Health Adda

మనం ప్రేమని చూపించడానికి ఒక ముద్దు చాలు. నిజంగా మనకి ఇతరులపై ఉండే ఇష్టాన్ని, ఆప్యాయతని ఒక ముద్దు పెట్టి చూపించొచ్చు. కేవలం మనుషులకే కాదు జంతువులుకి కూడా వాటి యొక్క ప్రేమని ఇలా తెలియజేస్తాయి అయితే మనుషులకి ఉండే అలవాటు బట్టి వాళ్ళ యొక్క ప్రేమని ముద్దుతో చూపుతాయి.

కొందరు కౌగలించుకొని వాళ్ళ యొక్క ప్రేమను వ్యక్తపరిస్తే మరికొందరు ముద్దుపెట్టుకొని ప్రేమని చూపుతాయి. అలాగే ముద్దు అంటే మనకి ఫ్రెంచ్ కిస్, ఇంగ్లీష్ కిస్ ఇలాంటివి ఎన్నో గుర్తొస్తూ ఉంటాయి. ఇక్కడ అయితే మనం దానిని శృంగార ప్రక్రియలోనే తీసుకుంటాము కానీ విదేశాల్లో ఇది చాలా సాధారణం.

ముద్దు పెట్టుకోవడం వల్ల ఆరోగ్యానికి కూడా చాలా మేలు కలుగుతుంది. అదేంటి ముద్దు పెట్టుకోవడం వల్ల ఆరోగ్యానికి ప్రయోజనమా అని ఆలోచిస్తున్నారా…? అవునండీ ముద్దు పెట్టుకోవడం వల్ల కొన్ని హెల్త్ బెనిఫిట్స్ ని మనం పొందొచ్చు. మరి వాటి కోసం తెలుసుకుందాం.

ముద్దు పెట్టుకోవడం వల్ల ఒత్తిడి, డిప్రెషన్ వంటివి దూరం అయిపోతాయి. భార్య భర్త ఇద్దరు ముద్దు పెట్టుకునేప్పుడు మంచి అనుబంధం ఏర్పడుతుంది. అలానే ఎక్కువ సంతోషంగా ఉండడానికి కూడా అవుతుంది.
అదే విధంగా ముద్దు పెట్టుకునేటప్పుడు అడ్రినలిన్ అనే ఒక రసాయనం విడుదలవుతుంది. ఇది నొప్పులు తగ్గడానికి హెల్ప్ చేస్తుంది.

ముద్దు పెట్టుకునేటప్పుడు సలైవా ఎక్కువగా ఉత్పత్తి అవుతుంది. అది దంతాలను సురక్షితంగా ఉంచుతుంది. దంతక్షయం కూడా దూరం అవుతుంది.
ముద్దు పెట్టుకునేటప్పుడు సెరటోనిన్, డోపమైన్, ఆక్సిటోసిన్ వంటి రసాయనాలు కూడా విడుదలవుతాయి. ఇది మనిషికి ఎంతో రిలాక్స్ గా ఉంచుతుంది.

మానసిక ఆరోగ్యాన్ని కూడా ఇది మెరుగుపరుస్తుంది. తల నొప్పి కూడా తగ్గుతుంది. ఆత్మ విశ్వాసాన్ని పెంచడానికి కూడా హెల్ప్ చేస్తుంది.
ముద్దు పెట్టుకునే ప్రక్రియలో మెడ, దవడ కండరాలకు వ్యాయామం జరుగుతుంది దీనితో వాటికి మంచి ఆకారం వస్తుంది.
ముద్దు పెట్టుకుంటే నిమిషానికి రెండు నుండి మూడు క్యాలరీలు ఖర్చు అవుతాయి దీనివల్ల మెటబాలిజమ్ రేటు పెరుగుతుంది. అదేవిధంగా బరువు తగ్గే అవకాశం కూడా ఉంటుంది. రక్తపోటును కూడా నియంత్రించవచ్చు.

