Health Adda

పెరుగు తీసుకోవడం వల్ల ఆరోగ్యం చాలా బాగుంటుంది. పెరుగులో కాల్షియం పుష్కలంగా ఉంటుంది. అలాగే ప్రోబయోటిక్స్ కూడా ఉంటాయి. పెరుగు తీసుకుంటే ఆరోగ్యానికి మంచిదే కానీ ఈ అనారోగ్య సమస్యలు ఉన్న వాళ్ళు తీసుకుంటే అంతే సంగతులు. అయితే మరి పెరుగు ఎవరు తీసుకోకూడదు అనేది ఇప్పుడు చూద్దాం.

#1. ఆస్తమా లేదా శ్వాస సంబంధిత సమస్యలు:

శీతాకాలంలో పెరుగు తీసుకోవడం వల్ల అనారోగ్య సమస్యలు ఎక్కువ అవుతాయి. ఆస్తమా లేదా శ్వాస సంబంధిత సమస్యలతో బాధపడే వాళ్లు పెరుగు కి దూరంగా ఉండాలి. ముఖ్యంగా చలి కాలంలో దూరంగా ఉండటం మంచిది.

#2. ఆర్థరైటిస్ సమస్య:

ఆర్థరైటిస్ సమస్యతో బాధపడే వాళ్ళు పెరుగుకి దూరంగా ఉండాలి. ఒకవేళ కనుక పెరుగు తిన్నారు అంటే ఆ సమస్య మరింత ఎక్కువ అవుతుంది.

#3.  ఎసిడిటీ సమస్య:

బాగా జీర్ణం అవ్వడానికి పెరుగు బాగా సహాయం చేస్తుంది కానీ ఎసిడిటీ సమస్య ఉన్నవాళ్లు పెరుగు తీసుకోకూడదు. ఒక వేళ తింటే అజీర్తి సమస్యలు వస్తాయి. ముఖ్యంగా రాత్రి వేళల్లో అస్సలు తీసుకోకూడదు. అలానే లాక్టోజ్ ఇంటోలరెన్స్ సమస్య ఉన్నవాళ్లు తీసుకుంటే అతిసారం లేదా కడుపు నొప్పి సమస్య వస్తుంది.

మనం వాడే ఆహార పదార్ధాలలో శనగపిండి, బియ్యప్పిండి, గోధుమ పిండి, మైదా పిండి వంటి పదార్ధాలు కూడా నిత్యావసరాలుగానే ఉన్నాయి. శనగపిండి శనగపప్పు నుంచి తయారవుతుంది. అలాగే.. గోధుమ పిండి గోధుమల నుంచి.. బియ్యప్పిండి రైస్ నుంచి తయారవుతాయి.

మరి మైదా పిండి ఎలా తయారు అవుతుందో తెలుసా..? ఎప్పుడైనా మీకు ఈ డౌట్ వచ్చిందా..? మైదా పిండి ఎలా తయారవుతుందో ఇప్పుడు ఇప్పుడు చూద్దాం.

నిజానికి మైదాపిండి కూడా గోధుమ పిండి నుంచే వస్తుంది. గోధుమలను మిల్లులో బాగా పోలిష్ చేస్తారు. ఈ పోలిష్ చేసిన గోధుమలను పిండి చేసి.. అజో బై కార్బొనమైడ్, బెంజోయిల్ పెరాక్సయిడ్, క్లోరిన్ గ్యాస్ వంటి రసాయనాలతో శుభ్రపరుస్తారు. వీటివల్లనే మైదా పిండి తెల్లగా.. మెత్తగా ఉంటుంది. నిజానికి ఈ బెంజోయిల్ పెరాక్సయిడ్, క్లోరిన్ గ్యాస్ ల వాడకాన్ని చైనా, ఐరోపా దేశాలలోను పూర్తి గా నిషేధించారు. ఇంకా ఈ మైదా తయారీలో అల్లొక్సన్ అనే రసాయనాన్ని కూడా వినియోగిస్తారు.

