానిలో కూడా శ్రద్ధ పెట్టాలి. ఇష్టం వచ్చినట్లు తీసుకుంటే ప్రమాదం తప్పదు.

గర్భిణీలు తీసుకొనే డైట్ లో పండ్లు, కూరగాయలు ఎక్కువగా ఉండాలని మనకు తెలిసిందే ఈ విషయంలో చాలా జాగ్రత్త పడాలి. పండ్లు తినే ముందు వాటిని శుభ్రంగా కడుక్కోవాలి దీనికి గల ముఖ్య కారణం ఏమిటంటే పండించేటప్పుడు పురుగుల మందులు వేయడం..

రైతులు పురుగుల మందు జల్లుతూ వుంటారు. అటువంటి సమయంలో గర్భిణీలు వీటిని తీసుకోవడం వలన ప్రమాదం కలుగుతుంది.

ఈ ఆహారపదార్దాలకు దూరంగా ఉండాలి:

#1. నారింజ పండు, అవకాడో వంటి వాటిపై తక్కువ పురుగుల మందులు మాత్రమే జల్లుతారు. కనుక పరవాలేదు. కానీ ఎక్కువగా ఆపిల్స్, స్ట్రాబెర్రీస్ వంటి వాటిపై పురుగుల మందులను స్ప్రే చేస్తారు. కనుక ఇటువంటి వాటికి దూరంగా ఉండాలి లేదంటే బిడ్డకు కూడా ప్రమాదం కలుగుతుంది. ప్రెగ్నెంట్ అయ్యే ఛాన్స్ కూడా తక్కువే ఉంటుంది.

#2. అలానే బచ్చలి కూర, మిరియాలు, ద్రాక్ష లాంటి వాటిపై ఎక్కువ పురుగుల మందు జల్లుతూ ఉంటారు అందుకని వీటిని కూడా తక్కువ తీసుకోవడం మంచిది. లేదంటే పూర్తిగా మానేసినా పరవాలేదు.
#3. పురుగుల మందు ఎక్కువ స్ప్రే చేసే కూరగాయలు పండ్లు తింటే గర్భం దాల్చే అవకాశాలు తక్కువ ఉంటాయి. కేవలం ఆడవాళ్ళలోనే కాదు మగవారిలో కూడా సంతానోత్పత్తి కి సంబంధించిన సమస్యలు కలుగుతాయి.

ఎలాంటి సమస్యలు వస్తాయి..?

చనిపోయిన పిల్లలు పుట్టడం, సంతానోత్పత్తి తగ్గడం, సడెన్ గా అబార్షన్ అవ్వడం, తక్కవ బరువుతో పిల్లలు పుట్టడం, పుట్టుకతో లోపాలు లేదంటే గర్భం రాక పోవడం ఇలాంటి సమస్యలు పురుగుల మందు వంటి వాటి వలన వస్తాయి. కనుక ఆర్గానిక్ పండ్లను, కూరగాయలను తీసుకోవడం మంచిది.

ఒక్కొక్కసారి మనకు ఆవలింతలు ఎక్కువగా వస్తూ ఉంటాయి. నిజానికి ఆవలింతలు రావడానికి వెనుక కారణాలు చాలా ఉన్నాయి. మన శరీరంలో జరిగే ప్రతీ మార్పుకు కూడా ఏదో ఒక కారణం ఉంటుంది. ఎక్కువ మంది ఎదుర్కొనే సమస్యలలో మైగ్రేన్ కూడా ఒకటి. చాలా మంది ఈ సమస్యతో బాధపడుతూ ఉంటారు. నిజానికి దాని వలన చాలా ఎక్కువ ఇబ్బంది పడాల్సి వస్తుంది.

