Health Adda

బొట్టు పెట్టుకోవడం అనేది భారతదేశ సంప్రదాయపు విశిష్టమైన లక్షణం. పురాతన కాలం నుండి మహిళలు నుదుటన బొట్టును పెట్టుకుంటున్నారు. అమ్మమ్మలు, నాయనమ్మలు అయితే కుంకుమతో పెద్దగా బొట్టు ధరించి, నిండుగా కనిపించేవారు. కాలంతో పాటుగా పెట్టుకునే బొట్టు సైజ్‌ కూడా మారిపోయింది.

కుంకుమ స్థానంలో స్టిక్కర్స్‌ వచ్చాయి. బొట్టు పెట్టుకున్నట్లయితే ముఖం వెలిగిపోతుందని ప్రత్యేకంగా చెప్పనవసరం లేదు. అయితే అందంగా కనిపించడం కోసం కానీ, సంప్రదాయం కోసం కానీ బొట్టును పెట్టుకుంటారని భావిస్తారు. మహిళలు బొట్టు పెట్టుకోవడం వల్ల అనేక ఆరోగ్య ప్రయోజనాలు ఉన్నాయని ఆయుర్వేద వైద్య నిపుణురాలు డా. దీక్షా భావసర్‌‌ వెల్లడించారు.
యోగా ప్రకారంగా, స్త్రీలు బొట్టు పెట్టుకునే స్థలాన్ని అజ్ఞా చక్రం అని అంటారు. ఈ చక్రాన్ని  మనిషి శరీరంలో 6వ, మరియు అత్యంత శక్తివంతమైన చక్రం. బొట్టు పెట్టుకునే సమయంలో ఈ పాయింట్‌ను రోజుకు అనేక సార్లు ప్రెస్ చేస్తుంటారు. శరీరంలో వేల సంఖ్యలో నాడులు ఉంటాయి. ఈ నాడులన్నిటికి కేంద్ర స్థానమే ఈ అజ్ఞా చక్రం. ఈ స్థానంలో కళ్లు, తల, పిట్యూటరీ గ్రంధి, మెదడుకి సంబంధించిన నాడులు ఉంటాయి.మహిళలు బొట్టు పెట్టుకునేప్పుడు లేదా స్టిక్కర్‌ పెట్టుకునే సమయంలో ప్రెస్ చేస్తూ ఉంటారు. అలా చేయడం వల్ల  ఆజ్ఞా చక్రం పై ఒత్తిడి పడుతుంది. అప్పుడు నాడులు అన్నీ ఉత్తేజం అవుతాయి. ఇక పురుషులు బొట్టు పెట్టుకోరు.  అందువల్ల వారు ఆ స్థానంలో కుంకుమను ధరించినా, లేదా వంద సార్లు ఆ స్థానాన్ని ప్రెస్‌ చేసినా ఎన్నో ఆరోగ్య  ప్రయోజనాలు ఉంటాయని డాక్టర్‌ దీక్షా తెలిపారు. ఆ ప్రయోజనాలు ఏమిటంటే.. 1. తలనొప్పి నుండి ఉపశమనం కలిగిస్తుంది.
2.సైనస్‌లను క్లియర్ చేస్తుంది.
3. దృష్టి మరియు కంటి ఆరోగ్యాన్ని మెరుగుపరుస్తుంది.
4. చర్మాన్ని యవ్వనంగా ఉంచుతుంది.
5. డిప్రెషన్‌ను నివారిస్తుంది.
6. వినికిడిని మెరుగుపరుస్తుంది.
8. జ్ఞాపకశక్తి మరియు ఏకాగ్రతను పెంచుతుంది.
9. అంతర్ దృష్టి మరియు అవగాహనను మెరుగుపరుస్తుంది.
10. ఒత్తిడితో కూడిన మైగ్రేన్ తలనొప్పిని తగ్గిస్తుంది.

https://www.instagram.com/reel/CrNP-a_IYM7/?utm_source=ig_embed&ig_rid=ffac44c6-6c26-4686-bd72-8614fc32df25

Also Read: మీ నాలుక రంగుని బట్టి మీకున్న అనారోగ్య సమస్యని గుర్తించచ్చు…ఎలాగో తెలుసా.?

శరీరంలో ఉండే అన్ని అవయవాలలో అన్నిటి కంటే కళ్ళు ప్రధానమైనవి. అయితే కళ్ళు తరువాత నాలుక చాలా ముఖ్యమైనది నాలుక. అయితే డాక్టర్ దగ్గరకు ఆరోగ్యం బాగోలేదని వెళ్ళినప్పుడు కళ్లుతో పాటు నాలుకను కూడా చెక్ చేస్తారు.

