Human angle

నేను ఓ మధ్యతరగతి కుటుంబం నుంచి వచ్చిన అమ్మాయిని. మా ఇంట్లో నేనొక్కదాన్నే ఆడపిల్లని కావడం తో నన్ను గారాబం గా పెంచారు. పెళ్లి వయసు వచ్చాక అందరిలాగే నాకు కూడా నా తల్లితండ్రులు పెళ్లి చేసి పంపేయాలనుకున్నారు.

కానీ, కొడుకులు లేని నా తల్లి తండ్రులకి నేనే ఆధారం అవ్వాలనుకున్నాను. నాకు నచ్చిన ఉద్యోగం చేసి మా నాన్నకి సపోర్ట్ గా నిలిచాను. నన్ను నేను చూసుకున్నప్పుడల్లా గర్వం గానే ఫీల్ అవుతుంటాను.

representative image

కానీ, ఈ సమాజం మాత్రం అందరిలా నన్ను మార్చేయాలని చూస్తూ ఉంటుంది. అందరిలా పెళ్లి చేసుకుని, అందరిలా పిల్లల్ని కనేసి.. ఆ తరువాత ఏమి ఉద్దరించాలో ఈ సమాజానికేమి తెలుసు..? ఆఫీస్ కు వెళ్లి ఇంటికి వచ్చేలోపు ప్రతి వాడి చూపులు మెడలో మంగళ సూత్రాలున్నాయా.. కాలికి మెట్టెలున్నాయా అని వెతుకుతుంటాయి. అవి కనపడకపోతే వాళ్ళ కళ్ళకి కామపు మబ్బులు కమ్ముతాయి. ఎప్పటిలా ఇవే ఆలోచనలతో ఆఫీస్ కు బయలుదేరిన నాకు వర్షం అడ్డొచ్చింది.

representative image

రోడ్డు దాటి బస్టాప్ షెల్టర్ కి చేరేసరికి వర్షం లో తడిసిపోయాను. నా బట్టలు కూడా తడిసిపోవడం తో, అక్కడ చాలా మంది అబ్బాయిలు కామం తో కళ్ళు మూసుకుపోయి గుడ్లప్పగించి తదేకం గా చూస్తున్నారు. నాకు వెంటనే జ్ఞానోదయం అయి స్కార్ఫ్ తీసి కప్పుకున్నాను. ఇలాంటి వారి కళ్ళ నుంచి తప్పుకోవడానికి ఆడవాళ్లు ఎన్ని పాట్లు పడతారో ఆ బ్రహ్మ కే ఎరుక. మృగాళ్లు తమ బుద్ధులు పోనిచ్చుకోనంతకాలం ఆడవాళ్ళ బట్టలు ఎలా వేసుకున్నా ఇక్కట్లు తప్పవు అని మనసులో అనుకుంటూ బస్సు కోసం వెయిట్ చేసాను.

representative image

ఈరోజు లేచిన వేళా విశేషమేమిటో గాని, అన్ని పనులు ఆలస్యమవుతూనే ఉన్నాయి. విసుగ్గానే ఆఫీస్ కు చేరుకున్నాను. నేను వెళ్ళేసరికే అక్కడ అంతా గందరగోళం నెలకొని ఉంది. మా ఆఫీస్ లో చిన్న ఫైర్ ఆక్సిడెంట్ జరిగింది. ఆఫీస్ లోని కంప్యూటర్ ప్లగ్ ఇన్స్ పెట్టె బోర్డు దగ్గర షార్ట్ సర్క్యూట్ జరగడం తో మంటలు అలుముకున్నాయి.. ఓ గది మొత్తం ఆ మంటలు వ్యాపించాయి. నేను ఆఫీస్ దగ్గరకి వెళ్లేసరికి నా ఫ్రెండ్ ని హడావిడిగా అంబులెన్స్ లో ఆసుపత్రికి తరలిస్తున్నారు.

representative image

మంటలు వ్యాపించిన గదిలోనే ఆమెకూడా ఉండడం తో, ఆమె శరీరానికి కూడా మంటలు అంటుకున్నాయి. ఆమె తో పాటు నేనూ ఆసుపత్రికి వెళ్ళాను. కాలిన గాయాలతో ఆమె విలవిలలాడుతుంటే.. మనసు చివుక్కుమంది. ఒక్క క్షణం నాకు అప్పటివరకు జరిగిందంతా గుర్తుకు వచ్చింది. ఇంటి దగ్గర బయలుదేరి ఆఫీస్ కి వచ్చేవరకు నా పరిస్థితి కూడా అలానే ఉంది. నా మనస్సు కూడా దహించిపోతున్న బాధను అనుభవించింది. నా ఫ్రెండ్ శరీరానికి మంటలవలన గాయాలయితే, నా మనసుకి కామపు చూపుల్తో మంట అంటుకుంది. అంతే తేడా..!