నిద్రపోయేటప్పుడు ఎడమవైపు తిరిగి నిద్రపోతే చాలా మంచిదని ఆరోగ్య నిపుణులు అంటున్నారు. ఆరోగ్యంగా ఉండాలంటే నిద్ర చాలా అవసరం. నిద్ర వల్ల శరీరానికి ఎప్పుడు కూడా కొత్త శక్తి వస్తుంది. పునరుత్తేజం పొందడానికి నిద్ర ఉపయోగపడుతుంది. మానసిక ఉల్లాసం కూడా మనకి కలుగుతుంది. అయితే ఒక్కొక్కరు ఒక్కో విధంగా నిద్రపోతారు.

కొందరు ఎడమవైపుకి తిరిగి నిద్రపోతే మరి కొందరు కుడివైపుకి, కొందరు బోర్లా పడుకోవడం అలవాటు. అయితే ఎడమ వైపు తిరిగి నిద్రపోతే చాలా మంచిది. అయితే ఎలాంటి ప్రయోజనాలు పొందవచ్చు అనేది చూస్తే… ఎడమ వైపుకి తిరిగి నిద్రపోవడం వల్ల ఆరోగ్యానికి చాలా మేలు కలుగుతుంది. కుడి వైపుకి తిరిగి నిద్రపోతే నెగెటివ్ ప్రభావం మన మీద పడుతుంది. ఎడమ వైపు తిరిగి నిద్రపోతే గుండె పై భాగంలో ఉండే లింఫ్ నోడ్ల వ్యవస్థ శరీరంలోని విష పదార్థాలను బయటకు పంపడానికి అవుతుంది.

దీంతో లింఫ్ నోడ్ల వ్యవస్థ దాని పని అది చూసుకుంటుంది. అదే విధంగా ఎడమ వైపుకి తిరిగి నిద్రపోవడం వల్ల శరీరంలో వ్యర్థ పదార్థాలు కూడా బయటకు వెళ్తాయి. ఎడమ తిరిగి నిద్రపోవడం వల్ల శరీరంలో ఉండే లింఫ్ వ్యవస్థలో ప్లీహం ఎంతో సమర్థవంతంగా పనిచేస్తుంది. కనుక ఎడమ వైపుకి తిరిగి నిద్రపోవడం మంచిది. అలా అలవాటు లేకపోతే అలవాటు చేసుకోవడం మంచిది.

ధూమపానం ఆరోగ్యానికి హానికరం అన్న విషయం అందరికీ తెలిసిందే. అయినప్పటికీ చాలా మంది ధూమపానానికి బాగా అలవాటు పడి.. ఆ అలవాటును మానుకోలేకపోతుంటారు. అయితే నిజం చెప్పాలంటే ధూమపానం ఒకసారి అలవాటు అయిందంటే దాని నుండి బయట పడటం చాలా కష్టం. ఒకవేళ కనుక స్మోకింగ్ అలవాటు వుంది.. ఆ అలవాటు కనుక మానేస్తే శరీరంలో కొన్ని మార్పులు చోటు చేసుకోవడం జరుగుతుంది.

సిగరెట్ లో నికోటిన్ ఉంటుంది. అలాగే ఇతర హానికరమైన పదార్థాలు కూడా ఉంటాయి. సిగరెట్ అలవాటు వుంది.. దానిని మానేస్తే శరీరంలో కార్బన్ మోనాక్సైడ్, నికోటిన్ తగ్గే అవకాశం ఉంటుంది. అలానే సిగరెట్ తాగడం మానేసిన పన్నెండు గంటలకి కార్బన్ మోనాక్సైడ్ స్థాయి నార్మల్ లెవెల్ కి చేరుకుంటుంది.

ఎక్కువగా సిగరెట్లు తాగే వాళ్ళకి గుండెపోటు వచ్చే అవకాశం ఎక్కువగా ఉంటుంది. సిగరెట్ కనుక మానేస్తే మానేసిన రెండు రోజులకి బాగా అలసటగా అనిపించడం, తల తిరగడం, విశ్రాంతి లేకపోవడం లాంటి అనారోగ్య సమస్యలు వస్తాయి. అదే విధంగా సిగరెట్ మానేసిన వాళ్ళల్లో తీవ్రమైన తలనొప్పి కూడా ఎక్కువగా వచ్చే అవకాశం ఉంది.

