Health Adda

ఏ ఆరోగ్య సమస్యను అయినా అడ్డుకోవాలంటే మొట్టమొదటగా కావలసినది రోగనిరోధకశక్తి. అది కూడా కరోనా విషయంలో అయితే రోగనిరోధక శక్తి ఇంకా అవసరం. దీని కోసం చాలామంది మెడికల్ షాప్ లలో దొరికే టాబ్లెట్ లు వాడతారు. కానీ ఇక్కడ గుర్తుపెట్టుకోవాల్సిన విషయం ఏంటి అంటే ఏ కెమికల్ టాబ్లెట్ కైనా సైడ్ ఎఫెక్ట్ కచ్చితంగా ఉంటుంది.

అందుకే ఇంట్లో పదార్థాలతోనే మనకి కావాల్సిన ఔషధాలు తయారు చేసుకోవచ్చు. మనం రోజు ఆహారంలో వాడే ఎన్నో పదార్థాలు మనకు తెలియకుండా మన ఆరోగ్యాన్ని కాపాడతాయి. పసుపు యాంటీబయోటిక్, క్యారెట్, ఆకుకూరలు, పాలు, మొదలైన పదార్థాలలో ఎన్నో విటమిన్లు ఉంటాయి.

అంతేకాకుండా నెయ్యి, జీలకర్ర, మిరియాలు, మెంతులు, పచ్చిమిర్చి ఇవి కూడా ఆరోగ్యానికి మంచివే. అలా రోగ నిరోధక శక్తి పెంచుకోవాలంటే కూడా మన ఇంట్లో పదార్ధాలను ఉపయోగించవచ్చు. ఇప్పుడు చెప్పబోయే రెండు పదార్థాలను తరచుగా తీసుకుంటూ ఉంటే రోగనిరోధక శక్తి పెరుగుతుంది.

#1 తమలపాకు

భోజనం తిన్న తర్వాత కిళ్ళీ వేసుకోవడానికి తప్ప తమలపాకు ఎక్కువగా తినం. కానీ తమలపాకు లో ఎన్నో ఔషధ గుణాలు ఉన్నాయి. ఇందులో క్యాల్షియం ఉంటుంది. అంతేకాకుండా జీర్ణక్రియ కూడా మెరుగుపడుతుంది. అందుకే ఎప్పుడైనా ఎక్కువగా తిన్న తర్వాత కిళ్ళీ వేసుకుంటాం.

#2 పల్లి పట్టి

పల్లీలను బెల్లం పాకం లో కలిపి చేసే ఆహార పదార్థాన్ని పల్లి పట్టి లేదా చిక్కి అంటారు. పల్లీలు, బెల్లం లలో ఎన్నో పోషకాలు ఉంటాయి. పల్లీల లో పొటాషియం, క్యాల్షియం, విటమిన్ బి, ఫాస్పరస్ ఉంటాయి. అవి శరీరంలో రక్తం ఇంకా గ్లూకోజ్ లెవెల్స్ ని బ్యాలెన్స్ చేస్తాయి.

బెల్లం వల్ల వ్యర్ధపదార్ధాలు శరీరం నుంచి బయటికి వెళ్లిపోతాయి. అంతేకాకుండా బెల్లంలో జింక్, సెలీనియం వంటి మినరల్స్ కూడా ఉంటాయి. బెల్లం మామూలుగా గడ్డలాగా ఉంటే ఎక్కువమంది తినడానికి ఇష్టపడరు కాబట్టి పల్లిపట్టి రూపంలో బెల్లం ఇంకా పల్లీలు తీసుకుంటే ఆరోగ్యానికి ఎంతో మంచిది.

ఇవి 10 నుండి 20 రోజుల వరకు తరచుగా తీసుకుంటే రోగనిరోధక శక్తి పెరిగి వైరస్ మాత్రమే కాకుండా ఇతర వ్యాధులు కూడా వచ్చే అవకాశాలు తక్కువగా ఉంటాయి. వయసుతో సంబంధం లేకుండా నాలుగు సంవత్సరాల నుండి ఎన్ని సంవత్సరాలు పైబడిన వాళ్ళు అయినా ఇవి తినొచ్చు.

అంతేకాకుండా ఇది వర్షాకాలం. కాబట్టి ఏ వ్యాధి అయినా తొందరగా సోకుతుంది. అందుకే రోగనిరోధక శక్తి అనేది ఎంతో అవసరం. అందుకోసం టాబ్లెట్లను ఆశ్రయించకుండా పైన చెప్పిన సూచనలను పాటిస్తే చాలు.

కరోనా ఎప్పుడు ఎవరికి ఏ రకంగా వస్తుందో ఏమి చెప్పలేం. అందుకే అందరూ చాలా జాగ్రత్తగా ఉంటున్నారు. బయటికి వెళ్లి వచ్చిన తర్వాత చేతులు శుభ్రంగా కడుక్కోవడం, మాస్కు తప్పని సరిగా ధరించడం, ఎక్కడికి వెళ్ళినా తమతోపాటు శానిటైజర్ ని కచ్చితంగా తీసుకెళ్లడం.

