Human angle

పెళ్లి అనేది జీవితంలో చాలా మధురమైనది. పెళ్లితో ఇద్దరు వ్యక్తులే కాదు రెండు కుటుంబాలు కూడా ఒకటి అవుతాయి. పెళ్లికి ముందు నిశ్చితార్థం చేస్తారు. ఆ తర్వాత పెళ్లిని జరుపుతారు. నిశ్చితార్థం అనేది అధికారిక ప్రకటన. వధూవరుల యొక్క సంబంధం అధికారికంగా మారిందని నిశ్చితార్థంతో తెలుస్తుంది.

ప్రేమించి పెళ్లి చేసుకుందాం అనుకున్న వాళ్ళల్లో అప్పటికే అన్ని ఒకరికొకరు తెలుసుకుని ఉంటారు. కానీ పెద్దలు కుదిర్చిన వివాహంలో మాత్రం నిశ్చితార్ధం తర్వాత మాత్రమే ఒకరి గురించి ఒకరు తెలుసుకోవడానికి అవుతుంది. అయితే ఇటువంటి పరిస్థితిలో అబ్బాయి, అమ్మాయి కూడా జాగ్రత్తగా ఉండాలి.

లేదంటే పెళ్లి సంబంధం చెడిపోయే అవకాశం కూడ ఉంటుంది. ఇలాంటివి చాలానే మనం చూసే ఉంటాం. మీకు కూడా ఒక అబ్బాయితో కానీ అమ్మాయితో కానీ నిశ్చితార్ధం జరిగి ఉంటే.. మీరు ఇద్దరూ త్వరలో పెళ్లి చేసుకోబోతున్నట్లయితే… వీటిని తప్పక గుర్తుపెట్టుకోండి.

#1. ఎక్కువ చెప్పుకోవడానికి ప్రయత్నించవద్దు:

చాలామంది తమ గురించి ఎక్కువ చెప్పుకోడానికి చూస్తూ ఉంటారు. సందు దొరికితే చాలు ఇతరులపై కూడా తమ ఆధిపత్యాన్ని చాటుతారు. ఇలా సెల్ఫ్ డబ్బా కొట్టుకోవడం వల్ల ఎదుటి వాళ్ళకి చికాకు వస్తుంది. వైవాహిక జీవితంతో ఇద్దరు వ్యక్తులు జీవిత భాగస్వాములు అవుతారని గుర్తుపెట్టుకోవాలి.

అందుకని ఎప్పుడూ కూడా గొప్పగా చెప్పుకుంటూ ఒకరిని అణచివేయడానికి చూడకూడదు. ఒకరి కోరికలను ఒకరు గౌరవించుకోవడం, ఒకరినొకరు అర్థం చేసుకోవడానికి ప్రయత్నించడం చేస్తే జీవితాంతం ఆనందంగా ఉండొచ్చు.

#2. అతిగా మాట్లాడితే ఇబ్బందులు:

నిశ్చితార్థం అయిన తర్వాత అబ్బాయి అమ్మాయి గంటల కొద్దీ ఫోన్లలో మాట్లాడుతూ ఉంటారు. అయితే నిజానికి ఈ సమయంలో ఒకరినొకరు గమనిస్తూ ఉంటారు. ఎక్కువగా మాట్లాడితే తప్పుగా భావిస్తారు. పైగా ఎక్కువ మాట్లాడటం వల్ల ఏదో ఒకటి స్లిప్ అవుతూ ఉంటారు. కొన్ని కొన్ని సార్లు ఒక మాట జారితే ఎన్నో సమస్యలు కొని తెచ్చుకున్నట్లు అవుతుంది. కాబట్టి అదుపులో ఉండటం చాలా అవసరం.

#3. చెడుగా కుటుంబం గురించి చెప్పొద్దు:

ఎవరైనా సరే తమ కుటుంబాలను గౌరవించుకోవాలి. అందుకని ఎప్పుడూ కుటుంబం గురించి చెడ్డగా చెప్పుకోకూడదు. వివాహం అయ్యేంత వరకు కూడా ఈ విషయాల పట్ల జాగ్రత్తగా ఉండాలి.