కానీ తిరిగి సాధారణ స్థితికి మళ్ళీ వచ్చేచ్చు. సిగరెట్ మానేసిన కొన్ని నెలలకి ఊపిరితిత్తులు బలంగా మారతాయి. అలానే రక్తప్రసరణ మెరుగుపడుతుంది. సిగరెట్ మానేసిన వాళ్లు వ్యాయామం చేస్తే ఆరోగ్యానికి మంచిది. అలానే గుండె జబ్బులు మొదలైన అనారోగ్య సమస్యలు తగ్గుతాయి. సిగరెట్ మానేసిన వాళ్ళు చూయింగ్ గుమ్ ని తింటే సిగరెట్లని తాగాలని కోరిక తగ్గుతుంది.

సాధారణంగా మనం గమనించినట్లైతే కొందరికి కాలి బొటన వేలు దగ్గర వెంట్రుకలు ఉంటాయి. మీకు కూడా కాలి బొటనవేలుకి వెంట్రుకలు ఉన్నాయా…? ఒకసారి చెక్ చేసుకోండి. ఎందుకంటే దీనికి గుండె ఆరోగ్యానికి సంబంధం ఉంది. అదేంటి ఈ రెండిటికి మధ్య సంబంధం ఏమిటా అని ఆలోచిస్తున్నారా…? అయితే తప్పకుండా మీరు దీని కోసం తెలుసుకోవాలి.

మామూలుగా వెంట్రుకలు పెరగాలంటే తగిన పోషక పదార్ధాలు అందాలి. వెంట్రుకలు అనేవి చర్మం లోపల మొదలవుతాయి. ఇవి ఎదగడానికి రక్తం సహాయం అవసరం. మనం తీసుకునే ఆహారంలోని పోషకాలు రక్తంలో కలిసి వెంట్రుకల కుదుళ్ళకు చేరుతాయి. దీంతో వెంట్రుకలు ఏర్పడటం జరుగుతుంది. కణాలు నిర్మాణం అయ్యే కొద్దీ వెంట్రుకలు పెరుగుతూ వస్తాయి.

కాలి బొటనవేలుకి గుండెకి సంబంధం ఏమిటో తెలుసా…?

శరీరంలో మనకి వెంట్రుకలు మొలవడానికి తప్పకుండా ఆ ప్రదేశంలో రక్తం సరఫరా అవ్వాలి. కొందరికైతే కాలి బొటనవేలు పైన వెంట్రుకలు బాగా పెరుగుతాయి. కానీ మరి కొందరికి అసలు పెరగవు. కారణం ఏమిటంటే ఆ ప్రదేశంలో రక్తం సరఫరా అవ్వదు. రక్తం సరఫరా అవ్వక పోవడానికి కారణం రక్తాన్ని సరఫరా చేసే నాళాలైన ధమనుల్లో ఆటంకం ఏర్పడటం.. ఆహారం తినేటప్పుడు శరీరంలో ఎంతో కొంత కొవ్వు పేరుకుపోతుంది.

ఇలా పేరుకుపోయే కొవ్వు ముందుగా ధమనుల్లో చేరుతుంది. కొవ్వు ఎక్కువ పేరుకుపోతే రక్తం సరఫరా అవ్వదు. దీంతో వెంట్రుకలు పెరగడం జరగదు. మరి కొందరికి మనం గమనించినట్లైతే తల మరియు చేతుల పైన కూడా వెంట్రుకలు ఉండవు. వాళ్లకి గుండె జబ్బులు రావా అనేది చూస్తే తల భాగం, చేతులు గుండెకు దగ్గరగా ఉంటాయి. అయితే గుండెకి కాలి బొటనవేలు మాత్రం చాలా దూరంగా ఉంటుంది. అందుకే మనం దానిని లెక్కలోకి తీసుకోవాలి. కాలి బొటనవేలు పై వెంట్రుకలు బాగా పెరిగితే రక్తం సరఫరా బాగా ఉన్నట్లు. అంటే ఆరోగ్యంగా ఉన్నట్టే. దీంతో గుండెజబ్బులు వచ్చే అవకాశం తక్కువగా ఉంటుంది.

