Health Adda

అంజీర్ ఆరోగ్యానికి చాలా మేలు చేస్తాయి. ఎక్కువగా మనకి దొరుకుతాయి కూడా. వీటిని తీసుకోవడం వల్ల ఆరోగ్యానికి చాలా మేలు కలుగుతుంది. రోజూ 5-6 అంజీర్ పండ్ల‌ను అల్పాహారం తో పాటు తీసుకుంటే ఆరోగ్యానికి చాలా మంచిది. అయితే మరి రోజు అంజీర్ తీసుకుంటే ఎలాంటి లాభాలను పొందొచ్చు అనేది చూద్దాం.

ఆరోగ్యానికి అంజీర్ ఎంతో మేలు చేస్తుంది. వ్యాయమ పద్ధతులని ఫాలో అయ్యే వాళ్ళు అంజీర్ పండ్ల‌ను తీసుకుంటే మంచిది.

వీటిని ఉదయాన్నే తీసుకుంటే చురుగ్గా పని చేయడానికి అవుతుంది. అలానే నీరసంగా కూడా ఉండదు. స్టామినా వస్తుంది. అంజీర్ పండ్ల‌ను తీసుకోవడం వలన ఐరన్ లభిస్తుంది. అలానే ర‌క్తం బాగా పడుతుంది. ర‌క్త‌హీన‌త సమస్య తో బాధ పడే వాళ్ళు వీటిని తీసుకుంటే ర‌క్త‌హీన‌త నుంచి బ‌య‌ట ప‌డ‌వ‌చ్చు.

లివ‌ర్‌ లోని వ్య‌ర్థాలు బ‌య‌ట‌కుపోతాయి. లివర్ క్లీన్ గా ఉంటుంది. అంజీర్ పండ్ల‌ను తీసుకోవడం వలన ఆల్క‌హాల్ తీసుకోవ‌డం వ‌ల్ల డ్యామేజ్ అయిన లివ‌ర్ కూడా బాగు పడుతుంది. గ్యాస్‌, అజీర్తి, మ‌ల‌బ‌ద్ద‌కం వంటి సమస్యలు కూడా తగ్గిపోతాయి. అలానే అంజీర్ పండ్ల‌లో పొటాషియం అధికంగా ఉంటుంది. దీనితో హైబీపీ త‌గ్గుతుంది. గుండె ఆరోగ్యం కూడా బాగుంటుంది.

వీటిలో యాంటీ ఆక్సిడెంట్లు అధికంగా ఉంటాయి. అలానే వీటిని రెగ్యులర్ గా తినడం వలన రోగ నిరోధ‌క శ‌క్తిని పెంచుకోచ్చు. వ్యాధుల బారిన పడకుండా కూడా ఉండచ్చు. షుగర్ ని కంట్రోల్ చేయడానికి కూడా బాగా ఉపయోగపడుతుంది. పైల్స్ సమస్యతో బాధపడే వాళ్ళు రాత్రంతా నీటిలో నానబెట్టిన అంజీరని నీళ్లతో సైతం తీసుకుంటే ఈ సమస్య నుండి బయటపడవచ్చు.

ఎముకల్ని బలంగా దృఢంగా ఉండడానికి కాల్షియం అవసరం. అయితే ఇది అంజీర్ లో ఉంటుంది కాబట్టి వీటిని రెగ్యులర్ గా తీసుకుంటే ఈ సమస్యలు కూడా ఉండవు. ఇది ఆస్తమా సమస్యకు కూడా ఇది చెక్ పెడుతుంది. మతిమరుపు, అల్జీమర్ వంటి సమస్యలను కూడా ఇది పోగొడుతుంది. ఇలా మనం అంజీర్ తో చాలా సమస్యల్ని తరిమికొట్టి ఆరోగ్యంగా ఉండొచ్చు.

ప్రతి ఒక్కరూ ఊపిరితిత్తుల ఆరోగ్యంపై కూడా శ్రద్ధ పెట్టాలి. ఎందుకంటే ఊపిరితిత్తులు మనం పీల్చే గాలిని శుద్ధి చేసి అందులో ఆక్సిజన్ ని శరీరానికి పంపిస్తాయి. దీని వలన శ్వాసక్రియ జరుగుతుంది. మన శరీరంలో చేరే ఆక్సిజన్ తో మనం తిన్న ఆహారం బాడీకి ఫ్యూయల్ కింద మారుతుంది.