మైగ్రేన్ వలన వచ్చే సమస్యలు:

• తాత్కాలికంగా దృష్టిని కోల్పోవడం
• వికారంగా ఉండడం
• అలసట
• తిమ్మిరి ఎక్కడం
• చిరాకుగా ఉండడం

మాట్లాడటం కష్టంగా ఉండడం ఇటువంటివన్నీ కూడా మైగ్రేన్ వలన మనం ఎదుర్కొంటూ ఉంటాము. పైగా మైగ్రేన్ లో చాలా రకాలు ఉన్నాయి ఏదిఏమైనా మైగ్రేన్ సమస్యను లైట్ తీసుకోకూడదు వైద్యుని సలహా తీసుకోవడం మంచిది.

మైగ్రేన్ దశలు:

మైగ్రేన్ సమస్యలో వివిధ స్టేజెస్ ఉన్నాయి. మరి వాటి కోసం కూడా మనం చూసేద్దాం.

• మొదటిదశలో తలనొప్పి ఎప్పుడైనా వస్తుంది.
• రెండో దశలో ఇంద్రియాలు లో మార్పు ఉంటుంది.
• మూడవ దశలో అయితే తలనొప్పి ఒక వైపు ఉంటుంది. త్వరగా అలసి పోవడం, పల్స్ రేట్ మారడం వంటివి కూడా ఈ స్టేజ్ లో ఉంటాయి.

ఆవలించడం కి మైగ్రేన్ కి సంబంధం ఏమిటి..?

మైగ్రేన్ సమస్య తో బాధ పడినప్పుడు ఆవలింతలు కూడా వస్తాయని.. విపరీతంగా ఆవలింతలు వస్తాయని ఆరోగ్య నిపుణులు అంటున్నారు. కనుక ఎక్కువ ఆవలింతలు వస్తుంటే కూడా మైగ్రేన్ అని మీరు తెలుసుకోవచ్చు.

మైగ్రేన్ సమస్యతో బాధపడే వాళ్లకి ఎలాంటి ఇబ్బందులు వస్తాయి..?

#1. పగలు బాగా నిద్రగా కనిపించడం
#2. ఎక్కువ మత్తుగా ఉండడం
#3. అలసట ఎక్కువగా ఉండడం
#4. తలనొప్పి రావడం
#5. కండరాల నొప్పి కలగడం

మైగ్రేన్ నొప్పి ని ఎలా తగ్గించుకోవచ్చు..?

మందులు తీసుకొని మీరు తగ్గించుకోవచ్చు లేకపోతే జీవన విధానాన్ని మార్చుకోవచ్చు.
ఎక్కువ విశ్రాంతి తీసుకోవడం మానసిక ఒత్తిడికి గురవకుండా జాగ్రత్త పడడం వంటి వాటితో తగ్గించుకోవచ్చు.

మనం తినే ఆహారం ఎంత ముఖ్యమో తయారుచేసే విధానం కూడా అంతే ముఖ్యం. ఆహారంలోని స్వచ్ఛత మన ఆరోగ్యాన్ని ప్రభావితం చేయడమే దీనికి కారణం. కరోనా మహమ్మారి తర్వాత పరిశుభ్రతపై ప్రజల్లో అవగాహన పెరిగింది. అయితే వంటింట్లో మనం అనుసరించే కొన్ని అలవాట్లు ఆహారాన్ని కలుషితం చేస్తాయి.

శాకాహారం లేదా మాంసాహారం ఏదైనా పరిశుభ్రత అనేది చాలా ముఖ్యం. వడ్డించే ముందు శుభ్రంగా ఉండండి. వంటగదిలో మనం చేసే చిన్నచిన్న తప్పుల వలన ఆహారం కలుషితం అవుతుంది. అందుకే కిచెన్ లో ఈ పొరపాట్లు అస్సలు చెయ్యకూడదు అవేంటంటే..

