Human angle

సాధారణంగా తెలిసినవారు కనిపించినపుడో, కలిసినపుడో మాట్లాడుకోవడం సహజమే. అలాంటి సమయంలో కుశల ప్రశ్నలు వేయడం కూడా సాధారణంగా జరిగే విషయమే. అయితే అది అమ్మాయిలను అడిగేటప్పుడు వాళ్ళు పెళ్ళికాని వారైతే ఎలాంటి ప్రశ్నలు వేయకూడదో, పెళ్లి అయిన అమ్మాయిలయితే ఏం అడగకూడదో చూద్దాం.

సహజంగా ఎవరైనా కలిసినపుడు, ఎటైనా వెళ్తున్నప్పుడైనా, ప్రయాణిస్తున్నప్పుడైనా యువతి లేదా యువకుడు, కొంచెం తెలిసినవరైనా కూడా అసలు పరిచయమే లేని వ్యక్తి అయినా సరే ఖాళీగా ఉండలేకనో, ఉబుసు పోకనో కొందరు మాట్లాడుతూ ఉంటారు. అలా మాట్లాడినపుడు పెళ్ళికాని అమ్మాయిలని ఎప్పుడు కూడా మీ పెళ్లి ఎప్పుడు అని అడగకూడదు.

ఎందుకంటే పెళ్లి అనేది ఆ అమ్మాయి వ్యక్తిగత విషయం. కొన్నిసార్లు వాళ్ళు ఇబ్బంది కూడా పడవచ్చు. వాళ్ళకి నచ్చినప్పుడు చేసుకుంటారు.పెళ్లి అనేది చిన్న విషయం కాదు కాబట్టి, వాళ్ల జీవితంలో వారు తీసుకునే అతి పెద్ద నిర్ణయం. అది కూడా వాళ్ల ఇష్టమే. ఆ ప్రశ్న అడగటం కూడా ఒక రకంగా వ్యక్తిగతంగా బాధపెట్టినట్టే అవుతుంది.

ఇక పెళ్లి అయిన అమ్మాయి కనిపించగానే అడిగే ప్రశ్న పిల్లలు ఎప్పుడు అని, ఏ ప్రశ్న అడగకూడదో అడుగుతూ ఉంటారు కొందరు. కానీ పిల్లల గురించి ఆలోచించాల్సింది, ఎప్పుడు కనాలి అనేది కూడా పూర్తిగా భార్యభర్తలు తీసుకునే నిర్ణయం. వాళ్ళు ఉన్న పరిస్థితులని బట్టి, వారి ఆర్ధిక స్థితి బట్టి, పిల్లలల్ని ఎప్పుడు కానాలి.

పిల్లలల్ని కంటే వాళ్ళకి భవిష్యత్తుకి కావాల్సిన వనరులు ఇవ్వగలమా అని ఆలోచించి తీసుకోవాల్సిన నిర్ణయం.కాబట్టి పెళ్లి అయిన అమ్మాయిలని ఇంకా పిల్లలు లేరా అని అడిగి ఇబ్బంది పెట్టకూడదు. ఆ ప్రశ్న కొందరికి ఇబ్బంది అనిపిస్తే, మరికొందరికి బాధను కలుగచేస్తుంది.

ఇదే ప్రశ్నలపై కోరలో చర్చ జరుగగా ఇలాంటి అభిప్రాయాలనే వ్యక్తపరిచారు. పెళ్లి , ఆ తరువాత పిల్లలని కనడం అనేది పూర్తిగా ఆ అమ్మాయిల వ్యక్తిగత విషయమని, విలైనంతవరకు అలాంటి ప్రశ్నలను ఆడగకుండా ఉండడమే సంస్కారం అనిపించుకుంటుదని అని తెలిపారు.

ఒక్కొక్కసారి మనిషి చేసే పని కంటే వాళ్ల హోదాకే విలువ ఎక్కువ ఇస్తారు. ఎలాగంటే ఒక మామూలు కిరాణా కొట్టు నడిపే వాళ్ళకంటే 12 గంటలు కంప్యూటర్ ముందు కూర్చుని పనిచేసే సాఫ్ట్వేర్ ఉద్యోగి కి విలువ ఎక్కువ ఇస్తారు. అదేవిధంగా ఒక సాఫ్ట్వేర్ ఉద్యోగి కంటే గవర్నమెంట్ ఉద్యోగి అంటే ఎక్కువ గౌరవం ఇస్తారు.