ఒక మనిషికి డబ్బు, ఉద్యోగం వీటన్నిటితోపాటు ముఖ్యమైనది ఆరోగ్యం అని అంటారు. ఒక రకంగా చెప్పాలంటే, అన్నింటికన్నా కూడా ఆరోగ్యం చాలా ముఖ్యమైనది అని అంటారు. ఎందుకంటే మనిషి ఆరోగ్యంగా ఉంటేనే వారు ఎక్కువగా పని చేసి, వారికి కావలసినది సాధించగలుగుతారు. గత కొన్ని సంవత్సరాల నుండి ఫిట్‌నెస్ మీద కూడా జనాలు చాలా ఎక్కువగా ఆసక్తి చూపుతున్నారు. ఇందులో చాలా రకాలు ఉంటాయి. కొంతమంది జిమ్ కి వెళ్లి ఎక్సర్సైజ్ చేస్తే, మరికొంతమంది వాకింగ్, జాగింగ్ వంటివి చేస్తారు. ఇంకొంతమంది సైక్లింగ్ లాంటివి చేస్తారు.

ఇవన్నీ కాకుండా, ఎంతో మంది యోగా చేయడంపై ఆసక్తి ఎక్కువగా చూపుతారు. ఇవన్నీ చేయడం వల్ల శారీరకంగా ఫిట్ గా ఉండడం మాత్రమే కాకుండా మానసికంగా కూడా చాలా బలంగా తయారవుతారు. ఎక్సర్సైజ్ చేసే వాళ్ళు ఆహార విషయంలో కూడా ఎన్నో జాగ్రత్తలు పాటిస్తారు. కేవలం వారి శరీరానికి సరిపడే ఆహారాన్ని మాత్రమే అది కూడా మితంగా తీసుకుంటారు. అయితే ఇన్ని పాటిస్తున్నా సరే ఒకసారి జిమ్ చేస్తున్నప్పుడు గుండెపోటు రావడం, పడిపోవటం వంటివి మనం తరచుగా చూస్తూ ఉన్నాం.

అయితే, ఇలా ఎందుకు అవుతుంది అనే విషయంపై ట్రైనర్లు మాట్లాడుతూ ఈ విధంగా చెప్పారు. ఎక్కువగా ఎక్సర్సైజ్ చేయడం వల్ల కూడా ఇలాంటి సమస్యలు వస్తాయి అని, రిజల్ట్ వెంటనే వచ్చేయాలి అని అనుకోకూడదు అని, ఫలితం రావడానికి ఎక్కువ సమయం పడుతుంది అని, అంతవరకు వేచి ఉండాలి అని చెప్పారు. అలాగే 30 రోజులు లేదా 60 రోజుల్లో బరువు తగ్గడం వంటి వాటిని నమ్మకూడదని, వాటి వల్ల బరువు తగ్గడం పక్కన పెడితే, ఆరోగ్య సమస్యలు ఇంకా పెరుగుతాయి అని చెప్పారు. ఎక్సర్సైజ్ చేసేటప్పుడు ఎలాంటి జాగ్రత్తలు పాటించాలి అనే విషయంపై ఇంకా వివరంగా తెలుసుకోవాలి అనుకుంటే ఈ వీడియో చూడండి.

watch video :

ఆరోగ్య సమస్యల్లో ప్రధానంగా అన్ని వయసుల వారిని బాధించే ఇబ్బంది, గుండెకు సంబంధించిన సమస్యలు. వారి జీవనశైలి కానీ, ఆహారపు అలవాట్లు కానీ ఒక మనిషి గుండెపై ఎంతో ప్రభావం చూపుతాయి. అలా చాలా మంది హార్ట్ ఎటాక్ వంటి సమస్యలను ఎదుర్కొంటున్నారు. సాధారణంగా హార్ట్ ఎటాక్ అన్నా, కార్డియాక్ అరెస్ట్ అన్నా ఒకటే అని మనం అనుకుంటాం. కానీ రెండిటికీ తేడా ఉంది. అది ఏంటో ఇప్పుడు చూద్దాం.