చాల దేశాలలో మైదాని నిషేధించిన..దక్షిణ భారత్ లో మాత్రం మైదా ను ఎక్కువ వంటకాలలో ఉపయోగిస్తున్నారు. తడి తగిలితే మైదా జిగురు పదార్ధం లా మారుతుంది. అందుకే దీనిని హోమ్ మేడ్ గమ్ గా కూడా ఉపయోగిస్తున్నారు. అలంటి పదార్ధాన్ని రవ్వ దోశలు, మిఠాయిలు, బ్రెడ్, బొబ్బట్లు వంటి పదార్ధాల తయారీలో విరివి గా వాడేస్తున్నారు.

ఈ మైదా పిండి తీసుకొచ్చే అనారోగ్యాలు అన్ని ఇన్ని కావు. ఎక్కువ మోతాదు లో తీసుకోవడం వలన అజీర్ణ సమస్యలు ఎదురవుతాయి. మైదా పిండి ని తమ వంటలలో ఎక్కువ గా వాడేవారు అధికం గా మధుమేహ సమస్యలను ఎదుర్కొంటారు. ఇవేకాక కిడ్నీలో రాళ్ళూ, గుండె జబ్బులు రావడం వంటి సమస్యలు కూడా ఈ మైదా ను ఎక్కువ గా వాడటం వలన వస్తుంటాయి. ఆహరం లో మైదా పిండి పాళ్లను ఎంత తగ్గిస్తే అంత మంచిది.

ఈ మధ్య కాలంలో అనారోగ్య సమస్యలు విపరీతంగా పెరిగిపోతున్నాయి. అందుకే ఆరోగ్యంపై శ్రద్ధ కూడా చాలామందిలో పెరిగింది. వంటింట్లో తరచూ వీటిని ఉపయోగిస్తే ఆరోగ్యంగా వుండచ్చని.. అనారోగ్య సమస్యలు రాకుండా జాగ్రత్త పడవచ్చు అని వైద్య నిపుణులు సూచిస్తున్నారు. అయితే మరి ఆరోగ్యానికి మేలు చేసే ఆహార పదార్థాల గురించి ఇప్పుడు చూద్దాం. వీటిని ఉపయోగిస్తే ఎన్నో సమస్యలు రాకుండా దూరంగా ఉండొచ్చు.

#1. పుదీనా:

పుదీనా ఆరోగ్యానికి చాలా మేలు చేస్తుంది. విటమిన్ సి, డి, ఈ, బి, క్యాల్షియం, ఫాస్ఫరస్ వంటి పదార్ధాలు ఇందులో ఉంటాయి. ఇమ్యూనిటీని కూడా ఇది పెంచుతుంది. నిద్రలేమితో బాధపడే వాళ్ళు పుదీనా ఆకుల్ని ఒక గ్లాసు నీళ్లలో వేసి అరగంట తర్వాత తాగితే నిద్ర బాగా పడుతుంది. అలానే మానసిక ఒత్తిడి కూడా తగ్గుతుంది.

#2. కొత్తిమీర:

కొత్తిమీర కూడా ఆరోగ్యానికి చాలా బాగా పనిచేస్తుంది. మహిళల రుతుచక్రం సమంగా సాగేలా చూసుకుంటుంది. కడుపునొప్పి, ఉబ్బసం వంటి వాటిని కూడా బయటపడొచ్చు. నోటి దుర్వాసన, నోటి పూత, దంతాలు పుచ్చిపోవడం ఇలాంటి సమస్యలను కూడా బయటపడొచ్చు.

#3. తులసి:

తులసి కూడా ఆరోగ్యానికి ఎంతో మేలు చేస్తుంది. ఆయుర్వేద గుణాలు ఉన్న తులసిని ఉపయోగించడం వల్ల క్యాన్సర్ వంటి సమస్యలు ఉండవు.గుండె పనితీరు కూడా బాగుంటుంది.