#4. రెస్పెక్ట్ తో మాట్లాడడం:

మీయొక్క పార్టనర్ కి మీరు గౌరవం ఇవ్వడం చాలా ముఖ్యం. మీ బంధం బాగుండాలంటే గౌరవాన్ని ఇచ్చి పుచ్చుకోవాలి. ఎప్పుడూ కూడా అసభ్యంగా ప్రవర్తించద్దు. గౌరవం ఉంటేనే బంధం నిలబడుతుంది అని గుర్తుంచుకోవాలి.

featured image source: a screenshot from telugu short film “nischitartam“

మన కాళ్లకు రక్ష ఏంటంటే పాదరక్షలు అవేనండీ  చెప్పులు. చెప్పులు లేనిదే మనం ఒక్క అడుగు కూడా బయటకు వేయడం కష్టం. ఎందుకంటే మన పాదాలను ఎండ వేడి నుంచి, రాళ్లు వంటివి గుచ్చుకోకుండా కాపాడుకోవడానికి ధరిస్తాం.

అసలు విషయం ఏంటంటే ఒక ఊరిలో చెప్పులు వేసుకొని  తిరగడం అనేది నిషేదం అంట.  అక్కడ చెప్పులు వేసుకుని తిరిగితే పెద్ద శిక్ష విధిస్తారు అంట. మరీ ఆ ఊరిలో ఈ వింత ఆచారం ఎందుకు ఉందో మనం కూడా ఒకసారి తెలుసుకుందాం రండి.

ఆ ఊరి పేరు అండమాన్. ఇది ఒక గ్రామం. ఈ గ్రామం తమిళనాడు రాష్ట్ర రాజధాని చెన్నై కి 450 కిలోమీటర్ల దూరంలో ఉంది. అండమాన్ గ్రామంలో దాదాపు 130 కుటుంబాలు నివసిస్తూ ఉంటాయి. వారిలో ఎక్కువ మంది రైతులు ఉన్నారు. అయితే ఈ ఊరికి ఒక ప్రవేశ ద్వారం ఉంది. ఈ ప్రవేశ ద్వారం వద్ద ఉన్న పెద్ద చెట్టుని ఈ అండమాన్ గ్రామస్తులు ముత్యాలమ్మ అనే దేవతగా ఆరాధిస్తూ ఉంటారు. ఇలా ఆ చెట్టుని దేవతగా ఆరాధించడం వలన ఆ గ్రామాన్ని కాపాడుతుందని ప్రజల నమ్మకం.

ఈ గ్రామంలోకి రావాలి అంటే ప్రతి ఒక్కరూ ద్వారం బయటే చెప్పులను వదిలి లోనికి ప్రవేశించాలి. అంతేకాకుండా గ్రామంలోని కూడా ఎవరు చెప్పులు వేసుకుని నడవడానికి వీలు లేదు. అలా కాదని ఎవరైనా గ్రామం లోపల చెప్పులు ధరిస్తే కఠినమైన శిక్షకు అర్హులు అవుతారు . ఎందుకంటే గ్రామస్తులు ద్వారం లోపల గ్రామానికి చెందిన భూమి మొత్తాన్ని ఎంతో పవిత్రమైన స్థలంగా భావిస్తారు. ద్వారం లోపలి భాగాన్ని దేవునికి ఇల్లులా అనుకుంటారు కాబట్టి. గ్రామం రోడ్లపై చెప్పులు వేసుకుని నడవటం వలన దేవుడికి కోపం వస్తుందని వీరి నమ్మకం అని గ్రామస్తులు వెల్లడించారు.