ఇలా చేసే పనిని బట్టి మనిషి కి ఇచ్చే విలువ మారిపోతుంది. అలా చేసే పని చూసి మనిషి విలువను అంచనా వేయడం సరైనదేనా? ఒకసారి ఈ సంఘటన వింటే మీకే అర్థమవుతుంది.

ఒకతనికి క్యాంపస్ ఇంటర్వ్యూలో ఒక పెద్ద సాఫ్ట్వేర్ కంపెనీలో ఉద్యోగం వచ్చింది. అందరికీ ఆ విషయం చెప్పగానే అంత పెద్ద కంపెనీలో ఉద్యోగం రావడం అంటే చిన్న విషయం కాదు ఇంకా సాఫ్ట్ వేర్ ఉద్యోగం అంటే సొసైటీలో గౌరవం ఉంటుంది జాయిన్ అయిన కొత్తలో పని కొంచెం కష్టంగా అనిపించొచ్చు కానీ భవిష్యత్తులో చాలా లగ్జరీ లు ఉంటాయి కాబట్టి ఏమీ ఆలోచించకుండా జాయిన్ అయిపోమని సలహా ఇచ్చారు.అతను కూడా ఆ మాటలు విని నిజమే అనుకొని ఉద్యోగంలో చేరిపోయాడు. కానీ రెండేళ్ల తర్వాత చూసుకుంటే వాళ్లు చెప్పిన వాటిలో ఒక్కటి కూడా నిజం అవ్వలేదు. కానీ అందరికీ తను ఉద్యోగం చేసే కంపెనీ పేరు చెప్తే చాలా గొప్ప కంపెనీ అని, అక్కడ జాబ్ తెచ్చుకున్నాడు అంటే అతను తెలివికలవాడు అని పొగుడుతున్నారు.

దాంతో కనీసం కంపెనీ వల్ల తనకు పేరైనా వస్తోంది అని అదే కంపెనీలో ఉండిపోయాడు. రోజు పొద్దున్నే లేచి తొమ్మిది గంటలకి సిటీ ట్రైన్ లో ఆఫీస్ కి వెళ్లడం మళ్లీ రాత్రికి అదే సిటీ ట్రైన్ లో అలిసిపోయి ఇంటికి రావడం. ఇదే ఆ ఉద్యోగి దినచర్య.ఒకరోజు ఎప్పటిలాగానే ఆఫీస్ పని అయిపోగానే ట్రైన్ ఎక్కాడు. దాదాపు రాత్రి సమయం కావడంతో అలానే పనులు ముగించుకొని ఇంటికి తిరిగి వెళ్లే వాళ్ళు చాలామంది ఆ ట్రైన్ లో ఉన్నారు. ఇతనికి సీటు దొరకడంతో వెళ్ళి కూర్చున్నాడు.

ఉద్యోగి ఎదురుగుండా ఉన్న సీట్ మీద ఇద్దరు కూర్చుని వున్నారు. అందులో దాదాపు తన వయసే ఉన్న ఒక అతని చేతిలో పెద్ద ఖాళీ బుట్ట ఉంది. బుట్టలో నూనె పీల్చి ఉన్న ఒక న్యూస్ పేపర్ ఉంది. అది చూడగానే ఉద్యోగికి అర్థమైపోయింది అతను సమోసా వ్యాపారి అని. ఖాళీగా ఉండటం ఎందుకులే అని ఆ వ్యాపారితో మాట్లాడడం మొదలు పెట్టాడు.

ఉద్యోగి : ఏం తమ్ముడు సమోసాలు అన్ని అమ్మేశావా?

వ్యాపారి: అవును అన్నా.

ఉద్యోగి : బాగా కష్టపడుతున్నట్లు ఉన్నావుగా?

వ్యాపారి : ఏం చేద్దాం అన్నా? ఇల్లు గడవాలంటే తప్పదు కదా?

ఉద్యోగి : అవును అనుకో. ఒక్క సమోసా ఎంతకి అమ్ముతావు?

వ్యాపారి : ముప్పావలా కి అన్నా.