#4. కరివేపాకు:

కరివేపాకు మనకి సులభంగా దొరుకుతుంది పైగా వంటల్లో ఎక్కువ వాడచ్చు. కరివేపాకుతో జీర్ణశక్తి మెరుగుపడుతుంది. శరీరంలో కొలెస్ట్రాల్ ని కూడా కరిగిస్తుంది.

ఉండాల్సిన దాని కంటే ఎక్కువ బరువు ఉండటం ఆరోగ్యానికి మంచిది కాదు. అయితే చాలా మంది బరువు తగ్గడానికి ఎన్నో రకాల ప్రయత్నాలు చేస్తుంటారు. అయినప్పటికీ బరువు తగ్గలేరు. అయితే మీరు బరువు తగ్గాలనుకుంటున్నారా…? ఎన్నో విధాలుగా ప్రయత్నం చేసినా ఫలించలేదా ..?

అయితే మీకోసం ఇక్కడ కొన్ని టిప్స్ ఉన్నాయి. వీటిని అనుసరిస్తే తప్పకుండా బరువు తగ్గొచ్చు. మరి ఎలా బరువు తగ్గాలి అనే దానిని ఇప్పుడు చూద్దాం. ఈ నూనెలుతో సులభంగా బరువు తగ్గడానికి అవుతుంది. అలానే కొవ్వు కూడా కరిగిపోతుంది.

#1. ద్రాక్ష పండ్ల నూనె:

కొవ్వును కరిగించడానికి ద్రాక్ష నూనె బాగా ఉపయోగపడుతుంది. పైగా దీని వల్ల చాలా ఆరోగ్య ప్రయోజనాలు కూడా పొందొచ్చు. జీవక్రియను పెంచడానికి ద్రాక్ష పండ్ల నూనె సహాయం చేస్తుంది. అలానే పొట్ట దగ్గర ఉండే కొవ్వును కూడా ఇది కరిగిస్తుంది. కొబ్బరి నూనెలో మీరు అర టీ స్పూన్ ద్రాక్ష పండు నూనెను మిక్స్ చేసి పొత్తికడుపు పై మసాజ్ చేసి అరగంట తర్వాత కడిగేస్తే అద్భుతమైన ప్రయోజనాలను పొందవచ్చు.

#2. నిమ్మ నూనె:

నిమ్మ నూనె కూడా బాగా ఉపయోగపడుతుంది. ఎక్స్ట్రా కొవ్వును కరిగించడంలో ఇది బాగా సహాయపడుతుంది. ఒక గ్లాసు నీళ్ళలో నిమ్మ నూనె వేసి దానిని తినడానికి ముందు తీసుకోవాలి. ఇలా చేయడం వల్ల ఎక్కువగా తినకుండా లిమిట్ గా తినడానికి అవుతుంది.

ఒకప్పుడు ముప్పయేళ్ల వయసు అంటే మిడి వయసు. అనుభవం, శక్తి అన్ని కలగలిసి చురుకుగా ఉండే వయసు. కానీ.. నేటి పరుగుల జీవితాల్లో ముప్పయేళ్ల వయసు అంటే ఎంతో ఒత్తిడితో కూడుకుని ఉంటోంది. ఒక పక్క ఉద్యోగ బాధ్యతలు మరో వైపు కుటుంబ బాధ్యతలతో సతమతం అయ్యే వయసు ఇది.

ఈ వయసులో కచ్చితంగా ఆరోగ్యాన్ని కాపాడుకోవాల్సిన అవసరం ఎంతైనా ఉంటుంది. మరి ఆరోగ్యం బాగుండాలంటే.. అది మనం తీసుకునే ఆహారంలోనే ఉంటుంది.

అందుకే ముప్పయ్యేళ్ల వయసు దాటిన వారు ఈ ఆహార పదార్ధాలను కచ్చితంగా తీసుకోండి. ఈ వయసులో మధుమేహం, బిపి, షుగర్ వంటి వాటికి గురయ్యే అవకాశం ఎక్కువగా ఉంటుంది. అందుకే వాటి బారిన పడకుండా ఉండాలంటే మీరు తీసుకోవాల్సిన ఆహార పదార్ధాలు ఏంటో తెలుసుకోండి.