కొసమెరుపు ఏమిటంటే ఈ గ్రామంలో నివసిస్తున్న వృద్దులు మాత్రం మధ్యాహ్నం ఎండలో బయటకు అయినప్పుడు బూట్లు లేదా చెప్పులు ధరించవచ్చు అని గ్రామ పంచాయతీ అనుమతించింది. వృద్దులు కాకుండా వేరే ఎవరైనా చెప్పులు వేసుకుని నడిస్తే ఆ గ్రామపంచాయతీ కఠినంగా శిక్షిస్తే ఉందని,  ఈవిధంగా చెప్పులు లేకుండా గ్రామంలో నడవడం అనేది నాలుగు తరాలుగా జరుగుతుందని ఆ గ్రామ మహిళ అయినా పిచ్చమ్మ వెల్లడించారు.

చాణక్యుడు ఎంతటి మహా జ్ఞానో అందరికీ తెలిసిందే. ఆయన చెప్పిన నీతి సూత్రాలు, ఆరోగ్య సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు. చాణక్య నీతి ప్రతి అంశాన్ని కూడా ఎంతో అద్భుతంగా వివరించింది.

చాణక్య నీతి భర్త భార్యతో ఎలాంటి విషయాలను చెప్పుకోకూడదు అనే దాని గురించి చెప్పారు. ఎట్టి పరిస్థితుల్లోనూ భర్త భార్యకి వీటిని చెప్పడం మంచిది కాదని చాణక్య నీతి అంటోంది. అయితే మరి ఆ విషయాలు ఏమిటి అనేది ఇప్పుడు చూద్దాం.

#1. బలహీనత:

భర్త యొక్క బలహీనత భార్యకి అసలు చెప్పకూడదు. ఒకవేళ భార్యకి భర్త యొక్క బలహీనత తెలిస్తే దాని గురించి పదే పదే భార్య మాట్లాడుతుంది. అలాగే బలహీనత తెలుసు కాబట్టి భర్త దాని నుండి బయట పడాలని ప్రయత్నించినా కూడా అడ్డు పడుతుంది. కాబట్టి భర్తలు ఈ విషయాన్ని భార్యలకు చెప్పకూడదు.

#2. ఆదాయం:

ఆదాయాన్ని కూడా భర్త భార్యకి చెప్పకూడదు. భర్త కనుక భార్యకు ఈ విషయాలు చెబితే అనవసరమైన ఖర్చులు పెడుతుంది భార్య. కనుక దీనిని కూడా ఎప్పుడు చెప్పకూడదు.

#3. అవమానం గురించి:

అవమానం గురించి కూడా భర్త భార్యకి చెప్పకూడదు. ఒకవేళ చెప్తే చులకనగా చూడడం, పదేపదే దాని గురించి మాట్లాడటం చేస్తుంది. కాబట్టి భర్త పొందిన అవమానం గురించి కూడా భర్త భార్య కి చెప్పకూడదు.

#4. సహాయం:

భర్త ఏదైనా సహాయం చేయాలని అనుకున్న కూడా భార్య అడ్డుపడుతుంది. కాబట్టి అతను చేయాలనుకునే సహాయం గురించి కూడా భార్యతో చెప్పడం మంచిది కాదు.

పెళ్లంటే నూరేళ్ళ పంట. ఆ పంట ప్రతిఫలాన్ని నూరేళ్లు అనుభవించాలంటే మాత్రం భార్య భర్తల మధ్య సఖ్యత తప్పనిసరిగా ఉండాలి. భార్య భర్త లిద్దరు కీచులాడుకున్నా, కిచకిచలాడుకున్నా వారిద్దరి మధ్య అన్యోన్యత ఉంటె ఏ సంసారం నావ అయిన తీరం చేరిపోతుంది. అయితే, పెళ్లి అయిన కొత్తలో ఒకరినొకరు అర్ధం చేసుకోవడానికి కొంత సమయం పడుతుంది.