దీనితో మనకి సామర్థ్యం వస్తుంది. అలాగే కార్బన్ డయాక్సైడ్ ని కూడా ఈ క్రమంలో ఊపిరితిత్తులు బయటికి పంపుతాయి. ఇలా చెడు గాలి బయటకు వెళుతుంది.

ఊపిరితిత్తుల ఆరోగ్యంపై శ్రద్ధ పెట్టడం ఎంతో ముఖ్యం. అన్ని రకాల జీవక్రియలు సరిగా జరిగితేనే మనం ఆరోగ్యంగా ఉండడానికి అవుతుంది. అయితే ఊపిరితిత్తులు ఆరోగ్యం బాగుండాలంటే ఎలాంటి పద్ధతులు అనుసరించాలి అనేది ఇప్పుడు చూద్దాం. ఇక్కడ ఉన్న ఆహార పదార్థాలను తీసుకోవడం వల్ల ఊపిరితిత్తులు ఆరోగ్యం మెరుగుపడుతుంది.

• బచ్చలికూర, బీట్రూట్, సిట్రస్ ఫ్రూట్స్ వంటి వాటిలో ఫోలిక్ యాసిడ్ ఎక్కువగా ఉంటుంది. ఇవి తీసుకోవడం వల్ల ఊపిరితిత్తులు ఆరోగ్యం బాగుంటుంది. కాబట్టి ఎక్కువగా వీటిని తీసుకోవడం మంచిది. ఎందుకంటే వీటిలో ఫోలిక్ యాసిడ్ ఎక్కువగా ఉంటుంది. ఇవి ఊపిరితిత్తులు ఆరోగ్యంగా ఉంచుతాయి.

• అలానే టమాటా, క్యాప్సికం, కివి, స్ట్రాబెర్రీస్, పైనాపిల్, మామిడి పండ్లలో విటమిన్ సి ఉంటుంది. ఇవి ఊపిరితిత్తులను ఆరోగ్యంగా ఉంచడానికి సహాయపడతాయి.
• చేపల్లో ఒమేగా 3 ఫ్యాటీ యాసిడ్స్ ఉంటాయి. ఇవి కూడా ఊపిరితిత్తుల ఆరోగ్యానికి సహాయం చేస్తాయి. కనుక వారానికి రెండు సార్లు వీటిని తీసుకుంటే కూడా ఊపిరితిత్తుల ఆరోగ్యం బాగుంటుంది.

• క్యారెట్, చిలగడదుంపలు, ఆకు కూరలు కూడా తీసుకోండి. ఇవి కూడా ఊపిరితిత్తుల ఆరోగ్యానికి మేలు చేస్తాయి.
• వెల్లుల్లిలో ఉండే ఆల్లిసిన్ ఊపిరితిత్తుల ఆరోగ్యానికి హెల్ప్ చేస్తుంది. కాబట్టి ఊపిరితిత్తుల ఆరోగ్యానికి వీటన్నిటిని డైట్ లో తీసుకుని ఊపిరితిత్తుల సమస్య లేకుండా ఉండండి.

చింతపండు మంచి పుల్లటి రుచిని ఇస్తుంది. చాలా రకాల వంటల్లో మనం వాడుతూ ఉంటాం. సాధారణంగా మనం చింతపండులో గింజలు తీసేసి పారేస్తూ ఉంటాము కాని నిజానికి చింత గింజల వల్ల కూడా చాలా మేలు కలుగుతుంది. అదేంటి మనం పారేసే చింత గింజల వల్ల కూడా మేలు కలుగుతుందా అని ఆలోచిస్తున్నారా..? అవునండీ చింత గింజల వల్ల ఎన్నో ఉపయోగాలు ఉన్నాయి.

ఈ ఉపయోగాలు కనుక మీరు చూశారంటే చింతగింజలను పారేయకుండా మంచిగా ఉపయోగిస్తారు. దీనితో చాలా అనారోగ్య సమస్యలు మీరు తరిమికొట్టొచ్చు. అయితే మరి చింత గింజల వల్ల ఎలాంటి ఉపయోగాలు కలుగుతాయి అనేది చూద్దాం.