అంతేకాకుండా మనిషికి మనిషికి మధ్య సామాజిక దూరం పాటించడం, ఆహార పదార్థాలను శుభ్రంగా కడుక్కుని తీసుకోవడం వంటి ఎన్నో జాగ్రత్తలు పాటిస్తున్నారు. కానీ కరోనా ని ఎదుర్కోవాలంటే వీటన్నిటితోపాటు ముఖ్యమైనది ఇంకొకటి ఉందట. అదే మనోధైర్యం.

కొంచెం దగ్గు జలుబు రాంగానే కరోనా వచ్చిందేమో అనే అనుమానం లో చాలామంది అతి జాగ్రత్తలు తీసుకుంటూ ఉంటారు. ఇంకా మానసికంగా కూడా చాలా బలహీనంగా అయిపోతారు. అసలు ఇంకా పాజిటివ్ అని రిపోర్టు రాకముందే వైరస్ ఎక్కడ నుంచి వచ్చిందో, ఇప్పటికే తమ నుండి ఎవరికైనా సోకింది ఏమో అని లేనిపోని అపోహలతో భయపడతారు. కానీ పరిస్థితిని ధైర్యంగా హ్యాండిల్ చేయడమనేది ఈ సమయంలో చాలా ముఖ్యమైన విషయమట.

జనాలు భయపడుతూనే పార్టీలకి, లేదా జనాలు ఉండే చోట్ల కి వెళ్తున్నారట. ముందుగా నియంత్రించాల్సిన విషయం అలా వెళ్లడమే. ఇప్పుడున్న పరిస్థితులను దృష్టిలో పెట్టుకొని అలాంటి సోషల్ ఈవెంట్స్ కి వెళ్లకుండా కంట్రోల్ చేసుకోవాలి. అంతేకాకుండా ఒకవేళ క్వారంటైన్ లో ఉండమని సూచిస్తే చాలామంది భయపడుతున్నారట.

సోషల్ స్టిగ్మా, అంటే వాళ్లని వేరు చేసినట్టు ఫీల్ అవుతున్నారట. అలాంటి ఆలోచనలు మెదడులోకి రానీయకూడదట. క్వారంటైన్ అంటే మన ఇంట్లో మనం ఉండడం. మన ఇల్లు అంత అలవాటైన ప్రదేశం మనకి ఇంకొకటి ఉండదు. కాబట్టి ఇంట్లో ఉంటున్నప్పుడు స్వేచ్ఛగా, మెదడులోకి ఎలాంటి చెడు ఆలోచనలు రానీయకుండా ప్రశాంతంగా ఉండాలట.

కొంతమంది కరోనా లక్షణాలు కనిపించిన వాళ్ళు టెస్ట్ చేయించుకోవడానికి భయపడుతున్నారట. దానికి కారణం చుట్టుపక్కల వాళ్ళు తమ ని ఏమంటారో, అందరి నుండి వేరు చేస్తారేమో లాంటి అనుమానాలట.

ఇంకొంతమంది అయితే కరోనా పాజిటివ్ వస్తే హెల్త్ అథారిటీస్ వాళ్లకి ఇన్ఫార్మ్ చేయట్లేదట. దానికి కూడా మిగిలిన వాళ్లు తమను పట్టించుకోరు వేరుగా చూస్తారు అనే భావనే కారణమట.

అలాంటివన్నీ వదిలేసి వ్యాధి లక్షణాలు కనిపిస్తే ఖచ్చితంగా డాక్టర్ దగ్గరికి వెళ్ళాలి ఒకవేళ పాజిటివ్ వస్తే కచ్చితంగా ఇన్ఫార్మ్ చేయాలి.అంతేకాకుండా చుట్టుపక్కల ఉన్న వాళ్లు కూడా కరోనా పాజిటివ్ వచ్చిన వాళ్ళని తమ మాటలతో కానీ, పనులతో కానీ ఇబ్బంది పెట్టకుండా వాళ్లకు ఏమైనా కావాలి అంటే సహాయం చేయడం, లేదా ధైర్యం చెప్పడం చేయాలట.

వృద్ధులు, ఇంకా ముందే క్యాన్సర్, లేదా ఇతర ఆరోగ్య సమస్యలతో బాధపడుతున్న వాళ్లు అయితే ఆరోగ్యం కొంచెం పాడయినట్టు అనిపిస్తే వెంటనే డాక్టర్ దగ్గరకు వెళ్ళి పరీక్షలు చేయించుకోవాలట.

ఎక్కువ శాతం మందికి కరోనా పాజిటివ్ వచ్చినా కూడా మైల్డ్ గానే వస్తోందట. అంటే ఒకరోజు జ్వరం రావడం తర్వాత తగ్గిపోవడం, లేదా రెండు మూడు రోజులు జలుబు ఉండడం, కొంచెం దగ్గు రావడం తర్వాత తగ్గిపోవడం లాంటివట. ఇలా దాదాపు 70 నుండి 80 శాతం మందికి అవుతోందట.