ఒకరి వ్యక్తిత్వాలు ఒకరికి అర్ధం అయిన తరువాత వారిద్దరి మధ్య మరింత ప్రేమ పెరుగుతుంది. అయితే అర్ధం కాకపొతేనే తంటా మొదలవుతుంది. అయితే, ఓ భర్త మాత్రం తన భార్య సంగతి అర్ధం అయ్యాక మనసు విరిగిపోయింది అని చెబుతున్నాడు. తనకేమి చేయాలో తెలియడం లేదని సలహా ఇవ్వాలని కోరుతున్నాడు.. ఈరోజుల్లో.. మహిళా సాధికారత కి, మహిళా అధికార వాంఛ కి మధ్య తేడా ఉండడం లేదు. సాధికారిత పేరిట.. చాలా మంది అమ్మాయిలు తమ హక్కుల్ని దుర్వినియోగం చేస్తున్నారు. భర్త ప్రేమ గా ఉంటున్నా..అధికారం చెలాయించే భార్యలు చాలా మందే ఉన్నారు.

నా భార్య కూడా అలానే ఇబ్బందులు పెట్టేది. దగ్గరికెళ్ళినప్పుడల్లా చిరాకు పడుతూ ఉండేది. అయిన దానికి, కాని దానికి గొడవలు పెట్టుకునేది. ఈ గొడవల వలన ఆమెతో కనీసం మనస్పూర్తి గా కనీసం మాట్లాడలేకపోయేవాడిని. నేను తనను ఎంత ప్రేమ గా చూసుకుంటున్నా తన ఫామిలీ మెంబెర్స్ కి మాత్రం నేను కష్టాలు పెడుతున్నట్లు చెప్పేది. లేని పోనీ అబద్ధాలను అప్పటికప్పుడు అల్లేసేది. దీనితో నాకు మనసు విరిగిపోయింది. ఇలా ఏడాది గడిచిపోయింది.

representative image

ఓ సారి ఆమె తన ఫ్రెండ్స్ ప్రెగ్నంట్ అయ్యారని తెలుసుకుని..తనకు కూడా పిల్లలు కావాలని కోరుకుంది. అప్పటి నుంచి నాకు దగ్గరవ్వాలని ప్రయత్నించేది. తనకి నచ్చినప్పుడు నాకు దగ్గరవడం.. నేను దగ్గరికెళ్తే మాత్రం కసురుకోవడం చేసేది. కొన్ని రోజులకు నాక్కూడా అర్ధం అయిపొయింది. కేవలం పిల్లల కోసమే తాను నా దగ్గరకి వస్తోందన్న సంగతి అర్ధం అయ్యాక మనసు ముక్కలైంది.

మనసు పంచుకోలేనపుడు.. శరీరం పంచుకుని ఏమి లాభం..? బయట అందరితో గొప్పలు చెప్పుకుని.. నా మనసుని మాత్రం అర్ధం చేసుకోలేని మనిషి తో ప్రేమ ను పంచుకోగలనా..? సఖ్యతే లేని మా ఇద్దరికి పిల్లలు పుడితే..వారి పరిస్థితి మరింత అధ్వాన్నం అవుతుంది. డివోర్స్ తీసుకుందామనుకుంటే.. ఆమె ను చూస్తేనే భయమేస్తోంది. ఏ అభాండాలు మీద వేస్తుందో అని.. కుటుంబ పరువు పోతుంది.. నాకు ఏమి చేయాలో తెలియడం లేదు.. ఈ సమస్య నుంచి బయటపడటానికి తగిన పరిష్కారం ఇవ్వగలరు.

Note: Images used in this post are for reference purposes only. They are not the actual characters.

చిన్నప్పుడే తల్లితండ్రులు ఈ అక్క తమ్ముళ్ళని ఓ చిన్నారుల సంరక్షణ కేంద్రంలో వదిలిపెట్టేసారు. వారిని వేర్వేరు దంపతులు దత్తత తీసుకుని పెంచుకున్నారు. వారి పేర్లు కూడా మారిపోయాయి. అలా ఈ అక్క తమ్ముళ్లు ఒకరి నుంచి మరొకరికి దూరం అయ్యారు. దాదాపు 42 సంవత్సరాల తరువాత వీరిద్దరూ కలుసుకున్నారు.