#1. స్పాంజ్‌ల వాడకం:

స్పాంజ్‌ల వాడకం నెలల తరబడి ఒకే స్పాంజ్‌తో వంటగదిని శుభ్రం చేయడం వల్ల బ్యాక్టీరియా వ్యాప్తి చెందుతుంది. ఒకే స్పాంజ్‌ని ఎక్కువ రోజులు ఉపయోగించడం వల్ల మురికి కూరుకుపోయి కీటకాలు ఉత్పత్తి అవుతాయి. అవి మీ ఆహారాన్ని కూడా ప్రభావితం చేస్తాయి.

#2. రీసైక్లింగ్ బ్యాగ్‌ లు:

రీసైక్లింగ్ బ్యాగ్‌లను ఉపయోగించడం మంచిది కాదు. మార్కెట్ నుంచి కూరగాయలు తేగానే వాటిని అందులో నుంచి తీయాలి. తిరిగి వాటిని ఉపయోగించకూడదు.

#3. కూరగాయలు లేదా మాంసాన్ని కడగడం:

వంట చేయడానికి ముందు కడగాలి. కానీ మాంసం కడగడం ఎలాగో తెలుసుకోవడం ముఖ్యం. మీరు సింక్‌లో కడిగినప్పుడు.. మాంసంలోని పదార్థాలు సింక్‌లో పడిపోతుంటాయి. అవి ఇతర కంటైనర్‌లకు అంటుకుంటాయి. మీరు చూడకుండా ఉంటే అది అలానే ఉండిపోతుంది. కాబట్టి మాంసం కడిగేప్పుడు జాగ్రత్తగా ఉండాలి.

#4. నూనె కిందపోతే వెంటనే శుభ్రం చేయాలి:

వంటగదిలో వంట నూనె కిందపోతే.. నూనెను 5 సెకన్లలోపు శుభ్రపరచాలి. అది అలాగే ఉంటే వంట గది మొత్తం వ్యాపిస్తుంది. అంతే కాదు మీరు జారి కింద కూడా పడిపోయే ప్రమాదం ఉంది.

#5. పూర్తిగా చల్లారాక ఫ్రిడ్జ్ లో పెట్టడం:

వండిన పదార్థాలు పూర్తిగా చల్లారాక ఫ్రిడ్జ్ లో పెట్టడం వల్ల సూక్ష్మజీవులు వ్యాప్తి చెందే అవకాశం ఉంటుంది. కాబట్టి కొంచెం వేడిగా ఉన్నప్పుడే ఫ్రిడ్జ్ లో పెడితే బ్యాక్టీరియా పెరగదు.

#6. ఏ పదార్థం ఎన్ని రోజులు ఉంచాలి:

ఫ్రిడ్జ్ లో ఏ పదార్థం ఎన్ని రోజులు ఉంచాలో తెలుసుకోవడం ముఖ్యం. చేపలు మాంసం 3 రోజులు, సాసులు 20 నుంచి 30 రోజులు, తిన్నాక మిగిలినవి 1 లేదా 2 రోజులు, పండ్లు, కూరగాయలు 3 నుంచి 7 రోజులు, పాలు 2 నుంచి 5 రోజులు, బేకరీ, కేకులు 5 రోజులు, గుడ్లు 7 రోజుల వరకు ఫ్రిడ్జ్ లో ఉంచొచ్చు.

#7. ఫ్రిడ్జ్ ని శుభ్రం చేయడం:

ఫ్రిడ్జ్ ని తరచూ శుభ్రం చేయాలి. ఫ్రిడ్జ్ లో ఏవైనా కింద పడినప్పుడు వెంటనే శుభ్రం చేయాలి. ఫ్రిడ్జ్ ఎంత శుభ్రంగా ఉంటే అందులోని పదార్థాలు అంత శుభ్రంగా ఉంటాయి.