ఎందుకంటే నాలుక రంగును బట్టి మన ఆరోగ్య పరిస్థితి చెప్పవచ్చు. నాలుక రంగు దేనికి సంకేతిస్తుందో ఇప్పుడు మనం చూద్దాం, సాధారణంగా ఆరోగ్యంగా ఉండే వ్యక్తి యొక్క నాలుక గులాబీ రంగు తో పాటు తెల్ల పూత ఉంటుంది. ఎప్పుడైతే నాలుక రంగు నారింజ రంగులో మారుతుందో దాని అర్థం నోటి పరిశుభ్రత లేకపోవడం లేక నోరు పొడిబారిపోయింది అని అర్థం.

కెఫిన్ ఉండే ఆహార పదార్థాలను ఎక్కువగా తీసుకోవడం మరియు పరిమితికి మించి పొగత్రాగడం వలన నాలుక రంగు గోధుమ రంగులోకి మారుతుంది.నోటి పరిశుభ్రత లేకపోవడం వల్ల నాలుక పై చెడు బ్యాక్టీరియా పెరిగిపోతుంది దాంతో నాలుక పసుపు రంగులోకి మారుతుంది. ఇలా జరగడానికి ఇంకొక కారణం ఉంది, అదేమిటంటే జీర్ణప్రక్రియకు సంబంధించిన సమస్యలు మరియు కాలేయ సమస్యతో బాధపడుతున్న వారి నాలుక పసుపు రంగులోకి మారుతుంది.

ఆరోగ్య సమస్యల వల్ల ఎక్కువ మోతాదులో యాంటీబయోటిక్స్ తీసుకోవడం జరుగుతుంది. అలాంటప్పుడు నాలుక నలుపు రంగులోకి మారుతుంది. జుట్టు, గోళ్ళు మరియు చర్మం లో ఉండే కెరటిన్ అనే ప్రోటీన్ పేరుకుపోవడం వల్ల కూడా నాలుక నల్లగా మారుతుంది.జ్వరం వచ్చినప్పుడు పెద్దవాళ్ళు టెంపరేచర్ తో పాటు నాలుకను కూడా చూస్తారు. ఎందుకంటే వైరల్ ఇన్ఫెక్షన్ల తో జ్వరం వచ్చినప్పుడు నాలుక ఎరుపు రంగులోకి మారుతుంది. ఫోలిక్ యాసిడ్ మరియు విటమిన్ డి లోపం ఉన్నా సరే నాలుక ఎరుపు రంగులోకి మారుతుంది.

నాలుక తెలుపు రంగులో ఉంటే సీజనల్ వ్యాధులు, డిహైడ్రేషన్, ఐరన్, ప్రోటీన్ మరియు హెమోగ్లోబిన్ లోపంకు సంకేతం. కాబట్టి మీరు తీసుకొనే ఆహారంలో సరైన ప్రొటీన్లు ఉండేటట్టు చూసుకోవాలి అని వైద్యులు చెబుతున్నారు.

ఇటీవల కాలంలో గుండెపోటుతో ఒక్కసారిగా కుప్పకూలి మరణిస్తున్న వ్యక్తుల గురించిన వీడియోలు నెట్టింట్లో వైరల్ అవుతున్నాయి. వాటిలో ఒక వీడియోలో ఓ వ్యక్తి డ్యాన్స్ చేస్తూ గుండెపోటు రావడంతో ఒక్కసారిగా నేలపై కుప్పకూలిపోతూ కనిపించారు. మరొక వీడియోలో ఫ్రెండ్స్ తో కలిసి నడుస్తున్న ఒక వ్యక్తి గుండెపోటు రావడంతో అలాగే నేలపై కుప్పకూలి కన్నుమూశారు.