ఒక ప్రశ్నకి ప్రపంచం మొత్తంలో ఎక్కడినుంచైనా సమాధానం దొరికే చోటు కోరా. ఇందులో ఎంతో మంది ఎన్నో రకాల ప్రశ్నలు పోస్ట్ చేస్తే, దానికి ఎంతో మంది తాము ఏం అనుకుంటున్నాం అనేది వ్యక్తపరుస్తారు.

అలా కొంతకాలం క్రితం ఒకరు “మీ పార్టనర్ పై మీకు ఉన్న ఆకర్షణ మీలో ఏ విధంగా మార్పుని తెచ్చింది?” అనే ప్రశ్నని కోరా లో పోస్ట్ చేశారు. అందుకు శ్వేత గార్గ్ ఈ విధంగా సమాధానం ఇచ్చారు.

“మాది లవ్ మ్యారేజ్ కాదు. భారతీయ సంప్రదాయం ప్రకారం జరిగిన అరేంజ్డ్ మ్యారేజ్. నాకు అప్పుడు 19 సంవత్సరాలు. నాకు యాక్టర్ అవ్వాలనే కల ఉండేది. అంత తొందరగా పెళ్లి చేసుకోవాలనే ఆలోచన నాకు లేదు. అందుకే వద్దని చెప్పాను. జూన్ 2013 లో మా అమ్మకి క్యాన్సర్ ఉందని తెలిసింది. మా అమ్మ నేను తనని ఎంత తొందరగా వీలైతే అంత తొందరగా పెళ్లి చేసుకోవాలని అనుకున్నారు.

నా భర్తకి నాకు పది సంవత్సరాల ఏజ్ డిఫరెన్స్ ఉండడం నాకు అంత బాగా అనిపించలేదు. ఏమవుతుందో? ఎలా ఉంటుందో? అతను నాకంటే చాలా పెద్దవాడు. నేను అసలు ఎలా అడ్జస్ట్ అవుతానో? ఇలాంటి చాలా ప్రశ్నలు నా మెదడులో ఉన్నాయి. నాకు ఇంక వేరే ఆప్షన్ లేదు. డిసెంబర్ 2013 లో మేం పెళ్లి చేసుకున్నాం. అలా మా ఇద్దరి జర్నీ మొదలైంది.

పెళ్లవ్వక  ముందు నేను ఇంట్రవర్ట్ ని. నా యాక్టింగ్ మోడలింగ్ అనే డ్రీమ్స్ వల్ల ఇంట్లో గొడవలు అవడంతో నేను మా తల్లిదండ్రులతో అలాగే బ్రదర్ తో మాట్లాడే దాన్ని కాదు. కానీ నా పెళ్లి అయిన నెల తర్వాత వాళ్లు బాగా గుర్తు వచ్చే వాళ్ళు. అప్పుడే నాకు కుటుంబం ఎంత ముఖ్యమో అనే విషయం అర్థం అయ్యింది. ప్రతి సండే నా భర్త నన్ను నా కుటుంబం దగ్గరికి తీసుకెళ్లే వాళ్ళు. నా తల్లిదండ్రులను కూడా తన తల్లిదండ్రులలానే ట్రీట్ చేసేవారు.

నన్ను ఎప్పుడూ ఇంటి పనులు చేయమని బలవంతం చేయలేదు. రోజులు గడిచేకొద్దీ నేను ఇంకా మంచి వ్యక్తిని అవుతున్నాను. నా భర్తని ఇష్టపడటం మొదలు పెట్టాను. కానీ నా కెరీర్ విషయంలో మాత్రం హ్యాపీగా లేను. నాకు ఏదో ఒకటి సాధించాలి అని ఉండేది. ఇప్పుడైతే నా కలలు మారాయి. సివిల్ సర్వీసెస్ లో జాయిన్ అవ్వాలి అని ఉండేది. నాకు నా భర్త పూర్తి సపోర్ట్ ఇచ్చారు. 2014 సెప్టెంబర్ లో నాకు అబ్బాయి పుట్టాడు.