కొంతమందికి మాత్రమే కరోనా పాజిటివ్ వచ్చిన తర్వాత సీరియస్ కండిషన్ ఉంటోందట. వాళ్లకి ఆక్సిజన్ ఏర్పాటు చేయడం, హాస్పిటల్లో చేర్చడం, వెంటిలేటర్ పై ఉంచడం అవసరమట. కరోనా పాజిటివ్ వచ్చినంత మాత్రాన అందరూ హాస్పిటల్ లో చేరాల్సిన అవసరం లేదట. ప్రపంచ వ్యాప్తంగా పోలిస్తే భారత దేశ ప్రజలకి రోగ నిరోధక శక్తి ఎక్కువగా ఉందట.

ఒకవేళ కరోనా పాజిటివ్ వచ్చినా కూడా తొందరగా రికవరీ అవుతుందట. సీరియస్ పరిస్థితులు వచ్చే అవకాశం చాలా తక్కువట. అంతే కాకుండా మిగిలిన దేశాలతో పోలిస్తే కరోనా వల్ల మరణించే వ్యక్తుల సంఖ్య భారతదేశంలోనే తక్కువగా ఉందట.

అందుకే ముందు కంగారు పడకుండా, ఎక్కువగా ఆలోచించకుండా ధైర్యంగా పరిస్థితులను ఎదుర్కోవాలి అని, ధైర్యం తో కరోనా నే కాదు ఇతర వ్యాధులను కూడా జయించవచ్చు అని, కాబట్టి ఆరోగ్య పరమైన జాగ్రత్తలతో పాటు మనోధైర్యం కూడా కచ్చితంగా ఉండాల్సిన విషయం అని డాక్టర్లు చెబుతున్నారు.

https://youtu.be/o6SjxL-KQzc

కరోనా ఉధృతి రోజురోజుకీ పెరిగిపోతుండడం పైగా వర్షా కాలం కావడంతో చాలామంది జనాలు జలుబు,దగ్గు,తుంపరలతో ఇబ్బంది పడుతున్నారు.పక్కన వాళ్ళ ఇంటికి బయట నుండి ఎవరైనా వస్తానే భయపడిపోతున్న జనం ఇక పక్కన వాళ్ళు తగ్గిన,తుమ్మినా కూడా అనుమానంగా చూస్తున్నారు.ఇక ఈ జలుబు,దగ్గుతో ఇబ్బంది పడుతున్న వారికి ప్రస్తుతం డాక్టర్స్ ట్రీట్మెంట్ చేయట్లేదు కాని టెస్ట్ చేయించుకోమని సలహా ఇస్తున్నారు.ఇక ఈ వర్షాకాలంలో ఎదురయ్యే సమస్యలకు ఇంటి వద్ద యూకలిప్టస్‌ నూనెతో ఓ చక్కని పరిష్కారం లభిస్తుంది.

ఇక ఈ యూకలిప్టస్‌ నూనె వల్ల కలిగే ప్రయోజనాలు ఏంటో ఇప్పుడు చూద్దాం.

*వర్షా కాలంలో ఎక్కువగా నీళ్లలో కాళ్ళు తడవడం వల్ల కాళ్ల పగుళ్లు, ఇన్ఫెక్షన్లు వంటివి వస్తాయి. వీటి నుండి ఉపశమనం పొందడం కోసం కొబ్బరినూనెలో రెండు చుక్కల యూకలిప్టస్‌ నూనెను కలిపి రోజూ రాత్రి పూట అరికాళ్ళు అంతా రాసుకుని సాక్సులు వేసుకుని పడుకుంటే మీకు ఈ సమస్య నుండి త్వరగా ఉపశమనం లభిస్తుంది

*ఇక జలుబుతో ఇబ్బంది పడుతున్నవారు మూడుచుక్కల యూకలిప్టస్‌ నూనెను సాధారణ కొబ్బరి నూనెతో కలిపి ఆ ద్రవాన్ని ఛాతీకి, ముక్కుకు రాసుకుని పడుకుంటే ప్రయోజనం కనిపిస్తుంది.ఇక అతితెలివికి పోయి ఎవరైనా యూకలిప్టస్‌ నూనెను శరీరం పై నేరుగా రాసుకొంటే దాని ఘాటుకు మీ చర్మం కందిపోతుంది.

*ఒళ్లు నొప్పులూ, మెడనొప్పి, కండరాలు పట్టేయడం వంటివి సమస్యలతో బాధపడుతున్న వారు. బాదం నూనెలో రెండు చుక్కల యూకలిప్టస్‌ నూనెని కలిపి నొప్పి ఉన్న చోట ఆ మిశ్రమాన్ని రాసి మర్దన చేస్తే ఫలితం కనిపిస్తుంది.

*జలుబు ఎక్కువగా ఉన్నప్పుడు మరిగే నీళ్లల్లో యూకలిప్టస్‌ నూనెని మూడు చుక్కలు చేర్చి ఆవిరి పడితే రొంప, ముక్కు కారడం వంటివి తగ్గిపోతాయి.