హార్ట్ ఎటాక్ అంటే ఛాతిలో మంట లాగా వస్తుంది. చెమటలు పడతాయి. ఊపిరి ఆడకుండా ఇబ్బందికరంగా అనిపిస్తూ ఉంటుంది. దగ్గు కూడా ఎక్కువగా వస్తూ ఉంటుంది. హార్ట్ ఒక కండరం (మజిల్). అన్ని కండరాలలాగానే గుండెకి కూడా ఆక్సిజన్ అధికంగా ఉండే రక్తం సరఫరా అవ్వడం అనేది ముఖ్యం. ఈ రక్తాన్ని కొరోనరీ ఆర్టరీస్ అందిస్తాయి. గుండెపోటు అనేది రక్తం గడ్డ కట్టడం వల్ల వస్తుంది. దానివల్ల రక్త సరఫరా అనేది ఆగిపోతుంది.

ఒకవేళ ఈ గడ్డకట్టిన రక్తాన్ని త్వరగా తొలగించకపోతే గుండె కండరాలు పనిచేయడం ఆగిపోతాయి. కార్డియాక్ అరెస్ట్ ఇందుకు కొంచెం భిన్నంగా ఉంటుంది. కార్డియాక్ అరెస్ట్‌లో గుండె కొట్టుకోవడం ఆగిపోతుంది. గుండె కొట్టుకుంటున్నప్పుడు రిథమ్ లో అంతరాయం వచ్చినప్పుడు కార్డియాక్ అరెస్ట్ అవుతుంది. కానీ హార్ట్ ఎటాక్ లో మాత్రం ఒకవేళ రక్త సరఫరాలో సమస్యలు జరిగినా కూడా గుండె కొట్టుకుంటుంది.

కార్డియాక్ అరెస్ట్ అయితే గుండె జబ్బులు రావాల్సిన అవసరం ఏమీ లేదు. కానీ కార్డియాక్ అరెస్ట్ జరిగే దాదాపు ఒక నెల ముందు నుంచి ఆ వ్యక్తికి లక్షణాలు అనేవి తెలుస్తూ ఉంటాయి. కార్డియాక్ అరెస్ట్ అయినప్పుడు, కళ్లు తిరిగి పడిపోవడం, స్పందించకపోవడం, ఊపిరి ఆడడం, పల్స్ ఆగిపోవడం జరుగుతుంటాయి. కార్డియాక్ అరెస్ట్ వచ్చే ముందు ఛాతిలో నొప్పి, ఊపిరి సరిగ్గా అందకపోవడం, బలహీనంగా అనిపించడం, కళ్ళు తిరుగుతూ ఉండటం, దడగా ఉండడం, అలాగే వికారంగా అనిపించడం, వంటివి అవుతూ ఉంటాయి.

sourced from: News Medical Life Sciences

మనం హెల్ది గా మన రోజుని ప్రారంభించాలంటే.. ఆరోగ్యకరమైన ఆహరం తప్పనిసరి. అయితే.. ఉదయం నిద్ర లేవడం ఏ మాత్రం ఆలస్యమైనా చాలా మంది బ్రేక్ ఫాస్ట్ ను స్కిప్ చేయడమో.. లేక అందుబాటులో ఉన్న ప్యాకెడ్ ఫుడ్ తినేయడమో చేస్తుంటారు. ఇది అస్సలు మంచిది కాదు. జంక్ ఫుడ్ శరీరానికి మంచిది కాదు సరే.. మనం ఏ ఆహారాన్ని జంక్ ఫుడ్ గా భావిస్తున్నామో కూడా తెలుసుకోవడం అవసరమే.

కొన్ని ఫుడ్స్ ని మనం జంక్ ఫుడ్ గా భావిస్తూ ఉంటాం. కానీ వాస్తవానికి అవి ఆరోగ్యానికి మంచివే. అవేంటో ఇప్పుడు చూద్దాం.

#1. పాప్ కార్న్:

ఇది ప్యాక్ చేసి అమ్ముతూ ఉంటారు. అందుకే చాలా మంది దీనిని జంక్ ఫుడ్ అని భావిస్తూ ఉంటారు. వాస్తవానికి పాప్ కార్న్ ఎంతో ఆరోగ్యకరమైన ఫుడ్. ఇది శరీరానికి ఫైబర్ అందించి జీర్ణ వ్యవస్థ మెరుగ్గా పనిచేసేలా చేస్తుంది.