ఇక రీసెంట్ గా ఒక వ్యక్తి ద్వారకా తిరుపతికి గుడిలో నడుస్తుండగా గుడిలోనే గుండెపోటు రావడంతో, దగ్గరలోని హాస్పటల్ కి తీసుకెళ్ళే క్రమంలోనే ఆ వ్యక్తి కన్నుమూశారు. ఈ నేపథ్యంలో తిరుపతి లాంటి గుడులకి కాలినడకన వెళ్ళినపుడు ఎలాంటి జాగ్రత్తలు తీసుకోవాలో డాక్టర్ ముఖర్జీ మరియు డాక్టర్ మువ్వా శ్రీనివాస్ ఒక వీడియోలో  తెలిపారు. ఆ వివరాలు ఇప్పుడు చూద్దాం..
ఇటీవల కాలంలో గుండెపోటు కేసులు ఎక్కువగా పెరుగుతున్నట్లు వైద్యులు చెబుతున్నారు. గుండెలోని రక్త నాళాలలో రక్త ప్రసరణకు అడ్డంకి ఏర్పడటం లేదా రక్తనాళాలు పూడుకుపోవడం తదితర కారణాలతో గుండె పోటు వచ్చే ప్రమాదం ఉందని వైద్యులు చెబుతున్నారు.
డాక్టర్ ముఖర్జీ మరియు డాక్టర్ మువ్వా శ్రీనివాస్ ఒక వీడియోలో మాట్లాడుతూ తమ దగ్గరికి వచ్చిన పేషెంట్ ఒకరు చెప్పిన విషయన్ని పంచుకుంటూ, అదే సమయంలో గుడికి వెళ్ళినపుడు గుండెపోటు వచ్చినపుడు ఏం చేయాలో ఎలాంటి జాగ్రత్తలు తీసుకోవాలో తెలిపారు. ద్వారకా తిరుపతికి వెళ్ళిన ఒక మహిళ ప్రదక్షిణలు చేస్తుండగా గుండెపోటు రావడంతో ఒక్కసారిగా పడిపోయింది.అప్పుడు ఆమె కుటుంబ సభ్యులకు సీపీఆర్ చేయడం పై కొంత అవగాహన ఉండడంతో ఆమెకు సీపీఆర్ చేస్తూ దగ్గరలో ఉన్న హాస్పటల్ కి తీసుకెళ్లారు. కానీ అప్పటికే ఆమె మరణించిందని వైద్యులు చెప్పారని డాక్టర్ ముఖర్జీ తెలిపారు. ఈ క్రమంలోనే గుండె సంబంధిత సమస్యలతో ఇబ్బంది పడుతున్నవారు ఎలాంటి జాగ్రత్తలు తీసుకోవాలో వెల్లడించారు. ఈ విషయం గురించి వివరంగా తెలుసుకోవాలి అంటే క్రింద ఉన్న వీడియోని చూడండి..

watch video:

Also Read: కాలు మీద కాలు వేసుకొని కూర్చుంటే వచ్చే ఆరోగ్య సమస్యలు ఏంటో తెలిస్తే ఇంకెప్పుడు అలా చేయరు..!

ఈ మధ్యకాలంలో హృదయ సంబంధిత సమస్యలు ఎక్కువైపోయాయి. హఠాత్తుగా ఆరోగ్యంగా ఉన్న వాళ్లు కూడా కుప్పకూలి పోతుంటారు. ఏమైందో తెలిసేలోగా మరణించారని అంటారు.

ఇలా మరణించడానికి కారణం గుండెపోటు. అయితే గుండెపోటుకు సంబంధించి కొన్ని లక్షణాలు మాత్రం ముందుగానే కనబడుతూ ఉంటాయి. మనకి గుండె పోటు రాబోతోంది అని చెప్పడానికి మన శరీరం కొన్ని సంకేతాలను పంపిస్తూ ఉంటుంది.

ఇటీవల కాలంలో గుండెపోటుకు గురి అయ్యే వారి సంఖ్య పెరుగుతోంది. అలాగే మరణాల రేటు ఎక్కువ అవ్వడానికి కూడా గుండెపోటు సమస్యలే ఎక్కువగా కారణం అవుతున్నాయి. ఇప్పటివరకు నమోదు అవుతున్న మరణాలలో 32 శాతం మరణాలు గుండెపోటు వలనే నమోదు అవుతున్నాయని అంచనా. అసలు వ్యాయామం చేయకపోవడం, అధిక వ్యాయామం, అనారోగ్య ఆహారపు అలవాట్లు గుండెపోటుకు దారి తీయడానికి ముఖ్య కారణాలు.

అయితే.. గుండెపోటు రాబోతోంది అని చెప్పడానికి సంకేతంగా మీ శరీరం ముందుగానే అలెర్ట్ చేస్తుంది. మీ శరీరంలో కొన్ని భాగాలలో మీకు నొప్పి వస్తూ ఉంటె.. మీకు గుండెపోటు రాబోతోందని అర్ధం. మీకు ఎక్కువగా ఛాతీ చుట్టూ నొప్పి వస్తోందా..? ఇది ముఖ్య లక్షణం. ఇలా తరచూ వస్తోందంటే మీకు గుండెపోటు వచ్చే అవకాశం ఎక్కువ అని అర్ధం. ఈ లక్షణం చాలా కాలం పాటు తీవ్రమైన ఒత్తిడిని కలుగ చేస్తూ ఉంటుంది.