మెంతులు:

మెంతులను డైరెక్ట్ గా తినలేము. అందుకే ఏదో ఒక రూపంలో వీటిని ఆహారంలో భాగంగా తీసుకోవాలి. తద్వారా పక్షపాతం, కాన్సర్, మధుమేహం వంటి వాటి బారిన పడకుండా ఉంటారు.

చియా సీడ్స్:

చియా సీడ్స్ లో ఎన్నో పోషక పదార్ధాలు ఉంటాయి. ముప్పై దాటిన వారందరు చియా సీడ్స్ ను తీసుకోవడం ద్వారా బరువుని అదుపులో ఉంచుకోగలుగుతారు. అలాగే.. జీర్ణ క్రియ సమస్యలని కూడా సమర్ధవంతంగా ఎదుర్కోగలుగుతారు.

అశ్వగంధ పొడి:

ముప్పై ఏళ్ళు దాటిన వారిలో పురుషులైనా.. స్త్రీలైనా లైంగిక సామర్ధ్యం తగ్గిపోతూ ఉంటుంది. అందుకే వేడి పాలల్లో ఒక అర టీ స్పూన్ అశ్వగంధ పొడిని కలుపుకుని తాగాలి. రోజు పడుకునే ముందు ఇలా తాగడం వలన మంచి ఫలితం ఉంటుంది.

ఫ్రూట్స్ :

సీజనల్ ఫ్రూట్స్ తో పాటు అవకాడో, ఖర్జురాలు, గుమ్మడి గింజలు, అత్తిపండ్లు వంటి వాటిని ఆహారంలో భాగం చేసుకోవాలి. తద్వారా లైంగిక శక్తి కూడా పెరుగుతుంది.

డ్రై ఫ్రూట్స్:

బాదాం , వాల్ నట్స్ ని కూడా డైట్ లో చేర్చుకోండి. వీటి ద్వారా గుండె జబ్బులు వచ్చే అవకాశం తగ్గుతుంది. ఇంకా సిట్రస్ ఫ్రూట్స్, అవిసె గింజలు, ఆకుకూరలు, వెల్లుల్లి వంటి వాటిని కూడా ఆహరంలో చేర్చుకోండి.

చాలా మంది ఎదుర్కొనే సమస్యల్లో అధిక బరువు ఒకటి. అధిక బరువు తో ఎంతో మంది సతమతం అవుతూ ఉంటారు. అయితే శరీరంలో పేరుకుపోయిన అదనపు కొవ్వును కరిగించాలంటే ఈ పద్ధతి ఉపయోగపడుతుంది. బరువు తగ్గడానికి చాలా రకాల ప్రయత్నాలు చేసి అలసిపోయారా..?, బరువు తగ్గాలని, కొవ్వును కరిగించుకోవాలి అని అనుకుంటున్నారా…? అయితే మీకోసం ఈ ఆరోగ్యకరమైన పద్దతి.

దీనిని కనుక మీరు ఫాలో అయితే కచ్చితంగా ఎంతటి కొవ్వునైనా కరిగించుకోవచ్చు. ఉల్లిపాయ కొవ్వును కరిగించడానికి బాగా ఉపయోగపడుతుంది. ఇందులో ఫైబర్ సమృద్ధిగా ఉంటుంది. శరీరంలో పేరుకుపోయిన కొవ్వును త్వరగా కరిగించడానికి ఉల్లిపాయని ఉపయోగించొచ్చు.

దీనికోసం మీరు ఉల్లిపాయ నుండి రసం తీసుకుని రెండు స్పూన్ల ఉల్లిపాయ రసం లో ఒక స్పూన్ నిమ్మరసం, ఒక స్పూన్ తేనెని గోరు వెచ్చని నీటిలో వేసి ఉదయాన్నే తీసుకోవాలి. వారానికి మూడు సార్లు ఈ విధంగా ఫాలో అయితే శరీరంలో అదనంగా పేరుకుపోయిన కొవ్వును కరిగించుకోవచ్చు. అలానే ఈ మిశ్రమాన్ని పరగడుపున తీసుకుంటే గ్యాస్ సమస్య ఉండదు. అలానే దీనిని తీసుకోవడం వలన బరువు కూడా తగ్గవచ్చు. చెడు కొలెస్ట్రాల్ సమస్య కూడా ఉండదు.