నాకు ఎప్పుడూ యాక్టర్ అవ్వాలని కల ఉండేది అందుకే లుక్స్ విషయంలో నేను చాలా జాగ్రత్తగా ఉండేదాన్ని. కానీ ప్రెగ్నెన్సీ తర్వాత నాకు పింపుల్స్ వచ్చాయి. స్ట్రెచ్ మార్క్స్ వచ్చాయి. జుట్టు రాలిపోవడం మొదలైంది. అప్పుడు కూడా నా భర్త నాతో మామూలుగానే ప్రవర్తించేవారు. లుక్స్ గురించి అంత పట్టించుకోవద్దు అని చెప్పేవారు. సంతోషంగా ఉండమని అనేవారు.

ఇప్పుడు నాకు నా భర్త ఇంకా నా కొడుకు జీవితం అయ్యారు. నేను నా భర్తని ఎంతో గౌరవిస్తాను. మేమిద్దరం మా కుటుంబానికి ఒక ఐడియల్ కపుల్. ఒక్కొక్కసారి మనకు ఏది మంచిదో మనకి తెలియదు. కానీ మన తల్లిదండ్రులకు తెలుసు. ఇవాళ నా భర్తని నాకు లైఫ్ పార్టనర్ గా ఎంచుకున్నందుకు నా తల్లిదండ్రులకు నేను థాంక్స్ చెప్తున్నాను. నన్ను హ్యాండిల్ చేయగలిగే వ్యక్తి నా భర్త మాత్రమే” అని చెప్పారు.

image credits: quora/shweta-garg

భార్య భర్తల బంధం అనేది ఎంతో అపురూపమైనది. ఎన్ని కష్టాలు వచ్చినా ఒకరితో ఒకరు తోడుంటూ జీవితాన్ని కొనసాగించడమే నిజమైన భార్య భర్తల సంబంధం.

ఇలాంటిదే ఒక కథ సోషల్ మీడియాలో హల్చల్ చేస్తోంది. అతనికి వచ్చిన కొద్దిపాటి ఆదాయంతోనే భార్యను ఉన్నత చదువులు చదివించారు. ప్రేమించి పెళ్లి చేసుకున్న భార్య ఏదో విషయం మీద దిగులుగా ఉందనే విషయాన్ని గమనించాడు. తమ 8 వ పెళ్లి రోజు కానుకగా ఒక అద్భుతమైన బహుమతిని భార్యకు ఇచ్చి  ఆశ్చర్యపరిచాడు

అనీష్  ఒక ప్రైవేట్ సంస్థలో ఉద్యోగం చేస్తుండగా రజితను ప్రేమించాడు. పెద్దలను ఒప్పించి వివాహం చేసుకుందామని వీరిరువురు నిర్ణయించుకున్నారు. అనీష్ కుటుంబం వారు ఒప్పుకున్నా, రజిత కుటుంబ వారి పెళ్ళికి నిరాకరించారు.

చివరకు రజిత కుటుంబవారు ఒక షరతు మీద వీరి పెళ్లి జరగడానికి ఒప్పుకున్నారు. ఎలాంటి పెళ్లి ఆచారం లేకుండా కట్టుబట్టలతో తీసుకెళ్ళమని అనీష్ కుటుంబాన్ని కోరారు. వరుడు అనీష్ బంధువులు మరియు స్నేహితుల సమక్షంలో చాలా సాధారణంగా డిసెంబర్ 29 2014 లో  వివాహం చేసుకున్నారు.

అనీష్ కి వచ్చే కొద్దిపాటి ఆదాయంతోనే రజితను ఉన్నత చదువులు చదివించారు. భర్త ఆసరాతో రజిత కామర్స్ లో పీహెచ్డీ చదువులు పూర్తి చేసింది. ప్రేమించి ఇష్టపడి పెళ్లి చేసుకున్నా అనీష్, భార్యలో ఏదో అసంతృప్తి కల్పిస్తున్నట్లు గమనించాడు. ఏదైనా పెళ్లి వేడుకలో పాల్గొన్న భార్య మొహంలో ఒక చింత కనిపించేది అనీష్ కి.  తమ పెళ్లి అంత సాదాసీదాగా జరిగిపోవడం విధిరాత అని అనుకుంటూ ఉండేది రజిత.

రజిత కి వధువుగా అలంకరించుకోవాలి అనే కోరిక ఉండేది. వారి పెళ్లి రోజున తీసిన ఫోటోలు వీడియోలులో రజిత అన్నిటిలోనూ విచారంగానే కనిపించింది. ఇది చూసిన అనీష్ కు ఎంతో బాధగా అనిపించి తమ 8వ పెళ్లి రోజును వారే ఎప్పటికీ మర్చిపోకూడదు అని నిర్ణయించుకున్నాడు అనీష్.