ఇక చాల మందికి వెన్ను నొప్పి కూడా వస్తూ ఉంటుంది. ఛాతీనొప్పి గుండెపోటు లక్షణమే. వెన్ను నొప్పి కూడా ముందస్తు సంకేతంగా వస్తూ ఉంటుంది. ఎక్కువగా స్త్రీలలో ఇది కనిపిస్తూ ఉంటుంది. మరికొంతమందికి దవడ వద్ద నొప్పి వస్తూ ఉంటుంది. దవడ వద్ద కండరాలలో నొప్పి, ఛాతీ లో అసౌకర్యం, శ్వాస తీసుకోవడంలో ఇబ్బందులు, వికారం, చెమటలు పట్టడం కూడా వస్తూ ఉంటాయి. ఇలాంటి లక్షణాలు తరచూ కనిపిస్తూ ఉంటె.. వెంటనే వైద్యులను సంప్రదించాలి.

మామూలుగా మనం అన్నం తినేటప్పుడు ఒక్కొక్కరు ఒక్కో విధంగా తింటారు. అందులో కొంతమంది నీరు పక్కన లేకుంటే అన్నం అసలు తినలేరు.

కొంతమంది అన్నం పూర్తయ్యాక మాత్రమే నీరు తాగుతారు. మరి అన్నం తిన్న వెంటనే నీరు తాగవచ్చా.. లేదా అన్నది ఒకసారి చూడండి..!మన హెల్దీగా ఉండాలంటే నీరు అనేది తప్పనిసరిగా తీసుకోవాలి. ప్రతిరోజు 10 నుంచి 12 గ్లాసుల నీటిని తాగితే ఆరోగ్యంగా ఉంటాం..

కానీ కొంతమంది తాగాల్సిన టైంలో కాకుండా మిగతా టైం లో నీరు తాగుతూ ఉంటారని దీని వల్ల ఆరోగ్య సమస్యలు వస్తాయని కొంతమంది నిపుణులు తెలియజేస్తున్నారు.. తిన్న వెంటనే నీరు తాగొచ్చా.. ఏంటో ఒక సారి చూద్దాం..!!

అయితే తిన్న వెంటనే నీళ్లు తాగకూడదు అని వైద్య నిపుణులు అంటున్నారు. ఎందుకంటే జీర్ణక్రియ నిర్వహణ అనేది అప్పుడే ప్రారంభం అవుతుంది. మనం తిన్న ఆహారం జీర్ణం కావడానికి రెండు గంటల సమయం పడుతుంది.. ఈ క్రమంలో నీరు తాగితే జీర్ణక్రియ వేడి తగ్గుతుంది. దీని వల్ల అది జీర్ణ వ్యవస్థ పై ప్రభావితం అవుతుంది. ఇలాంటి పరిస్థితుల్లో నీళ్లు తాగడం వల్ల ఎసిడిటీ, కడుపు ఉబ్బరం, ఇలాంటి సమస్యలు వస్తాయని నిపుణులు తెలియజేస్తున్నారు..

మరి నీరు ఎప్పుడు తాగాలి..?

వ్యక్తి తిన్న తర్వాత ఒక గంట విరామం తీసుకొని నీరు తాగితే అతని బరువును నియంత్రించ వచ్చు.అలాగే ఉదయం లేవగానే రెండు గ్లాసుల నీటిని తాగితే జీర్ణ వ్యవస్థ బలంగా తయారవుతుంది.

తిన్న గంట తర్వాత నీరు తాగితే గ్యాస్ వంటి సమస్యలకు చెక్ పెట్టవచ్చు.

అలాగే భోజనానికి 30 నిమిషాల ముందు నీరు తాగడం చాలా మంచిది.

వేసవికాలంలో ఎండలు తట్టుకోలేక మనం ఎక్కువగా పానీయాలను తీసుకుంటూ ఉంటాము. నీళ్ల తో పాటుగా ఎక్కువగా పండ్ల రసాలు వంటివి తీసుకుంటూ ఉంటాము. ఎండల వల్ల నీరసం కలగకుండా ఉండాలంటే కొబ్బరి నీళ్ళు కూడా ఎక్కువగా తాగుతూ ఉండొచ్చు. అలానే చెరకు రసాన్ని కూడా ఎక్కువ మంది ఈ వేసవి లో తీసుకుంటూ ఉంటారు.