పెళ్లి తర్వాత చాలా మంది మహిళలు బరువు పెరిగిపోతారు. పెళ్లికి ముందు ఎంత సన్నగా ఉన్నా సరే పెళ్లి తర్వాత మహిళల బరువులో మార్పు వస్తుంది. అయితే ఎప్పుడైనా ఆలోచించారా..? ఎందుకు మహిళలు పెళ్లి తర్వాత లావుగా తయారవుతారు అనేది.. కానీ సరైన జవాబు మీకు దొరకలేదా…? అయితే ఇక్కడ సరైన సమాధానం మీరు ఇక్కడ తెలుసుకోచ్చు. మరి ఇక దీని కోసం ఓ లుక్ వేసేయండి. పెళ్లి తర్వాత సన్నగా ఉన్నవారు కూడా బొద్దుగా మారుతారు. అలాగే లావుగా ఉన్నవారు కూడా మరింత ఒళ్ళు చేస్తారు. దీనికి గల కారణాలు ఇవే..

పెళ్లికి ముందు కష్టపడి పనిచేసే వాళ్లు కూడా పెళ్లి తర్వాత ఆ పనులు చేయడానికి గ్యాప్ వస్తుంది. దీని కారణంగా బరువు పెరుగుతారు.
అదేవిధంగా పెళ్ళికి ముందు చదువు, ఉద్యోగం మొదలైన టెన్షన్స్ ఉంటాయి. కానీ పెళ్లి తర్వాత పనితో పాటు తిండి తినడం కూడా ఎక్కువ అవుతుంది.

పెళ్లి తర్వాత బద్ధకం ఎక్కువగా మహిళల్లో పెరుగుతుంది. దీని కారణంగా కూడా లావుగా మారిపోతారు.
అలానే పెళ్లి తర్వాత మహిళలు ఆహారం విషయంలో మరింత జాగ్రత్త పడతారు. ఏదైనా ఆహారం మిగిలిపోతుందేమో అని వృధా చేయకూడదు అనే ఆలోచనతో తినడం మొదలు పెడతారు. ఇది కూడా బరువు పెరగడానికి దారి తీస్తుంది.

పెళ్లికి ముందు చాలా మంది రెగ్యులర్ గా జిమ్ కి వెళ్తారు. పెళ్లి తర్వాత బ్రేక్ వస్తుంది. వ్యాయామం చేయరు. దీని కారణంగా బరువు పెరుగుతారు.
సైంటిస్ట్స్ చేసిన సర్వే ప్రకారం ఒక విషయం తేలింది. అదేంటంటే ప్రపంచంలో ఏ జంట పెళ్లి చేసుకున్నా.. పెళ్లి తర్వాత కొన్ని రోజులకు కచ్చితంగా రెండు కిలోల బరువు పెరుగుతారు. ఇలా ఈ కారణాల వలన పెళ్లి తర్వాత మహిళలు లావు అవుతారు.

మనకు తెలియని చాలా రకాల అనారోగ్య సమస్యలు ఉంటాయి. అయితే ఈ అనారోగ్య సమస్య కనుక మీకు ఉందంటే కచ్చితంగా ఇబ్బంది పడాల్సిందే. ఈ జబ్బు ఉన్న వాళ్ళు పొరపాటున వాళ్ల వాహనాన్ని నడిపేటప్పుడు పోలీస్ చెకింగ్ జరిగిందంటే అది నిజంగా వాళ్లకి తలనొప్పే. ఎందుకంటే బ్రెత్ ఎనలైజర్ టెస్ట్ చేశారంటే మద్యం తాగితే ఎలాంటి ఫలితం వస్తుందో అదే ఫలితం డ్రంకెన్ నెస్ డిసీజ్ ఉంటే వస్తుంది.