తమ 7 ఏళ్ల కుమార్తె అమ్ము సాక్షిగా పెళ్లినాటి ప్రమాణాలు చేస్తూ వెడ్డింగ్ ఫోటోషూట్ ను ఏర్పాటు చేశారు. అనీష్ రజిత వధూవరులుగా ముస్తాబయ్యారు. అట్టుకల్ దేవాలయం, శంకుముఖం బీచ్ తో సహా అనేక ప్రదేశాలలో ఫోటోషూట్ జరిగింది. ఈ ఫోటోలు డిజిటల్ ఆల్బమ్ గా మారింది. ఈ సారి ఫోటోలో ప్రత్యేకత ఏంటంటే “రజిత ముఖం చిరునవ్వుతో” వెలిగిపోయింది. భార్య కలను నెరవేర్చిన ఈ భర్త ఎంత గొప్పవాడో కదా..

ప్రపంచం ఎంత ముందుకు వెళ్తున్నా.. మారనిది ఏమైనా ఉంది అంటే అది స్త్రీ కి దురయ్యే సవాళ్ళే..పుట్టినప్పటి నుంచి వారు వద్దు, కూడదు అన్న మాటలే ఎక్కువగా వింటూ ఉంటారు. ఎవరి తోడు లేకుండా ఎక్కడికి వెళ్ళకూడదు, అనుమతి తీసుకొనే ఏ పనైనా చేయాలి.. గట్టిగా నవ్వకూడదు.. ఇలాంటి దుస్తులే ధరించాలి.. ఇలా ప్రతి దాన్లో ఆమెను కంట్రోల్ చేస్తూనే ఉంటారు. అయితే కాలం మారే కొద్దీ మహిళల పరిస్థితి లో కాస్త మార్పు వచ్చినా.. వాటి కన్నా వారికున్న సవాళ్ళే ఎక్కువగా ఉన్నాయి.

#1 ఒక అమ్మాయి మంచి చదువులు చదువుతూ ఉంటే.. అంత చదివించటం అనవసరం.. ఎలాగో పెళ్లి చేసి పంపించాల్సిందే కదా.. అని సలహాలు ఎక్కువైపోతాయి. అలాంటి మాటలు అమ్మాయి తల్లిదండ్రులు వింటే వెంటనే పెళ్లి ప్రయత్నాలు మొదలు పెట్టేస్తారు. అలా కాదని ఆ అమ్మాయిని బాగా చదివించి ఉద్యోగం చేయించే తల్లిదండ్రులు ఉంటారు. ఈ రెండు సందర్భాల్లోనూ మహిళలకు ఇబ్బందులు ఉండటం కామన్.

#2 పెళ్లి చేసుకొని అత్తారింటికి వెళ్లిన అమ్మాయిలకు పుట్టింటిలో కన్నా ఎక్కువ సవాళ్ళే ఉంటాయి. చేసిన ప్రతీది తప్పు, నుంచో కూడదు.. కూర్చోకూడదు ఇలా ఉంటుంది అక్కడ పరిస్థితి. కొన్ని సందర్భాల్లో హింస కూడా ఉండే అవకాశం ఉంది. అత్తారింట్లో జరిగే ఆకృత్యాలు భరించలేక కొందరు మహిళలు తీవ్ర నిర్ణయాలు తీసుకుంటూ ఉంటారు అది తప్పు. అలా కాకుండా వారిని విడిచిపెట్టి వచ్చి ఒంటరిగా జీవించే వాళ్ళని బ్రతకనివ్వదు సమాజం.

#3 ఒకవేళ బాగా చదివి ఉద్యోగం చేస్తున్న అమ్మాయి అయితే ఇంకా ఎందుకు పెళ్లి చేసుకోలేదు అంటూ ప్రశ్నలు.. కొంత కాలానికి వారిని వింతగా చూడటం మొదలు పెడతారు. మరోవైపు ఉద్యోగ జీవితం లో ఒడిదొడుకులు కూడా ఉండనే ఉంటాయి. ఒత్తిడి, వేధింపులు తప్పనిసరి. ఇలా కాకుండా పెళ్లయి ఉద్యోగం చేసే మహిళకు ఆ ఉద్యోగంతో పాటు ఇంటి పని, వంట పని తప్పదు. భర్త ఎంత చదువుకున్న వాడైనా భార్యని అర్థం చేసుకోవడం లో మాత్రం జీరోనే. ఇలా ఈ స్ట్రెస్ భరించలేక ఉద్యోగాల్ని వదులుకునే వారూ చాలా మందే ఉంటారు.