#1. చింత గింజల పొడిని పాలల్లో కానీ నీళ్లల్లో కానీ కలిపి తీసుకుంటే దగ్గు, గొంతు ఇన్ఫెక్షన్ సమస్య ఉండదు. కనుక దగ్గు, గొంతు ఇన్ఫెక్షన్స్ తో బాధపడే వారు ఈ చిట్కాలను అనుసరిస్తే మంచిది.
#2. చింత గింజల్లో యాంటీ క్యాన్సర్ గుణాలు ఉంటాయి. ఇది క్యాన్సర్ దరి చేరకుండా చూసుకుంటుంది.
#3. అదే విధంగా చింత గింజల లో పొటాషియం కూడా ఉంటుంది. రక్త ప్రసరణ వ్యవస్థను మెరుగుపరుస్తుంది.

#4. చాలా మంది కీళ్ల నొప్పులు తో ఇబ్బంది పడుతూ ఉంటారు. అటువంటి వాళ్ళు చింత గింజలు ఉపయోగిస్తే కీళ్ల నొప్పులు సమస్య ఉండదు. కనుక కీళ్ళ నొప్పులతో బాధపడే వాళ్ళు ఈ టిప్ ని ఫాలో అవడం మంచిది. దానితో ఈ సమస్యకు చెక్ పెట్టొచ్చు.
#5. అలాగే ఇందులో ఉండే డైటరీ ఫైబర్ జీర్ణ వ్యవస్థను మెరుగుపరుస్తుంది.

ఇలా అద్భుతమైన లాభాలను మనం చింత గింజలతో పొందొచ్చు కాబట్టి చింతగింజలను అనవసరంగా వృధా చేయకుండా వీటి కోసం ఉపయోగించి ఈ సమస్యల నుంచి బయట పడండి.

చాలామంది ఇంటిని శుభ్రంగా ఉంచుకోవడానికి చాలా సమయాన్ని కేటాయిస్తారు. ఎందుకంటే మన పరిసరాలు బాగుంటేనే మనం ఆరోగ్యంగా ఉంటాము. అలాంటిది పసి పిల్లలు ఉన్న ఇంట్లో ఎలాంటి జాగ్రత్తలు తీసుకోవాలి..? ఇల్లును ఏ విధంగా ఉంచుకోవాలి..? అనేది చాలా ముఖ్యం.

#1. తల్లులు ఎంతో శుభ్రతను పాటించాలి:

పసిపిల్లలు తల్లితోనే ఎక్కువ సమయం గడుపుతారు. కాబట్టి రోజుకు రెండు సార్లు వాళ్ళ బట్టలు మార్చుకుంటూ ఉండాలి. ముఖ్యంగా పాలు ఇచ్చే తల్లి బట్టల విషయంలో ఎంతో జాగ్రత్త వహించాలి.

#2. తల్లులకు గోళ్లు వుండకూడదు:

పసి పిల్లల తల్లులకు గోర్లు ఉండడం వల్ల పిల్లలకు జబ్బులు వచ్చే అవకాశాలు ఉంటాయి. కాబట్టి తరచుగా గోళ్లను కట్ చేసుకుంటూ ఉండాలి మరియు నెయిల్ పాలిష్ ను అస్సలు ఉపయోగించకూడదు. అంతేకాదు జుట్టు విరబోసుకోవడం మంచిది కాదు. ఎందుకంటే అది కనుక పిల్లల నోట్లో పెట్టుకుంటే ఇబ్బందులు వస్తాయి.

#3. పసిపిల్లల బట్టలను ఇలా ఉతకండి:

ఈ మధ్య ఎక్కువగా ఫ్యాబ్రిక్ సాఫ్ట్నర్లను ఎక్కువగా ఉపయోగిస్తున్నారు. అయితే అవి అసలు ఉపయోగించకూడదు. కేవలం వేడినీళ్ళతో బట్టలను ఉతకడమే మంచిది. కావాలనుకుంటే కొన్ని చుక్కల డెటాల్ ను మాత్రమే వేడి నీటిలో కలిపి బట్టలను ఉతకవచ్చు. తరచుగా హ్యాండ్ గ్లౌజ్, సాక్స్ వంటి వాటిని ఉతుకుతూ ఉండాలి.