ఉద్యోగి : అవునా. ఒక్కరోజులో అలా ఎన్ని సమోసాలు అమ్ముతావు.

వ్యాపారి : దాదాపు 3000 అమ్ముతా. కొన్నిసార్లు కొనుక్కునేవాళ్లు ఎక్కువమంది ఉండరు. అప్పుడు 2000 దాకా అమ్ముతాను.

ఉద్యోగి (మనసులో) : రోజుకి రెండు వేలు అంటే ఒక్కరోజు కి పదిహేను వందల రూపాయలు. నెలకి 45000. వామ్మో రెండేళ్ల నుండి అంత పెద్ద కంపెనీలో కష్టపడుతున్నా కానీ నా జీతం 15000. ఒక మామూలు సమోసా వ్యాపారి నాకంటే ఎక్కువ సంపాదిస్తున్నాడా?

ఉద్యోగి : రోజు మొత్తం కూర్చొని ఇన్ని సమోసాలు తయారు చేయడం అంటే చాలా కష్టం కదా?

వ్యాపారి : అయ్యో నేను తయారు చేయను అన్నా. మాకు ఒక యజమాని ఉన్నాడు ఆయనే ఇవన్నీ  తయారుచేయించి  మాకు ఇస్తాడు. వాటిని అమ్మితే వచ్చే డబ్బులు నేను తీసుకుంటాను.

ఉద్యోగి : ఇది కాకుండా ఇంక వేరే వ్యాపారాలు ఏమైనా చేస్తావా?

వ్యాపారి : ఈ మధ్యనే రియల్ ఎస్టేట్ వ్యాపారం కూడా మొదలుపెట్టా అన్నా. నేను కూడా మా ఊరిలో ఒక ఇల్లు కొనుక్కున్నా. ఇంటికి దగ్గరలోనే ఒక ఎకరం పొలం కూడా కొని కొంచెం కౌలుకి ఇచ్చి మిగిలినది మేము సాగు చేసుకుంటాము. పొలం కి సంబంధించిన పనులు అన్ని మా నాన్న చూసుకుంటాడు. అమ్మ అంతకుముందు కుట్టు మిషన్ పని చేసేది. ఇప్పుడు ఆపేసింది. చెల్లి పదవ తరగతికి వచ్చింది.

ఉద్యోగి : మరి నువ్వు ఎంత వరకు చదువుకున్నావు?

వ్యాపారి : ఆరవ తరగతి పూర్తిచేశా అన్నా. ఏడవ తరగతి సగంలోనే ఆపేసి పని చేయడం మొదలు పెట్టా.

ఉద్యోగి : నీకు ఎప్పుడు చదువుకుంటే బాగుండేది మంచి ఉద్యోగం వచ్చేది అని అనిపించలేదా?

వ్యాపారి : లేదన్నా.  ఎందుకంటే నేను చదువుకుంటే వచ్చే ఉద్యోగం నా పిల్లలకి ఇవ్వలేను. అదే నేను వ్యాపారం చేసి దీని గురించి అన్ని తెలుసుకుంటే అవే నా పిల్లలకి నేర్పి నా వ్యాపారం వాళ్లకి ఇవ్వగలుగుతాను. ప్రస్తుతం నేను ఈ వ్యాపారంలో బానే నేర్చుకున్నా. డబ్బులు సంపాదించగలను అనే ధైర్యం వచ్చింది. అందుకే ఇంక చదువుకోవాలి అని ఆలోచించలేదు.

అంతలోపు తను దిగాల్సిన స్టేషన్ రావడంతో ఉద్యోగి ట్రైన్ దిగేసాడు. కానీ ఆ వ్యాపారి చెప్పిన మాటలు మాత్రం అతని ఆలోచనల్లో నుండి పోవట్లేదు. “నలిగిపోయిన బట్టలతో చూడడానికి చాలా సాధారణంగా ఉన్నాడు కానీ ఎంత తెలివిగా ఆలోచించాడు. ఏదో నలుగురు మంచి కంపెనీ అని చెప్తే విని ఉద్యోగంలో చేరాను కానీ ఒక్కసారి కూడా ఆ ఉద్యోగం నాకు కరెక్టా కాదా అని ఆలోచించలేదు” అని అనుకున్నాడు.