#4 తమ కొడుక్కి వధువును వెతుకుతున్న సమయం లో వారి కొడుకు ఏ రంగులో ఉన్నా సరే వారికి మాత్రం తెల్లగా ఉన్నా అమ్మాయే కావాలి. ఒకవేళ అమ్మాయి రంగు తక్కువగా ఉన్నట్లయితే వారిని తమ లిస్ట్ లో నుంచి తీసేస్తారు. అలాగే ఒక అమ్మాయి కి కళ్ళ జోడు ఉన్నా కూడా అది ఆ అమ్మాయి తప్పే.

#5 అలాగే ఒక అమ్మాయి ఎవరినైనా ప్రేమించింది అంటే అది ఈ సమాజం దృష్టిలో చాలా తప్పు. ఎదో అంటరాని దానిలా చూస్తారు. వారి తల్లిదండ్రులు, సమాజం మాటలు పరిగణన లోకి తీసుకుంటే ఆమె జీవితం నరకమే. అలాగే ఒక అమ్మాయి రాత్రిళ్ళు బయటకు వెళ్లడం చాలా తప్పు అలాగే ప్రస్తుత సమాజం లో అది అపాయం కూడా.

జీవితం అనే పరుగు పందెం లో ఎవరి రేస్ వారిదే. కానీ ఈ రేస్ లో మగువలు ఎప్పుడు వెనక బడుతుంటారు. ఇందులో గెలవాలంటే ముందు పరిగెత్తాలి. శ్రమ పడాలి. సొంత నిర్ణయాలు తీసుకొనే ధైర్యం చేయాలి. ఆర్థిక స్వాతంత్రం ఉండేలా చూసుకోవాలి. వీటితో పాటు శారీరక ఆరోగ్యం .. మానసిక ఆరోగ్యం కూడా ముఖ్యమే.

పెళ్లి ఎవరి జీవితంలో అయినా ఎంతో ముఖ్యమైనది. మనం ఎంతో ఇష్టపడి పెళ్లి చేసుకున్న వారు పెళ్లి అయిన తరువాత మునుపటి లా ప్రేమించకపోతే మనసుకు బాధ కలుగుతూ ఉంటుంది. ఇలా చాలా కుటుంబాల్లో జరుగుతూనే ఉంటుంది.

కానీ కారణం ఏంటి అనేది ఎవరు ఆలోచించుకోరు. ఓ భార్య.. తన భర్తతో కూర్చుని మాట్లాడుకుని ఈ సమస్యని ఎలా పరిష్కరించుకుందో ఇప్పుడు చూద్దాం.

ఓ సెలవు రోజున ఇంట్లో తన భర్త మొబైల్ లో చూస్తూ ఉన్న సమయంలో పక్కన వెళ్లి కూర్చుంది. మీతో మాట్లాడాలి.. ఈ ఫోన్ ని స్విచ్ ఆఫ్ చేయమని కోరింది. మొదట నిరాకరించినా.. తన భార్య ఫేస్ డల్ గా ఉండడం చూసిన ఆ భర్త ఫోన్ ని స్విచ్ ఆఫ్ చేసాడు. ఆ తరువాత విషయమేమిటని అడగగా.. భార్య చెప్పడం స్టార్ట్ చేసింది.. “మీరు పెళ్ళికి ముందు చాలా సరదాగా ఉండేవారు. నాపై ప్రేమ గా చూసేవారు.. కవ్వించేవారు.. కానీ.. ఇప్పుడు మీరు రోజులో ఎక్కువ సేపు ఆఫీస్ వర్క్ లేదా ఫోన్ ని మాత్రమే చూస్తూ సమయం గడిపేస్తున్నారు..

నన్ను ఇంత దూరం పెట్టడానికి కారణమేంటి..? నాలో నేను ఏదైనా మార్చుకోవాలి అంటే మార్చుకుంటా..” అంటూ ఆ భార్య చెప్పడం ఆపింది. దానికి ఆ భర్త ఒక చిరునవ్వు నవ్వి ఇలా చెప్పాడు. ఇది సహజం గా అందరి కుటుంబాల్లోనూ జరిగేదేనని వివరించాడు. చిన్నప్పుడు తన అంకుల్ తనకు చెప్పిన ఉదాహరణను తన భార్య కి కూడా చెప్పాడు. “ఇప్పుడు మనం ఏదైనా బంగారం కొన్నాము అనుకో.. దానిని కొంతకాలం మాత్రం అపురూపం గా చూస్తాం. అందరికి చూపించుకుని మురిసిపోతాం. తరువాత బీరువాలో లాకర్ లో పెట్టుకుంటాం..