నిజానికి చెరుకు రసం తాగితే ఎండ నుంచి ఉపశమనం లభించి హాయిగా ఉంటుంది. చెరుకు రసం అప్పుడే ఫ్రెష్ గా తీసాక ఎండ వేళలో తాగుతూ ఉంటే ప్రాణం లేచి వచ్చినట్టు ఉంటుంది. అయితే ఎప్పుడైనా మీరు గమనించారా..?

చెరుకు రసాన్ని తీస్తున్న ప్రక్రియలో చెరకు మధ్యలో నిమ్మకాయని పెట్టి జ్యూస్ చేస్తారు. అయితే తియ్యగా చక్కగా ఉండే చెరుకు రసం లో నిమ్మకాయ ఎందుకు కలుపుతారు..?, నిమ్మకాయ వలన ఏదైనా ప్రయోజనం ఉంటుందా..? లేదంటే అందరూ అలానే చేస్తున్నారని ఈ తరంలో కూడా ఫాలో అవుతున్నారా అనే దాని గురించి ఇప్పుడు చూద్దాం.

source: flickr

చెరుకు రసాన్ని చేస్తున్న ప్రక్రియలో నిమ్మకాయ పెట్టడం వల్ల రెండు ప్రయోజనాలు మనం పొందొచ్చు. ఒకటి ఏంటంటే చెరుకురసం తీసేటప్పుడు చెరుకు మధ్య నిమ్మకాయ పెట్టి తీయడం వలన ఆ జ్యూస్ ని తాగితే మనకి పైత్యం చెయ్యదు. ఒకవేళ నిమ్మకాయ రసం లేదంటే పైత్యం చేస్తుంది. పచ్చి చెరుకురసం పైత్యం చేస్తుందని విరుగుడుగా నిమ్మకాయను పెడతారు.

అలానే ఆరోగ్యానికి హాని చేసే సూక్ష్మ క్రిములు చెరుకుగడలులో ఉంటాయి. ఇటువంటి వాటి వల్ల ఎలాంటి హాని కలగకూడదని నిమ్మరసాన్ని వేస్తారు. నిమ్మ రసం మనకి చెరుకు రసం వల్ల ఎలాంటి హానీ కలగకుండా ఉండేలా చేస్తుంది అందుకే చెరుకురసం తీసేటప్పుడు నిమ్మకాయని మిషన్ మధ్యలో పెట్టి జ్యూస్ తీయడం జరుగుతుంది.

చాలామంది ఇంటిని శుభ్రంగా ఉంచుకోవడానికి చాలా సమయాన్ని కేటాయిస్తారు. ఎందుకంటే మన పరిసరాలు బాగుంటేనే మనం ఆరోగ్యంగా ఉంటాము. అలాంటిది పసి పిల్లలు ఉన్న ఇంట్లో ఎలాంటి జాగ్రత్తలు తీసుకోవాలి..? ఇల్లును ఏ విధంగా ఉంచుకోవాలి..? అనేది చాలా ముఖ్యం.

#1. తల్లులు ఎంతో శుభ్రతను పాటించాలి:

పసిపిల్లలు తల్లితోనే ఎక్కువ సమయం గడుపుతారు. కాబట్టి రోజుకు రెండు సార్లు వాళ్ళ బట్టలు మార్చుకుంటూ ఉండాలి. ముఖ్యంగా పాలు ఇచ్చే తల్లి బట్టల విషయంలో ఎంతో జాగ్రత్త వహించాలి.

#2. తల్లులకు గోళ్లు వుండకూడదు:

పసి పిల్లల తల్లులకు గోర్లు ఉండడం వల్ల పిల్లలకు జబ్బులు వచ్చే అవకాశాలు ఉంటాయి. కాబట్టి తరచుగా గోళ్లను కట్ చేసుకుంటూ ఉండాలి మరియు నెయిల్ పాలిష్ ను అస్సలు ఉపయోగించకూడదు. అంతేకాదు జుట్టు విరబోసుకోవడం మంచిది కాదు. ఎందుకంటే అది కనుక పిల్లల నోట్లో పెట్టుకుంటే ఇబ్బందులు వస్తాయి.

#3. పసిపిల్లల బట్టలను ఇలా ఉతకండి:

ఈ మధ్య ఎక్కువగా ఫ్యాబ్రిక్ సాఫ్ట్నర్లను ఎక్కువగా ఉపయోగిస్తున్నారు. అయితే అవి అసలు ఉపయోగించకూడదు. కేవలం వేడినీళ్ళతో బట్టలను ఉతకడమే మంచిది. కావాలనుకుంటే కొన్ని చుక్కల డెటాల్ ను మాత్రమే వేడి నీటిలో కలిపి బట్టలను ఉతకవచ్చు. తరచుగా హ్యాండ్ గ్లౌజ్, సాక్స్ వంటి వాటిని ఉతుకుతూ ఉండాలి.