సినిమా స్టోరీని తలపించే వీరి రియల్ స్టోరీ ఏంటో చూసేద్దాం. మేరీ క్యాథరీన్ అనే ఓ మహిళా 1970 లలో బ్లూ మౌంటైన్స్ అనే చిన్నారుల సంరక్షణ కేంద్రం నిర్వహిస్తూ ఉండేవారు. అక్కడకు అయవు, సరస్వతి అనే భార్యాభర్తలు తమ పిల్లలను అప్పజెప్పి వెళ్లిపోయారు.

వారి పేర్లే విజయ, రాజ్ కుమార్‌. అయితే.. రాజ్ కుమార్ ను 1979 లో డానిష్ దంపతులు దత్తతకు తీసుకున్నారు. ఆ తరువాత ఆ అబ్బాయికి క్యాస్పర్ ఆండర్సన్ అని పేరు కూడా మార్చేశారు. అలాగే అతని సోదరి విజయని కూడా అమెరికన్ దంపతులు దత్తత తీసుకున్నారు. ఆమెకు డైయేన్‌ అని పేరు మార్చారు. దత్తత తీసుకునే సమయానికి ఆండర్సన్ చాలా చిన్నవాడు. తనని దత్తత తీసుకున్న ఫ్యామిలీ చాలా బాగా చూసుకున్నారు. కానీ, తాను వారి సొంత కొడుకుని కాదని, తన శరీర రంగుని బట్టి తనకి భారత దేశంలో మూలాలు ఉండి ఉంటాయని బలంగా నమ్మేవాడు.

అయితే.. తనకి ఓ సోదరి ఉందన్న విషయం మాత్రం ఆండర్సన్ కు తెలియదు. చాలా చిన్న వయసులోనే ఆండర్సన్ ను దత్తత తీసేసుకున్నారు. మరోవైపు, డైయేన్‌ కు మాత్రం తనకో సోదరుడు ఉన్నాడు అన్న సంగతి గుర్తుంది. చిన్న వయసులో తన సోదరునితో కలిసి ఫుడ్ ని పంచుకుని తినడం మాత్రం ఆమెకు గుర్తుండేది. ఆండర్సన్ తన ఫ్యామిలీ మూలలను తెలుసుకోవాలని ఓ సారి DNA టెస్ట్ సంస్థకు శాంపిల్ ఇస్తాడు. తన కుటుంబ సభ్యులను కలుసుకోగలుగుతాను అని అతను ముందు అనుకోలేదు. కానీ, ఆ తరువాత అతనికి ఓ ఫోన్ కాల్ వస్తుంది. తన డిఎన్ఏ టెస్ట్ ను 100 % ఓ వ్యక్తి తో మ్యాచ్ అయిందని చెప్పాడు.

అలా మొదటిసారిగా 42 ఏళ్ల తరువాత 2019 లో ఆండర్సన్ తన సోదరి డైయేన్‌ తో మాట్లాడాడు. డైయేన్‌ కొడుకే ఆమె మూలాలు తెలుసుకోవడం కోసం డిఎన్ఏ టెస్ట్ కు ప్రయత్నిస్తాడు. అలా ఈ ఇద్దరు అక్క తమ్ముళ్లు కలుసుకున్నారు. ఆండర్సన్ తన సోదరిని కలిసాక చాలా ఎమోషనల్ అయ్యాడు. సినిమాల్లోనే ఇలా జరుగుతుంది అనుకున్నా… నా తల్లితండ్రులను కలుసుకోవాలి అన్న ఉద్దేశ్యంలో ఉన్న నాకు ఇలా అక్కని కలుసుకుంటా అని ఎప్పుడూ అనుకోలేదు అంటూ ఎమోషనల్ అయ్యాడు.

ఒక కన్నతల్లి తన చిన్నారి బిడ్డ కోసం తనను తాను శారీరకంగా, మానసికంగా దృడంగా ఎలా మలుచుకుంది అనే స్ఫూర్తిదాయకమైన కథ ఇది. ఎంతోమంది తల్లులకు ఈ కదా ఆదర్శంగా నిలవాలని కోరుకుందాం.