ఈ సందేశాన్ని కథ రూపంలో చెప్పడం కోసం అవతల వైపు ఉన్న వ్యక్తిని సమోసా వ్యాపారి అని అనుకున్నాం కానీ అతని స్థానంలో వేరే ఎవరైనా ఉండొచ్చు. వారు కూడా అపియరెన్స్ పరంగా ఎలా ఉన్నా కానీ మనకంటే ఎక్కువ సంపాదించే వాళ్లే అయ్యుండొచ్చు.ఎప్పుడైనా ఒక మనిషి కి విలువ ఇవ్వాలి అంటే వాళ్ళ వ్యక్తిత్వం చూసి ఇవ్వాలి అంతే కానీ వాళ్ల ఉద్యోగం చూసి కాదు. ఉద్యోగంలో పెద్దది చిన్నది అని ఏది ఉండదు. ఎలాంటి ఉద్యోగమైనా వాళ్ళు ఎంత కష్టపడి పని చేస్తున్నారు అనేదే ముఖ్యం. అందుకే కష్టపడి పనిచేసే ప్రతి వ్యక్తికి సమానంగా గౌరవం ఇవ్వాలి.

Disclaimer: parts of this story are developed (in translation). Images used here are just for representative purpose only.

భార్య భర్తల మధ్య దాపరికాలు ఏమీ ఉండకూడదు అని చెబుతుంటారు. కానీ, చాల విషయాల్లో భర్త భార్య దగ్గర దాపరికాన్ని మైంటైన్ చేస్తారు. భార్యని బాధ పెట్టకూడదనో.. లేక భార్య గాబరా చెందుతుందనో భావించి కొన్ని విషయాలను దాచేస్తూ ఉంటాడు. మరో వైపు కొందరు భార్యలు కూడా అంతే. సంసారంలో మోసపూరితంగా వ్యవహరించే భార్య భర్తల సంగతి పక్కన పెడితే.. కొందరు మంచి భార్యలు కూడా కొన్ని విషయాలను తమ భర్తల వద్ద దాచిపెడతారు.

భారతీయ సనాతన వ్యవస్థలో భర్త మాటని గౌరవించి నడుచుకునే స్త్రీలు చాలా మందే ఉన్నారు. అలాగే.. భార్యని గౌరవించి.. ఆమె అభిప్రాయాలకు విలువిచ్చే భర్తలు కూడా తక్కువేమి కాదు. అయినప్పటికి.. ఆ భర్తని బాధపెట్టే విషయాలని కానీ, అతని మనశ్శాంతిని దూరం చేసే విషయాలను కానీ చెప్పడానికి ఏ భార్యా ఇష్టపడదు. అవేంటో ఇప్పుడు చూద్దాం.

# 1. విషాదం:
భార్యలు ఏ విషయం గురించైనా ఆందోళన చెందుతున్నా.. బాధ పడుతున్నా ఆ విషయం గురించి భర్తకి చెప్పడానికి ఇష్టపడరు. వారిలో వారే ఆ బాధని అణచుకుంటారు తప్ప భర్తకి చెప్పి ఇబ్బంది పెట్టాలని అనుకోరు.

# 2. అనారోగ్యం:
భార్యల విషయంలో ఎక్కువగా బాధ పెట్టేది అనారోగ్యం. చాలా వరకు ఏ భార్యా తనకు ఉన్న అనారోగ్య ఇబ్బంది గురించి చెప్పాలని అనుకోదు. ఓపిక తెచ్చుకుని తమ పనులు తాము చేసుకోవాలనే అనుకుంటారు. పరిస్థితి చేయి దాటిపోతోందని అనిపిస్తే ఇంట్లో ఇతర కుటుంబ సభ్యులకు తెలియ చేస్తారు.

# 3. ప్రేమ:
భార్యలకు కూడా తమ భర్తపై అమితమైన ప్రేమ ఉంటుంది. అయితే.. ఈ విషయాన్నీ రుజువు చేసుకోవడానికి.. భర్తపై తమ ప్రేమని పదే పదే ప్రకటిస్తూ ఉండే స్త్రీలు తక్కువే. భార్య అంతరంగాన్ని గ్రహించి పురుషుడు నడుచుకోవాల్సి ఉంటుంది.