#4. ఇంటిని శుభ్రంగా ఉంచుకోవాలి:

ప్రతి రోజు దుమ్ము కనిపించకుండా తుడుచుకోవాలి. ముఖ్యంగా పసిపిల్లలు ఉండే ఇళ్లలో రెండు రోజులకు ఒకసారైనా తడిగుడ్డ పెట్టాలి. అలా అని ఎక్కువగా ఫ్లోర్ క్లీనర్ ను ఉపయోగించకూడదు. తడిగుడ్డ పెట్టేటప్పుడు ఆ నీటిలో కొంచెం ఉప్పు వేసి పెడితే మన పరిసరాలలో ఉండే నెగిటివిటీ తగ్గుతుంది.

#5. ప్లాస్టిక్ ను ఎక్కువగా ఉపయోగించవద్దు:

చాలా వరకు మన చుట్టు ప్లాస్టిక్ కవర్లు, డెకరేషన్ కు సంబంధించిన సామాన్లు వంటివి ఉంటాయి. అయితే వాటివల్ల హానికరమైన టాక్సిన్స్ రిలీజ్ అవుతాయి మరియు పిల్లల ఆరోగ్యం దెబ్బతింటుంది. కాబట్టి వీలైనంత వరకు ప్లాస్టిక్ కు దూరంగా ఉండండి.

#6. తల్లులు తప్పకుండా ఈ దుస్తులను ధరించండి:

పసిపిల్లలను ఎత్తుకున్నప్పుడు వారికి బట్టలు వల్ల ఇబ్బంది కలగకుండా ఉండేటట్లు చూసుకోండి. వీలైనంతవరకు మెత్తటి దుస్తులను ధరించండి. పిల్లలకు కంఫర్టబుల్ గా లేకపోతే ఏడుస్తారు. కాబట్టి బట్టలు విషయంలో కూడా జాగ్రత్తలు తీసుకోండి

మనలో చాలా మందికి అప్పుడప్పుడు  పంటి నొప్పి సమస్యతో బాధపడుతున్నారు.పంటినొప్పికి ప్రధాన కారణం ఒకరకమైన బ్యాక్టీరియా. ఇది యాసిడ్‌ను ఉత్పత్తి చేసి టూత్ ఎనామిల్‌ను దెబ్బతీస్తుంది. ఫలితంగా నొప్పి మొదలవుతుంది.

సాధారణంగా నోట్లో అనేక రకాల బ్యాక్టీరియా ఉంటుంది. ఆ బ్యాక్టీరియా దంతాలపై ఒక గారలాంటి దాన్ని ఏర్పాటు చేస్తుంది. దాన్ని ప్లేక్‌ అంటారు. ఈ ప్లేక్‌లో సలైవా, ఫుడ్‌, ఇతర సహజమైన పదార్థాలుంటాయి.

సాధారణంగా ఇలాంటి ప్లేక్స్‌ దంతాల మధ్యన ఏర్పడుతుంటాయి. కావిటీస్‌ వల్ల పంటి నొప్పి వచ్చినట్లయితే ఎనామిల్‌ దెబ్బతిన్నదని అర్థం. ఒకసారి దెబ్బతింటే తిరిగి పూర్వస్థితి పొందడం సాధ్యం కాదు. పల్సైటిస్‌ వల్ల కూడా పంటి నొప్పి వస్తుంది. పల్సైటిస్‌ అంటే పన్ను పుచ్చిపోతుంది. ఇది నర్వ్‌ వరకు వెళుతుంది. గమ్‌ప్రాబ్లమ్స్‌ కూడా దంతాల నొప్పులకు కారణమవుతాయి. దంతాల మధ్యన ఆహారపదార్థాలు ఇరుక్కుపోవడం వల్ల గమ్‌ప్రాబ్లమ్స్‌ మొదలవుతాయి. దీర్ఘకాలంలో ఇది పంటినొప్పిని కలిగిస్తాయి. పంటినొప్పికి అల్సర్‌ కూడా కారణం కావచ్చు. కొన్నిరకాల ఇన్‌ఫెక్షన్లు, అల్సర్లు కూడా నొప్పికి కారణమవుతాయి.పంటి నొప్పి నివారణకు ఇంట్లో చేసే పరిష్కారాలు చాలా ఉన్నాయి. వాటిలో కొన్ని ఉత్తమమైన పరిష్కార మార్గాలు ఇప్పుడు తెలుసుకొందాం.