#2. డార్క్ చాక్లెట్:

చాలా మంది చాక్లేట్ లు తింటే లావు అవుతారు అని అంటుండడం వలన ఇది కూడా జంక్ ఫుడ్ అన్న ఫీలింగ్ కి వచ్చేసాం. కానీ డార్క్ చాక్లెట్ లో కోకోవా ఎక్కువ గా ఉంటుంది. అంతే కాదు ఈ చాకోలెట్స్ లో ఉండే యాంటీ ఆక్సిడెంట్లు రోగ నిరోధక శక్తిని పెంచుతాయి. ఇవి గుండె పనితీరుని కూడా మెరుగుపరుస్తాయి.

#3. మద్యం:

మద్యపానం అనారోగ్యాన్ని కలుగ చేస్తుంది. ఐతే.. మితి మీరకుండా స్వల్ప మొత్తం లో మద్యపానం సేవించడం అనేది ఆరోగ్యానికి మంచిదే. మద్యం లో రెడ్ వైన్ చాలా మంచిది. మితం గా.. అవసరమైనంత మేర రెడ్ వైన్ ను తీసుకోవడం వలన శరీరం లో రోగ నిరోధక శక్తీ పెరుగుతుంది. ఇందులో ఉండే యాంటీ ఆక్సిడెంట్లు గుండెను పదిలం గా ఉంచుతాయి.

#4. పీనట్ బట్టర్:

ఇది పాకెట్స్ లో లభించడం వలన జంక్ ఫుడ్ అనుకుంటుంటాము. ఇది కూడా ఆరోగ్యానికి మేలు చేస్తుంది. వేరుశనగ పప్పు నుండి దీనిని తయారు చేస్తారు. దీనివలన శరీరానికి ఫైబర్ లభిస్తుంది. ఇందులో లభించే పోషకాలు శరీరానికి మేలు చేయడమే కాక బరువు తగ్గడం లో కూడా సహాయపడతాయి.

నిలబడే నీటిని తాగుతున్నారా..? దీనివల్ల ఈ 5 సమస్యలు వస్తాయని తెలిస్తే..ఇంకెప్పుడూ ఇలా చేయరు..!
మనం రోజులో కనీసం మూడు నుంచి నాలుగు లీటర్ల నీటిని తీసుకోవాల్సి ఉంటుంది. ఎందుకంటే..మన శరీరంలో అన్ని జీవక్రియలు సక్రమంగా జరగాలి అంటే నీరు అవసరం ఎక్కువ ఉంటుంది. అందుకే సరిపడినంత నీటిని తీసుకోవాలి. అయితే.. నీటిని ఎలా తాగుతున్నాం..? అన్న సంగతి కూడా ముఖ్యమేనట. చాలా మంది నీటిని నిలబడే తాగుతూ ఉంటారు. ఇది అస్సలు మంచిది కాదట. దీనివల్ల ఈ కింది సమస్యలు వస్తాయట. అవేంటో చూడండి..

#1. కిడ్నీ సమస్యలు: కూర్చున్నప్పుడు మన కిడ్నీలు బాగా పని చేస్తాయని, బాగా ఫిల్టర్ చేస్తాయని ఇప్పటికే పలు పరిశోధనల్లో తేలింది. నిలబడే నీటిని తాగుతున్నప్పుడు.. నీరు డైరెక్ట్ గా కింద పొట్టకి చేరిపోతుంది. ఈ నీరు ఫిల్టర్ అవ్వదు. ఫలితంగా మూత్రాశయంలోకి నీటి మలినాలు చేరుతాయి. మూత్రనాళ రుగ్మతకు ఇది కారణం అవుతుంది.

#2. ఊపిరితిత్తుల సమస్యలు: నిలబడే నీటిని తాగడం వలన మన కాలేయం, జీర్ణవ్యవస్థకు అవసరం అయ్యే పోషకాలు అందవు. అవి నేరుగా దిగువ పొట్టకు వెళ్లిపోవడం వలన కాలేయానికి అవసరమైన పోషకాలు అందవు. అంతేకాదు,నీరు నిలబడి తాగడం వలన నీరు వేగంగా పొట్టను చేరుతుంది. ఫలితంగా ఉపిరితిత్త్తులకు తగినంత ఆక్సిజెన్ అందదు.