# 4. ధనం:
కొందరు స్త్రీలు భర్తకి తెలియకుండా రహస్యంగా ధనం దాస్తూ ఉంటారు. ఎక్కువ మొత్తంలో కాకపోయినా.. అవసరానికి ఆదుకునేలా ఉండే విధంగా ఎంతో కొంత దాచుకుంటూ ఉంటారు. వీటి గురించి కూడా భర్తకి చెప్పరు. వాటిని ఖర్చు చేయకుండా దాచి ఉంచి.. అవసరం వచ్చిన సమయంలో కుటుంబాన్ని ఆదుకుంటారు.

భారతీయ వివాహ వ్యవస్థ ఎంత ఔన్నత్యమైనదో.. మహిళల పట్ల భారత సమాజం లో ఉన్న భావాలు అంత సంకుచితమైనవి. అందుకే మహిళలు పెళ్లి తరువాత ఉద్యోగం చేయడానికి కొందరు మనస్పూర్తి గా ఒప్పుకోలేరు. ఇలా పెళ్లి తరువాత ఉద్యోగం చేయాలనుకుని.. చేయలేక సతమతమవుతున్న వారు చాలా మందే ఉన్నారు. వారిలో విద్య కూడా ఒకరు. పెళ్లి అయ్యాక తన జీవితం ఎలా మారిపోయిందో విద్య మాకు పంపిన మెసేజ్ ను మీకు అందిస్తున్నాం.

“నా పేరు విద్య. నేను ఎంబీఏ పూర్తి చేసాను. నాకు కెరీర్ పై చాలా ప్లాన్స్ ఉండేవి. ఏదైనా మంచి పొజిషన్ లో ఉండాలి అని కలగనేదాన్ని. సొంతం గా ఓ ఫిట్ నెస్ సెంటర్ ను పెట్టి రన్ చేయాలనేది నా కోరిక. సొంతం గా నా కాళ్ళ మీద నేను నిలబడాలి అని అనుకునే మనస్తత్వం నాది. కానీ.. పెళ్లి అయ్యాక ఒక్కసారి గా పరిస్థితులన్నీ మారిపోయాయి. పెళ్ళికి ముందు నేను ఏమి చేస్తాను అన్నా నా తల్లి తండ్రులు ముందు పెళ్లి చేసుకో.. ఆ తరువాత నీకు నచ్చినట్లు ఉండు అని చెప్పేవారు. కానీ, పెళ్లి అయ్యాక నా జీవితం నా చేతుల్లో లేదు అనిపించింది.

నా అత్తగారు, మామ గారు, భర్త.. ఇలా నేను ఏమి చేయాలన్న వీరందరి పర్మిషన్ తీసుకోవాలి. నా అత్తా మామ లు ముందు పిల్లలను కనండి.. ఆ తరువాత ఏమైనా ప్లాన్ చేసుకోండి అని చెప్పారు. నా ఆశలు నెరవేర్చుకోవడానికి ఇంకా టైం ఉందని అర్ధం అయింది. కొంత కాలం పాటు వీరికి అనువు గా ఉండాలని అర్ధం అయింది. నా భర్త తో ప్రేమకు చిహ్నం గా మాకో పండంటి బాబు పుట్టాడు. బాబు పుట్టిన తరువాత రోజు మొత్తం వాడితోనే సరిపోయేది. బాబు ఆలనా పాలన చూసుకోవడం, ఇంట్లో పనులు చక్కపెట్టుకోవడం వంటి పనులే సరిపోయేవి.

నాకంటూ సొంత కలలను నెరవేర్చుకోవడానికి సమయం ఉండేది కాదు. నా కాళ్ళ మీద నేను నిలబడాలని అనుకునే దాన్ని. కానీ, ఇప్పుడు ఏ చిన్న అవసరం వచ్చినా నేను నా భర్తనే అడగాల్సి వస్తోంది. నాకు ఏదైనా నచ్చినవి కొనుక్కోవాలి అన్నా నేను నా భర్తనే అడగాలి. నేనేమి ఖాళి గా లేను. రోజంతా నా కుటుంబం పనులను చేయడానికే సమయం సరిపోతుంది. కానీ, నాకేమి జీతం ఇవ్వరు. ఒక్కరోజు కూడా నాకు ఎలాంటి హాలిడే ఉండదు. అవిశ్రాంతం గా, నిర్విరామం గా పనిచేయాల్సి వస్తుంది. నాలాగా ఇంకెంతమంది ఉన్నారో..