వెన్నునొప్పి అనేది అత్యంత సాధారణ సమస్యల్లో ఒకటి. ప్రపంచవ్యాప్తంగా అనేక మంది ఈ సమస్యతో బాధపడుతున్నారు. వెన్ననొప్పి నుండి ఉపశమనం పొందేందుకు చాలా మంది గృహ చికిత్సలతో సరిపెడుతూ ఉపశమనం పొందుతారు. అయితే మరికొందరిలో మాత్రం ఈ చికిత్సల వల్ల ఏమాత్రం ఫలితం ఉండకపోవటంతో వైద్యుల వద్దకు వెళుతున్నారు. వైద్యులు మందులతో నయమయ్యేదైతే అందుకు అనుగుణంగా చికిత్స అందిస్తున్నారు. లేకుంటే మాత్రం శస్త్రచికిత్సను సూచిస్తున్నారు. ఇది చాలా అరుదుగా అవసరం అవుతుంది.

సరైన భంగిమలో కూర్చోకపోవటం, ఎక్కువసేపు కదలకుండా కూర్చోవడం లాంటివి కారణాలు వెన్నునొప్పికి దారి తీస్తాయి. ఇవి కాకుండా ఆర్థరైటిస్‌, ఇన్‌ఫెక్షన్స్‌, ఫ్రాక్చర్లు, క్యాన్సర్‌ లాంటి వాటివల్లా తీవ్ర వెన్ను నొప్పి వస్తోంది. ఆడవాళ్ళల్లో కన్నా మగవాళ్ళల్లోనే ఎక్కువగా కనిపిస్తోంది. కాల్‌సెంటర్లు, కంప్యూటర్ల ముందు కూర్చొని పనిచేసేవాళ్ళల్లో ఈ సమస్య ఎక్కువగా కనిపిస్తోంది.

అయితే తరచూ వెన్నుముక నొప్పి వేధిస్తూ ఉంటే అది కాన్సర్ కి కారకమేమోనని గమనించాలని వైద్య నిపుణులు తెలుపుతున్నారు.

# మూత్రశయ క్యాన్సర్

మూత్రాశయం అనేది మీ పొత్తికడుపులో మూత్రాన్ని నివ్వ చేసే అవయవం. మీ వెనుక భాగంలో నొప్పి మూత్రాశయ క్యాన్సర్‌కి సంకేతం కావొచ్చు. యేల్ మెడిసిన్ ప్రకారం మీ మూత్రాశయంలోని లోతైన కణజాలంపై కణుతులు పెరగడం సర్వసాధారణం.

మూత్రశయ క్యాన్సర్ ఉంటే మూత్ర విసర్జన సమయంలో రక్తం, నొప్పి ఎక్కువగా ఉంటాయి. కింద వెన్నునొప్పి సాధారణంగా మూత్రాశయ క్యాన్సర్ కి సంకేతం. ఇది మూత్రాశయ క్యాన్సర్ ఇతర సంకేతాలతో సంభవిస్తే మీరు వెంటనే డాక్టర్‌ని కలవాల్సి ఉంటుంది.

# ​వెన్నెముక క్యాన్సర్

మీ వెన్నెముక లోని క్యాన్సర్ కూడా వెన్నునొప్పికి కారణం కావొచ్చు. అయినప్పటికీ ఇది చాలా అరుదు. నొప్పి వెన్నెముకపై నిరపాయమైన కణితి వల్ల వస్తుంది. ఇది ఇతర శరీర భాగాలకు వ్యాప్తి చెందే ముప్పు ఉండదు. వెన్నెముక క్యాన్సర్ సంకేతాలలో తిమ్మిరి, బలహీనత, చేతులు, కాళ్ళలో సమన్వయ లోపం, పక్షవాతం కూడా ఉంటాయి

మూత్రాశయ క్యాన్సర్‌లా కాకుండా, వెన్నునొప్పి వెన్నెముక క్యాన్సర్‌కి ప్రారంభ సంకేతం. సంకేతాల కోసం చూడడం, రోగ నిర్ధారణ కోసం మీ వైద్యుడిని కలవడం చాలా ముఖ్యం. రోజుల మారే కొద్దీ ఈ నొప్పి తీవ్రమవుతుంది. శరీరంలోని కాళ్ళు, పాదాలు, చేతులకి కూడా వ్యాపిస్తుంది.