ప్రేరణ చదువుకునే రోజుల్లో చాలా నాజూకుగా అందంగా ఉండేది.  ఈ రోజుల్లో బాస్కెట్ బాల్ గేమ్ ఆడటం వల్ల శరీరాన్ని ఫిట్ గా వుంచుకునేది. చదువు పూర్తయిన తర్వాత పెళ్లి చేసుకుని ఆ తర్వాత పిల్లలను కనడం ద్వారా తన శరీరంలో మార్పులు మొదలయ్యాయి.

ప్రేరణకు పాప పుట్టిన తర్వాత 2019లో భర్త ఉన్నత చదువులు కోసం జర్మనీ వెళ్లారు. తన కూతురిని చూసుకుంటూ ప్రేరణ ఇండియాలోనే ఉండిపోయింది. ఒంటరిగా గడపడం వలన అమితంగా ఆహారం తీసుకోవడంతో రెండు సంవత్సరాలలో దాదాపు తొంభై మూడు కిలోల బరువు పెరిగిపోయింది.

అప్పటికీ ఆమె పాప అనైషాకు నాలుగు సంవత్సరాల వయస్సు.  పాప ఒక రోజు వున్నట్టు వుండి తీవ్ర అనారోగ్యానికి గురయ్యింది. అన్ని వైద్య పరీక్షలు చేసిన తర్వాత పాప క్యాన్సర్ ఉందని వైద్యులు తేల్చి చెప్పేశారు.

ఎత్తుకొని ఎన్నో హాస్పిటల్స్ చుట్టూ తిరిగింది. అధిక బరువు కారణంగా ఆయాసానికి విపరీతమైన నడుము నొప్పిని ఎదుర్కొంది . పాప కు చికిత్స చేసి కొంత సమయం ఒడిలోనే కూర్చోబెట్టుకొని ఉండటంతో కండరాలు పట్టేసి వాష్ రూమ్ కి కూడా వెళ్ళలేకపోయేది. దీని కారణంగా నీరు తాగడం తగ్గించింది.. ఇలా చేయడం ద్వారా ప్రేరణ ఆరోగ్యంపై తీవ్ర ప్రభావం పడింది. చికిత్స వలన నీరసపడుతున్న  తన పాప ఆలనాపాలనా చూడడానికి ఎలాగైనా బరువు తగ్గాలని నిర్ణయించుకుంది. సాధారణ ఆహార అలవాట్లలో మార్పులు చేసుకుంది. పాపకు కీమోథెరపీ చేసిన తర్వాత నిద్రపుచ్చి ఆ చిన్న లైట్ వెలుతురులోనే వర్కవుట్ చేయడం మొదలు పెట్టింది.

తన వర్కౌట్  షెడ్యూల్ని మార్పులు చేసుకుంటూ వచ్చింది. రోజుకు 4 లీటర్ల వరకు నీరు తీసుకునేది.లిఫ్ట్ కి బదులుగా మెట్టు మార్గం వేయిన్చుకునేది. ఇలా పది నెలల కాలంలో 20 కేజీల బరువు తగ్గింది. నాలుగు అడుగులు కూడా వేయలేకపోయిన ప్రేరణ ఇప్పుడు 4,5 కిలోమీటర్లు సునాయాసంగా నడవగలను ఉంటుంది. ఈ విధంగా తన శారీరక సామర్థ్యాన్ని పెంపొందించుకుని తన పాపని ఎత్తుకొని ఎంత సేపు అయిన ఉండగలనా అంటోంది. ఇలా ఉత్సాహంగా  ఉంటూ పాపను చూసుకోవడం ద్వారా పాప ఆరోగ్యం మెరుగు పడింది. క్యాన్సర్ వ్యాధి నుంచి బయట పడింది. తన చిన్నారి పాప కోసం ప్రేరణ అధిక బరువు తగ్గించుకోవడంలో సక్సెస్ సాధించింది. ఇంకో రెండు మూడు నెలల్లో ఇంకాస్త బరువు తగ్గుతాను అంటూ ఎంతో మందికి స్ఫూర్తిగా నిలుస్తోంది.