ఉదయం నిద్రలేవగానే కాఫీ లేదా టీ తాగడం చాలా మందికి ఉన్న అలవాటు.శరీరానికి ఉల్లాసాన్ని, ఉత్తేజాన్ని అందించేవి టీ, కాఫీలు. బాగా ఒత్తిడిలో ఉన్నప్పుడు, అలసిపోయినప్పుడు వీటిని తాగితే ఆ హాయే వేరు. మళ్లీ కొత్త శక్తి వచ్చి మన పని మనం చేసుకునేందుకు ఉపయోగపడతాయి.

అయితే ఇల్లు, ఆఫీస్, హోటల్ లేదా బయట ఎక్కడైనా కాఫీ, టీలు తాగినప్పుడు వాటికి ముందుగా మనలో అనేక మంది నీళ్లు తాగుతారు.టీ తాగే ముందు నీళ్లు తాగితే ఏమవుతుందో తెలుసా ?  తెలుసుకుందాం రండి.

రసాయనశాస్త్రంలో ఆమ్లాలు (యాసిడ్స్), క్షారాలు (ఆల్కలైన్) అని ద్రవాలను విడదీసే రెండు విభాగాలు ఉన్నాయి. అయితే ఏదైనా ఒక ద్రవం ఆమ్లమా, క్షారమా అని తెలుసుకునేందుకు మాత్రం పీహెచ్ విలువ ఉపయోగపడుతుంది.

పీహెచ్ స్కేలుపై 1 నుంచి 14 వరకు స్కోర్ ఉంటుంది. 7 కన్నా తక్కువ విలువ ఉంటే ఆ ద్రవాన్ని ఆమ్లమని, 7 కన్నా ఎక్కువ విలువ ఉంటే ఆ ద్రవాన్ని క్షారమని అంటారు. అయితే 7 విలువ ఉంటే ఆ ద్రవాన్ని తటస్థ ద్రవమని పిలుస్తారు.ఈ క్రమంలోనే నీటి పీహెచ్ విలువ చూస్తే అది 7 కన్నా ఎక్కువగా, కాఫీ, టీల పీహెచ్ విలువలు 5, 6లుగా ఉంటాయి. కాబట్టి కాఫీ, టీలు ఆమ్లత్వాన్ని (యాసిడిక్) కలిగి ఉంటాయి.

నీరు క్షార స్వ‌భావాన్ని క‌లిగి ఉంటుంది.కాఫీ, టీలను తాగితే సహజంగానే అవి ఆమ్ల స్వభావం కలిగి ఉండడం చేత అవి మన పొట్టలో అల్సర్‌లను, పేగులకు పుండ్లను, క్యాన్సర్‌లను కలిగిస్తాయి. కనుక వీటిని తాగే ముందు నీటిని తాగితే పొట్టలో ఆమ్ల ప్రభావం తగ్గుతుంది. దీంతో ఆరోగ్యాన్ని కూడా రక్షించుకోవచ్చు. కాబట్టి కాఫీ, టీలను తాగే ముందు తప్పనిసరిగా నీటిని మాత్రం తాగాల్సిందే.

సెరిబ్రల్ పాల్సీ తో మైక్రోసాఫ్ట్ చైర్మన్ సత్య నాదెళ్ల కుమారుడు మరణించారు. ఆయన వయసు 26 సంవత్సరాలు. ఈ పిల్లవాడు చూడడానికి మామూలుగా అనిపించినా మూడు నెలలకి తల నిలకడగా లేదు.

అయితే తొమ్మిది నెలలు బాబుకి వచ్చిన తర్వాత సెరిబ్రల్ పాల్సీ అని తెలిసింది. అయితే అసలు సెరిబ్రల్ పాల్సీ అంటే ఏమిటి..?, దీని లక్షణాలు ఎలా ఉంటాయి ఎలా తగ్గించవచ్చు వంటివి చూద్దాం.

సెరిబ్రల్ పాల్సీ అంటే ఏమిటి..?