కోరా లో ఏ ప్రశ్న కి అయినా సరే సమాధానం దొరుకుతుంది. ఒక ప్రశ్న కి ప్రపంచం మొత్తంలో ఎక్కడి నుంచైనా జవాబు వస్తుంది అంటే అది కోరా ఏ. చాలా మంది ప్రశ్న గురించి వారి జవాబు ని ఇస్తూ వుంటారు. అలానే పెళ్లి చూపులు అంటే మనకి గుర్తు వచ్చేది పెళ్లి చూపులు లో వేసే ప్రశ్నలే. పెళ్లి చూపులలో అమ్మాయి, అబ్బాయి ఒకరిని ఒకరు కొన్ని ప్రశ్నలు అడిగి వాటి నుండి పెళ్లి చేసుకోవాలా? లేదా? అనేది ఆలోచిస్తారు.

అమ్మాయి, అబ్బాయి వీటిని బట్టి లైఫ్ లాంగ్ కలిసి ఉండాలా లేదా అనేది డిసైడ్ అవుతారు. ”పెళ్లి మాటల్లో (లేక పెళ్ళి చూపుల్లో) ఏదైనా సంబంధం వారు మాట్లాడిన అత్యంత విచిత్రమైన విషయం ఏమిటి?” అని ఒకరు అడగగా..

ఓ కోరా యూజర్ దానికి సమాధానం ఇలా ఇచ్చారు. ఈ ప్రశ్నలు, జవాబులు చాలా వెరైటీగా వున్నాయి మరి మీరూ చూసేయండి. అమ్మాయి తల్లి అబ్బాయి తండ్రిని ఇలా అడగడం స్టార్ట్ చేసింది.

#1. మీరు ఏం చేస్తారు ?

రెవెన్యూ ఇన్స్పెక్టర్ అని అన్నారు.

#2. ఎప్పుడు రిటైర్ అవుతారు?

వచ్చే ఏడాది అని చెప్పారు.

#3. ఇల్లు మీ సొంతమే కదా. రిటైర్ అయ్యాకా ఆ ఇంట్లోనే ఉంటారా?

లేదండీ. అబ్బాయి దగ్గర ఉంటాం అన్నారు.

#4. అలాగైతే మా అమ్మాయితో మాట్లాడాలి. అయినా చక్కటి ఇల్లు ఉండగా, మళ్లీ అబ్బాయి ఇంటికెందుకండీ.

అంతే.. ఆవిడ కూతుర్ని సంప్రదించడానికి లోపలికి వెళ్ళింది.

#5. ” అత్త మామ మీతోనే ఉంటారట. నీకిష్టమేనా? “

” వద్దు అమ్మా. వాళ్ళు రానంటే ఈ సంబంధం నాకిష్టమే. ” అని అన్నారు.

#6. ” అయినా వాళ్ళెంతకాలం బతుకుతారు. ఆలోచించు. “

ఈ మాటలు హాల్లో అందరికీ వినపడ్డాయి. ఒకరి ముఖాలు ఒకరు చూసుకుని వెళ్లిపోయారు.

ఇలా మారిపోయాయి ఈ కాలం లో పెళ్లి చూపులు. ఇది వరకు అయితే అబ్బాయి బాగున్నాడా, సంపాదిస్తున్నాడా.. అమ్మాయి ఎలా వుంది అన్ని పనులు వచ్చా అని..

sourced from : Quora (Venkata Ramana Surampudi)

పెళ్లి అనేది ఒక వ్యక్తి పర్సనల్ ఛాయిస్. అందరికీ ఒక పర్టిక్యులర్ వయసులోనే పెళ్లి చేసుకోవాలని అనిపించదు. కొంత మందికి పెళ్ళికంటే ముఖ్యమైనవి చాలా ఉంటాయి. కెరీర్ లో ఒక స్టేజ్ కి వచ్చి, వాళ్ళు అనుకున్నది సాధించిన తర్వాత పెళ్లి చేసుకుందాం అనుకునేవాళ్లు చాలా మంది ఉంటారు.