#4. ఇంటిని శుభ్రంగా ఉంచుకోవాలి:

ప్రతి రోజు దుమ్ము కనిపించకుండా తుడుచుకోవాలి. ముఖ్యంగా పసిపిల్లలు ఉండే ఇళ్లలో రెండు రోజులకు ఒకసారైనా తడిగుడ్డ పెట్టాలి. అలా అని ఎక్కువగా ఫ్లోర్ క్లీనర్ ను ఉపయోగించకూడదు. తడిగుడ్డ పెట్టేటప్పుడు ఆ నీటిలో కొంచెం ఉప్పు వేసి పెడితే మన పరిసరాలలో ఉండే నెగిటివిటీ తగ్గుతుంది.

#5. ప్లాస్టిక్ ను ఎక్కువగా ఉపయోగించవద్దు:

చాలా వరకు మన చుట్టు ప్లాస్టిక్ కవర్లు, డెకరేషన్ కు సంబంధించిన సామాన్లు వంటివి ఉంటాయి. అయితే వాటివల్ల హానికరమైన టాక్సిన్స్ రిలీజ్ అవుతాయి మరియు పిల్లల ఆరోగ్యం దెబ్బతింటుంది. కాబట్టి వీలైనంత వరకు ప్లాస్టిక్ కు దూరంగా ఉండండి.

#6. తల్లులు తప్పకుండా ఈ దుస్తులను ధరించండి:

పసిపిల్లలను ఎత్తుకున్నప్పుడు వారికి బట్టలు వల్ల ఇబ్బంది కలగకుండా ఉండేటట్లు చూసుకోండి. వీలైనంతవరకు మెత్తటి దుస్తులను ధరించండి. పిల్లలకు కంఫర్టబుల్ గా లేకపోతే ఏడుస్తారు. కాబట్టి బట్టలు విషయంలో కూడా జాగ్రత్తలు తీసుకోండి

మన పరిసరాలను ఎంత శుభ్రం గా ఉంచుకుంటామో.. అలాగే.. మన శరీరాన్ని కూడా అంతే శుభ్రం గా ఉంచుకోవాలి. ముఖ్యం గా ఆడవారు ఈ విషయం లో మరింత జాగ్రత్త గా ఉండాలి. ఎందుకంటే ఆడవారి శరీర ధర్మాన్ని అనుసరించి వారికి మరిన్ని ఇబ్బందులు ఎదురయ్యే అవకాశాలు ఉంటాయి. చాలా మంది ఆడవాళ్లు తమ ప్రైవేట్ పార్ట్స్ పట్ల అంత శ్రద్ధ వహించరు.. దానికి కారణం ఎవరు దాని గురించి వారికి తెలియచెప్పకపోవడమే.

ప్రతి ఒక్కరు ప్రైవేట్ పార్ట్స్ ని హైజీన్ గా ఉంచుకోవాలి. ఇందుకోసం కొన్ని టిప్స్ ను ఈ రోజు ఆర్టికల్ లో తెలుసుకోండి. మన శరీరం లో రకరకాల బాక్టీరియా ఉంటాయి. వీటిలో శరీరానికి మంచి చేసేవి కూడా ఉంటాయి. డైజెస్టివ్ సిస్టం లో లానే, వెగైనా వద్ద కూడా బాక్టీరియా ఉంటుంది. ఇది కొన్ని ఆసిడ్స్ ను విడుదల చేస్తూ ఉంటుంది. ఈ ఆసిడ్ చెడు బాక్టీరియా దరిచేరకుండా ఉండడానికి హెల్ప్ చేస్తూ ఉంటుంది.