అంతే తప్ప.. అస్తమానం దానిని తీసి చూస్తూ కూర్చోలేము కదా..” అంటూ ఆ భర్త వివరించాడు. అతను ఈ మాటలు చెప్పగానే.. ఆ భార్య గలగలా నవ్వింది. ఆమె ఎందుకు నవ్వుతోందో భర్తకి అర్ధం కాలేదు.. నవ్వడం ఆపి.. ఆ భార్య ఇలా చెప్పింది.. ” చాలా బాగా కంపేర్ చేస్తున్నారు. కనీసం నన్ను ఎదో ఒక వస్తువు తో పోల్చకుండా బంగారం తో పోల్చినందుకు సంతోషం. అది వస్తువు.. కానీ..నేను మనిషిని. నన్ను కూడా లాకర్ లో పెట్టి ఎలా ఉంచుకుంటారు..? అని ప్రశ్నించింది. ఆమె భర్త ఆలోచనలో పడ్డాడు.

ఆమె చెప్పడం కొనసాగించింది. “ఇప్పుడు ఒక మొక్క ఉంది అనుకోండి. దానిని తీసుకొచ్చి నాలుగు రోజులు మురిసిపోయి, తిరిగి లాకర్ లో పెట్టుకోవడం కుదురుతుందా..? లాకర్ లో పెడితే అది వాడిపోతుంది. దానికి రోజు నీళ్లు పోసి.. ఎండా తగిలే ప్రదేశం లో ఉంచి.. రోజు పట్టించుకుంటేనే అది పెరుగుతుంది.. అని చెప్పుకొచ్చింది. అయినా బంగారాన్ని ఉంచుకుంటాం.. మొక్కలని పెంచుకుంటాం.. ఈ ఒక్క వాక్యం లోనే తేడాని అర్ధం చేసుకోవచ్చు.

మనుషులు కూడా అంతే అండి.. వారితో బంధాన్ని ప్రేమానురాగాలతో పెంచుకోవాలె కానీ బొమ్మల్లా ఇంట్లో ఉంచుకోకూడదు..” అంటూ చెప్పడం ఆగింది. ఆమె ఏమి చెప్పదల్చుకుందో అర్ధం చేసుకున్న ఆ భర్త.. ఆమె వైపు చూసి ప్రేమ గా నవ్వాడు.. గతం లో అతను నవ్వే జీవం లేని నవ్వుకి.. ఇప్పుడు ఆమె వైపు కురిపిస్తున్న ప్రేమతో కూడిన నవ్వులకు ఉన్న తేడాను ఆమె స్పష్టం గా గుర్తించింది. సంతృప్తిగా అతని గుండెలపై వాలింది.

NOTE: All the images used are for representative purpose only

పెళ్లి తర్వాత చాలా మంది మహిళలు బరువు పెరిగిపోతారు. పెళ్లికి ముందు ఎంత సన్నగా ఉన్నా సరే పెళ్లి తర్వాత మహిళల బరువులో మార్పు వస్తుంది. అయితే ఎప్పుడైనా ఆలోచించారా..? ఎందుకు మహిళలు పెళ్లి తర్వాత లావుగా తయారవుతారు అనేది.. కానీ సరైన జవాబు మీకు దొరకలేదా…?

అయితే ఇక్కడ సరైన సమాధానం మీరు ఇక్కడ తెలుసుకోచ్చు. మరి ఇక దీని కోసం ఓ లుక్ వేసేయండి. పెళ్లి తర్వాత సన్నగా ఉన్నవారు కూడా బొద్దుగా మారుతారు. అలాగే లావుగా ఉన్నవారు కూడా మరింత ఒళ్ళు చేస్తారు. దీనికి గల కారణాలు ఇవే..

పెళ్లికి ముందు కష్టపడి పనిచేసే వాళ్లు కూడా పెళ్లి తర్వాత ఆ పనులు చేయడానికి గ్యాప్ వస్తుంది. దీని కారణంగా బరువు పెరుగుతారు.

అదేవిధంగా పెళ్ళికి ముందు చదువు, ఉద్యోగం మొదలైన టెన్షన్స్ ఉంటాయి. ఆ కారణంగా తినడంపై పెద్దగా శ్రద్ధ వహించరు. దాంతో అధిక బరువు సమస్య రాదు. అంతేకాకుండా చదువుకోవడం లాంటి పనుల వల్ల క్యాలరీలు చాలా కరుగుతాయి. కానీ పెళ్లి తర్వాత పనితో పాటు తిండి తినడం కూడా ఎక్కువ అవుతుంది.