అయితే 30 సంవత్సరాలు దాటిన తర్వాత పెళ్లి చేసుకుంటే కొన్ని ఇబ్బందులు వచ్చే అవకాశాలు ఉన్నాయి అని నిపుణులు చెబుతున్నారు. అవేంటంటే.

# ఈ ఏజ్ గ్రూప్ లో జీవితం పై పూర్తి స్పష్టత వస్తుంది. వీలైనంత వరకు కెరియర్ పై ఫోకస్ చేసి డబ్బు సంపాదించాలి అని అనుకుంటారు. దాంతో వైవాహిక జీవితంపై శ్రద్ధ పెట్టడం కష్టం అయ్యే అవకాశాలు ఉన్నాయి.

# ఒకరిపై ఒకరికి ఆకర్షణ తగ్గిపోతుంది. దాంతో వైవాహిక జీవితం చాలా డల్ గా సాగుతుంది అని నిపుణులు అంటున్నారు.

# వేరే విషయాల మీదకి, అంటే ఉద్యోగం, డబ్బు సంపాదించడంలో బిజీ అయిపోవడంతో ఒకరిపై ఒకరికి శ్రద్ధ పెట్టే సమయం చాలా తక్కువగా ఉంటుంది. దాంతో వేరే రిలేషన్ షిప్ వైపు ఫోకస్ వెళ్లే అవకాశాలు ఉంటాయట.

# సమాజం నుండి వచ్చే ఒత్తిడి గురించి మనందరికీ తెలుసు. ఎవరినైనా సరే తొందరగా జడ్జ్ చేయడంలో చాలా మంది ముందుంటారు. దాంతో ఒకవేళ మైండ్ కొంచెం సున్నితంగా ఉన్న వాళ్ళు అయితే సమాజం నుండి వచ్చే ఒత్తిడిని సీరియస్ గా తీసుకునే అవకాశాలు ఉంటాయి. దాని వల్ల మానసికంగా ఇబ్బందులు ఎదురు అవుతూ ఉంటాయి.

# భవిష్యత్తు ఎలా ఉండాలి ? జీవితం ఎలా ప్లాన్ చేసుకోవాలి ? అనే విషయంలో పడి ప్రస్తుతం ఉన్న మూమెంట్ ని ఎంజాయ్ చేసే అవకాశాలు కూడా తక్కువగా ఉంటాయి.

ఏదేమైనా సరే ఇందాక పైన చెప్పినట్టుగా పెళ్లి అనేది ఒక వ్యక్తి పర్సనల్ ఛాయిస్. ఒక వ్యక్తికి తన జీవితంలో ఎప్పుడు ఏం చేయాలి అనే విషయంపై క్లారిటీ ఉంటుంది. దాన్ని బట్టి వాళ్ళు వారి నిర్ణయాలు తీసుకుంటారు. కాబట్టి ఎవరిని కూడా జడ్జ్ చేయలేము.

సాధారణం గా మన ప్రేమను మనం ప్రేమించిన వారు అంగీకరిస్తే ఎంతో మురిసిపోతాం. కానీ, మనలని కూడా అంతే గొప్ప గా ప్రేమించే వారు దొరకడం మన అదృష్టం. అయితే, ఎవరైనా మనపై పీకల్లోతు ప్రేమలో మునిగిపోయారని మనకి ఎలా తెలుస్తుంది..? ప్రేమ లో పడితే అదే తెలుస్తుంది అండి. ఈ పది లక్షణాలు ఎవరిలో అయినా మీకు కనిపించాయా..? అయితే.. ఆ అబ్బాయి మీ పై పీకల్లోతు ప్రేమ లో మునిగిపోయాడని అర్ధం. అవేంటో చూడండి..

సాధారణం గా అబ్బాయిలకి సానిటరీ పాడ్స్ కొనడం లాంటివి ఇష్టం ఉండవు. ఇవి కొంటున్న సమయం లో అతని స్నేహితులెవరైనా చూస్తే తమ పరువు పోతుందని చాలా మంది అబ్బాయిలు భావిస్తారు. కానీ, మీకోసం ఎవరైనా అబ్బాయి అలా కొని తెచ్చ్చిపెట్టారంటే అతనికి మీరంటే చాలా పిచ్చి ప్రేమ అని అర్ధం.