#3. ఆర్థరైటిస్: నిలబడినప్పుడు నరాలు ఉద్రిక్తత స్థితిలో ఉంటాయి. ఆ సమయంలో నీటిని తాగితే ద్రవాల సమతుల్యత దెబ్బతింటుంది. దీనివల్ల టాక్సిన్స్ పెరిగే అవకాశం ఉంటుంది.

#4. అజీర్ణం: నిలబడి నీటిని తాగడం వలన ఆ ఎఫెక్ట్ జీర్ణ వ్యవస్థపై పడుతుంది. ఈ నీరు నేరుగా పొత్తికడుపుని చేరి.. ఒత్తిడి పెరుగుతుంది. ఇది ఇబ్బందికర పరిస్థితిగా మారుతుంది.

#5. నిటారుగా కూర్చుని నీటిని తాగితే.. ఆ నీటి వలన జీర్ణక్రియ మెరుగుపడుతుంది. అంతేకాదు నీటిలో ఉండే ఆక్సిజెన్ మెదడుని చేరి.. మెదడు పని తీరు కూడా మెరుగుపడుతుంది.

మానవ శరీరం తన సమస్యను తానె గుర్తించి పరిష్కరించుకోగలదు. అయితే.. మనం చేయాల్సిందల్లా మితమైన ఆహరం తీసుకుంటూ.. సమయపాలన పాటించడమే. కానీ, మనం అదే నిర్లక్ష్యం చేస్తూ ఉంటాం. మన శరీరం లోపల ఏమైనా అనారోగ్యం గా ఉన్నా కూడా.. ఆ సంకేతాలను కూడా శరీరం అందిస్తూ ఉంటుంది. వాటిల్లో మొట్ట మొదటిది మన మూత్రమే. మన మూత్రం ఉన్న రంగుని బట్టి మనకు ఏ అనారోగ్య సమస్య ఉందో యిట్టె చెప్పేయచ్చు. వైద్య విధానాలలో కూడా ప్రాధమికం గా మూత్రాన్ని పరీక్షించే అనారోగ్య సమస్యలను గుర్తిస్తారు.

మన మూత్రం ఇచ్చే సంకేతాలను బట్టి మనకు ఎలాంటి అనారోగ్య సమస్య ఉందొ యిట్టె తెలుసుకోవచ్చు. కొంతమందికి మూత్రం లో నురగ వస్తూ ఉంటుంది. అయితే.. ఇది పెద్ద సమస్యే కాదు అనుకుని చాలా మంది పట్టించుకోరు. కానీ ఇలా వస్తున్నప్పుడు అశ్రద్ధ చేస్తే ఇతర ఇబ్బందులు ఎదుర్కోవాల్సి వస్తుంది.

మూత్రం లో ఇలా నురగ రావడానికి మూడు వ్యాధులు కారణం అవుతాయి. అవేంటో ఇప్పుడు చూద్దాం. శరీరం లో ఏర్పడే వ్యర్ధ పదార్ధాలను బయటకు పంపించడానికి కిడ్నీలు నిరంతరం శ్రమిస్తూ ఉంటాయి. అయితే.. ఈ కిడ్నీలలో ఏదైనా సమస్య తలెత్తినప్పుడు.. లేదా కిడ్నీలు ఫెయిల్ అయ్యే అవకాశం ఉన్నప్పుడు ముందు గా ఇలా మూత్రం లో నురగ వస్తూ ఉంటుంది. అలా గమనించినప్పుడు అశ్రద్ధ చేయకుండా వైద్యుల్ని సంప్రదించాలి.

డయాబెటిస్ ఉన్న వారికి కూడా ఇలా మూత్రం లో నురగ వస్తూ ఉంటుంది. డయాబెటిస్ వ్యాధి ఉన్న వారికి షుగర్ లెవెల్స్ అధికం గా ఉంటాయి. అందువలన మూత్రం లో కూడా గ్లూకోస్ ఎక్కువై నురగ వస్తుంది. ఇక ఇవి రెండు కాకుండా.. ఎవరికైనా మూత్రాశయం లో ఇన్ఫెక్షన్ ఉంటె.. వారికి కూడా నురగ వస్తుంటుంది. ఇలా కనిపించినప్పుడు అశ్రద్ధ చేయకుండా వెంటనే వైద్యుల్ని సంప్రదించాలి.