అయితే చాలా మంది అతి శుభ్రత కోసం.. ఈ పార్ట్స్ లో సోప్, డెటాల్ వంటి వాటిని యూజ్ చేస్తూ ఉంటారు. సోప్ మంచిదే అయినా.. అదేపని గా క్లీన్ చేస్తూ ఉండడం వలన మంచి బాక్టీరియా కూడా నశిస్తుంది. దీనివలన మరిన్ని ఇబ్బందులు వస్తాయి. అలా అని రెగ్యులర్ గా క్లీన్ చేసుకోకపోయినా ఇబ్బందులు తప్పవు. అయితే.. వాష్ రూమ్ కి వెళ్లిన ప్రతిసారి సోప్ యూజ్ చేయడం వలన ఇబ్బందులు వస్తాయి. అలాగే.. పీరియడ్స్ టైం లో కూడా సరిగ్గా క్లీన్ చేసుకోవాలి.. లేదంటే ఆ ప్రాంతం లో చర్మ సమస్యలు వస్తాయి.

వయసు రీత్యా వస్తున్న మార్పుల్ని గమనించుకోవాలి. ప్రతి సారీ క్లీన్ చేసుకోవడం, బాత్ చేస్తున్నపుడు సోప్ తో క్లీన్ చేయడం, మంచి ఆయిల్స్ ఉపయోగించడం వలన కూడా వెగైనా శుభ్రం గా ఉంటుంది. అలాగే, ఆ ప్రాంతం లో దుర్వాసన రాకుండా ఉంటుంది. మరీ టైట్ గా ఉండే దుస్తులవలన కూడా లోపల ఇరిటేషన్ పెరుగుతుంది. ఇలా కాకుండా కాస్త గాలి ఆడే దుస్తులను వేసుకోవడం వలన వేగైనా శుభ్రం గా ఉంటుంది. మీ వెగైనా ఆరోగ్యానికి సంబంధించి ఎలాంటి ఇబ్బందులు ఎదురైనా ఆలస్యం చేయకుండా వైద్యుల్ని సంప్రదించడం ఉత్తమం.

వేప ఆరోగ్యానికి చాలా మేలు చేస్తుంది. ఎన్నో సమస్యలు తరిమికొట్టడానికి ఇది బాగా ఉపయోగ పడుతుంది. వేప ఆకులలో ఔషధ గుణాలు నిండుగా ఉంటాయి. అందుకనే తరతరాల నుండి ఆయుర్వేద వైద్యం లో ఉపయోగిస్తున్నారు.

జుట్టు ఆరోగ్యం మొదలు చర్మ సమస్యల వరకు ఎన్నో లాభాలు వేప ద్వారా మనం పొందవచ్చు. అందుకే పరగడుపున వేపాకులను నమలడం మంచిది. అయితే ఉదయాన్నే వేపాకులను నమలడం వల్ల ఎలాంటి లాభాలు పొందొచ్చు అనేది ఇప్పుడు చూద్దాం.

• రోగ నిరోధక శక్తిని పెంచడానికి వేపాకులు బాగా ఉపయోగ పడతాయి.
• పరగడుపున వేపాకులను నమిలితే రోగ నిరోధక శక్తి పెరుగుతుంది. ఇందులో యాంటీ ఆక్సిడెంట్లు కూడా ఎక్కువగా ఉంటాయి. అందుకనే ఇమ్యూనిటీ పవర్ అద్భుతంగా బలపడుతుంది.
• పరగడుపున వేపాకులను నమలడం వల్ల జీర్ణ సమస్యలు కూడా ఉండవు.
• గ్యాస్, ఎసిడిటీ వంటి సమస్యలతో బాధ పడే వారికి ఇది దివ్యౌషధం.

• దంత సమస్యలతో బాధ పడే వాళ్లకు కూడా పరగడుపున వేపాకులు నమిలితే మంచిది.
• కళ్ళల్లో మంట, ఇరిటేషన్ వంటి సమస్యలు కలిగితే కూడా చక్కటి ఉపశమనం వేపాకుల ద్వారా లభిస్తుంది.
• చర్మ ఆరోగ్యానికి కూడా వేపాకులు బాగా ఉపయోగ పడతాయి.
• రోజు వేపాకుల్ని నమిలి తింటే చర్మ ఆరోగ్యం బాగుంటుంది.
• ఆయాసంతో బాధ పడే వారు ఉదయాన్నే లేత వేపాకులను నమిలితే కూడా చక్కటి ప్రయోజనం ఉంటుంది.
• రక్తం లో చక్కెర స్థాయిని అదుపు చేయడానికి కూడా వేపాకులు ఉపయోగ పడతాయి.