అయితే ఈ జబ్బు ఏంటి..? ఈ జబ్బు వల్ల ఏమౌతుంది అనే విషయాలను ఇప్పుడు మనం చూద్దాం. ఈ జబ్బు ఉన్న వాళ్ళలో కార్బోహైడ్రేట్స్ తీసుకుంటే అది ఆల్కహాల్ గా మారిపోతుంది. ఈ సమస్యనే బీర్ గట్ లేదా గట్ ఫెర్మెంటేషన్ సిండ్రోమ్ లేదా ఆటో బ్రూవరీ సిండ్రోమ్ అని అంటారు.

ఈ సమస్య ఉంటే తాగకపోయినా సరే మత్తు వచ్చేస్తుంది. అలా వచ్చే మత్తు వల్ల ప్రమాదాలు కూడా జరిగే అవకాశం ఉంటుంది. మద్యం తాగినప్పుడు సాధారణంగా కలిగే లక్షణాలైన నోరు ఎండిపోవడం, ఇరిటబుల్ బవెల్ సిండ్రోమ్ ఇలాంటివి ఈ వ్యాధి ఉన్న వాళ్ళల్లో వస్తాయి.

డిప్రెషన్ కూడా వచ్చే అవకాశం ఉంటుంది. అయితే ఈ జబ్బు రావడానికి ముఖ్యమైన కారణం ఏమిటంటే..? జీర్ణకోశంలో ఉండే శాకారోమైసిస్ సెరివిసీ అనే ఒక రకమైన సూక్ష్మజీవి. ఎలా తగ్గించాచ్చంటే.. పిండి పదార్థాలకు దూరంగా ఉంచడం. అలానే డైట్ థెరపీ వంటి వాటి ద్వారా ఈ సమస్య నుండి బయటపడవచ్చు. యాంటీ ఫంగల్, యాంటీ బ్యాక్టీరియల్ మెడిసిన్స్ వలన కూడా బయట పడటం అవుతుంది అని వైద్యులు అంటున్నారు.

దోశ అంటే ఇష్టపడని వారు చాలా అరుదుగా ఉంటారు. దోశలో ఎన్నో రకాలు ఉంటాయి. అయితే దోశ ఏదైనా సరే ఇనుప పెనం పై వేసేటప్పుడు మాత్రం కొంచెం ఇబ్బందిగా ఉంటుంది. దోశ పిండి పెనంకి అంటుకోవడం, దానివల్ల దోశ సరిగా రాకపోవడం లాంటివి జరుగుతూ ఉంటాయి. ఇది ఎప్పుడో ఒక సారి, రెండు సార్లు అయితే బానే ఉంటుంది కానీ తరచుగా ఈ సమస్య వస్తూ ఉంటే ఒక్కొక్కసారి చిరాకుగా ఉంటుంది.

అందుకే దాదాపు అందరూ ఇనుప పెనం నుండి నాన్ స్టిక్ పెనంకి షిప్ట్ అయ్యారు. దీనిపై పిండి అంటుకోవడం లాంటి సమస్య ఉండదు. దాంతో దోశలు సులభంగా వేయొచ్చు. కానీ నాన్ స్టిక్ ప్యాన్ వాడడం వల్ల సమస్యలు కూడా తలెత్తే అవకాశం ఉంటుంది అని ఆరోగ్య నిపుణులు అంటున్నారు.

అది ఎలాగంటే’ నాన్ స్టిక్ ప్యాన్ పై పిండి వేసిన తర్వాత అంటుకోకుండా దోశ రావడానికి ముఖ్య కారణం ఆ ఆ పెనం మీద ఉండే కోటింగ్. ఆ కోటింగ్ టెఫ్లాన్ తో వేస్తారు. టెఫ్లాన్ అనేది ఒక రసాయన పదార్థం. ఇలా కెమికల్స్ తో తయారైన నాన్ స్టిక్ ప్యాన్ వాడడం వల్ల కిడ్నీ సమస్యలు, కాలేయ సంబంధిత సమస్యలు వస్తాయి.