# ఊపిరితిత్తుల క్యాన్సర్

లంగ్ క్యాన్సర్ అనేది వెన్నునొప్పి రూపంలో కనిపించే మరో సాధారణ క్యాన్సర్. మీరు వెన్నునొప్పితో, ఊపిరితిత్తుల క్యాన్సర్ ఏవైనా లక్షణాలను గమనిస్తే మీ డాక్టర్‌ని కలవడం చాలా ముఖ్యం.ఊపిరితిత్తుల క్యాన్సర్ విస్తృతంగా రెండు గ్రూపులుగా ఉంటుంది. చిన్న కణేతర ఊపిరితిత్తుల క్యాన్సర్, చిన్న కణ ఊపిరితిత్తుల క్యాన్సర్. నాన్ స్మాల్ సెల్ ఊపిరితిత్తుల క్యాన్సర్ అనేది ఊపిరితిత్తుల క్యాన్సర్ అత్యంత సాధారణ రూపం, చిన్న కణ ఊపిరితిత్తుల క్యాన్సర్‌తో పోలిస్తే ఎక్కువగా ఉంటుంది.

ఊపిరితిత్తుల క్యాన్సర్ లక్షణాలలో రక్తంతో కూడిన దగ్గు, శ్వాస ఆడకపోవడం, దీర్ఘకాలంగా ఉండే దగ్గు మరింత తీవ్రమవుతుంది. రెండు, అంతకంటే ఎక్కువ వారాల పాటు దగ్గు ఉంటుంది.

వెన్నును ఆరోగ్యంగా, బలంగా ఉంచేందుకు తక్కువ స్ధాయి ఎరోబిక్ వ్యాయామాలు రోజువారిగా చేయటం మంచిది. వెన్నుపై ఒత్తిడి కలిగించని వ్యాయామాలతో వెన్ను బలంగా మారి కండరాలు మెరుగ్గా పనిచేయడానికి అవకాశం ఉంటుంది.

అధిక బరువు వల్ల వెనుక కండరాలు ఇబ్బంది పడతాయి. మీరు అధిక బరువుతో ఉన్నట్లయితే, తగ్గించడం వల్ల వెన్నునొప్పిని నివారించవచ్చు. ఆరోగ్యకరమైన బరువును మెయింటెన్ చేయటం వల్ల వెన్నునొప్పి దరి చేరకుండ చూసుకోవచ్చు. దూమపానం అలవాటుంటే దానిని వదిలేయండి. ధూమపానం నడుము నొప్పి ప్రమాదాన్ని పెంచుతుంది. కూర్చునే భంగిమల్లో మంచి లోయర్ బ్యాక్ సపోర్ట్, ఆర్మ్‌రెస్ట్‌లు మరియు స్వివెల్ బేస్ ఉన్న సీటును ఎంచుకోండి. బరువుగా ఎత్తవలసి వస్తే తగిన జాగ్రత్తలు తీసుకోవటం మంచిది.

క్యాన్సర్ ప్రమాదాన్ని తగ్గించడంలో జీవనశైలి కీ రోల్ పోషిస్తుంది. ప్రపంచ ఆరోగ్య సంస్థ ప్రకారం, దాదాపు 30 నుంచి 40 శాతం క్యాన్సర్ ప్రమాదానికి జీవన శైలి కారకాలు కారణమని చెప్పొచ్చు. క్యాన్సర్ ప్రమాదాన్ని తగ్గించడానికి ఎక్కువగా పండ్లు, కూరగాయలు, మంచి ఆహారం తీసుకోవడం క్రమం తప్పకుండా వర్కౌట్, ఆరోగ్యకరమైన బరువు, ధూమపానానికి దూరంగా ఉండడం వంటివి చేయాలి.