• దంతాలు, చిగుళ్ళు కూడా వేపాకులను నములుతుంటే దృఢంగా ఉంటాయి.
• కడుపు నొప్పి, నులి పురుగులు సమస్యలు నుండి కూడా వేపాకులు బయట పడేస్తాయి. ఉదయాన్నే వేపాకులను నమలడం వల్ల ఇన్ని లాభాలను మనం పొందొచ్చు.

గర్భిణీలకు చాలా సందేహాలు కలుగుతూ ఉంటాయి. తొమ్మిది నెలల్లో కూడా ఎన్నో మార్పులు వాళ్ళలో వస్తూ ఉంటాయి. పైగా పెద్ద వాళ్లు పాత కాలం విషయాలన్నిటినీ కూడా గర్భిణీల తో చెబుతూ ఉంటారు. అయితే అటువంటి విషయాలన్నీ నమ్మొచ్చా..? నమ్మకూడదా..? అవి నిజామా కాదా అనేది తప్పని సరిగా తెలుసుకోవాలి.

కొన్ని అపోహలు, అనుమానాలు గర్భధారణ సమయం లో ఉంటాయి. అయితే ఏది నిజం..?, ఏది నిజం కాదు అన్నది తప్పక తెలుసుకోవాలి. అయితే మరి ఎక్కువగా వినపడే అపోహల గురించి ఇప్పుడు చూద్దాం.

ఎక్కువ వాంతులు అయితే ఆడపిల్ల పుడుతుందా..?

చాలా మంది పెద్దవాళ్ళు దీనిని చెప్తూ ఉంటారు. కొంత మంది బిడ్డ పుట్టే వరకు కూడా వాంతుల తో బాధ పడుతూ ఉంటారు. దీన్ని హైపరెమిసిస్‌ గ్రావిడరమ్‌ అని అంటారు అయితే దీని వల్ల ఆడపిల్ల పుడుతుందా, మగ పిల్లవాడు పుడతాడా అనేది చెప్పలేము. ఆడపిల్ల పుట్టే వాళ్ళకి మాత్రమే ఇలా జరుగుతుంది అనేది నిజం కాదు.

ఇద్దరికీ సరిపడా ఆహారం తీసుకోవాలా..?

చాలా మంది తల్లి కి, బిడ్డ కి కావాల్సినంత ఆహారం తీసుకోవాలి అని చెప్తూ ఉంటారు. అది కూడా నిజం కాదు. సెకండ్ ట్రైమిస్టర్ లో 340 క్యాలరీలు, థర్డ్ ట్రైమిస్టర్లో 450 కేలరీలు తీసుకోవాలి. అంతే కానీ ఇద్దరికీ సరిపడా ఆహారం తీసుకోవాలని ఏమీ లేదు.

కుంకుమ పువ్వు తీసుకుంటే ఎర్రటి పిల్లలు పుడతారా..?

కుంకుమ పువ్వు ని పాలలో కలుపుకుని తాగితే పిల్లలు తెల్లగా పుడతారు అని అంటూ ఉంటారు. అయితే బిడ్డ రంగు అనేది జన్యుపరంగా వస్తుంది అంతే కానీ తీసుకునే ఆహార పదార్థాల వల్ల రంగు ఉండదు. కాబట్టి ఇది కూడా అవాస్తవమే.

మనం ఎలా అయితే ముఖం పై శ్రద్ధ పెడతామొ అదే విధంగా పాదాల పై కూడా శ్రద్ధ పెట్టాలి. ఎందుకంటే పాదాలు కి ఏమైనా ఇబ్బందులు వస్తే ఎంతో అసహ్యంగా పాదాలుంటాయి. పైగా పాదాల పై శ్రద్ధ పెట్టకపోతే లేనిపోని చర్మ సమస్యలు కూడా తలెత్తే అవకాశం ఉంటుంది.

ఒక్కొక్కసారి మనం చెప్పులు వేసుకునప్పుడు వాటి గుర్తులు మన కాళ్ళ మీద పడుతూ ఉంటాయి. నిజానికి ఇవి చాలా చికాకుగా ఉంటాయి. మీకు కూడా అలానే కలుగుతూ వుంటుందా..? అయితే తప్పకుండా ఈ విధంగా ఫాలో అవ్వండి.