This article sourced from: ఈనాడు 

భార్య భర్తల బంధం అనేది ఎంతో అపురూపమైనది. ఎన్ని కష్టాలు వచ్చినా ఒకరితో ఒకరు తోడుంటూ జీవితాన్ని కొనసాగించడమే నిజమైన భార్య భర్తల సంబంధం.

ఇలాంటిదే ఒక కథ సోషల్ మీడియాలో హల్చల్ చేస్తోంది. అతనికి వచ్చిన కొద్దిపాటి ఆదాయంతోనే భార్యను ఉన్నత చదువులు చదివించారు. ప్రేమించి పెళ్లి చేసుకున్న భార్య ఏదో విషయం మీద దిగులుగా ఉందనే విషయాన్ని గమనించాడు. తమ 8 వ పెళ్లి రోజు కానుకగా ఒక అద్భుతమైన బహుమతిని భార్యకు ఇచ్చి  ఆశ్చర్యపరిచాడు

అనీష్  ఒక ప్రైవేట్ సంస్థలో ఉద్యోగం చేస్తుండగా రజితను ప్రేమించాడు. పెద్దలను ఒప్పించి వివాహం చేసుకుందామని వీరిరువురు నిర్ణయించుకున్నారు. అనీష్ కుటుంబం వారు ఒప్పుకున్నా, రజిత కుటుంబ వారి పెళ్ళికి నిరాకరించారు.

చివరకు రజిత కుటుంబవారు ఒక షరతు మీద వీరి పెళ్లి జరగడానికి ఒప్పుకున్నారు. ఎలాంటి పెళ్లి ఆచారం లేకుండా కట్టుబట్టలతో తీసుకెళ్ళమని అనీష్ కుటుంబాన్ని కోరారు. వరుడు అనీష్ బంధువులు మరియు స్నేహితుల సమక్షంలో చాలా సాధారణంగా డిసెంబర్ 29 2014 లో  వివాహం చేసుకున్నారు.

అనీష్ కి వచ్చే కొద్దిపాటి ఆదాయంతోనే రజితను ఉన్నత చదువులు చదివించారు. భర్త ఆసరాతో రజిత కామర్స్ లో పీహెచ్డీ చదువులు పూర్తి చేసింది. ప్రేమించి ఇష్టపడి పెళ్లి చేసుకున్నా అనీష్, భార్యలో ఏదో అసంతృప్తి కల్పిస్తున్నట్లు గమనించాడు. ఏదైనా పెళ్లి వేడుకలో పాల్గొన్న భార్య మొహంలో ఒక చింత కనిపించేది అనీష్ కి.  తమ పెళ్లి అంత సాదాసీదాగా జరిగిపోవడం విధిరాత అని అనుకుంటూ ఉండేది రజిత.

రజిత కి వధువుగా అలంకరించుకోవాలి అనే కోరిక ఉండేది. వారి పెళ్లి రోజున తీసిన ఫోటోలు వీడియోలులో రజిత అన్నిటిలోనూ విచారంగానే కనిపించింది. ఇది చూసిన అనీష్ కు ఎంతో బాధగా అనిపించి తమ 8వ పెళ్లి రోజును వారే ఎప్పటికీ మర్చిపోకూడదు అని నిర్ణయించుకున్నాడు అనీష్.

తమ 7 ఏళ్ల కుమార్తె అమ్ము సాక్షిగా పెళ్లినాటి ప్రమాణాలు చేస్తూ వెడ్డింగ్ ఫోటోషూట్ ను ఏర్పాటు చేశారు. అనీష్ రజిత వధూవరులుగా ముస్తాబయ్యారు. అట్టుకల్ దేవాలయం, శంకుముఖం బీచ్ తో సహా అనేక ప్రదేశాలలో ఫోటోషూట్ జరిగింది. ఈ ఫోటోలు డిజిటల్ ఆల్బమ్ గా మారింది. ఈ సారి ఫోటోలో ప్రత్యేకత ఏంటంటే “రజిత ముఖం చిరునవ్వుతో” వెలిగిపోయింది. భార్య కలను నెరవేర్చిన ఈ భర్త ఎంత గొప్పవాడో కదా..