1. జనరల్ గా అబ్బాయిలు ఎవరికైనా ఒంట్లో బాగోకపోతే ఓసారి కనబడి పలకరించి వచ్చేస్తారు.అంతే తప్ప..అమ్మాయిల్లా పక్కనే ఉండి ఎక్కువ కేర్ తీసుకోవడం వంటివి ఉండవు. కానీ, మీకెప్పుడైనా అనారోగ్యం వస్తే.. ఎవరైనా ఎక్కువ కేర్ తీసుకుంటున్నారా..? అంటే ఆ అబ్బాయికి మీపై పిచ్చి ఇష్టం ఉన్నట్లే.

2.మీరు మాట్లాడుతున్నప్పుడు.. మీరు చెప్పే విషయాలన్నీ వారికి బాగా గుర్తుంటాయి. వారు మీ మాటల పట్ల ఆసక్తిని కలిగి ఉంటారు. కాబట్టి మీరు చెప్పే విషయాలు కూడా వారికీ బాగా గుర్తుంటాయి.

3. మిమ్మల్ని సెక్యూర్ గా ఉంచడానికి నిరంతరం ప్రయత్నిస్తూ ఉంటారు. సాధారణం గా అబ్బాయిలు ఇలాంటి విషయాలు పట్టించుకోరు. ఎవరిదీ వారు చేసుకోగలరు అన్న మనస్తత్వాన్ని కలిగి ఉంటారు. అయినా మీ పట్ల ఈ ప్రత్యేకత కనబరుస్తున్నారంటే.. మీరంటే వారికి ప్రేమ ఉన్నట్లే.

4. మీతో పాటు కలిసి సీరియల్స్ చూడడానికి ఆసక్తి కనబరిస్తే.. వారి కి మీతో గడపడం ఇష్టమన్న సంగతి అర్ధం అవుతూనే ఉంటుంది. సాధారణం గా అబ్బాయిలకి సీరియల్స్ చూడడం ఇష్టం ఉండదు. మీతో గడపడం కోసమే వారు సీరియల్స్ చూడడానికి ఇష్టపడతారు.

5. ఇంట్లో ఉండే పనిని మీతో పాటు వారు కూడా పంచుకుంటారు. బాత్రూం క్లీనింగ్ నుంచి, వంట పనుల దాకా అన్ని పనుల్లోనూ మీకు సహకరిస్తారు.

6. మీ పై చాలా ప్రేమ ఉన్న అబ్బాయిలు మీతో ప్రేమ గానే ఉంటారు. కానీ రోజువారీ వారు చేస్తున్న పనులను, వారు ఎదుర్కొంటున్న కష్టాలను మీతో గడుపుతున్న సమయం లో మర్చిపోతారు. వారి కష్టాలను మీకు తెలియనివ్వరు.

7. అప్పుడప్పుడు చిన్న చిన్న గొడవలు పెట్టుకోవడం. నిజం గా ప్రేమ ఉన్న వ్యక్తులు మాత్రమే మీతో ఓపెన్ గా నిజాయితీ గా ఉంటారు. చిన్న చిన్న గొడవలు వచ్చినా.. మీకు మరింత దగ్గరవుతారు.

8. ప్రతి చిన్న విషయానికి మిమ్మల్ని సలహా అడుగుతుంటారు. అంటే వారికీ చేతకాక కాదు.. మీరంటే ఎక్కువ ఇష్టం ఉండడం వలన.. మీ అభిప్రాయాలకు ఎక్కువ గౌరవం ఇవ్వడం కోసమే మిమ్మల్ని అడుగుతూ ఉంటారు.

9. సమయం దొరికినపుడు సరదాగా బయటకు వెళ్ళేటప్పుడు మిమ్మల్ని కూడా బయటకు తీసుకెళ్తుంటారు. రెస్టారంట్స్, షికార్లకు తాను వెళ్లాలనుకుంటే మిమ్మల్ని కూడా తీసుకెళ్లాలని భావిస్తారు.

10. తన పనులకంటే.. మీకే ఎక్కువ ప్రాధాన్యత ఇస్తూ ఉంటారు. తనకి పనులు ఉన్నా, మీకు ప్రాధాన్యత ఇస్తున్నారంటే మీరంటే పడి చచ్చేంత ఇష్టం ఉందని అర్ధం.