పెళ్లి తర్వాత బద్ధకం ఎక్కువగా మహిళల్లో పెరుగుతుంది. కొన్నిసార్లు పనులు చేయడానికి ఆలోచిస్తూ ఉంటారు. అందుకే మెల్లగా చేసుకుంటూ ఉంటారు. కొన్నిసార్లు ఎక్కువగా చేయరు కూడా. దీని కారణంగా కూడా లావుగా మారిపోతారు.

అలానే పెళ్లి తర్వాత మహిళలు ఆహారం విషయంలో మరింత జాగ్రత్త పడతారు. ఏదైనా ఆహారం మిగిలిపోతుందేమో అని వృధా చేయకూడదు అనే ఆలోచనతో తినడం మొదలు పెడతారు. ఇది కూడా బరువు పెరగడానికి దారి తీస్తుంది.

పెళ్లికి ముందు చాలా మంది రెగ్యులర్ గా జిమ్ కి వెళ్తారు. పెళ్లి తర్వాత బ్రేక్ వస్తుంది. వ్యాయామం చేయరు. దీని కారణంగా బరువు పెరుగుతారు.
సైంటిస్ట్స్ చేసిన సర్వే ప్రకారం ఒక విషయం తేలింది. అదేంటంటే ప్రపంచంలో ఏ జంట పెళ్లి చేసుకున్నా.. పెళ్లి తర్వాత కొన్ని రోజులకు కచ్చితంగా రెండు కిలోల బరువు పెరుగుతారు. ఇలా ఈ కారణాల వలన పెళ్లి తర్వాత మహిళలు లావు అవుతారు.

ఒక మనిషి జీవితంలో మార్పు అనేది చాలా సహజమైన విషయం. ప్రతి మనిషి జీవితంలో ముందుకు వెళ్తున్నప్పుడు ఈ మార్పుని ఎదుర్కోవాల్సిందే.

కానీ కొన్నిసార్లు ఆ మార్పు వల్ల ఆ మనిషి తన వ్యక్తిత్వాన్ని కోల్పోతాడు. తాను తన లాగా కాకుండా వేరే ఎవరి లాగానే ఉంటూ ఉంటాడు. ఇందుకు ఉదాహరణ ఇప్పుడు మీరు చదవబోయే కథ.

సంధ్య ఒక సాఫ్ట్వేర్ కంపెనీలో ఉద్యోగం చేస్తోంది. ఉద్యోగంలో చేరిన కొన్ని సంవత్సరాలకి వాళ్ళ ఇంట్లో వారు తనకి పెళ్లి చేశారు. పెళ్లయిన తర్వాత సంధ్య తన భర్తతో, అత్తమామలతో కలిసి ఉంది. సంధ్య కి ఈవినింగ్ షిఫ్ట్. దాంతో సంధ్య షిఫ్ట్ ముగించేటప్పటికి దాదాపు తెల్లవారుజాము అవుతుంది. సంధ్య అప్పుడు పడుకొని 10 గంటల తర్వాత లేస్తుంది.

పెళ్లి కాక ముందు తను ఇలాగే చేసేది. పెళ్లయిన తర్వాత కూడా తను షిఫ్ట్ మూడు గంటలకి పూర్తవడంతో 3 గంటలకి పడుకుని 10 గంటలకి నిద్రలేచింది సంధ్య. నిద్ర లేచి, ఫ్రెషప్ అయ్యి, తన అత్త గారికి సహాయం చేద్దామని వెళ్ళింది. అత్త గారిని చూసి నవ్వుతూ పలకరించింది సంధ్య. కానీ అత్తగారి మొహంలో ఆ నవ్వు లేదు. సంధ్య “ఏమైంది అత్తయ్యా?” అని అడిగింది.

అందుకు సంధ్య వాళ్ళ అత్తగారు “ఇంత ఆలస్యంగా నిద్రలేవడం ఏంటి? 7 గంటలకు నిద్ర లేస్తే ఏమవుతుంది?” అని అడిగింది. అందుకు సంధ్య “అంటే నా షిఫ్ట్ తెల్లవారుజామున అయిపోతుంది అత్తయ్యా. అప్పుడు పడుకొని కొంచెం ఆలస్యంగా నిద్ర లేస్తాను” అని చెప్పింది. అందుకు వాళ్ళ అత్తగారు “ఇలాంటివన్నీ ఇంకా నడవవు. ఉదయం 7 గంటలకు నిద్ర లేవడం అలవాటు చేసుకో” అని సంధ్యని పైనుంచి కిందికి చూసింది. సంధ్య నైట్ డ్రెస్ లో ఉంది.