ప్రసవ సమయంలో బిడ్డ మెదడుకు ఆక్సిజన్ కానీ బ్లడ్ లేదా గ్లూకోజ్ సప్లై అవ్వకపోతే మెదడు దెబ్బ తింటుంది. అప్పుడు సెరిబ్రల్ పాల్సీ రావడానికి అవకాశాలు ఉంటాయి. అదేవిధంగా తల్లి గర్భంలో ఉమ్మనీటిలో మూత్రవిసర్జన చేసి దానిని తీసుకోవడం వల్ల కొందరికి ఆక్సిజన్ అందదు. దీని వల్ల కూడా సెరిబ్రల్ పాలసీ వస్తుంది. నెలలు నిండకుండా పిల్లలు పుట్టినా సరే ఈ ఇబ్బంది వస్తుంది.

కొంత మంది పిల్లలు పుట్టగానే ఏడవరు. దానిని పుట్టుకతో వచ్చిన ఆస్పిక్సియా అంటారు.ఇదిలా ఉంటే కొందరికి పుట్టుకతోనే మెదడుపై ప్రభావం చూపించొచ్చు.బిడ్డ జన్మించాక పచ్చకామెర్లకు సరైన సమయంలో చికిత్స లేకపోయినా కూడా ఈ ఇబ్బంది వస్తుంది.
జెనిటిక్ పరంగా కానీ కొన్ని రకాల ఇన్ఫెక్షన్ల వల్ల కానీ ఈ సమస్య వచ్చే అవకాశం ఉంది.

వెయ్యిమందిలో ప్రపంచ వ్యాప్తంగా 1 నుండి 4 వరకు సెరిబ్రల్ పాల్సీ కి గురవుతున్నారు. అయితే ఇక్కడ ఈ బిడ్డ పరిస్థితులు చూసినట్లయితే సత్య నాదెళ్ల భార్య ప్రెగ్నెంట్ గా ఉన్నప్పుడు 36 వారాల సమయంలో పిల్లవాడి కదలికలు సరిగ్గా లేవు. అప్పుడు వెంటనే ఆపరేషన్ చేసేసారు. అయితే ఆ బిడ్డ ఏడవలేదు గర్భసంచిలో ఆస్పిక్సియా గురించి వాళ్ళకి అప్పుడే తెలిసింది.

సెరిబ్రల్ పాల్సీ లక్షణాలు:

సెరిబ్రల్ పాల్సీ ఉన్న పిల్లలు మాట, చూపు, మేధస్సు సాధారణంగా ఉండవు. ఈ సమస్యతో బాధపడే పిల్లలు ఆకలి నిద్ర అలాంటివి చెప్పలేరు.
ఎదుగుదల కూడా మందకొడిగా ఉంటుంది. సెరిబ్రల్ పాల్సీ లో నరాలకు సంబంధించిన సమస్యలు ఉంటాయి. అయితే ఇవి జ్ఞాపక శక్తి పైన ఎఫెక్ట్ చేస్తాయి. ఇలాంటి పిల్లలు ఎంత వయసు వచ్చినా వాళ్ళ పనులు సొంతంగా చేసుకోలేరు. అలానే వారి యొక్క ఫీలింగ్స్ ని చెప్పలేరు.
అయితే వాళ్లు గొంతుతో చేసే శబ్దాల ద్వారా వాళ్ళు ఎలా వున్నారో మనం తెలుసుకోవచ్చు.

వాళ్లు చప్పట్లు కొట్టే తీరుని బట్టి మానసిక పరిస్థితిని తెలుసుకోవాలి. ఆకలి, దాహం వంటివి వారి ప్రవర్తన ద్వారా కనిపెట్టాలి.
ఈ పిల్లలకి ఎంత వయసు వచ్చినా తల్లిదండ్రులే చూసుకోవాలి.

ఈ సమస్యకు నివారణ ఉందా..?

నెలలు నిండకుండా ప్రసవం జరుగుతుంది అంటే తల్లి గర్భంలో ఉన్నప్పుడు 48 గంటలు ముందుగా మెగ్నీషియం సల్ఫేట్ ఇంజక్షన్ ఇస్తారు. ఇలా చేయడం వలన సమస్యలు రాకుండా ఉంటాయి.కొంతమందికి కొన్ని రకాల శస్త్రచికిత్సలను చేస్తారు.ఫిజియోథెరపీ కూడా అవసరమవుతుంది. ఫిజియో థెరపీ, వాటర్ థెరపీ ఇలాంటివి ఇస్తారు.

అయితే తన కొడుకు ఇలా ఉండడంతో సత్య నాదెళ్ల వినూత్నమైన పరికరాలను ఆవిష్కరించారు. అంగ వైకల్యం ఉన్నవారు కూడా ఉపయోగించుకునేలా మైక్రోసాఫ్ట్ ఉత్పత్తుల్లో మార్పులు తీసుకొచ్చారు.