ఇలా చెప్పులు మచ్చలు కనుక కాళ్ళ మీద పడితే ఈ చిట్కాలను పాటిస్తే ఆ మచ్చలు తొలగిపోతాయి. ఈ ప్రాసెస్ ఏమీ పెద్ద కష్టమైనది కాదు ఈజీగా మనం చెప్పుల వలన పడిన మచ్చలను తొలగించుకోవచ్చు.

• పాదాలకి కలబంద గుజ్జు రాస్తే మచ్చలు తొలగిపోతాయి. మీరు కలబంద గుజ్జుని పాదాలకి రాసి ఇరవై నిమిషాలపాటు అలాగే ఉంచి.. ఆ తరువాత నీళ్లతో కడిగేసుకోండి. దీంతో పాదాలు అందంగా మారుతాయి మచ్చలు కూడా పోతాయి.

• కమలా తొక్కలను తీసుకుని పౌడర్ కింద చేసి అందులో పెరుగు కాని పాలు కాని వేసి పేస్టు లాగ చేసుకోండి. దీన్ని మీ పాదాలకు అప్లై చేసి 20 నిమిషాల పాటు అలా వదిలేయండి. ఆ తర్వాత పాదాలు కడిగేసుకుంటే మచ్చలు పోతాయి. అలానే కాళ్లు కూడా అందంగా ఉంటాయి.
• ఆలివ్ ఆయిల్ లో కొంచెం పసుపు పొడి వేసి కలిపి దాన్ని పాదాలకు పట్టించి పది నిమిషాల పాటు అలాగే వదిలేసి తర్వాత నీళ్లతో కడిగేసుకున్నా సరే చెప్పులు మచ్చలు పోతాయి.

• పాదాలు మెరవాలన్నా మచ్చలు పోవాలన్నా గంధం పొడిలో రోజ్ వాటర్, నిమ్మకాయ రసం వేసి కాళ్ళకు పట్టించి 15 నిమిషాల పాటు అలా వదిలేసి కడిగేసుకుంటే చక్కటి మార్పు వస్తుంది. ఇలా ఈ టిప్స్ ని ఫాలో అయితే చెప్పుల వలన వచ్చిన మచ్చలు పోతాయి. అలాగే పాదాలు కూడా అందంగా మారుతాయి.

మనకు తెలియని విషయాలు చాలా ఉంటాయి అవి మనం అంతగా గమనించం.. తీర తెలిసిన తర్వాత ఆశ్చర్యపోతాం.చేతి వేలి గోర్ల‌పై కింది వైపుకు ఉండే భాగంలో అర్ధ‌చంద్రాకారంలో నెల‌వంక‌ను పోలిన ఓ ఆకారం ఉంటుంది.

దాన్ని మీరు ఎప్పుడైనా గ‌మ‌నించారా? గ‌మ‌నించే ఉంటారు లెండి. కానీ దాని గురించి మీకు తెలిసి ఉండ‌దు. కాగా ఆ ఆకారాన్ని ‘లునులా (Lunula)’ అని పిలుస్తారు.

ఈ లునులా మ‌న శ‌రీరంలోని అత్యంత సున్నిత‌మైన భాగాల్లో ఒక‌టిగా చెప్ప‌బ‌డుతోంది. లునులా అంటే లాటిన్ భాష‌లో స్మాల్ మూన్ అని అర్థం.ఈ లునులా దెబ్బతింటే గోరు పెరగడం ఆగిపోతుందట. గోరు రంగు.. లునులా తీరు ను బట్టి మనం ఎదుర్కొంటున్న అనేక ఆరోగ్య సమస్యలను తెలుసుకోవచ్చట.

వేలి గోరుపై లునులా అస‌లు లేక‌పోతే వారు రక్త‌హీన‌త‌, పౌష్టికాహార లోపం వంటి స‌మ‌స్య‌ల‌తో బాధ‌ప‌డుతున్నార‌ని తెలుసుకోవాలి. ఒక‌వేళ లునులా రంగు నీలం లేదా పూర్తిగా తెలుపులో పాలి పోయి ఉంటే వారికి డ‌యాబెటిస్ రాబోతుంద‌ని అర్థం చేసుకోవాలి.