ప్యాన్ వేడి చేయడం వల్ల టెఫ్లాన్ కరిగి ఆహారంలో కలుస్తుంది. దాని వల్ల కెమికల్ అనేది మనిషి శరీరంలోకి వెళ్తుంది. అదే ఇనుప పెనం మీద అయితే ఎటువంటి కెమికల్స్ ఉండవు. కాబట్టి ఇనుప పెనం మీద చేసిన ఆహారం తీసుకుంటే ఆరోగ్యానికి మంచిది.

కరోనా వైరస్ వల్ల ప్రపంచం మొత్తం అల్లకల్లోలమైంది. అయితే వైరస్ ని తరిమేయడానికి చాలా కష్టపడి కరోనా వ్యాక్సిన్ కనుగొన్నారు. దీనిపై సమాజంలో ఎన్నో అపోహలు తలెత్తాయి. వ్యాక్సినేషన్ ప్రక్రియను ఆపడానికి ప్రయత్నించే వారు మరియు తెలిసీ తెలియక ఒక వార్తను అందరికీ తెలిసేలా చేశారు. దానివల్ల మహిళలందరూ తప్పుగా ఆలోచించారు.

కరోనాకు సంబంధించి వ్యాక్సిన్ ను తీసుకోవడం వల్ల భవిష్యత్తులో ప్రెగ్నెంట్ అవ్వడానికి లేక మిస్ క్యారేజ్ అవ్వడానికి అవకాశాలు ఎక్కువగా ఉంటాయని భావించారు.

దానివల్ల చాలా మంది మహిళలు వ్యాక్సిన్లు వేసుకోడానికి ముందుకు రాలేదు. అయితే నిజానికి దీనికి సంబంధించిన సరైన ఆధారాలు లేవు. అసలు ఈ సంఘటనకు సంబంధించి అపోహ ఎలా వచ్చింది..? వ్యాక్సిన్ ను కనుగొన్న కొత్తల్లో విదేశాల్లో ట్రయల్స్ నిర్వహించారు. ఆ సమయంలో కొంతమంది ఈ సమాచారాన్ని ఎంతో సీరియస్ గా తీసుకున్నారు.

అదేంటంటే ప్లసెంటలో ఉండే ప్రోటీన్స్ కు మరియు వైరస్ లో ఉండే ప్రోటీన్స్ ఒకే విధంగా ఉంటాయి. దానివల్ల వైరస్ లో ఉండే యాంటీ బాడీస్ ఈ రెండిటిలో ఉండేటువంటి ప్రోటీన్స్ ను బ్లాక్ చేస్తాయని అనుకున్నారు. అయితే వైరస్ లో ఉండే ప్రోటీన్స్ మరియు ప్లసెంటలో ప్రోటీన్స్ ఒకటికావని కొన్ని ఆధారాలు చెబుతున్నాయి.

దీనికి సంబంధించి పరిశోధనలు చేసి అది తప్పుడు సమాచారం అని తెలియజేయడం కూడా జరిగింది. ఈ విధంగా క్లారిటీ ఇచ్చిన తర్వాత గర్భిణులు కూడా వ్యాక్సిన్ వేయించుకోవడానికి ముందుకొచ్చారు. వ్యాక్సిన్ తీసుకున్నా లేక తీసుకోకపోయినా ఫెర్టిలిటీకు సంబంధించి మహిళల్లో ఎటువంటి తేడా రాలేదు.

అంతేకాదు మగవారిలో కూడా ఎటువంటి సమస్యలు రావు. ఎలా అయితే చిన్నవయసులో కొన్ని వ్యాధులకు సంబంధించి వ్యాక్సినేషన్ ఇస్తారో అదేవిధంగా మన శరీరం రెస్పాండ్ అవుతుంది. అంతేగాని వ్యాక్సినేషన్ కు మరియు ఇన్ఫెర్టిలిటీకు ఎటువంటి సంబంధం లేదు.