“ఇక మీదట ఇలాంటి బట్టలు వేసుకోవడం మానేసెయ్. ఇంట్లో మీ మామ గారు కూడా తిరుగుతూ ఉంటారు. తయారయ్యే విధానం మార్చుకో” అని చెప్పింది. సంధ్యకి నిద్ర చాలకపోయినా కూడా అలాగే 7 గంటలకి లేచి అత్తగారికి పనిలో సహాయం చేసేది. తన షిఫ్ట్ మొదలయ్యే టైం కి పని మొత్తం ముగించుకొని ఉద్యోగానికి వెళ్లబోతున్నా కూడా వాళ్ళ అత్తగారు ఆపి ఏదో ఒక పని చెప్పేది.

“ఉద్యోగానికి వెళ్ళాలి” అంటే అయినా “సమయం కాని సమయంలో చేసేది ఏం ఉద్యోగం? ఇలాంటి ఉద్యోగం చేయడం అవసరమా? మానేసి వేరే ఏదైనా చూసుకో” అని చెప్పింది. సంధ్యకి తన భర్త నుండి కానీ, తన మామగారి నుండి కానీ ఎటువంటి మద్దతు లభించలేదు. అంతే కాకుండా వాళ్లు కూడా సంధ్య అత్తగారు అన్న మాటకే మద్దతు ఇచ్చి సంధ్యని వేరే ఉద్యోగం చూసుకోమని చెప్పారు. దాంతో సంధ్య ఒక స్కూల్లో టీచర్ గా జాయిన్ అయింది.

ఇప్పుడు సంధ్య తన అత్తగారికి నచ్చినట్టు గానే జాబ్ చేస్తూ, ఇంట్లో అందరికీ సహాయం చేస్తోంది. దాంతో సంధ్య అత్తగారు, మామగారు, భర్త చాలా సంతోషంగా ఉన్నారు. సంధ్య అత్తగారు అయితే అందరికీ తన కోడలికి తనే ఒక మంచి దారి చూపించినట్టు, ఇలా సమయం కానీ సమయంలో చేసే సాఫ్ట్వేర్ జాబ్ వల్ల ఆరోగ్యం పాడైపోతుంది అని టీచర్ జాబ్ లో చేరాలా చేసినట్లు గొప్పగా చెప్పుకుంది.

వాళ్లందరూ కూడా సంధ్య అత్తగారిని చాలా పొగుడుతున్నారు. అందరూ బాగానే ఉన్నారు. కానీ సంధ్య మాత్రం తన వ్యక్తిత్వాన్ని ఎప్పుడో కోల్పోయింది. సంధ్యకి క్యాంపస్ ప్లేస్మెంట్ లో జాబ్ రాకపోయినా కూడా తనకి సాఫ్ట్వేర్ జాబ్ చేయాలనే ఇష్టం ఉండడంతో ఎంతో కష్టపడి ఎన్నో ఇంటర్వ్యూలలో ఫెయిల్ అయినా కూడా మళ్లీ ప్రయత్నించి ఆ జాబ్ సంపాదించుకుంది.

సంధ్య చేసే హార్డ్ వర్క్ ని, పడే కష్టాన్ని చూసి తనతో ఉద్యోగం చేసే వారందరూ సంధ్యని ఆదర్శంగా తీసుకునే వాళ్ళు. దాంతో సంధ్య మెల్లగా ప్రమోట్ అవుతూ కంపెనీలో టాప్ పొజిషన్ కి వెళ్ళింది. అలా అంత కష్టపడి టాప్ పొజిషన్ కి వెళ్ళిన సంధ్య ఉద్యోగం మానేసి వెళ్లిపోయింది అంటే వాళ్లు కూడా షాక్ అయ్యారు.

సంధ్య లాంటి వాళ్ళు ఈ ప్రపంచంలో ఎంతో మంది ఉంటారు. ప్రపంచ వరకు ఎందుకు మనలో కొంత మంది మన చుట్టూనే ఉన్న ఎంతోమంది సంధ్య ఎదుర్కొన్న సమస్యలను ఎదుర్కొంటుంటారు. అసలు ఇందులో సంధ్య చేసిన తప్పేంటి? అవతల వారి మీద తమ ఇష్టాలని రుద్దడం వల్ల జనాలకు ఏమొస్తుంది? వారికే తెలియాలి.

NOTE: images used in this article are just for representative purpose. But not the actual characters.