Have You Ever Noticed A Half-Moon Shape On Your Nails?

లునులా మీద ఎరుపు రంగులో మ‌చ్చ‌లు ఉంటే వారికి గుండె సంబంధ వ్యాధులు ఉన్నాయ‌ని తెలుస్తుంది.లునులా ఆకారం మ‌రీ చిన్న‌గా, గుర్తు ప‌ట్ట‌లేనంత‌గా ఉంటే వారు అజీర్ణంతో బాధ‌ప‌డుతున్నార‌ని, వారి శ‌రీరంలో విష, వ్య‌ర్థ పదార్థాలు ఎక్కువ‌గా పేరుకుపోయాయ‌ని తెలుసుకోవాలి.

చేతి గొర్ల గురించి మీకు తెలియని విషయాలు

1. చేతి వేళ్లలో మధ్య వేలు గోరు మిగతా గోర్ల కన్నా వేగంగా పెరుగుతుంది.
2. కాలి వేలి గోర్ల కన్నా చేతి వేళ్ల గోర్లే త్వరగా పెరుగుతాయి.

వేసవికాలంలో ఎండలు తట్టుకోలేక మనం ఎక్కువగా పానీయాలను తీసుకుంటూ ఉంటాము. నీళ్ల తో పాటుగా ఎక్కువగా పండ్ల రసాలు వంటివి తీసుకుంటూ ఉంటాము. ఎండల వల్ల నీరసం కలగకుండా ఉండాలంటే కొబ్బరి నీళ్ళు కూడా ఎక్కువగా తాగుతూ ఉండొచ్చు. అలానే చెరకు రసాన్ని కూడా ఎక్కువ మంది ఈ వేసవి లో తీసుకుంటూ ఉంటారు.

నిజానికి చెరుకు రసం తాగితే ఎండ నుంచి ఉపశమనం లభించి హాయిగా ఉంటుంది. చెరుకు రసం అప్పుడే ఫ్రెష్ గా తీసాక ఎండ వేళలో తాగుతూ ఉంటే ప్రాణం లేచి వచ్చినట్టు ఉంటుంది. అయితే ఎప్పుడైనా మీరు గమనించారా..?

చెరుకు రసాన్ని తీస్తున్న ప్రక్రియలో చెరకు మధ్యలో నిమ్మకాయని పెట్టి జ్యూస్ చేస్తారు. అయితే తియ్యగా చక్కగా ఉండే చెరుకు రసం లో నిమ్మకాయ ఎందుకు కలుపుతారు..?, నిమ్మకాయ వలన ఏదైనా ప్రయోజనం ఉంటుందా..? లేదంటే అందరూ అలానే చేస్తున్నారని ఈ తరంలో కూడా ఫాలో అవుతున్నారా అనే దాని గురించి ఇప్పుడు చూద్దాం.

source: flickr

చెరుకు రసాన్ని చేస్తున్న ప్రక్రియలో నిమ్మకాయ పెట్టడం వల్ల రెండు ప్రయోజనాలు మనం పొందొచ్చు. ఒకటి ఏంటంటే చెరుకురసం తీసేటప్పుడు చెరుకు మధ్య నిమ్మకాయ పెట్టి తీయడం వలన ఆ జ్యూస్ ని తాగితే మనకి పైత్యం చెయ్యదు. ఒకవేళ నిమ్మకాయ రసం లేదంటే పైత్యం చేస్తుంది. పచ్చి చెరుకురసం పైత్యం చేస్తుందని విరుగుడుగా నిమ్మకాయను పెడతారు.

అలానే ఆరోగ్యానికి హాని చేసే సూక్ష్మ క్రిములు చెరుకుగడలులో ఉంటాయి. ఇటువంటి వాటి వల్ల ఎలాంటి హాని కలగకూడదని నిమ్మరసాన్ని వేస్తారు. నిమ్మ రసం మనకి చెరుకు రసం వల్ల ఎలాంటి హానీ కలగకుండా ఉండేలా చేస్తుంది అందుకే చెరుకురసం తీసేటప్పుడు నిమ్మకాయని మిషన్ మధ్యలో పెట్టి జ్యూస్ తీయడం జరుగుతుంది.